ᖃᓪᓗᓈᓄᑦ

36

(ᐋᖅᑭᒃᓱᐃᔨᐅᑉ ᐅᖃᐅᓯᒃᓴᖓ: ᓵᓐᑐᕋ ᐃᓅᑎᖅ ᓯᕗᓪᓕᕐᒥ ᑎᑎᕋᓚᐅᖅᐳᖅ ᐆᒥᖓ ᑎᑎᖅᑲᐅᔪᒥ ᓇᖕᒥᓂᖓᓂ ᕙᐃᔅᐳᒃ ᒪᒃᐱᖅᑐᒐᖓᓐᓂ, ᑕᑯᒃᓴᐅᑎᑕᐅᓯᒪᓕᖅᑐᒥ 1,000-ᐸᓗᖕᓂ ᐊᓯᖏᓐᓄᑦ ᐅᖃᓕᒫᖅᑎᐅᔪᓄᑦ. ᐃᓅᑎᖅ ᐊᖏᓚᐅᖅᐳᖅ ᐅᕙᓂ ᑕᑯᒃᓴᐅᑎᑦᑎᓂᕐᒧᑦ ᐅᖃᓕᒫᖅᑎᓐᓄᑦ.)

ᓵᓐᑐᕋ ᐃᓅᑎᕐᒥ
ᖁᔭᓐᓇᒦᕐᔪᐊᖅ ᓄᓇᕗᒻᒥ ᑐᓴᒐᒃᓴᓕᕆᔨᒃᑯᓐᓄᑦ

ᐃᓅᙱᓐᓂᐅᔪᓄᑦ ᓄᓇᕗᒻᒥ,
ᐃᓱᒪᒋᕕᒡᔪᐊᖅᓯᒪᕙᕋ ᑭᒡᓕᐅᔪᒥ ᓱᔪᐃᓂᐅᔪᓂ ᖁᑦᑎᒃᑐᒥ ᐅᑎᖅᑕᕋᐅᔭᖅᑎᓄᑦ ᖃᓪᓗᓈᓄᑦ ᐃᓄᒋᐊᖕᓂᐅᔪᓄᑦ ᓄᓇᕗᒻᒧᑦ. ᐃᓱᒫᓘᑎᖃᙱᓐᓂᐅᔪᑦ ᐃᓅᖃᑎᒌᖑᔪᓄᑦ ᖃᓄᐃᓐᓂᐅᔪᓄᑦ, ᐊᑐᐊᒐᓄᑦ ᐊᓯᔾᔨᖅᐸᓪᓕᐊᙱᓐᓂᐅᔪᓄᑦ, ᐊᒻᒪ ᑕᒪᒃᑭᑦ ᑲᑎᖅᓱᖅᓯᒪᔪᓂ ᐊᑭᕋᖅᑐᕐᓂᐅᔪᓄᑦ ᑲᔪᓯᑎᑦᑏᓐᓇᖅᑐᓂ ᐃᓄᖕᓂ ᓯᕗᒻᒧᐊᕈᓐᓇᙱᓐᓂᖓᓐᓂ ᐊᔪᖅᓴᕐᓂᐅᔪᓂ ᖃᓄᐃᓐᓂᐅᔪᓄᑦ.
ᐅᑯᐊ ᐊᑐᖅᑕᐅᔪᓐᓇᖅᐳᑦ ᐅᓂᖅᓴᐅᓗᑎᑦ ᖃᓪᓗᓈᖑᔪᓐᓇᕐᓂᐊᕋᕕᑦ, ᐅᕝᕙᓘᓐᓃᑦ ᐃᒪᐃᖁᔨᓇᔭᖅᐳᖓ ᑕᐱᕆᔭᐅᓕᕐᓗᑎᑦ?! ᖀᒥᒋᙱᑕᒋᑦ ᐆᒥᖓ ᑎᑎᕋᕐᓂᕐᒧᑦ. ᓇᒡᓕᒍᓱᖕᓂᕐᒧᑦ ᐅᖃᐅᓯᕆᕙᕋ!
ᐅᓇ ᓯᕗᓪᓕᖅᐹᒥ ᑐᕌᖓᓂᖃᕐᓂᖓᓂ ᖃᓪᓗᓈᓄᑦ, ᖃᓪᓗᓈᖑᙱᑦᑐᐃᓪᓘᓐᓃᑦ ᐃᓚᐅᖃᑕᐅᔪᓂ ᖃᓪᓗᓈᓂᑦ ᐱᐅᓂᖅᓴᐅᑎᑦᑎᓇᓱᐊᖅᑐᓄᑦ – ᐃᓚᖃᖅᑐᓂ ᐃᓄᖕᓂ (ᐅᕙᖓᓘᓐᓃᑦ!) ᓯᕗᒻᒧᐊᕋᓱᖕᓂᕐᒧᑦ ᐅᕝᕙᓘᓐᓃᑦ ᕿᒻᒪᑰᔪᒪᙱᓐᓂᕐᒧᑦ, ᐃᓕᖕᓄᑦᑕᐅᖅ ᑐᕌᖓᕗᖅ. ᑕᐃᒪᑐᖅ ᓴᖅᑭᑎᑦᑎᓂᐊᖅᐳᖅ ᖃᓄᐃᙱᑦᑎᐊᖅᑐᒥ ᐅᖃᓪᓚᖃᑎᒌᖕᓂᐅᔪᒥ.

1. ᐳᓚᕋᖅᑎᐅᕗᑎᑦ, ᐃᓄᐃᑦ ᐊᖏᕐᕋᖓᓂ ᓄᓇᖓᓐᓂ. ᖃᓄᑎᒋ ᐃᓚᒌᑎᑦ ᑲᓇᑕᒦᓐᓂᕐᓂ ᓄᓇᕗᒻᒥᓪᓘᓐᓃᑦ, ᑎᑭᕌᖑᕗᑎᑦ ᐃᓄᐃᑦ ᓄᓇᖓᓐᓄᑦ.
2. ᖃᓂᓐᓂᖓᓂ: ᐃᓄᖕᓄᑦ ᖃᓂᓐᓂᕆᔭᕐᓄᑦ ᖃᐅᔨᒪᔨᕐᔪᐊᙳᖅᑎᑦᑎᓲᖑᙱᓚᖅ ᐊᒻᒪ ᓂᐱᐅᓕᖅᖢᑎᑦ ᐃᓄᖕᓄᑦ, ᐃᓚᖃᖅᑐᒥ ᐃᓄᖕᓂ ᕿᑐᕐᙵᖃᕐᓂᕐᓄᑦ/ᑎᒍᐊᖅᓯᒪᓗᑎᑦ ᐃᓄᖕᒥ ᓱᕈᓯᕐᒥ, ᐃᓄᖕᒥ ᐊᐃᑉᐸᖃᕐᓗᑎᑦ, ᐃᓚᖃᕐᓗᑎᑦ ᐅᕝᕙᓘᓐᓃᑦ ᐱᖃᓐᓇᕆᔭᖃᕐᓗᑎᑦ. ᓄᓇᖃᖅᓯᒪᓗᑎᑦ ᐅᕝᕙᓘᓐᓃᑦ ᐅᑎᖅᑕᕋᐅᔭᖃᑦᑕᖅᓯᒪᓗᑎᑦ ᐅᑭᐅᖅᑕᖅᑐᒧᑦ ᐊᕐᕌᒍᒐᓴᓄᑦ, ᐃᒻᒪᖄ ᐃᓄᒃᑎᑐᑦ ᐅᖃᕈᓐᓇᒐᓛᒡᓗᑎᑦ. ᐅᑯᐊ ᖃᓄᐃᓕᖓᓂᐅᔪᑦ ᐃᓕᖕᓄᑦ ᑐᓂᓯᙱᓚᑦ ᐃᓄᖕᓂ ᑭᓇᐅᓂᖏᓐᓂᑦ, ᐅᕝᕙᓘᓐᓃᑦ ᐱᔪᓐᓇᕐᓂᖃᐅᑎᑖᕐᓗᑎᑦ ᐱᓂᕐᒥ ᐊᔪᙱᓐᓂᖃᕐᓂᕐᒧᑦ ᐅᖃᐅᓯᐅᓂᐅᔪᒥ ᐃᓅᓂᕐᒧᑦ ᐅᕝᕙᓘᓐᓃᑦ ᑐᑭᓕᐅᕆᓗᓂ ᑭᐅᔾᔪᑎᓂᑦ ᐃᓄᖕᓄᑦ; ᐊᐱᕆᓪᓗᓂ ᐊᓯᖏᓐᓂ ᖃᓪᓗᓈᓂ ᑕᒫᓂᕐᒥᐅᑕᐅᙱᑦᑐᓂᓪᓗ ᖃᓄᖅ ᐊᑯᓂᐅᑎᒋᔪᒥ ᑕᒫᓃᓐᓂᖏᓐᓂ ᐊᐱᖅᑯᑕᐅᒐᔪᒃᐳᖅ ᖃᐅᔨᓴᕋᓱᐊᕐᓂᕐᒧᑦ ᑐᙵᕕᖃᑦᑎᐊᕐᓂᖓᓂ ᐅᑭᐅᖅᑕᖅᑐᒥ, ᓲᕐᓗ ᓵᓚᖃᑎᒌᒐᓱᐊᕐᓂᕐᒧᑦ ᖃᐅᔨᒪᑦᑎᐊᕐᓂᐅᔪᒥ. ᑕᐅᕗᙵᐅᔾᔨᒃᑲᓐᓂᕐᓂᕐᒥ, ᐊᐅᓪᓛᖅᓯᒪᖃᑦᑕᕐᓂᕐᓂ ᐊᔾᔨᐅᙱᑦᑐᓄᑦ ᐃᓂᐅᔪᓄᑦ ᐃᕐᙲᓐᓇᑲᐅᑎᒋ ᐃᓕᖅᑯᓯᐊᓂ ᖃᐅᔨᒪᓕᑲᐅᑎᒋᓲᖑᙱᓚᑎᑦ.
3. ᐱᓕᕆᓂᐅᔪᖅ ᐱᔪᓐᓇᕐᓂᐅᔪᓂ ᑲᔪᓯᑎᑕᐅᖏᓐᓇᖅᐸᖕᓂᖓᓂ: ᐊᑐᖅᖢᓂ ᐃᖅᑲᓇᐃᔭᓚᐅᖅᓯᒪᓂᖓᓂ ᓄᓇᕗᒻᒥ ᐃᓄᖕᓂᓪᓘᓐᓃᑦ ᐱᐅᓯᑎᑦᑎᒋᐊᖅᓯᓂᕐᒧᑦ ᐃᓕᓐᓂᐊᕐᓂᖏᓐᓂ ᐃᖅᑲᓇᐃᔮᖃᕐᓂᖏᓐᓂᓪᓗ ᐊᑐᕐᓂᑯᖏᓐᓂᑦ; ᐃᖅᑲᓇᐃᔭᖃᑎᖃᓚᐅᖅᖢᑎᑦ ᖃᐅᔨᓴᕐᓗᑎᓪᓘᓐᓃᑦ ᐃᓄᖕᓂ, ᐊᒥᓱᐃᑦ “ᖃᐅᔨᒪᔨᕐᔪᐊᙳᓲᖑᕗᑦ” ᐃᓄᖕᓂ ᐅᕝᕙᓘᓐᓃᑦ ᐃᓄᐃᑦ ᓄᓇᖓᓐᓂ. ᐅᑯᐊ ᖃᓄᐃᓕᖓᓂᐅᔪᑦ ᐃᓄᖕᓂ ᐃᒪᐃᓐᓂᖅᓴᐅᔫᔮᖅᑎᑦᑎᓲᖑᕗᑦ ‘ᓇᓕᒧᑦᑐᒥ ᐃᓱᒪᖃᕐᓂᕐᒧᑦ’, ‘ᐃᓕᖅᑯᓯᐅᔪᒥ ᖃᐅᔨᒪᑦᑎᐊᕐᓂᐅᔪᒥ’, ᑕᐃᒪᐃᓐᓂᖓᓄᑦ ᐃᖅᑲᓇᐃᔭᖅᑎᑖᖅᑎᑕᐅᔪᒥᓇᕐᓂᖅᓴᐅᕗᑎᑦ, ᐱᓕᕆᖃᑎᒋᓪᓗᑎᓪᓘᓐᓃᑦ. ᐊᒥᓱᒻᒪᕆᐊᓗᖕᓂ ᐅᖃᖃᑎᖃᓲᖑᕗᒍᑦ ᑎᑭᓲᓂᒃ ᖃᐅᑕᒫᒥ ᖃᖓᑕᓲᓂᑦ ᖃᓪᓗᓈᑦ ᓄᓇᖓᓐᓂ, ᐊᒥᓱᐊᓗᖕᓂ ᐊᖑᑎᓂᑦ ᖃᐅᓪᓗᖅᑕᓂ ᓂᐊᖁᓕᖕᓂᑦ.
4. ᒐᕙᒪᐅᔪᑦ ᑎᒍᒥᐊᖅᑎᓪᓘᓐᓃᑦ ᐱᔪᓐᓇᕐᓂᖃᕐᓂᐅᔪᒧᑦ ᐊᔪᙱᓐᓂᖓᓐᓄᑦ ᐱᓕᕆᔾᔪᓯᐅᕗᖅ ᐃᓱᒪᒋᔭᖃᖅᑐᒥ ᑭᒃᑯᓕᒫᑦ ᑭᒡᓕᖃᕐᓂᐅᓪᓗᓂ ᐱᙳᐊᖃᑕᐅᔪᓐᓇᕐᓂᕐᒧᑦ ᓲᕐᓗ ᐃᓕᓐᓂᐊᕐᓂᓕᕆᓂᕐᒥ, ᐊᔪᙱᓐᓂᐅᔪᓂ ᐊᒻᒪ ᐊᑐᕐᓂᑯᖏᓐᓂ ᐃᓱᒪᒋᔭᐅᓲᖑᕗᑦ ᐃᖅᑲᓇᐃᔮᖃᖅᑎᑦᑎᓂᕐᒧᑦ ᐅᕝᕙᓘᓐᓃᑦ ᑮᓇᐅᔾᔭᒃᓴᓂᕐᒧᑦ ᐱᕕᒃᓴᖃᖅᑎᑕᐅᓂᖓᓂ. ᒐᕙᒪᐅᔪᑦ ᑎᒍᒥᐊᖅᑎᓪᓘᓐᓃᑦ ᐱᔪᓐᓇᕐᓂᖃᕐᓂᐅᔪᒧᑦ ᐊᔪᙱᓐᓂᖓᓐᓄᑦ ᐃᓱᒪᒋᔭᖃᖅᐳᖅ ᐅᑯᐊ ᓯᓚᑐᔪᒥᒃ ᐱᔪᓐᓇᑦᑎᐊᕐᓂᖏᑦ ᐃᓱᒪᒋᔭᐅᑦᑎᐊᖅᐸᖕᓂᖏᓐᓂ ᐊᒻᒪ ᐊᑐᖅᑎᑕᐅᓪᓗᑎᒃ, ᐱᓕᕆᔾᔪᓯᐅᔪᒥ ᐱᕚᓪᓕᕈᑕᐅᕚᓪᓕᕈᑕᐅᕌᓂᖕᒪᑕ ᖃᓪᓗᓈᓂᑦ ᐊᒻᒪ ᐱᔾᔪᑎᖓ ᐱᔭᕆᐊᖃᕐᓂᑦᑎᓐᓂ ᐃᖅᑲᓇᐃᔮᒧᑦ ᐊᔾᔨᒌᒃᑎᑦᑎᓂᐅᔪᒥ ᐊᒃᓱᕈᕐᓂᐅᔪᓂᑦ. ᒐᕙᒪᐅᔪᑦ ᑎᒍᒥᐊᖅᑎᓪᓘᓐᓃᑦ ᐱᔪᓐᓇᕐᓂᖃᕐᓂᐅᔪᒧᑦ ᐊᔪᙱᓐᓂᖓᓐᓄᑦ, ᐃᓚᓯᓂᖅ ‘ᐃᓕᖅᑯᓯᒥᒃ ᖃᐅᔨᒪᓂᐅᔪᒥ’ ᑕᐃᑯᖓ ᑎᑎᕋᖅᑕᐅᓯᒪᓂᐅᔪᒥ ᐱᔪᒪᓇᕐᔪᐊᖅᑎᑦᑎᒃᑲᓐᓂᖅᐳᖅ ᐊᒻᒪ ᐱᔪᒪᔭᐅᓛᖑᓕᖅᖢᓂ ᐃᖅᑲᓇᐃᔮᒃᓴᒧᑦ.
5. ᐃᓱᒪᒋᔭᖃᕈᓯᖅ ᐅᑭᐅᖅᑕᖅᑐᖅ/ᐃᓄᐃᑦ ᓄᓇᖓᑦ ᐊᑦᑎᖕᓂᖅᓴᐅᓂᖓᓂ ᐊᒻᒪ ᑭᖑᑉᐱᐊᖅᓯᒪᓂᖓᓂ: ᐅᖃᐅᓰᑦ ᐃᓱᒪᓕᐅᕆᔪᓂ ᐊᓄᓪᓚᒃᓯᖅᑕᐅᓂᐅᓂᖓᓂ ᐅᕙᓃᓐᓂᕐᒧᑦ “ᐅᐊᕋᔮᒃ ᐊᐅᓪᓚᓛᖅᑐᖓ ᐅᕙᙵᑦ”, “ᐊᕐᕌᒍᓄᑦ ᑕᓪᓕᒪᓄᑦ ᑕᒫᓃᓕᖅᑐᖓ” ᓂᐱᖓ ᐅᖃᖅᑑᔮᖅᑐᒥ ᓲᕐᓗ ᐊᓄᓪᓚᒃᓯᓚᐅᕐᓂᖓᓂ, “ᓄᓇᕗᒻᒥᑐᐊᖅ ᑕᐃᒪᐃᒃᑲᔭᖅᐳᖅ” (ᐃᓕᓯᓗᓂ ᖃᓄᐃᓕᐅᕐᓂᑦᑎᐊᕙᐅᙱᑦᑐᒥ). ᐊᒥᓲᓗᐊᖅᑐᓂ ᖃᐱᓚᓇᖅᑐᓂ ᐃᓄᒃᑕᖃᐅᖅᐳᖅ ᐅᕙᓃᑐᐃᓐᓇᖅᑐᓄᑦ ᑮᓴᐅᔾᔭᒃᓴᓂᕐᒧᑦ ᐊᒻᒪ ᐊᑐᕐᓂᑯᖃᕐᓂᕐᒧᑦ ᐊᐅᓪᓚᕈᓐᓇᖅᑑᔮᙱᑦᑐᓂ ᐱᔾᔪᑎᖃᖅᑐᒧᑦ ‘ᒎᓗᓂᒃ ᐊᑦᑐᖏᐅᑎᓄᑦ’ ᑮᓇᐅᔾᔭᒃᓴᓂᕐᒧᑦ ᐱᕕᒃᓴᖃᕐᓂᐅᔪᒧᑦ. ᐅᑯᐊ ᖃᐱᓚᓇᖅᑐᑦ ᐃᓄᐃᑦ ᐊᖏᔪᐊᓗᖕᒥ ᐊᒃᑐᐃᓂᖃᖅᐳᑦ ᐃᒻᒥᓂᒃ-ᐅᒃᐱᕈᓱᖕᓂᖃᕐᓂᐅᔪᒥ ᐃᖅᑲᓇᐃᔭᕐᕕᐅᔪᓂᑦ ᐊᒻᒪ ᓄᓇᓕᖕᓄᑦ. ᖃᐅᔨᒪᕖᑦ? ᖃᐅᑕᒫᒥ ᖃᖓᑕᓲᖅᑕᖃᓲᖅ ᖃᓪᓗᓈᑦ ᓄᓇᖓᓄᙵᐅᔪᓄᑦ. ᑐᙵᓱᒃᐳᑎᑦ ᐊᐅᓪᓚᕐᓂᕐᒧᑦ, ᖃᐱᓚᓇᖅᑐᒥ ᐃᓱᒪᒋᔭᖃᕈᓰᑦ ᓇᒃᓴᕐᓗᒍ. ᓱᔪᐃᓂᖅᓴᐅᕗᑎᑦ ᐱᐅᔪᒥᐅᙱᑦᑐᖅ ᐅᕙᓃᓐᓂᕐᓄᑦ. ᐃᕝᕕᑦ ᓇᖕᒥᓂᖅ ᑕᐃᒪᐃᓕᙱᒃᑯᕕᑦ, ᑕᒪᓐᓇ ᐃᓱᒪᒋᔭᐅᓂᐅᔪᖅ ᐊᓂᒍᖅᑎᑐᐃᓐᓇᙱᓪᓗᒍ ᑭᐅᓘᑎᒍᓗᒍᓗ.
6. ᐅᖃᐅᓯᖃᕐᓂᖅ ᑭᖑᑉᐱᐊᖅᑐᖅᑐᒥ ᐃᓅᖃᑎᒥᒃ ᐊᑭᕋᖅᑐᕐᓂᖅ ᐊᔾᔨᒌᙱᓐᓂᕐᒧᑦ: ᑕᒪᓐᓇ ᐅᖃᖅᑕᐅᒐᔪᒃᐳᖅ ᐃᖅᑲᓇᐃᔮᖅᑖᖅᑐᖃᙱᒃᑯᓂ, ᐃᓕᓐᓂᐊᕐᓂᕐᒧᑦ/ᐱᓕᒻᒪᒃᓴᕐᓂᕐᒧᑦ ᐱᕕᒃᓴᖃᕐᓂᐅᔪᒥ, ᖃᓄᐃᑦᑐᑐᐃᓐᓇᕐᒥ ᐱᕚᓪᓕᕈᑕᐅᔪᒥ, ᐅᕝᕙᓘᓐᓃᑦ ᐃᓗᐊᕈᓐᓃᖅᑎᑕᐅᓂᕐᒧᑦ ᐱᔪᓐᓇᐅᑎᖃᕐᓂᐅᓂᖓᓄᑦ. ᑭᖑᑉᐱᐊᖅᑐᖅᑐᒥ ᐃᓅᖃᑎᒥᒃ ᐊᑭᕋᖅᑐᕐᓂᖅ ᐊᔾᔨᒌᙱᓐᓂᕐᒧᑦ ᐅᕝᕙᓘᓐᓃᑦ ᐃᓅᖃᑎᒥᒃ ᐊᑭᕋᖅᑐᕐᓂᖅ ᐊᔾᔨᒌᙱᓐᓂᕐᒧᑦ ᖃᓪᓗᓈᓄᑦ ᑭᓲᙱᓚᖅ. ᐱᑕᖃᙱᓚᖅ. ᐅᖃᐅᓯᐅᓂᐅᔪᖅ ᐃᓅᖃᑎᒥᒃ ᐊᑭᕋᖅᑐᕐᓂᖅ ᐊᔾᔨᒌᙱᓐᓂᕐᒧᑦ ᐊᐅᓚᑦᑎᓇᓱᖕᓂᐅᕗᖅ ᐊᒻᒪ ᐊᓯᐊᓂᑦ ᓄᓇᒥᙶᖅᑐᓂ ᓯᐊᓛᖃᕐᓂᕐᒧᑦ ᑕᐅᖅᓰᓂᐅᕗᖅ, ᐊᒻᒪ ᒪᓕᒃᑐᓂ ᐊᕐᕌᒍᓂᑦ ᐱᑦᑎᐊᖅᑕᐅᙱᓐᓂᐅᔪᒥ ᑐᙵᕕᖃᖅᑐᒥ ᐃᓱᒪᓂᐅᔪᒥ ᖃᓪᓗᓈᓂ ᖁᑦᑎᖕᓂᖅᓴᐅᓂᖏᓐᓄᑦ ᒪᓕᓚᐅᖅᑐᒥ ᑕᐃᒃᑯᓇᙵᑦ ᖃᓄᐃᓐᓂᐅᔪᓄᑦ. ᐅᑯᐊ ᑕᑯᒃᓴᐅᑎᑦᑎᕗᑦ ᐅᕘᓇ ᓇᓕᒧᒌᙱᓐᓂᐅᔪᓄᑦ ᐃᓅᖃᑎᒌᖕᓂᕐᒧᑦ ᖃᓄᐃᓐᓂᐅᔪᓂ ᐊᒻᒪ ᓈᒻᒪᙱᓐᓂᐅᔪᓂ ᐅᓪᓗᒥᒥ. ᐃᓅᖃᑎᒥᒃ ᐊᑭᕋᖅᑐᖅᑎᐅᓂᕐᒧᑦ ᐊᔾᔨᒌᙱᓐᓂᕐᒧᑦ ᐱᖃᕆᐊᖃᖅᐳᑎᑦ ᑕᒪᒃᑭᓂ ᐃᓚᐃᓐᓈᕐᓂᕐᒥ ᐊᒻᒪ ᐱᔪᓐᓇᕐᓂᐅᔪᒥᒃ. ᐃᓄᐃᑦ ᐅᕕᓂᖓ ᕿᕐᓂᕐᓂᖅᓴᐅᔪᑦ ᐃᓚᐃᓐᓈᕐᓂᖃᕈᓐᓇᖅᐳᑦ ᖃᓪᓗᓈᓄᑦ, ᑭᓯᐊᓂ ᖃᓪᓗᓈᑦ ᐊᑐᕐᓂᖃᙱᓚᑦ ᐱᔪᓐᓇᕈᓐᓃᖅᑎᑕᐅᓂᖓᓂ.
7. ᐸᓯᒃᖠᕈᓐᓇᙱᓚᑎᑦ ᖃᓄᐃᓕᐅᕐᓂᐅᔪᒥ ᐃᓅᖃᑎᒥᒃ ᐊᑭᕋᖅᑐᖅᑎᐅᓂᖓᓂ ᐊᔾᔨᒌᙱᓐᓂᕐᒧᑦ, ᐃᓕᖅᑯᓯᑎᒍᑦ ᐊᒃᑐᕐᓘᑎᐅᓂᖓᓂ ᐅᕝᕙᓘᓐᓃᑦ ᓈᒻᒪᖕᓂᖓᓂ. ᐊᒻᒪᓗᑦᑕᐅᖅ, ᐅᖃᕐᓗᓂ “ᐃᓅᖃᑎᒥᒃ ᐊᑭᕋᖅᑐᖅᑎᐅᙱᓚᖓ ᐊᔾᔨᒌᙱᓐᓂᕐᒧᑦ” ᐅᕝᕙᓘᓐᓃᑦ “ᐃᓅᖃᑎᒥᒃ ᐊᑭᕋᖅᑐᕐᓂᖅᑕᖃᙱᓚᖅ ᐊᔾᔨᒌᙱᓐᓂᕐᒧᑦ” ᐊᓯᐅᑎᑦᑎᓲᖑᙱᓚᖅ ᐃᓅᖃᑎᒥᒃ ᐊᑭᕋᖅᑐᕐᓂᖅ ᐊᔾᔨᒌᙱᓐᓂᕐᒧᑦ ᑲᒪᒋᔭᖃᕐᓂᕐᒥᓪᓘᓐᓃᑦ ᑕᐃᒪᐃᙱᓐᓂᕐᒧᑦ. ᐃᓱᒪᒋᑐᐃᓐᓇᖅᐸᐃᑦ ᑕᐃᒪᐃᙱᓐᓂᖓᓂ ᑕᑯᔪᓐᓇᙱᓐᓇᕕᐅᒃ, ᐱᑕᖃᙱᓚᖅ. ᐃᓄᖕᒥ, ᐃᓄᖕᒥᓪᓘᓐᓃᖅ ᐅᕕᓂᖓ ᕿᕐᓂᕐᓂᖅᓴᐅᔪᒥ ᑕᐃᓯᒍᓂ ᑭᓱᑐᐃᓐᓇᒥᒃ, ᑐᓵᒋᐊᕆᑦ ᐊᒻᒪ ᓈᓚᒡᓗᒍ. ᓈᓚᒡᓗᒋᑦ ᑕᐃᒃᑯᓄᖓ ᓵᙵᓲᓂᒃ ᐃᓅᖃᑎᒥᒃ ᐊᑭᕋᖅᑐᕐᓂᖅ ᐊᔾᔨᒌᙱᓐᓂᕐᒧᑦ ᖃ ᐅ ᑕ ᒫ ᑦᑎ ᐊᖅ! ᐃᓚᖃᖅᑐᒥᓪᓗ ᐅᖃᓪᓚᙳᐊᑐᐃᓐᓇᖅᑐᓄᑦ (ᐅᖃᐅᓯᒃᓴᒥ ᓇᒃᓯᐅᔾᔨᔪᒥᒃ ᐃᒃᐱᒋᔭᒃᓴᐅᙱᓐᓂᕐᓂ), ᖃᐅᔨᒪᙱᑦᑐᕈᓗᒃᑎᑐᑦ ᐅᖃᓪᓚᒡᕕᐅᓂᖅ, ᓈᓚᒃᑕᐅᙱᓐᓂᖅ, ᐊᒻᒪ ᓇᓗᓇᙱᑦᑎᐊᖅᑐᒥ ᐊᔾᔨᒌᙱᓐᓂᕐᒧᑦ ᐱᓕᕆᐊᖑᓂᕐᒥ. ᐱᓗᐊᖅᑐᒥ ᐱᓕᕆᔾᔪᓯᐅᔪᖅ ᐃᓕᖕᓂ ᐅᖃᐅᔾᔨᕗᖅ ᖃᓄᕈᓘᔮᓗᒃ ᐃᓅᓰᑦ ᑭᓱᒃᓴᐅᓪᓗᐊᙱᓐᓂᖓᓂ ᐅᕝᕙᓘᓐᓃᑦ ᒥᑭᑦᑐᑯᓘᕗᖅ. ᐃᓄᐃᓐᓇᐅᒐᓚᒃᐸᑕ, ᑕᐃᒪᐃᓕᖓᑐᐃᓐᓇᖅᑎᓪᓗᒍ, ᐃᓕᖕᓂᑦ ᐃᓚᐅᑎᙱᓪᓗᑎᑦ ᐅᕝᕙᓘᓐᓃᑦ ᓈᓚᒡᓗᑎᑦ (ᐊᒻᒪ ᐅᖃᓪᓚᙱᓪᓗᑎᑦ).
8. ᐃᓚᖓ ᐱᓕᕆᓂᐅᔪᒥ ᑎᑭᐅᑎᓂᕐᒧᑦ ᓇᓕᒧᒌᒃᑎᑦᑎᓂᕐᒥ ᓱᓕᓂᐅᕗᖅ ᐃᓂᒃᓴᖅᑕᖃᕆᐊᖃᕐᓂᖓᓂ ᐃᓄᖕᓄᑦ ᐱᓂᖏᓐᓂ ᐃᓂᒋᔭᒥᓂᑦ, ᓄᓇᒦᒃᑲᓗᐊᖅᐸᑦ, ᐊᑐᐊᒐᓄᑦ ᐊᒻᒪ ᐃᓱᒪᓕᐅᕆᓂᕐᓄᑦ, ᑮᓇᐅᔭᓕᐅᕐᓂᕐᒧᑦ ᐅᕝᕙᓘᓐᓃᑦ ᐃᖅᑲᓇᐃᔮᖃᕐᓂᕐᒧᑦ. ᐃᓄᖕᒥ ᐊᐅᓚᑦᑎᔨᐅᓂᕐᒧᑦ ᐃᓂᑖᕐᓂᕐᒧᑦ, ᓅᑦᑐᖃᕆᐊᖃᖅᐳᖅ ᑭᓇᒥᒃᑭᐊᖅ. ᐃᓄᖕᓂ ᐱᐅᓂᖅᓴᓂ ᐃᒡᓗᒃᓴᖃᖅᑎᑕᐅᓂᖏᓐᓄᑦ, ᓄᖅᑲᖅᑎᑦᑎᔭᕆᐊᖃᖅᐳᒍᑦ ᐃᒡᓗᖃᖅᑎᑕᐅᓂᕐᒧᑦ ᐃᑲᔫᓯᖅᑕᐅᕙᒃᑐᓄᑦ ᐊᑐᐃᓐᓇᐅᑐᐃᓐᓇᕐᓂᖏᓐᓄᑦ ᐅᑎᖅᑕᖅᐸᒃᑐᓄᑦ ᐃᓄᒋᐊᖑᔪᓄᑦ. ᐅᕝᕙᓘᓐᓃᑦ ᐃᒡᓗᒧᑦ ᓂᐅᕕᕈᑎᒃᓴᒧᑦ ᐊᑭᓕᐅᑎᒥᒃ ᓯᕗᓪᓕᖓᓐᓂ ᐊᒻᒪ ᓄᑖᙳᕆᐊᖅᑎᑕᐅᓂᖓᓄᑦ ᑮᓇᐅᔭᓂᒃ ᐅᑯᓄᙵᐅᓂᖅᓴᐅᓂᖏᓐᓂ ᐅᑎᖅᑕᖅᑐᓄᑦ ᐃᓄᒋᐊᖑᔪᓄᑦ. ᐋᖅᑭᒋᐊᖅᓯᓂᕐᒧᑦ ᐅᕝᕙᓘᓐᓃᑦ ᐋᖅᑭᒃᓯᓇᓱᐊᕐᓂᕐᒧᑦ ᐃᓅᖃᑎᒌᖕᓄᑦ ᓇᓕᒧᒌᙱᑎᑦᑎᓂᐅᔪᒥ, ᑭᒍᑉᐱᐊᖅᑐᕐᓂᕐᒥ ᐃᓅᖃᑎᒥᒃ ᐊᑭᕋᖅᑐᕐᓂᐅᙱᓚᖅ ᐊᔾᔨᒌᙱᓐᓂᕐᒧᑦ. ᑕᐃᒪᐃᓕᐅᙱᓪᓗᓂ ᑲᔪᓯᑎᑦᑏᓐᓇᖅᐳᖅ ᖃᓪᓗᓈᓂᒃ ᐱᔪᓐᓇᕐᓂᕆᔭᐅᕗᖅ ᐊᒻᒪ ᑲᔪᓯᑎᑦᑎᕗᖅ ᐃᓅᖃᑎᒥᒃ ᐊᑭᕋᖅᑐᖅᑎᒥᒃ ᐊᔾᔨᒌᙱᓐᓂᕐᒧᑦ ᐱᓕᕆᔾᔪᓯᐅᔪᒥ.
9. ᓱᓕᙱᓐᓂᖅᑕᓕᒃ ᐃᓄᐃᑦ ᓯᕗᓕᐅᖅᑎᐅᓂᕐᒥ ᐃᓂᒦᒃᑯᑎᒃ, ᐃᓅᖃᑎᒥᒃ ᐊᑭᕋᖅᑐᕐᓂᖅᑕᖃᙱᓐᓂᖓᓂ ᐊᔾᔨᒌᙱᓐᓂᕐᒧᑦ. ᑕᐃᒪᐃᖏᓐᓇᖅᑐᒥ ᐊᒻᒪ ᐱᔮᕆᓂᒃᑯᑦ ᐊᒃᓱᕈᕐᓂᖅᑕᖃᙱᓚᖅ ᐋᖅᑭᒐᓱᐊᕐᓂᕐᒧᑦ ᐱᓕᕆᔾᔪᓯᐅᔪᒥ. ᑐᑭᖃᖅᐳᖅ ᐱᑕᖃᕐᓂᖓᓂ, ᐊᒻᒪ ᓇᒦᕈᓘᔭᖅᐳᖅ. ᐊᑐᖅᓯᒪᓂᖃᙱᓚᒍᑦ ᐱᓕᕆᓇᓱᐊᕐᓂᕐᒥ ᑐᑭᓕᐅᕆᓂᕐᒥ ᖃᓄᖅ ᐃᓅᖃᑎᒌᖕᓂᕐᒥ ᓇᓕᒧᒌᒃᑎᑦᑎᓂᐅᔪᖅ ᑐᑭᖃᕐᓂᖓᓂ ᑐᙵᕕᖃᑦᑎᐊᖅᑐᒥ ᐊᓯᔾᔩᓂᕐᒧᑦ ᖃᓄᐃᓕᖓᓂᐅᓂᖓᓂ ᐃᓄᖕᓄᑦ. ᐃᓄᐃᑦ ᐊᒻᒪ ᐊᓯᖏᑦ ᐊᑐᕐᓂᖃᖅᑐᓂ ᐃᓚᐅᑎᑦᑎᙱᓐᓂᐅᔪᒥ ᐃᓚᐃᓐᓇᖅᓯᐅᕆᔪᓐᓇᖅᐳᑦ ᑲᔪᓯᑎᑦᑎᓂᕐᒧᑦ ᒥᑭᑦᑐᒻᒪᕆᑯᓗᖕᒥ ᐱᔪᓐᓇᕐᓂᐅᖃᑕᐅᔪᒥ .
10. ᐃᓄᓕᒫᓄᑦ ᒐᕙᒪᐅᕗᖅ! ᐅᓇ ᐅᖃᐅᓯᐅᔪᖅ ᐃᓂᖅᑎᕆᓂᐅᕗᖅ ᐃᓅᖃᑎᒥᒃ ᐊᑭᕋᖅᑐᕐᓂᕐᒥ ᐊᔾᔨᒌᙱᓐᓂᕐᒧᑦ. ᓇᓗᓇᐃᖅᓯᕗᖅ ᐊᒃᓱᕈᕈᑕᐅᔪᓂ ᓴᖑᑎᑦᑎᓂᕐᒧᑦ ᐱᓕᕆᔾᔪᓯᐅᔪᓂ ᐊᔾᔨᒌᙱᑎᑦᑎᓂᕐᒧᑦ ᐊᒻᒪ ᐃᓅᖃᑎᒥᒃ ᐊᑭᕋᖅᑐᕐᓂᕐᒧᑦ ᐊᔾᔨᒌᙱᓐᓂᕐᒧᑦ ᐱᓕᕆᐊᖑᓇᓱᓪᓗᐊᙱᓚᑦ. ᐆᒥᖓ ᐅᖃᖅᖢᓂ, ᑲᔪᓯᑎᑦᑎᕗᒍᑦ ᑕᐃᓐᓇᑦᑕᐃᓐᓇᖅ ᐱᓕᕆᔾᔪᓯᐅᔪᒥ ᐸᓯᒃᖠᕙᒃᑐᓂ ᐃᓄᖕᓂ. ᖃᓄᐃᓕᐅᕐᓂᖃᖅᓯᒪᙱᓚᖅ ᐋᖅᑭᒃᓯᓇᓱᐊᕐᓂᕐᒧᑦ ᐱᓕᕆᔾᔪᓯᐅᔪᒥ ᐊᖏᔫᔪᒥᑦ ᐊᒻᒪ ᑕᐃᒪᐃᖏᓐᓇᕐᓂᐅᔪᒥᑦ, ᐃᓚᖃᖅᑐᒥ ᐃᓄᖕᓄᑦ ᐃᖅᑲᓇᐃᔮᖃᖅᑎᑦᑎᓂᕐᒧᑦ, ᐃᓕᓐᓂᐊᕐᓂᕐᒧᑦ, ᐃᒡᓗᖃᖅᑎᑦᑎᓂᕐᒧᑦ, ᐊᔪᖅᓴᕐᓂᕐᒧᑦ ᐱᔾᔪᑎᓕᖕᓄᑦ ᐊᑲᐅᙱᓕᐅᕈᑕᐅᔪᓄᑦ (ᐊᒻᒪ ᐅᑯᐊ ᑕᒪᒃᑭᑦ ᑲᑎᙵᓂᖃᖅᐳᑦ). ᑕᐅᑐᙳᐊᕆᑦ ᓄᓇᕗᑖᓚᐅᖅᑎᓪᓗᑕ ᐱᓕᕆᐊᖅᑕᖃᓚᐅᖅᐸᑦ ᐱᓕᒻᒪᒃᓴᐃᓂᖃᕈᓂ ᐃᓄᖕᓂ ᐃᓄᒃᑐᑦ ᐃᓕᓴᐃᔨᐅᓂᕐᒧᑦ ᐱᔮᖅᑭᔪᒥ ᐱᓕᕆᔾᔪᓯᐅᔪᒥ ᐱᓕᕆᓂᐅᔪᒥᑦ? ᐅᖃᐅᓯᖅᐳᑦ ᐱᕈᖅᐸᓪᓕᐊᕐᔪᐊᕋᔭᖅᐳᖅ ᑕᐅᓄᙵᐅᓂᖃᖔᙱᑦᑐᒥ. ᐃᒪᐃᓕᖓᖔᖅᐳᖅ, ᒫᓐᓇᐅᔪᒥ ᐱᓕᕆᐊᖑᕗᖅ ᐊᑦᑎᖕᓂᖅᓴᐅᓂᖓᓂ ᐅᖃᐅᓯᐅᓪᓗᓂ ᐊᒻᒪ ᓴᐳᔾᔭᐅᔪᒃᓴᐅᑕᐅᙱᖦᖢᓂ.
11. ᐃᓱᒪᒋᔭᖃᕈᓯᖓ ᐃᓄᐃᑦ ᑭᓱᓕᒫᓂᑦ ᐱᓲᖑᓂᖏᓐᓂ ᐊᑭᓕᖅᑕᐅᓪᓗᑎᒃ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᕚᓪᓕᕈᑎᓂᑦ ᐊᒻᒪ ᖁᑦᑎᖕᓂᖅᓴᒧᑦ ᐃᓕᓐᓂᐊᕐᓂᐅᔪᒥ! ᑕᐃᒪᐃᒃᑯᑦᑕ, ᖃᓄᐃᒻᒪᑦ ᐃᓄᐃᑦ ᓵᙵᓂᖃᖅᐸᑦ ᐊᖏᔪᐊᓗᖕᒥ ᐊᔪᖅᓴᕐᓂᐅᔪᒥ? 70% ᓂᕿᒃᓴᖃᑦᑎᐊᙱᓐᓂᐅᔪᒥ ᓱᕈᓯᕐᓄᑦ ᑲᒪᓇᖅᑑᓪᓗᓂ ᓇᐅᓴᐅᓯᕆᓂᐅᕗᖅ. ᑕᒪᓐᓇ ᑐᑭᖃᖅᐳᖅ ᑕᒪᕐᒥᒐᓚᑦ ᓱᕈᓯᑦ ᓂᕆᙱᓐᓂᖃᓚᐅᓲᖑᕗᑦ ᖃᐅᑕᒫᑦᑎᐊᖅ. ᑳᖕᓂᐊᓗᒃ! ᐅᖃᐅᓯᐅᓂᐅᔪᖅ ᐃᓄᖕᓅᖓᙱᑦᑎᐊᖅᐳᖅ, ᐅᖃᐅᓯᓕᐅᕆᕗᖅ ᐃᓄᐃᑦ ᐱᕙᖕᓂᖏᓐᓂ ᐱᓪᓗᐊᖅᑕᒥᓂᑦ. ᐃᓄᐃᑦ ᐱᓪᓗᐊᙱᓚᑦ ᐊᒃᓱᕈᕈᑕᐅᓂᐅᔪᓂᑦ ᖃᓄᑐᐃᓐᓇᖅ ᓴᖅᑭᑎᑦᑎᓂᕐᒧᑦ ᐃᓅᖃᑎᒌᖕᓂᕐᒥ ᓇᓗᒥᒌᖕᓂᐅᔪᒥᑦ.
12. ᐃᓱᒪᒋᔭᖃᕈᓯᖓ ᐃᓄᐃᑦ ᐅᖃᓪᓚᐅᓯᖃᖅᑎᓪᓗᒋᑦ ᐃᓕᖅᑯᓯᖓᓐᓂ ᐅᑎᖅᑎᕆᓂᕐᒧᑦ ᐃᖅᑲᐅᒪᓂᐅᖢᖅ ᑕᐃᔅᓱᒪᓂᐅᓚᐅᖅᑐᒧᑦ. ᑕᒪᓐᓇ ᓇᓗᓇᙱᓚᖅ ᑲᑉᐱᐊᓱᖕᓂᐅᔪᒥ ᖃᐅᔨᒪᔭᐅᙱᑦᑐᒥᑦ. ᐃᓕᖅᑯᓯᒥᒃ ᐅᑎᖅᑎᕆᓂᐅᔪᒥ ᐊᒻᒪ ᐃᒻᒥᓂᒃ-ᐃᓱᒪᓕᐅᕆᓂᐅᔪᒥ ᐅᖃᐅᓯᐅᓂᐅᙱᓚᑦ ᐅᑎᕈᒪᓂᕐᒧᑦ ᑕᐃᔅᓱᒪᓂᐅᓚᐅᖅᑐᒧᑦ. ᐅᖃᐅᓯᐅᓂᐅᕗᖅ ᐅᑎᖅᑎᕆᔪᒪᓂᑦᑎᓐᓂ ᐅᕙᑦᑎᓐᓂ ᐅᕙᑦᑎᒍᑦ ᐱᓕᕆᓂᕆᔪᒪᔭᑦᑎᓐᓄᑦ. ᓄᓇᕗᑦ, ᑎᒥᕗᑦ, ᐃᓅᓯᕗᑦ! ᐅᑯᐊ ᐃᓱᒪᓂᐅᔪᑦ ᐊᑐᖅᑕᐅᔭᕆᐊᖃᖅᐳᑦ ᐅᓪᓗᒥᐅᔪᒥ ᖃᓄᐃᓕᖓᓂᐅᔪᓂᑦ ᐊᒻᒪ ᖃᓄᐃᓐᓂᐅᔪᓂᑦ. ᖃᓄᖅ ᐱᔪᓐᓇᕐᓂᖅᓴᐅᕕᑦ ᐃᓱᒪᓕᐅᕆᓂᕐᒧᑦ ᖃᓄᖅ ᐃᓄᐃᑦ ᐃᒻᒥᖕᓂᒃ ᐊᐅᓚᓪᓗᐊᕐᓂᖏᓐᓂ?
13. ᐃᒻᒥᓃᕐᓂᖅ, ᐊᖏᕐᕋᖃᙱᓐᓂᖅ, ᑳᖕᓂᖅ, ᐱᑦᑎᐊᖅᑕᐅᙱᓐᓂᖅ ᐅᕝᕙᓘᓐᓃᑦ ᐊᓯᐊᒎᖅᑐᒥ ᐱᓕᕆᐊᖑᓂᐅᔪᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐅᕝᕙᓘᓐᓃᑦ ᒪᓕᒐᓕᕆᓂᕐᒧᑦ ᐱᓕᕆᔾᔪᓯᐅᔪᓂ ᐃᓱᒪᓂᑐᐃᓐᓇᐅᙱᓚᑦ ᐅᕙᑦᑎᓐᓄᑦ. ᐊᒥᓱᐊᓗᖕᓂ ᐊᓄᓪᓚᒃᓯᖅᑕᐅᓂᐅᔪᓂ ᐅᓄᕐᓂᐅᔪᓂ, ᐱᓕᕆᑦᑎᐊᙱᓐᓂᐅᔪᒥ ᐃᓕᓐᓂᐊᕐᓂᓕᕆᓂᕐᒧᑦ ᐱᓕᕆᔾᔪᓯᐅᔪᒥ ᐃᓱᓕᑦᑎᓂᕐᒧᑦ ᐃᓕᓐᓂᐊᖅᑎᓂᑦ ᐃᓕᖅᑯᓯᒥᒃ, ᐃᓅᖃᑎᒌᖕᓂᕐᒧᑦ ᐊᑑᑎᓕᖕᓂ ᐃᓕᓐᓂᐊᕐᓂᐅᔪᒥ. ᓇᓕᐊᑐᐃᓐᓇᐃᑦ ᑕᐃᒪᐃᓐᓂᑰᙱᓚᑦ ᐊᑕᐅᓯᙳᖅᑎᑕᐅᓇᓱᐊᕐᓂᕐᒧᑦ ᐊᒻᒪ ᑕᒻᒪᕐᓂᐅᔪᓄᑦ. ᐃᓄᐃᑦ ᐃᓅᓯᕆᕙᖓᑦ ᐅᕝᕙᓘᓐᓃᑦ ᐊᒃᑐᐃᓂᐅᔪᓄᑦ ᐃᓚᒋᔭᐅᓪᓗᑎᒃ. ᖃᓪᓗᓈᑦ ᐊᓕᐊᓇᐃᒋᔭᖃᑦᑎᐊᖅᐳᑦ ᓂᐱᖅᑯᖅᑐᔪᐊᓗᖕᒥ ᐃᒃᐱᒍᓱᖕᓂᖃᕐᓇᑎᒃ ᐅᖃᓪᓚᖕᓂᐅᔪᓂ ᑭᓱᑐᐃᓐᓇᓂᒃ ᓲᕐᓗ ᐃᒥᐊᓗᖕᒥ ᐊᒻᒪ ᐃᒻᒥᓃᕐᓂᕐᒧᑦ ᐊᑲᐅᙱᓕᐅᕈᑕᐅᔪᓂ ᐃᓄᐃᑦ ᑐᓵᑎᓪᓗᒋᑦ ᓲᕐᓗ ᐃᓱᒪᓂᑐᐃᓐᓇᐅᓪᓗᓂ, ᐅᔾᔨᕈᓱᖕᓇᑎᒃ ᐅᑯᐊ ᐊᑲᐅᙱᓕᐅᕈᑕᐅᔪᑦ ᐊᑐᖅᑕᐅᓂᖏᓐᓂ ᐃᓄᖕᓂᑦ. ᓄᖅᑲᓚᐅᕆᑦᑎ!
14. ᓂᕆᐅᕐᓂᖃᕐᓂᖅ ᐃᓄᖕᓂ ᑎᑎᕋᕐᕕᖕᒥ ᑐᑭᓕᐅᕆᓂᕐᓂ ᐅᖃᐅᓯᕐᓂᑦ, ᐃᖅᑲᓇᐃᔭᕐᓂᕐᒧᑦ ᐅᕝᕙᓘᓐᓃᑦ ᐅᖃᐅᔾᔨᖅᑐᐃᓗᑎᒃ ᖃᓄᖅ “ᐃᓄᐃᑦ ᐃᓱᒪᓲᖑᓂᖏᓐᓂ” ᓲᕐᓗ ᐃᓄᒃ ᑭᐅᔾᔪᑎᖃᕐᓂᖓᓂ ᑕᒪᒃᑭᓄᑦ ᐃᓄᖕᓄᑦ. ᐅᓴ ᓂᕆᐅᖕᓂᐅᔪᖅ ᓈᓚᑦᑎᐊᕐᓂᐅᔪᒥ (ᑐᑭᓕᐊᕆᒍᒃ ᐅᓇ ᐅᕙᓐᓄᑦ), ᐃᓱᒪᒋᔭᖃᖅᐳᖅ ᐅᖃᐅᓯᒃᓴᖃᖃᑕᐅᓂᕐᓂᑦ ᐃᓄᖕᒧᑦ ᓈᒻᒪᒃᓯᓕᖅᑎᑦᑎᓂᕐᒧᑦ ᐱᓕᕆᓂᕐᓂᑦ, ᑭᓯᐊᓂ ᓱᓕᒃᑲᓐᓂᖅ ᖃᓪᓗᓈᑦ ᖁᑦᑎᖕᓂᖅᓴᐅᕗᑦ ᐃᓄᖕᓂ – ᐱᓕᕆᔾᔪᑎᒃᑲᓐᓂᕐᓂᐅᕗᖅ ᐱᒃᑲᓐᓂᕐᓂᕐᒧᑦ ᑕᐃᒃᑯᓄᖓ ᖃᓪᓗᓈᓂᙶᖅᑐᓂᑦ. ᖁᔭᓈᖅᓯᓂᑐᐃᓐᓇᐅᕗᖅ!
15. ᐃᒪᐃᑐᐃᓐᓇᓚᐅᕐᓕᑦᑐᖅ… (ᐱᑕᖃᙱᓐᓂᐅᔪᒥ ᐃᓗᓪᓕᕈᒃ). ᐅᖃᐅᓯᐅᓂᐅᔪᖅ ᐊᐱᕆᔪᒥ ᖃᓄᐃᒻᒪᑦ ‘ᐃᓄᐃᑦ ᖃᓄᐃᓕᐅᑐᐃᓐᓇᙱᓐᓂᖏᓐᓂ’ ᐃᓕᖅᑯᓯᑎᒍᑦ ᐊᒻᒪ ᖁᑦᑎᖕᓂᖅᓴᐅᓇᓱᒋᑦᑎᔪᓄᑦ ᐃᓱᒪᓂᐅᔪᒥ ᑕᑖᖅᐳᖅ. ᑭᒃᑯᓕᒫᑦ ᐆᒪᓲᖑᕗᑦ ᐊᒻᒪ ᐃᓕᒃᑐᑦ ᐃᓱᒪᓲᖑᕗᑦ. ᑕᒪᓐᓇ ᐃᒻᒥᓂᒃ ᐱᒃᑯᒋᒃᑲᕐᔪᐊᖑᕗᖅ ‘ᖃᐅᔨᒪᓂᖅᓴᖅ ᐃᓕᖕᓂ’ ᐃᓱᒪᒋᔭᖃᕈᓯᖓ?!
16. ᐋᔩᖃᑎᖃᙱᓪᓗᑎᑦ ᓴᓇᐅᒐᓕᕆᔨᐅᔪᓂᑦ ᐃᓄᖕᓂ. ᓂᐅᕕᐊᒃᓴᖃᖅᑐᒃᓴᐅᒐᔪᒃᐳᑦ ᓴᓇᔭᒥᓂᑦ ᐊᑭᖓᑕ ᖁᓕᑦᑎᐊᑐᐃᓐᓇᖓᓂ ᓱᓇᒃᑯᑖᓂ ᐊᑐᖅᑕᒥᓂᑦ. ᐋᔩᖃᑎᖃᕐᓂᕐᒥ ᐃᕆᐊᓛᖅᐳᖅ ᐱᔪᓐᓇᕐᓂᖃᕐᓂᖅᓴᐅᓂᖓᓂ ᐊᒃᖢᓂᖅᓴᐅᔪᓄᑦ!
17. ᐊᑭᓕᖅᓱᖅᑕᐅᓇᓂ ᐃᑲᔪᕐᓂᖅ. ᑐᑭᓯᐅᒪᙱᓐᓂᖅ ᖃᓄᐃᒻᒪᑦ ᐃᓄᐃᑦ ᐊᑭᓕᖅᓱᖅᑕᐅᓇᑎᒃ ᐃᑲᔪᓲᖑᙱᓐᓂᖏᓐᓂ ᐅᕝᕙᓘᓐᓃᑦ ᐊᑭᓕᖅᓱᖅᑕᐅᓇᑎᒃ ᐃᑲᔪᓗᐊᓲᖑᙱᓐᓂᖏᓐᓂ, ᐃᓚᖃᖅᑐᒥ ᐊᑭᓕᖅᓱᖅᑕᐅᓇᑎᒃ ᐃᑲᔪᖃᑕᐅᓂᕐᒧᑦ ᐱᔨᑦᑎᕋᕐᓂᕐᒧᑦ ᑲᑎᒪᔨᐅᔪᓄᑦ ᐊᒻᒪ ᑲᑎᒪᔨᕋᓛᖑᔪᓄᑦ. ᐃᓄᐃᑦ ᐊᒥᓱᒃᑲᓐᓂᐊᓗᖕᓂ ᐊᑐᓲᖑᕗᑦ ᐃᑲᕐᕋᓂᑦ ᐊᒻᒪ ᐊᒃᓱᕈᕐᓂᐅᔪᒥ ᐃᒻᒥᖕᓂᒃ ᐃᑲᔪᖃᑦᑕᐅᑎᓂᖏᓐᓂ ᐃᒪᐃᙱᖔᖅᖢᑎᒃ ᑲᒪᓇᖅᑐᐊᓗᖕᒥ ᐊᑭᓕᖅᓱᖅᑕᐅᓇᑎᒃ ᐃᑲᔪᕐᓂᕐᒧᑦ ᐱᓲᖑᔪᓂ ᐊᑭᓕᖅᓱᖅᑕᐅᓇᑎᒃ ᐃᑲᔪᕐᓂᕐᒧᑦ ᓵᓚᖃᐅᓯᐊᓂᑦ. ᐃᓄᐃᑦ ᐱᓕᕆᓲᖑᒋᕗᑦ ᐊᓯᐅᔨᓂᐅᒐᔪᒃᑐᓂ ᐅᕝᕙᓘᓐᓃᑦ ᐱᓂᕐᓗᒃᑕᐅᓂᕐᔪᐊᖑᔪᓂ. ᐃᑲᔪᓲᖑᕗᒍᑦ ᐅᒡᒍᐊᖅᓂᐅᔪᓄᑦ ᐃᓚᐃᖅᑐᓄᑦ. ᓄᓇᓯᐅᑎᓂᒃ ᐃᑭᒪᑎᑦᑎᓪᓗᑕ, ᐳᓛᖃᑦᑕᐅᑎᓪᓗᑕ, ᐃᑲᔪᖅᖢᑕ ᑐᒃᓯᕋᕐᓂᕐᓄᑦ ᑕᑕᑎᕆᐊᓕᖕᓂ, ᓂᕆᑎᑦᑎᓂᕐᒥ ᐊᒻᒪ ᕿᑐᕐᙵᒥᓂᑦ ᐸᖅᑭᓂᕐᒥ, ᓂᐅᕕᕆᐊᖃᑎᖃᕐᓂᕐᒧᑦ ᐅᕝᕙᓘᓐᓃᑦ ᖃᓄᐃᓕᐅᕈᔾᔨᓪᓗᑕ, ᐃᑲᔪᕐᓂᕐᒥ ᒥᖅᓱᒐᒃᓴᓂᑦ, ᐋᖅᑭᒃᓱᐃᓂᕐᒧᑦ ᓯᑭᑑᓂᑦ, ᑮᓇᐅᔭᓕᐅᕋᓱᐊᕐᓂᕐᒧᑦ ᐃᓗᕕᖅᓯᐅᕆᐊᕐᓂᕐᒧᑦ ᐅᕝᕙᓘᓐᓃᑦ ᕿᑐᕐᙵᕆᔭᐅᑉ ᐱᙳᐊᕐᓂᐊᕐᓂᖏᓐᓄᑦ ᐃᓛᕐᔪᑐᐃᓐᓇᕆᕙᐅᒃ ᐱᖃᓗᔭᕐᒥ.
18. ᐱᔪᒪᓗᐊᕌᓗᙱᓐᓂᕐᒥ, ᖃᓄᐃᓕᐅᙱᓗᐊᕐᓂᕐᒥ ᐅᕝᕙᓘᓐᓃᑦ ᕿᒻᒪᑰᓂᕐᒥ: ᐊᖏᓛᖑᔪᒥ ᐊᒃᓱᕈᕈᑕᐅᔪᒥ ᓄᓇᕗᒻᒥ ᓴᖑᑎᑦᑎᓂᐅᔪᒥ ᐃᓅᖃᑎᒌᖕᓂᕐᒧᑦ ᖃᓄᐃᓐᓂᐅᔪᓂ ᐱᐅᓯᒋᐊᖅᑎᑦᑎᓂᕐᒧᑦ ᐃᓄᐃᑦ ᐃᓅᓯᕆᔭᖏᓐᓂᑦ ᖃᓄᐃᓕᐅᙱᓐᓂᐅᕗᖅ ᐅᕝᕙᓘᓐᓃᑦ ᑲᔪᓯᑎᑦᑏᓐᓇᕐᓂᖓᓂ ᖃᓄᖅ ᑭᓱᑐᐃᓐᓇᐃᑦ ᐱᓕᕆᐊᖑᕙᖕᓂᖏᓐᓂ. ᐃᓅᖃᑎᒥᒃ ᐊᑭᕋᖅᑐᕐᓂᖅ ᐊᔾᔨᒌᙱᓐᓂᕐᒧᑦ ᑐᖂᑦᑎᓲᖑᕗᖅ! ᐊᖏᓗᐊᖅᑐᐊᓗᖕᒥ ᓂᙵᐅᒪᓂᖃᕐᒪᑦ ᐊᒻᒪ ᓴᐳᔾᔨᓯᒪᓂᐅᔪᒥ ᐃᓅᖃᑎᒥᒃ ᐊᔾᔨᒌᙱᓐᓂᐅᔪᓂᑦ, ᐊᒻᒪ ᐃᓅᖃᑎᒥᒃ ᐊᑭᕋᖅᑐᕐᓂᖅ ᐊᔾᔨᒌᙱᓐᓂᕐᒧᑦ ᐅᖃᐅᓯᖃᖅᐸᙱᑕᑦᑎᓐᓂ ᒪᑐᐃᖓᑦᑎᐊᕐᓗᑕ. ᑕᑯᒃᑭᑦ ᐃᓄᐃᑦ ᑐᖁᔪᓂ ᐊᔾᔨᒌᙱᕈᓘᔭᖅᑐᓂ ᐅᒡᒍᓇᖅᑐᓂ ᐃᓚᖃᖅᑐᒥ ᐃᒻᒥᓃᕐᓂᕐᒥ ᐊᒻᒪ ᐋᓐᓂᖅᓯᕆᓂᐅᔪᒥ ᐃᒻᒥᖕᓄᑦ. ᑕᑯᒃᓴᐅᑦᑎᐊᖅᑐᒥ ᐱᑕᖃᙱᓗᐊᕐᓂᖓᓂ ᐱᔾᔪᑎᒃᓴᐅᔪᒥ ᐊᒻᒪ ᐃᓚᒋᔭᐅᖃᑕᐅᓂᕐᒧᑦ ᐃᑎᔪᐊᓘᕗᖅ. ᐊᑕᐅᓯᙳᖅᑎᑕᐅᓇᓱᐊᕐᓂᕐᒥ ᓱᔪᐃᕐᔪᐊᖅᓯᒪᓂᖃᖅᐳᖅ.
19. ᐅᖃᓪᓚᓯᑲᓪᓚᖕᓂᕐᒥ ᐅᖃᓪᓚᒃᑐᖃᖅᑎᓪᓗᒍ, ᐃᓄᖕᓂ ᓄᖅᑲᖅᑎᑦᑎᔪᓂ ᐅᕝᕙᓘᓐᓃᑦ ᐱᔭᕇᖅᓯᓂᖅ ᐅᖃᖅᑕᐅᓇᓱᐊᖅᑐᓂ ᐃᓄᖕᓄᑦ. ᐅᑯᐊ ᓇᓗᓇᐃᖅᓯᕗᑦ ᐃᓄᐃᑦ ᓈᓚᒃᑕᐅᔪᒃᓴᐅᙱᓐᓂᖓᓐᓂ, ᐅᕝᕙᓘᓐᓃᑦ ᑭᐅᔾᔪᑎᒃᓴᖃᕐᓂᖏᓐᓂ ᐃᓄᖕᓄᑦ. ᓂᐱᖃᙱᓐᓂᐅᔪᒥ ᐃᓗᓪᓕᖅᓯᔭᕆᐊᖃᙱᓚᑎᑦ ᐅᖃᓪᓚᓗᐊᕐᓂᐊᓘᔪᒥᒃ. ᓂᐱᖃᙱᓚᐅᕆᑦ ᐊᒻᒪ ᓈᓚᒡᓗᑎᑦ!
20. ᐱᒻᒪᕆᐅᓛᖑᔪᖅ ᐱᐅᓱᒋᙱᓪᓗᓂ. ᐃᓅᖃᑎᒌᓲᖑᕗᑎᑦ ᐅᔾᔨᕆᓇᑎᑦ ᐃᓅᖃᑎᒥᒃ ᐊᑭᕋᖅᑐᕐᓂᕐᒥ ᐊᔾᔨᒌᙱᓐᓂᕐᒧᑦ, ᐊᒻᒪ ᐊᒥᓱᐊᓗᖕᓂ ᐱᓕᕆᓂᑕᖃᖅᐳᖅ ᐃᓱᒪᒋᔭᖃᙱᓐᓂᐅᔪᒥ ᐅᕝᕙᓘᓐᓃᑦ ᐃᓅᖃᑎᒥᒃ ᐊᑭᕋᖅᑐᖅᑎᐅᓗᑎᑦ ᐊᔾᔨᒌᙱᓐᓂᕐᒧᑦ. ᐊᑕᐅᓯᖅ ᐃᓚᐅᙱᑦᑑᙱᓚᖅ ᐃᓅᖃᑎᒥᒃ ᐊᑭᕋᖅᑐᕐᓂᕐᒧᑦ ᐊᔾᔨᒌᙱᓐᓂᕐᒧᑦ ᐱᔾᔪᑎᖃᕐᓂᕐᒧᑦ ‘ᐃᓄᑦᑎᐊᕙᑐᐃᓐᓇᐅᖕᒪᑦ’. ᑕᒪᕐᒥᒃ ᖃᓪᓗᓈᑦ ᐃᓅᖃᑎᒥᒃ ᐊᑭᕋᖅᑐᖅᑎᐅᕗᑦ ᐊᔾᔨᒌᙱᓐᓂᕐᒧᑦ ᐃᓚᖓᒍᑦ ᐃᓅᓯᒪᖕᒪᑕ ᐊᒻᒪ ᐱᕈᖅᓴᔭᐅᓪᓗᑎᒃ ᐱᓕᕆᔾᔪᓯᐅᔪᒥ ᓴᓇᔭᐅᓯᒪᔪᒥ ᖃᓪᓗᓈᓂ, ᖃᓪᓗᓈᓄᑦ. ᑕᒪᓐᓇ ᐃᓱᒪᒋᑦᑎᐊᕈᒃ! ᐱᔪᓐᓇᕐᓂᖃᓕᑐᐊᕈᕕᑦ ᑕᒪᓐᓇ ᐅᖃᐅᓯᕆᔪᓐᓇᕐᓂᕐᒧᑦ, ᐃᖅᑲᐃᕙᓪᓕᐊᔪᓐᓇᖅᓯᓂᐊᖅᐳᑎᑦ ᐊᒻᒪ ᐃᓕᑦᑎᓗᑎᑦ. ᐱᔪᓐᓇᕐᓂᖃᕆᐊᖃᖅᐳᑎᑦ ᑕᐃᒪᐃᓕᓂᕐᒧᑦ, ᐅᖃᕐᓗᑎᑦ ᑕᒻᒪᓚᐅᕐᓂᕐᓂᑦ – ᐅᖃᕐᓗᑎᑦ ᑭᓱᓕᒫᓂᒃ ᖃᐅᔨᒪᙱᓐᓂᕐᓂ, ᐃᖅᑲᐃᓗᑎᑦ ᐊᒻᒪ ᐃᓕᑦᑎᓗᑎᑦ. ᐱᓕᕆᕐᔪᐊᕐᓂᖃᕆᐊᖃᖅᐳᖅ ᐊᒻᒪ ᐊᒃᓱᕈᕐᓂᖃᕆᐊᖃᖅᐳᖅ!
21. ᐃᓄᐃᖅ ᐅᕕᓂᖏᑦ ᕿᕐᓂᕐᓂᖅᓴᐅᔪᑦ ᐊᑐᕐᔪᐊᓲᖑᕗᑦ ᐃᓱᒪᒧᑦ ᐊᒃᓱᕈᕐᓂᐅᔪᒥ ᕿᓄᑎᑦᑕᐃᓕᒪᓂᕐᒧᑦ ᖃᓪᓗᓈᑦ ᓱᕋᒃᓴᕋᐃᓐᓂᖏᓐᓂ. ᐊᖏᔪᒻᒪᕆᐊᓗᖕᒥ: ᕿᓄᒃᑲᐃᓂᐅᔪᒥ ᐃᓗᐊᒎᖅᓯᒪᔪᒥ ᖁᑦᑎᖕᓂᖅᓴᐅᓇᓱᒋᓂᐅᔪᒥ. ᐃᓕᖕᓂ ᓴᐳᔾᔨᓇᓱᐊᓕᕌᖓᕕᑦ, ᐊᓯᔾᔩᓗᑎᑦ ᐅᖃᐅᓯᕆᔭᕐᓂ ᖃᓪᓗᓈᖑᓂᕐᒧᑦ ᕿᑎᐊᓃᓐᓂᕐᒧᑦ, ᐅᕝᕙᓘᓐᓃᑦ ᓇᖕᒥᓂᖅ ᕿᑎᐊᓃᓐᓂᕐᒧᑦ, ᐊᒃᓱᕈᕐᓂᐅᕗᖅ ᑲᔪᓯᑎᑦᑏᓐᓇᕐᓂᕐᒧᑦ ᐱᔪᓐᓇᕐᓂᐅᔪᒥ. ᑲᒪᒋᔭᒃᓴᖃᖅᐳᑎᑦ ᑲᒪᒋᔭᖃᕐᓂᕐᒧᑦ ᑖᔅᓱᒥᖓ.
22. ᐃᓕᓴᖅᓯᓗᑎᑦ ᐊᒻᒪ ᐅᖃᕐᓗᑎᑦ ᐱᔪᓐᓇᕐᓃᑦ ᐊᒻᒪ ᐱᓕᕆᔪᓐᓇᕐᓂᕆᔭᐃᑦ, ᐊᒻᒪ ᓱᓕᓂᐅᔪᒥ ᐱᕚᓪᓕᕐᓂᕐᓂ ᐃᓅᖃᑎᒥᒃ ᐊᑭᕋᖅᑐᖅᑎᐅᓂᕐᒧᑦ ᐊᔾᔨᒌᙱᓐᓂᕐᒧᑦ ᐱᓕᕆᔾᔪᓯᐅᔪᓂᑦ. ᖃᓪᓗᓈᖑᓂᕐᒧᑦ ᐅᕝᕙᓘᓐᓃᑦ ᖃᓪᓗᓈᖅ ᖄᖏᕐᓂᐅᔪᒥ “ᓱᖏᐅᓐᓇᕐᓂᖓᓂ” ᐊᒻᒪ ᐊᓯᓕᒫᖏᑦ ‘ᐅᓯᖑᕗᑦ. ᖃᓪᓗᓈᖑᓂᕐᒥ ᕿᐸᒍᓱᖕᓂᐅᙱᓚᖅ, ᐊᒻᒪ ᐃᓄᐃᑦ ᐅᕕᓂᖏᑦ ᕿᕐᓂᕐᓂᖅᓴᐅᔪᓂ ᓇᓗᓇᐃᖅᑕᐅᓲᖑᕗᑦ ᐃᓅᖃᑎᒥᓂᒃ ᐊᔾᔨᒌᙱᓐᓂᐅᓂᖓᓂ. ᐱᓕᕆᓂᑐᐊᖑᔪᖅ ᐱᓕᕆᕙᓪᓕᐊᔪᓐᓇᖅᓯᓂᐊᕐᓂᑦᑎᓐᓂ ᓇᓕᒧᒌᒃᑎᑦᑎᓂᕐᒥ ᓂᐱᓂᑦ ᑕᐃᕙᒡᓗᒋᑦ ᑕᐃᒪᐃᓐᓂᖏᓐᓂ. ᐊᒻᒪ ᑕᐃᒪᐃᓐᓂᕐᒧᑦ, ᐃᓕᓴᖅᓯᓂᖅ ᖁᑦᑎᒃᑐᒥ ᐃᓅᖃᑎᒥᓂᒃ ᐊᔾᔨᒌᙱᓐᓂᐅᔪᓂ ᐱᓕᕆᔾᔪᓯᐅᓂᑦᑎᓐᓂ.