ᑲᓇᑕᐅᑉ ᐃᖅᓯᓇᓛᖓ ᐃᓂᐅᔪᖅ ᒪᑐᐃᖅᐳᖅ ᐱᓕᕆᓂᕐᒧᑦ

63

ᐃᓚᖏᑦ ᐃᓄᐃᑦ ᐃᖅᑲᓇᐃᔭᖅᐸᒃᑐᑦ ᖁᕕᐊᓱᖕᓇᑎᒃ ᑎᑎᕋᕐᕕᓂ ᐊᕕᒃᑐᖅᓯᒪᐅᖅᑐᓄᑦ ᑕᑯᑐᐃᓐᓇᕆᐊᖃᖅᐳᑦ ᓇᖕᒥᓂᖃᕐᓂᕐᒥ ᐋᖅᑭᒍᑕᐅᓂᖓᓂ ᑕᒪᒃᑭᓄᑦ ᐃᖅᑲᓇᐃᔭᕐᕕᓄᑦ ᖁᕕᐊᓱᒍᑕᐅᙱᓐᓂᐅᔪᓄᑦ.

ᐊᓱᐃᓛᒃ ᓇᖕᒥᓂᖃᕐᓂᕐᒧᑦ ᐱᒋᐊᖅᑐᐊᓘᕗᑦ ᐊᒻᒪ ᐃᓕᑦᑎᓪᓗᑎᒃ ᓯᕗᓪᓕᖅᐹᖑᔪᒥ ᓵᓚᒋᔭᒃᓴᐅᙱᑦᑐᒥ ᓱᓕᓂᐅᔪᒥ ᐃᒻᒥᖕᓄᑦ ᐃᖅᑲᓇᐃᔭᕐᓂᕐᒧᑦ: ᐊᔪᕐᓇᖅᑐᐊᓗᒃ.

ᐃᓱᖃᙱᑦᑐᓂ ᐃᑲᕐᕋᓂᑦ, ᐊᑭᖏᑦ, ᐱᖁᔭᑦ, ᐊᒃᓱᕈᕐᓇᕐᓂᖓᓂ ᓇᓂᓯᓂᕐᒥ ᓈᒻᒪᒃᑐᓂ ᐃᖅᑲᓇᐃᔭᖅᑎᓂᑦ ᐊᒻᒪ ᐅᓗᕆᐊᓇᕐᓂᐅᔪᑦ ᖃᔅᓯᐊᕐᔪᑐᐃᓐᓇᐅᕗᑦ ᐱᔾᔪᑕᐅᔪᓂ ᑕᒪᕐᒥᒐᓚᑦ ᐃᓄᐃᑦ ᐱᒋᐊᖅᐸᙱᓚᑦ ᓇᖕᒥᓂᖃᕐᓂᕐᒧᑦ ᐊᖅᑯᑕᐅᔪᒥ.
ᓇᓂᓯᔨᐅᓪᓗᓂ ᓇᖕᒥᓂᖃᕐᓂᕐᒥ, ᓇᓂᓯᓂᐊᖅᐳᑎᑦ ᑭᓱᑐᐃᓐᓇᐃᑦ ᐊᒻᒪ ᑭᓱᓕᒫᑦᑎᐊᑦ ᑲᒪᒋᔭᕆᐊᖃᖅᑕᑎᑦ. ᑲᒪᒋᔭᖃᕐᓂᐊᖅᐳᑎᑦ ᓴᖅᑭᑎᑦᑎᓂᐅᔪᒥ, ᑐᓐᓂᖅᓴᐃᓂᐅᔪᒥ, ᓂᐅᕕᐊᒃᓴᐅᑎᑦᑎᔭᕆᐊᖃᕐᓂᖏᓐᓂ, ᓂᐅᕕᐊᒃᓴᓂ ᐊᒻᒪ ᖃᑭᓂᐅᔪᒥ.

ᐊᐅᓚᑦᑎᔭᕆᐊᖃᖅᐳᑎᑦ ᐃᖅᑲᓇᐃᔭᖅᑎᓂᑦ ᐊᒻᒪ ᓂᐅᕕᕐᕕᐅᑦᑕᖅᑐᑦ, ᐊᒻᒪ ᐸᒡᕕᓇᖅᑐᓂ ᐱᓕᕆᐊᖑᔭᕆᐊᓕᖕᓂ ᓲᕐᓗ ᑮᓇᐅᔭᓕᕆᓂᕐᒥ, ᑖᒃᓯᓂᑦ ᐊᒻᒪ ᓇᓪᓕᐅᒃᑯᒫᓂᑦ, .

ᑭᓯᐊᓂ ᐊᐅᓚᑦᑎᓂᕐᒥ ᒥᑭᑦᑐᒥ ᓇᖕᒥᓂᖃᕐᓂᕐᒥ ᑕᒪᒃᑭᐸᓗᖕᓂ ᐃᓂᐅᔪᓂᑦ ᐱᖃᕆᐊᖃᖅᐳᖅ ᐃᒃᐱᖕᓂᕈᑎᓂᑦ ᓴᕕᕋᔭᖕᓂ ᓴᓇᓯᒪᔪᓂ, ᑕᐃᒪᐃᓪᓗᓂ ᐊᖏᔪᒻᒪᕆᐊᓗᖕᒥ, ᐅᖓᓯᒃᑐᐊᓗᖕᒥ ᐊᒻᒪ ᐃᓄᑭᑦᑐᓂ ᐃᓂᐅᔪᒥ ᐱᖃᕆᐊᖃᕐᓇᖅᐳᖅ ᐃᒃᐱᖕᓂᕈᑎᓂᒃ ᑎᓯᓂᖅᓴᒻᒪᕆᐊᓗᖕᒥ.

ᓄᓇᕗᒻᒥ ᓇᖕᒥᓂᖃᖅᑎᐅᔪᑦ ᐱᓕᕆᔭᕆᐊᖃᖅᐳᑦ ᐊᒥᓱᒻᒪᕆᐊᓗᖕᓂ ᐊᔾᔨᐅᙱᑦᑐᓂ ᐊᒃᓱᕈᕈᑕᐅᔪᓂ. ᐊᖏᔪᒻᒪᕆᐊᓗᖕᒥ ᐊᑭᖃᖅᐳᖅ ᓇᖕᒥᓂᖃᕐᓂᕐᒧᑦ ᑕᑉᐹᓂ, ᐱᐅᓗᐊᑦᑎᐊᙱᑦᑐᖅ ᖃᕋᓴᐅᔭᒃᑰᖅᑎᑦᑎᓂᕐᒥ, ᓱᓕᓂᐅᔪᒥ ᑕᒪᕐᒥᒐᓚᑦ ᓂᐅᕕᖅᐸᒃᑐᑦ ᑮᓇᐅᔭᓂ ᐊᑐᓗᐊᕈᓐᓇᙱᑦᑐᓂ ᐊᒻᒪ ᐅᓂᒃᑳᖅᓯᒪᑦᑎᐊᖅᑐᒥ ᓇᓗᓇᖅᑐᐊᓗᖕᒥ ᐊᐅᓚᑦᑎᓂᐅᔪᒥ ᐃᓄᖕᓂ, ᐃᒡᓗᓂᑦ ᓱᓇᒃᑯᑖᓂᓪᓗ ᐊᐅᓚᑦᑎᓂᕐᒥ ᐃᓂᐅᔪᒥ ᐊᖅᑯᑎᖃᓗᐊᙱᑦᑐᓄᑦ.

ᑕᐃᒪᓐᓇᖃᐃ ᖃᔅᓰᓐᓇᑯᓗᐃᑦ ᓄᓇᕗᒻᒥᐅᑦ ᓇᖕᒥᓂᖃᖅᓯᒪᕗᑦ. ᐅᖃᐅᓯᐅᓪᓗᓂ ᑲᓇᑕᒥ ᑭᓪᓕᓯᓂᐊᖅᑎᒃᑯᓐᓄᑦ ᐅᓂᒃᑳᓕᐊᖓᓐᓂ, 32-ᐸᓗᖕᓂ ᓇᖕᒥᓂᖃᖅᑐᖃᓚᐅᖅᐳᖅ ᐊᑐᓂ 1,000-ᖑᔪᓄᑦ ᐃᓄᖕᓄᑦ ᑲᓇᑕᒥ 2015-ᒥ ᑭᓯᐊᓂ ᓄᓇᕗᒻᒥ, 13-ᐸᓗᑐᐃᓐᓇᓂ ᓇᖕᒥᓂᖃᖅᑐᖃᓚᐅᖅᐳᖅ ᐊᑐᓂ 1,000-ᖑᔪᓄᑦ.

ᑭᓯᐊᓂ ᓴᙱᔪᒧᑦ ᓇᖕᒥᓂᖃᖅᑎᐅᔪᒧᑦ ᑕᕐᓂᖃᖅᑐᒥ ᖃᓄᐃᓕᐅᕈᓘᔭᕐᓂᕐᒧᑦ ᐊᒻᒪ ᕿᓂᕈᒻᒪᐅᓪᓗᓂ ᐊᔾᔨᒌᙱᕐᔪᐊᖅᑐᓄᑦ ᐱᕕᒃᓴᖃᕐᓂᐅᔪᓂ, ᐊᑭᓕᐅᑕᐅᔪᑦ ᐱᓇᔪᖕᓂᖏᓐᓂ ᐅᕙᓂ ᐊᖏᓂᖅᓴᐅᔪᓐᓇᖅᐳᖅ ᐊᑲᐅᙱᓕᐅᕈᑕᐅᔪᓂ ᓇᖕᒥᓂᖅ ᐃᓗᐊᖅᓴᕐᓂᐅᔪᒥᑦ.

ᐊᒻᒪ ᐃᑲᔪᖅᑕᐅᕐᔪᐊᕐᓇᖅᐳ.

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᒥᑭᑦᑐᓄᑦ ᓇᖕᒥᓂᖃᕐᓂᕐᒧᑦ ᐃᑲᔪᖅᓱᐃᓂᕐᒥ ᐱᓕᕆᐊᖑᔪᒥ, ᑮᓇᐅᔭᓂᒃ ᑐᓂᓯᓲᖑᕗᑦ ᐃᑲᔪᕐᓂᕐᒧᑦ ᒥᑭᑦᑐᓄᑦ ᐊᒻᒪ ᕿᑎᖅᐸᓯᐊᓂ-ᐊᖏᓂᓕᖕᓂ ᓇᖕᒥᓂᖃᖅᑎᐅᔪᓂ ᐱᓂᖏᓐᓂ ᑭᓱᓕᒫᓂᒃ ᓂᐅᕕᐊᒃᓴᖃᕆᐊᖅᑐᕐᓂᕐᒥ ᐱᓕᒻᒪᒃᓴᕐᓂᕐᒧᑦ.

ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐸᕇᓴᓐᑯᑦ, ᐊᑐᐃᓐᓇᖃᖅᑎᑦᑎᔪᓂ ᑎᑭᐅᑎᔪᓄᑦ $1,000,000-ᓄᑦ ᐊᑭᓕᒃᓴᓄᑦ ᑮᓇᐅᔭᖃᖅᑎᑕᐅᓂᐅᔪᒥ ᒥᑭᑦᑐᓂ ᕿᑎᖅᐸᓯᐊᓄᑦ-ᐊᖏᓂᓕᖕᓂ ᓇᖕᒥᓂᖃᖅᑎᐅᔪᓄᑦ.

ᓇᖕᒥᓂᖃᖅᑐᓄᑦ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᕝᕕᓕᑦ ᓄᓇᓕᖕᓂ ᓄᓇᕗᓕᒫᒥ, ᐃᖅᑲᓇᐃᔭᖅᑎᖃᖅᑐᓂ ᐃᓄᖕᓄᑦ ᖁᕕᐊᑦᑐᓄᑦ ᓴᖑᑎᑦᑎᓂᕐᒥ ᐃᓱᒪᒋᓯᒪᔭᕐᓂ ᐱᓪᓚᕆᙳᖅᑎᑕᐅᓂᖓᓂ.

ᐊᓱᐃᓛᒃ ᐊᑐᖅᑐᐊᕐᕕᒃ ᑯᐊᐸᕇᓴᓐ, ᑐᓂᓯᓲᖑᔪᓂ ᐊᑭᑐᔫᑎᓄᑦ ᐊᑭᓕᒃᓴᓂ ᑮᓇᐅᔭᖃᖅᑎᑕᐅᓂᐅᔪᒥ ᒥᑭᑦᑐᓂ ᐊᒻᒪᓗ ᕿᑎᖅᐸᓯᐊᓄᑦ-ᐊᖏᓂᓕᖕᓂ ᐃᓄᖕᓄᑦ-ᓇᖕᒥᓂᖃᖅᑎᐅᔪᓄᑦ.

ᐊᓕᐊᓇᐃᒍᓱᖕᓂᐅᓂᐊᖅᑐᓂ ᑕᖅᑳᓂ. ᑭᖑᓪᓕᖅᐹᖑᔪᖅ ᐅᓂᒃᑳᓕᐊᖅ ᑲᑎᒪᓂᕐᒧᑦ ᑲᑎᒪᔨᐅᔪᓄᑦ ᑲᓇᑕᒥ ᓇᓚᐅᑦᑖᕆᓯᒪᕗᑦ ᓄᓇᕘᑉ ᑮᓇᐅᔾᔭᒃᓴᔪᓐᓇᕐᓂᖓᓂ ᐱᕈᖅᐸᓪᓕᐊᖏᓐᓇᕐᓂᐊᕐᓂᖓᓂ ᑕᐃᒪᐃᒐᔪᒃᑐᒥ ᓱᒃᑲᓂᐅᔪᒥ 9.2 ᐳᓴᓐᑎᒥ ᑎᑭᑉᐸᓪᓕᐊᔪᓄᑦ ᐊᕐᕌᒍᓄᑦ ᑕᓪᓕᒪᓄᑦ ᖁᔭᓐᓇᒦᒃ ᐱᕈᖅᐸᓪᓕᐊᔪᓄᑦ ᐅᔭᕋᖕᓂᐊᓂᕐᒧᑦ ᐱᓕᕆᓂᐅᔪᓄᑦ, ᐱᕈᖅᐸᓪᓕᐊᔪᒥ ᓂᐅᕕᐊᒃᓴᐅᕙᒃᑐᓂ ᐃᖃᓗᓕᕆᓂᕐᒥ ᐱᓕᕆᓂᐅᔪᒥ ᐊᒻᒪ ᐳᓚᕋᖅᑐᓕᕆᓂᕐᒧᑦ.

ᐅᑯᐊ ᐱᕈᖅᐸᓪᓕᐊᔪᑦ ᐱᓕᕆᓂᐅᔪᑦ ᐱᔭᕆᐊᖃᓪᓚᕆᖕᓂᐊᖅᐳᑦ ᐊᒥᓱᓂ ᒥᑭᑦᑐᓂ ᓇᖕᒥᓂᕆᔭᐅᔪᓂ ᐱᔪᓐᓇᑦᑎᐊᕈᓐᓇᕐᓂᖏᓐᓄᑦ. ᑕᐃᒫᒃ ᐆᒻᒪᑎᖕᓄᐊᕈᒃ ᓄᓇᕗᒻᒥᐅᑦ, ᐊᓕᐊᓇᐃᓐᓂᐅᓂᐊᖅᑐᓂ ᑎᑭᑉᐸᓪᓕᐊᕗᑦ.