ᓯᓚᕐᔪᐊᖅ ᐃᓄᒋᐊᒃᓯᕗᖅ ᑕᐅᓂ ᐱᑕᖃᖏᓕᖅᑎᓪᓗᒍ ᐊᒻᒪ ᐱᑎ

by Darrell Greer- October 23, 2017

ᐊᕐᕌᒍᖅ 2017 ᐊᒃᓱᕈᕐᓇᖅᓯᒪᓕᐊᓂᒃᐳᖅ ᑭᕙᓪᓕᕐᒥᐅᓄᑦ ᑐᓴᕐᓂᕈᓱᒃᑐᓄᑦ ᑕᒪᒃᑯᓂᖓ Chuck Berry, Gregg Allman ᐊᒻᒪ Butch Tracks ᑖᒃᑯᓇᓂ ᐃᓐᖏᖅᑎ Allman Brothers Band, Black Sabbath’s Geoff Nichols ᐊᒻᒪ Chris Cornell ᑕᐃᑲᓂᒥᐅᑕᖅ Soundgarden, ᑭᓯᐊᓂ ᐊᒃᓱᕈᕆᐊᓪᓚᓚᐅᖅᐳᒍᑦ ᑐᖁᓚᐅᖅᑎᓪᓗᒋᑦ Tom Petty ᐊᒻᒪ Gord Downie.

Petty ᖃᐅᔨᒪᔭᐅᓯᒪᕗᖅ ᐱᑦᓯᐊᖏᓐᓇᖃᑦᑕᕐᓂᖓᓄᑦ ᑎᑕᒃᑎᐅᖃᑕᐅᓪᓗᓂ ᓂᐱᖁᖅᑐᔪᓄᑦ ᕌᒃ.

ᐊᔪᖏᑦᓯᐊᓚᐅᖅᖢᓂ ᑕᐃᒪᓐᓇᐃᑦᑐᓂᒃ ᑐᓴᕐᓈᖅᑎᑦᓯᓂᕐᒧᑦ, Petty ᐃᓅᓚᐅᖅᓯᒪᕗᖅ Gainesville, Flaᒥ, ᐃᓕᓐᓂᐊᕐᕕᒡᔪᐊᒥᑦ ᐃᓕᓐᓂᐊᖅᑕᒥᓂᒃ ᓄᖅᑲᓚᐅᖅᓯᒪᑉᓗᓂ ᐃᓅᓱᒃᑑᑉᓗᓂ ᑐᓴᕐᓈᕈᑎᓕᕆᒍᒪᑉᓗᓂ ᑖᒃᑯᓂᖓ ᐱᖃᑎᖃᖅᖢᓂ Mudcrutch. Petty ᖃᐅᔨᔭᐅᕙᓪᓕᐊᓕᓚᐅᖅᓯᒪᑉᓗᓂ 1975ᒥ ᐋᖅᑭᒃᓯᓚᐅᖅᓯᒪᑉᓗᓂ Tom Petty and the Heartbreakers ᐱᖃᓐᓇᑐᖃᓂᓗ ᑯᑭᑦᑕᐹᖅᑎ Mike Campbell.

ᓂᐱᓕᐅᓚᐅᖅᑕᖏᑦ ᒪᕐᕈᒃ ᐱᖓᓱᓂᒃ ᐊᑕᐅᓯᕐᒥᒃ ᐃᓐᖏᐅᓯᕐᒥᒃ ᐃᓐᖏᓚᐅᖅᐳᑦ ᑖᒃᑯᐊ ᑎᑕᒃᑎᖏᑦ ᖃᐅᔨᒪᔭᐅᓕᖅᖢᑎᒡᓗ ᐱᖓᔪᖓᓂ ᓂᐱᓕᐅᖅᖢᑎᒃ Damn the Torpedoes, ᓯᓚᕐᔪᐊᒥ ᖃᐅᔨᒪᔭᐅᓕᖅᖢᑎᒃ ᓂᐅᕕᐊᕆᔭᐅᑉᓗᑎᒡᓗ ᓂᐱᓕᐅᖅᑕᖏᑦ 2 ᒥᓕᔭᓂᒃ ᓂᐱᖁᑎᓂᒃ.

ᑲᔪᓯᖏᓐᓇᖅᖢᑎᒡᓗ ᐱᕙᓪᓕᐊᓂᖏᑦ ᐱᑎ, ᐊᑎᖃᖅᓗᑎᒃ Traveling Wilburys (Petty, George Harrison, Roy Orbison, Bob Dylan ᐊᒻᒪ Jeff Lynne)

ᓂᐱᓕᐊᒥᓂᒃ ᐱᒋᐊᕈᑎᖃᓚᐅᖅᐳᑦ 1988-ᒥ. ᐱᑎ ᐊᑕᐅᓯᐅᑉᓗᓂ ᐃᓐᖏᖅᖢᓂ 1989-ᒥ, Full Moon Fever, ᕿᑉᓕᖅᑕᖑᖅᖢᓂ ᓂᐅᕕᖅᑎᑦᓯᓚᐅᖅᖢᑎᒡᓗ ᓂᐱᓕᐊᖏᓐᓂᒃ 3 ᒥᓕᔭᓂᒃ.

ᑲᔪᓯᑦᓯᐊᕋᓗᐊᖅᑎᓪᓗᒋᑦ ᑮᓇᐅᔭᓕᐅᑦᓯᐊᖅᖢᑎᒡᓗ, ᐱᑎ ᐱᒻᒪᕆᐊᓘᒍᒪᓚᐅᖏᑉᐳᖅ ᐱᖃᓐᓇᑦᓯᐊᕙᐅᑉᓗᓂᓗ, ᑖᒃᑯᓂᖓᓗ ᐱᖃᑎᒥᓂᒃ ᐱᕈᖅᓴᖃᑎᖃᖅᓯᒪᑉᓗᓂ.

ᑐᓴᕐᓂᑦᓯᐊᖅᑐᓂᒃ ᑎᑕᒃᑎᐅᑉᓗᑎᒃ ᐱᖃᓐᓇᖃᓕᑲᐅᑎᒋᔪᓐᓇᖅᖢᓂᓗ ᑕᐃᒪᓐᓇ ᐱᖃᓐᓇᓪᓚᕆᖕᒥᖕᓂᒃ ᑐᖁᔪᖃᕋᓱᒋᑦᓯᔪᔮᓚᐅᖅᐳᑦ ᐃᓄᐃᑦ ᐱᑎ ᑐᖁᓚᐅᕐᒪᑦ ᐊᒃᑐᐱᕆ 2-ᒥ.

ᖁᐊᖅᓵᕐᓇᓕᓚᐅᖅᖢᓂ ᐱᑎ ᑐᖁᖕᒪᑦ ᓱᓕ ᐃᖅᑲᐅᒪᔭᐅᑲᑕᒃᑎᓪᓗᒍ ᒍᐊᑦ ᑕᐅᓂ Tragically Hipᑯᓐᓂ ᑎᑕᒃᑎ, ᑐᖁᓚᐅᕆᑉᓗᓂ ᐊᒃᑐᐱᕆ 17−ᒥ ᐊᕐᕌᒍᓗᒃᑖᒥ ᖃᕆᑕᖓᒍᑦ ᑳᓐᓱᖃᖅᖢᓂ.

ᑖᒃᑯᐊ ᑎᑕᒃᑕᖏᑦ, ᑲᓇᑕᒥᐅᑕᐅᑉᓗᓂ ᐃᓐᖏᐅᓯᖏᑦ, ᖃᐅᔨᒪᔭᐅᑦᓯᐊᓚᐅᖅᐳᑦ ᑲᓇᑕᒥᐅᓄᑦ ᓯᓚᕐᔪᐊᒥᐅᓄᓪᓗ.

ᑕᐅᓂ ᐃᑲᔪᖅᑐᐃᓚᐅᕐᒪᑦ ᓄᓇᖃᖅᑳᖅᓯᒪᔪᓂᒃ ᓄᓇᓕᖕᓂ ᐅᑭᐅᖅᑕᖅᑐᒥ ᐅᐱᒋᔭᐅᑦᓯᐊᓚᐅᖅᖢᓂᓗ ᐊᒥᓱᓄᑦ ᓇᓂᑐᐃᓐᓇᖅ ᓄᓇᖃᖅᑳᖅᓯᒪᔪᓄᑦ, ᐱᓗᐊᖅᑐᒥᒃ ᐱᓕᕆᐊᖃᓚᐅᕐᒪᑦ ᐃᓕᓐᓂᐊᕆᐊᖅᐸᓚᐅᖅᑐᒥᒃ ᐃᖅᑲᐅᒪᑉᓗᓂ ᐊᑎᖃᖅᖢᓂ, Secret Path, ᐅᐱᒋᓪᓗᓂᐅᒃ ᐅᑭᐅᖃᖅᑐᖅ 12-ᓂᒃ ᐃᖅᑭᓕᖅ Ojibwe (Anishinaabe) ᐊᖑᑦ, Chanie Wenjack, ᕿᒪᒃᓯᓚᐅᖅᓯᒪᔪᖅ ᐃᓕᓐᓂᐊᕆᐊᖅᓯᒪᕕᖕᒥᓂᑦ Cecilia Jeffrey Residential Indian School, ᑕᐃᑲᓂ Kenora, Ont.ᒥ, 1966-ᒥ ᐊᒻᒪ ᑐᖁᓚᐅᖅᖢᓂ ᐱᓱᒐᓱᐊᖅᖢᓂ ᐅᖓᓯᖕᓂᖃᖅᑐᒧᑦ 600 ᑭᓛᒥᑕᓂᒃ ᐊᖏᕐᕋᐅᓇᓱᐊᖅᖢᓂ ᓄᓇᒥᓄᑦ , Marten Falls First Nation (Ogoki Post).

ᑕᒪᒃᑯᐊ ᑮᓇᐅᔭᓕᐅᕈᑕᐅᔪᖅ ᓂᐱᓕᐅᖅᓯᒪᔭᖓᓄᑦ ᑎᑎᕋᐅᔭᖅᓯᒪᔪᓄᓪᓗ ᑮᓇᐅᔭᓕᐊᑦ ᑐᓂᔭᐅᓂᐊᖅᐳᑦ ᑲᓇᑕᒥ ᑭᒡᓕᓯᓂᐊᖅᑎᓄᑦ ᓯᓚᑦᑐᖅᓴᕐᕕᒡᔪᐊᖓᓂ ᒫᓂᑑᐸ.

ᑕᐅᓂ ᐅᐱᒋᔭᐅᓚᐅᖅᐳᖅ ᑕᐃᒪᓐᓇ ᐃᑲᔪᕐᓂᖃᓚᐅᕐᓂᖓᓄᑦ ᐱᕙᓪᓕᐊᑎᑦᓯᓂᖓᓄᑦ ᑲᑎᒪᕐᔪᐊᖅᑎᓪᓗᒋᑦ ᐃᖅᑭᓕᑦ Assembly of First Nations ᑎᓴᐱ 6, 2016ᒥ, ᐊᑦᓯᖅᑕᐅᓚᐅᖅᖢᓂᓗ ᓚᑯᑕᒥᐅᑦ ᐅᖃᐅᓯᖏᑦᑎᒍᑦ, Wicapi Omani (ᐅᓪᓗᕆᐊᓂᒥᐅᑕᐅᖃᑕᐅᔪᖅ).

ᑲᓇᑕᒥᐅᑕᓪᓚᕆᒃ, ᑕᐅᓂ ᐊᒥᓱᓄᑦ ᖃᐅᔨᒪᓚᐅᓚᐅᖅᐳᖅ ᑐᓴᕐᓈᖅᑎᐅᓂᖓᓄᑦ ᐃᓐᖏᖅᑎᐅᓂᖓᓄᓪᓗ ᑎᑕᒃᑎᐅᓂᖓᓄᑦ ᑲᑎᖓᑎᑦᓯᖁᔨᒃᑲᐅᓂᖓᓄᓪᓗ ᑲᓇᑕᒥᐅᓂᒃ. ᑭᖑᓂᖃᓪᓚᕆᖕᓂᐊᖅᐳᖅ.

“ᐊᑕᐅᓯᖑᕆᐊᖃᖅᐳᒍᑦ. ᐱᓱᖃᑎᒌᒡᓗᑕ ᐃᓱᒪᒋᔪᓐᓃᖃᑦᑕᐅᑎᓗᑕ ᑕᒡᕙᖓᑦ ᐱᒋᐊᕐᓗᑕ, ᑲᑎᖓᑦᓯᐊᕐᓗᑕ ᑕᐃᒪᖓᓗᒃᑖᖅ.” − ᒍᐊᑦ ᑕᐅᓂ, ᑎᓴᐱᕆ 6, 2016.

Leave a Comment:

Your email address will not be published. Required fields are marked *