ᓄᓇᕗ ᒐᕙᒪᒃᑯᓐᓂ ᐃᖅᑲᓇᐃᔭᖅᑏᑦ ᐊᐅᓪᓚᓚᐅᖅᐳᑦ ᑲᖏᖅᖠᓂᕐᒥ ᐱᔪᓐᓇᖅᓯᒃᑲᓐᓂᖅᖢᑎᒃ ᑕᒫᓂ ᑕᖅᑭᐅᓚᐅᖅᑐᒥ, ᐃᓱᓕᑦᑎᓚᐅᖅᑎᓪᓗᒋᑦ ᕼᐃᕗᓕᖅᑎᒃᕼᐊᓄᑦ ᐃᓕᓐᓂᐊᖅᑕᐅᓲᒥ ᐃᓱᓕᑎᑦᑎᑎᓪᓗᒋᑦ.
ᑕᖅᑭᓂᒃ 8-ᓂ ᐃᓕᓐᓂᐊᕐᓂᐅᓲᖅ ᐱᒋᐊᓚᐅᖅᓯᒪᔪᖅ 2016-ᖑᑎᓪᓗᒍ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᓅᖓᓪᓗᓂ ᑐᑭᒧᐊᒃᑎᑦᑎᔨᐅᓯᒪᖏᓐᓂᑰᒐᓗᐊᖅᑎᓪᓗᒋ ᐱᓕᒻᒪᒃᓴᖁᓪᓗᒋᑦ ᐃᓕᓐᓂᐊᕐᓂᒃᑯᑦ ᐃᖅᑲᓇᐃᔮᖏᓐᓂ ᓄᖅᑲᖏᑦᑐᓐᓇᖅᖢᑎᒃ.
Elizabeth Allakariallak Roberts gives the commencement speech at the graduation for the territorials government's Hivuliqtikhanut program. Cody Punter/NNSL photo
ᑭᖑᓪᓕᖅ ᐃᓕᓐᓂᐊᕐᓂᐅᓚᐅᖅᑐᖅ ᐅᓪᓗᓂᒃ ᐱᖓᓱᓂᒃ ᑲᖏᖅᖠᓂᕐᒥ 7-ᖏᖅᓱᖅᖢᑎᒃ ᐅᑐᐱᕆᒥ ᔫᓂᒧᑦ ᐊᐅᓚᑕᐅᖃᑕᐅᓪᓗᓂ ᓄᓇᕗᒻᒥ ᓯᓚᑦᑐᖅᓴᕐᕕᖓᓂ.
ᕼᐃᕗᓕᖅᑎᒃᕼᐊᓂ ᐃᓕᓐᓂᐊᖅᑎᑦᑎᓲᖑᕗᑦ ᐊᔾᔨᒌᖏᑦᑐᓂ ᑐᑭᒧᐊᒃᑎᑦᑎᔪᓐᓇᕐᓂᕐᒥ ᐃᓄᐃᑦ ᐱᖅᑯᓯᖓᓂᒡᓗ ᐃᓚᓕᐅᔾᔨᓪᓗᑎᒃ ᐃᓕᓐᓂᐊᖅᑎᖏᓪᓗ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᒐᓴᖕᓂ ᓄᓇᕗᒥᐅᑕᓂ.
ᐱᑕ ᐊᐅᑐᑦ - ᑎᑭᕌᕐᔪᐊᕐᒥᐅᑕᖅ - ᐃᓕᓐᓂᐊᖅᑎᑦᑎᕙᓕᖅᐳᖅ ᐱᕚᓪᓕᖅᑎᑦᑎᓂᕐᒥᒡᓗ ᐱᓕᕆᐊᖃᓕᖅᑐᖅ ᐃᖃᓗᖕᓂ ᐊᒃᓱᕈᕐᓇᖏᓐᓂᕋᐃᓚᐅᖅᑐᖅ ᑖᔅᓱᒧᖓ ᑭᕙᓪᓕᕐᒥᐅᑕᒧᑦ.
“ᑲᖏᖅᖠᓂᕐᒨᒃᑲᓐᓂᕈᓐᓇᖅᓯᓚᐅᖅᐳᖓ. ᐃᓚᒐᓵᓗᒃᑲ ᑕᒫᓂ, ᓈᒻᒪᓈᕈᑎᒋᓚᐅᖅᑕᖓ. ᐃᓕᓐᓂᐊᒃᑲᓐᓂᕈᓐᓇᓚᐅᕆᕗᖓ. ᖃᓄᖅᑑᕆᐊᖃᕐᓇᖏᑉᐸᓵᓚᐅᖅᑐᖅ.”
ᐋᓐᔨ ᒫᑏ, ᐃᖅᑲᓇᐃᔮᖃᖅᑐᖅ ᖃᒪᓂ’ᑐᐊᕐᒥ ᐊᑭᓕᒃᓴᕆᔭᐅᔪᓂᒃ ᖁᓪᓕᒃᑯᓐᓄ ᑐᓴᖅᑎᑦᑎᓲᖅ, ᐅᖃᓚᐅᖅᐳᖅ ᐃᓕᓐᓂᐊᕆᐊᖃᑕᐅᔪᓐᓇᓚᐅᖅᐳᖅ ᑐᑭᒧᐊᒃᑎᑦᑎᔨᖓᑕ ᐱᓇᓱᖁᖕᒪᒍ.
“ᐃᖅᑲᓇᐃᔮᕆᔪᓐᓃᓛᕐᒪᒍ ᐃᓇᖏᖅᓯᔪᓐᓇᕋᓱᒋᓚᐅᕐᒫᖓ,” ᐅᖃᓚᐅᖅᑐᖅ.
ᒫᑏ ᐅᖃᓚᐅᖅᑐᖅ ᐃᓕᓐᓂᐊᕐᓂᖓᑎᒍᑦ ᐃᒻᒥᓂᒃ ᐅᒃᐱᕆᔪᓐᓇᖅᓯᔾᔫᒥᓚᐅᖅᑐᖅ ᐱᔪᓐᓇᕐᓂᖓᓂ ᖃᐅᔨᓪᓗᓂᓗ ᐊᐅᓚᑦᑎᔪᓐᓇᕐᓂᖓᓂ. ᐱᓂᖅᐹᒥᒃ ᐊᑲᐅᖏᑦᑐᖃᖅᑎᓪᓗᒍ ᐊᒡᓚᒡᕕᖕᒥ ᓴᐃᓕᑎᑦᑎᔪᓐᓇᕐᓂᕐᒥᒃ.
“ᐱᓕᕆᔪᓐᓇᖅᑕᓐᓂᒃ ᖃᐅᔨᕗᖓ ᓇᓗᓚᐅᖅᑕᓐᓂᒃ,” ᐅᖃᓚᐅᖅᐳᖅ ᐃᓱᓕᑎᑦᑎᓚᐅᖅᑎᓪᓗᒍ.
ᐊᑲᐅᔾᔪᑎᒋᔭᖓ ᐃᓕᓐᓂᐊᕐᓂᖅ ᒐᕙᒪᒃᑯᓐᓂ ᐃᖅᑲᓇᐃᔭᖅᑏᑦ ᓄᓇᕗᓕᒫᒥ ᑲᖏᖅᖠᓂᕐᒧᐊᕈᓐᓇᕐᓂᖏᓐᓄᑦ. ᐊᐅᑐᑦ ᐅᖃᓚᐅᖅᐳᖅ ᐊᔾᔨᒌᖏᓐᓂᖏᑦ ᐃᓕᓐᓂᐊᕈᑏᑦ ᑐᙵᕕᑦᑎᐊᕙᐅᓂᖓᓂ.
“ᓲᕐᓗ ᕿᓚᒋᐊᖃᖅᑐᑐᑦ ᓴᙱᒃᑎᓴᖅᑕᐅᓇᖅᑐᖅ ᖃᓂᒌᒍᑕᐅᓕᕐᓇᖅᖢᓂᓗ”.
“ᐊᔪᕐᓇᖏᒻᒦᖑᓚᐅᖅᑐᖅ ᐊᐱᖅᓱᖅᑎᖃᕌᖓ ᐃᖃᓗᑦᑑᑦᑎᐊᖅ ᖁᕐᓗᖅᑐᕐᓘᓐᓃᑦ ᖃᓄᐃᓕᖓᖕᒪᖔᑦ ᑕᐅᕙᙶᖅᑐᖃᓚᐅᕐᒪᑦ ᓇᓗᓇᐃᖅᓯᔪᓐᓇᓚᐅᖅᐳᑦ ᐃᒪᓐᓇᐅᙱᖔᖅᑐᖅ 'ᐊᓱ, ᐃᒪᓐᓇ ᑐᓴᐅᒪᔪᖓ'.”
ᒪᕐᕈᐃᖅᓱᓕᖅᐳᖅ ᕼᐃᕗᓕᖅᑎᒃᕼᐊᓄ ᐃᓕᓐᓂᐊᕐᓂᐅᓚᐅᖅᑐᖅ ᑲᖏᖅᖠᓂᕐᒥ, 74-ᓂ ᐃᓱᓕᑦᑎᔪᖃᓕᖅᖢᓂ ᓄᓇᕗᓕᒫᒥᙶᖅᑐᓂ.
ᐃᓱᓕᑦᑎᔪᑦᑎᓚᐅᖅᑎᓪᓗᒋᑦ, ᒐᕙᒪᒃᑯᑦ, ᓯᓚᑦᑐᖅᓴᕐᕕᒃᑯᑦ ᑎᐅᕼᐊᐅᓯ ᓯᓚᑦᑐᖅᓴᕐᕕᒡᓗ ᐊᖏᖃᑎᒌᓚᐅᖅᐳᑦ ᐃᓕᓐᓂᐊᒃᑕᓐᓂᖅᑎᑦᑎᔪᒪᓪᓗᑎᒃ ᕼᐃᕗᓕᖅᑎᒃᕼᐊᓄᑦ ᐱᔭᕇᖅᓯᓯᒪᔪᓄᑦ.
ᐊᖏᕈᑎ ᐃᓕᓐᓂᕇᖅᓯᒪᔪᓄᑦ ᑲᔪᓯᑎᑦᑎᔪᓐᓇᓛᕐᓂᕋᐃᔪ ᑎᐅᕼᐊᐅᓯᒧᑦ, ᑕᐅᕙᓃᙱᑎᓪᓗᒋᒃ ᓯᓚᑦᑐᖅᓴᕐᕕᖓᓂᒡᓘᓐᓃᑦ.
ᐊᐅᑐᑦ ᐅᖃᓚᐅᖅᐳᖅ ᐃᓕᓐᓂᐊᖃᑎᒋᓚᐅᖅᑕᖏᓪᓗ ᐃᓕᓐᓂᐊᒃᑲᓐᓂᕈᒪᓂᖏᓐᓂ.
“ᖃᐅᔨᒪᓚᐅᖅᐳᖓ ᐊᔪᕐᓇᕈᓐᓃᓛᕐᓂᖏᓐᓂᒃ, ᑭᓯᐊᓂ ᓇᓗᓇᓚᐅᖅᑐᖅ ᑭᓱᒥᒃ,”.
“ᐃᖀᖓᓇᖅᑐᖅ ᐃᓕᓐᓂᐊᒃᑲᓐᓂᕈᓐᓇᕐᓂᐊᓯᒐᑦᑕ.”