ᖃᖓᑕᔪᓐᓇᖅᓯᓂᖅ

768

ᐱᒋᐊᓚᐅᖅᑐᒥ ᐱᐅᑦᑎᐊᖅᑐᒥ ᐊᕐᕌᒎᑉ-ᓗᙳᐊᓂ ᑎᑎᕋᕐᓂᕐᒧᑦ ᐱᓕᕆᐊᒃᓴᕆᔭᐅᔪᒧᑦ ᖁᑦᑎᖕᓂᓕᖕᓄᑦ 9-ᓄᑦ ᖃᓪᓗᓈᑎᑐᑦ ᐃᓕᓐᓂᐊᖅᑎᓄᑦ ᔮᓐ ᐊᕐᓇᓗᒃᔪᐊᖅ ᖁᑦᑎᒃᑐᒥ ᐃᓕᓐᓂᐊᕐᕕᖓᓐᓂ ᐊᕐᕕᐊᓂ ᐱᐅᓂᖅᓴᒻᒪᕆᐅᔪᓐᓇᖅᓯᕗᖅ ᐅᖃᓕᒫᒐᓕᐊᖑᓗᓂ ᐱᓕᕆᓂᐅᔪᒥ ᐅᓂᒃᑳᖅᑐᐊᑐᖃᕐᓂ ᑕᐃᔭᐅᔪᒥ, ᖃᓄᖅ ᐊᕿᒡᒋᖅ ᖃᖓᑕᔪᓐᓇᖅᓯᓚᐅᖅᐸ?

ᐅᑯᐊ ᐅᓂᒃᑳᖅᑐᐊᑦ ᐅᖃᐅᓯᖃᖅᐳᑦ ᒪᒃᑯᒃᑑᔪᓂ ᒫᓐᓇᐅᔪᒥ ᐊᒻᒪᓗ ᑐᑭᓯᐅᒪᓂᖏᓐᓂ ᐱᓐᓇᕆᔭᐅᔪᓂ ᐊᒻᒪ ᐱᖅᑯᓯᑐᖃᕐᓂᑦ ᐃᓚᒋᔭᐅᔪᓂ ᐃᓅᓂᖏᓐᓂ ᐃᓕᖅᑯᓯᖓᓐᓂ,” ᐅᖃᓚᐅᖅᐳᖅ ᐃᓕᓴᐃᔨᖓᑦ ᕕᒃᑐᐊᕆᐊ ᐸᓛᔅᑭᑦ. “ᖁᕕᐊᒋᓯᒪᕙᕋ ᐊᒻᒪ ᐅᐱᒋᓪᓗᒍ ᐅᖃᓕᒫᕐᓂᕐᒧᑦ ᑎᑎᕋᕐᓂᖏᓐᓂ ᐊᒻᒪ ᐋᖅᑭᑦᑎᐊᕆᐊᖅᖢᒋᑦ ᐅᖃᐅᓯᖏᓐᓂ ᐊᒻᒪ ᐅᓂᒃᑳᓕᐊᖏᓐᓂ.”

ᕿᑎᖅᖠᖅ ᕿᑎᖅᐸᓯᐊᓂ ᐃᓕᓐᓂᐊᕐᕕᖕᒥ ᐃᓕᓴᐃᔨ ᒫᒋ ᒪᓂᒃ, ᓴᐅᒥᖓᓂ, ᐊᒻᒪᓗ ᔮᓐ ᐊᕐᓇᓗᒃᔪᐊᖅ ᖁᑦᑎᒃᑐᒥ ᐃᓕᓐᓂᐊᕐᕕᖓᓐᓂ ᖃᓪᓗᓈᑎᑐᑦ ᐃᓕᓴᐃᔨ ᕕᒃᑐᐊᕆᐊ ᐸᓛᔅᑭᑦ ᐅᐱᒍᓱᒃᐳᑦ ᐃᓕᓐᓂᐊᖅᑎ ᑖᓄᑦ ᓱᓗᖕᒥ ᐃᓚᐅᖃᑕᐅᓚᐅᕐᓂᖓᓂ ᐅᖃᓕᒫᖃᑎᒌᖕᓂᕐᒧᑦ ᐱᖃᓐᓇᕆᔭᕐᓄᑦ ᐱᓕᕆᐊᖑᔪᒥ ᐊᕐᕕᐊᓂᑦ ᑕᖅᑭᐅᓚᐅᖅᑐᒥ.
Qitiqliq Middle School teacher Maggie Manik, left, and John Arnalukjuak High School English teacher Victoria Plaskett congratulate student Donald Suluk for taking part in the Reading Buddies program in Arvait on May 24, 2018. Students read their original myths from a collection titled, “How did the ptarmigan learn to fly?” photo courtesy Victoria Plaskett

ᐃᓕᓐᓂᐊᖅᑏᑦ ᐊᖅᑯᑎᖓ ᐅᖃᓕᒫᒐᓕᐅᕐᓂᕐᒧᑦ ᐱᒋᐊᓚᐅᖅᐳᖅ ᑐᓂᔭᐅᒐᒥ ᐱᓕᕆᐊᒃᓴᒥᓂᑦ ᓴᓇᓂᕐᒧᑦ ᓇᖕᒥᓂᕐᒥᓂ ᓯᕗᓪᓕᖅᐹᖑᔪᓂ ᐅᓂᒃᑳᓕᐊᓂ ᑕᖅᑭᒐᓴᓂ ᑎᑎᕋᐃᕙᓚᐅᖅᑎᓪᓗᒋᑦ ᐅᖃᓕᒫᒐᕋᓛᓂ ᐊᒻᒪ ᐅᖃᓕᒫᖅᐸᒃᖢᑎᒃ ᖃᓄᐃᑦᑐᑐᐃᓐᓇᕐᓂ ᑎᑎᕋᐅᓯᐅᓯᒪᔪᓂ, ᐅᖃᓕᒫᒐᓂᑦ, ᓇᐃᑦᑐᓂ ᐅᓂᒃᑲᖅᑐᐊᓂ ᐊᒻᒪ ᐅᖃᓕᒫᒐᓪᓚᕆᐅᔪᓂ.

ᐃᓕᓐᓂᐊᖅᑎᑦ ᐅᐸᓚᐅᖅᐳᑦ ᕿᑎᖅᖠᖅ ᕿᑎᖅᐸᓯᐊᓂ ᐃᓕᓐᓂᐊᕐᕕᖕᒧᑦ ᐳᓚᕋᕆᐊᖅᑐᖅᖢᑎᒃ ᖁᑦᑎᖕᓂᓕᖕᓂ 8-ᓂ ᒫᒋ ᒪᓂᐃᓕᓐᓂᐊᕐᕕᐊᕈᓯᖓᓐᓄᑦ ᐅᖃᓕᒫᕆᐊᖅᑐᖅᖢᑎᒃ ᐅᓂᒃᑳᖅᑐᐊᒥᓂᑦ ᒪᐃ 24-ᖑᑎᓪᓗᒍ, ᑲᑎᖅᓱᐃᓚᐅᖅᑎᓪᓗᒍ ᐱᔭᕇᖅᓯᒪᔪᓂ ᐅᓂᒃᑳᖅᑐᐊᓂ ᑎᑎᕋᐅᔭᖃᕐᓂᐅᔪᒧᑦ ᐅᖃᓕᒫᒐᕐᒧᑦ.

ᓂᐱᖃᓚᐅᙱᓚᑦ ᒫᒋᐅᑉ ᐃᓕᓐᓂᐊᕐᕕᐊᕈᓯᖓᓐᓂ ᐃᓕᓐᓂᐊᖅᑏᑦ ᐱᓚᐅᖅᑎᓪᓗᒋᑦ ᓯᕗᓪᓕᐅᔪᓂ ᐊᔾᔨᖏᓐᓂ ᐅᓂᒃᑳᖅᑐᐊᖏᓐᓂ,” ᐅᖃᓚᐅᖅᐳᖅ ᐸᓛᔅᑭᑦ. “ᑕᑯᑎᑦᑎᖃᑦᑕᐅᑎᓕᖅᖢᑎᒃ ᐅᓂᒃᑳᖅᑐᐊᖏᓐᓂ ᐃᒻᒥᖕᓄᑦ. ᓂᐱᑭᑦᑐᒥ ᖁᕕᐊᓱᖕᓂᖅᑕᖃᓚᐅᖅᐳᖅ ᑕᒪᕐᒥᒃ ᐅᖃᓕᒫᖃᑎᖃᖅᑎᓪᓗᒋᑦ. ᑲᒪᓇᕐᔪᐊᓚᐅᖅᑐᖅ.”

ᖁᑦᑎᒃᑐᒥ ᐃᓕᓐᓂᐊᕐᕕᖕᒥ ᐃᓕᓴᐃᔨᓄᑦ ᐊᖓᔪᖅᑳᖓ ᕉᒥᐅ ᕗᐊᓐᓇᐃ ᐊᒻᒪ ᐸᓛᔅᑭᑦ ᐋᖅᑭᒃᓯᓚᐅᖅᐳᑦ ᑐᕌᒐᒃᓴᓂ ᐃᓕᓐᓂᐊᖅᑎᓂᑦ ᐅᖃᓕᒫᕐᓂᕐᒧᑦ ᐊᒻᒪ ᑎᑎᕋᕐᓗᑎᒃ ᖄᖏᖅᓯᒪᓕᖅᑐᒥ ᕕᕈᐊᕆᒥ ᐸᕐᓇᐃᓪᓗᑎᐃᓕᓐᓂᐊᖅᑎᓂᑦ ᑎᑎᕋᕐᓂᐊᕐᓂᖏᓐᓄᑦ ᐅᓂᒃᑳᖅᑐᐊᒥᓂᑦ.

ᐸᓛᔅᑭᑦ ᐅᖃᓚᐅᖅᐳᖅ ᐊᑐᓂ ᐃᓕᓐᓂᐊᖅᑎ ᐱᓚᐅᖅᐳᑦ ᑎᑎᕋᕐᓂᕐᒧᑦ ᐱᓕᕆᐊᕆᔭᕆᐊᖃᖅᑕᒥᓂᑦ ᐊᒻᒪᓗ ᖃᐅᑕᒫᒥ ᑎᑎᕋᕐᓂᕐᒧᑦ ᑲᑎᖅᓱᖅᑕᐅᓂᐅᔪᒥ, ᐃᓕᓐᓂᐊᕐᓂᖃᖅᖢᑎᒃ ᒪᓕᒐᐅᔪᓄᑦ ᐅᖃᐅᓯᕐᓄᑦ, ᓇᓚᐅᑦᑐᒥ ᑎᑎᕋᕐᓂᕐᒧᑦ ᐊᒻᒪ ᓇᓗᓇᐃᒃᑯᑕᓂᑦ ᐋᖅᑭᒃᓱᐃᓂᐅᔪᓄᑦ ᑎᑎᕋᕐᓂᕐᒧᑦ ᖃᖓᒃᑲᓐᓂᐅᓪᓗᓂ.

ᐅᖃᓚᐅᖅᐳᖅ ᑎᑎᕋᖃᑦᑕᓚᐅᖅᐳᑦ ᑲᑎᖅᓱᐃᕕᖓᓐᓄᑦ 10 ᒥᓂᑦᓄᑦ ᖃᐅᑕᒫᒥ.

ᑎᑎᕋᐅᓯᖃᓚᐅᖅᐳᑦ ᖃᓄᖅ ᓄᑖᒥ ᓄᑲᖅᑖᒥ ᓇᒃᓴᓚᐅᕐᓂᖓᓂ ᖁᕕᐊᓱᖕᓂᐅᔪᒥ ᐃᓅᓯᖏᓐᓄᑦ, ᓯᕙᑖᕐᕕᖕᒥ ᐅᓐᓄᐊᒃᑯᑦ ᒧᒥᕐᓂᐅᔪᓂ, ᕼᐋᑭᒧᑦ ᐱᙳᐊᕐᓃᑦ, ᐃᖅᑲᓇᐃᔭᕐᓂᕐᒧᑦ ᐱᓇᓱᐊᕈᓯᐅᑉ ᓄᙳᐊᓂ ᐊᒻᒪ ᐱᓱᔪᖕᓂᕐᒧᑦ ᓄᓇᓕᖕᓂ ᐱᖅᑲᓐᓇᕆᔭᒥᓂ ᐱᖃᑎᖃᖅᖢᑎᒃ,” ᐅᖃᓚᐅᖅᐳᖅ. “ᑎᑎᕋᐅᓯᖃᓚᐅᖅᐳᑦ ᐊᖏᕐᕋᖅᓯᒪᓚᐅᕐᓂᖏᓐᓂ ᐅᓪᓗᓕᒫᒥ ᐱᖅᓯᖅᑎᓪᓗᒍ, ᓯᑭᑑᖅᖢᑎᒃ ᑐᖑᔪᖅᑐᒥ ᓯᓚᖃᖅᑎᓪᓗᒋᑦ ᐅᓐᓄᓴᒃᑯᑦ. ᑎᑎᕋᐅᓯᖃᓚᐅᖅᐳᑦ ᐊᖑᓇᓱᖕᓂᕐᒥ ᓄᓇᒥ ᑐᒃᑐᓄᑦ ᐊᒻᒪ ᑎᕆᒐᓂᐊᓄᑦ, ᐅᐱᕐᙶᒥ ᐃᖃᓗᒐᓱᖕᓂᕐᒥ ᓵᓚᖃᕋᓱᐊᕐᓂᐅᔪᒥ ᐊᒻᒪ ᑕᕆᐅᕐᒥ ᓯᑯᐃᕐᓂᖓᓂ ᑲᖏᖅᓱᐊᓗᖕᒥ ᐋᒍᔅᑎᒥ.”

ᑎᑭᐅᑎᖕᒪᑦ ᑎᑎᕋᕐᓂᕐᒧᑦ ᐅᓂᒃᑲᖅᑐᐊᒥᓂ, ᐸᕐᓇᒃᓯᒪᓕᓚᐅᖅᐳᑦ,” ᐅᖃᓚᐅᖅᐳᖅ.

ᒪᓕᖕᓂᐅᔪᖅ ᐅᖃᓕᒫᒐᕐᒧᑦ ᐅᓂᒃᑳᖅᑐᐊᓂ, ᖃᓄᖅ ᐊᕿᒡᒋᖅ ᖃᖓᑕᔪᓐᓇᖅᓯᓚᐅᖅᐸ? ᐅᓂᒃᑲᖅᑐᐊᓂ ᐃᓄᒃᑎᑑᓕᖅᑎᑕᐅᓗᑎᒃ ᑐᕌᖓᓂᖃᕐᓗᓂ ᓯᕗᓂᒃᓴᒧᑦ ᐅᖃᓕᒫᒐᓕᐊᖑᓂᐊᕐᓂᖓᓄᑦ.

ᐸᓛᔅᑭᑦ ᐅᖃᓚᐅᖅᐳᖅ ᐊᒥᓱᑦ ᐃᓕᓐᓂᐊᖅᑎᑦ ᐅᖃᓕᒫᕈᒪᓚᐅᖅᐳᑦ ᐅᓂᒃᑳᖅᑐᐊᒥᓂ ᖁᑦᑎᖕᓂᓕᖕᓄᑦ 8-ᓄᑦ ᐃᓕᓴᐃᔨᒋᓚᐅᖅᑕᒥᓄᑦ, ᒫᒋ ᒪᓂᖕᒧᑦ, ᑕᐃᑲᓂ ᐅᖃᓕᒫᖃᑎᒌᖕᓂᕐᒧᑦ ᐱᖃᓐᓇᕆᔭᕐᓄᑦ ᐅᓪᓛᖓᓐᓂ ᕿᑎᖅᖠᖅ ᕿᑎᖅᐸᓯᐊᓂ ᐃᓕᓐᓂᐊᕐᕕᖕᒥ.

ᐅᖃᓚᐅᖅᐳᖅ ᐱᓗᐊᖅᑐᒥ ᐱᒻᒪᕆᐅᓚᐅᖅᐳᖅ ᒪᓂᖕᒧᑦ, ᐊᒻᒪ ᖁᕕᐊᒋᓚᐅᖅᐸᖏᑦ ᐃᓕᓐᓂᐊᖅᑎᐅᔪᑦ ᑎᑎᕋᐃᓂᖏᓐᓂ ᐅᓂᒃᑳᖅᑐᐊᑦᑎᐊᕚᓗᖕᓂ.

ᐅᐱᒋᔭᐅᓪᓗᑎᒃ ᐊᒃᓱᕈᖅᖢᑎᒃ ᐱᓕᕆᓂᖏᓐᓂ, ᐃᓕᓐᓂᐊᖅᑎ ᑖᓄᑦ ᐸᐃᑯᕐ-ᔅᐸᓐᔅ ᐱᓚᐅᖅᐳᖅ ᑐᕌᓐᑐ ᕌᑉᑐᔅ ᐅᕕᓂᕈᖓᓐᓂ ᓯᕗᓪᓕᖅᐸᐅᓪᓗᓂ ᐅᓂᒃᑳᓕᐅᕐᓂᖓᓂ, ᖃᓄᐃᒻᒪᑦ ᕿᓚᒃ ᑐᖑᔪᖅᐸ ᐅᓪᓗᒃᑯᑦ? ᓂᐱᖃᖅᖢᓂ ᐅᖃᓕᒫᖅᑕᐅᓪᓗᓂ ᑲᑎᙵᓂᐅᔪᓄᑦ, ᑖᓄᑦ ᓱᓗᒃ ᐱᓚᐅᖅᐳᖅ ᑲᓇᑕᒥ ᕼᐋᑭᖅᑎᐅᔪᓄᑦ ᑲᒪᓇᖅᓯᒪᔪᓄᑦ ᓂᐱᑎᒐᕐᓂ ᑲᑎᖅᓱᖅᑕᐅᓯᒪᔪᒥ ᒪᕐᕈᒋᔭᐅᓂᖓᓄᑦ ᐅᓂᒃᑲᖅᑐᐊᒥᓂᑦ, ᐊᖑᑎ ᐱᖓᓱᓂ ᓱᓇᒐᓕᖕᓂ ᐊᒻᒪ ᐃᔨᕋᖅ, ᐅᖃᓚᐅᖅᐳᖅ ᐸᓛᔅᑭᑦ.