Skip to content

Legionnaires ᐱᕗᑦ ᑲᖏᖅᖠᓂᕐᒥ ᐊᕿᑦᑐᒧᑦ ᐊᓇᐅᓕᒑᕐᓂᐅᔪᒥ ᓵᓚᖃᐅᓯᐊᖓᓐᓂ

Legionnaires ᓇᓗᓇᐃᖅᓯᓂᖃᓚᐅᖅᐳᑦ ᓵᓚᖃᕋᓱᐊᕐᓂᕐᒧᑦ ᐱᙳᐊᕐᓂᕐᒧᑦ ᐃᓱᖓᓐᓂ ᓵᓚᒋᓪᓗᓂᔾᔪᒃ New Era 17-5−ᒥ ᐱᓪᓗᑎᒃ ᑭᖑᓪᓕᖅᐹᖑᔪᓂ ᐱᖓᓱᓂᑦ ᐱᙳᐊᕐᓂᐅᔪᓂ ᐊᐃᑉᐸᖏᑦ ᓵᓚᖃᕐᓇᑎᒃ ᐊᒻᒪ ᐱᓪᓗᑎᒃ 2018−ᒥ ᑲᖏᖅᖠᓂᕐᒥ ᑲᑎᙵᔪᓄᑦ ᐊᕿᑦᑐᒥ ᐊᓇᐅᓕᒑᕐᓂᐅᔪᒥ ᐱᙳᐊᖅᑎᓄᑦ (RICSL) ᑕᐃᒎᓯᐊᖓᓂ ᑲᖏᖅᖠᓂᕐᒥ ᐋᒍᔅᑎ 22−ᒥ.

New Era ᓵᓚᖃᓚᐅᖅᐳᑦ Cubs−ᓂ ᑭᖑᓪᓕᒻᐹᑲᓵᓂ, Legionnaires ᐲᖅᓯᓪᓗᑎᒃ Fireballs ᑭᖑᓪᓕᖅᐹᑲᓴᖓᓐᓂ ᐋᖅᑭᒃᓯᓂᕐᒧᑦ ᓵᓚᖃᕋᓱᐊᕐᓂᐅᔪᒥ ᓴᖑᑎᑦᑎᓂᐅᔪᒥ.

ᐊᓇᐅᓯᕐᔪᐊᓲᒥ shortstop ᓖ ᕿᓪᓚᖅ ᐃᑲᔪᓚᐅᖅᐳᖅ ᓯᕗᓪᓕᐅᑎᑦᑎᓂᖓᓐᓂ Legionnairesᓂ ᐱᖓᓱᓄᑦ-ᐱᙳᐊᕐᓂᐅᔪᒥ ᓵᓚᖃᕐᓂᖓᓂ New Era−ᑯᓐᓄᑦ ᐊᒻᒪ 2018 ᑲᖏᖅᖠᓂᕐᒥ ᐊᕿᑦᑐᒧᑦ ᐊᓇᐅᓕᒑᕐᓂᐅᔪᒥ ᓵᓚᖃᕐᓂᐅᔪᒥ ᑲᖏᖅᖠᓂᕐᒥ ᐋᒍᔅᑎ 22−ᖑᑎᓪᓗᒍ.
Hard-hitting shortstop Lee Kreelak helped lead the Legionnaires to a three-game sweep of the New Era to claim the 2018 Rankin Inlet Co-ed Softball League championship in Rankin Inlet on Aug. 22, 2018. Darrell Greer/NNSL photo

Legionnaires ᓵᓚᖃᕐᓂᖓ ᑕᓗᓯᓚᐅᖅᐳᖅ ᐊᑕᐅᓯᐅᔪᒥ ᑲᖏᖅᖠᓂᕐᒥ ᑲᑎᙵᔪᓄᑦ ᐊᕿᑦᑐᒥ ᐊᓇᐅᓕᒑᕐᓂᐅᔪᒥ ᐱᙳᐊᖅᑎᓄᑦ ᖁᕕᐊᓇᕐᓂᖅᐹᖓᓂ ᐱᙳᐊᕐᓂᐅᔪᒥ ᐊᕐᕌᒍᒥ, ᑎᓴᒪᓂ ᐱᙳᐊᖅᑎᐅᔪᓄᑦ ᓵᓚᖃᕋᓱᐊᖃᑎᒌᒃᑐᓂᑦ ᐊᒃᓱᕈᑦᑎᐊᖅᖢᑎᒃ ᐊᕐᕌᒍᒥ ᐱᙳᐊᕐᓂᐅᔪᒧᑦ ᐊᒻᒪ ᐃᓱᓕᔾᔪᑎᖏᓐᓄᑦ.

ᐱᙳᐊᖅᑎᐅᔪᑦ ᐱᕈᖅᓴᐃᓂᖃᕈᒪᕗᑦ ᐱᓕᕆᑦᑎᐊᕐᓂᕆᔭᒥᓂᑦ. ᐸᕐᓇᐅᑎᓕᐅᖅᓯᒫᓂᒃᐳᑦ ᖃᐅᔨᓴᖅᑎᐅᔪᒧᑦ ᐃᓕᓐᓂᐊᕐᓂᐅᓂᐊᖅᑐᒥ ᓯᕗᓂᐊᓂ 2019−ᒥ ᐊᕐᕌᒍᒧᑦ ᐱᙳᐊᕐᓂᐅᓂᐊᖅᑐᒧᑦ, ᐱᙳᐊᖅᑎᐅᔫᑉ ᐊᖓᔪᖅᑲᐅᑎᖏᓐᓂ ᑲᔪᖏᖅᓴᐃᔪᓂ ᑕᒪᒃᑭᓂ ᑎᓴᒪᐅᔪᓄᑦ ᑲᑎᙵᓂᐅᔪᓂ ᐱᖓᓱᓪᓗᐊᓂ ᐱᙳᐊᖅᑎᓂᑦ ᐸᐃᑉᐹᖅᑖᖅᑎᑕᐅᖁᔭᐅᓪᓗᑎᒃ.

ᑲᑎᙵᓂᐅᔪᓄᑦ ᐱᓕᕆᓂᐅᔪᑦ ᐸᕐᓇᐅᑎᓕᐅᓕᒑᒋᕗᑦ ᑲᒪᒋᔭᖃᕐᓂᕐᒥ ᐃᓚᒌᓄᑦ ᐊᕿᑦᑐᒥ ᐊᓇᐅᓕᒑᕐᓂᐅᔪᒥ ᓯᕗᓂᐊᓂ ᐊᕐᕌᒍᒥ ᐱᙳᐊᕐᓂᖃᓚᐅᖅᑳᕋᑎᒃ, ᐊᒻᒪ ᐅᓪᓗᖏᑦ 2019−ᒥ ᑳᓪᒻ ᐃᐊᕐ ᐃᕐᙳᓯᖓᓐᓄᑦ ᐋᖅᑭᒃᑕᐅᓯᒪᕗᑦ ᐋᒍᔅᑎ 7−ᒥ 11−ᒧᑦ, ᑕᒪᒃᑭᑦ ᐱᙳᐊᖅᑏᑦ ᑎᑭᓪᓗᑎᒃ ᐋᒍᔅᑎ 8−ᒥ ᑭᖑᓪᓕᖅᐹᕆᔭᐅᓗᑎᒃ.

Legionnaires ᑳᑉᑕᖓ ᓖ ᕿᓪᓚᖅ ᐃᓚᐅᖃᑕᐅᓚᐅᙱᓚᖅ ᑕᒪᕐᒥᑲᓴᖕᒥ 2018−ᒥ ᐊᕐᕌᒍᒥ ᐱᙳᐊᕐᓂᐅᔪᒥ ᐃᖅᑲᓇᐃᔮᒥᓄᑦ ᐊᖏᕈᑎᒋᓯᒪᔭᖏᓐᓄᑦ.

Shortstop−ᖓ ᐱᙳᐊᑐᐃᓐᓇᓚᐅᖅᐳᖅ ᐱᖓᓱᓂ ᐊᕐᕌᒍᒥ ᐱᙳᐊᕐᓂᐅᓚᐅᖅᑐᒥ ᓯᕗᓪᓕᐅᑎᑦᑎᓚᐅᖅᑳᕋᑎᒃ ᑲᑎᕕᖕᒥ ᓵᓚᖃᕐᓂᐅᔪᒧᑦ ᐱᙳᐊᕐᓂᐅᔪᒥ ᑳᓪᒻ ᐃᐊᕐ ᐃᕐᙳᓯᖓᓐᓄᑦ ᑕᖅᑭᐅᓚᐅᖅᑐᒥ.

ᑲᑎᕕᒃ ᓵᓚᐅᓚᐅᖅᐳᑦ ᑲᓇᑕᒥ ᐱᔪᓐᓇᕈᑕᐅᔪᒥ ᓴᓪᓕᕐᒧᑦ (Coral Harbour) ᐃᓵᖅᑎᐅᔪᓄᑦ ᐊᑕᐅᓯᕐᒥ ᐅᓪᓚᖕᓂᐅᔪᒧᑦ ᐃᓚᒃᑲᓐᓂᖅᑐᒥ ᐱᙳᐊᕐᓂᐅᔪᒥ.

ᑕᒪᕐᒥᒐᓚᐃᑦ ᑲᑎᕕᖕᒥ ᐱᙳᐊᖅᑎᐅᔪᑦ ᐊᓐᓄᕌᓚᐅᖅᐳᑦ Legionnaires−ᓄᑦ ᐱᙳᐊᖅᑎᐅᔪᓄᑦ ᐱᙳᐊᕐᓂᕐᒧᑦ ᐊᒻᒪ ᐱᒋᐊᓚᐅᖅᐳᑦ ᑭᖑᓪᓕᖅᐹᖅᓯᐅᒻᒥ ᒪᓕᑲᐅᑎᒋᔪᒥ ᐊᕕᒃᓯᒪᓂᐅᔪᓄᑦ ᓵᓚᖃᕋᓱᐊᕐᓂᐅᔪᒥ.

ᕿᓪᓚᖅ ᐅᖃᓚᐅᖅᐳᖅ "ᐱᙳᐊᓕᒪᓂᐅᔪᓐᓃᑲᐃᓐᓇᓚᐅᖅᐳᖅ" ᐅᑎᕐᓂᖓᓄᑦ ᖃᓄᐃᓕᐅᕐᓂᐅᔪᒥ ᑳᓪᒻ ᐃᐊᕐ ᐃᕐᙳᓯᖓᓐᓄᑦ, ᑭᓯᐊᓂ ᐱᙳᐊᖃᑕᐅᓪᓗᓂ ᓵᓚᖃᕋᓱᐊᕐᓂᐅᔪᒥ ᐱᙳᐊᕐᓂᖃᑦᑎᐊᕐᔪᐊᓚᐅᖅᐳᖅ ᐱᙳᐊᖅᑎᐅᔪᑦ ᕿᖑᓪᓕᖅᐹᖅᓯᐅᑎᖏᓐᓂ ᐱᒋᐊᕐᒪᑕ ᒪᓕᒃᑐᒥ ᐱᓇᓱᐊᕈᓯᐅᔪᒥ.

ᐅᖃᓚᐅᖅᐳᖅ ᐱᙳᐊᖅᖢᓂ 7−ᓂ ᓂᑭᑦᑖᖅᑐᓄᑦ ᐱᙳᐊᕐᓂᐅᔪᓂ ᐊᒻᒪ ᐱᖓᓱᓂ ᑭᖑᓪᓕᖅᐹᖅᓯᐅᑎᓂᑦ ᓵᓚᖃᕋᓱᐊᕐᓂᐅᔪᒥ ᐃᑲᔪᕐᓂᖃᕐᔪᐊᓚᐅᖅᐳᖅ ᐸᕐᓇᒃᓯᒪᓂᖓᓄᑦ ᐱᙳᐊᖅᑎᓄᑦ ᑭᖑᓪᓕᖅᐹᖅᓯᐅᑎᖓᓐᓄᑦ.

"ᐊᔪᕐᓇᕐᔪᐊᕈᓐᓇᖅᐳᖅ ᐅᑎᕐᓂᕐᒧᑦ ᐱᙳᐊᖅᑎᐅᔪᓄᑦ ᐃᓱᐊᓂ ᐱᙳᐊᕐᓂᐅᔪᓄᑦ ᓵᓚᖃᕋᓱᐊᕐᓂᐅᔪᒦᓚᐅᖅᖢᓂ ᓲᕐᓗ ᑳᓪᒻ ᐃᐊᕐ ᐃᕐᙳᓯᖓᓐᓄᑦ, ᐊᔪᙱᓐᓂᕆᔭᓕᖕᓂ ᐊᓇᐅᓕᒑᕐᓂᐅᔪᓂᑦ ᐊᒻᒪ ᑭᒡᓕᐅᔪᒥ ᓵᓚᖃᕋᓱᐊᕐᓂᐅᔪᒥ ᓵᙵᔭᒥᑦ.

"New Era ᐊᕐᕌᒍᒥ ᐱᙳᐊᕐᓂᖃᑦᑎᐊᓚᐅᖅᐳᑦ ᐊᕐᕌᒎᓚᐅᖅᑐᒥ ᑭᓯᐊᓂ, ᑕᒪᒃᑭᓗᒃᑖᓄᑦ ᐱᙳᐊᖅᑎᖁᑎᑦᑎᓐᓂ ᐱᙳᐊᑦᑎᐊᕐᓂᖏᓐᓄᑦ, ᑲᒪᓚᐅᙱᓚᖓ ᓵᓚᒋᓚᐅᕋᑦᑎᒍᑦ ᑭᖑᓪᓕᖅᐹᖑᔪᒥ ᐱᙳᐊᖅᑎᖃᙱᒃᑲᓗᐊᖅᑎᓪᓗᑕ ᓲᕐᓗ ᔭᐃᒥᓯ ᒥᐊᕆᑦ ᐊᒻᒪ ᑳᕐᓗ ᐄᓴᓗᖕᒥ ᐱᙳᐊᖅᑎᒋᔭᑦᑎᓐᓄᑦ.

"ᑕᒪᒃᑭᓗᒃᑖᖅ ᐊᒃᓱᕈᓚᐅᖅᐳᑦ ᐊᒻᒪ ᐱᙳᐊᖅᖢᑎᒃ ᐊᓇᐅᓕᒑᑦᑎᐊᕙᐅᓛᖑᔪᒥ ᐊᕐᕌᒍᒥ ᐱᙳᐊᕐᓂᐅᔪᒥᐊᖑᑎᓕᒫᕗᑦ ᐊᒻᒪ ᐊᕐᓇᓕᒫᕗᑦᐊᒻᒪ ᖁᕕᐊᓲᑎᖃᓚᐅᖅᐳᒍᑦ ᑲᑎᙵᓂᐅᓪᓗᑕ ᓈᓚᒃᓴᕐᓂᕐᒧᑦ ᓵᓚᖃᐅᓯᐊᖓᓐᓂ ᓄᓇᓕᑦᑎᓐᓄᑦ ᓖᔾᔭᒧᑦ ᐅᓐᓅᔪᒥ.

"ᐃᓐᓇᕈᖅᐸᓪᓕᐊᓪᓗᑕ ᐅᔾᔨᕆᕗᒍᑦ ᐊᕐᕌᒍᒥ ᐱᙳᐊᕐᓂᐅᔪᒥ ᐲᓐᓇᕈᓐᓇᔾᔮᙱᓐᓂᑦᑎᓐᓂᐊᒻᒪᓗ ᖃᐅᔨᒪᙱᓚᒍᑦ ᐱᕕᒃᓴᖃᒃᑲᓐᓂᕐᓂᐊᕐᓂᑦᑎᓐᓂ ᓵᓚᒃᓴᒃᑲᓐᓂᕐᓂᕐᒧᑦᑕᐃᒪᓐᓇ ᖁᕕᐊᓲᑎᖃᖅᖢᑕ ᑲᑎᙵᓗᑕ ᐱᐅᔫᓚᐅᖅᐳᖅ."