ᓄᓇᐅᓪᓗᓂ ᐊᑕᐅᓯᕐᒥ-ᑎᓴᒪᖓᓂᐅᓪᓗᓂ ᑲᓇᑕᒥ, 3.2 ᒥᓕᐊᓐᓂ ᑭᑉᐹᕆᒃᑐᓂ ᑭᓛᒥᑐᓂ ᓄᓇᒥᒃ, ᑐᑭᓯᓇᑦᑎᐊᖅᐳᖅ ᓄᓇᕗᑦ ᐱᔭᕆᐊᖃᕐᓂᖓᓂ ᓄᓇᒥ ᐊᑐᕐᓂᕐᒧᑦ ᐸᕐᓇᐅᑎᒥᒃ. ᑕᐃᒪᐃᑦᑐᒥ ᐸᕐᓇᐅᑎᒥ ᐊᑕᐅᓯᐅᓪᓗᓂ ᓈᒻᒪᒋᔭᐅᙱᓐᓂᐅᔪᒥ ᐱᔭᕆᐊᖃᕐᓂᐅᕗᖅ ᓄᓇᕗᒻᒥ ᐊᖏᕈᑕᐅᔪᒥ, ᖁᕕᐊᓱᒍᑎᖃᓚᐅᖅᑐᒥ 25−ᖓᓂ ᓇᓪᓕᐅᕐᓂᖅᓯᐅᕐᓂᖓᓂ 2018−ᒥ. ᐊᑯᓂᐊᓘᕗᖅ ᐸᕐᓇᐅᑎᖃᕐᓇᓂ.
ᓄᓇᕗᒻᒥ ᐸᕐᓇᐃᔩᑦ (NPC) ᒫᓐᓇᐅᔪᒥ ᐱᓕᕆᕗᖅ ᐱᖓᔪᖓᓐᓂ ᑎᑎᕋᐅᖅᑕᐅᒋᐊᙵᕈᒻᒥ ᐸᕐᓇᐅᑎᒥᒃ, ᑕᒫᓂᕐᕆᑐᐃᓐᓇᖅᑐᒥ ᑮᓇᐅᔭᖃᖅᑎᑦᑎᔨᐅᔪᑦ – ᑲᓇᑕᒥ ᒐᕙᒪᒃᑯᑦ – ᐊᒻᒪ ᐊᑎᓕᐅᖃᑎᖏᑦ – ᓄᓇᕗᒻᒥ ᒐᕙᒪᒃᑯᑦ ᐊᒻᒪ ᓄᓇᕗᒻᒥ ᑐᙵᕕᒃᑯᑦ – ᐱᒋᐊᒃᑲᓐᓂᖅᓯᖁᔨᑎᓪᓗᒋᑦ.
"ᐅᑎᕆᑦᑎ ᐱᒋᐊᕐᕕᒃᓴᐅᔪᒧᑦ," ᐅᖃᐅᓯᐅᓚᐅᖅᐳᑦ ᓯᕗᓕᖅᑎ ᔫ ᓴᕕᑲᑖᖅ ᐊᑐᓚᐅᖅᐳᖅ ᓇᓗᓇᐃᖅᓯᒃᑲᓐᓂᕐᓂᕐᒧᑦ ᑎᑎᖅᑲᒥᒃ ᓄᓇᕗᒻᒥ ᐸᕐᓇᐃᔨᓄᑦ ᐱᖓᓱᓂᑦ ᐱᓕᕆᖃᑕᐅᔪᓄᑦ ᐱᓕᕆᔪᓐᓇᕐᓂᐊᖅᑐᓄᑦ ᑭᖑᓪᓕᖅᐹᖓᓂ ᐊᖏᖅᑕᐅᓂᐅᔪᒥ ᑎᑎᕋᖅᑕᐅᒋᐊᙵᕈᒻᒥ. ᑐᕌᖅᑎᑕᐅᓂᐅᔪᖅ ᐊᑦᑐᙱᕐᓂᐅᙱᑦᑐᒥ ᐃᒪᐃᖁᔭᐅᓂᐅᔪᒥᐅᕗᖅ ᑭᓯᐊᓂ ᓄᓇᕗᒻᒥ ᐸᕐᓇᐃᔩᑦ ᐱᔫᔮᖅᐳᑦ ᐅᖃᐅᔾᔨᓂᐅᔪᒥ ᐱᓪᓚᕆᐅᓂᖓᓂ. ᐱᓇᓱᐊᕈᓯᐅᓚᐅᖅᑐᒥ ᑐᓴᒐᒃᓴᓕᐊᖑᔪᒥ ᐃᓱᖓᓐᓂ, ᐊᓯᖏᑦ ᓯᐊᒻᒪᖅᑎᑦᑎᔨᐅᔪᑦ ᐅᓂᒃᑲᐅᓯᖃᓚᐅᖅᐳᑦ ᓄᓇᕗᒻᒥ ᐸᕐᓇᐃᔩᑦ ᑐᓂᓯᓂᐊᕐᓂᖏᓐᓂ ᑐᒃᓯᕋᕐᓂᐅᔪᒥ ᐊᖏᖅᑕᐅᓇᓱᐊᕐᓂᕐᒧᑦ ᓴᓇᓂᖏᓐᓂ ᑎᓴᒪᖓᓐᓂ ᑎᑎᕋᖅᑕᐅᒋᐊᙵᕈᒻᒥ.
ᑮᓇᐅᔭᖃᖅᑎᑕᐅᓂᖃᕆᐊᖃᖅᐳᑦ, ᓲᖃᐃᒻᒪ, ᐊᒻᒪ ᖄᖏᖅᓯᒪᔪᓂ ᐊᑐᖅᑕᐅᓂᑯᓂ ᑕᑯᒃᓴᐅᑎᑦᑎᓯᒪᕗᖅ ᒐᕙᒪᑐᖃᒃᑯᑦ ᐃᑲᔪᖅᓱᐃᔨᐅᓪᓚᑦᑖᔾᔮᙱᑐᐃᓐᓇᕆᐊᖃᕐᓂᖏᓐᓂ ᓄᓇᕗᒻᒥ ᐸᕐᓇᐃᔩᑦ ᑐᒃᓯᕋᐅᑎᖏᓐᓂ. 2014−ᒥ, ᕼᐋᐸ ᒐᕙᒪᖓᑦ ᐊᖏᓚᐅᙱᓐᓂᖓᓐᓂ ᑮᓇᐅᔭᖃᖅᑎᑦᑎᓂᐅᔪᒥ ᑐᓵᑎᑦᑎᓂᐅᔪᓄᑦ ᐃᖏᕐᕋᐃᓐᓇᕐᓂᖏᓐᓄᑦ ᑎᑎᕋᖅᑕᐅᒋᐊᙵᕈᒻᒧᑦ ᑕᐃᒪᐃᓕᖓᓂᖓᓂ ᑕᐃᑲᓃᑦᑐᒥ. ᑐᙵᕕᖃᖅᑐᒥ ᑐᕌᖅᑎᑕᐅᓂᖏᓐᓂ, ᑭᓯᐊᓂ, ᑐᑭᖃᑦᑎᐊᕋᔭᕐᓂᖓᓂ ᒐᕙᒪᑐᖃᒃᑯᓐᓂ ᑎᑭᐅᑎᓂᖏᓐᓂ ᑮᓇᐅᔭᖃᖅᑎᑦᑎᓂᐅᔪᒥ.
ᐱᓇᓱᐊᕈᓯᐅᓚᐅᖅᑐᒥ ᐅᓂᒃᑳᕆᓚᐅᖅᐳᒍᑦ ᕿᑎᕐᒥᐅᑦ ᐃᒃᓯᖕᓇᖅᑕᐅᓯᒪᐃᓐᓇᕐᓂᖏᓐᓂ ᑮᓇᐅᔭᖃᖅᑎᑕᐅᓇᓂ ᐃᓄᓕᒫᓄᑦ ᑐᓵᓂᐅᔪᒧᑦ ᓇᖕᒥᓂᖓᒍᑦ ᑎᑎᕋᖅᑕᐅᒋᐊᙵᕈᒻᒧᑦ ᐊᑐᕐᓂᕐᒧᑦ ᐸᕐᓇᐅᑎᒧᑦ. ᐱᓇᓱᐊᕈᓯᐅᓚᐅᖅᑐᒥ ᑐᓴᒐᒃᓴᓕᐊᖓᓐᓂ ᓴᖑᓂᐅᔪᒥ ᑎᓴᒪᖓᓐᓄᑦ ᑎᑎᕋᖅᑕᐅᒋᐊᙵᕈᒻᒥ, ᑐᑭᖃᕈᒥᓇᖅᐳᖅ ᓂᕆᐅᖕᓂᕐᒥ ᕿᑎᕐᒥᐅᓂ ᐱᕋᔮᓛᕐᓂᖏᓐᓂ ᑭᓯᐊᓂ ᓯᕗᓕᐅᖅᑎᐅᔪᑦ ᐊᕕᒃᓯᒪᓂᐅᔪᒥ ᑕᑯᔪᒪᕐᔪᐊᕐᒪᑕ ᐆᒥᖓ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥ ᐱᓪᓚᕆᐅᓕᕐᓂᖓᓂ, ᓴᒃᑯᐃᑦᑐᔪᒪᕗᑦ ᐅᖃᖃᑎᖃᕐᓂᐅᔪᓂ ᓄᓇᒥ ᐊᑐᕐᓂᕐᒧᑦ ᐸᕐᓇᐅᑎᒥᒃ ᓄᓇᕗᒻᒥ ᐸᕐᓇᐃᔩᑦ ᐱᔪᓐᓇᖅᑎᑕᐅᒍᑎᒃ ᐱᓕᕆᓂᖏᓐᓄᑦ ᐊᒻᒪ ᐸᕐᓇᐅᑎᖓᓐᓂ ᐱᔭᕇᖅᑕᐅᓗᓂ. ᑐᑭᖃᖅᑑᔮᙱᓚᖅ ᑭᓯᐊᓂ ᑕᐃᒪᐃᓕᖓᓂᐅᕗᖅ.
ᐅᕙᙶᖅᐳᖅ ᐊᕕᒃᓯᒪᓂᐅᔪᒥ ᒎᓗ ᓄᓇᒥᙶᕐᓂᖓᓂ ᐱᐅᓗᐊᒧᑦ, ᓴᓇᔭᐅᑲᐅᑎᒋᔪᓐᓇᖅᑐᒥ ᒎᓗᒧᑦ ᑭᑉᐹᕆᒃᑑᑕᐅᔪᓄᑦ. ᑮᓇᐅᔭᖅᑕᓕᒃ ᑖᒃᑯᓇᓂ ᖃᓕᕈᓯᐅᔪᓂ, ᐊᒻᒪ ᐃᓄᐃᑦ ᖃᐅᔨᒪᔭᕆᐊᖃᖅᐳᑦ ᐸᕐᓇᐅᑎᖃᕐᓂᖓᓂ ᓴᐳᔾᔨᓯᒪᔪᓂ ᐱᓕᕆᔪᒪᔭᖏᓐᓂ.
ᑕᒪᓐᓇ ᓇᖏᕐᓂᖃᖅᐳᖅ ᐊᔾᔨᒋᙱᑕᖓᓂ ᐃᓗᐊᕐᓂᐅᔪᒥ ᑐᓂᔭᐅᔪᒥ ᒪᕐᕉᖕᓄᑦ ᐊᓯᖏᓐᓄᑦ ᐊᕕᒃᓯᒪᓂᐅᔪᓄᑦ, ᑭᕙᓪᓕᕐᒥ ᓄᓇᒥ ᐊᑐᕐᓂᕐᒧᑦ ᐸᕐᓇᐅᑎᒥᒃ ᐊᒻᒪ ᐅᐊᖕᓇᒥ ᕿᑭᖅᑖᓗᖕᒥ ᐊᕕᒃᓯᒪᓂᐅᔪᒥ ᓄᓇᒥ ᐊᑐᕐᓂᕐᒧᑦ ᐸᕐᓇᐅᑎᒥᒃ, ᑭᖑᓪᓕᖅᐹᖑᔪᒥ ᓴᓇᓯᒪᔪᓄᑦ ᑖᒃᑯᓇᓂ ᑕᒪᒃᑭᑦ ᐊᖏᖅᑕᐅᓚᐅᖅᑐᓄᑦ 2000−ᒥ. ᐅᑯᐊ ᐸᕐᓇᐅᑎᑦ ᑐᓂᓯᕗᖅ ᑐᙵᕕᒃᓴᐅᔪᒥ ᐱᕙᓪᓕᐊᑎᑦᑎᔨᐅᔪᑦ ᓴᓇᔪᓐᓇᕐᓂᖏᓐᓂ ᐸᕐᓇᐅᑎᓂᑦ ᓄᓇᓄᑦ ᐅᖃᐅᔾᔨᖅᑕᐅᓯᒪᔪᓄᑦ ᐃᓄᐃᑦ ᑕᐅᑐᙳᐊᖅᑕᖓᓐᓄᑦ.
ᑎᑭᑉᐸᓪᓕᐊᓕᖅᑐᒍᑦ ᐊᕐᕌᒍᓄᑦ 20−ᓄᑦ ᐅᑯᓄᖓ ᐸᕐᓇᐅᑎᐅᔪᓄᑦ – ᑐᙵᕕᐅᓪᓗᑎᒃ ᒪᓕᖃᑦᑕᐅᑎᔪᓄᑦ ᐊᕕᒃᓯᒪᓂᐅᔪᓄᑦ ᓄᓇᕗᒻᒥ ᐸᕐᓇᐅᑎᒧᑦ – ᐊᒻᒪ ᐊᑯᓂᐅᓂᖅᓴᒥ ᐱᖃᙱᑦᑐᒥ ᕿᑎᕐᒥᐅᓄᑦ ᐊᒻᒪ ᓂᒋᕐᒥ ᕿᑭᖅᑖᓗᖕᒧᑦ (ᐅᖃᐅᓯᐅᓯᒪᓪᓗᓂ ᖃᓄᐃᓕᐅᕐᓂᖃᙱᓐᓂᖅᓴᐅᔪᒥ ᑭᓯᐊᓂ DeBeers' Chidliak ᐱᖁᑎᖏᓐᓂ ᕿᑎᐊᓂ ᐃᖃᓗᖕᓂ ᐊᒻᒪ ᐸᖕᓂᖅᑑᒥ ᑕᒪᑐᒪᙵᑦ ᐊᓯᔾᔩᔪᓐᓇᖅᖢᓂ).
ᐃᖏᕐᕋᕙᓪᓕᐊᓂᐅᔪᖅ ᐊᑯᓂᐅᓲᖑᕗᖅ ᓄᓇᕗᒻᒥ ᑭᓯᐊᓂ ᓈᒻᒪᒃᓯᕙᓪᓕᐊᓕᖅᐳᖅ ᑕᒪᑐᒥᖓ ᐱᓕᕆᐊᖑᔪᒧᑦ ᒪᑐᔭᐅᓂᖓᓄᑦ.
ᑕᐃᒪᑐᖅ ᑎᓴᒪᖓᓐᓂ ᐱᓕᕆᑦᑎᐊᕐᓂᐊᖅᐳᖅ, ᐱᓕᕆᓂᐅᔪᖅ ᐱᓕᕆᓂᐊᖅᐳᖅ ᑕᐃᒪᐃᓪᓗᐊᖅᑐᒥ, ᐊᒻᒪ ᓄᓇᕗᒻᒥ ᐸᕐᓇᐃᔩᑦ ᑐᓂᔭᐅᓂᐊᕐᓂᖏᓐᓂ ᑮᓇᐅᔭᓂᒃ ᐱᔭᕆᐊᓕᖏᓐᓂ ᐱᓕᕆᐊᒃᓴᒥ ᐱᓕᕆᑦᑎᐊᕈᓐᓇᕐᓂᕐᒧᑦ. ᐊᔭᐅᕆᕗᒍᑦ ᑕᒪᒃᑭᓂ ᐱᓕᕆᖃᑕᐅᔪᓂ ᐃᓚᐅᔪᓂ ᑕᐅᑐᒃᑕᑐᐊᖃᑲᐃᓐᓇᕐᓂᕐᒧᑦ ᑐᕌᒐᒃᓴᕆᔭᖓᓄᑦ ᓄᓇᒥ ᐊᑐᕐᓂᕐᒧᑦ ᐸᕐᓇᐅᑎᒥᒃ, ᓂᕈᐊᖅᓯᓂᕐᒥ ᐊᖏᖃᑎᒌᖕᓂᖃᙱᓪᓗᑎᒃ ᐱᓕᕆᓂᐅᔪᒥ, ᐊᒻᒪ ᓇᓕᒧᑎᑦᑎᓗᑎᒃ ᐱᔭᕇᕐᓂᐅᔪᒥ ᐱᓕᕆᑦᑎᐊᖅᑐᒥ ᐱᔪᒪᓂᐅᔪᓄᑦ ᑎᑎᕋᖅᑕᐅᒋᐊᙵᕈᑎᓕᐅᕐᓗᑎᒃ ᐸᕐᓇᐅᑎᒥᒃ ᐱᓕᕆᑦᑎᐊᕈᓐᓇᖅᑐᒧᑦ ᓄᓇᕗᒻᒥᐅᓄᑦ.