Skip to content

ᓂᐱᖓᓂ ᑐᓴᖅᓴᐅᑎᑦᑎᓪᓗᓂ ᐊᓯᐊᒍᑦ ᑭᒡᓕᐅᔪᒥ

ᐋᓐᔨᓚ ᐊᒪᕈᐊᓕᒃ ᒥᔅ ᐃᒡᓗᓕᙳᖅᑎᓪᓗᒍ ᔭᓄᐊᕆᒥ ᓵᓚᖃᕋᓱᐊᕐᓂᐅᔪᒥ, ᐅᖃᓚᐅᖅᐳᖅ ᐊᑐᕋᔭᕐᓂᖓᓂ ᐃᓂᒋᔭᒥᓂ ᐃᑲᔪᕐᓂᕐᒧᑦ ᖁᕝᕙᖅᓴᐃᓂᕐᒧᑦ ᖃᓄᐃᙱᑦᑎᐊᖅᑐᒧᑦ ᐃᓅᓂᕐᒥ ᒪᒃᑯᒃᑐᓄᑦ.

Iglulik's Angela Amarualik will release her self-titled debut album in Iqaluit on Nov. 16. She wrote or co-wrote all seven of the tracks. photo courtesy of Angela Amarualik
ᐃᒡᓗᓕᐅᑉ ᐋᓐᔨᓚ ᐊᒪᕈᐊᓕᒃ ᓴᖅᑭᑎᑦᑎᓂᐊᖅᐳᖅ ᓇᖕᒥᓂᖅ−ᑕᐃᒎᓯᓕᖕᒥ ᓴᖅᑭᓐᓂᕐᒧᑦ ᑐᓴᕐᓈᒐᒃᓴᖓᓂ ᐃᖃᓗᖕᓂ ᓄᕕᐱᕆ 16−ᖑᓕᖅᐸᑦ. ᑎᑎᕋᐃᓚᐅᖅᐳᖅ ᐅᕝᕙᓘᓐᓃᑦ ᑎᑎᕋᖃᑕᐅᓚᐅᖅᐳᖅ ᑕᒪᒃᑭᓂ 7−ᖑᔪᓂ ᑐᓴᕐᓈᒐᒃᓴᓂᑦ.

ᒫᓐᓇ ᐊᑐᓕᖅᐳᖅ ᓂᐱᖓᓐᓂ ᐅᖃᐅᓯᖃᕐᓂᕐᒧᑦ ᐃᓯᒪᒋᔭᒥᓂᑦ ᐊᒻᒪ ᐃᒃᐱᒋᔭᒥᓂᑦ ᐃᙱᐅᓯᒃᑯᑦ. ᓇᖕᒥᓂᖅ−ᑕᐃᒎᓯᓕᖕᒥ ᓴᖅᑭᓐᓂᕐᒧᑦ ᑐᓴᕐᓈᒐᒃᓴᖓᓂ ᐊᑐᐃᓐᓇᕈᕐᓂᐊᖅᐳᖅ ᓄᕕᐱᕆ 16−ᒥ, ᐊᒻᒪ ᓴᖅᑭᑎᑦᑎᓂᐅᔪᒥ ᐹᑎᖅᑎᑦᑎᓂᐊᖅᐳᖅ ᑕᐃᑲᓂ ᐅᓐᓄᖓᓂ ᕿᕐᓂᖅᑕᒥ ᐆᒻᒪᑎᒥ ᑳᐱᑐᕐᕕᖕᒥ ᐃᖃᓗᖕᓂ.
ᖁᙱᐊᖅᑕᐅᓪᓗᓂ ᐃᓄᒋᐊᖕᓂ ᐱᑎᑦᑎᓯᒪᕗᖅ ᐊᒪᕈᐊᓕᖕᒥ, 19, ᐱᕈᖅᓴᐃᓂᖓᓄᑦ ᐃᒻᒥᓂᒃ ᐅᒃᐱᕈᓱᖕᓂᖓᓂ. ᐃᒻᒥᓂᒃ ᐅᓂᒃᑳᕆᕗᖅ "ᒪᑐᓯᒪᔪᒥ ᐃᒡᓗᕈᓯᕋᓛᒥ ᐃᙱᖅᑎᐅᓂᖓᓂ," ᐊᑐᖅᓯᒪᔪᒥ ᐃᓛᓐᓂᓚᐅᓱᖓᕐᒥ ᐱᓕᕆᑦᑎᐊᕋᓱᐊᕐᓂᕐᓄᑦ ᖁᙱᐊᖅᑕᐅᓂᐅᔪᓂ ᐃᒡᓗᓕᖕᒥ ᐃᓗᐊᕆᓂᖅᓴᐅᓇᓱᐊᕐᓂᕐᒧᑦ ᐃᓄᒋᐊᖑᔪᓂ ᖁᙱᐊᖅᑐᓄᑦ ᐊᒻᒪ ᓈᓚᒃᑐᓄᑦ.
"ᐊᑯᓂᐸᓗᖕᒥ ᐃᒡᓗᕈᓯᕋᓛᒥ ᐊᓂᓇᓱᐊᓚᐅᖅᐳᖓ, ᐄᖑᖅᑰᖅᑐᖅ," ᐅᖃᓚᐅᖅᐳᖅ, ᑎᔅᓯᒍᓱᒃᖢᓂ. "ᓱᓕ ᖁᓱᕐᔪᐊᓲᖑᕗᖓ."
ᐃᓱᒪᓂᐅᔪᒥ ᓂᐱᓕᐅᕆᓂᕐᒥ ᑐᓴᕐᓈᒐᒃᓴᒥ ᓴᖅᑭᓚᐅᖅᐳᖅ ᒫᔾᔨᒥ. ᐊᐅᓪᓛᕐᓂᐅᔪᒥ Hitmakerz ᓂᐱᓕᐅᕆᕝᕕᖓᓄᑦ ᐃᖃᓗᖕᓂ ᒪᓕᓚᐅᖅᐳᖅ ᔪᓚᐃᒥ. 7−ᓂ ᐃᙱᐅᓯᖃᖅᑐᖅ ᓂᐱᓕᐊᖑᔪᒥ – ᑎᓴᒪᓂ ᑎᑎᕋᓚᐅᖅᐳᖅ ᐃᒻᒥᓂᒃ ᐊᒻᒪ ᑎᑎᕋᖃᑎᖃᖅᖢᓂ ᐊᒥᐊᒃᑯᓂ ᐱᖓᓱᓂ ᑐᐊᕐ ᓴᐃᒪᓐᓴᓐᒥ Hitmakerz−ᑯᓐᓂ. 7−ᖑᔪᑦ ᐃᙱᐅᓰᑦ, ᐃᓄᑑᓪᓗᓂ ᐃᙱᖅᖢᓂ, ᐃᓄᒃᑎᑑᖅᐳᑦ ᐊᑕᐅᓯᕐᒥ ᖃᓪᓗᓈᑎᑑᕐᓂᖃᖅᖢᓂ. ᔪᑲᓛᐃᓕᖓᓂ ᐱᙳᐊᖅᐳᖅ ᖃᔅᓯᐊᕐᔪᖕᓂ ᓂᐱᓕᐊᖑᔪᒥ.
ᐊᐱᕆᔭᐅᒐᒥ ᐱᐅᓛᕆᔭᖃᕐᒪᖔᑦ, ᐊᒪᕈᐊᓕᒃ ᐅᖃᙳᐊᓚᐅᖅᐳᖅ, "ᓂᕈᐊᕈᓐᓇᙱᑦᑐᖓ ᕿᑐᙵᓐᓂᑦ."
ᐃᖅᑲᖅᓴᐃᓚᐅᑲᒃᖢᓂ, ᓂᕈᐊᖅᓯᓚᐅᖅᐳᖅ ᐅᐱᕐᙶᕐᒥ, ᐃᙱᐅᓯᖅ ᐅᐱᕐᙶᒥ ᐱᔾᔪᑎᓕᒃ, ᐱᐅᒋᓛᕆᔭᒥᓂᑦ.
ᐊᑕᐅᓯᖅ ᐃᙱᐅᓯᐅᔪᑦ – ᐊᖏᕐᕋᕐᕕᒐ – ᐃᓕᔭᐅᓚᐅᖅᐳᖅ SoundCloud−ᒧᑦ ᐊᐅᔭᐅᑎᓪᓗᒍ ᐃᓄᓕᒫᓄᑦ ᑐᓴᖅᑕᐅᒃᑲᓐᓂᕈᑕᐅᓂᐊᖅᑐᒧᑦ.
"ᐱᓕᕆᕐᔪᐊᑦᑎᐊᓚᐅᖅᐳᖅ," ᐊᒪᕈᐊᓕᒃ ᐅᖃᓚᐅᖅᐳᖅ ᖃᓄᐃᓐᓂᐅᔪᒥ ᓯᕗᓪᓕᖅᐹᖓᓄᑦ ᐃᙱᕐᓂᖓᓄᑦ, ᐃᓚᒋᐊᖅᓯᓪᓗᓂ ᐃᓄᐃᑦ ᐅᖃᐅᓯᒃᓴᖃᑦᑎᐊᖅᓯᒪᓂᖏᓐᓂ ᐊᒻᒪ ᑲᔪᖏᖅᓴᐃᓪᓗᑎᒃ.
ᐋᖅᑭᒋᐊᖅᑕᐅᒃᑲᓐᓂᖅᓯᒪᔪᒥ ᐊᑕᐅᓯᐅᔪᒥ ᓂᐱᓕᐊᖑᔪᒥ ᐃᙱᐅᓯᖏᓐᓂ ᓴᖅᑭᑎᑕᐅᓂᐊᖅᐳᖅ ᐊᓯᐊᒎᖅᑐᒥ, ᐃᓚᒋᐊᖅᓯᓚᐅᖅᐳᖅ.
ᑎᑎᕋᐃᖃᑕᐅᓚᐅᖅᐸᖏᑦ ᐃᒡᓗᓕᖕᒥ ᑎᑕᒃᑏᑦ ᑭᒃᑯᒃᑭᐊ ᐊᒻᒪ ᐊᕐᕕᐊᓂ ᐃᙱᖅᑎ ᓲᓴᓐ ᐊᒡᓘᒃᑲᕐᒥ ᐃᙱᖃᑦᑕᕈᒪᓂᖓᓐᓄᑦ, ᐊᒡᓘᒃᑲᖅᑎᑐᑦ, ᐊᒪᕈᐊᓕᒃ ᐃᙱᕆᐊᖅᑐᖃᑦᑕᓛᕈᒪᕗᖅ ᑎᑕᖕᓂᕐᒧᑦ ᖁᕕᐊᓱᒍᑕᐅᔪᓄᑦ ᐊᒻᒪ ᖃᖓᒃᑲᓐᓂᖅ ᐳᓚᕋᕐᓗᓂ ᑲᓇᑕᓕᒫᒧᑦ ᐊᒻᒪᓘᓐᓃᑦ ᓄᓇᕐᔪᐊᓕᒫᒧᑦ.
"ᑕᐃᒪᐃᒐᓚᒍᒪᕗᖓ. ᐃᖅᑲᓇᐃᔮᕆᔪᒪᕙᕋ. ᐊᐅᓪᓛᖃᑦᑕᕈᒪᕗᖓ," ᐅᖃᓚᐅᖅᐳᖅ. "ᑐᕌᒐᒃᓴᓪᓗᐊᑕᕋ ᓄᓇᕐᔪᐊᓕᒫᒧᑦ, ᐄᖃᐃ, ᑭᓯᐊᓂ ᑲᓇᑕᓕᒫᒥ ᖃᓄᐃᙱᑦᑎᐊᕋᔭᖅᐳᖅ."
ᑮᓇᐅᔭᖃᖅᑎᑕᐅᓚᐅᖅᐳᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖑᔪᓂᑦ ᐊᒻᒪ ᐱᕙᓪᓕᐊᔪᓕᕆᔨᒃᑯᑦ ᐃᑲᔪᓚᐅᖅᐳᑦ ᐊᑭᓖᓂᕐᒧᑦ ᐊᑭᖓᓂ ᓂᐱᓕᐅᕆᓂᕐᒧᑦ, ᐊᒪᕈᐊᓕᒃ ᐅᖃᓚᐅᖅᐳᖅ.