Skip to content

ᐱᒻᒪᕆᐅᑕᐅᔪᓂ ᑮᓇᐅᔭᓄᑦ ᐊᑐᖅᑕᐅᔪᓄᑦ

ᐊᕐᕕᐊᑦ ᐅᐊᖕᓇᖅ/ᑎᑭᕋᕐᔪᐊᖅ ᒪᓕᒐᓕᐅᖅᑎ ᔮᓐ ᒪᐃᓐ ᐊᐃᑦᑖᕈᓱᓚᐅᖅᐳᖅ ᓄᓇᕗᒻᒥ ᒐᕙᒪᒃᑯᑦ (GN) ᐊᑐᕐᓂᖏᓐᓂ $572,000 ᐅᖓᑖᓂ 2018-ᒥ ᐊᖅᓴᕐᓃᑦ ᐃᖅᑲᓇᐃᔭᕐᕖᑦ ᑕᑯᒃᓴᐅᑎᑦᑎᓂᖏᑦ ᑲᑎᒪᓂᖓᓪᓗ ᐋᑐᕚᒥ ᕕᕈᐊᕆᐅᓚᐅᖅᑐᒥ.

ᒪᐃᓐ ᐅᖃᓚᐅᖅᐳᖅ ᐃᖃᓗᖕᓃᓚᐅᖅᐳᖅ ᐱᓕᕆᐊᓄᑦ ᑕᑯᒃᓴᐅᑎᑦᑎᓂᖃᖅᑎᓪᓗᒋᑦ ᐃᒻᒥᓂᒃ ᐊᒻᒪ ᐊᓯᖏᓐᓂ ᒪᓕᒐᓕᐅᖅᑎᓂᑦ ᐅᔾᔨᕆᖕᒪᑕ ᓄᓇᕗᒻᒥ ᒐᕙᒪᒃᑯᑦ ᐃᓚᐅᖃᑕᐅᔪᒃᓴᖏᑦ ᐊᒥᓱᐊᓘᓂᖏᓐᓂ.

ᐊᕐᕕᐊᑦ ᐅᐊᖕᓇᖅ/ᑎᑭᕋᕐᔪᐊᖅ ᒪᓕᒐᓕᐅᖅᑎ ᔮᓐ ᒪᐃᓐ ᐅᑎᖅᐸᓪᓕᐊᑎᓪᓗᒍ ᐃᖃᓗᖕᓄᑦ ᒪᐃ 23-ᖑᑎᓪᓗᒍ. ᒪᐃᓐ ᓴᖅᑭᑎᑦᑎᓚᐅᖅᐳᖅ ᐃᓱᒫᓘᑕᐅᔪᓂ ᐱᐅᓂᖓᓂ ᐃᓚᖏᓐᓂ ᒐᕙᒪᒃᑯᑦ ᑮᓇᐅᔭᓂ ᐊᑐᕐᓂᖏᓐᓂ, ᓲᕐᓗ ᐊᖅᓴᕐᓃᑦ ᐃᖅᑲᓇᐃᔭᕐᕖᑦ ᑕᑯᒃᓴᐅᑎᑦᑎᓂᖏᑦ ᑲᑎᒪᓂᖓᓪᓗ.
Arviat North/Whale Cove MLA John Main checks out the weather conditions while waiting for his connecting flight to Iqaluit in Rankin Inlet on May 23, 2018. Darrell Greer/NNSL photo

ᐊᐱᖅᓱᓚᐅᖅᑐᖅ ᒪᓕᒐᓕᐅᖅᑏᑦ ᐃᒡᓗᖃᑎᖓᓐᓂ ᐊᒻᒪ ᐊᒥᓱᐊᓗᖕᓂ ᑮᓇᐅᔭᓂᑦ ᐊᑐᖅᑕᐅᔪᖃᕐᓂᖅᐳᖅ.

ᐄᑦᑎᐊᖅ ᐃᓚᐅᖃᑕᐅᒋᑦᑎ ᐱᓕᕆᐊᓄᑦ ᑕᑯᒃᓴᐅᑎᑦᑎᓂᐅᔪᒥ ᑮᓇᐅᔭᓕᐅᕈᑎᒃᓴᒃᑲᓐᓃᑦ, ᐃᖅᑲᓇᐃᔮᑦ ᐊᒻᒪᓗ ᓇᖕᒥᓂᖃᕐᓃᑦ ᑕᒪᕐᒥᒃ ᐱᒻᒪᕆᐊᓘᕗᑦ, ᑭᓯᐊᓂ ᑭᓱᓗᒃᑖᑦ ᐱᔾᔪᑎᖃᑦᑎᐊᕆᐊᖃᖅᐳᑦ,” ᐅᖃᓚᐅᖅᐳᖅ ᒪᐃᓐ. ᑐᙵᕕᒋᔭᖓ ᐊᑲᐅᙱᓕᐅᕈᑕᐅᔪᒥ ᐅᕙᒍᑦ, ᒐᕙᒪᐅᓪᓗᑕ, ᑮᓇᐅᔭᓂ ᐊᑐᖅᖢᑕ ᐱᓕᕆᐊᒃᓴᒧᑦ X-ᒧᑦ, ᐸᕐᓇᒃᓯᒪᔭᕆᐊᖃᖅᐳᒍᑦ ᐱᔾᔪᑎᖃᑦᑎᐊᑐᒥ ᑕᑯᒃᓴᐅᑎᑦᑎᓂᕐᒥᑦ ᖃᓄᐃᒻᒪᑦ ᑕᐃᒪᓐᓇᑎᒋ ᑮᓇᐅᔭᓂ ᐊᑐᓚᐅᕐᓂᑦᑎᓐᓂ.”

ᒃᑲᓐᓂᐊᒍᑦ $166,000-ᒥ ᑐᓂᔭᐅᓂᖓᓂ ᕿᑭᖅᑖᓗᖕᒥ ᐊᕕᒃᓯᒪᓂᐅᔪᒥ ᓇᖕᒥᓂᖅ ᐃᖅᑲᓇᐃᔭᕐᕕᓖᑦ ᑲᑐᔾᔨᖃᑎᒌᖏᓐᓄᑦ – ᓄᓇᕗᒻᒥ ᒐᕙᒪᒃᑯᑦ ᐊᑐᓚᐅᖅᐳᑦ $70,000 ᐅᖓᑖᓂ ᑐᔪᕐᒥᓂᕐᓄᑦ ᐊᑭᓕᒐᒃᓴᓂᑦ, $34,000-ᓂ ᑲᑎᒪᖃᑕᐅᓂᕐᒧᑦ ᐃᓚᐅᖃᑕᐅᓂᕐᓄᑦ ᐊᑭᓕᐅᑎᓄᑦ, $120,000 ᐅᖓᑖᓂ ᖃᖓᑦᑕᐅᑎᓄᑦ, ᐊᒻᒪᓗ $37,000 ᓂᕆᔾᔪᑎᒃᓴᓄᑦ, ᑖᒃᓯᑦ ᐊᒻᒪ ᐊᓯᖏᓐᓄᑦ ᐊᑭᓕᐅᑎᒃᓴᐅᔪᓄᑦ 73-ᓄᑦ ᐃᓄᖕᓄᑦ ᐅᐸᓚᐅᖅᑐᓄᑦ ᑲᑎᒪᓂᐅᔪᒧᑦ ᐅᕘᓇ ᓄᓇᕗᒻᒥ ᒐᕙᒪᒃᑯᓐᓄᑦ ᑮᓇᐅᔭᖏᓐᓄᑦ ᐊᑭᓕᖅᑕᐅᕙᒃᑐᓄᑦ.

ᒪᓕᒐᓕᐅᖅᑎᑐᐃᓐᓇᐅᓪᓗᓂ, ᖁᕕᐊᑉᐳᖓ ᖃᐅᔨᓴᐃᓐᓇᕐᓂᐊᕐᓂᓐᓄᑦ ᒐᕙᒪᒃᑯᑦ ᑮᓇᐅᔭᓂᑦ ᐊᑐᖅᐸᒃᑕᖏᓐᓂ ᑕᒪᓐᓇ ᐱᒋᐊᕐᓂᑐᐃᓐᓇᐅᖕᒪᑦ ᐱᔾᔪᑎᖃᖅᑐᒥ ᒐᕙᒪᒃᑯᓐᓂ ᑮᓇᐅᔭᖏᓐᓂ ᐊᐅᓚᕙᖕᓂᖏᓐᓂ.”

ᒪᐃᓐ ᐱᓚᐅᖅᐳᖅ ᑭᐅᔾᔪᑎᒥ ᑎᑎᕋᖅᓯᒪᔪᒥ ᐊᐱᖅᑯᑕᐅᔪᒥ ᑐᓂᓚᐅᖅᑕᒥᓂᑦ ᒫᓐᓇᐅᔪᒥ ᐃᒃᓯᕚᕐᓂᐅᔪᒥ ᒪᓕᒐᓕᐅᕐᕕᖕᒥ ᓄᓇᕗᒻᒥ, ᐊᒻᒪᓗ ᓴᖅᑭᑎᑕᐅᓯᒪᓪᓗᓂ ᑲᑎᒪᔾᔪᑎᒃᓴᓄᑦ ᐃᒃᓯᕚᕐᓂᐅᔪᒥ ᐱᒋᐊᓚᐅᖅᑐᒥ ᒪᐃ 24-ᒥ.

ᐊᕐᕕᐊᑦ ᐅᐊᖕᓇᖅ/ᑎᑭᕋᕐᔪᐊᖅ ᒪᓕᒐᓕᐅᖅᑎ ᔮᓐ ᒪᐃᓐ ᐅᖃᓚᐅᖅᐳᖅ ᓇᓗᓇᙱᓐᓂᖓᓂ ᐃᓚᖏᓐᓂ ᐱᐅᔫᑎᓂᑦ ᓴᖅᑭᑦᑐᖃᓚᐅᕐᓂᖓᓂ ᐃᖅᑲᓇᐃᔭᕐᕖᑦ ᑕᑯᒃᓴᐅᑎᑦᑎᓂᖏᓐᓄᑦ ᑭᓯᐊᓂ ᓄᓇᕗᒻᒥ ᒐᕙᒪᒃᑯᑦ ᐱᓚᐅᖅᐸᑦ ᐱᒻᒪᕆᐅᑕᐅᔪᓂᑦ ᑕᐃᒪᐃᑦᑐᓄᑦ ᐊᑭᓕᒐᒃᓴᐅᔪᓂ?

ᐅᕙᓐᓄᑦ ᑕᐃᒪᓐᓇᑎᒋ ᐊᑭᓕᒐᒃᓴᐅᔪᓂ ᐱᔾᔪᑎᖃᑦᑎᐊᓚᐅᙱᓚᖅ ᐅᕙᓂ ᐱᓕᕆᓂᐅᔪᒧᑦ,” ᐅᖃᓚᐅᖅᐳᖅ ᒪᐃᓐ. ᓱᓕᓂᐅᔪᖅ ᒐᕙᒪᒃᑯᑦ ᑮᓇᐅᔭᖅᑖᒃᑲᓐᓂᓚᐅᖅᐳᑦ ᐱᕙᓪᓕᐊᑎᑦᑎᓂᕐᒧᑦ ᓱᒃᑲᔪᒥ, ᖃᕋᓴᐅᔭᐅᑉ ᐱᑐᑦᓯᒪᒍᑎᖓ ᓯᓚᕐᔪᐊᒧᑦ ᐃᖅᑲᓇᐃᔭᕐᕖᑦ ᑕᑯᒃᓴᐅᑎᑦᑎᓂᖓᓐᓂ ᐱᐅᔪᐊᓘᕗᖅ – ᐱᔭᕆᐊᖃᖅᐳᒍᑦ ᑕᒪᕐᒥᓗᒃᑖᖅ ᒐᕙᒪᑐᖃᒃᑯᓐᓂ ᑮᓇᐅᔭᓂᑦ ᐃᓯᖅᑎᑦᑐᓐᓇᖅᑕᑦᑎᓐᓂ – ᑭᓯᐊᓂ ᑕᒪᓐᓇ ᐱᓕᕆᐊᖑᔭᐅᔪᓐᓇᓚᐅᖅᐳᖅ ᐱᕙᓪᓕᕈᑕᐅᓂᖓᓂ ᐃᖅᑲᓇᐃᔭᕐᕖᑦ ᑕᑯᒃᓴᐅᑎᑦᑎᓂᖓᓐᓂ.”

ᑭᐅᓗᙱᑦᑐᖓ ᐊᐅᓪᓛᕐᓂᖅ ᐊᑑᑎᖃᓚᐅᕐᓂᖓᓂ, ᑭᓯᐊᓂ ᖃᓗᑎᒋ ᐊᑑᑎᖃᖅᐸ?”

ᒪᐃᓐ ᐅᖃᓚᐅᖅᐳᖅ ᐱᔾᔪᑎᖃᖅᖢᓂ ᑭᕙᓪᓕᕐᒧᑦ, ᐱᔭᕆᐊᖃᕐᓂᐅᔪᑦ ᐊᖏᔫᕗᑦ ᐊᒻᒪ ᐊᒃᓱᕈᕈᑎᐅᔪᓕᐅᕆᐊᖃᖅᐳᑦ ᑲᑎᙵᓂᖃᖅᑎᑦᑎᓂᕐᒧᑦ ᐃᖃᓗᖕᓂ ᓱᓕᓂᐅᔪᒥ ᖃᓄᐃᓕᐅᕐᓂᖓᓂ ᐊᖓᔪᖅᑳᖃᕐᕕᐅᑉ ᓯᓚᑖᓄᑦ.

ᐊᑲᐅᙱᓕᐅᕈᑕᐅᔪᑦ ᐊᒻᒪᓗ ᓯᕗᓪᓕᐅᔾᔭᐅᖁᔭᐅᔪᓂ ᓴᖑᑎᑕᐅᔪᓐᓇᖅᐳᑦ ᕿᒥᕐᕈᔭᐅᑎᓪᓗᒍ ᐊᔾᔨᓕᐅᕈᑎᒧᑦ ᐊᖓᔪᖅᑳᖃᕐᕕᖓᓐᓂ. ᐃᓱᒪᕗᖓ ᐊᒃᖢᙱᑦᑐᑦ ᐊᒃᖢᙱᒃᑲᓐᓂᐅᔭᖅᐸᓪᓕᐊᕗᑦ ᐊᒻᒪ ᐊᒃᓗᔪᑦ ᐊᒃᖢᕙᓪᓕᐊᒃᑲᓐᓂᐅᔭᖅᐳᑦ ᐱᔾᔪᑎᖃᖅᑐᒥ ᐃᓄᑐᐃᓐᓇᕐᓄᑦ, ᐊᒻᒪ ᐱᔾᔪᑎᖃᖅᑐᒧᑦ ᓄᓇᓕᐅᔪᓂ,” ᐅᖃᓚᐅᖅᐳᖅ. ᐱᓕᕆᙱᒃᑯᑦᑕ ᐋᖅᑭᑦᑎᐊᖅᓯᓂᕐᒧᑦ, ᖃᓄᖅ ᑐᑭᖃᕐᓂᐊᖅᐸ ᖃᖓᒃᑲᓐᓂᒃᑯᑦ ᓱᕈᓯᕐᒧᑦ ᐱᕈᖅᓴᔪᒧᑦ ᑎᑭᕋᕐᒧᐊᒥ ᐅᖅᓱᖅᑑᒥᓪᓘᓐᓃᑦ?”

ᒪᐃᓐ ᒪᓕᒐᓕᐅᖅᑎᐅᓯᒪᕗᖅ ᐊᕐᕌᒎᑉ ᑐᖔᓂ ᑭᓯᐊᓂ ᐅᖃᓚᐅᖅᐳᖅ ᑲᑎᙵᓂᖃᙱᓯᒪᕗᖅ ᐊᑲᐅᙱᓕᐅᕈᑕᐅᔪᓂ ᐊᒃᑐᐃᕙᓪᓕᐊᔪᓂ ᐃᖃᓗᖕᒥᐅᑕᓂᑦ ᐊᒻᒪ ᓄᓇᓕᖕᓄᑦ ᓯᓚᑖᓂ ᐊᖓᔪᖅᑳᖃᕐᕕᖓᓐᓂ. ᐊᑐᓂ ᓄᓇᓕᐅᔪᖅ ᐊᔾᔨᐅᙱᓚᖅ ᓇᖕᒥᓂᖅ ᐊᑲᐅᙱᓕᐅᕈᑎᖃᖅᖢᑎᒃ, ᑭᓯᐊᓂ ᐃᓚᑰᓂᐅᔪᑦ ᐊᓯᖏᓐᓂ ᓄᓇᓕᐅᔪᓂᑦ ᐊᒻᒪ ᐊᖓᔪᖅᑳᖃᕐᕕᖕᒥ ᐃᑳᕈᑎᓕᐅᖅᑕᐅᔭᕆᐊᖃᖅᐳᖅ ᖃᓄᑭᐊᖅ, ᐅᖃᓚᐅᖅᐳᖅ.

ᐊᑯᓂᐅᔪᒃᑯᑦ ᑐᕌᒐᒃᓴᐅᔪᒧᑦ, ᐅᖃᓚᐅᖅᐳᖅ, ᒥᑭᓐᓂᖅᓴᐅᔪᖅ ᓄᓇᓖᑦ ᑐᓂᔭᐅᓪᓗᐊᖅᐳᑦ ᐃᓱᒪᓕᐅᕈᑕᐅᔪᓂ ᐊᔪᙱᓐᓂᐅᔪᓂ, ᑐᑭᖃᖅᑐᒥ ᑮᓇᐅᔭᖃᖅᑎᑕᐅᒃᑲᓐᓂᕐᓂᐅᔪᒥ.

ᐊᐅᓚᑦᑎᓂᖃᖅᑎᑕᐅᓪᓗᐊᖅᐳᑦ ᑮᓇᐅᔭᓂ ᐊᑐᐃᓐᓇᐅᔪᓄᑦ ᐱᔾᔪᑎᖃᖅᑐᒥ ᑐᓐᓂᖅᓴᐃᓂᐅᔪᒥ – ᐱᔾᔪᑎᖃᖅᑐᒥ ᓇᒥ ᐊᑐᖅᑕᐅᕙᖕᓂᖓᓂ,” ᐅᖃᓚᐅᖅᐳᖅ.