Skip to content

ᐱᓕᕆᐊᒥᓂᒃ ᑲᔪᓯᑎᑦᑏᓐᓇᖅᑐᑦ ᐊᒃᓱᕈᕐᓇᖃᑦᑕᕋᓗᐊᖅᑎᓪᓗᒍ

ᐋᖅᑭᑲᐅᑎᒋᔾᔪᑎᒥᒃ ᐱᑕᖃᙱᒻᒪᑦ ᐃᖢᐊᖏᓕᐅᕈᑕᐅᔪᒃᑯᑦ ᓇᔭᙳᐊᑦ ᐊᒥᒐᖃᑦᑕᖅᑎᓪᓗᒋᑦ ᓄᓇᓕᖕᓂᒃ ᓄᓇᕗᒥ, ᑕᐃᒪᓐᓇ ᐅᖃᖅᖢᓂ ᐊᕐᕕᐊᑦ ᐅᐊᖕᓇᖓᓄᑦ ᑎᑭᕋᕐᔪᐊᕐᒧᓪᓗ ᒪᓕᒐᓕᐅᖅᑎ ᔮᓐ ᒪᐃᓐ ᐱᓇᓱᐊᕈᓯᐅᓚᐅᖅᑐᒥ ᐊᕐᕕᐊᓂᒃ.

Arviat North Whale Cove MLA John Main says more has to be done to help Nunavut's efforts to recruit and retain more health professionals on Jan. 16, 2019. Darrell Greer/NNSL photo
Arviat North Whale Cove MLA John Main says more has to be done to help Nunavut's efforts to recruit and retain more health professionals on Jan. 16, 2019. Darrell Greer/NNSL photo

ᒪᐃᓐ, ᐅᖃᖃᑎᖃᖅᖢᓂ ᐊᕐᕕᐊᓂ ᓇᔭᙳᐊᓂᒃ ᐱᓕᕆᕐᔪᐊᖃᑦᑕᖅᑐᓂᒃ ᓴᓇᔨᖏᑦ ᐊᒥᒐᖅᑎᓪᓗᖏᑦ ᐊᒻᒪᓗ ᓄᕙᒡᔪᐊᖅᑐᑦ ᐊᒥᓲᑎᓪᓗᒋᑦ, ᐅᖃᖅᖢᓂ ᓴᓇᔩᒡᒎᖅ ᐊᑐᖅᑕᐅᔪᓐᓇᖅᑐᓪᓗ ᐃᖢᐊᖏᓕᐅᕈᑎᖃᖅᑎᓪᓗᒋᑦ ᐊᕐᕕᐊᑦ ᐋᓐᓂᐊᕐᕕᖓᓂᒃ ᑕᒪᓐᓇ ᓄᑖᖑᙱᑦᑐᖅ.
ᐅᖃᖅᖢᓂ ᐊᒥᒐᖅᓯᖃᑦᑕᕐᓂᖅ ᐃᓱᒫᓗᖕᓇᕐᒪᑦ ᓄᓇᖅᑲᑎᒌᖕᓄᑦ ᐊᒻᒪᓗ ᐱᔾᔪᑎᒋᓗᒍ ᖃᓄᖅ ᐊᒃᑐᖅᓯᓂᖃᕈᓐᓇᕐᒪᖔᑦ ᓴᓇᔨᓄᑦ ᐋᓐᓂᐊᕐᕕᖕᒥ.
“ᐃᓱᒫᓗᖕᓇᒻᒪᕆᒃᑐᖅ ᑕᒪᒃᑯᐊ ᓴᖅᑮᓐᓇᖃᑦᑕᖅᑎᓪᓗᒋᑦ, ᐊᒻᒪᓗ ᐃᑲᔫᑕᐅᓇᓂ ᐋᓐᓂᐊᕐᕕᖕᒥ ᓴᓇᔨᓄᑦ ᓴᓇᔭᖅᑐᐃᓐᓇᕆᐊᖃᖃᑦᑕᖅᑎᓪᓗᒋᑦ ᑕᐃᒪᐃᑦᑐᒧᑦ ᐅᑉᓗᑕᒫᒃᑯᑦ,” ᑕᐃᒪᓐᓇ ᐅᖃᖅᖢᓂ ᒪᐃᓐ.
ᓄᓇᕗᒥ ᓄᓇᓖᑦ ᐃᓄᑑᙱᑦᑐᑦ ᓴᓇᔨᑖᕋᓱᖃᑦᑕᖅᑎᓪᓗᒋᑦ ᓇᔭᙳᐊᖅᑖᒃᑲᓐᓂᕈᒪᓂᕐᒧᑦ.
ᓄᓇᓖᑦ ᑲᓇᑕᒥ ᓴᓇᔨᑖᕋᓱᖃᑦᑕᕐᓂᕐᒧᑦ ᐱᓕᕆᖃᑎᒌᒃᑐᓂᒃ ᐱᑕᓖᑦ ᐱᑕᖃᕈᓐᓇᖁᑉᓗᒍ ᐱᔫᒥᓵᕈᑎᓂᒃ ᓴᓇᔨᒃᓴᓄᑦ ᐸᐸᑐᖅᑕᐅᑦᑎᐊᕈᓐᓇᖃᑦᑕᕋᔭᖅᑐᓂᒡᓗ ᐃᖢᐊᖅᓴᐃᔨᓂᒃ ᐊᒻᒪᓗ ᓇᔭᙳᐊᓂᒃ.
ᒪᐃᓐ ᐅᖃᖅᖢᓂ ᓄᓇᕗᑦᒎᖅ ᐅᔾᔨᕈᓱᒋᐊᓕᒃ ᓄᓇᓕᑑᙱᒻᒪᑦ ᕿᓂᖃᑦᑕᖅᑐᓂᒃ ᐋᓐᓂᐊᖅᓯᐅᖅᑎᓂᒃ ᓴᓇᔨᓂᒃ, ᐊᒻᒪᓗ ᓇᓂᓯᔭᕆᓕᒃ ᐱᔫᒥᓵᕈᑎᓂᒃ ᐊᑐᖅᑕᐅᖃᑦᑕᖅᑐᓂᒃ ᐊᓯᖏᓐᓄᑦ ᓄᓇᓕᖕᓄᑦ.
ᐅᖃᖅᖢᓂ ᓄᓇᕗᑦᒎᖅ ᓯᕗᓪᓕᖅᐸᐅᑎᔭᕆᐊᓕᒃ ᐱᓕᕆᓇᓱᖃᑦᑕᕐᓂᕐᒧᑦ ᓴᓇᔨᑖᕈᑎᒃᓴᓂᒃ.
“ᓴᓇᔨᑖᖃᑦᑕᕆᐊᖃᖅᑐᒍᑦ ᑕᒫᓃᑦᑐᒪᔪᓂᒃ ᐊᒻᒪᓗ ᐃᖢᕐᕆᓇᔭᖅᑐᓂᒃ ᐃᓅᓯᕆᔭᒃᑯᑦ ᓄᓇᕗᒥ.
“ᐃᓄᐃᑦ ᑕᒪᐅᙵ ᓄᓇᑉᑎᓐᓄᑦ ᓅᒃᑳᖓᑕ, ᓱᓇᓗᒃᑖᓂᒃ ᓴᖅᑭᔮᖅᑎᑦᑎᓇᓱᖃᑦᑕᕆᐊᖃᖅᑐᒍᑦ ᐸᐸᑐᕈᑎᒃᓴᓂᒃ, ᐊᒻᒪᓗ ᐅᖓᑖᒍᓗᐊᖅ ᓴᓇᑎᑦᑎᓂᐅᓇᔭᙱᑦᑐᓂᒃ, ᑐᙵᓱᒃᑎᖃᑦᑕᕐᓗᒋᑦ ᓴᓇᔨᑖᖑᔪᑦ ᐊᒻᒪᓗ ᐃᒡᓗᖃᖅᑎᑦᑎᐊᖅᐸᒡᓗᒋᑦ.
“ᐅᖃᐅᓯᐅᖃᑦᑕᖅᓯᒪᔪᖅ ᐊᒥᖅᑳᖅᑎᑦᑎᓗᓂ ᓴᓇᑎᑦᑎᖃᑦᑕᓕᕋᔭᕐᓂᕐᒧᑦ ᐃᓄᖕᓄᑦ ᓄᖅᑲᓚᐅᖅᑐᓄᑦ ᓴᓇᓚᐅᐱᓪᓚᖃᑦᑕᕐᓗᑎᒃ, ᐃᓱᒪᒋᔭᒃᑯᓪᓕ, ᑕᐃᒫᓗᐃᑦ ᖃᓄᐃᓕᐅᕈᑎᒋᔪᓐᓇᖅᑕᖅᐳᑦ ᐱᕙᓪᓕᐊᑎᑦᑎᓂᐊᕐᓗᓂ ᓴᓇᔨᒃᓴᓂᒃ.
“ᐸᐸᑐᕈᒪᓂᖅ ᐱᒻᒪᕆᐊᓗᒃ ᐃᓱᒫᓘᑕᐅᖃᑦᑕᖅᑐᓂᒃ ᐊᒻᒪᓗ ᒐᕙᒪᒃᑯᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᖏᑦ ᐋᖅᑭᒃᓯᔪᓐᓇᙱᑦᑐᑦ ᐃᖕᒥᓂᑐᐃᓐᓇᖅ. ᐱᒻᒪᕆᐅᓂᖅᓴᒃᑯᑦ ᐊᖏᓂᖅᓴᒃᑯᑦ ᖃᓄᐃᓕᐅᕈᑕᐅᓇᓱᒋᐊᓕᒃ ᐃᓚᐅᖃᑕᐅᑎᓪᓗᒋᑦ ᓄᓇᖅᑲᑎᒌᑦ ᐊᒻᒪᓗ ᐊᔾᔨᒌᙱᑦᑑᑕᐅᔪᑦ ᑎᒥᐅᔪᑦ ᓲᕐᓗ ᑕᐃᑉᑯᐊ ᐱᓕᕆᐊᒃᓴᓖᑦ ᐃᒡᓗᑖᖅᑎᑦᑎᖃᑦᑕᕐᓂᕐᒧᑦ.”
ᒪᐃᓐ ᐅᖃᖅᖢᓂ ᓴᓇᔨᑖᖃᑦᑕᕐᓂᕐᒧᒡᒎᖅ ᐃᖢᐊᖏᓕᐅᕈᑕᐅᔪᑦ ᐊᒃᑐᖅᓯᓂᖃᖃᑦᑕᕐᒪᑕ ᐋᓐᓂᐊᖃᕐᓇᙱᑦᑐᓕᕆᔾᔪᑎᓂᒃ ᑲᔪᓰᓐᓇᖅᑐᒃᑯᑦ.
ᐅᖃᖅᖢᓂ ᐃᓄᐃᒡᒎᖅ ᓄᓇᕗᓗᒃᑖᒥ ᖁᕕᐊᓱᒍᓐᓃᖅᓯᒪᔪᑦ ᐋᓐᓂᐊᖃᕐᓇᙱᑦᑐᓕᕆᓂᒃᑯᑦ ᒫᓐᓇᐅᔪᖅ, ᐊᒻᒪᓗ ᑕᐃᒪᐃᓐᓂᖅᓴᐅᔪᖅ ᑭᒡᒐᖅᑐᖅᑕᒥᓂᒃ ᓄᓇᓕᖕᓂᒃ ᐊᕐᕕᐊᓂ ᐊᒻᒪᓗ ᑎᑭᕋᕐᔪᐊᕐᒥ.