ᐃᑲᕐᕋᐸᓗᖕᓂ ᑎᓴᒪᓂ ᐊᐅᓪᓚᓚᐅᖅᑎᓪᓗᒋᑦ, ᐊᖑᓇᓱᒋᐊᖅᑐᑦ ᓈᓚᐅᑎᒃᑯᑦ ᐅᖃᓗᒡᕕᐅᓚᐅᖅᐳᑦ
ᐅᖃᐅᔾᔨᔪᒥ ᐊᕐᕕᖕᒥ ᓄᓇᓕᐅᑉ ᖃᓂᒋᔭᖓᓂ ᖄᖏᖅᐸᓪᓕᐊᓂᖓᓂ

 

My Big Brother Ike Angutautok

Posted by Conna Apaa on Sunday, August 2, 2020

ᐃᑲᕐᕋᐸᓗᖕᓂ ᑎᓴᒪᓂ ᐊᐅᓪᓚᓚᐅᖅᑎᓪᓗᒋᑦ, ᐊᖑᓇᓱᒋᐊᖅᑐᑦ ᓈᓚᐅᑎᒃᑯᑦ ᐅᖃᓗᒡᕕᐅᓚᐅᖅᐳᑦ ᐅᖃᐅᔾᔨᔪᒥ ᐊᕐᕕᖕᒥ ᓄᓇᓕᐅᑉ ᖃᓂᒋᔭᖓᓂ ᖄᖏᖅᐸᓪᓕᐊᓂᖓᓂ (Hall Beach–ᖑᓚᐅᖅᑐᒥ). ᐅᑎᕐᔭᑲᐅᑎᒋᓚᐅᖅᐳᑦ ᒪᓕᒃᑕᐅᓪᓗᓂ.

ᒫᓇᓯ ᓇᐅᓪᓚᖅ ᓯᕗᓪᓕᖅᐹᒥ ᓇᐅᓕᓚᐅᖅᐸᖓ 41.5-ᐃᓯᒐᓪᓗᐊᓂ ᑕᑭᓂᓕᖕᒥ ᐊᕐᕕᖕᒧᑦ 8 ᐅᓐᓄᒃᑯᐸᓗᒃ.

ᐊᐃᓴᑭ (ᐊᐃᒃ) ᐊᖑᑕᐅᑦᑐᖅ, ᐱᓕᕆᓂᖃᖅᑐᒥ ᐱᖓᓱᓂ ᓯᕗᓂᐊᓂ ᐊᕐᕙᒐᓱᐊᕐᓂᐅᔪᓄᑦ, ᐊᐅᓚᑦᑎᓚᐅᖅᐳᖅ ᖁᑭᐅᔾᔪᐊᕐᒥ ᐊᕐᕙᖕᓂᐅᑎᒧᑦ, ᐱᖃᕆᐊᖃᖅᑐᒥ ᓇᓗᓇᐃᖅᑕᐅᓯᒪᔪᒥ ᐱᓕᒻᒪᒃᓴᐃᓂᐅᔪᒥ, ᐃᕐᓂᖓ ᕕᓕᑉ ᐅᒥᐊᕐᒥ ᐊᖁᖦᖢᓂ.

ᖁᕕᐊᑦᑐᑦ ᐊᖑᓇᓱᒃᑎᑦ ᓴᓂᕋᔭᖕᒥ 41.5-ᐃᓯᒐᓪᓗᐊᓂ ᑕᑭᓂᓕᖕᒥ ᐊᕐᕕᐅᑉ ᖄᖓᓂ ᓇᖏᖅᑐᑦ ᑐᖁᓚᐅᖅᑕᖓᓐᓂ ᐋᒍᔅᑎ 1–ᒥ.
photo courtesy of Richard Amarualik

ᐊᖑᓇᓱᒃᑕᐅᔪᖅ ᑐᖁᓚᐅᖅᐳᖅ 9 ᐅᓐᓄᐊᐸᓗᒃᑯᑦ, ᐅᖅᓱᐊᑦᑎᐊᖅᑐᒥ 12 ᑭᓚᒦᑕᐸᓗᖕᒥ ᓄᓇᓕᖕᓂ.
“ᑭᓱᓕᒫᑦ ᑐᑭᓕᐊᕐᓂᖃᑦᑎᐊᓚᐅᖅᐳᑦ,” ᐅᖃᓚᐅᖅᐳᖅ ᖁᕕᐊᑦᑐᒥ ᐊᐃᑉ ᖃᒪᓂᖅ, ᐃᓚᒋᔭᐅᔪᖅ ᓴᓂᕋᔭᐅᑉ ᐊᕐᕙᒐᓱᐊᖅᑎᓂ ᑲᑎᒪᔨᕋᓛᖑᔪᓂ, ᐃᑭᒪᓚᐅᖅᑐᒥ ᐊᑕᐅᓯᕐᒥ ᒪᕐᕉᔪᓂᒃ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᒥᐊᕐᓂᑦ.

ᑎᓴᒪᓂ ᐊᕐᕙᒐᓱᐊᖅᑐᓂ ᐅᒥᐊᖅᑕᖃᓚᐅᖅᐳᖅ ᐊᒻᒪ ᖃᔅᓯᐊᕐᔪᖕᓂ ᕿᓂᖅᑎᐅᔪᓂ ᐅᒥᐊᕐᓂ ᖃᔅᓯᐊᕐᔪᓂ ᐅᒥᐊᖑᔪᓄᑦ. ᖃᓂᒋᔭᖓᓂ 25–ᓂ ᐃᓄᖕᓂ ᐃᓚᐅᖃᑕᐅᓚᐅᖅᐳᑦ ᐊᕐᕙᒐᓱᐊᕐᓂᐅᔪᒥ.

ᐳᐊᕐᕆᓯᓕᖕᒥ ᐃᑲᔪᖅᑐᖃᓚᐅᖅᐳᖅ ᓄᓱᒃᓯᓂᖓᓂ ᐊᖏᔪᐊᓗᒃ ᐊᕐᕕᖕᒥ ᓯᒡᔭᒧᑦ, ᐊᒥᓱᓂ ᖁᕕᐊᑦᑐᓂ ᓄᓇᖃᖅᑎᐅᔪᓂ ᖁᙱᐊᓚᐅᖅᑐᓂ ᐊᒻᒪ ᐊᑯᓂᒍᓱᓚᐅᖅᑐᓂ ᒪᒃᑕᐃᔭᐃᓂᐊᕐᓂᖏᓐᓂ.

“ᓄᓇᓕᒫᖑᖅᑰᔨᔪᖅ (ᓯᒡᔭᖓᓃᓚᐅᖅᐳᑦ) ᑎᑭᑉᐸᓪᓕᐊᑎᓪᓗᑕ, ᐃᓄᒋᐊᒻᒪᕆᐊᓗᐃᑦ,”ᐅᖃᓚᐅᖅᐳᖅ ᖃᒪᓂᖅ. “(ᑕᐃᒃᑯᐊ) ᖁᕕᐊᓚᐅᖅᐳᑦ, ᐃᕆᐊᓛᓚᐅᖅᐳᑦ … ᐸᑦᑕᒃᑐᖅᑐᑦ, ᐅᕕᙱᐊᖅᑐᑦ. ᐊᓕᐊᓇᐃᑦᑎᐊᓚᐅᖅᐳᖅ!”

ᓄᓇᓕᖕᒥᐅᑕᐃᑦ ᐱᓕᕆᕙᓪᓕᐊᕗᑦ ᒪᒃᑕᐃᔭᖅᑕᐅᓂᖓᓂ ᐊᕐᕕᖕᒥ ᓴᓂᕋᔭᖕᒥ.
photo courtesy of Richard Amarualik

ᓄᓇᖃᖅᑎᐅᔪᑦ ᐊᖏᕐᕋᐅᔾᔨᓚᐅᖅᐳᑦ ᒪᒃᑕᖕᒥ ᐱᔪᒪᔭᓕᒫᖓᓐᓂ. ᐊᓯᖏᑦ ᐊᒡᔭᖅᓯᓚᐅᖅᐳᑦ ᐃᓚᖏᓐᓄᑦ ᐃᓄᑐᖃᕐᓄᑦ ᐊᒻᒪᓗ ᑕᐃᒃᑯᓄᖓ ᐃᓂᒋᔭᖓᓄᐊᕈᓐᓇᓚᐅᙱᑦᑐᓄᑦ, ᖃᒪᓂᖅ ᐅᖃᓚᐅᖅᐳᖅ. ᐅᖃᓗᒃᑐᖃᑲᑕᓚᐅᖅᐳᖅ ᐃᒡᓗᓕᖕᒧᑦ, ᐅᐊᖕᓇᒧᑦ, ᖃᐃᖁᔨᓪᓗᑎᒃ ᓴᓂᓕᖓᓐᓂ ᓄᓇᓕᐅᔪᒧᑦ ᐃᓱᒪᖅᓱᖁᔭᐅᓪᓗᑎᒃ ᐊᐃᒃᓯᕐᓂᕐᒧᑦ.

“ᑕᑯᓚᐅᖅᐳᒍᑦ ᖃᔅᓯᐊᕐᔪᖕᓂ ᐅᒥᐊᓂᑦ ᑎᑭᑦᑐᓂᑦ ᐃᒡᓗᓕᖕᒥ,”ᖃᒪᓂᖅ ᐅᖃᓚᐅᖅᐳᖅ, ᐃᓚᒋᐊᖅᓯᓪᓗᓂ ᐃᓚᖏᑦ ᓄᓇᖃᖅᑎᐅᔪᑦ ᐊᐅᓪᓚᖅᑎᑦᑎᓂᐊᕐᓂᖏᓐᓂ ᐃᓚᒋᔭᒥᓄᑦ ᐊᓯᖏᓐᓂ ᓄᓇᓕᐅᔪᓄᑦ.

ᑖᒃᑯᐊᕌᓘᒐᓗᐊᖅᑎᓪᓗᒍ, ᓱᓕ ᒪᒃᑕᒃᑕᖃᖅᐳᖅ ᐊᒥᐊᒃᑯᔪᒥ. ᓴᓂᕋᔭᐅᑉ 30-ᓂ 40-ᓄᑦ-ᐅᑭᐅᓕᖕᒥ ᓄᓇᓕᖕᓂ ᖁᐊᖃᐅᑎᖓ ᐊᔪᓕᖅᓯᒪᖕᒪᑦ “ᑕᐃᒪᐃᒐᔪᒃᑐᒥ ᐊᑲᐅᙱᓕᐅᕈᑕᐅᖏᓐᓇᖅᑐᒥ ᖃᔅᓯᐊᕐᔪᖕᓄᑦ ᖄᖏᖅᓯᒪᓕᖅᑐᓄᑦ ᐊᕐᕌᒍᓄᑦ “ᐊᑐᒐᒃᓴᐅᙱᓚᖅ ᑐᖅᑯᐃᓂᕐᒥ ᒪᒃᑕᖕᒥ.

“ᐊᐅᔭᑕᒫᑦ ᐱᐅᔪᓐᓃᖅᐸᓪᓕᐊᑐᐃᓐᓇᖅᐳᖅ,” ᐅᖃᓚᐅᖅᐳᖅ ᖃᒪᓂᖅ, ᐃᒃᓯᕙᐅᑕᐅᑉ ᑐᒡᓕᕆᔭᖓ ᓄᓇᓕᖕᓂ ᐊᖑᓇᓱᒃᑐᓕᕆᔨᒃᑯᓐᓂ ᒥᑭᒋᐊᕐᓂᐊᖅᑎᒃᑯᓐᓂᓪᓗ ᑲᑐᔾᔨᖃᑎᒌᖑᔪᓄᑦ. “ᐱᓕᕆᕙᓪᓕᐊᕗᒍᑦ ᐱᓇᓱᐊᕐᓂᕐᒧᑦ ᓄᑖᖑᔪᒥ (ᖁᐊᖃᐅᒻᒥ). ᑕᒪᓐᓇ ᐅᖃᕈᓐᓇᖅᑕᑐᐊᕋ.”

ᐊᒥᑦᑐᕐᒥ ᒪᓕᒐᓕᐅᖅᑎ ᔪᐃᓕ ᖃᐃᕐᓂᖅ ᐅᖃᓪᓚᒡᕕᐅᔪᓐᓇᓚᐅᙱᓚᖅ ᐅᖃᐅᓯᒃᓴᓕᐅᑲᐅᑎᒋᓂᕐᒧᑦ ᖃᓄᐃᓕᖓᓕᕐᓂᖓᓂ ᖁᐊᖃᐅᒻᒥ. ᓄᓇᕗᒻᒥ ᑐᓴᒐᒃᓴᓕᕆᔨᒃᑯᑦ ᐊᐱᕆᓯᒪᕗᑦ ᐱᕙᓪᓕᐊᔪᓕᕆᔨᒃᑯᓐᓂ, ᑲᒪᒋᔭᖃᖅᐸᒃᑐᓂ ᑕᐃᒪᐃᑦᑐᓄᑦ ᓄᓇᓖᑦ ᐊᑐᖅᐸᒃᑕᖏᓐᓂ ᐊᐅᓚᔪᓐᓇᖁᓪᓗᒋᑦ, ᑭᐅᓂᕐᒧᑦ ᖁᐊᖃᐅᑎ ᐋᖅᑭᒃᑕᐅᒃᑲᓐᓂᕐᓂᐊᕐᒪᖔᑦ ᐅᕝᕙᓘᓐᓃᑦ ᐸᕐᓇᐅᑎᖃᕐᒪᖔᑕ ᐃᓇᖏᖅᑕᐅᓂᖓᓄᑦ.

ᐊᒥᐊᒃᑯᖏᑦ ᐊᕐᕕᖕᒥ, ᐃᓚᖃᖅᑐᒥ ᒥᑭᓐᓂᖅᓴᐃᑦ ᓴᐅᓂᖏᑦ, ᓴᐅᔭᐅᓚᐅᖅᐳᑦ ᓯᒡᔭᒥ.

“ᐱᖅᑯᓯᑐᖃᖅᑎᒍᑦ, ᕿᒪᐃᕙᙱᑉᐳᒍᑦ ᑭᓱᑐᐃᓐᓇᓂ ᒪᓂᖅᑲᒥ,”ᖃᒪᓂᖅ ᐅᖃᓚᐅᖅᐳᖅ.
ᑭᓯᐊᓂ, ᐊᕐᕕᐅᑉ ᐊᖏᔪᒻᒪᕆᐊᓗᒃ ᓂᐊᖁᖓᑕ ᓴᐅᓂᖓ ᐊᒻᒪ ᐊᓪᓕᕈᖓ ᐃᓕᓯᒪᐃᓐᓇᕐᓂᐊᖅᐳᖅ ᓄᑖᖑᓗᓂ ᓄᓇᓕᖕᓂ ᓇᓗᓇᐃᒃᑯᑕᐅᓗᓂ.

-video courtesy of Chris Utak

 

 

Advertisement

Derek Neary

Derek Neary has been reporting on developments in the North for 18 years. When he's not writing for Nunavut News, he's working on Northern News Services' special publications such as Opportunities North,...