ᐋᒍᔅᑎᒥ, ᓄᓇᕗᒻᒥ ᑐᓴᒐᒃᓴᓕᕆᔨᒃᑯᑦ ᓯᕗᓪᓕᖅᐹᒥ ᐅᓂᒃᑳᕆᓚᐅᖅᐳᑦ ᐃᖃᓗᖕᓂ ᐆᒪᔪᓂᒃ ᑎᒍᐊᖑᔪᓂᑦ ᓴᐳᔾᔨᕕᒃ (IHS) ᐱᔭᕆᐊᖃᓪᓚᕆᓛᓕᕐᓂᖏᓐᓂ ᓄᑖᖑᔪᒥ ᐊᖏᕐᕋᒃᓴᕆᓂᐊᖅᑕᖓᓂ. 

ᖃᐅᔨᒪᔭᐅᓪᓗᓂ ᓄᓇᕗᒻᒥ ᐆᒪᔪᓂᒃ ᑎᒍᐊᖑᔪᓂᑦ ᓴᐳᔾᔨᕕᐅᓂᖓᓂ, ᑲᑐᔾᔨᖃᑎᒌᑐᐊᖑᕗᖅ ᑕᐃᒪᐃᑦᑑᓂᖓᓂ ᓄᓇᕗᒻᒥ, ᐊᒻᒪ ᐱᔨᑦᑎᕋᕐᓂᖃᖅᓯᒪᕗᖅ ᐱᔭᕆᐊᖃᕐᓂᐅᔪᓄᑦ ᐱᔭᐅᔪᒪᙱᑦᑐᓄᑦ ᐊᒻᒪ ᐃᒃᓯᓐᓇᖅᑕᐅᔪᓂ ᐆᒪᔪᓂᑦ ᑕᐃᒪᙵᓂ 2007-ᒥ.

ᐊᔾᔨᐸᓗᐊᓂ ᐊᒃᓱᕈᕐᓂᖃᖅᐳᑦ ᑕᐃᒃᑯᓄᖓ ᐆᒪᔪᓂᒃ ᑎᒍᐊᖑᔪᓂᑦ ᓴᐳᔾᔨᕕᐅᔪᓂᑦ ᑲᓇᑕᓕᒫᒥ, ᑮᓇᐅᔭᖃᖅᑎᑕᐅᓂᐅᔪᓄᑦ ᓂᕈᐊᒐᒃᓴᐅᔪᓂ ᑭᒡᓕᖃᖅᑎᑕᐅᓪᓗᑎᒃ, ᐊᒻᒪᓗ ᑎᑭᔾᔮᓇᑎᒃ ᓄᓇᓕᐅᔪᓂ ᓄᓇᕗᒻᒥᓪᓘᓐᓃᑦ ᓇᑭᙶᕐᓂᐅᔪᓄᑦ, ᐊᑲᐅᙱᓕᐅᕈᑕᐅᔪᖅ ᐊᒃᑐᐃᓪᓚᕆᓲᖑᑎᓪᓗᒍ ᑕᒪᒃᑭᓂ ᓄᓇᓕᐅᔪᓂ ᐊᒻᒪᓗ ᓄᓇᕗᓕᒫᒧᑦ.

ᐆᒪᔪᓂᒃ ᑎᒍᐊᖑᔪᓂᑦ ᓴᐳᔾᔨᕕᒃ ᑐᓂᓯᓲᖑᕗᖅ ᐊᖏᕐᕋᕆᔭᐅᓚᐅᑲᖕᓂᐊᖅᑐᒥ ᐊᒥᓱᓄᑦ ᐆᒪᔪᓄᑦ ᐃᒋᑕᐅᑐᐃᓐᓇᕋᔭᓚᐅᖅᑐᓄᑦ, ᐅᖃᕐᔪᐊᕌᓗᙱᓪᓗᓂ. ᐱᓕᕆᓂᖅ ᐱᖃᓐᓇᕆᔭᒥ ᐆᒪᔪᓄᑦ ᐅᓄᓗᐊᕐᓂᐅᔪᓄᑦ ᐱᓕᕆᐊᖑᔭᕆᐊᖃᓲᖑᕗᑦ ᐋᓐᓂᕐᓇᕐᔪᐊᖅᑐᒥ ᐱᓕᕆᓂᐅᔪᒥ ᐊᔪᕐᓇᙱᓐᓂᐅᔪᒥ. ᐅᓇ ᐊᑯᓂᐅᔪᒥ ᓱᓕᓂᐅᕗᖅ ᒥᑭᓐᓂᖅᓴᐅᔪᓂ ᓄᓇᓕᐅᔪᓂ ᐅᑭᐅᖅᑕᖅᑐᒥ, ᐊᒻᒪᓗ ᐆᒪᔪᓂᒃ ᑎᒍᐊᖑᔪᓂᑦ ᓴᐳᔾᔨᕕᐅᔪᑦ ᐊᐅᓚᑦᑐᓂ ᓄᓇᕗᒻᒥ ᐊᖓᔪᖅᑳᖃᕐᕕᖓᓂ ᖃᖓᑕᓲᒃᑰᖅᑎᑦᑎᓲᓂ ᒥᑭᓐᓂᖅᓴᐅᔪᓂ ᓄᓇᓕᖕᓂ ᐊᖏᕐᕋᐅᔪᓄᑦ ᐊᖏᓂᖅᓴᓄᑦ ᐱᓕᕆᕝᕕᐅᔪᓄᑦ ᐅᕝᕙᓘᓐᓃᑦ ᐱᓕᕆᖃᑕᐅᔪᓄᑦ ᑲᑐᔾᔨᖃᑎᒌᖑᔪᓄᑦ ᖃᓪᓗᓈᑦ ᓄᓇᖓᓐᓂ ᐱᓪᓚᕆᐅᕗᑦ ᐱᑎᑦᑎᑦᑕᐃᓕᒪᓂᕐᒧᑦ ᑐᖁᕋᖅᑕᐅᓂᐅᔪᓄᑦ ᐅᑯᓇᙵᑦ ᐆᒪᔪᓂᑦ. 

ᕿᑐᕐᙱᓱᐃᖅᑕᐅᕕᓂᑦ ᐆᒪᔪᓄᑦ ᐊᑐᐃᓐᓇᐅᑎᑕᐅᔪᑦ ᐊᒻᒪ ᐊᐅᓚᑕᐅᓪᓗᑎᒃ ᐃᖃᓗᖕᓂ ᐆᒪᔪᓂᒃ ᑎᒍᐊᖑᔪᓂᑦ ᓴᐳᔾᔨᕕᖕᒧᑦ “ᐊᖏᔪᐊᓗᖕᒥ” ᒥᒃᖠᒋᐊᖅᑕᐅᓯᒪᕗᖅ ᐅᓄᕐᓂᐅᔪᓂ ᕿᒻᒥᓂᑦ ᐊᐅᓪᓚᖅᑎᑕᐅᕙᒃᑐᓂ ᐃᖃᓗᖕᓄᑦ ᐊᒻᒪ ᐊᑕᐅᓯᑐᐊᖑᕗᖅ ᐊᒥᓱᓂ ᑮᓇᐅᔭᖃᖅᑎᑕᐅᓂᐅᔪᒥ ᐱᔭᕆᐊᖃᕐᓂᐅᔪᓄᑦ.

ᒫᓐᓇᐅᔪᒥ ᐆᒪᔪᓂᒃ ᑎᒍᐊᖑᔪᓂᑦ ᓴᐳᔾᔨᕕᐅᔪᖅ Go Fund Me ᑮᓇᐅᔭᓂᒃ ᐱᕈᖅᑎᑦᑎᓇᓱᐊᕐᓂᖃᖅᐳᑦ ᐱᓕᕆᓂᐅᔪᒥ ᑭᐅᓂᕐᒧᑦ ᐃᓕᒃᑯᐊᒥ ᑮᓇᐅᔭᖃᖅᑎᑕᐅᓂᐅᔪᒥ ᐱᔭᕆᐊᖃᖅᑕᖏᓐᓂ – ᐱᒻᒪᕆᐅᓛᖑᔪᖅ ᐅᑯᓇᙵᑦ ᓄᑖᒥᒃ ᐃᒡᓗᕐᔪᐊᒥᒃ ᐃᓇᖏᖅᓯᓂᕐᒧᑦ ᐅᖃᐅᓯᐅᔪᒥ ᐃᒍᑦᑎᖅᑕᐅᓂᐊᖅᑐᒥ ᐅᐱᕐᙶᒥ ᐊᐅᔭᒥᓪᓘᓐᓃᑦ 2021-ᒥ. ᐅᖁᖃᐃᓐᓇᖅᑐᒥ ᐊᑲᐅᙱᓕᐅᕈᑕᐅᔪᑦ ᒪᑐᓯᑐᐃᓐᓇᕈᓐᓇᕈᓂ, ᐃᓂᒃᓴᖃᙱᓗᐊᕐᓂᖓᓂ ᐊᓂᑎᑦᑎᓇᔭᓚᐅᖅᐳᖅ ᓴᐳᔾᔨᕕᐅᔪᒥ ᖃᖓᒃᑲᓐᓂᐅᔪᒥ.

ᑐᓴᒐᒃᓴᓕᐅᕆᐊᖃᕐᓂᕐᒥ ᐱᕈᖅᑎᑦᑎᓯᒪᕗᑦ ᐅᓄᕐᓂᖅᓴᐅᔪᓂ $100,000-ᓂ ᑐᓐᓂᖅᑯᓯᐊᖑᔪᓂ ‘ᒥᓕᐊᓐᑐᖅᑐᒥ ᐱᓕᕆᐊᒃᓴᐅᔪᒥ’ ᑕᐃᑯᖓ ᓄᑖᖑᔪᒧᑦ ᐃᒡᓗᕐᔪᐊᒃᓴᒧᑦ.

ᑐᒃᓯᕋᖅᓯᒪᒋᕗᑦ ᐅᑭᐅᖅᑕᖅᑐᒥ ᑲᔪᖏᖅᓴᐃᓂᕐᒧᑦ ᓵᓚᖃᐅᓯᐊᒃᓴᒧᑦ, ᐱᓕᕆᓂᑐᐃᓐᓇᐅᙱᑦᑐᒥ ᓴᐳᔾᔨᕕᐅᔪᒥ ᒪᑭᒪᑎᑕᐅᓂᖓᓂ, ᑭᓯᐊᓂ ᐋᖅᑭᒃᑕᐅᓂᖓᓄᑦ ᐃᓗᐃᑦᑑᔪᒧᑦ ᓇᖕᒥᓂᕆᔭᐅᓂᖓᓂ ᐊᑐᐃᓐᓇᖃᖅᑐᒥ ᐱᔨᑦᑎᕋᕐᓂᐅᔪᓂ ᓲᕐᓗ ᑭᐱᔭᐅᓂᐅᔪᓄᑦ ᐱᐅᓯᑎᑕᐅᓂᖏᓐᓄᑦ, ᐱᓕᒻᒪᒃᓴᐃᓂᕐᒧᑦ, ᑐᔪᕐᒥᓂᖏᓐᓄᑦ, ᐊᒻᒪ ᐃᓕᓐᓂᐊᖅᑎᑦᑎᓂᕐᒧᑦ ᐱᕕᒃᓴᖃᕐᓂᐅᔪᓂ ᐃᓕᓐᓂᐊᕐᕕᓄᑦ ᑲᑎᙵᓂᐅᔪᓄᑦ. ᑕᒪᒃᑭᓕᒫᑦᑎᐊᑦ ᐱᔭᕆᐊᖃᖅᖢᑎᒃ ᐱᔨᑦᑎᕋᕐᓂᐅᕗᑦ ᓴᐳᔾᔨᕕᐅᔪᒧᑦ ᐱᓕᕆᑦᑎᐊᕋᓱᐊᖅᐸᒃᑐᓄᑦ ᑕᐃᒃᑯᓄᖓ ᓂᐱᖃᙱᑦᑐᓄᑦ ᐃᒻᒥᖕᓄᑦ. ᐊᐃᑦᑖᖑᒐᓗᐊᖅ, ᑕᐃᒃᑯᐊ ᐱᔭᐅᔭᕆᐊᖃᖅᑐᑦ ᐱᑕᖃᙱᒻᒪᑕ ᒥᓪᓗᐊᕈᑎᐅᑉ ᐃᓗᐊᓂ. ᑲᒪᓇᕐᔪᐊᖅᑐᓂ ᐅᓄᕐᓂᐅᔪᓂ ᐊᑭᑦᑐᕋᐅᑎᔪᓂ ᐱᔭᕆᐊᖃᕐᓂᐅᔪᓄᑦ ᓄᓇᕗᒻᒥ ᐱᖃᖅᑐᒥ 29 ᐳᓴᓐᑎᒥ ᐊᔪᖅᓴᕐᓂᕐᒧᑦ ᐅᓄᕐᓂᐅᔪᒥ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐃᓚᑰᓂᐅᔪᓂ ᐱᕈᖅᐸᓪᓕᐊᖏᓐᓇᖅᑐᒥ ᓱᒃᑲᔪᐊᓗᖕᒥ ᐃᓱᒪᒋᓇᒍ ᑮᓇᐅᔭᓕᒫᑦ ᐊᑐᖅᑕᐅᔪᓄᑦ ᒪᑐᔭᐅᓂᖓᓄᑦ.

ᑲᒻᐸᓂᐅᔪᑦ ᓲᕐᓗ ᑲᓇᐃᑎᐊᓐ ᓄᐊᑦ, ᑕᐃᒪᙵᓕᒫᖅ ᖃᖓᑕᓲᒃᑰᖅᑎᑦᑎᕙᒃᑐᓂ ᕿᒻᒥᓂᑦ ᓄᓇᓕᐅᔪᓂ ᐃᖃᓗᖕᓄᑦ ᐊᑭᖃᕐᓇᓂ ᐆᒪᑎᑦᑎᓯᒪᕐᔪᐊᖅᓯᒪᕗᑦ ᐃᖃᓗᖕᓂ ᐆᒪᔪᓂᒃ ᑎᒍᐊᖑᔪᓂᑦ ᓴᐳᔾᔨᕕᖕᒧᑦ, ᑭᓯᐊᓂ ᐊᒥᓱᓄᑦ ᖃᓂᒻᒪᓐᓇᐅᔪᒥ-ᐱᔾᔪᑎᓕᖕᓄᑦ ᓇᓗᓇᕐᓂᐅᔪᒥ ᓵᙵᓂᐅᔪᒥ ᐅᑯᓂᖓ ᐅᑭᐅᖅᑕᖅᑐᒥ ᖃᖓᑕᓲᖅᑎᐅᔪᓄᑦ ᑕᐃᓐᓇ ᐃᑲᔪᖅᓱᐃᓂᖅ ᐅᓗᕆᐊᓇᖅᑐᒦᑦᑐᓐᓇᖅᐳᖅ.

ᑭᒡᓕᖃᖅᑐᒥ ᐃᓂᒃᓴᖃᖅᐳᖅ – ᓯᕗᓂᐊᓂ ᐊᐱᖅᓱᖅᑕᐅᓂᐅᔪᓂ, ᐊᖓᔪᖅᑳᖑᔪᖅ ᐃᖃᓗᖕᓂ ᐆᒪᔪᓂᒃ ᑎᒍᐊᖑᔪᓂᑦ ᓴᐳᔾᔨᕕᖕᒧᑦ ᔭᓂᐅᓪ ᑲᓇᑎ ᐅᖃᓚᐅᖅᐳᑦ 3-7-ᓂ ᓄᑖᓂ ᐆᒪᔪᓂᒃ ᑎᒍᐊᖑᔪᓂᑦ ᓴᐳᔾᔨᕕᖕᒧᐊᖅᑕᐅᕙᒃᐳᑦ ᐱᓇᓱᐊᕈᓯᑕᒫᒥ.

“ᐊᑯᓂᐅᓂᖃᑐᐃᓐᓇᖅᐳᖅ ᐱᓯᒪᑦᑎᒍᓐᓇᕐᓂᑦᑎᓐᓂ ᐆᒪᔪᒥᒃ ᖃᓄᐃᓕᐅᕆᐊᖃᓕᕐᓂᑦᑎᓐᓂ ᐊᓯᐊᒎᖅᑐᒥ. ᑐᑭᓯᑎᑦᑎᓇᓱᐊᓲᖑᕗᒍᑦ ᐃᓄᖕᓂ ᐱᑕᖃᙱᒃᑯᑦᑕ, ᐊᓯᐊᒎᕐᓂᐅᔪᖅ ᐱᐅᙱᓐᓂᖅᓴᒻᒪᕆᐅᕗᖅ.”

ᖃᐅᔨᒪᙱᖦᖢᓂ ᓈᒻᒪᒃᑐᓂ ᑮᓇᐅᔭᖃᕐᓂᐊᕐᓂᖓᓂ ᐋᒃᑲᓘᓐᓃᑦ ᐹᕗᑦ ᒪᑐᐃᖓᑏᓐᓇᕐᓂᕐᒧᑦ ᑕᖅᑭᑕᒫᒥ ᓇᒡᓕᒃᓵᕐᓂᐅᕗᖅ ᑭᓇᑐᐃᓐᓇᒧᑦ ᐊᑐᖅᑕᐅᔪᒃᓴᐅᙱᓚᖅ ᓴᐳᔾᔨᕕᐅᔪᒧᑦ ᑐᕌᖓᑎᑦᑎᕙᒃᑐᒥ ᐃᒻᒥᖕᓂᒃ ᑐᕌᖅᑎᑦᑎᕐᔪᐊᖅᐸᒃᑐᓄᑦ ᐃᑲᔪᕐᓂᕐᒧᑦ ᐊᐅᓚᑕᐅᔪᓐᓇᐃᓪᓕᓇᔭᓚᐅᖅᑐᒥ ᖃᓄᐃᓐᓂᐅᔪᒥ.

ᐆᒪᔪᓂᒃ ᑎᒍᐊᖑᔪᓂᑦ ᓴᐳᔾᔨᕕᒃ ᐱᔭᕆᐊᖃᖅᐳᖅ ᐃᑲᔪᖅᓱᐃᓂᓗᒃᑖᓂ ᑐᓂᔪᓐᓇᖅᑕᑦᑎᓐᓂ.

Advertisement