Skip to content

ᒐᕙᒪᒃᑯᑦ ᖃᐅᔨᓇᓱᐊᖅᐳᑦ ᖃᓄᖅ ᐊᖏᑎᒋᓂᖓᓂ ᐊᖏᕐᕋᖃᙱᓐᓂᐅᔪᒥ ᓂᕈᐊᖅᑕᐅᓯᒪᔪᓄᑦ ᓄᓇᓕᐅᔪᓄᑦ

ᐅᓄᕐᓂᖅᓴᐅᔪᓂ 400−ᓂ ᐃᓄᖕᓂ ᐊᕐᕕᐊᑦ, ᐅᖅᓱᖅᑑ, ᒥᑦᑎᒪᑕᓕᒃ ᐊᒻᒪ ᑲᖏᖅᖢᒑᐱᖕᒥ ᐊᑐᖅᓯᒪᕗᑦ ᖃᓄᐃᑦᑐᑐᐃᓐᓇᕐᒥ ᐊᖏᕐᕋᖃᙱᓐᓂᐅᔪᒥ ᐅᕝᕙᓘᓐᓃᑦ ᐃᒡᓗᒃᓴᖃᑦᑎᐊᙱᓗᐊᕐᓂᖏᓐᓂ 2018−ᒥ, ᑕᐃᒪᓐᓇᑎᑐᑦ 11 ᐳᓴᓐᑎᒥ ᓱᕈᓯᕐᓂ ᐊᒻᒪ ᒪᒃᑯᒃᑐᓂ ᑕᐃᑲᓂ ᖃᐅᔨᓴᖅᑕᐅᓯᒪᔪᓄᑦ ᓄᓇᓕᐅᔪᓄᑦ.

ᑕᒪᒃᑯᐊ ᐃᓚᒋᔭᐅᖃᑕᐅᓚᐅᖅᐳᑦ ᓇᓂᔭᐅᓂᐅᔪᓄᑦ ᓄᓇᕗᒻᒥ ᐃᔨᖅᓯᒪᔪᓂ ᐊᖏᕐᕋᖃᙱᓐᓂᐅᔪᒥ ᐅᓂᒃᑳᓕᐊᖑᔪᒥ, ᓴᖅᑭᑎᑕᐅᓚᐅᖅᑐᒥ ᒪᓕᒐᓕᐅᖅᑎᒃᑯᑦ ᑲᑎᒪᕝᕕᖓᓂ ᓯᑎᐱᕆᐅᑉ ᓄᙳᐊᓂ.

ᕿᒫᕝᕕᒃ ᐃᖃᓗᖕᓂ ᐊᑕᐅᓯᐅᓪᓗᓂ ᑕᓪᓕᒪᓂ ᓇᓗᓇᐃᖅᑕᐅᓯᒪᔪᓄᑦ ᐃᓂᐅᕗᑦ ᓄᓇᕗᒻᒥ ᑕᐃᒃᑯᐊ ᕿᒫᔪᓄᑦ ᐋᓐᓂᖅᓯᕆᓂᐅᔪᓂ ᕿᓂᕈᓐᓇᕐᓂᖏᓐᓂ ᐃᓂᒃᓴᖃᕐᓂᐅᔪᒥ. ᐃᓄᓕᕆᔨᒃᑯᑦ ᑐᒃᓯᕋᖅᓯᒪᕗᑦ ᓄᑖᒥ ᐃᓚᒌᓄᑦ ᐋᓐᓂᖅᓯᕆᓂᐅᔪᒥ ᕿᒫᕝᕕᓂᑦ ᐸᖕᓂᖅᑑᒥ, ᖃᒪᓂᑦᑐᐊᖅ, ᒥᑦᑎᒪᑕᓕᒃ ᐊᒻᒪ ᐅᖅᓱᖅᑑᒥ.

ᑑᓂ ᐊᑯᐊᒃ, ᐅᖅᓱᖅᑑᒥ ᒪᓕᒐᓕᐅᖅᑎ, ᐅᔭᐅᕆᓚᐅᖅᐳᖅ ᓄᓇᕗᒻᒥ ᒐᕙᒪᒃᑯᖏᓐᓂ ᓴᖑᑎᑦᑎᓂᕐᒥ ᐊᑐᖅᑕᐅᙱᑦᑐᓂ ᐃᓘᕐᔪᐊᓂ ᐊᖏᕐᕋᒃᓴᙳᖅᑎᑕᐅᓂᖏᓐᓂ.

(ᐊᒥᐊᒃᑯᔪᑦ) ᐃᒡᓗᕐᔪᐊᑦ ᐊᑐᖅᑕᐅᓯᒪᙱᓚᑦ ᐊᕐᕌᒍᑦ 10 ᐅᖓᑖᓄᑦ. ᑕᐃᒪᓐᓇ ᑐᓴᖅᓯᒪᕗᖓ. ᐃᖅᑲᓇᐃᔭᖅᑎᓄᑦ ᐃᒡᓗᒃᓴᖅᑕᖃᖅᐳᖅ ᐊᑐᖅᑕᐅᙱᑦᑐᓂ. ᓄᓇᓕᖕᓂ ᑭᒡᒐᖅᑐᐃᔨᐅᔪᑦ ᑕᒪᕐᒥᒃ ᐊᐱᕆᓯᒪᕗᑦ ᐃᑲᔪᖅᓯᖅᑕᐅᔪᒪᓪᓗᑎᒃ ᓄᑖᙳᕆᐊᖅᑎᑦᑎᓂᕐᒧᑦ ᑕᐃᒪᐃᑦᑐᒐᓚᖕᓂ ᐃᒡᓗᕐᔪᐊᖑᔪᓂ,” ᐊᑯᐊᒃ ᐅᖃᓚᐅᖅᐳᖅ. “ᐊᖏᕐᕋᖅᑖᕆᐊᖃᖅᐳᒍᑦ ᐊᖏᕐᕋᖃᙱᑦᑐᓄᑦ. ᐅᓄᖅᓯᕙᓪᓕᐊᑐᐃᓐᓇᖅᐳᑦ.”

ᑕᐃᕕᑦ ᐊᕿᐊᕈᖅ, ᒥᓂᔅᑕᐅᓚᐅᑲᒃᑐᖅ ᐃᓄᓕᕆᔨᒃᑯᓐᓂ, ᐅᖃᓚᐅᖅᐳᖅ ᖃᐅᔨᓴᕐᓂᐅᔪᖅ ᐅᓂᒃᑳᓕᐊᒥ, ᐊᕐᕌᒍᓄᑦ ᒪᕐᕉᖕᓄᑦ ᓴᓇᔭᐅᓚᐅᖅᑐᒥ, ᐊᑐᖅᑕᐅᓂᐊᖅᐳᖅᓴᓇᓂᕐᒥ ᐅᔾᔨᕈᓱᖕᓂᐅᔪᒥ ᐊᖏᓂᖓᓂ ᐊᒻᒪ ᐊᒃᑐᐃᓂᖓᓂ ᐊᖏᕐᕋᖃᙱᓐᓂᐅᔪᒥ ᓄᓇᕗᒻᒥ ᐊᒻᒪᓗ ᐃᑲᔪᖅᓱᐃᓂᕐᒥ ᖄᒃᑲᓐᓂᐊᒍᑦ ᐃᑲᔪᕈᑎᒃᓴᓂ."

ᐅᑭᐅᖅᑕᖅᑐᒥ ᐱᓕᕆᓂᐅᔪᒥ ᒥᓂᔅᑕᖓ ᑖᓐ ᕚᓐᑎᐅᓪ ᐅᖃᐅᔾᔨᓚᐅᖅᐳᖅ ᓄᓇᕗᒻᒥ ᑐᓴᒐᒃᓴᓕᕆᔨᒃᑯᓐᓂ ᑕᖅᑭᐅᑉ ᐱᒋᐊᕐᓂᐸᓗᐊᓂ ᑲᓇᑕᐅᑉ ᒐᕙᒪᒃᑯᑦ $1-ᐱᓕᐊᓐᓂ ᑲᓇᑕᒥ ᓱᒃᑲᔪᒥ ᐃᒡᓗᒃᓴᓕᐅᕐᓂᕐᒧᑦ ᐱᓕᕆᐊᖑᔪᖅ ᐊᓯᐊᓄᑦ ᐊᑐᖅᑕᐅᓂᐊᖅᑐᒧᑦ ᐋᖅᑭᒋᐊᖅᓯᓂᐅᔪᒥ ᓄᑕᐅᙱᑦᑐᓂ ᐃᒡᓗᕐᔪᐊᓂ ᐊᑐᕆᕗᖅᑕᐅᖅ ᓄᓇᕗᒻᒧᑦ.

ᐊᖏᕐᕋᖃᙱᓐᓂᐅᔪᒥ ᐅᓂᒃᑳᓕᐊᖅᓴᖅᑭᑎᑕᐅᔪᒥ ᐃᓄᓕᕆᔨᒃᑯᓐᓂ, ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂ ᐊᒻᒪ ᐃᖅᑲᓇᐃᔮᖃᕐᓂᕐᒧᑦ ᐊᒻᒪ ᐃᓅᖃᑎᒌᖑᔪᓄᑦ ᐱᕙᓪᓕᐊᑎᑦᑎᓂᐅᔪᒥ ᑲᓇᑕᒥᑕᑯᒃᓴᐅᑎᑦᑎᓚᐅᖅᐳᑦ 33 ᐳᓴᓐᑎᒥ 328 ᐃᒡᓗᒋᔭᐅᔪᓂ ᖃᐅᔨᓴᖅᑕᐅᔪᓂ ᑎᓴᒪᓂ ᓄᓇᓕᐅᔪᓂ ᐃᓄᖃᓚᐅᖅᐳᑦ 7−ᓂ ᐅᖓᑖᓄᓪᓘᓐᓃᑦ ᐃᓄᖕᓂ ᐊᒻᒪ ᐅᓄᕐᓂᖅᓴᓂ ᒪᕐᕉᖕᓂ ᐃᓄᖕᓂ ᓯᓂᒃᐸᒃᑐᓄᑦ ᐊᑐᓂ ᐃᒡᓗᕈᓯᐅᔪᒥ, ᑕᑯᒃᓴᐅᑎᑦᑎᕗᖅ ᑕᐃᒪᐃᒐᔪᒃᑐᒥ ᐸᖕᒥᐅᓗᐊᕐᓂᐅᔪᒥ ᖃᓄᐃᓐᓂᐅᔪᓄᑦ.

ᖃᓂᒋᔭᖓᓂ ᓇᑉᐸᓪᓗᐊᖏᓐᓂ ᑭᐅᔨᐅᔪᑦ ᓇᓗᓇᐃᖅᓯᓚᐅᖅᐳᑦ, ᖃᖓᑐᐃᓐᓇᒃᑯᑦ, ᐃᒡᓗᕈᓯᐅᔪᒥ ᐊᑐᖅᑕᐅᓚᐅᖅᐳᖅ ᓯᓂᒡᕕᐅᓪᓗᓂ ᐃᒡᓗᕈᓯᓪᓚᕆᐅᓇᓂ.

ᑎᑭᐅᒪᔪᒧᑦ 7 ᐳᓴᓐᑎᒧᑦ ᐃᒡᓗᒋᔭᐅᔪᓂ ᐅᓂᒃᑳᕆᓚᐅᖅᐳᑦ ᐃᓂᐅᔪᓂ ᐃᒡᓘᑉ ᓯᓚᑖᓂ ᐊᑐᖅᑕᐅᕙᖏᓐᓂᖏᓐᓂ ᓯᓂᒡᕕᐅᓪᓗᑎᒃ.

95 ᐳᓴᓐᑎᐸᓗᖕᒥ ᖃᐅᔨᓴᖅᑕᐅᔪᓄᑦ ᑭᐅᔨᐅᔪᑦ ᐅᖃᓚᐅᖅᐳᖅ ᐃᓅᓂᖏᓐᓂ ᐊᒻᒪᓗ ᑎᑭᐅᒪᔪᓂ 70 ᐳᓴᓐᑎᒥᒪᓕᒃᑐᒥ ᓄᓇᓕᐅᔪᒧᑦᐊᕐᓇᐅᕗᑦ.

ᑲᖏᖅᖢᒑᐱᒃ, ᐅᖅᓱᖅᑑᒥ, ᐊᕐᕕᐊᑦ ᐊᒻᒪᓗ ᒥᑦᑎᒪᑕᓕᒃ ᓂᕈᐊᖅᑕᐅᓚᐅᖅᐳᑦ ᖃᐅᔨᓴᕐᕕᐅᔪᓄᑦ ᓄᓇᓕᐅᔪᓄᑦ ᑐᙵᕕᖃᖅᑐᒥ ᖁᑦᑎᐸᓗᒃᑐᒥ ᐅᓄᕐᓂᐅᔪᓂ ᓂᖃᐃᓱᖅᐸᒃᑐᓄᑦ ᐱᓕᕆᔾᔪᔾᔭᐅᕙᒃᑐᓄᑦ 2016,−ᒥ ᖁᑦᑎᒃᑐᒥ ᐅᓄᕐᓂᐅᔪᒥ ᐃᔨᖅᓯᒪᔪᓂ ᐊᖏᕐᕋᖃᙱᓐᓂᐅᔪᒥ ᖃᓄᐃᓐᓂᐅᔪᓄᑦ ᐅᓂᒃᑳᕆᔭᐅᓯᒪᔪᓄᑦ 2010−ᒥ ᐊᖏᕐᕋᒃᓴᒥ ᐱᔭᕆᐊᖃᕐᓂᐅᔪᒥ ᖃᐅᔨᓴᖅᑕᐅᓂᐅᔪᒥ ᐊᒻᒪᓗ ᐃᓄᖕᓂ ᐃᓄᒋᐊᖕᓂᖏᓐᓂ ᐱᕈᖅᐸᓪᓕᐊᓂᖓᓂ 10 ᐳᓴᓐᑎᓪᓗᐊᒥ ᕿᑎᐊᓂ 2010−ᒥ ᐊᒻᒪ 2016−ᒧᑦ.

ᐅᓂᒃᑳᕆᓂᖅ ᓇᓗᓇᐃᖅᓯᕗᖅ ᐃᖏᕐᕋᐃᓐᓇᖅᑐᒥ ᐊᒻᒪ ᐅᓄᖅᓯᕙᓪᓕᐊᑐᐃᓐᓇᖅᑐᒥ ᖃᓄᐃᓐᓂᐅᔪᒥ ᐸᖕᒥᐅᓚᐅᕐᓂᕐᒥ ᐃᓚᖃᕈᓐᓇᕐᓂᖓᓂ ᐊᒃᑐᐃᓂᐅᔪᓂ ᐃᓱᒪᒧᑦ ᐋᓪᓕᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪ ᐊᖏᒡᓕᒋᐊᕐᓂᐅᔪᓂ ᐋᖓᔮᕐᓇᖅᑐᓄᑦ ᐊᑐᓗᐊᕐᓂᐅᔪᓄᑦ, ᑭᐅᓘᑎᖃᑦᑕᕐᓂᐅᔪᒥ, ᐋᓐᓂᖅᓯᕆᓂᕐᒥ, ᐃᒻᒥᓃᕐᓂᕐᒧᑦ ᐊᒻᒪᓗ ᐊᐃᑦᑐᐃᓂᐅᔪᒥ ᐋᓐᓂᐊᕐᓇᓂ.

ᐅᓇ ᑎᑎᖅᑲᖁᑕᐅᔪᖅ ᓴᖅᑭᑎᑦᑎᓚᐅᖅᑎᓪᓗᒍ ᐊᒥᓱᓂ ᓴᐱᕐᓇᖅᑐᓂ ᓇᓂᓯᓂᐅᔪᓂ, ᓇᓗᓇᐃᖅᓯᓚᐅᕆᕗᖅ ᑐᙵᓇᕐᓂᖓᓂ ᐊᒻᒪ ᑭᐅᑦᑎᐊᕐᓂᐅᔪᓂ ᐃᓕᖅᑯᓯᕆᔭᐅᔪᓂ ᓄᓇᕗᒻᒥᐅᓂ ᐃᑲᔪᕋᓱᐊᕐᓂᕐᒥ ᑕᐃᒃᑯᓄᖓ ᐱᔭᕆᐊᖃᖅᑐᓄᑦ.

ᑐᓴᖅᓯᒪᕗᒍᑦ ᐊᒥᓱᓂ ᐅᓂᒃᑳᓕᐊᖑᔪᓂ ᐊᒃᓱᕈᕐᓇᕐᓂᐅᔪᓂ ᐊᒻᒪ ᐋᓐᓂᐊᕐᓂᐅᔪᓄᑦ ᑭᓯᐊᓂᑦᑕᐅᖅ ᓴᙱᓂᐅᔪᒥ ᐊᒻᒪᓗ ᓄᓇᓕᖕᓂ ᐊᒻᒪ ᐃᓚᒌᓄᑦ ᐃᑲᔪᖅᓱᐃᓂᐅᔪᒥ. ᖃᐅᑕᒫᑦᑎᐊᖅ, ᐃᓄᑐᐃᓐᓇᐃᑦ ᐊᒻᒪ ᑲᑐᔾᔨᖃᑎᒌᖑᔪᑦ ᓄᓇᓕᑦᑎᓐᓂ ᐃᒻᒥᓂᒃ ᐃᓱᒪᓇᑎᒃ ᐱᓕᕆᓲᖑᕗᑦ ᐊᒻᒪ ᑕᖃᔪᐃᑦᑑᓪᓗᑎᒃ ᐃᑲᔪᕐᓂᕐᒧᑦ ᑕᐃᒃᑯᓂᖓ ᐊᖏᕐᕋᖃᙱᑦᑐᓄᑦ. ᑐᑭᓯᓇᑦᑎᐊᖅᐳᖅ ᖃᐅᔨᓴᕐᓂᐅᔪᒥ ᑎᑎᕋᖅᓯᒪᔪᓂᒃ ᖃᐅᔨᓴᖅᑕᐅᓂᑯᓂ ᐊᒥᓱᓂ ᓄᓇᕗᒻᒥ ᐊᖏᕐᕋᕆᔭᐅᔪᓂ ᐸᖕᒥᐅᕐᓂᖃᕐᔪᐊᕐᓂᖏᓐᓂ ᐊᒻᒪ ᐊᒥᓱᑦ ᓄᓇᕗᒻᒥ ᓱᕈᓯᖏᑦ ᐊᒻᒪ ᒪᒃᑯᒃᑐᑦ ᐃᓅᓂᖏᓐᓂ ᐅᓗᕆᐊᓇᖅᑐᒥ ᖃᓄᐃᓕᖓᓂᐅᔪᓄᑦ. ᑐᑭᓯᓇᕆᕗᖅ ᐱᓐᓇᕆᔭᐅᓂᐅᔪᖅ ᐱᔨᑦᓯᕐᓂᖅ ᓴᙱᔪᐊᓘᓂᖓᓂ ᓄᓇᓕᑦᑎᓐᓂ ᐃᓚᒌᑎᒍᑦ ᐊᒻᒪ ᐱᖃᓐᓇᕆᔭᕗᑦ ᒪᑐᐃᖅᓯᓲᖑᓂᖏᓐᓂ ᐊᖏᕐᕋᖏᓐᓂ ᐃᑲᔪᕐᓂᕐᒧᑦ ᑕᐃᒃᑯᓄᖓ ᐱᔭᕆᐊᖃᖅᑐᓄᑦ,” ᐃᓚᖓᓐᓂ ᐅᓂᒃᑳᓕᐊᖑᔪᒥ ᐅᖃᓕᒫᕐᓂᖃᖅᐳᖅ.

ᐊᔪᕐᓇᙱᓚᖅ ᓴᐱᓕᖅᓯᒪᔾᔫᒥᓂᕐᒧᑦ ᐊᒃᓱᕈᕐᓇᖅᑑᔪᓂ ᐊᖏᕐᕋᖃᙱᓐᓂᐅᔪᒥ. ᑭᓯᐊᓂ, ᓴᙱᔪᒥ ᐊᔾᔨᒌᙱᕈᓘᔭᕐᓂᖃᖅᐳᖅ ᐊᒻᒪ ᐃᓗᑐᓂᖓᓂ ᓄᓇᓕᖕᓂ ᐱᓕᕆᐊᖑᔪᓂᑦ, ᐃᑲᔪᕈᑎᒃᓴᓂ ᐊᒻᒪ ᐃᓱᒪᒋᕙᐅᓂᐅᔪᓂ. ᐊᖏᖅᓯᒪᓂᖃᖅᐳᒍᑦ ᐱᓕᕇᓐᓇᕐᓂᕐᒥ ᐱᓕᕆᐊᖑᔪᒥ ᓴᖅᑭᑎᑦᑎᓂᕐᒧᑦ ᓯᕗᓂᒃᓴᐅᔪᒥ ᓄᓇᕗᒻᒥᐅᓕᒫᑦ ᐊᑐᐃᓐᓇᖃᕐᓂᖏᓐᓂ ᐱᓕᕆᔾᔪᑕᐅᔪᓄᑦ, ᐃᑲᔪᖅᓱᐃᓂᐅᔪᓄᑦ ᐊᒻᒪ ᐱᔨᑦᑎᕋᕐᓂᐅᔪᓄᑦ ᐱᔭᕆᐊᓕᖕᓂ ᓇᓂᓯᓂᕐᒧᑦ ᐊᒻᒪ ᐋᖅᑭᐅᒪᑎᑦᑎᓂᕐᒧᑦ ᐊᑦᑕᓇᙱᑦᑐᒥ, ᑐᙵᕕᖃᑦᑎᐊᖅᑐᒥ ᐃᒡᓗᒃᓴᖃᕐᓂᕐᒧᑦ. ᐱᓕᕆᖃᑎᒌᓚᐅᖅᑕ ᓴᖅᑭᑎᑦᑎᓂᕐᒧᑦ ᓴᙱᔪᒥᒃ, ᐊᐅᓚᖃᑎᒌᖕᓂᐅᔪᒥ ᐃᒡᓗᒃᓴᖃᕐᓂᕐᒧᑦ ᐃᖏᕐᕋᐃᓐᓇᕐᓂᖓᓂ ᐊᒻᒪ ᐃᖏᕐᕋᐃᓐᓇᕐᓂᐅᔪᒥ ᐃᑲᔪᖅᓱᐃᓂᐅᔪᓄᑦ ᓇᓗᓇᐃᖅᓯᓂᕐᒧᑦ ᓄᓇᕗᒻᒥᐅᑦ ᐊᑐᐃᓐᓇᖃᕐᓂᖏᓐᓂ ᐊᔾᔨᒌᙱᕈᓘᔭᖅᑐᓄᑦ ᐊᑭᑐᓗᐊᙱᑦᑐᓄᑦ ᐊᒻᒪ ᓈᒻᒪᒃᑐᓂ ᐃᒡᓗᒃᓴᒧᑦ ᓂᕈᐊᒐᒃᓴᐅᔪᓂ ᐱᕈᑦᑎᐊᕈᓐᓇᕐᕕᒋᓂᐊᖅᑕᖓᓐᓂ.”