ᐱᖃᓐᓇᕆᔭᑦᑎᓐᓂ ᑐᓴᙱᒃᑳᖓᑦᑕ

120

ᑐᓴᙱᒃᑳᖓᑦᑕ ᐱᖃᓐᓇᕆᔭᑦᑎᓐᓂ, ᐃᖅᑲᓇᐃᔭᖃᑎᒥᒃ ᐃᓚᒋᔭᒥᓪᓘᓐᓃᑦ ᐊᐱᖅᓱᓕᓲᖑᕗᒍᑦ ᖃᓄᐃᒻᒪᑦ. “ᖃᓄᐃᑦᑐᖃᕐᒪᖅᑲᐃ. ᐅᖃᓗᓪᓗᐊᖅᑐᑦ ᑎᑎᕋᕐᓗᑎᒡᓘᓐᓃᑦ…” ᐊᒻᒪᓗ ᑕᐅᕗᖓ ᑕᐅᕗᖓ. ᐃᒃᐱᒍᓱᓲᖑᕗᒍᑦ ᖃᐅᔨᔭᕆᐊᖃᕐᓂᑦᑎᓐᓂ ᓂᐱᖃᙱᓗᐊᕐᓂᐅᔪᒥᑦ, ᑕᐃᒪᐃᓐᓂᖓᓄᑦ. ᐅᓇ ᓇᓗᓇᐃᖅᓯᓂᐅᕗᖅ ᐱᓕᕆᖃᑎᒌᖕᓂᐅᔪᒥ ᐃᓄᖕᓄᑦ.

ᐃᓅᖃᑎᒌᖕᓂᕐᒧᑦᑐᕌᖓᓂᖃᖅᑐᒥ ᐃᓅᖃᑎᒌᖕᓂᐅᔪᒥ, ᐋᔩᖃᑎᒌᖕᓂᕐᒧᑦ ᐱᔭᕆᐊᖃᕐᓂᐅᔪᖅ ᖁᑦᑎᒃᐳᖅ ᐱᓕᕆᐊᒃᓴᑦᑎᓐᓂ. ᓇᐃᑦᑐᒥ ᐅᖃᓗᖕᓂᐅᔪᒥ ᖃᓄᐃᑦᑐᖃᙱᒃᑲᓗᐊᕐᓂᖓᓂ ᐃᓱᒪᑦᑎᓐᓂ ᐊᑲᐅᓕᖅᑎᑦᑎᓲᖑᕗᖅ.

‘ᒥᑭᑦᑐᖁᑎᕗᑦ’ ᐊᔾᔨᐅᙱᑑᙱᓚᑦ. ᐱᑕᖃᙱᓐᓂᐅᔪᒥ ᑎᒥᒥᑎᒍᑦ ᐊᒃᑐᐃᓂᖃᙱᓐᓂᐅᔪᒥ, ᐊᒃᓱᕈᕐᓂᖃᕐᓇᓂ ᐅᖓᓈᕆᓂᕐᒧᑦ ᐊᖃᖅᑕᐅᓗᑎᒡᓗ ᐃᓄᑑᔫᔮᖅᑎᑦᑎᓲᖑᕗᖅ ᐊᒻᒪ ᑭᐱᙳᓪᓗᑎᒃ. ᕿᓚᒻᒥᐅᔪᒥ ᓂᐱᖅᑯᖅᑐᓯᓂᐊᖅᐳᑦ ᐃᓚᐅᖃᑕᐅᔪᒪᓂᕐᒧᑦ ᐊᒻᒪ ᕿᓄᓕᕐᓗᑎᒃ ᐊᒻᒪ ᕿᐊᑲᑕᓕᕐᓗᑎᒃ ᓂᕆᐅᖕᓂᕐᒧᑦ ᐅᔾᔨᕆᔭᐅᙱᓐᓂᐅᔪᒥᑦ.

ᑕᐃᒪᓐᓇ ᐃᒃᐱᒍᓱᓚᐅᖅᓯᒪᕖᑦ? ᐃᓅᖃᑎᒌᓕᕆᔩᑦ ᐊᒻᒪ ᐃᓱᒪᓕᕆᔩᑦ, ᐃᓚᖃᖅᖢᑎᒃ ᐃᓄᓕᕆᔨᐅᔪᓂᑦ, ᐊᒃᓱᕉᓴᖕᓂᖃᓲᖑᕗᑦ ᐆᒪᙵᑦ ᐅᐸᒃᑎᑕᐅᓯᒪᔪᒥ ᖃᐃᔪᖃᕌᖓᑦ ᐊᒻᒪ ᑕᐅᑐᙳᐊᕋᓱᐊᖅᖢᑎᒃ ᖃᓄᐃᑦᑐᖃᕐᓂᖓᓂ ᖃᓄᐃᑦᑐᖃᙱᓐᓂᖓᓂᓪᓘᓐᓃᑦ ᐊᖏᕐᕋᖏᓐᓂᑦ.

ᖃᐅᔨᓴᖅᐸᓪᓕᐊᓂᖅ ᓴᖅᑭᑉᐸᓪᓕᐊᑎᓪᓗᒍ, ᕿᓚᒻᒥᐅᔪᒥ ᐃᓕᓴᕆᔭᐅᓲᖑᕗᖅ ᐃᒃᓯᖕᓇᖅᑕᐅᓯᒪᓂᐅᔪᒥ ᐱᑎᑦᑎᓂᐅᓂᖓᓂ ᐱᑦᑎᐊᙱᓐᓂᐅᔪᒥ, ᐊᒻᒪ ᐋᖓᔮᕐᓇᖅᑐᓂ ᐊᑐᕐᓂᕐᒧᑦ ᐱᕈᖅᐸᓪᓕᐊᓂᖓᓄᑦ ᐃᓱᒪᒋᔭᐅᓯᒪᓂᐅᔪᒥ ᐃᓅᖃᑎᒌᖕᓂᕐᒧᑦ ᐊᑐᕐᓂᕐᒥ ᐅᐃᕆᓯᒪᓂᐅᔪᒧᑦ. ᓱᕈᓯᖅᓯᐅᑎᓂᑦ ᑖᒃᓯᓂᑦ, ᐃᓚᒌᓄᑦ ᑮᓇᐅᔭᖃᖅᑎᑕᐅᓂᐅᔪᒥ ᐊᒻᒪ ᑮᓇᐅᔾᔭᒃᓴᓂᐅᔪᑦ ᐊᑐᖅᑕᐅᕙᓕᖅᐳᑦ ᓱᖏᐅᑎᓯᒪᓂᐅᔪᒧᑦ ᐃᙱᖔᖅᖢᑎᒃ ᓂᕿᓂᑦ, ᐅᖅᑯᐊᖑᔪᓂᑦ ᐊᒻᒪ ᐊᓐᓄᕌᓂᑦ.

ᖃᐅᔨᒪᔭᐅᕐᔪᐊᖅᐳᖅ ᓄᓇᕗᓕᒫᒥ ᐸᖕᒥᐅᓗᐊᖅᑐᓂ ᐃᒡᓗᖃᕐᓂᐅᔪᓄᑦ – ᖃᔅᓯᒐᓚᖕᓂ ᐃᓚᒌᖑᔪᓂ ᒥᑭᑦᑐᓂ ᓄᑕᐅᙱᑦᑐᓂ ᐃᒡᓗᖃᕐᓂᐅᔪᓄᑦ – ᕿᑐᙱᐅᕐᕕᐅᓲᖑᕗᑦ ᑕᐃᒪᐃᑦᑐᓄᑦ ᖃᓄᐃᓕᐅᕐᓂᐅᔪᓄᑦ. ᐃᒡᓗᕆᔭᐅᔪᖅ ᐃᒡᓗᕐᔪᐊᑐᐃᓐᓇᐅᙱᓚᖅ, ᐱᕙᓪᓕᐊᑎᑦᑎᕝᕕᐅᕗᖅ ᐃᓅᖃᑎᒌᖕᓂᕐᒧᑦ ᐊᔪᙱᓐᓂᐅᔪᓂ, ᑲᑎᖃᑎᒌᑦᑎᐊᕐᓂᕐᒧᑦ ᐊᒻᒪ ᐸᕐᓇᐃᓂᕐᒧᑦ. ᐃᓂᐅᕗᖅ ᐃᓱᒪᒋᔭᐅᓪᓗᓂ ᐊᑦᑕᓇᙱᖦᖢᓂ ᐊᒻᒪ ᐱᕈᖅᓴᐃᑦᑎᐊᕐᓂᐅᔪᒥ.

ᑕᒪᓐᓇ ᐊᓯᔾᔨᕐᔪᐊᓲᖑᕗᖅ ᐸᖕᒥᐅᓗᐊᖅᑐᓂ ᐃᒡᓗᖃᕐᓂᐅᔪᓂ ᖃᓄᐃᓕᖓᓂᖃᐃᓐᓇᖅᐸᑦ ᐊᑯᓂᐅᔪᒥ. ᕿᓚᒻᒥᐅᔪᒥ ᐊᑕᐅᓯᑐᐊᖑᔪᒥ ᐃᓚᒋᔭᐅᔪᒥ ᓇᓗᓇᐃᖅᓯᓂᖓᓐᓂ ᓂᕿᒃᓴᖃᕐᓂᐊᕋᓗᐊᕐᒪᖔᑕ ᐊᒻᒪ ᐊᓐᓄᕌᒃᓴᖃᑦᑎᐊᕐᓂᕐᒧᑦ ᑐᓂᓯᓂᐅᔪᒥᒃ. ᑭᓱᓕᒫᑦ ᓱᕋᑦᑎᕙᓪᓕᐊᓕᓲᖑᕗᑦ. ᐃᒡᓗᒋᔭᖓᑦ ᑕᑯᒃᓴᐅᓂᖃᖅᐸᓪᓕᐊᓕᖅᐳᖅ ᓱᕋᑦᑎᕙᓪᓕᐊᓂᐅᔪᒥ ᐊᒻᒪ ᖃᓄᐃᙱᑦᑎᐊᕐᓂᐅᔪᒥ ᐃᒡᓗᖃᖅᑎᓄᑦ ᓱᕋᖅᐸᓪᓕᐊᓕᖅᐳᖅ ᓱᒃᑲᔪᐊᓗᖕᒥᑦ.

ᐃᓕᑦᑎᓲᖑᕗᒍᑦ ᐃᓄᓕᕆᓂᕐᒧᑦ ᐱᓕᕆᓂᐅᔪᒥ ᒪᕐᕉᖕᓂ ᐃᑲᔪᖅᓱᐃᓂᖅᑕᖃᕐᓂᖓᓂ; ᓴᓂᓕᕇᖑᔪᓂ ᐃᑲᔪᖅᓱᐃᓂᐅᔪᒥ ᐊᒻᒪᓗ ᐅᖃᐅᔾᔨᓯᒪᓂᐅᔪᒥ, ᐱᓕᒻᒪᒃᓴᖅᓯᒪᔪᒥ ᐃᑲᔪᖅᑕᐅᓂᐅᔪᒥ ᑕᐃᒃᑯᓄᖓ ᐱᔭᕆᐊᓕᖕᓄᑦ. ᐃᖅᑲᐅᒪᔪᓐᓇᕈᑦᑕ ᐃᑲᔪᕋᓱᐊᕐᓂᕐᒧᑦ ᖃᖓᒃᑯᑦ ᐊᒻᒪ ᐱᔪᓐᓇᕌᖓᑦᑕ, ᑕᒪᓐᓇ ᑐᓂᓯᓂᖃᒐᔪᒃᐳᖅ ᐊᔪᖅᓴᖅᑐᓂ ᓂᕆᐅᖕᓂᖃᒐᓛᖕᓂᕐᒥ ᐃᓄᐃᑦ ᖃᓂᒋᔭᕗᑦ ᓇᒡᓕᒍᓱᖕᓂᖃᕐᓂᖏᓐᓂ ᐊᒻᒪᓗ ᑕᑯᒃᓴᐅᑎᑦᑎᓂᖃᕐᓂᖏᓐᓂ ᐃᓅᖃᑎᒌᖕᓂᐅᔪᒥ.