2018 ᐊᕐᕌᒍᖓ ᓇᓗᓇᐃᖅᑕᐅᕗᖅ ᑕᐃᒃᑯᓄᖓ ᖁᕝᕙᖅᐸᓪᓕᐊᔪᓄᑦ

524

ᐃᖅᑲᐅᒪᓪᓗᓂ ᐊᕐᕌᒎᔪᒥ 2018−ᖑᓚᐅᖅᑐᒥ, ᓄᓇᕗᑦ ᐃᖏᕐᕋᓂᖃᓚᐅᖅᐳᖅ ᐊᒥᓱᓂ ᐱᒻᒪᕆᐅᓂᐅᔪᓂ ᑭᓯᐊᓂ ᓇᓗᓇᐃᖅᑕᐅᓂᖃᕐᓂᐊᖅᐳᖅ ᓯᕗᓕᐅᖅᑎᐅᔪᓄᑦ ᑲᑕᓚᐅᖅᑐᓄᑦ ᐊᒻᒪᓗ ᑕᐃᒃᑯᓄᖓ ᖁᕝᕙᕋᓱᐊᕐᓂᐅᔪᓄᑦ.

ᐃᖅᑲᐅᒪᔭᐅᓛᖑᓂᐊᖅᐳᖅ ᐊᕐᕌᒎᔪᒥ ᓄᓇᕗᒻᒥ ᓯᕗᓕᖅᑎᐅᔪᖅᐊᒻᒪ ᐃᓄᑐᖃᐅᓪᓗᓂ ᐅᖃᖅᑎᐅᓪᓗᓂᐊᓂᑕᐅᓂᖓᓂ. ᐃᓚᒋᔭᐅᖃᑕᐅᓪᓗᓂ ᓯᕗᓕᐅᖅᑎᓂᑦ ᐋᔩᖃᑎᖃᓚᐅᖅᑐᓂ ᓄᓇᕗᒻᒥ ᐊᖏᕈᑕᐅᔪᒥ. ᐹᓪ ᖁᐊᓴᐅᑉ ᐃᓄᓕᒫᓄᑦ ᑲᙳᓵᕆᔭᐅᓂᖓᓂᐊᖓᔪᖅᑲᐅᓯᒃᑲᐅᓂᖓᓂᐊᐱᖅᑯᑕᐅᔪᓐᓇᖅᑐᓂ ᓱᓕᑦᑎᐊᕐᓂᖓᓂ ᐊᔭᐅᕆᓂᖃᓚᐅᖅᐳᖅ ᑭᓇᑐᐃᓐᓇᒥ ᓄᓇᕗᒻᒥ ᐃᓱᒪᒋᔭᖃᕐᓂᐅᔪᒥ.

ᐃᔨᕗᑦ ᐆᑎᑕᐅᓚᐅᖅᐳᑦ ᐊᔾᔨᒌᙱᑦᑐᓂ ᑕᐅᑐᙳᐊᖅᑎᑦᑎᓂᐅᔪᓂ ᒪᓕᒐᓕᐅᖅᑎᓂᑦ ᐃᖢᐃᓪᓕᖅᑐᓂ ᐱᓕᕆᓂᐅᔪᒥ ᐊᒻᒪ ᓄᑖᖑᔪᒥ ᓯᕗᓕᖅᑎ ᔫ ᓴᕕᑲᑖᖅ ᐅᐱᕐᔪᐊᖅᑐᒥ ᐃᓄᑐᖃᕐᒥ ᐊᓂᑕᐅᓂᖓᓄᑦ.

ᑭᖑᓂᐊᒍᑦ ᐊᓂᑕᐅᓂᐅᔪᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓᓂ ᐹᑦ ᐊᕐᓇᖅᑐᕐᒥ ᐅᖃᐅᓯᐅᓪᓗᓂ ᓱᕋᐃᓂᕋᖅᑕᐅᓪᓗᓂ ᒥᓂᔅᑕᐅᔪᓄᑦ ᑲᑎᒪᔨᕐᔪᐊᖏᓐᓂ ᑐᓴᖅᑕᐅᔭᕆᐊᖃᙱᓐᓂᐅᔪᓂ ᐅᖃᖃᑎᖃᖅᑳᓚᐅᕋᓗᐊᖅᑎᓪᓗᒍ ᓯᕗᓕᖅᑎᒥ ᑐᕌᖅᑎᑦᑎᓚᐅᖅᐳᖅ ᒪᓕᒐᓕᐅᕐᕕᖕᒥ ᐊᑲᐅᒃᓴᙱᕐᔪᐊᕐᓕᐅᔪᒥ ᓯᕗᓕᖅᑎᒧᑦ ᐊᒻᒪ ᒥᓂᔅᑕᐅᔪᓄᑦ ᑲᑎᒪᔨᕐᔪᐊᖏᓐᓄᑦ.

ᔭᓄᐊᕆᒥ, ᓄᒫᑦᑕᓚᐅᖅᐳᒍᑦ ᑕᑯᓂᕐᒧᑦ ᑲᓇᑕᐅᑉ ᑲᑎᒪᔨᕐᔪᐊᖏᓐᓂ ᐃᓚᒋᔭᐅᓚᐅᖅᑐᒥ ᐊᒻᒪ ᒪᓕᒐᓕᐅᖅᑎᕕᓂᕐᒥ ᔮᒃ ᐊᓄᒑᕐᒥ ᑲᑕᖕᓂᖓᓂ, ᐸᓯᔭᒃᓴᐅᓂᕋᐃᓪᓗᓂ ᒪᕐᕈᖓᓂ ᖃᓄᐃᓐᓂᐅᔪᒥ ᐋᖓᔮᖅᖢᓂ ᐊᖁᓐᓂᖓᓄᑦ, ᐱᑎᑦᑎᓚᐅᖅᑐᒥ ᑎᒍᔭᐅᓯᒪᓂᖓᓂ ᐅᓪᓗᓄᑦ 30−ᓄᑦ ᐊᓄᓪᓚᒃᓰᕕᖕᒥ.

ᐊᓯᐊᒎᖅᑐᒥ, ᐃᒡᓗᓕᖕᒥ ᖁᓄᔪᕐᓂᐊᖅᑎ ᐊᐃᒃ ᕼᐊᐅᓕ ᕿᒪᐃᓚᐅᖅᐳᖅ ᐊᖅᑯᑎᐅᔪᒥ ᖁᕕᐊᓇᙱᑦᑐᒥ ᐱᕋᔭᒃᑕᕕᓂᕐᒥᓄᑦ, ᐱᓚᐅᖅᓯᒪᔾᔮᙱᑦᑐᒃᓴᐅᓪᓗᑎᒃ ᑮᓇᐅᔭᓂᒃ ᐊᑭᓕᖅᑕᐅᓂᖏᓐᓄᑦ ᑲᑕᒃᑎᑕᐅᔪᒧᑦ ᓇᖕᒥᓂᖃᖅᑎᐅᔪᒧᑦ.

ᐊᒻᒪ ᐅᐱᒍᓱᒃᐳᒍᑦ ᐃᖅᑲᖅᑐᐃᔨᐅᔪᒧᑦ ᐊᖏᓚᐅᙱᑦᑐᒥ ᐃᖏᓐᓂᖅᓴᐅᔪᒥ ᐊᓄᓪᓚᒃᓯᖁᔨᓂᐅᔪᒥ ᓴᓂᑭᓗᐊᕐᒥ ᐃᓕᓴᐃᔨᐅᕙᓚᐅᖅᑐᒥ ᔮᓂ ᒦᑰᒧᑦ, ᐃᓂᒥᓂᒃ ᐊᑐᓚᐅᖅᑐᒥ ᖁᓄᔪᕐᓂᐊᕐᓂᕐᒧᑦ ᓱᕈᓯᓂᑦ ᐊᕐᕌᒍᑦ 35 ᐅᖓᑖᓄᑦ.

ᐊᓯᖏᑦ ᓄᓇᕗᒻᒥ ᐃᖏᕐᕋᑎᑦᑎᓚᐅᖅᐳᑦ ᓯᕗᒻᒧᑦ.

ᐊᕐᕌᒍ ᐱᒋᐊᓚᐅᖅᐳᖅ ᐊᖏᖅᑎᑕᐅᓂᖓᓄᑦ ᐅᑭᐅᓕᖕᒥ 24-ᓂ ᓂᖏᐅᓛ ᕿᓕᖅᑎᒥᒃ ᒪᐃᔭᙳᕐᓂᖓᓂ ᑭᒻᒥᕈᒻᒥ.

ᕕᕈᐊᕆᒥ, Jerry Cans ᓂᔾᔮᑎᑦᑎᓚᐅᖅᐳᑦ ᔫᓅᔅᓂ ᖁᙱᐊᖅᑕᐅᕕᖓᓐᓂ, ᐊᒻᒪ ᓇᒃᓴᖅᖢᑎᒃ ᐃᙱᖅᑎᐅᔪᖅ ᕇᑦᒥᒃ, Trade-Offs ᐃᙱᖅᑎᖓ ᔮᔅ ᖃᐅᒻᒪᒋᐊᖅ, ᑲᑕᔾᔭᖅᑎ ᐊᐃᕗᕆ ᑮᓇᐃᓐᓇᖅ ᐊᒻᒪ Northern Haze−ᒥ ᐃᓚᒋᔭᐅᔪᒥ ᔭᐃᒥᓯ ᐅᖔᓛᕐᒥ.

ᑲᓕ ᕗᕋᐃᓱᕐ ᐊᒻᒪ ᑖᓐᔭ ᑕᒑᖅ ᓂᕈᐊᖅᑕᐅᓚᐅᕆᕗᑦ.

ᐃᖃᓗᖕᓂ, ᐊᕐᓇᓄᑦ ᕿᒫᕕᖓ ᐅᑎᕐᔭᓚᐅᖅᐳᑦ ᐊᒃᓱᕈᕐᓇᖅᑐᒃᑰᓚᐅᖅᑎᓪᓗᒋᑦ ᑮᓇᐅᔭᓕᕆᓂᕐᒧᑦ ᐱᓂᕐᓗᖕᓂᕋᐃᓂᖃᖅᑕᐅᓚᐅᖅᑎᓪᓗᒋᑦ ᐃᓚᖃᖅᑐᒥ ᐃᓱᒻᒥᖅᑐᐃᔨᐅᓚᐅᖅᑐᒥ. ᑕᐃᑲᓂᑦᑕᐃᓐᓇᖅ ᓄᓇᓕᖅᐸᐅᔭᐅᑉ ᐊᔪᖅᓴᖅᑐᓄᑦ ᓂᕿᑖᕐᕕᖓ ᐅᑎᕈᓐᓇᓚᐅᕆᕗᖅ ᑮᓇᐅᔭᓕᕆᓂᕐᒧᑦ ᑐᐊᕕᕐᓇᖅᓯᔪᒥᑦ.

ᔪᓚᐃᒥ, De Beers’ ᓂᐅᕕᕐᓂᖓᓂ Chidliak ᑕᐃᒪᓐᒧᑦ ᐱᓕᕆᐊᕆᔭᖓᓐᓂ ᕿᑎᐊᓂ ᐃᖃᓗᖕᓂ ᐊᒻᒪ ᐸᖕᓂᖅᑑᒥ ᖁᕝᕙᖅᓴᐃᓚᐅᖅᐳᑦ ᓂᕆᐅᖕᓂᐅᔪᓂ ᐊᓯᖓᓄᑦ ᐃᑲᔪᕈᑕᐅᓂᐊᖅᑐᒧᑦ ᐱᓕᕆᐊᒃᓴᒥ ᓄᓇᕗᒻᒥ. ᑐᓴᕆᒪᓇᒃᑲᓐᓂᖅᑐᒥ ᐅᔭᕋᖕᓂᐊᕐᓂᕐᒧᑦ ᑎᑭᑦᑐᖃᓚᐅᖅᐳᖅ ᐊᖏᖅᑕᐅᓂᐅᔪᒥ ᐋᑐᕚᒥ ᐃᒪᕐᒧᑦ ᓚᐃᓴᓐᓯᒧᑦ ᐊᒡᓂᑯ ᐄᒍᒧᑦ Whale Tail ᐅᔭᕋᖕᓂᐊᕐᕕᖓᓄᑦ ᐅᐊᖕᓇᒥ ᖃᒪᓂᑦᑐᐊᕐᒥ ᐊᒻᒪ ᐃᖏᕐᕌᐃᓐᓇᕐᓂᖓᓂ ᑲᒻᐸᓂᐅᑉ Meliadine ᐱᓕᕆᐊᕆᔭᖓᓐᓂ ᑲᖏᖅᖠᓂᐅᑉ ᖃᓂᒋᔭᖓᓂ.

ᐊᓯᐊᒎᖔᖅᑐᒥ, ᕿᑎᕐᒥᐅᑦ ᐊᑲᒃᓴᙱᕐᔪᐊᓚᐅᖅᐳᑦ ᒐᕙᒪᑐᖃᒃᑯᑦ ᐊᖏᙱᓐᓂᖓᓐᓂ Grays Bay ᑐᓚᒃᑕᕐᕕᖓᓄᑦ ᐊᒻᒪ ᐊᖅᑯᑎᒃᓴᒧᑦ ᐱᓕᕆᐊᖑᔪᒪᔪᒥᑦ. ᓄᓇᕗᒻᒥ ᒐᕙᒪᒃᑯᖓ ᐃᑲᔪᖅᓱᐃᔪᓐᓃᕆᓪᓗᑎᒃ ᐱᓕᕆᐊᒃᓴᐅᔪᒥᑦᑕᐅᖅ.

ᕿᑎᕐᒥᐅᑕᓄᑦ ᐊᒻᒪ ᐊᓯᓱᓄᑦ ᓄᓇᕗᒻᒥᐊᓂ ᐅᒡᒍᐊᓚᐅᖅᐳᑦ ᓗᐃ ᖃᒧᒃᑳᑉ ᐃᓅᔪᓐᓃᓚᐅᕐᓂᖓᓂ, ᖃᐅᔨᒪᔭᐅᓛᖑᓚᐅᖅᑐᒥ ᐃᑲᔪᖅᓱᐃᖃᑕᐅᓂᖓᓂ ᓇᓂᓯᓂᐅᔪᒥ ᐊᓯᐅᓯᒪᔪᓂ ᕗᕌᖕᒃᓕᓐ ᐅᒥᐊᕐᔪᐊᖏᓐᓂ, ᑭᓯᐊᓂᑦᑕᐅᖅ ᐱᓕᕆᓂᖓᓐᓂ ᐃᓄᐃᑦ ᐃᓕᖅᑯᓯᖏᑕ ᖃᐅᔨᒪᓂᖏᓐᓂ ᐆᒪᑎᑦᑏᓐᓇᕐᓂᕐᒧᑦ ᐊᒻᒪ ᐅᖃᐅᓯᕆᕙᒃᖢᓂᒋᑦ ᑎᑭᑉᐸᓪᓕᐊᔪᓄᑦ ᐃᓄᖕᓄᑦ.

ᑭᕙᓪᓕᕐᒥ, ᐱᖃᓐᓇᕆᔭᐅᔪᑦ ᐊᐃᑦᑖᕈᓱᓚᐅᖅᐳᑦ ᑐᖁᓂᐅᔪᓄᑦ ᒪᕐᕉᖕᓂ ᐊᖑᑎᓂᑦᐊᕐᕕᐊᓂ ᐊᒻᒪ ᓇᐅᔮᓂᑦᑐᖁᑕᐅᔪᓄᑦ ᓇᓄᕐᓄᑦ ᐊᐅᔭᐅᓚᐅᖅᑐᒥ, ᓯᕗᓪᓕᐅᓪᓗᑎᒃ ᑕᐃᒪᓐᓇ ᑐᖁᓂᐅᔪᓂ ᐊᕐᕌᒍᓂ 18−ᓄᑦ.

2018−ᒥ, ᓄᓇᕗᑦ ᓇᓂᓯᔪᓐᓇᓚᐅᙱᓚᑦ ᐃᓕᓴᐃᔨᒃᓴᓂ ᐃᖅᑲᓇᐃᔭᕈᓐᓇᕋᔭᖅᑐᓄᑦ, ᑭᑎᕐᒥᐅᑦ ᑭᖑᓪᓕᖅᐹᖓᓐᓂ ᐅᒥᐊᕐᔪᐊᖅᑕᐅᓚᐅᙱᓚᑦ, ᔪᐊᑕᓐ ᑑᑑ ᓄᖅᑲᓚᐅᖅᐳᖅ ᑲᓇᑕᒥ ᕼᐋᑭᖅᑎᐅᔪᓄᑦ, ᐊᒻᒪ ᕿᓐᓄᐊᔪᐊᖅ ᐋᓯᕙᒃ ᐋᖅᑭᒃᓯᓚᐅᖅᐳᖅ ᑲᓇᑕᒥ ᐊᑭᑦᑐᕋᐅᑎᓂᕐᒧᑦ ᐊᖏᓛᖑᓂᐅᔪᒥ ᑲᒪᓇᖅᑐᒥ ᐅᒃᐱᒡᔪᐊᖓᓄᑦ.

ᐆ, ᐊᒻᒪ ᓄᓇᕗᒻᒥᐅᑦ ᐃᓱᒪᖅᓱᓕᓚᐅᖅᐳᑦ ᓱᐴᖅᑐᒐᕐᓂ ᓱᓐᓂᕈᑕᐅᓲᓂ. ᐃᓚᖏᓐᓄᑦ, ᑕᒪᓐᓇᑐᐊᖅ ᑐᓴᒐᒃᓴᐅᔪᓂ ᑐᓴᕈᒥᓇᖅᑐᑐᐊᖑᓚᐅᖅᐳᖅ.

2019−ᒥ, ᑕᐃᒪᑐᖅ ᐅᖃᓕᒫᖅᑎᕗᑦ ᖃᓄᐃᙱᑦᑎᐊᕐᓂᐊᖅᐳᑦ, ᐊᒻᒪ ᓇᓚᐅᑦᑖᕆᒐᓚᒡᓗᑎᒃ. ᐊᕐᕌᒎᔪᒥ ᓄᓇᕗᒻᒥ ᓯᕗᓕᖅᑎᐅᔪᒥ ᐊᓂᑕᐅᓂᖓᓂ ᑲᑎᒪᔨᐅᓂᖓᓂ, ᑕᐃᒪᐃᒃᑲᓐᓂᕈᓐᓇᕆᕗᖅ. ᓄᑖᖑᔪᒥ ᑲᓇᑕᒥ ᑲᑎᒪᔨᕐᔪᐊᓂ ᐃᓚᒋᔭᐅᔪᖃᕈᓐᓇᕆᕗᖅ, ᐊᒻᒪ ᐃᒻᒪᖄᓘᓐᓃᑦ ᑲᓇᑕᒥ ᑲᑎᒪᔨᕐᔪᐊᖑᔪᓄᑦ ᐊᖓᔪᖅᑳᖑᔪᒥᑦ.

ᐋᒃᑲᓘᓐᓃᑦ ᑕᒪᒃᑭᓂ ᖁᓛᓃᑦᑐᓂ. ᑭᓱᑐᐃᓐᓇᑦᑎᐊᖅ ᐊᔪᕐᓇᙱᓚᖅ.

ᖁᕕᐊᓱᒋᑦᑎ ᐊᕐᕌᒍᒥ ᓄᑖᖑᔪᒥ!