Skip to content

ᐃᓄᐃᑦ ᖃᐅᔨᒪᔭᑐᖃᖏᑦ ᐊᒻᒪ ᖃᕆᑕᐅᔭᓕᕆᓂᖅ ᑲᑎᑕᐅᓂᖏᑦ ᓯᑯᒥ

ᓕᓯ ᑲᕕᒃ ᐃᓕᖁᓯᑐᖃᒥᓂᒃ ᓯᓚᕐᔪᐊᒥᐅᓄᑦ ᖃᐅᔨᑎᑦᓯᓇᓱᐊᖅᐳᖅ ᐊᑐᖅᖢᓂ ᖃᕆᑕᐅᔭᓂᒃ ᐊᑎᖃᖅᑐᒥᒃ Google Earth.

Google Earth ᑯᑦ ᑕᑯᒃᓴᐅᑎᑎᓚᐅᖅᐳᑦ ᓴᓂᑭᓗᐊᒥᐅᑕᒥᒃ ᓕᓯ ᑲᕕᒃ ᖃᐅᔨᒪᑦᓯᐊᕐᒪᓪᓗ ᐃᒡᓗᓕᐅᖅᑕᐅᖃᑦᑕᖅᑐᒥᒃ ᐊᕐᕌᒍᑕᒫᑦ ᑕᐃᑲᓂ ᓴᓂᑭᓗᐊᒥ.

ᐃᒡᓗᓕᓂᖅ ᑕᒪᓐᓇ ᓄᓇᓕᖕᓂ ᓴᓂᑭᓗᐊᒥ ᐊᕐᕌᒍᑕᒫᑦ ᐊᑐᖅᑕᐅᖃᑦᑕᖅᐳᖅ ᐃᓕᓐᓂᐊᖅᑎᑎᒍᑕᐅᓪᓗᓂ ᒪᒃᑯᒃᑐᓄᑦ ᑕᐃᑲᓂᒥᐅᓄᑦ.

ᐱᓕᕆᖃᑎᖃᓚᐅᖅᐳᒍᑦ Googleᑯᓐᓂᒃ ᑲᑎᑦᓱᐃᓪᓗᑕ ᓯᕗᓪᓕᖅᐹᒥ ᐅᖓᓯᒃᑐᒥᐅᓂᑦ ᓯᑯᒥᒃ ᓴᓂᑭᓗᐊᒥᒃ. ᑕᐃᒪᐃᓕᐅᓚᐅᖅᐳᒍᑦ 2015-ᒥ,” ᐅᖃᓚᐅᖅᐳᖅ ᑐᑭᒧᐊᒃᑎᑎᔨ ᑖᒃᑯᓄᖓ to collect Arctic Eider Society Joel Heath, ᐅᖃᓚᐅᖅᖢᓂᓗ ᐃᒡᓗᓕᓂᖅ ᐃᓚᒋᔭᐅᕐᒪᒍ ᓄᓇᖏᑦᑕ.

ᑲᕕᒃ ᐅᖃᓐᓇᖅᑎᑕᐅᓚᐅᖏᑉᐳᖅ ᓄᓇᕗᒥ ᐱᕙᓪᓕᐊᔪᓕᕆᔨᓄᑦ ᓂᐅᔅ/ᓄᐊᒃᑯᓐᓄᑦ.

Google ᓴᖅᑭᑎᑎᓚᐅᕐᒪᑕ ᓄᑖᒥᒃ ᐊᑐᕐᓂᐊᖅᑕᒥᖕᓂᒃ ᖃᕆᑕᐅᔭᒃᑯᑦ Google Earthᑯᑦ, ᐊᒻᒪ ᑲᑐᔾᔨᖃᑎᒌᓄᐊᓚᐅᖅᖢᑎᒃ ᑕᐃᒪᓐᓇ ᐅᕗᖓ ᑕᑯᒃᓴᐅᓂᐊᖅᑐᓂᒃ This is Home ᐱᓕᕆᐊᒧᑦ, ᐅᖃᓚᐅᖅᐳᖅ ᕼᐃᑦ.

ᑕᐃᒪ, ᐊᐱᖅᓱᓚᐅᕋᒃᑯ ᓕᓯ ᑲᕕᒃ ᑕᒪᓐᓇ ᐱᓕᕆᐊᖑᓂᖓᓄᑦ ᐱᔾᔪᑎᒋᓪᓗᒍ, ᐊᑐᖅᑕᐅᓚᐅᖅᐳᑦ ᐃᒡᓗᓕᓂᖅ ᐃᓚᒋᔭᐅᓪᓗᓂ ᐱᓕᕆᐊᖏᓐᓄᑦ,” ᐅᖃᓚᐅᖅᐳᖅ ᕼᐃᑦ. ᑖᓐᓇ ᐊᐱᖅᓱᖅᑕᐅᒍᑕᐅᓚᐅᖅᑐᖅ ᐱᓕᕆᔨᖏᓐᓄᑦ, ᐊᔾᔨᓕᐅᖅᑕᐅᓯᒪᓪᓗᑎᒡᓗ ᓴᓂᑭᓗᐊᖅ, ᑲᓇᑕ/ᐃᓕᖁᓯᑐᖃᒥᒃ ᐊᖏᕐᕋᖃᕐᓂᖅ ᓕᓂ ᑲᕕᐅᑉ ᐃᓄᖏᑦ. ᑕᒪᓐᓇ ᐱᓕᕆᐊᕆᔭᐅᓚᐅᖅᖢᓂ ᓯᓚᕐᔪᐊᒥ ᑕᑯᒃᓴᐅᑎᑕᐅᓪᓗᑎᒃ ᑕᓪᓕᒪᐃᑦ ᐃᒡᓗᐃᑦ, ᐱᕈᖅᐸᓪᓕᐊᑐᐃᓐᓇᖅᖢᓂᓗ ᐱᓕᕆᐊᕆᔭᐅᔪᖅ, ᑕᑯᒃᓴᐅᑎᑕᐅᖃᑦᑕᖅᖢᑎᒃ ᑕᒪᒃᑯᐊ ᖃᓄᐃᓕᐅᕈᑕᐅᔪᑦ Africa, the Americas, East Asia, Europe, Middle East, Pacific, South Asia ᐊᒻᒪ Southeast Asia.

ᑖᒃᑯᐊ Arctic Eider Society ᑯᑦ ᐱᓕᕆᖃᑎᖃᖅᓯᒪᕗᑦ ᕼᐃᑦᒥᒃ ᓄᓇᓕᖕᓂ, ᐱᒋᐊᓚᐅᖅᓯᒪᓪᓗᑎᒃ ᐊᕐᕌᒍᓂ 17−ᓂ ᐃᓕᓐᓂᐊᓚᐅᖅᓯᒪᑎᓪᓗᒍ ᓇᓗᓇᐃᒃᑯᑕᖅᑖᕋᓱᐊᖅᖢᓂ Ph.D. ᖃᐅᔨᓴᕈᑎᖃᖅᖢᓂ. ᑕᐃᒪᓐᓇ ᐱᒋᐊᖅᑎᑦᓯᓚᐅᖅᓯᒪᓪᓗᑎᒃ ᖃᐅᔨᓴᕈᑎᖃᕐᓂᕐᒥᒃ ᑲᑐᔾᔨᖃᑎᒌᖑᓪᓗᑎᒃ ᑕᕐᕆᔭᐅᑎᓕᐅᓚᐅᕐᒪᑕ ᐊᑎᖃᖅᑐᒥᒃ People of a Feather ᐊᕐᕌᒍᒥ 2011−ᒥ.

ᑕᒪᒃᑯᐊ ᐱᓕᕆᕕᒐ ᐱᓕᕆᖃᑎᖃᖃᑦᑕᕐᒪᑕ ᐃᓄᖕᓂᒃ ᓄᓇᓕᖕᓂᒥᐅᓂᒃ ᑕᓯᐅᔭᕐᔪᐊᒥᐅᓂᒃ, ᓴᓂᑭᓗᐊᒥᐅᓂᒃ ᐊᕐᕌᒍᒥ 17−ᖑᓯᒪᓕᖅᑐᓂ, ᐊᒻᒪ ᓄᓇᕕᖕᒥᐅᑦ ᑕᒪᒃᑯᐊ .

Chisasibi (Eeyou Marine Region, QC)," ᐅᖃᓚᐅᖅᐳᖅ ᕼᐃᑦ.

ᐊᔾᔨᒌᖏᑦᑐᓂᒃ ᖃᐅᔨᓴᕈᑎᖃᖃᑦᑕᖅᐳᒍᑦ ᓄᓇᓕᖕᓂ ᐱᒋᐊᖅᑕᐅᔪᓂᒃ, ᐃᓕᓐᓂᐊᖅᑎᑎᒍᑎᒃᓴᓂᒡᓗ ᒪᒃᑯᒃᑐᓄᑦ, ᐃᓕᓐᓂᐊᕈᑕᐅᔪᓐᓇᖅᑐᓂᒡᓗ ᐃᓕᓐᓂᐊᖅᑎᓄᑦ ᐃᓚᐅᓕᕈᓐᓇᖁᓪᓗᒋᑦ ᖃᐅᔨᓴᕈᑎᖃᕐᓂᕐᒧᑦ ᐊᕙᑎᒥᐅᑕᓕᕆᓂᕐᒧᓪᓗ ᑕᓯᐅᔭᕐᔪᐊᒥ.”

ᑖᒃᑯᓇᖓᑦ 900-ᓂᒃ ᑮᓇᐅᔭᓕᐅᖏᑦᑐᓂᑦ ᓄᓇᓕᖕᓂᒥᐅᓂᒃ ᑲᓇᑕᒥ ᐊᑐᖃᑦᑕᖅᐳᑦ Google Impact Challenge, ᖁᓕᑦ ᓂᕈᐊᖅᑕᐅᓚᐅᖅᖢᑎᒃ ᑭᖑᓪᓕᐅᓂᖏᓐᓄᑦ ᑕᓕᒪᓂᒡᓗ ᓵᓚᒃᓴᐅᓯᐊᕈᑎᖃᓚᐅᖅᖢᑎᒃ $1−ᒥᓕᔭᓐᑖᓚᑲᓴᖕᓂᒃ. ᑲᑐᔾᔨᖃᑎᒌᑦ, ᓵᓚᒃᓴᐅᓯᐊᓚᐅᖅᖢᑎᒃ $750,000−ᓂᒃ.

ᑲᕕᒃ ᐅᖃᓚᐅᖅᐳᖅ ᐃᒪᓐᓇ ᑖᓐᓇ This is Sanikiluaq, "ᐊᕐᕌᒍᓂ ᐃᒡᓗᓕᖅᑕᐅᓯᒪᔪᑦ ᓴᓇᔭᐅᓚᐅᖅᐳᑦ ᐅᑭᐊᒃᓵᒥ. ᑭᓯᐊᓂ, ᐊᓯᔾᔨᖅᐸᓪᓕᐊᓂᕆᔭᖓ ᓯᓇᐅᑉ ᐱᔾᔪᑎᒋᓪᓗᒍ ᐅᑕᕿᒋᐊᖃᓚᐅᖅᐳᑦ ᐅᑭᐅᒧᑦ ᐃᒡᓗᓕᕐᓂᐊᖅᖢᑎᒃ.”

ᓯᓚ ᐊᓯᔾᔨᖅᐸᓪᓕᐊᓂᖓᓄᑦ ᑐᑭᖃᖅᐳᑦ ᐅᑭᐅᖅᑕᖅᑐᒥ ᑕᕆᐅᑉ ᐃᒪᖅ ᓄᖑᖅᐸᓪᓕᐊᓕᕐᒪᑦ 13% ᐊᕐᕌᒍᑦ ᖁᓕᑦ ᐊᓂᒍᕋᐃᖓᑕ, ᐊᓯᔾᔨᖅᐸᓪᓕᐊᓕᖅᖢᑎᒡᓗ ᖃᓄᐃᓕᖓᖃᑦᑕᕐᓂᖏᑦ ᓇᓗᓇᐃᖅᖢᓂᓗ ᖃᓄᐃᓕᖓᓂᐊᓕᕋᓗᐊᕐᒪᖔᑕ ᓂᕿᖏᑦ ᐅᑭᐅᖅᑕᖅᑐᒥ ᓄᓇᓕᒃ, ᑖᒃᑯᐊ ᒪᓕᒃᖢᒋᑦ Arctic Eider Society−ᑯᑦ ᖃᕆᑕᐅᔭᒃᑯᑦ ᑕᑯᒃᓴᐅᔪᑦ.

ᕼᐃᑦ ᐅᖃᓚᐅᖅᐳᖅ ᑲᑐᔾᔨᖃᑎᒌᑦ ᐊᑐᖃᑦᑕᕐᒪᑕ ᒍᒍᒥᑦ ᑮᓇᐅᔭᖅᑖᕆᔭᐅᓯᒪᔪᓂᒃ ᓯᑯᖓᑦ ᓇᓗᓇᐃᔭᖅᑕᐅᓯᒪᖁᓪᓗᒍ ᐱᕙᓪᓕᐊᔪᒃᑯᑦ Wikipediaᑯᑦ ᐃᓄᐃᑦ ᖃᐅᔨᒪᔭᖏᑦ ᐅᕙᓂ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᖢᑎᒃ siku.org.

ᐱᓕᕆᖃᑎᖃᖅᐳᒍᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᒃ ᐊᔾᔨᒌᖏᑦᑐᓂᒃ ᓴᓇᒍᒪᓪᓗᑕ ᓴᓇᖁᑎᓂᒃ ᐊᒻᒪ ᐱᔨᑦᓯᕋᐅᑎᓂᒃ ᐃᑲᔪᖅᑕᐅᖁᓪᓗᒋᑦ ᐃᓄᐃᑦ ᓄᓇᖏᑦ ᐅᑭᐅᖅᑕᖅᑐᒥ. ᐱᓕᕆᖃᑎᖃᐃᓐᓇᖅᓯᒪᕗᒍᑦ ᑕᐃᒪᓐᓇ ᑕᑯᒃᓴᐅᖏᒃᑲᓗᐊᖅᖢᑕ,” ᐅᖃᓚᐅᖅᐳᖅ ᕼᐃᑦ.

ᑭᓯᐊᓂ ᖃᐅᔨᒋᐊᕐᓂᐊᖅᐸᕗᑦ ᐅᖄᓚᐅᑎᕋᓛᒃᑯᑦ ᑕᑯᒃᓴᐅᔪᓐᓇᖁᓪᓗᒋᑦ ᓴᓂᑭᓗᐊᒥ ᐅᑭᐊᒃᓵᒃᑯᑦ ᐊᒻᒪ ᐅᑭᐅᒃᑯᑦ.”

ᕼᐃᑦ ᐅᖃᓚᐅᖅᐳᖅ ᓴᓇᖁᑎᑖᖅᑎᑕᐅᕙᓪᓕᐊᖁᒐᑦᑎᒍ ᐃᓄᐃᑦ ᑎᑎᕋᖅᐸᓪᓕᐊᖁᓪᓗᒋᑦ ᓇᖕᒥᓂᖅ ᖃᐅᔨᕙᓪᓕᐊᔭᒥᓂᒃ ᓄᓇᒥ ᐆᒪᔪᓂᒡᓗ ᓯᑯᖓᓪᓗ ᖃᓄᐃᓕᐅᖅᐸᓪᓕᐊᖕᒪᖔᑦ.

ᐊᔾᔨᓕᐅᕆᔪᓐᓇᖅᐳᑦ ᑕᑯᒃᓴᐅᑎᑦᓗᑎᒡᓗ ᖃᓄᖅ ᑕᐃᒎᓯᖃᖅᑎᑦᓯᓂᕐᒥᖕᓂᒃ ᖃᓄᐃᓕᐅᕈᑕᐅᕙᓪᓕᐊᔪᓂᒃ ᓯᑯᒥ. ᐆᒪᔪᓂᒡᓗ ᓇᓗᓇᐃᔭᐃᔪᓐᓇᕆᓪᓗᑎᒃ ᖃᓄᐃᑦᑑᓕᕐᓂᖏᓐᓄᑦ ᑎᒥᖏᑦ, ᐊᕿᐊᕈᖓᓂᒥᐅᑕᐃᓪᓗ ᖃᐅᔨᓴᖃᑦᑕᕐᓗᒋᑦ − ᑕᒪᕐᒥᒃ ᑕᐃᒪᓐᓇ ᐅᖄᓚᐅᑎᕋᓛᒃᑰᓲᒥᒃ ᐊᑐᕐᓗᑎᒃ. ᐊᖑᓇᓱᐊᕐᓂᕐᒧᑦ ᐅᓂᒃᑳᒥᖕᓂᒃ ᐅᕙᑦᑎᓐᓄᑦ ᑐᓴᖅᑎᑎᖃᑦᑕᕐᓗᑎᒃ,” ᐅᖃᓚᐅᖅᐳᖅ.

ᐊᒥᓱᑦ ᐃᓄᐃᑦ ᑕᑯᑎᑦᓯᖃᑦᑕᕐᒪᑕ Facebook−ᑯᑦ ᐊᖑᓇᓱᐊᖃᑦᑕᖅᑕᒥᖕᓂᒃ, ᑭᓯᐊᓂ ᑕᒪᒃᑯᐊ ᖃᐅᔨᒪᔭᐅᖏᓐᓇᕈᓐᓇᕐᓂᐊᖏᑉᐳᑦ. ᐱᕙᓪᓕᐊᔪᑎᒍᑦ ᐊᓯᐅᑐᐃᓐᓇᖃᑦᑕᕐᒪᑕ. ᑕᒪᒃᑯᐊ ᐃᓄᖕᓄᑦ ᐃᖅᑲᐅᒪᔭᒃᓴᐅᖏᓐᓇᕆᐊᖃᕐᒪᑕ ᐱᖁᑎᖏᑦ ᐃᓄᐃᑦ ᖃᐅᔨᒪᔭᐅᑦᓯᐊᕐᓗᑎᒃ ᐊᑐᖅᑕᐅᖃᑦᑕᖏᓪᓗᑎᒡᓗ ᐊᐱᕆᔭᐅᓚᐅᕋᑎᒃ − ᐃᖕᒥᒃᑰᖅᐸᓪᓕᐊᓂᕐᒥᒃ ᐱᔾᔪᑎᖃᖅᖢᓂ, ᖃᐅᔨᓴᕈᑕᐅᖃᑦᑕᕐᓂᐊᕐᓗᓂ ᐊᒻᒪ ᐃᓕᓐᓂᐊᕈᑕᐅᖃᑦᑕᕐᓂᐊᕐᓗᑎᒃ.”

ᓴᓂᑭᓗᐊᒥ ᐊᖑᓇᓱᐊᖅᑐᓕᕆᔨᒃᑯᑦ ᒥᑭᒋᐊᕐᓂᐊᖅᑎᒃᑯᓪᓗ ᑲᑐᔾᔨᖃᑎᒌᖏᑦ ᐱᓕᕆᖃᑎᒋᔭᐅᖃᑦᑕᖅᖢᓂ ᐃᓚᒋᔭᐅᓪᓗᓂ ᓄᓇᓕᖕᒥ.

ᒫᓐᓇᐅᓂᖓᓂ, ᑲᕕᒃ ᐊᒻᒪ ᓄᓇᓕᖕᓂ ᐃᒡᓗᓕᓂᖅ ᑕᑯᔭᐅᔪᓐᓇᖅᐳᑦ Google Earth−ᑯᑦ.