ᖃᒡᒋᐊᕘᑦ ᓂᕆᐅᒃᐳᑦ ᑐᓂᓯᓂᕐᒥ ᓄᓇᕐᔪᐊᒥ ᓄᓇᕗᒻᒧᑦ

173
ᐋᒍᔅᑎ 2018-ᒥ, ᐃᓄᑐᖃᐃᑦ ᐊᒻᒪ ᖁᙱᐊᖅᑕᐅᕙᒃᑐᓂ ᐱᓕᕆᔨᐅᔪᓄᑦ ᓄᓇᕗᓕᒫᒥ ᑲᑎᓚᐅᖅᐳᑦ ᐱᓯᕐᓄᑦ (ᑕᐃᔅᓱᒪᓂᑐᖃᖅ ᐃᙱᐅᓯᐅᔪᓄᑦ) ᐃᓕᓐᓂᐊᕐᓂᐅᔪᒥ ᐊᑐᐃᓐᓇᐅᑎᑕᐅᔪᓂ ᖃᒡᒋᐊᕘᒻᒧᑦ. ᐃᓕᓐᓂᐊᕐᓂᐅᔪᖅ ᑐᕌᕐᓂᖃᓚᐅᖅᐳᖅ ᐱᕙᓪᓕᐊᑎᑕᐅᓂᖓᓂ ᓄᑖᖑᔪᒥ ᓴᖅᑭᑎᑕᐅᓂᐅᔪᒥ ᐅᑭᐅᖅᑕᖅᑐᒥ ᐱᓯᕐᓂᑦ, ᐳᓚᕋᕐᓂᐊᖅᑐᓄᑦ ᓄᓇᕐᔪᐊᓕᒫᒧᑦ, ᐊᒻᒪ ᖃᕋᓴᐅᔭᑎᒍᑦ ᐊᑐᓕᖅᑎᑕᐅᓂᖓᓄᑦ. ᑐᓄᐊᓂ, ᓴᐅᒥᖕᒥ: ᓛᓴᓘᓯ ᖃᑦᑕᓕᒃ, ᓲᓴᓐ ᐊᒡᓘᒃᑲᖅ, ᓵᑦ ᕼᐊᔪᕼᐅᒃ, ᕉᑕ ᐅᖔᓛᖅ, ᑎᐊᕆ ᑯᓱᒐᖅ, ᓵᓕᑦ ᖃᒪᓂᖅ ᐊᒻᒪ ᐸᓂᖓ, ᐊᐃᑉᕋᕼᐋᒻ ᐄᑕᒃ, ᑯᐊᕆ ᐸᓂᑲ, ᐅᕕᓗ ᖃᒪᓂᖅ, ᓯᕚᓐ ᐊᕐᓇᑦᓯᐊᖅ ᒨᕕ, ᓵᓕ ᐸᓂᐸᒃ, ᐄᕙ ᓱᓗᒃ, ᕼᐃᓗ ᑕᒍᕐᓈ, ᐋᔪ ᐲᑕ, ᐃᓕᓴᐱ ᐊᕕᙵᖅ, ᐅᓖᐱᑲ ᐊᓇᕕᐊᐱᒃ ᓲᓯ ᐊᒻᒪ ᒫᕐᓕ ᑕᓐᑯᕐᔅ.
ᕿᑎᐊᓂ, ᓴᐅᒥᖕᒥ: ᐋᓂ ᐃᐱᖅ, ᕇᑯ ᒪᓃᑦᑐᖅ, ᑎᕇᓴ ᓯᑯᐊᖅ, ᐱᕐᓇᑎ ᐅᑕᒃ, ᒥᐅᕆᐊᒻ ᐊᒡᓘᒃᑲᖅ, ᓯᑐᓂ ᓂᕐᓗᖓᔪᖅ, ᕗᕌᓐᓯᔅ ᖃᐳᑦ, ᓇᑖᖅ ᐅᖔᓛᖅ ᐊᒻᒪ ᐃᒧᕉᑦ ᒪᒃᑖᓄᑦ. ᓯᕗᓂᐊᓂ, ᓴᐅᒥᖕᒥ: ᔫᓂᔅ ᐋᕆᐊᖅ, ᐊᓕᐊᓇᐃᑦᓂᕕᐊᑦᓴᖅ, ᐊᓕ ᖁᒪᖔᐱᒃ ᐊᒻᒪ ᓄᑲᖓ, ᐋᓇᐱᓚ ᐱᐅᒑᑦᑐᒃ, ᓰᓇ ᐊᑯᒪᓕᒃ, ᑑᒪ ᓚᐃᓴ, ᑯᕆᔅᑏᓐ ᑑᑑ ᐊᒻᒪ ᒧᕇ ᐱᓘ.

$500,000-ᑖᖅᖢᑎᒃ ᒐᕙᒪᑐᖃᒃᑯᓐᓂ, ᖃᒡᒋᐊᕘᑦ ᖃᓂᓐᓂᖅᓴᒻᒪᕆᐅᓕᖅᐳᑦ ᑎᑭᐅᑎᓂᖏᓐᓂ ᐃᓱᒪᒋᔭᐅᓯᒪᔪᒥ ᖁᙱᐊᖅᑕᐅᓂᕐᒧᑦ ᓴᓇᐅᒐᓕᕆᕝᕕᖕᒥ ᓄᓇᕗᒻᒥ.

ᐊᑕᐅᓯᖅ ᑭᐅᓘᑎᐅᓂᐅᔪᖅ ᑕᒪᓐᓇ ᐱᐅᕐᔪᐊᕋᔭᕐᓂᖓᓂ ᑮᓇᐅᔾᔭᒃᓴᓂᑦᑐᓐᓄᑦ, ᑭᓯᐊᓂ ᐃᓕᖅᑯᓯᑎᒍᑦ ᐳᓚᕋᖅᑐᓕᕆᓂᕐᒧᑦ ᐱᑕᖃᕈᓐᓇᕐᓂᖃᕐᒪᑦ ᖃᒡᒋᖅ ᑲᑎ1ᕝᕕᐅᔪᕐᒧᑦ,” ᐅᖃᓚᐅᖅᐳᖅ ᐃᓱᒻᒥᖅᑐᐃᔨ ᐊᓚᓐ ᕼᐋᒧᓪᑎᓐ, ᑭᓱᓄᑦ ᖃᒡᒋᐊᕘᑦ ᐱᓕᕆᓂᖏᓐᓂ ᑮᓇᐅᔭᓄᑦ.

ᒐᕙᒪᑐᖃᒃᑯᓐᓂ ᑮᓇᐅᔭᖃᖅᑎᑕᐅᓂᖓᓂ ᑎᑭᓚᐅᖅᐳᖅ ᐅᕘᓇ ᐃᓱᒪᑐᔪᓄᑦ ᓂᐅᕐᕈᑎᖃᕐᓂᐅᔪᒥ ᑲᓇᑕᒥ ᐱᓕᕆᐊᖑᔪᒧᑦ, ᐊᒻᒪᓗ ᖃᒡᒋᐊᕘᑦ ᓄᓇᕗᒻᒥ ᖁᙱᐊᖅᑕᐅᕙᒃᑐᓄᑦ ᓴᓇᐅᒐᓕᕆᕝᕕᖓᓄᑦ ᐊᑕᐅᓯᐅᕗᖅ 20-ᓂ ᐱᓕᕆᐊᒃᓴᐅᔪᓄᑦ ᐱᔪᓂ ᑲᑎᓪᓗᒍ $7.8 ᒥᓕᐊᓐᓂ.

ᑮᓇᐅᔭᖃᖅᑎᑕᐅᓂᖅ ᑐᕌᖓᓂᖃᓪᓗᐊᑕᓚᐅᖅᐳᖅ ᐱᓕᕆᓂᐅᔪᓄᑦ ᐱᔾᔪᑎᖃᖅᑐᓄᑦ ᐸᕐᓇᐃᓂᕐᒧᑦ ᒪᕐᕉᖕᓄᑦ ᑕᑯᒃᓴᐅᓂᐅᔪᓄᑦᐅᐱᒋᔭᐅᕐᔪᐊᖅᑐᒥ ᑭᕕᐅᖅ ᐅᑎᖅᐳᖅ ᐊᒻᒪ ᐅᑭᐅᖅᑕᖅᑐᒥ ᐱᓰᑦ – ᓄᓇᕐᔪᐊᒧᑦ ᖁᙱᐊᖅᑕᐅᓂᐅᔪᒧᑦ, ᐃᓚᖃᖅᑐᒥ ᓄᓇᕐᔪᐊᒥ ᓂᐅᕕᐊᒃᓴᖃᕆᐊᖅᑐᕐᓂᕐᒧᑦ, ᖁᕝᕙᖅᓴᖅᑕᐅᓂᖓᓄᑦ, ᐊᒻᒪ ᑕᑯᒃᓴᐅᑎᑦᑎᓂᐅᔪᒧᑦ.

ᐅᑭᐅᖅᑕᖅᑐᒥ ᐱᓰᑦ ᖃᒡᒋᐊᕘᑦ ᑭᖑᓪᓕᖅᐹᖑᓪᓗᓂ ᓴᖅᑭᑎᑕᐅᓂᕆᕙᖓ, ᐱᒋᐊᓚᐅᖅᑐᒥ ᐊᐅᔭᒥ 2018-ᒥ ᐱᓰᑦ ᐃᓕᓐᓂᐊᕐᓂᐅᔪᒥ, ᑐᕌᕐᓂᖃᓚᐅᕐᒥᔪᒥ ᖃᕋᓴᐅᔭᑎᒍᑦ ᐊᑐᓕᖅᑎᑦᑎᓂᐅᔪᒥ.

ᑮᓇᐅᔭᖃᖅᑎᑕᐅᓂᖅ ᐅᕙᑦᑎᓐᓂ ᐱᔪᓐᓇᖅᑎᑦᑎᓚᐅᖅᐳᖅ ᐃᖅᑲᓇᐃᔭᖅᑎᑦᑎᓂᕐᒥ 42-ᐸᓗᖕᓂ ᐃᓄᖕᓂ ᓴᓇᐅᒐᓕᕆᔨᐅᔪᓄᑦ, ᓴᓇᐅᒐᓄᑦ ᐊᐅᓚᑦᑎᔨᐅᔪᓂ, ᑕᕐᕆᔭᓕᐊᒧᑦ ᑕᑯᒃᓴᐅᑎᑦᑎᔨᐅᔪᓄᑦ, ᐊᔾᔨᓕᐅᕆᔨᓂ, ᑎᑕᒃᑎᓂ, ᐃᙱᖅᑎᓂ, ᕿᓚᐅᔾᔭᖅᑎᓂᑦ ᐊᒻᒪ ᓴᓇᐅᒐᓄᑦ ᐱᓕᕆᔨᐅᔪᓂᑦ,” ᐅᖃᓚᐅᖅᐳᖅ ᕼᐋᒧᓪᑎᓐ.

ᐃᓚᖃᓚᐅᖅᐳᖅ ᐱᓕᒻᒪᒃᓴᕐᓂᐅᔪᒥ ᐃᖃᓗᖕᓂ ᐊᒻᒪ ᒪᓐᑐᕆᐊᒥ ᑲᓇᑕᒥ ᖁᙱᐊᕐᕕᐅᔪᒥ ᐃᓕᓐᓂᐊᕐᕕᖓᓂ ᑲᓇᑕᒥ ᐊᒻᒪ ᑕᑯᒃᓴᐅᑎᑦᑎᓂᐅᔪᓄᑦ ᓄᓇᕐᔪᐊᒥ ᖁᕕᐊᓱᒍᑕᐅᔪᓄᑦ, ᖁᙱᐊᕐᕕᓂᑦᐊᒻᒪ ᑕᑯᒃᓴᐅᑎᑦᑎᓂᐅᔪᓂᑦ. ᐱᔪᓐᓇᖅᑎᑦᑎᓚᐅᕆᕗᖅ ᐱᕙᓪᓕᐊᑎᑦᑎᓂᕐᒥ ᑕᕐᕆᔭᓕᐊᖑᔪᓄᑦ ᕈᕝᕙᖅᓴᐃᓂᐅᔪᓂ ᓱᓇᒃᑯᑖᓂᑦ.”

ᒫᓐᓇᓕᓴᐅᓛᖑᔪᒥ, ᖃᒡᒋᐊᕘᑦ ᓴᖅᑭᑎᑦᑎᓚᐅᖅᐳᑦ ᐅᑭᐅᖅᑕᖅᑐᒥ ᐱᓯᕐᓂᑦ ᒪᓐᑐᕆᐊᒥ ᓄᓇᕐᔪᐊᒧᑦ ᑎᑕᖕᓂᕐᒧᑦ ᖁᕕᐊᓱᒍᑕᐅᔪᓄᑦ ᓄᓇᕐᔪᐊᒥ ᐃᓄᖕᓄᑦ ᑲᑐᔾᔨᖃᑎᒌᖑᔪᓄᑦ ᕕᕈᐊᕆᐅᑉ-ᕿᑎᖅᐸᓯᐊᓂ. ᐱᑎᑦᑎᓂᖃᓚᐅᖅᐳᖅ ᖁᙱᐊᖅᑕᐅᓂᐅᓂᐊᖅᑐᓂ ᕕᓐᓛᓐᒥ ᔫᓂᒥ, ᓄᐊᕙᐃᒧᑦ ᔪᓚᐃᒥ, ᕗᕌᓐᔅᒥ ᐋᒍᔅᑎᒥ, ᓵᖕᕼᐊᐃ, ᓴᐃᓇᒧᑦ ᓯᑎᐱᕆᒥ, ᐊᒻᒪᓗᑦᑕᐅᖅ ᓄᓇᖃᖅᑳᖅᓯᒪᔪᓄᑦ ᑎᑕᖕᓂᕐᒧᑦᖁᕕᐊᓱᒍᑕᐅᔪᓂᑦ ᑲᓇᑕᒥ.

ᖃᒡᒋᐊᕘᑦ ᖁᙱᐊᖅᑕᐅᕙᒃᑐᖅ ᐊᒻᒪ ᐱᓕᕆᐊᒃᓴᒧᑦ ᐊᐅᓚᑦᑎᔨ ᑯᕆᔅᑏᓐ ᑑᑑ ᐊᒻᒪ ᕕᓂ ᖃᕆᑕᖅ ᐊᐅᓪᓛᕐᓂᐊᖅᐳᑦ ᐃᑎᖕᐴᒡ ᖁᕕᐊᓱᒍᑎᖓᓂ ᐃᓚᒋᔭᐅᓂᐅᔪᓄᑦ ᐋᒍᔅᑎᒥ ᓴᖅᑭᑎᑦᑎᓂᕐᒧᑦ ᑭᕕᐅᖅ ᐅᑎᖅᐳᖅ ᖁᙱᐊᕐᕕᐅᔪᓄᑦ ᐊᒻᒪ ᖁᙱᐊᕐᕕᓄᑦ ᖁᕕᐊᓱᒍᑕᐅᔪᓄᑦ ᓄᓇᕐᔪᐊᓕᒫᒧᑦ.

ᐊᖏᓛᖑᓪᓗᓂ ᑕᑯᒃᓴᐅᑎᑕᐅᓂᐅᓂᐊᖅᐳᖅ ᖁᙱᐊᖅᑕᐅᕙᒃᑐᓄᑦ ᓄᓇᕐᔪᐊᓕᒫᒥ, ᐊᒻᒪ ᑭᒃᑯᓕᒫᑦ ᕿᓂᖅᑐᓄᑦ ᐊᔾᔨᐅᙱᑦᑐᓄᑦ ᐊᒻᒪ ᑕᑯᒥᓇᖅᑐᓂ ᖁᙱᐊᖅᑕᐅᓂᐅᔪᓂ ᑕᐃᑲᓃᓐᓂᐊᖅᐳᑦ,” ᐅᖃᓚᐅᖅᐳᖅ ᕼᐋᒧᓪᑎᓐ.

ᑑᑑ ᖁᕕᐊᑉᐳᖅ.

ᑭᓯᐊᓂ ᖁᓱᕈᔪᒃᑐᖓ,” ᐅᖃᓚᐅᖅᐳᖅ ᒪᒃᑯᒃᑐᖅ ᖁᙱᐊᖅᑕᐅᕙᒃᑐᖅ.

ᐱᔭᕆᐅᖅᓴᕆᐊᖃᕐᓂᐊᖅᐳᖓ.”

ᒫᓐᓇᐅᔪᒥ, ᐱᓕᕆᐊᒃᓴᐅᔪᒧᑦ ᐊᐅᓚᑦᑎᔨ ᐊᒻᒪ ᓴᓇᐅᒐᓕᕆᔨ ᑳᑦᓖᓐ ᒥᐊᕆᑦ ᒫᓐᓇᐅᔪᒥ ᐊᐅᓚᑦᑎᕗᖅ ᑭᓱᓕᒫᓂᒃ ᐅᑭᐅᖅᑕᖅᑐᒥ ᐱᓯᕐᓂᑦ.

ᖃᒡᒋᐊᕘᑦ ᐳᓚᕋᐃᓐᓇᖅᐳᑦ ᓄᓇᕗᒻᒥ ᓄᓇᓕᐅᔪᓄᑦ, ᓴᖅᑭᑎᑦᑎᓪᓗᑎᒃ ᐃᓕᓐᓂᐊᕐᓂᐅᔪᓂ ᒪᒃᑯᒃᑐᓄᑦ ᐃᓄᖕᓄᑦ ᐱᔪᒪᓂᖃᖅᑐᓂ ᖁᙱᐊᖅᑕᐅᓂᕐᓄᑦ ᓴᓇᐅᒐᓕᕆᓂᕐᓄᑦ. ᐃᓕᓐᓂᐊᕐᓃᑦ ᑲᑎᙵᓂᖃᖅᐳᖅ ᑕᑯᒃᓴᐅᑎᑕᐅᓂᐅᕙᒃᑐᓄᑦ.

ᐱᓕᕆᐊᒃᓴᐅᔪᒧᑦ ᐊᐅᓚᑦᑎᔨ, ᖁᙱᐊᖅᑕᐅᕙᒃᑐᖅ ᐊᒻᒪ ᖁᙱᐊᖅᑕᐅᕙᒃᑐᓂ ᐋᖅᑭᒃᓱᐃᔨ ᕇᑯ ᒪᓃᑦᑐᖅ ᐊᑐᐃᓐᓇᖃᖅᑎᑦᑎᕗᖅ ᐆᒃᑑᑎᐅᔪᒥ ᖃᓄᐃᒻᒪᑦ ᐱᕙᓪᓕᐊᑎᑦᑎᓂᕐᒥ ᖁᙱᐊᖅᑕᐅᕙᒃᑐᓄᑦ ᓴᓇᐅᒐᓕᕆᓂᖅ ᓄᓇᕗᒻᒥ ᐱᒻᒪᕆᐅᔪᓐᓇᕐᓂᖃᕈᓐᓇᕐᓂᖓᓂ ᐅᔭᕋᖕᓂᐊᕐᓂᓂᑐᑦ, ᒫᓐᓇᓕᓴᒥ ᑲᑎᙵᓂᖃᕐᓂᕋᖅᑕᐅᔪᒥ ᖁᑦᑎᖕᓂᖅᓴᒥ ᐃᓱᓕᑦᑎᓂᐅᔪᓄᑦ ᐅᓄᕐᓂᖏᓐᓂ. ᒪᒃᑯᒃᑐᑦ ᓄᖅᑲᖅᓯᒪᔪᓄᑦ ᐃᓕᓐᓂᐊᕐᕕᖕᒥ, ᐅᑎᓚᐅᖅᐳᑦ ᐃᓕᓐᓂᐊᕐᕕᓄᑦ.

ᑕᑯᓚᐅᖅᐳᑦ ᑎᑭᑉᐸᓪᓕᐊᓂᑦᑎᓐᓂ, ᐊᒻᒪ ᐃᓚᒋᔭᐅᔪᒪᓚᐅᖅᐳᑦ ᐃᓕᓐᓂᐊᕐᓂᕆᔭᑦᑎᓐᓂ,” ᒪᓃᑦᑐᖅ ᐅᖃᓚᐅᖅᐳᖅ, ᐃᓚᒋᐊᖅᓯᓪᓗᓂ ᐃᓕᓐᓂᐊᕐᕕᖕᓃᑦᑕᕆᐊᖃᖅᐳᑦ ᐃᓚᐅᖃᑕᐅᓂᕐᒧᑦ.

ᐊᑕᐅᓯᖅ ᐃᖅᑲᐅᒪᓇᓗᐊᖅᐳᖅ. ᐊᑕᐅᓯᕐᒥ ᓄᓇᓕᖕᓃᑎᓪᓗᑕ, ᐊᑕᐅᓯᕐᒥ ᒪᒃᑯᒃᑐᒥ ᐅᕙᓐᓄᐊᓚᐅᖅᐳᖅ ᐊᒻᒪ ᐅᖃᖅᖢᓂ, ‘ᐱᖃᓐᓇᕆᔭᕋ ᐃᒻᒥᓃᓚᐅᖅᑎᓪᓗᒍ ᑕᖅᑭᒥᑦ ᒪᕐᕉᖕᓂᓪᓘᓐᓃᑦ ᓯᕗᓂᐊᓂ …’ ᐃᓕᓐᓂᐊᓚᐅᙱᓚᖅ. ᖃᐅᔨᒐᒥ ᓄᓇᓕᖓᓐᓄᐊᕐᓂᐊᕐᓂᑦᑎᓐᓂ, ᐃᓚᒋᔭᐅᖃᑕᐅᔪᒪᓚᐅᖅᐳᖅ.

ᑲᑉᐱᐊᓇᒐᓚᒃᑑᔮᓚᐅᖅᐳᖅ,ᑭᓯᐊᓂ ᐱᒋᐊᕋᑦᑕ ᐃᓕᓐᓂᐊᕐᓂᐅᔪᓂ, ᖁᕕᐊᑦᑕᒃᐹᓪᓕᓚᐅᖅᐳᖅ. ᐅᖃᐅᔾᔨᓚᐅᖅᐳᖅ ᒪᒃᑯᖕᓂᖅᓴᓂ ᓱᕈᓯᕐᓂᑦ, ‘ᑕᑯᒋᑦ, ᐅᑯᐊ ᐃᓄᐃᑦ ᐅᕙᓃᑦᑐᑦ ᐃᓕᖕᓂ ᐃᓕᓐᓂᐊᖅᑎᑦᑎᔭᖅᑐᖅᖢᑎᒃ. ᓈᓚᓚᐅᕆᑦ.’ ᐊᒻᒪ ᐃᓕᓐᓂᐊᕆᐊᖏᓐᓇᓚᐅᖅᐳᖅ.”

ᒪᓃᑦᑐᖅ, ᑲᖏᖅᖠᓂᕐᒥᐅᑕᖅ, ᐅᖃᓚᐅᕆᕗᖅ ᐊᑖᑕᖓ ᐊᒻᒪ ᐊᒃᑲᖓ ᐃᖅᑲᓇᐃᔭᖅᐳᑦ ᐅᔭᕋᖕᓂᐊᕐᕕᖕᒥ.

ᐊᒻᒪ ᐅᕙᓐᓂᑦ ᑕᑯᙱᓚᖓ ᑕᐃᒪᐃᓐᓂᕐᒧᑦ. ᓯᕗᓪᓕᖅᐸᐅᔪᒃᓴᐅᕗᖓ ᐃᓚᓐᓂᑦ ᑕᐃᒪᐃᓕᐅᕐᓂᕐᒧᑦ ᒫᓐᓇ ᐱᓕᕆᔭᓐᓂᑦ. ᐃᒪᐃᑉᐳᑦ, ‘ᖃᓄᐃᒻᒪᑦ ᓄᓇᕗᒻᒥ ᒐᕙᒪᒃᑯᓐᓄᑦ ᐃᖅᑲᓇᐃᔮᖅᑖᙱᓚᑎᑦ?’ ᐊᓕᐊᓇᐃᒋᕙᕋ ᐱᓕᕆᐊᕆᔭᓐᓂ. ᐊᑭᓕᖅᓱᖅᑕᐅᓲᖑᕗᖓ ᐱᓕᕆᓂᕐᒧᑦ,” ᐅᖃᓚᐅᖅᐳᖅ ᒪᓃᑦᑐᖅ.

ᖃᒡᒋᐊᕘᑦ ᓂᕆᐅᒃᐳᑦ ᐱᒋᐊᓛᕐᓂᕐᒧᑦ ᐊᔪᕐᓇᕐᔮᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᓂᕐᒧᑦ ᒪᐃᒥ ᑐᓂᓯᓂᕐᒥ ᐱᔭᕆᐊᖃᖅᑐᓂ ᐅᓂᒃᑳᕆᓂᐅᔪᓂ ᓇᑉᐸᖅᑎᕆᓂᕐᓄᑦ ᐊᑭᖏᓐᓂ, ᓴᓇᔭᐅᓂᖓᓂ, ᐊᐅᓚᑕᐅᓂᖓᓂ, ᐊᐅᓚᑦᑎᓂᐅᔪᓄᑦ ᐊᒻᒪ ᑮᓇᐅᔭᖃᖅᑎᑕᐅᓂᐅᔪᓄᑦ.

Previous articleBaker Lake students open time capsule
Next articleBaker Lake residents get through major fire with a little help from their friends
Editor of Nunavut News since 2016, Casey has worked in journalism for more than 20 years, and with Nunavut News since 2011. His work has taken him across the North: to every community in Nunavut's Qikiqtani and Kivalliq regions; to Yellowknife, NWT; to Whitehorse, Yukon, for the 2012 Arctic Winter Games; and to Fairbanks, Alaska, for the 2014 Arctic Winter Games. Casey's local editorials were named the best in Canada in 2018 (bilingual education in Nunavut) and 2019 (Government of Nunavut toxicity), and he is the two-time recipient of Canada's top national award for community newspaper reporting, most recently in 2015 for his work covering Iqaluit's dump fire. He was the project developer for NNSL's 2016 Arctic Winter Games website and app, which won regional honours for best online project.