Skip to content

ᖃᐅᔨᒪᑦᓯᐊᕆᐊᖃᕐᓂᖅ

ᑕᐃᒪ ᓱᓕᑦᓯᐊᖅᑐᓂᒃ ᑕᒻᒪᖏᑦᑐᓂᒡᓗ ᐅᖃᐅᓯᖃᕐᓂᐊᕈᑦᑕ ᖃᐅᔨᒪᒋᐊᖃᖅᐳᒍᑦ ᐅᖃᐅᓯᕆᓂᐊᖅᑕᑦᑎᓐᓂᒃ.

ᐊᒥᓱᐃᖅᑕᖅᖢᑕ ᑐᐊᕕᓗᐊᖅᖢᑕ ᐃᓱᒪᓕᐅᕋᓱᐊᖅᐸᒃᑲᑦᑕ ᑕᒻᒪᐅᑎᖃᕈᓐᓇᖅᖢᑕᓗ ᐊᑲᐅᖏᑦᑐᒥᒃ ᐊᑭᓖᑐᐃᓐᓇᕆᐊᖃᖅᖢᑕᓗ. ᖃᐅᔨᓇᓱᐊᖅᑳᕆᐊᖃᖅᐳᒍᑦ ᐅᖃᐅᓯᕆᓂᐊᖅᑕᕗᑦ ᓱᓕᒐᓗᐊᕐᒪᖔᑕ ᑕᒻᒪᖏᒃᑲᓗᐊᕐᒪᖔᑕᓗ.

ᐊᐅᓪᓚᖅᓯᒪᓪᓗᓂ ᓄᓇᒥ ᐸᕐᓇᒃᐸᓪᓕᐊᓐᓇᖅᐳᖅ ᐊᑲᐅᔪᒃᑯᑦ. ᖃᐅᔨᒪᒋᐊᖃᕐᓇᕐᒪᑦ ᓇᒦᓐᓂᕐᒥᒃ ᓇᒧᖓᐅᓂᐊᕐᒪᖔᑦᑕᓗ ᐊᖅᑯᑎᖃᑦᓯᐊᕐᓗᑕ ᒪᓕᒐᒃᓴᑉᑎᓐᓂᒃ. ᖃᐅᔨᒪᓪᓗᑕᓗ ᓄᓇ ᐃᖏᕐᕋᕕᒋᔭᖅᐳᑦ ᖃᓄᐃᑦᑑᓂᖓᓄᑦ. ᖃᐅᔨᒪᓪᓗᑕᓗ ᖃᓄᑎᒋ ᒑᓴᓖᖃᕐᓂᕐᒧᑦ ᖃᓄᑎᒋᓗ ᒑᓴᓖᖃᕆᐊᖃᕐᓂᕐᒧᑦ ᐅᑎᕐᓂᐊᓕᕈᑉᑕ ᖃᓄᑎᒋᓗ ᓂᕿᖃᕐᒪᖔᑉᑕ ᐊᐅᓪᓚᖅᓯᒪᒍᑎᖃᕐᒪᖔᑦᑕᓗ ᖃᓄᐃᑦᑐᓂᒃ ᐸᕐᓇᒃᓯᒪᒍᑎᑉᑎᓐᓂᒃ ᑕᒪᒃᑯᐊ ᕿᐱᑦ, ᑐᐱᑦ ᖃᕐᔪᐃᓪᓗ.

ᖃᓄᐃᓕᐅᕈᑎᖃᕈᓐᓇᖅᐳᑎᑦ ᓱᕋᐃᒍᑎᓐᓂᕈᕕᑦ ᐋᓐᓂᕐᓂᕈᕕᓪᓘᓐᓃᑦ ᐊᐅᓪᓚᖅᓯᒪᓂᕐᓂ.

ᑕᐃᒪᓐᓇᑦᑕᐅᖅ ᐱᓕᕆᐊᕆᔭᐅᒋᐊᖃᖅᐳᑦ ᑕᒪᒃᑯᐊ ᐊᑲᐅᖏᓕᐅᕈᑎᖃᖅᑐᑦ ᐃᑲᔪᖅᑕᐅᒋᐊᖃᖅᑐᓪᓗ.

ᐅᖃᓪᓚᖃᑎᒋᔭᐅᒋᐊᖃᖅᐳᑦ ᖃᓄᐃᓕᐅᕈᑎᖃᖅᑐᑦ ᐃᑲᔪᖅᑕᐅᓗᑎᒡᓗ. ᖃᐅᔨᒑᖓᒥᒃ ᐅᐸᕕᒃᓴᖃᕈᓐᓇᖅᑎᑕᐅᓂᕐᒧᑦ ᐊᑲᐅᖏᓕᐅᕈᑎᖃᖅᑎᓪᓗᒋᑦ ᐅᖃᕐᕕᒃᓴᖃᖅᑎᑕᐅᒑᖓᒥᒡᓗ, ᐅᖁᒪᐃᖏᓐᓂᖅᓴᐅᓕᖅᐹᓪᓕᖃᑦᑕᖅᐳᑦ ᐱᔪᓐᓇᕐᓂᖅᓴᐅᔮᓕᖅᐸᒃᖢᑎᒡᓗ. ᐃᓄᐃᑦ ᖃᐅᔨᕚᓪᓕᖅᐸᒃᖢᑎᒡᓗ ᐃᑲᔪᖅᑕᐅᔪᓐᓇᕐᓂᕐᒥᖕᓄᑦ ᑐᓵᔭᐅᔪᓐᓇᕐᓂᕐᒥᖕᓂᒡᓗ ᐃᑲᔪᖅᑕᐅᒍᒪᓕᖅᐸᑕ.

ᐃᓱᒪᒃᑯᑦ, ᐃᒃᓯᕚᑐᐃᓐᓇᕆᐊᖃᖏᑉᐳᒍᑦ ᖃᐅᔨᒪᓗᑕ ᐊᑲᐅᖏᓕᐅᕈᑕᐅᔪᖅ ᐱᐅᖏᓕᖅᐸᓪᓪᓕᐊᑐᐃᓐᓇᕐᓂᖓᓄᑦ. ᑕᐃᒪᓐᓇ ᐃᑲᔪᕋᓱᐊᕆᐊᖃᖅᐳᒍᑦ ᖃᓄᑐᐃᓐᓇᖅ. ᑕᐃᒪᓐᓇ ᐃᑲᔪᕋᓱᐊᕐᓗᑕ ᐊᓯᔾᔩᑎᑦᓯᔪᓐᓇᖅᐳᒍᑦ ᐃᓱᒪᒋᔭᐅᔪᓂᒃ ᖃᓄᐃᓕᐅᕈᑕᐅᔪᓂᒡᓗ ᐃᓄᖕᓄᑦ ᑕᒪᒃᑯᐊ ᐃᖢᐃᓪᓕᐅᖅᑐᑦ ᐃᑲᔪᕐᓗᒋᑦ ᐋᖅᑭᒃᓱᕋᓱᐊᕐᓗᒋᓪᓗ. ᐊᒃᓱᕈᕐᓇᕐᓂᐊᖅᑐᒃᓴᐅᒐᓗᐊᖅᑐᖅ ᐋᖅᑭᒃᓯᕚᓪᓕᕈᒪᒍᑉᑕ ᐃᓅᓯᕐᒥᒃ ᑕᐃᒪᓐᓇ ᐃᑲᔪᕆᐊᖃᖅᐳᒍᑦ.

ᑕᒪᒃᑯᐊ ᖃᐅᔨᒪᑦᓯᐊᖅᑐᑦ ᑐᓴᐅᒪᑎᑦᓯᓂᕐᒥᒃ ᐅᖃᓪᓚᒍᓐᓇᕐᓂᕐᒥᒡᓗ ᐱᓗᐊᖅᑐᒥᒃ, ᓈᓚᑦᓯᐊᕈᓐᓇᖅᑐᑦ ᑕᐃᒪᓐᓇ ᐃᑲᔪᕋᓱᐊᕆᐊᖃᖅᐳᑦ.