ᒪᕐᕉᖕᓂ ᑲᒻᐸᓂᐅᔪᓂ ᐃᑲᔪᖅᓱᐃᕗᑦ ᓂᕿᒃᓴᖃᑦᑎᐊᕐᓂᕐᒧᑦ ᕿᑭᖅᑕᓂ, ᐹᕙᓐᓛᓐ ᓴᕕᕋᔭᒃᓴᒧᑦ ᐅᔭᕋᖕᓂᐊᕐᕕᖓᑦ ᓂᕿᓂᒃ ᐴᖅᑲᖅᓯᒪᔪᓂ ᓇᒃᓯᐅᔾᔨᓪᓗᑎᒃ ᐊᒻᒪ Arctic Fresh ᐃᑲᔪᖅᓱᐃᓪᓗᑎᒃ ᓰᕐᓇᖅᑐᓂ ᐱᕈᖅᑐᕕᓂᕐᓂ ᐴᖅᑲᖅᓯᒪᔪᓂ ᐊᔾᔨᒌᙱᑦᑐᓄᑦ ᓄᓇᓕᐅᔪᓄᑦ ᐊᕕᒃᑐᖅᓯᒪᓂᐅᔪᒥ.

Arctic Fresh ᐅᖃᐅᓯᖃᓚᐅᖅᐳᑦ ᑎᓯᐱᕆ 10−ᒥ ᑐᓂᓯᓂᐊᕐᓂᖏᓐᓂ ᖁᕕᐊᓱᕖᖕᒥ ᓰᕐᓇᖅᑐᓂ ᐱᕈᖅᑐᕕᓂᕐᓂ ᐴᖅᑲᖅᓯᒪᔪᓂ 3,000−ᓄᑦ ᐃᓚᒌᖑᔪᓄᑦ ᐊᕕᒃᑐᖅᓯᒪᓂᐅᔪᒥ.

ᒫᑭᔅ ᑭᒍᑦᑕᖅ, ᓴᐅᒥᖕᒥ, ᐊᔾᔨᓕᐅᖅᓯᕗᖅ ᐃᓐᓇᐅᓛᖑᔪᒥ ᐃᓄᖕᒥ ᐃᒃᐱᐊᕐᔪᖕᒥ, ᖄᐱᒃ ᐊᑕᒍᑦᓯᐊᖅ, ᐊᒡᔭᖅᓯᕝᕕᐅᓚᐅᖅᑎᓪᓗᒍ ᓰᕐᓇᖅᑐᓂ ᐱᕈᖅᑐᕕᓂᕐᓂ ᑐᓂᔭᐅᔪᓂ Arctic Fresh−ᑯᓐᓂ.

ᑭᒡᒐᖅᑐᐃᓪᓗᑕ ᓄᓇᓕᖕᓂ ᐃᒃᐱᐊᕐᔪᖕᒥ, ᖁᔭᓕᔪᒪᕗᒍᑦ Arctic Fresh−ᒥ ᐊᑭᖃᙱᑦᑐᓂ ᑐᓂᓯᓂᖏᓐᓂ ᑕᐃᒃᑯᓂᖓᓗᒃᑖᖅ ᓰᕐᓇᖅᑐᓂ ᐱᕈᖅᑐᕕᓂᕐᓂ ᐴᖅᑲᖅᓯᒪᔪᓂ,” ᐅᖃᓚᐅᖅᐳᖅ ᑖᒥᔅ ᓕᕙᐃ, ᐱᙳᐊᖅᑐᓕᕆᔨ ᐃᒃᐱᐊᕐᔪᖕᒥ, ᐊᑕᐅᓯᑐᐊᖑᔪᒥ ᓄᓇᓕᐅᔪᓂ ᐱᓚᐅᖅᑐᓂ ᖁᕕᐊᓱᒡᕕᖕᒥ ᑐᓐᓂᖅᑯᓯᐊᖑᓂᐅᔪᓂ

ᐹᕙᓐᓛᓐ ᒫᓐᓇᓕᓴᐅᔪᒥ ᓇᒃᓯᐅᔾᔨᓯᒪᕗᑦ ᖁᕕᐊᓱᒡᕕᖕᒥ ᓂᕿᓂᑦ ᐴᖅᑲᖅᓯᒪᔪᓂ ᓄᓇᓕᐅᔪᓄᑦ ᐅᐊᖕᓇᒥ ᕿᑭᖅᑖᓗᖕᒥ ᐃᓂᐅᔪᓄᑦ ᐅᖃᐅᓯᐅᓪᓗᓂ ᑐᓴᒐᒃᓴᓕᐊᖑᔪᒥ ᐹᕙᓐᓛᓐᑯᓐᓂ ᐃᓅᖃᑎᒌᖑᔪᓄᑦ ᓯᐊᒻᒪᖅᑎᑦᑎᓂᐅᔪᒥ, ᖄᒃᑲᓐᓂᐊᒍᑦ ᑐᓂᓯᓂᕐᒥ ᑮᓇᐅᔭᓂᒃ ᐃᑲᔪᖅᓱᐃᓂᐅᔪᒥ ᖃᔪᖅᑐᕐᕕᒃ ᓄᓇᓕᖕᓂ ᐊᔪᖅᓴᖅᑐᓄᑦ ᓂᕿᑖᕐᕕᖕᒧᑦ ᐃᖃᓗᖕᓂ.
ᑲᑎᙵᓪᓗᑕ ᐊᓂᒎᑎᓂᐊᖅᐸᕗᑦ ᓄᓇᕗᒻᒥᐅᑕᐅᓗᑕ, ᐊᒻᒪᓗ ᐱᒻᒪᕆᐅᕗᖅ ᐅᕙᑦᑎᓐᓄᑦ ᐱᓕᕆᖃᑕᐅᓂᑦᑎᓐᓂ, ᐱᓗᐊᖅᑐᒥ ᖁᕕᐊᓱᒡᕕᐅᑎᓪᓗᒍ,” ᐅᖃᓚᐅᖅᐳᖅ ᕉᑕ ᐊᖑᑎᒻᒪᕆᒃ, ᐊᐅᓚᑦᑎᔨᒻᒪᕆᒃ Arctic Fresh−ᑯᓐᓄᑦ.

ᑕᑯᕗᒍᑦ ᓄᓇᕗᒻᒥ ᓯᕗᓂᒃᓴᒥ ᐊᒃᓱᕉᓴᒃᐸᙱᑦᑐᓂ ᓂᕿᒃᓴᖃᑦᑎᐊᕐᓂᐅᔪᒥ.”

Advertisement