Skip to content

ᐃᓱᒪᑦᑎᐊᕆᐊᖏᓐᓇᕐᓂᖅ

ᖃᒪᓂᑦᑐᐊᕐᒥᐅᑕᖅ ᒪᒃᑯᒃᑐᖅ ᓴᐱᓕᓚᐅᖅᓯᒪᙱᑦᑐᒥ ᐱᓕᕆᑦᑎᐊᕈᓐᓇᕐᓂᕐᒧᑦ ᐊᒻᒪ ᖁᕕᐊᓱᖕᓂᕐᒧᑦ ᐃᓛᓐᓂᒃᑯᑦ ᐊᒃᓱᕈᕐᓇᖅᑐᒥ ᓱᕈᓯᐅᓚᐅᕐᓂᖓᓂ ᓄᓇᕗᒻᒥ ᑎᒍᐊᙳᐊᕆᔭᐅᓂᕐᒧᑦ ᐱᓕᕆᔾᔪᓯᐅᔪᒥ ᐅᖃᐅᓯᖃᖅᐳᖅ ᒪᓕᒍᒥᓇᖅᑐᒥ ᐅᖃᐅᓯᒃᓴᖓᓂ ᐊᓯᖏᓐᓄᑦ.

ᐹᕐᓂ (ᑯᑦᔮᖅ) ᓇᓄᒃᓗᒃ, 20, ᐅᖃᓪᓚᖃᑎᖃᓚᐅᖅᐳᖅ ᐃᓄᒋᐊᓂ ᐃᓕᓐᓂᐊᖅᑎᓂᑦ ᒪᑐᕙᓪᓕᐊᓂᐅᔪᒥ ᖁᕕᐊᓱᒍᑕᐅᔪᓂ ᐃᖅᑲᓇᐃᔮᖑᔪᓄᑦ ᐅᔾᔨᕈᓱᖕᓂᐅᔪᒥ, ᐊᔪᙱᓐᓂᕐᓂ ᐊᒻᒪ ᖃᐅᔨᒪᓂᐅᔪᓄᑦ (TASK) ᐱᓇᓱᐊᕈᓯᕐᒥ ᖃᒪᓂᑦᑐᐊᕐᒥ ᐱᒋᐊᕐᓂᖓᓂ ᑕᖅᑭᐅᔪᒥ ᐊᐱᕆᓪᓗᓂᒋᑦ ᓄᖅᑲᓚᐅᖅᓯᒪᖁᓇᒋᑦ ᒪᓕᖕᓂᖏᓐᓂ ᐱᓕᕆᔪᒪᔭᒥᓂᑦ.

ᐹᕐᓂ (ᑯᑦᔮᖅ) ᓇᓄᒃᓗᒃ ᑕᑯᒃᓴᐅᑎᑦᑎᓂᖃᓚᐅᖅᐳᖅ ᖃᒪᓂᑦᑐᐊᕐᒥ ᖁᑦᑎᒃᑐᒥ ᐃᓕᓐᓂᐊᕐᕕᖕᒧᑦ ᐃᓕᓐᓂᐊᖅᑎᓄᑦ ᐃᓱᒪᑦᑎᐊᕆᐊᖏᓐᓇᕐᓂᕐᒧᑦ ᐊᒻᒪ ᒪᓕᖕᓂᕐᒧᑦ ᐱᕕᒃᓴᖃᕐᓂᐅᔪᓄᑦ ᒪᐃ 22-ᖑᑎᓪᓗᒍ.
Barney (Kadjaaq) Nanooklook spreads his message that there are lots of obtainable opportunities following high school that exist for local students in Baker Lake on May 22, 2018. photo courtesy Karen Yip

ᐃᓱᒪᐃᓐᓇᐅᔭᓚᐅᖅᐳᖓ ᒪᒃᑯᒃᑲᓐᓂᖅᑎᓪᓗᖓ ᐊᑭᓕᖅᓱᖅᑕᐅᑦᑎᐊᖅᑐᒥ ᐃᖅᑲᓇᐃᔮᖃᓚᐅᖅᓯᒪᔾᔮᙱᓚᖓ, ᑭᓯᐊᓂ ᒫᓐᓇᐅᓕᖅᑐᖅ ᐅᔾᔨᕈᓱᒃᐳᖓ ᑕᖅᑳᓃᑦᑐᖅ ᐱᔪᒪᓪᓚᕆᒃᑯᕕᐅᒃ,” ᐅᖃᓚᐅᖅᐳᖅ. “ᒫᓐᓇ ᐃᖅᑲᓇᐃᔮᖃᑦᑎᐊᖅᐳᖓ ᐅᔭᕋᖕᓂᐊᕐᕕᖕᒥ ᐊᒻᒪᓗ ᐃᓕᑦᑎᔪᒪᒋᕗᖓ ᐊᓯᖏᓐᓂᑦ ᑕᐃᑲᓂ.”

ᐃᓕᓐᓂᐊᖅᑏᑦ ᖃᓄᐃᓐᓂᖏᓐᓄᑦ ᐅᖃᓪᓚᖕᓂᓐᓄᑦ ᐱᒃᑯᓇᓚᐅᖅᐳᖅ,” ᐅᖃᓚᐅᖅᐳᖅ. “ᖁᕕᐊᓚᐅᖅᐳᑦ ᐅᕙᓐᓂ ᑕᑯᓂᕐᒧᑦ ᐊᒻᒪ ᐅᖃᓪᓚᖕᓂᓐᓄᑦ ᓵᖓᓐᓂ ᐊᒻᒪ ᑕᒪᕐᒥᓄᑦ ᐃᓕᓐᓂᐊᖅᑎᑦᑎᔨᐅᔪᓄᑦ ᐊᒻᒪ ᐃᓕᓴᐃᔨᐅᔪᓄᑦ.”

ᓇᓄᒃᓗᒃ ᐅᖃᓚᐅᖅᐳᖅ ᖁᕕᐊᒋᖃᕐᔪᐊᖅᐳᖅ ᐊᒡᓂᑯ ᐄᒍᓪ ᐅᔭᕋᖕᓂᐊᕐᕕᖕᒥ (AEM) ᐃᖅᑲᓇᐃᔭᖅᑎᐅᓂᕐᒧᑦ ᒥᐊᑐᐹᖕᒃ ᒎᓗᒧᑦ ᐅᔭᕋᖕᓂᐊᕐᕕᖓᓐᓂ ᐊᒻᒪᓗ ᑕᑯᒃᓴᐅᓂᐅᕗᖅ ᐱᐅᔫᑎᓂᑦ ᐱᓲᖑᕗᑦ ᐃᓄᖕᓄᑦ ᓴᐱᓕᖅᐸᙱᑦᑐᓄᑦ.

ᒪᓕᒃᑐᒥ ᑎᑎᖅᑲᖁᑎᒋᔭᐅᔪᓄᑦ ᑐᓂᔭᐅᔪᓂ ᐊᒡᓂᑯᓪ ᐄᒍᓪᒧᑦ, ᐃᓄᐃᑦ ᐃᖅᑲᓇᐃᔭᖅᑎᐅᔪᑦ ᐋᖅᑭᒃᓯᒪᓂᖃᖅᐳᑦ 35 ᐳᓴᓐᑎᖓᓂ ᒥᐊᑐᐹᖕᒃ ᐅᔭᕋᖕᓂᐊᕐᕕᖓᑕ ᐃᖅᑲᓇᐃᔭᖅᑎᖏᓐᓂ 2014-ᒥ ᐊᒻᒪᓗ 60 ᐳᓴᓐᑎᖓᓂ ᑖᒃᑯᓇᓂ ᐃᖅᑲᓇᐃᔭᖅᑎᐅᔪᓂᑦ ᖃᒪᓂᑦᑐᐊᕐᒥᙶᖅᐳᑦ. ᒪᑐᐃᖓᓪᓗᓂ-ᐃᓗᑦᑐᖅᑎᕆᓯᒪᔪᒥ ᒎᓗᒧᑦ ᐅᔭᕋᖕᓂᐊᕐᕕᖓ 110 ᑭᓛᒥᑕᐸᓘᕗᖅ ᓄᓇᓕᐅᑉ ᓯᓚᑖᓂ.

ᓇᓄᒃᓗᒃ ᐅᖃᓚᐅᖅᐳᖅ ᐱᕐᔪᐊᖑᔪᓂ ᐱᑯᒃᓴᖃᕐᓂᐅᔪᓂᑦ ᐱᑕᖃᖅᐳᑦ ᖃᒪᓂᑦᑐᐊᕐᒥ ᒫᓐᓇᐅᔪᒥ ᐊᒻᒪ ᐃᓕᓐᓂᐊᖅᑏᑦ ᖃᓂᒡᓕᕙᓪᓕᐊᔪᑦ ᐃᓱᓕᑦᑎᓂᐊᕐᓂᖏᓐᓂ ᖁᑦᑎᒃᑐᒥ ᐃᓕᓐᓂᐊᕐᕕᖕᒧᑦ ᐱᓕᕆᓪᓗᐊᖅᐳᑦ ᖃᓄᓕᒫᑦᑎᐊᖅ ᐱᓇᓱᐊᖃᑕᐅᓂᖏᓐᓄᑦ.

ᐅᓂᒃᑳᕆᓚᐅᖅᐳᖅ ᐊᔪᕐᓇᕐᓂᐅᕙᓚᐅᖅᑐᒥ ᐱᕈᖅᓴᓪᓗᓂ ᑎᒍᐊᙳᐊᕆᔭᐅᓪᓗᓂ.

ᐃᖅᑲᐅᒪᔪᓐᓇᙱᑲᓴᒃᑐᖓ ᑕᐃᔅᓱᒪᓂᐅᓚᐅᖅᑐᒥ ᒫᓐᓇᒧᑦ ᑎᑭᖦᖢᒍ, ᖁᕕᐊᓱᕐᔪᐊᕋᒪ ᒫᓐᓇ, ᑭᓯᐊᓂ ᐅᖃᕈᓐᓇᖅᐳᖓ ᑎᒍᐊᙳᐊᖑᓂᕐᒧᑦ ᐱᓕᕆᓂᐅᔪᒥ ᐱᐅᓚᐅᖅᐳᖅ, ᐃᓛᓐᓂᒃᑯᑦ ᐊᒃᓱᕈᕐᓇᖅᐸᒃᖢᓂ ᖄᖏᐅᑎᕙᓚᐅᖅᑕᓐᓂᑦ,” ᐅᖃᓚᐅᖅᐳᖅ.

ᐅᖃᓪᓚᖃᑎᖃᓚᐅᖅᐳᖅ ᐃᓕᓐᓂᐊᖅᑎᓄᑦ ᐊᒃᓱᕈᕐᓂᖓᓂ ᐱᔭᕇᖅᓯᓇᓱᐊᕐᓂᕐᒧᑦ ᖁᑦᑎᒃᑐᒥ ᐃᓕᓐᓂᐊᕐᓂᕐᒥᑦ.

ᑭᖑᓂᐊᒍᑦ ᐃᖅᑲᓇᐃᔮᖅᑖᕈᒪᖕᒪᖔᕐᒪ ᐊᐱᕆᔭᐅᓚᐅᖅᐳᖓ ᐊᒡᓂᑯ ᐄᒍᓪᒥ ᐅᔭᕋᖕᓂᐊᕐᕕᖕᒧᑦ ᒥᐊᑐᐹᖕᒃᒥ ᐊᒻᒪᓗ ᓱᓕ ᖁᖓᔮᖅᐳᖓ ᐱᓕᕆᑎᓪᓗᖓ ᐃᒡᓗᕈᓯᕐᓂ ᓴᓗᒻᒪᖅᓴᐃᔨᐅᓪᓗᖓ ᐅᔭᕋᖕᓂᐊᕐᕕᖕᒥ,” ᐅᖃᓚᐅᖅᐳᖅ.

ᓇᓄᒃᓗᒃ ᐅᖃᓚᐅᖅᐳᖅ ᐊᓕᐊᓇᐃᒌᓐᓇᐅᔭᓚᐅᖅᑕᖓ ᐃᓕᑦᑎᓂᕐᒧᑦ ᓄᑖᖑᔪᓂᑦ ᐃᓕᓴᐃᔨᖏᓐᓂ ᐊᒻᒪ ᖃᓄᐃᒃᓴᓚᐅᙱᓚᖅ ᐊᖏᕐᕋᐅᑎᔭᕆᐊᓕᖕᓂ ᐱᓕᕆᐊᒃᓴᖃᖅᑎᑕᐅᓂᕐᒧᑦ ᐊᕐᕌᒍᓂ ᐃᓕᓐᓂᐊᖅᑎᓪᓗᒍ. ᐃᓱᒪᕙᓪᓕᐊᓕᓚᐅᖅᐳᖅ ᒥᐊᑐᐹᖕᒃᒥ ᖃᔅᓯᒐᓚᖕᓂ ᐃᓄᖕᓂ ᐊᐱᕆᔭᒥᓂᑦ ᐅᓂᒃᑳᕆᑎᓪᓗᒋᑦ ᐃᓂᑦᑎᐊᕙᐅᓂᖓᓂ ᐃᖅᑲᓇᐃᔭᕐᕕᒋᓗᒍ.

ᐃᖅᑲᓇᐃᔮᕋ ᐊᓕᐊᓇᐃᒋᑦᑎᐊᖅᐸᕋ ᐊᒻᒪ ᑲᒻᐸᓂᐅᔪᖅ ᐱᐅᒋᓪᓗᒍᓗ, ᑕᐃᒪᓐᓇ ᐅᖃᖃᑎᖃᕈᒪᓕᓚᐅᖅᐳᖓ ᐃᓕᓐᓂᐊᖅᑎᓄᑦ ᐊᖅᑯᑎᑦᑎᐊᕙᒃᑰᕋᓗᐊᕐᒪᖔᑕ ᖃᐅᔨᔪᒪᓪᓗᖓ, ᓂᑲᓪᓗᖓᓕᖁᓇᒋᑦ ᐃᓱᒪᓇᑎᒡᓗ ᐱᐅᙱᑦᑐᓂ ᐃᓱᒪᓂᐅᔪᓂᑦ, ᐊᒻᒪ ᖃᐅᔨᒪᓗᑎᒃ ᐱᐅᔪᐊᓗᖕᓂ ᐱᕕᒃᓴᖅᑕᖃᕐᓂᖓᓂ ᑕᖅᑳᓂ,” ᐅᖃᓚᐅᖅᐳᖅ.