ᐅᐃᕆᓯᒪᓂᐅᔪᓂ ᐅᔾᔨᕈᓱᖕᓂᐅᔪᒥ ᐊᖏᒡᓕᒋᐊᖅᑕᐅᓪᓗᐊᖅᐳᖅ ᐃᓚᖃᕐᓗᓂ ᐅᓄᖅᓯᕙᓪᓕᐊᑐᐃᓐᓇᖅᑐᓂ ᓄᕙᒡᔪᐊᕐᓇᖅ-19–ᒥ ᖃᓄᐃᓐᓂᐅᔪᓄᑦ ᓄᓇᕗᒻᒥ.

ᐅᓄᖅᓯᑲᓪᓚᖕᓂᐅᔪᒥ ᖃᓄᐃᓐᓂᐅᔪᓄᑦ ᓄᓇᕗᒻᒥ, ᐱᓇᓱᐊᕈᓯᒐᓚᖕᓂ ᑕᒪᒃᑭᐅᒪᔪᒥ ᖃᐅᔨᓴᖅᑕᐅᓂᖓᓂ ᑲᑎᖃᑎᒋᓯᒪᔭᐅᓂᑰᔪᓄᑦ ᐊᒻᒪ ᐅᐸᒃᑕᐅᑦᑕᐃᓕᒪᑎᑦᑎᓂᕐᒧᑦ, ᓄᓇᕗᑦ ᑐᕌᖅᐸᓪᓕᐊᓕᖅᐳᖅ ᐊᓯᖓᓐᓂ ᐅᐸᒃᑕᐅᑦᑕᐃᓕᒪᓂᓪᓚᕆᐅᔪᒧᑦ. ᐊᑑᑎᓕᖕᒥ ᐱᓇᓱᐊᕈᓯᐅᓚᐅᖅᑐᒥ, ᐅᑯᐊ ᓱᑲᒋᐊᖅᑕᐅᕙᓪᓕᐊᔪᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒡᓕᖃᖅᑎᑕᐅᓂᐅᔪᑦ ᑭᒡᓕᖃᖅᑎᑦᑎᓂᐊᖅᐳᑦ ᐅᓄᕐᓂᐅᔪᓂ ᐃᓄᖕᓂ ᑲᑎᑦᑐᓐᓇᕐᓂᖏᓐᓂ ᐊᑕᐅᓯᕐᒥ ᐃᓂᐅᔪᒥ, ᒪᑐᓯᓗᓂ ᐃᓕᓐᓂᐊᕐᕕᓂᑦ ᐊᒻᒪ ᓇᖕᒥᓂᕆᔭᐅᔪᓂ, ᐊᒻᒪ ᑭᒡᓕᖃᖅᑎᑦᑎᓗᓂ ᐊᐅᓪᓛᕐᓂᐅᔪᒥ.

ᓄᖅᑲᖅᑎᑕᐅᔪᓐᓇᙱᑦᑐᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑎᓕᐅᕈᑕᐅᔪᒥ, ᐊᐃᑦᑖᖑᒐᓗᐊᖅ, ᐅᑯᐊᖑᕗᑦ ᐅᐃᕆᓯᒪᓂᐅᔪᓄᑦ. ᐃᓱᒪᒋᓇᒍ ᐊᓯᔾᔨᖅᐸᓪᓕᐊᖏᓐᓇᐅᔭᖅᑐᒥ ᖃᓄᐃᓐᓂᐅᔪᓄᑦ ᓄᓇᕐᔪᐊᒥ ᓄᕙᒡᔪᐊᕐᓇᒧᑦ ᐅᐃᕆᓯᒪᓂᐅᔪᑦ ᐱᑕᖃᐃᓐᓇᕐᓂᐊᖅᐳᑦ ᐊᒻᒪ ᐊᐃᑦᑖᖑᒐᓗᐊᖅ ᐊᖏᒡᓕᒋᐊᖅᑎᑕᐅᓂᐊᖅᐳᖅ ᐅᐸᒃᑕᐅᑦᑕᐃᓕᓪᓚᕆᖕᓂᐅᔪᒥ ᐊᒻᒪ ᑭᒡᓕᖃᖅᑎᑕᐅᓂᐅᔪᓂ.

ᖃᓄᐃᓐᓂᐅᔪᓂ ᐱᕈᖅᐸᓪᓕᐊᑐᐃᓐᓇᕐᓂᐅᔪᒥ ᑭᕙᓪᓕᕐᒥ ᐊᕕᒃᑐᖅᓯᒪᓂᐅᔪᒥ ᐊᒻᒪᓗ ᓇᓗᓇᐃᒃᑯᑕᐅᔪᓂ ᓄᓇᓕᖕᓂ ᐊᐃᑦᑐᐃᓂᐅᔪᓄᑦ ᐊᑕᐅᓯᐅᔪᒥ ᖃᓄᐃᓐᓂᐅᔪᒥ, ᐃᓕᓯᓂᖓᓂ ᓄᓇᕗᓕᒫᒥ ᑭᒡᓕᖃᖅᑎᑕᐅᓂᐅᔪᓂ ᓇᓚᐅᖦᖢᓂ ᐃᓱᒪᓕᐅᕐᓂᐅᓚᐅᖅᐳᖅ, ᓇᓗᓇᖅᓯᓯᒪᓂᖃᙱᑦᑎᐊᖅᖢᓂ. ᐊᐱᖅᓱᕐᓂᖃᙱᓐᓂᕗᖅ ᑖᔅᓱᒧᖓ ᐊᒻᒪ ᑭᒃᑯᓕᒫᑦ ᐃᓱᒪᒋᔭᖃᓪᓗᐊᖅᐳᑦ ᐱᓪᓚᕆᐅᓂᖓᓂ.

ᖃᐅᔨᓴᖅᑕᐅᓂᖃᕆᕗᖅ ᑲᓇᑕᓕᒫᒥ ᑕᑯᒃᓴᐅᑎᑦᑎᔪᒥ ᐱᐅᙱᑦᑐᓂ ᓴᓂᐊᒍᑦ ᐊᒃᑐᐃᓂᖃᕐᓂᖓᓂ ᐃᓚᖃᖅᑐᒥ ᐅᑯᓄᖓ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒡᓕᖃᖅᑎᑕᐅᓂᐅᔪᓄᑦ. ᐅᓄᙱᑦᑐᓂ ᐊᑐᐃᓐᓇᐅᔪᓂ ᖃᐅᔨᓴᖅᑕᐅᓂᖃᙱᓚᖅ ᐅᕝᕙᓘᓐᓃᑦ ᑭᓪᓕᓯᓂᐊᕐᓂᐅᔪᓂ ᓄᓇᕗᒻᒥᙶᓪᓚᕆᒃᑐᒥ ᑭᓯᐊᓂ ᑲᓇᑕᒥ ᐱᓕᕆᕝᕕᒃ ᐋᖓᔮᕐᓇᖅᑐᓄᑦ ᐊᑐᕐᓂᕐᒥ ᐊᒻᒪ ᐅᐃᕆᓯᒪᓂᐅᔪᓂ ᓴᖅᑭᑎᑦᑎᓚᐅᖅᐳᑦ ᖃᐅᔨᓴᖅᑕᐅᓂᐅᔪᒥ ᖃᖓᒃᑲᓐᓂᐅᔪᒥ ᐊᕐᕌᒍᒥ ᓇᓗᓇᐃᖅᓯᔪᒥ 25 ᐳᓴᓐᑎᒥ ᐊᐱᖅᓱᖅᑕᐅᔪᓄᑦ ᑲᓇᑕᒥᐅᑕᓂᑦ ᐃᒥᐊᓗᖕᓂᖅᓴᐅᓂᕋᐃᓪᓗᑎᒃ ᑕᐃᒪᙵᓂ ᐱᒋᐊᕐᓂᐅᔪᒥ ᐊᒥᓱᓄᑦ ᖃᓂᒻᒪᓐᓇᐅᔪᒥ. ᐱᔾᔪᑕᐅᒐᔪᓛᖑᓚᐅᖅᑐᖅ ᐃᒥᐊᓗᖕᓂᕐᒧᑦ ᐱᑕᖃᙱᓗᐊᕐᓂᖓᓂ ᑕᐃᒪᐃᒐᔪᒃᑐᒥ ᐊᑐᒐᒃᓴᓕᐊᖑᔪᒥ, ᑭᐱᙳᕐᓂᕐᒧᑦ ᐊᒻᒪ ᐊᒃᓱᕉᓴᖕᓂᕐᒧᑦ.

ᒐᕙᒪᑐᖃᒃᑯᑦ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐱᓕᕆᔨᐅᔪᑦ ᑲᓇᑕᒥ (PHAC) ᓴᖅᑭᑎᑦᑎᓚᐅᕆᕗᑦ ᐅᓂᒃᑳᓕᐊᒥ ᐅᒃᑐᐱᕆᐅᑉ ᓄᙳᐊᓂ ᑕᑯᒃᓴᐅᑎᑦᑎᔪᒥ ᐊᒃᓱᕈᕐᓂᐅᔪᑦ ᒥᒃᖠᒋᐊᖅᑎᑦᑎᓇᓱᐊᕐᓂᕐᒧᑦ ᐊᒃᑐᐃᓂᐅᔪᓂ ᓄᕙᒡᔪᐊᕐᓇᖅ-19–ᒥ ᐱᑎᑦᑎᓂᖃᓚᐅᕐᓂᖓᓂ ᓱᕋᑦᑎᕙᓪᓕᐊᓂᐅᔪᒥ ᐋᓐᓂᐊᖃᕐᓇᙱᑦᑐᓕᕆᓂᐅᔪᒥ ᑲᓇᑕᒥᐅᑕᓄᑦ. ᐅᓄᖅᑐᓂ ᓵᓚᐅᖅᑐᓄᑦ ᓱᓐᓂᕈᑕᐅᕙᒃᑐᓂ ᓱᐴᖅᑐᒐᕐᓄᑦ, ᐃᒥᐊᓗᖕᒧᑦ ᐊᒻᒪ ᑕᕝᕚᑭᒧᑦ ᐱᓕᕆᓂᖃᕐᓂᕐᒧᑦ ᐊᒃᓱᕉᓴᖕᓂᐅᔪᒥ ᐊᒥᓱᓄᑦ ᖃᓂᒻᒪᓐᓇᐅᔪᒥ. ᖃᐅᔨᓴᖅᑕᐅᓂᐅᔪᓄᑦ ᑲᓇᑕᒥ ᑭᓪᓕᓯᓂᐊᖅᑎᒃᑯᓐᓂ ᓇᓗᓇᐃᖅᓯᓯᒪᕗᑦ ᐊᑕᐅᓯᑲᓴᖕᒥ ᑕᓪᓕᒪᓂ ᑲᓇᑕᒥᐅᑕᓂᑦ ᐃᒥᐊᓗᖕᓂᖅᓴᐅᓕᕐᓂᖏᓐᓂ ᐊᖏᒡᓕᒋᐊᕐᓂᖃᖅᖢᓂ ᑕᕝᕚᑭᓂ ᐊᒻᒪ ᓱᓐᓂᕈᑕᐅᕙᒃᑐᓂ ᓱᐴᖅᑐᒐᕐᓂ.

ᑕᐅᑐᒃᖢᒍ ᒫᓐᓇᐅᔪᒥ ᖃᓄᐃᓐᓂᐅᔪᒥ ᓄᕙᒡᔪᐊᕐᓇᖅ-19–ᖃᕐᓂᖓᓂ ᓄᓇᕗᒻᒥ. ᓄᖅᑲᖅᑎᑦᑎᓂᖃᔾᔮᙱᓚᖅ ᐊᒃᓱᕈᕐᓇᖅᑐᓂ ᑭᓯᐊᓂ ᐱᔭᕆᐊᖃᖅᑐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒡᓕᖃᖅᑎᑕᐅᓂᐅᔪᓂ ᐃᓅᓯᕐᓂ ᓴᐳᔾᔨᓇᓱᐊᕐᓂᕐᒧᑦ, ᐱᐅᙱᑦᑐᒥ ᐊᒃᑐᐃᓂᖃᕋᓗᐊᕈᓂ ᐅᐃᕆᓯᒪᓂᐅᔪᓂ. ᑭᓯᐊᓂ ᐅᓇ ᑐᑭᖃᖅᐳᖅ ᒫᓐᓇᐅᔪᒥ ᐱᓂᖅᓴᒻᒪᕆᐅᔪᒥ ᑕᐃᒃᑯᐊ ᐅᐃᕆᓯᒪᓂᖃᖅᑐᓄᑦ ᐃᑲᔪᖅᑕᐅᓂᖃᕆᐊᖃᕐᓂᐊᖅᐳᑦ ᓄᓇᓕᖏᓐᓂ.

ᓄᓇᕗᑦ ᒐᕙᒪᑐᖃᒃᑯᓐᓂ ᑮᓇᐅᔭᖃᖅᑎᑕᐅᓯᒪᒐᓗᐊᖅᑎᓪᓗᒋᑦ ᐱᓂᕐᒧᑦ ᐊᒻᒪ ᐅᐃᕆᓯᒪᓂᐅᔪᓂ ᒪᒥᓴᕐᕕᒃᓴᐅᔪᒥ ᐃᖃᓗᖕᓂ, ᓴᓇᔭᐅᓂᐊᖅᑐᒥ ᐊᕐᕌᒍᓂ ᑕᓪᓕᒪᓂ, ᓱᓕ ᐊᒡᕕᐊᕈᑎᖃᖅᐳᖅ ᐊᑑᑎᖃᑦᑎᐊᖅᑐᒥ ᒪᒥᓴᕐᓂᖃᕐᓂᐅᔪᒥ.

ᐃᖃᓗᖕᓂ ᒪᐃᔭᖓ ᑲᓂᑦ ᐱᐅᓪ ᐅᖃᖅᐳᖅ ᒪᒥᓴᕐᕕᒃ ᐊᕐᕌᒍᐸᓗᖕᓄᑦ 20-ᓄᑦ ᑭᖑᕙᓗᐊᖅᐳᖅ ᐊᒻᒪᓗ ᓄᓇᕗᑦ ᐱᑕᖃᙱᓗᐊᕐᓂᖓᓂ ᑭᖑᓂᐊᒍᑦ–ᐸᖅᑭᔭᐅᓂᕐᒥ ᐱᓕᕆᐊᖑᔪᓂ.

ᓗᐊᕈᓪ ᒪᑯᐊᕆᔅᑎᓐ, ᐃᓱᒻᒥᖅᑐᐃᔨᐅᔪᖅ ᐅᖂᑕᖅ ᑲᑐᔾᔨᖃᑎᒌᖑᔪᓄᑦ, ᐅᖃᖅᐳᖅ ᐱᑕᖃᙱᓗᐊᕐᓂᖓᓂ ᐊᑐᐃᓐᓇᖃᕐᓂᕐᒧᑦ ᐃᒡᓗᒃᓴᓄᑦ ᓄᖅᑲᖅᑎᑦᑎᓂᐊᖅᐳᖅ ᐃᓚᖏᓐᓂ ᐅᐃᕆᓯᒪᓂᖃᖅᑐᓄᑦ ᒪᒥᓴᕆᐊᕐᓂᐅᔪᒥ ᖃᓪᓗᓈᑦ ᓄᓇᖓᓐᓂ ᐊᒻᒪ ᐅᖃᓚᐅᕆᕗᖅ ᐱᐅᓪ ᐅᖃᖅᑕᖓᓂ ᐱᑕᖃᙱᓗᐊᕐᓂᖓᓂ ᐱᔨᑦᑎᕋᕐᓂᐅᔪᓂ ᐅᑎᕌᖓᒥᒃ.

ᐱᐅᓪ ᑐᑭᓯᓇᖅᓯᓯᒪᑦᑎᐊᕆᕗᖅ ᑕᐃᒃᑯᐊᑐᐊᑦ ᐱᔪᓐᓃᕈᒪᓂᖃᑦᑎᐊᖅᑐᑦ ᑕᐃᒪᐃᓐᓂᐊᖅᐳᑦ.

ᓱᑲᑉᐸᓪᓕᐊᓂᐅᔪᓂ ᐊᒻᒪ ᐊᒃᓱᕉᓴᖕᓂᐅᔪᒥ ᐊᒥᓱᓄᑦ ᖃᓂᒻᒪᓐᓇᐅᔪᒥ ᐊᖏᒡᓕᕙᓪᓕᐊᓂᖓᓂ ᐊᔪᕐᓇᕐᓂᖅᓴᒻᒪᕆᐅᓂᐊᖅᐳᖅ ᑕᐃᒃᑯᓄᖓ ᐊᒃᑐᖅᑕᐅᓯᒫᓂᒃᑐᓂ ᐅᐃᕆᓯᒪᓂᐅᔪᒥ ᐃᑲᔪᖅᑕᐅᓂᕐᒥ ᐱᔭᕆᐊᖃᖅᑕᒥᓂ. ᓄᓇᕗᒻᒥᐅᑦ ᕿᓂᕆᐊᖃᕐᓂᐊᖅᐳᑦ ᐃᒻᒥᖕᓄᑦ ᐋᓐᓂᐊᖃᕐᓇᙱᑦᑐᓕᕆᓂᖓᓐᓂ ᐊᒻᒪ ᖃᓄᐃᙱᑦᑎᐊᕐᓂᖏᓐᓂ ᐊᓂᒎᑎᓂᕐᒧᑦ ᐱᖅᓯᕐᓂᐅᔪᒥ.

Advertisement

Leave a comment

Your email address will not be published. Required fields are marked *