Skip to content

ᓄᓇᓕᐸᐅᔭᑦᑎᓐᓂ ᑐᖓᓕᖓᓂ ᓴᓇᕕᓄᑦ ᓄᓇᓕᖃᓚᖓᓕᖅᑐᑦ ᐱᐅᔪᖅ ᓄᓇᕗᒥᐅᓄᑦ

ᑕᐃᒪᖓᓂᑦ ᒪᓖᓐᓇᕋᒃᑭᑦ ᐱᕙᓪᓕᐊᑎᑦᑎᓂᐊᕐᓂᕋᖅᑐᖅ ᓄᓇᒥᒃ ᐃᖃᓗᐃᑦ ᓴᓇᕕᖃᕐᕕᐊᓂ, ᕿᓚᓈᕆᔭᐅᓪᓗᑎᒃ ᑕᐅᑐᖑᐊᖅᑕᐅᕙᒃᑐᑦ ᓱᓕᔪᒥᒃ ᓴᖅᑭᓚᖓᓕᖅᑐᑦ. ᓄᓇᓕᐸᐅᔭᑦᑎᓐᓂ ᓴᓇᕕᖃᕐᕕᐅᒥ ᐃᓂᒃᓴᓂᒃ ᐊᒥᒐᖅᖠᓕᕋᑦᑕ ᐊᑯᓂ ᓇᖕᒥᓂᖅ ᐱᓇᓱᐊᒐᖃᖅᑐᓄᑦ ᓴᓇᕕᓕᐅᕐᕕᐅᔪᓐᓇᖅᑐᒥᒃ ᐊᖏᕐᕋᖃᖅᑐᓄᓪᓗ ᐱᕈᖅᓴᐃᕕᐅᔪᓐᓇᖅᑐᒥᒃ.

ᐅᑭᐅᖑᕋᑖᖅᑐᓂ, ᓄᓇᓕᐸᐅᔭᑦᑎᓐᓂ ᐸᕐᓇᐃᔩᑦ ᒪᓐᓇᒧᑦ ᑎᑭᖢᒍ ᑕᑕᑎᕆᑐᐃᓐᓇᖅᑑᔮᕐᒪᑕ ᓱᓕ ᑕᐃᓱᒪᓂᑐᖃᖅ ᒪᓂᖅᑲᖅᓴᕐᕕᐅᓂᑯᓂᒃ ᓄᓇᓂᒃ ᐃᒡᓗᓕᐅᕐᕕᒃᓴᓂᒃ ᓂᐊᖁᖒᑉ ᐃᖃᓗᐃᓪᓗ ᐊᑯᓐᓂᖓᓂ, ᐱᓕ ᔫᒥ ᐃᓕᓴᕐᕕᐊᓄᑦ, ᐊᒻᒪᓗ ᑖᕗᖓ ᓂᐊᖁᖒᑉ ᓄᓇᒧᑦ ᐊᖅᑯᑎᐊᒍᑦ. ᑕᒪᑐᒪᓂ ᐊᐅᔭᖅ ᓄᓇᑖᕈᒪᔪᑦ ᓇᓚᐅᑦᑖᖅᑎᑕᐅᒐᓗᐊᖅᑎᓪᓗᒋᑦ, ᓱᓕ ᐃᒡᓗᓕᐅᖅᐸᓪᓕᐊᖏᒻᒪᑕ ᑖᕙᓂ ᒪᓂᖃᖅᓴᖅᑕᐅᓯᒪᔪᒥ ᓂᐊᖁᖒᒥ ᐊᐅᔭᐅᓚᐅᖅᑐᖅ, ᐊᑕᐅᓯᕐᒥᒃ ᐃᒡᓗᓕᐅᖅᑐᖃᓚᐅᕐᒪᑦ ᑖᒃᑯᓇᓂ ᖁᓕᓂ ᐃᒡᓗᓕᐅᕐᕕᐅᔪᓐᓇᖅᑐᓂ ᑕᒪᑐᒪᓂ ᐅᑭᐅᑦᑎᓐᓂ. (ᐊᑕᐅᓯᖅ Habitat for Humanity-ᑯᓐᓅᖓᔪᖅ ᐳᐃᒍᕈᓐᓇᖅᑕᕗᑦ ᐅᖃᐅᓯᕆᔭᑦᑎᓐᓂ ᑖᓐᓇ.) ᑖᒃᑯᐊ ᒪᓂᖅᑲᒃᓴᖅᑕᐅᓯᒪᔪᒥᒃ ᓄᓇᒥᒃ ᐊᑐᖅᑐᐊᕈᑎᒥᒃ ᐊᑎᓕᐅᖅᑐᕕᓃᑦ ᐃᒡᓗᓕᐅᕆᐊᖃᖅᑐᖅ ᑕᒪᑐᒪᓂ ᐅᑭᐅᒥ ᐊᖏᕈᑎᒥᒃ ᐊᑎᓕᐅᖅᓯᓚᐅᖅᑎᓪᓗᒋᑦ, ᑕᑯᓪᓗᒋᑦ ᐃᒡᓗᓕᐅᕐᕕᐅᓂᐅᔭᖏᒻᒪᑕ ᓱᓕ.

ᓱᓕᔪᒥᒃ ᐃᒡᓗᓕᐅᕋᓱᐊᖅᖢᓂ ᓄᓇᓕᖕᓂ ᐊᑭᑐᖕᒪᑦ ᓇᖕᒥᓂᖃᖅᑐᓄᑦ ᐊᑭᖏᓐᓄᑦ ᐅᑎᖅᑎᑦᑎᕕᐅᔪᓐᓇᖏᒻᒪᑕ ᓄᓇᖓ ᐊᑭᑐᖕᒪᑦ $60,000-ᒥᑦ $90,000-ᒧᑦ ᑭᓯᐊᓂᓗ ᐃᒡᓗᓕᐅᖅᑕᐅᕕᒋᓪᓗᒍ $500,000-ᓂᑦ $700,000-ᓄᑦ ᐊᑭᖃᕐᒪᑕ, ᐃᒡᓗᓂᒃ ᓂᐅᕕᕈᓐᓇᖅᑐᑦ ᑕᐃᒫᑎᒋ ᐊᑭᑐᑎᒋᔪᓂᒃ ᐅᓄᖏᒻᒪᑕ ᓄᓇᓕᖕᓂ ᓴᐱᕐᓇᑦᑎᐊᕐᒪᑦ ᑕᒪᑐᒪᓂ ᐅᓪᓗᓂ. ᓱᖃᐃᒻᒪ ᐃᒡᓗᓕᐅᖅᑐᖃᓗᐊᖏᓚᖅ ᐅᑭᐅᑦᑎᓐᓂ.

ᑕᐃᒪᐃᒃᑲᓗᐊᖅᑎᓪᓗᒍ ᐃᒡᓗᓕᐅᖅᑎᐅᕙᒃᑐᑦ ᓱᓕ ᑕᑯᒃᓴᐅᑎᑦᑎᓪᓗᑎᒃ ᕖᔅᐳᒃᑯᑦ ᐅᓐᓂᕐᓗᒃᓴᖃᑦᑕᖅᓯᒪᔪᑦ ᐃᒡᓗᓕᐅᕐᕕᒃᓴᖃᖏᓐᓂᕋᖅᖢᑎᒃ, ᐃᒻᒪᖄ ᓄᓇᓕᐸᐅᔭᖓᑕ ᐃᓗᐊᓂᓪᓗᑐᖅ ᐅᖃᐅᓯᖃᖅᑐᑦ. ᓄᓇᓕᐸᐅᔭᖓᓂ ᓯᕗᓪᓕᖅᐹᒥᒃ ᐃᒡᓗᓕᐅᕈᒪᔪᑦ ᓯᕗᓪᓕᖅᐸᐅᓯᐊᖃᑦᑕᕐᒪᑕ ᓴᓇᔪᓐᓇᐅᑎᑖᖅᑎᐅᓪᓗᑎᒃ, ᐃᓱᒪᒋᓪᓗᒍ ᓇᑯᕐᓇᖅᑐᖅ ᑕᑯᓪᓗᒍ, ᑭᓯᐊᓂᓕ ᑕᐸᓱᒃᑑᔮᕐᒪᑦ ᖃᐅᔨᒪᖏᑦᑐᓂᒃ ᐃᓯᖅᓯᓪᓗᓂ. ᑭᖑᓂᖓᒍᑦ ᐊᒃᓱᕈᕐᓇᖅᑐᒃᑰᖅᑎᑕᐅᓕᖔᖅᖢᑎᒃ ᐊᑭᓕᕈᓐᓇᖅᑕᒥᓂᒃ ᐊᖏᕐᕋᖅᑖᕋᓱᐊᖅᑐᑦ ᐃᓱᒫᓗᒧᑦ ᕿᒪᐃᖃᑦᑕᓕᕐᒪᑕ ᐱᔭᕆᑐᓈᖅᓯᓪᓗᑎᒃ ᐊᒃᓱᐊᓗᒃ ᐊᓯᐅᔨᔪᑕᐅᔪᑦ ᐊᒧᓚᐅᖅᑕᖓᓄᑦ "ᐊᑭᐅᓯᐊᕈᑎᖓᓄᑦ."

ᓴᓇᔨᓪᓕ, ᑕᒪᒃᑯᐊ ᒪᓐᓇ ᐊᒡᒍᖅᓯᒪᕙᒌᖅᑐᓂᒃ ᓄᓇᖃᖅᑐᓂ ᐃᒡᓗᓕᐅᖅᕈᑎᓂᒃ ᖃᓄᐃᒃᓴᖏᑦᑑᒐᓗᐊᑦ ᐅᑭᐅᓕᒫᒥ ᓴᓇᔭᒃᓴᖃᐃᓐᓇᕐᒪᑕ. ᑭᓯᐊᓂᓕ ᓄᓇᓕᐸᐅᔭᐅᑉ ᐃᓗᐊᓂ ᐸᖕᒥᐅᓕᕐᒪᑕ ᓴᓇᕕᐅᕙᒃᑐᒥ ᐊᖏᕐᕋᖃᕐᕕᓂᓗ ᖁᓖᑦ ᓄᑖᑦ ᐃᒡᓗᐃᑦ ᐅᖓᑖᓄᑦ ᐃᒡᓗᓕᐅᕆᐊᖃᓕᕐᒪᑕ ᓱᓕ ᓂᐊᖁᖒᒥ. ᐊᒃᓱᑲᓪᓚᒃᓗ ᓴᓇᕕᖃᕐᕕᐅᔪᓂ ᐃᓂᑭᒃᓴᓕᖅᖢᑎᒃ, ᐃᒫᒃ ᐃᒃᕋᒃᓴᓂᑦ.

ᕿᑭᖅᑖᓂ ᐃᓄᐃᑦ ᑲᑐᔾᔨᖃᑎᒌᖓᑦ 'ᑐᖓᓕᖓᓂ ᓴᓇᕕᖃᕐᕕᒃ"-ᒥ ᐃᒡᓗᓕᐅᕐᓂᐊᕐᒃᒪᑕ ᐊᖏᔫᑎᓂᒃ ᓴᓇᕕᖃᐅᖅᑐᓂᒃ ᓇᖕᒥᓂᖅ ᐱᓇᓱᐊᒐᖃᖅᑐᓄᑦ ᓄᓇᓕᐸᐅᔭᖓᓂ ᐸᕐᓇᒃᐸᓪᓕᐊᓕᕐᒪᑕ ᐊᒻᒪᓗ ᐱᐊᓂᒃᐸᑕ. ᑕᐃᒫᓴᐃᓐᓇᖅ ᐱᓂᐊᓕᕐᒥᔪᑦ ᓄᓇᓕᐸᐅᔭᑦᑎᓐᓂ ᓴᓇᔩᑦ ᓴᓇᑎᓪᓗᒋᑦ ᖃᖓᑕᓲᒃᑯᕕᖕᒥᒃ, ᐳᐃᔪᕋᕐᕕᒃᒥᒃ, ᐊᒻᒪᓗ ᐊᓯᖏᓐᓂᒃ ᐱᔭᒃᓴᖃᐅᕈᓘᔭᐃᓐᓇᕐᓂᐊᖅᖢᑎᒃ ᓄᓇᓕᐸᐅᔭᑦᑎᓐᓂ ᓴᓇᔩᑦ ᐊᑯᓂ ᓯᕗᓂᑦᑎᓐᓄᑦ.

ᐊᒻᒪᓗᑦᑕᐅᖅ ᑕᑯᒥᓇᕐᓂᖅᓴᒥᒃ ᐊᓚᒃᑲᖅᑐᖃᕐᓂᐊᖅᖢᓂ ᑭᖑᓂᖓᓂ ᐳᐊᕆᔭᖅᑕᐅᓚᐅᖅᑎᓪᓗᒋᑦ ᑕᑯᒥᓇᖏᑦᑐᑦ ᐃᒡᓗᕋᓚᑦ ᒥᑦᑕᕐᕕᐅᑉ ᐳᑭᖅᑕᓕᒃᑯᓪᓗ ᐊᑯᓐᓂᖓᓂ, ᐊᒻᒪᓗ ᐃᒻᒪᖄ ᐃᒡᓗᑐᖃᐃᑦ ᓄᑖᓄᑦ ᐃᓇᖏᑦᑕᐅᓗᑎᒃ, ᐱᐅᓂᖅᓴᓄᑦ, ᐊᑯᓂ ᐸᕐᓇᐃᔪᑕᐅᓯᒪᔪᓂᒃ ᐋᕿᒃᓱᖅᓯᒪᓗᑎᒃ.

ᑕᒪᑐᒪᓂᐅᓂᖓᓂ, ᒫᓐᓇ ᖃᖓᑕᓲᒃᑯᕕᖕᒥᖔᖅᑐᑦ ᓄᓇᓕᐸᐅᔭᑦᑎᓐᓄᑦ ᐳᓛᕆᐊᖅᑐᑦ ᐊᖅᑯᑎᒃᑯᑦ ᐃᖏᕐᕋᓕᕌᖓᒥᒃ ᐅᔾᔨᕆᓴᐅᑎᒋᖃᑦᑕᕐᒪᑕ ᐃᑭᓐᓂᑯᓂᒃ ᐊᖏᕐᕋᕕᓂᕐᓂᒃ ᑕᑯᓪᓗᑎᒃ, ᐊᓄᓪᓚᒃᓰᕕᓂᒃᓗ ᑖᕙᓃᖅᑐᓂᒃ, ᐊᓯᖏᓐᓂᒃᓗ ᓴᓇᕕᑎᑐᑦ ᐃᒡᓗᓕᐅᖅᓯᒪᔪᓂᒃ ᐱᑐᖃᐅᓗᐊᓕᖅᑐᓂᒃ ᓯᕗᓪᓕᖅᐹᒥ ᓄᓇᓕᖕᒧᑦ ᑎᑭᖢᓂ ᐊᒃᑐᐊᓂᖃᕐᒪᑦ ᐃᓅᑉ ᑐᓐᖓᓱᖕᓂᖓᓄᑦ, ᐃᒻᒪᖄ ᑕᑯᒥᓇᕐᓂᖅᓴᒥᒃ ᐋᕿᒃᓱᐃᓂᐊᖅᑐᒃᓴᐅᕗᑦ.

ᐃᓚᒋᐊᖅᑕᐅᓚᐅᕐᒪᑕ ᓄᓇᑖᖅᑐᑦ ᑕᒫᓂ 16-ᕼᐃᒃᑐᔅᓂᒃ ᐊᒃᑎᒋᓂᓕᖕᒥ (40-ᐄᑯᓪᓗᐊᑦ) ᓄᑖᓂᒃ ᐃᒡᓗᓕᐅᕐᕕᐅᔪᓐᓇᖅᓯᓂᐊᖅᑐᑦ – ᐱᖅᑯᓯᓕᕆᔨᒃᑯᓐᓄᑦ, ᓇᖕᒥᓂᖃᖅᑐᓄᓪᓗ, ᐊᒻᒪᓗ ᑐᔪᕐᒥᕕᓕᐅᕐᕕᐅᓗᓂ ᐊᑐᖅᑕᐅᖔᕐᓂᐊᓕᕐᒪᑦ ᑕᒪᓐᓇ ᓄᓇ – ᐊᒃᓱᐊᓗᒃ ᐊᓯᔩᐹᓪᓕᕈᑕᐅᓂᐊᖅᑐᑦ ᓄᓇᓕᐸᐅᔭᑦᑕ ᑕᐅᑦᑐᖓᓄᑦ.

ᖁᐊᓇᓗᐊᕐᒥᔪᑦ ᑖᒃᑯᐊ ᐱᓕᕆᐊᕆᔭᐅᓂᐊᕐᒪᑕ QIA-ᑯᓐᓄᑦ NTI-ᑯᓐᓄᓪᓗ, ᑕᒪᑐᒥᖓ ᓄᓇᓕᐸᐅᔭᑦᑕ ᐃᓚᖓᓂᒃ ᐃᖅᑯᒻᒪᖅᑎᑦᑎᓂᐊᓕᕐᒪᑕ ᐃᓄᖕᓄᑦ ᑐᔪᕐᒥᕕᓕᐅᕐᕕᐅᓗᓂ ᐊᒻᒪᓗ ᓄᓇᕗᒥᐅᓄᑦ ᐱᖅᑯᓯᓕᕆᔨᒃᑯᑦ ᐃᒡᓗᓕᐅᖅᑕᐅᓂᐊᖅᖢᑎᒃ. ᑖᓐᓇ ᕿᓚᓈᕆᔭᐅᓪᓗᓂ ᑕᐅᑐᖑᐊᖅᑕᐅᖃᑦᑕᖅᓯᒪᔪᖅᑕᐅᑦ ᑕᐃᒪ ᑕᑎᒌᒃᑐᓄᑦ ᑲᑐᔾᔭᐅᓗᓂ ᓴᓇᔭᐅᓂᐊᕐᒥᔪᖅ ᑕᕐᕆᔭᕐᕕᒃ ᐱᖑᐊᖅᑎᓄᑦ ᑕᑯᕋᓐᓈᖅᑎᑦᑎᕕᒃ. ᑕᒪᑐᒪᓂ ᐊᒥᓱᓂ ᐃᓱᒪᒃᓴᖅᓯᐅᕈᑎᖃᕆᐊᖃᓕᖅᑐᒍᑦ ᓯᕕᑐᔪᒧᑦ ᐊᑐᕐᓂᖃᓂᕐᓂᐊᕐᓂᖓᓂᒃ ᐃᓱᒪᒋᓪᓗᒋᑦ ᐃᒡᓗᕐᔪᐊᑦ ᑖᒃᑯᐊ ᓄᓇᕗᒥᐅᓄᑦ, ᐱᓗᐊᖑᐊᖅᑐᒥᒃ ᓯᕗᓪᓕᖅᐹᒥ ᐋᕿᒃᓱᐃᔨᐅᓂᕐᒪᑕ ᑕᒪᑐᒪ ᓄᓇᐅᑉ ᐊᑐᖅᑕᐅᒍᓯᕆᓂᐊᖅᑕᖓᓂᒃ.

ᑕᒪᐃᓐᓄᑦ ᐃᓂᖃᕐᕕᐅᔪᓐᓇᖅᑐᒥᒃ ᓴᓇᔪᖃᕐᓂᐊᖅᑐᖅ. ᐊᑕᐅᓯᐊᕐᓗᑎᒃ ᑭᓯᐊᓂ ᓴᓇᔪᓐᓇᖅᖢᑎᒃ ᑖᓱᒥᖓ ᑭᖑᓂᖓᓂ ᑕᒪᐃᓐᓄᑦ ᐊᑯᓂᐊᓗᒃ ᐊᑐᕐᓂᖃᕐᓂᐊᖅᑐᒥᒃ.