$1M ᐱᕈᕐᕕᒃ ᐃᓕᓐᓂᐊᓕᓚᐅᙱᑦᑐᓄᑦ ᐸᐃᕆᕝᕕᖓᓄᑦ ᐱᓕᕆᐊᖑᔪᒧᑦ

ᐊᒻᒪᓗ, ᐃᖃᓗᒃᑑᑦᑎᐊᑉ ᐃᒋᑕᐅᓂᑯᓂ ᓴᓇᐅᒐᓄᑦ ᓵᓚᒃᓴᖅᐳᖅ ᐅᑭᐅᖅᑕᖅᑐᒥ ᑲᔪᖏᖅᓴᐃᓂᕐᒧᑦ ᓵᓚᖃᐅᓯᐊᒥᒃ $100,000-ᒥ ᐊᕕᒃᓯᒪᓂᐅᔪᒥ

131

ᐃᓱᒪᑐᔪᒥ ᓴᓇᓯᒪᔪᒥ-ᓄᓇᕗᒻᒥ ᐃᓕᓐᓂᐊᓕᓚᐅᙱᑦᑐᓄᑦ ᐸᐃᕆᕝᕕᖓᓂ ᐱᓕᕆᐊᖑᔪᒥ $1 ᒥᓕᐊᓐᑖᖅᐳᑦ ᐱᕈᖅᐸᓪᓕᐊᑎᑦᑎᓂᕐᒧᑦ ᐊᖏᒡᓕᒋᐊᖅᑎᑕᐅᓂᖓᓄᑦ ᖁᔭᓐᓇᒦᒃ ᐅᑭᐅᖅᑕᖅᑐᒥ ᑲᔪᖏᖅᓴᐃᓂᕐᒧᑦ ᓵᓚᖃᐅᓯᐊᒧᑦ.
ᐱᕈᕐᕕᒃ ᐃᓕᓐᓂᐊᓕᓚᐅᙱᑦᑐᓄᑦ ᐸᐃᕆᕝᕕᖓ ᒥᑦᑎᒪᑕᓕᖕᒥ, ᐱᔪᓐᓇᖅᑎᑦᑎᔪᓂ ᓱᕈᓯᕐᓂ ᐅᖃᐅᓯᖃᕐᓂᖏᓐᓂ ᖃᐅᔨᔪᒪᓂᐅᔪᒥ ᐃᓕᑦᑎᓂᕐᒧᑦ ᑭᓱᓂ ᐃᓚᐅᖃᑕᐅᔪᒪᓂᖏᓐᓂ ᓱᒃᑲᓕᓂᐅᔪᒥ ᐃᒻᒥᖕᓄᑦ ᓈᒻᒪᒃᑐᒧᑦ, ᐅᖃᐅᓯᐅᓚᐅᖅᐳᖅ ᓵᓚᖃᖅᑎᕐᔪᐊᖑᓂᖏᓐᓂ ᐅᑭᐅᖅᑕᖅᑐᒥ ᑲᔪᖏᖅᓴᐃᓂᕐᒧᑦ ᓵᓚᖃᐅᓯᐊᒧᑦ ᖁᕕᐊᓱᒍᑕᐅᔪᒥ ᐅᐊᐃᑦᕼᐅᐊᔅᒥ ᐊᐃᑉᐹᓂ ᐅᓐᓄᖓᓂ. ᓱᕈᓰᑦ ᑕᖅᑭᓂᑦ ᐱᖓᓱᓂ ᐊᕐᕌᒍᖃᖅᑐᓄᑦ ᑕᓪᓕᒪᓄᑦ ᐃᓚᐅᖃᑕᐅᕗᑦ ᐆᒥᖓ ᐱᓕᕆᓂᐅᔪᒥ ᐃᓕᑦᑎᓂᕐᒧᑦ ᑐᙵᕕᖃᖅᑐᒥ ᐃᓄᐃᑦ ᖃᐅᔨᒪᔭᑐᖃᖏᓐᓂ ᑐᙵᕕᒋᔭᖏᓐᓂ ᐱᓕᒻᒪᒃᓴᕐᓂᕐᒥ, ᐊᒻᒪ ᒫᓐᑎᓱᐊᕆ ᐱᓕᕆᔾᔪᓯᐅᔪᓂᑦ.
ᐱᓕᕆᐊᖑᔪᖅ ᐊᑐᐃᓐᓇᐅᕗᖅ 7-ᓂ ᓄᓇᓕᐅᔪᓂ ᐱᖓᓱᓂ ᐊᕕᒃᑐᖅᓯᒪᓂᐅᔪᓂ ᐊᒻᒪ ᐅᖃᓪᓚᖕᓂᖃᖅᐳᑦ ᓴᖅᑭᑎᑦᑎᓂᕐᒧᑦ ᓄᓇᕗᓕᒫᒥ ᓯᕗᓂᒃᓴᐅᔪᒥ.
“ᑕᐅᑐᙳᐊᖅᐳᒍᑦ ᐱᕈᖅᓴᐃᓂᕐᒥ ᖁᑦᑎᒃᑐᒥ-ᐱᐅᓂᐅᔪᒥ, ᐃᓕᖅᑯᓯᒧᑦ-ᐊᑑᑎᓕᖕᒥ ᐱᒋᐊᓕᓵᖅᑐᓄᑦ ᓱᕈᓯᕐᓄᑦ ᐃᓕᓐᓂᐊᕐᓂᐅᔪᒥ ᐱᓕᕆᐊᖑᔪᒥ ᓄᓇᓕᖕᓄᑦ ᒥᑦᑎᒪᑕᓕᖕᒥ,” ᐅᖃᓚᐅᖅᐳᖅ ᐱᓕᕆᐊᖑᔪᒧᑦ ᑐᑭᒧᐊᒃᑎᑦᑎᔨᐅᖃᑕᐅᔪᒥ ᑕᓴ ᓛᒃᕼᐃᐊᑦ, ᐅᐸᒃᑕᐅᓚᐅᖅᑐᒥ ᖁᙱᐊᕐᕕᐊᓂ ᐱᓕᕆᖃᑎᖓᓂ, ᑭᐊᕆᓐ ᓄᑕᕋᕐᒧᑦ. “ᐃᒪᐃᑦᑐᒥ ᖃᓄᐃᑦᑑᓂᖓᓂ ᐱᓕᕆᐊᖑᓂᐅᔪᓂ ᐊᒃᑐᐃᓲᖑᕗᖅ ᐃᓚᒌᓕᒫᓂᑦ, ᐊᒃᑐᐃᓲᖑᕗᖅ ᑕᒪᒃᑭᖅᑐᓂ ᓄᓇᓕᐅᔪᓂᑦ.”
ᕿᑎᕐᒥᐅᓂ ᐃᑦᑕᕐᓂᓴᓕᕆᓂᕐᒧᑦ ᑲᑐᔾᔨᖃᑎᒌᖑᔪᓂ ᐱᓕᕆᐊᖑᔪᒥ, ᐅᖃᕐᓗᑕ ᐃᓄᐃᓐᓇᖅᑐᓐ – Let’s Speak Inuinnaqtun, ᐊᑕᐅᓯᐅᖃᑕᐅᓚᐅᖅᐳᖅ ᒪᕐᕉᔪᓂ ᓵᓚᖃᕋᓱᐊᕐᓂᐅᔪᓄᑦ $1-ᒥᓕᐊᓐᓂ ᐊᖏᓛᖓᓂ ᓵᓚᖃᐅᓯᐊᒻᒥ.
ᐃᖃᓗᒃᑑᑦᑎᐊᒥ ᐊᐅᖅᑭᒃᑐᐃᓂᕐᒧᑦ ᐱᓕᕆᐊᖑᔪᒥ ᐅᓗᕆᐊᓇᖅᑐᒦᑦᑐᓄᑦ ᒪᒃᑯᒃᑐᓄᑦ ᓴᖅᑭᑎᑦᑎᓯᒪᔪᓂ ᐱᐅᕐᔪᐊᖅᑐᒥ ᐅᒥᖕᒪᖕᒥ ᓴᓇᙳᐊᒐᐅᔪᒥ ᐊᒻᒪ ᐃᔨᒧ-ᑕᑯᒥᓇᖅᑐᒥ ᐊᒪᕈᕐᓂᑦ ᐱᓚᐅᖅᐳᑦ $100,000-ᓂ ᒪᒃᑯᒃᑐᓄᑦ ᐊᕕᒃᑐᖅᓯᒪᓂᐅᔪᓄᑦ.
ᐃᖃᓗᒃᑑᑦᑎᐊᑉ ᐋᓐᑐᕉ ᑭᑎᒐᓐ ᑲᑎᙵᓂᐅᔫᑉ ᓯᕗᓕᐅᖅᑎᒋᔭᐅᕗᖅ ᐱᓕᕆᐊᒃᓴᐅᔪᒧᑦ, ᐃᒋᑕᐅᓂᑯᓂ ᓴᓇᐅᒐᓄᑦ. ᓴᓇᔭᐅᓯᒪᕗᖅ ᑲᔪᖏᖅᓴᐃᓂᕐᒧᑦ ᐃᓚᐅᔪᓂᑦ ᐊᐅᖅᑭᒃᓱᐃᓂᕐᒥ ᐊᔪᙱᓐᓂᐅᔪᓂᑦ, ᖁᕝᕙᕆᐊᖅᑎᑦᑎᓗᑎᒃ ᐃᒻᒥᓂᒃ-ᐅᐱᒋᓂᖏᓐᓂ ᐊᒻᒪ ᐊᖏᒡᓕᒋᐊᖅᑎᑦᑎᓗᓂ ᐃᓕᖅᑯᓯᖓᓐᓂ ᖃᐅᔨᒪᓂᐅᔪᒥ. ᕼᐋᒻᓚᒃᑯᑦ ᐃᖃᓗᒃᑑᑦᑎᐊᒥ ᐊᒻᒪ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖑᔪᓂ ᑐᓂᓯᓚᐅᖅᐳᖅ ᐃᑲᔪᖅᓱᐃᓂᖏᓐᓂ ᐱᒋᐊᕈᑕᐅᔪᒥ.
“ᐃᓕᓐᓂᐊᕐᕕᓂ ᐱᓕᕆᑦᑎᐊᓗᐊᙱᓚᒍᑦ, ᑭᓯᐊᓂ ᓴᓇᒃᑲᐅᕗᒍᑦ,” ᑭᑎᒐᓐ ᐅᖃᓚᐅᖅᐳᖅ ᐊᖏᕐᓂᖓᓄᑦ ᐅᖃᐅᓯᒃᓴᓕᐊᖓᓐᓂ. “ᐃᓱᒪᑐᓂᕗᑦ ᐃᖏᕐᕋᓲᖑᕗᑦ ᒥᓕᐊᓐ ᒪᐃᔪᔅᓂ ᒥᓂᑦᒥ, ᑭᓯᐊᓂ, ᐃᓱᐊᓂ, ᖃᓄᐃᓕᐅᕈᑎᒋᓲᕆᕙᕗᑦ ᐃᓱᒪᓂᐅᔪᓕᒫᓂᑦ?”
ᓇᖏᖃᑎᖃᖅᖢᓂ ᑭᑎᒐᓐᒥ, ᐊᐅᖅᑭᒃᑎᔨᐅᔪᓂ ᐱᓕᕆᐊᖑᔪᒥ ᐃᓚᐅᖃᑕᐅᓲᓂᑦ ᑲᐃᑕᒃ ᐊᓪᓗᒃᐱᒃ ᐃᓚᒋᐊᖅᓯᓚᐅᖅᐳᖅ, “ᐃᓅᓯᑦᑎᓐᓂ ᐊᓯᔾᔩᓚᐅᖅᐳᖅ… ᖁᔭᓕᓲᖑᕗᒍᑦ ᒎᑎᒧᑦ ᖃᐅᑕᒫᑦᑎᐊᖅ ᑐᓂᔭᐅᓯᒪᒐᑦᑕ ᑐᓐᓂᖅᑯᓯᐊᒥᒃ ᓯᕗᓕᐅᖅᑎᙳᕐᓂᕐᒧᑦ ᐊᒻᒪ ᐅᖃᐅᓯᖃᕐᓗᑕ ᖃᐅᔨᒪᓂᑦᑎᓐᓂ ᐊᓯᖏᓐᓄᑦ ᒪᒃᑯᒃᑐᓄᑦ, ᐊᓯᖏᓐᓄᑦ ᒪᒃᑯᒃᑐᓄᑦ ᐅᕙᑦᑎᑐᑦ. ᖁᕕᐊᑉᐳᒍᑦ ᓴᓇᒃᑲᓐᓂᕐᓂᕐᒧᑦ ᓴᓇᐅᒐᒃᑲᓐᓂᕐᓂᑦ ᓄᓇᓕᑦᑎᓐᓄᑦ.”
ᐊᓪᓗᒃᐱᒃ ᐃᓚᒋᐊᖅᓯᓚᐅᖅᐳᖅ ᑖ1ᓴ $100,000 ᑐᕌᖓᓂᐊᖅᐳᖅ ᐊᐅᖅᑭᒃᓱᐃᓂᕐᒧᑦ ᐱᓕᕆᕝᕕᖓᓂ “ᐊᐅᓚᐃᓐᓇᐅᔭᕐᓗᓂ.”
ᓄᓇᕗᒻᒥ ᒪᓕᒐᒧᑦ ᐱᓕᕆᐊᖑᔪᖅ ᓵᓚᒃᓴᕋᓱᐊᖅᑐᓃᓚᐅᕆᕗᑦ ᐅᑭᐅᖅᑕᖅᑐᒥ ᑲᔪᖏᖅᓴᐃᓂᕐᒧᑦ ᓵᓚᖃᐅᓯᐊᖑᔪᒥ ᐊᕕᒃᓯᒪᓂᐅᔪᒥ, ᐊᑐᐃᓐᓇᖃᖅᑎᑦᑎᔪᒥ ᑎᑭᐅᑎᔪᒧᑦ $500,000-ᒧᑦ.
ᕇᑑ ᕼᐋᓪ ᑐᙵᕕᒋᔭᐅᔪᒥ ᑲᒪᒋᔭᖃᓲᖑᕗᖅ ᐊᕐᕌᒍᑕᒫᒥ ᐅᑭᐅᖅᑕᖅᑐᒥ ᑲᔪᖏᖅᓴᐃᓂᕐᒧᑦ ᓵᓚᖃᐅᓯᐊᒧᑦ, ᐃᓱᒪᒋᔭᐅᓚᐅᖅᓯᒪᔪᒥ ᑲᓇᑕᒥᐅᑕᒥ ᖁᕝᕙᖅᓴᐃᔨᐅᔪᒥ ᐃᑲᔪᕐᓂᕐᒧᑦ ᐊᓯᖏᓐᓂ 2012-ᒥ ᐊᑭᓖᓂᕐᒧᑦ ᐅᑭᐅᖅᑕᖅᑐᒥ ᖃᐅᔨᒪᓂᐅᔪᒥ ᐊᒻᒪ ᐃᓱᒪᑐᓂᐅᔪᓂᑦ.

Previous articleTootoo votes no on federal Indigenous Languages Act
Next articleProposed interim act delays Inuktut language instruction in schools
Casey has worked in journalism for more than 20 years, and with Nunavut News since 2011. His work has taken him across the North: to every community in Nunavut's Qikiqtani and Kivalliq regions; to Yellowknife, NWT; to Whitehorse, Yukon, for the 2012 Arctic Winter Games; and to Fairbanks, Alaska, for the 2014 Arctic Winter Games. Casey's local editorials were named the best in Canada in 2018 (bilingual education in Nunavut) and 2019 (Government of Nunavut toxicity), and he is the two-time recipient of Canada's top national award for community newspaper reporting, most recently in 2015 for his work covering Iqaluit's dump fire. He was the project developer for NNSL's 2016 Arctic Winter Games website and app, which won regional honours for best online project.