Skip to content

ᐱᐅᓛᖑᔪᑦ ᑕᒪᒃᑭᓂ ᓄᓇᕐᔪᐊᓂᑦ

ᐃᓕᓐᓂᐊᖅᑏᑦ ᑑᒑᓕᒃ ᖁᑦᑎᒃᑐᒥ ᐃᓕᓐᓂᐊᕐᕕᖓᓐᓂ ᒪᑐᓯᓚᐅᖅᐳᑦ ᐃᓕᓐᓂᐊᕐᕕᖓᑕ ᐊᕐᕌᒍᖓᓂ ᐊᓕᐊᓇᐃᒋᔭᖃᖅᖢᑎᒃ ᑲᑎᙵᓂᐅᔪᒥ ᐱᖅᑯᓯᑐᖃᖅᑎᒍᑦ−ᐊᒻᒪ−ᒫᓐᓇᓕᓴᓂ ᐱᓕᕆᐊᖑᓂᐅᔪᓂ ᐃᓕᓐᓂᐊᕐᕕᒃ ᖃᐅᔨᒪᔭᐅᕐᔪᐊᓕᕐᓂᖓᓂ ᓇᐅᔮᓂ ᑕᖅᑭᐅᓚᐅᖅᑐᒥ.

ᐃᓕᓐᓂᐊᖅᑏᑦ ᖁᑦᑎᖕᓂᓕᖕᓂ 7−ᒥ 12−ᒧᑦ ᐊᓕᐊᓇᐃᒋᔭᖃᓚᐅᖅᐳᑦ ᖃᔅᓯᒐᓚᖕᓂ ᓄᓇᒥ ᐊᐅᓪᓛᕐᓂᐅᔪᒥ ᑕᐃᑲᓂᓗᒃᑖᖅ ᑕᖅᑭᐅᓚᐅᖅᑐᒥ, hip-hop−ᒧᑦ ᖁᙱᐊᖅᑕᐅᕙᒃᑐᖅ ᐊᒻᒪ ᖃᓄᑐᐃᓐᓇᖅ ᒧᒥᖅᑎ ᐃᐅᔩᓐ ᐸᕗ ᒧᒥᖅᑎᕆᓘᔭᖅᓯᒪᕙᖏᑦ ᓱᓪᓗᑯᑖᓂᑦ ᑎᓴᒪᖓᓐᓂ ᐳᓚᕋᕐᓂᖓᓂ ᓄᓇᓕᐅᔪᓄᑦ ᒪᐃ 13−ᒥ 17−ᒧᑦ.

Hip-hop ᖁᙱᐊᖅᑕᐅᕙᒃᑐᖅ ᐊᒻᒪ ᖃᓄᑐᐃᓐᓇᖅ ᒧᒥᖅᑎ ᐃᐅᔩᓐ ᐸᕗ ᐱᐅᖅᓴᖅᐳᖅ ᑐᓐᓂᖅᑯᓯᐊᖓᓐᓂ ᐃᓕᓐᓂᐊᖅᑎᓂᑦ ᐊᒻᒪ ᐃᖅᑲᓇᐃᔭᖅᑎᓂᑦ ᑑᒑᓕᒃ ᖁᑦᑎᒃᑐᒥ ᐃᓕᓐᓂᐊᕐᕕᖕᒥ ᖁᔭᓕᔾᔪᑕᐅᔪᒥ ᐳᓚᕋᐃᓐᓇᖅᐸᒃᐸᖕᓂᖓᓄᑦ ᓄᓇᓕᐅᔪᓄᑦ ᐃᓕᓐᓂᐊᖅᑏᑦ, ᐊᔾᔨᓕᐅᕈᒻᒧᑦ ᓵᙵᔪᓂ ᓴᐅᒥᖕᒥ, ᐸᑲᒃ ᐊᕐᓇᑦᓯᐊᖅ, ᑯᐃᓐᑎᓐ ᑐᒃᑐᕐᔪᒃ, ᒫᒃ ᕿᙳᖅ ᐊᒻᒪ ᕆᒃ ᐃᔨᕋᖅ ᖁᙱᐊᖅᑎᓪᓗᒋᑦ ᓇᐅᔮᓂ ᒪᐃ 17−ᖑᑎᓪᓗᒍ.
Hip-hop artist Eugene Boffoe admires a gift from students and staff at Tuugaalik High School as a thank you for his continued visitis to the community as students, facing camera from left, Pakak Arnatsiaq, Quentin Tuktudjuk, Mark Kringuk and Rick Iyyiraq look on in Naujaat on May 17, 2018.
photo courtesy Julia MacPherson

ᐃᓕᓴᐃᔨᓄᑦ ᐊᖓᔪᖅᑳᖓᑕ−ᑐᒡᓕᐊ ᔪᓕᐊ ᒪᒃᕘᓴᓐ ᐅᖃᓚᐅᖅᐳᖅ ᐃᓕᓐᓂᐊᕐᕕᒃ ᐋᖅᑭᒃᓱᐃᓇᓱᐊᓲᖑᕗᑦ ᖃᔅᓯᒐᓚᖕᓂ ᓄᓇᒥ ᐊᐅᓪᓛᕐᓂᐅᔪᓂ ᒪᐃ ᓄᙳᐊᓂᐸᓗᒃ ᐊᕐᕌᒍᑕᒫᒥ.

ᐅᖃᓚᐅᖅᐳᖅ ᐃᓕᓐᓂᐊᖅᑏᑦ ᓄᓇᓕᐊᓚᐅᖅᐳᑦ ᐅᓪᓗᓕᒫᒥ ᐊᐅᓪᓛᕐᓂᐅᔪᒥ ᓯᑭᑑᒃᑯᑦ ᑲᓕᖦᖢᑎᒃ ᖃᒧᑏᖕᓂᑦ.

ᓯᓂᒃᑕᕐᓂᖅᑕᖃᓚᐅᙱᓚᖅ ᐊᐅᓪᓛᕐᓂᐅᔪᓂ ᑕᒪᑐᒪᓂ ᐊᕐᕌᒎᔪᒥ ᐱᓗᐊᖅᑐᒥ ᐊᒥᓱᓗᐊᓂ ᐃᓕᓐᓂᐊᕐᓂᕐᒧᑦ ᐅᓪᓗᓂ ᐊᓯᐅᔨᓚᐅᕋᑦᑕ ᓄᖅᑲᖓᑎᑕᐅᓂᐅᔪᓂ ᐱᑎᑕᐅᔪᓄᑦ ᓯᓚᑦᑎᐊᕙᐅᙱᓐᓂᐅᔪᓄᑦ,” ᐅᖃᓚᐅᖅᐳᖅ ᒪᒃᕘᓴᓐ. “ᑭᓯᐊᓂ ᑕᒪᕐᒥᒃ ᐃᓕᓐᓂᐊᕐᕕᐊᕈᓰᑦ, ᐊᒻᒪ ᐃᓕᓴᐃᔨᖏᑦ, ᐅᐸᒡᕕᒃᓴᖃᓚᐅᖅᐳᑦ ᐅᓪᓗᕐᒧᑦ ᐊᒻᒪ ᐃᖃᓪᓕᐊᒐᓛᒃᖢᑎᒃ ᐊᒻᒪ ᑐᒃᑐᓕᐊᖅᖢᑎᒃ.”

ᐅᕙᑦᑎᓐᓂ ᐅᐱᒋᕗᒍᑦ ᐱᒻᒪᕆᐅᓂᖓᓂ ᓄᓇᒥ ᐊᐅᓪᓛᕈᓐᓇᕐᓂᑦᑎᓐᓂ,” ᐅᖃᒃᑲᓐᓂᓚᐅᖅᐳᖅ. “ᐊᒃᓱᕈᑦᑎᐊᓲᖑᕗᒍᑦ ᓄᓇᒥ ᐊᐅᓪᓛᖅᑎᑦᑎᓂᕐᒧᑦ ᐱᖓᓱᐃᖅᖢᑎᒃ ᑎᓴᒪᐃᖅᖢᑎᒡᓘᓐᓃᑦ ᐊᕐᕌᒍᑕᒫᒥ, ᐅᒥᐊᖅᑐᕈᑎᒡᓘᓐᓃᑦ ᑎᓴᒪᓕᒃᑯᓪᓘᓐᓃᑦ ᓯᑭᑑᒃᑯᓪᓘᓐᓃᑦ.”

ᒪᒃᕘᓴᓐ ᐅᖃᓚᐅᖅᐳᖅ ᓄᓇᒥ ᐊᐅᓪᓛᕐᓂᐅᔪᑦ ᐋᖅᑭᒃᓱᖅᑕᐅᓯᒪᕗᑦ ᐃᓕᓐᓂᐊᕐᕕᐅᑉ ᐃᓕᓐᓂᐊᕈᑎᓕᐅᖅᑕᐅᓯᒪᔪᓄᑦ ᖁᑦᑎᖕᓂᓕᖕᓄᑦ 7-ᒥ 9-ᒧᑦ.

ᐅᖃᓚᐅᖅᐳᖅ ᖃᔅᓯᐊᕐᔪᖕᓂ ᐊᖓᔪᒃᖠᓂ ᖁᑦᑎᒃᑐᒥ ᐃᓕᓐᓂᐊᕐᕕᐊᕈᓰᑦ ᐃᓚᓕᐅᔾᔨᔪᓐᓇᕆᕗᑦ ᐊᐅᓪᓛᕐᓂᐅᔪᓂ ᓇᖕᒥᓂᖅ ᐃᓕᓐᓂᐊᕈᑎᓕᐅᖅᑕᐅᓯᒪᔪᓄᑦ, ᑭᓯᐊᓂ, ᓇᓕᐊᑐᐃᓐᓇᒃᑯᑦ, ᐊᐅᓪᓛᕐᓂᐅᔪᑦ ᐱᒻᒪᕆᐅᕗᑦ ᐃᓕᓐᓂᐊᕐᕕᖕᒧᑦ ᐊᒻᒪ ᐃᓕᓐᓂᐊᖅᑎᖏᓐᓄᑦ.

ᐋᐳᕆ (ᐴᓪᑦ, ᐃᓕᓐᓂᐊᕐᕕᐅᑉ ᐃᓕᓴᐃᔨᓄᑦ ᐊᖓᔪᖅᑳᖓ) ᐅᕙᖓᓗ ᑕᐃᒪᐃᑦᑐᖃᐃᓐᓇᐅᔭᕐᓂᖓᓂ ᐊᕐᕌᒍᑕᒫᒥ ᐃᓕᓐᓂᐊᖅᑎᓄᑦ ᐊᓕᐊᓇᐃᒋᔭᐅᑦᑎᐊᕐᒪᑦ ᐊᒻᒪᓗ ᐃᓕᓴᐃᔨᓄᑦ ᐊᓕᐊᓇᐃᒋᖕᒪᒍᑦᑕᐅᖅ,” ᐅᖃᓚᐅᖅᐳᖅ. ᓄᓇᒥ ᐊᐅᓪᓛᕐᓂᐅᔪᑦ ᐱᕕᒃᓴᖃᑦᑎᐊᕐᓂᐅᕗᑦ ᐃᓕᓴᐃᔨᓄᑦ ᑕᑯᓂᖏᓐᓂ ᐃᓕᓐᓂᐊᖅᑎᓂᑦ ᐊᔾᔨᒋᙱᑕᖓᓃᑎᓪᓗᒋᑦ ᐊᒻᒪ ᐱᓕᕆᖃᑎᒋᔭᐅᓪᓗᑎᒃ ᐊᔾᔨᐅᙱᑦᑐᓂ ᐊᕙᑎᐅᔪᒥ.”

ᐃᓱᒪᔪᖃᓚᐅᖅᑳᕋᓂ ᑑᒑᓕᒃ ᖁᑦᑎᒃᑐᒥ ᐃᓕᓐᓂᐊᕐᕕᖓ ᐱᖅᑯᓯᑐᖃᖅᑎᒍᑦ ᐱᓕᕆᐊᖑᓂᖃᑐᐃᓐᓇᕐᓂᖓᓂ, hip-hop ᖁᙱᐊᖅᑎᐅᔪᖅ ᐊᒻᒪ ᖃᓄᑐᐃᓐᓇᖅ ᒧᒥᖅᑎᐅᔪᖅ ᐃᐅᔩᓐ ᐸᕗ ᑎᓴᒪᖓᓐᓂ ᐊᐅᓪᓛᕐᓂᖃᓚᐅᖅᐳᖅ ᐅᑭᐅᖅᑕᖅᑑᑉ ᑭᒡᓕᙳᐊᖓ ᐃᓕᓴᐃᔭᖅᑐᖅᖢᓂ ᒪᒃᑯᒃᑐᓂ ᓄᓇᓕᖕᓂ ᐊᓕᐊᓇᐃᒋᔭᖃᕐᓂᕐᒧᑦ hip hop−ᒥ ᐊᒻᒪ ᒫᓐᓇᓕᓴᓂ ᒧᒥᕐᓂᐅᔪᓂᑦ ᑕᖅᑭᐅᓚᐅᖅᑐᒥ.

ᐸᕗ ᐱᓕᕆᖃᑎᖃᓚᐅᖅᐳᖅ ᒪᒃᑯᒃᑐᓂ ᒪᐃ 14, 16 ᐊᒻᒪ 17−ᒥ, ᐊᒻᒪ ᐃᓚᐅᖃᑕᐅᓪᓗᓂ ᓄᓇᒥ ᐊᐅᓪᓛᕐᓂᐅᔪᒥ ᖁᑦᑎᖕᓂᓕᖕᓂ 7 ᐊᒻᒪ 8−ᓂ ᐃᓕᓐᓂᐊᖅᑎᓂᑦ ᐊᒻᒪ ᐃᓕᓴᐃᔨᖏᓐᓂ ᒪᐃ 15−ᖑᑎᓪᓗᒍ.

ᒪᒃᕘᓴᓐ ᐅᖃᓚᐅᖅᐳᖅ ᐸᕗ ᖁᕕᐊᒋᔭᐅᕐᔪᐊᓲᖑᕗᖅ ᓇᐅᔮᓂ ᒪᒃᑯᒃᑐᓄᑦ ᓄᓇᓕᖕᓄᑦ ᐳᓛᕆᐊᕌᖓᒥ.

ᐅᖃᓚᐅᖅᐳᖅ ᑕᒪᓐᓇ ᕘᑉ ᓯᕗᓪᓕᖅᐹᒥ ᐊᐅᓪᓚᕐᓂᕆᓚᐅᖅᐸᖓ ᓇᐅᔮᓄᑦ ᑑᒑᓕᒃ ᐋᖅᑭᒃᓱᐃᑎᓪᓗᒍ ᓄᓇᒥ ᐊᐅᓪᓛᕐᓂᐅᔪᓂᑦ.

ᐃᐅᔩᓐ ᑕᑯᒃᓴᐅᑎᑦᑏᓐᓇᐅᔭᖅᐳᖅ ᐃᓚᐅᖃᑕᐅᔪᒪᓂᐅᔪᒥ ᐃᓕᓐᓂᐊᕐᕕᖕᒥ, ᓄᓇᓕᖕᓂ ᐊᒻᒪ ᐃᓕᖅᑯᓯᖓᓐᓂ, ᐊᒻᒪ ᐱᓕᕇᓐᓇᐅᔭᖅᖢᓂ ᓲᕐᓗ ᐃᖃᐃᓕᓴᕐᕕᓕᐊᖅᖢᓂ ᐱᙳᐊᕐᕕᖕᒧᓪᓘᓐᓃᑦ ᐅᓐᓄᒃᑯᑦ ᐹᔅᑭᑦᐹᖃᑎᖃᕆᐊᖅᑐᖅᖢᓂ ᓱᕈᓯᕐᓂᑦ,” ᐅᖃᓚᐅᖅᐳᖅ ᒪᒃᕘᓴᓐ.

ᐃᒻᒥᓂᒃ ᐃᓚᐅᖃᓯᐅᑏᓐᓇᕋᓱᓲᖅ ᓄᓇᓕᖕᓄᑦ ᐱᔪᓐᓇᕐᓂᓕᒫᖓᓐᓂ.”

ᐸᕗ ᐱᓕᕆᓚᐅᖅᐳᖅ ᒧᒥᕆᐅᖅᓴᓂᕐᓂ ᐅᓪᓛᑕᒫᑦ ᐃᓕᓐᓂᐊᓕᓵᖅᑐᓄᑦ ᐃᓕᓐᓂᐊᕐᕕᖓᓐᓂ, ᐊᒻᒪ ᓅᖦᖢᓂ ᖁᑦᑎᒃᑐᒥ ᐃᓕᓐᓂᐊᕐᕕᖕᒧᑦ ᐅᓐᓄᓴᒥ ᐃᓕᓐᓂᐊᖅᑎᑦᑎᓂᖓᓐᓂ.

ᒪᒃᕘᓴᓐ ᐅᖃᓚᐅᖅᐳᖅ ᐊᒥᓱᑦ ᓇᐅᔮᓂ ᐃᓕᓐᓂᐊᖅᑏᑦ ᓴᙱᔪᒥ ᑲᑎᙵᓂᖃᖅᐳᑦ hip hop−ᒧᑦ.

ᐊᒻᒪᓗ, ᐅᖃᓚᐅᖅᐳᖅ, ᖃᔅᓯᐊᕐᔪᖕᓂ ᐃᓕᓐᓂᐊᖅᑎᓂᑦ ᐊᒃᓱᐊᓗᒃ ᒧᒥᕈᒻᒪᐅᔪᓂᑦ.

ᐱᓕᕆᑦᑎᐊᒃᑳᓗᒃ ᐃᓚᐅᖃᑕᐅᓂᖓᓂ ᐃᓄᐃᑦ ᐃᓕᖅᑯᓯᖓᓐᓂ ᓲᕐᓗ ᐊᔮᔮᕐᓂᕐᒧᑦ ᕿᓚᐅᔾᔮᕐᓂᕐᒧᓪᓘᓐᓃᑦ ᐊᒻᒪ ᐃᓚᓕᐅᑎᓪᓗᓂᒋᑦ ᒫᓐᓇᓕᓴᐅᔪᒧᑦ hip hop−ᖑᓂᐅᔪᒧᑦ.”

ᓱᕈᓰᑦ ᐊᓕᐊᓇᐃᒍᓱᖕᓂᖃᑦᑎᐊᓲᑦ ᐃᐅᔩᓐ ᐊᒃᓱᕈᕐᓂᖓᓂ ᐅᐱᒍᓱᑦᑎᐊᕐᓂᖓᓂ ᐃᓄᐃᑦ ᐃᓕᖅᑯᓯᖓᓐᓂ ᑕᐃᒪᓐᓇ.”