ᓴᐃᓃᓯᒃᑯᓐᓂ ᓴᐳᔾᔨᓯᒪᓂᐅᔪᒥ ᓄᓇᕘᑉ ᐅᔭᕋᐅᔭᖏᓐᓂ ᐱᕈᖅᐸᓪᓕᐊᓂᐊᓕᖅᐳᖅ, ᑕᒪᒃᑭᓂ ᐊᖏᖅᑕᐅᓂᐅᔪᑦ ᑐᓂᔭᐅᒍᑎᒃ, ᐊᒻᒪ ᖃᓪᓗᓂᒃ ᖁᕝᕙᖅᑎᑦᑎᑲᑕᓕᖅᐳᖅ.
ᓴᐃᓇᒧᑦ ᒐᕙᒪᐅᔪᑦ ᐊᐅᓚᑦᑎᕗᑦ ᐊᒥᓱᓂ ᓴᐃᓃᓯᒃᑯᓐᓂ ᐅᔭᕋᖕᓂᐊᕐᓂᕐᒧᑦ ᑲᒻᐸᓂᐅᔪᓂ, ᐃᓚᖃᖅᑐᒥ Shandong ᒎᓗ ᐅᔭᕋᖕᓂᐊᕐᓂᕐᒧᑦ, ᓂᐅᕕᖃᑕᐅᔪᒪᔪᓂ ᑐᕌᓐᑐᒥ–ᑐᙵᕕᓕᖕᓂ TMAC ᐃᑲᔪᕈᑎᒃᓴᓄᑦ $149 ᒥᓕᐊᓐᓄᑦ (ᔫᓇᐃᑎᑦ ᔅᑕᐃᑦᔅ).

“ᐊᑯᓂᐅᔪᒥ–ᐊᐅᓚᔪᒥᒃ ᑲᑉᐱᐊᓱᖕᓂᖃᖅᐳᖅ ᓂᐅᕕᐊᒃᓴᖃᕐᓂᕐᒥ ᐊᑐᖅᑕᐅᔭᕆᐊᓕᖕᓂ ᐃᑲᔪᕈᑎᒃᓴᓂ ᑎᒥᖁᑕᐅᔪᓄᑦ ᐊᐅᓚᑕᐅᔪᒥ ᑕᒪᒃᑭᐅᒪᔪᒥ, ᐃᓚᖓᒍᓪᓘᓐᓃᑦ, ᒐᕙᒪᐅᔪᒥ ᐊᑭᑦᑐᕋᐅᑎᔨᐅᔪᒥ,” ᐅᖃᖅᐳᖅ ᑎᑎᕋᖅᑎᐅᔪᖅ ᐊᒻᒪ ᐃᓕᓐᓂᐊᕐᔪᐊᖅᓯᒪᔪᒥ ᐋᑕᒻ ᓚᔪᓂᔅ, ᑎᑎᕋᖅᑎᐅᖃᑕᐅᔪᖅ 2017–ᒥ ᐅᖃᓕᒫᒐᕐᒥ ᓴᐃᓇᐅᑉ ᐅᑭᐅᖅᑕᖅᑐᒥ ᐱᓕᕆᓂᕐᔪᐊᖑᔪᒪᔪᓂ ᐊᒻᒪ ᖃᓄᖅ ᑐᑭᖃᕐᓂᖏᓐᓂ ᑲᓇᑕᒧᑦ. “ᐱᓕᕆᖃᑎᖃᖅᐳᑎᑦ ᓱᓕ ᒐᕙᒪᓂ ᑎᓕᐅᕆᕙᒃᑐᓂ, ᐱᖁᑎᓕᒫᑦ ᓇᖕᒥᓂᕆᔭᐅᔪᓄᑦ ᐃᓄᓕᒫᓄᑦ ᐃᓄᖕᒥ ᐊᔪᙱᓐᓂᖃᕐᔪᐊᖅᑐᒥ ᓄᓇᐅᔪᒥ ᒪᓕᒐᑎᒍᑦ ᐱᔪᓐᓇᕐᓂᕆᓂᖃᖅᑐᓂ ᐊᒻᒪ ᐊᐅᓚᑦᑎᓂᖃᖅᑐᓂ ᑲᒻᐸᓂᖏᓐᓂ… ᓴᐃᓇ ᐃᔨᕋᖅᑐᕐᓂᖃᓚᐅᙱᓚᖅ ᐱᓕᕆᓂᕆᔪᒪᔭᖏᓐᓂ ᐊᕕᒃᑐᖅᓯᒪᓂᐅᔪᒥ ᐊᔪᙱᓐᓂᖃᕐᓂᐅᔪᒥ ᐊᒻᒪ ᓄᓇᕐᔪᐊᒥ ᐊᔪᙱᓐᓂᖃᕐᓂᐅᔪᒥ, ᐱᓗᐊᖅᑐᒥ ᐅᕘᓇ (ᓴᐃᓃᓯᒃᑯᓐᓂ ᓯᕗᓕᐅᖅᑎᐅᔪᒥ) Xi Jinping–ᒧᑦ.”

Shandong Gold Mining, which is owned by the Chinese government, is in position to purchase Toronto-based TMAC Resources, operators of the Doris North gold mine on the Kitikmeot’s Hope Bay property. “There’s a long-running sort of latent fear of selling strategic resources to an entity which is controlled entirely, or in part, by the government of a competitor,” says author and scholar Adam Lajeunesse.
photo courtesy of TMAC Resources

MMG ᐃᑲᔪᕈᑎᒃᓴᓄᑦ, ᑕᒪᕐᒥᒐᓚᖕᒥ ᓇᖕᒥᓂᕆᔭᐅᔪᖅ ᓴᐃᓃᓯᒃᑯᓐᓂ ᒐᕙᒪᖓᓐᓂ, ᓇᖕᒥᓂᖃᖅᓯᒪᕗᑦ ᓄᓇᕘᑉ Izok ᐊᒻᒪ ᖁᑦᑎᒃᑐᒥ ᑕᓯᕐᒥ ᓯᐊᕐᓇᖓᓄᑦ, ᐊᕿᑦᑐᔮᖅ ᐊᒻᒪ ᑲᓐᓄᔭᕐᒧᑦ ᐅᔭᕋᖕᓂᐊᖅᑕᐅᔪᓄᑦ ᖃᔅᓯᒐᓚᖕᓄᑦ ᐊᕐᕌᒍᓄᑦ, ᑭᓯᐊᓂ ᐊᑭᖏᑦ ᓱᓕ ᖁᑦᑎᓗᐊᖅᐳᑦ ᑐᓂᓯᓂᕐᒧᑦ ᓴᕕᕋᔭᐅᔪᓂ ᓂᐅᕕᐊᒃᓴᐅᔭᖅᑐᕐᓗᑎᒃ.

ᑭᓯᐊᓂ, 2019–ᒥ, ᑲᓇᑕ ᐃᓚᐅᖃᑕᐅᓕᓚᐅᖅᐳᖅ ᔫᓇᐃᑎᑦ ᔅᑕᐃᑦᔅᓂ–ᐊᐅᓚᑕᐅᔪᒥ ᓄᓇᕐᔪᐊᒥ ᑲᑐᔾᔨᓂᐅᔪᒥ ᑐᕌᕐᓂᖃᖅᑐᒥ ᒥᒃᖠᒋᐊᖅᑎᑦᑎᓂᕐᒧᑦ ᐊᑐᓕᒪᓂᐅᔪᒥ ᐱᑕᖃᓗᐊᙱᑦᑐᓂ ᓄᓇᒥᙶᖅᑐᓂ ᐊᐅᓚᑕᐅᕐᔪᐊᖅᑐᓂ ᓴᐃᓇᒧᑦ, ᐱᔾᔪᑎᒃᓴᖃᖅᐳᖅ ᓇᐅᑦᑎᖅᓱᕐᓂᕐᒥ ᓴᐃᓃᓯᒃᑯᓐᓂ ᒎᓗᒥ ᐊᑐᕐᓂᖏᓐᓂᑦᑕᐅᖅ, ᐅᖃᐅᓯᐅᓪᓗᓂ ᓚᔪᓂᔅᒧᑦ. ᐊᑭᑐᔪᓂ ᓴᕕᕋᔭᖕᓂ ᐊᒡᕕᐊᕈᑕᐅᕐᔪᐊᖅᓯᒪᕗᖅ ᓄᓇᕐᔪᐊᒥ ᑮᓇᐅᔭᓄᑦ ᐱᓕᕆᔾᔪᓯᐅᔪᓂ ᑐᙵᕕᖃᑦᑎᐊᙱᑎᓪᓗᒍ ᐊᒻᒪ, ᑕᐃᒪᓐᓇᑎᑐᑦ ᐱᑕᖃᓗᐊᙱᑦᑐᓄᑦ ᓄᓇᒥᙶᖅᑐᓂ, ᒎᓗ ᐊᑐᖅᑕᐅᓲᖑᒋᕗᖅ ᖁᑦᑎᒃᑐᒥ–ᐊᒃᑐᖅᑕᐅᓴᕋᐃᑦᑐᓂ ᓴᓇᔭᐅᕙᖕᓂᐅᔪᓂ ᓄᑖᙳᖅᐸᓪᓕᐊᓂᐅᔪᓄᑦ.

“ᑕᐃᒫᒃ ᓂᐱᖃᖅᑐᖃᐅᖅᐳᖅ ᐅᖃᓪᓚᖕᓂᖃᖅᑐᓂ ᐊᑭᕋᖅᑐᖅᑐᓂ ᐆᒥᖓ ᓂᐅᕕᕐᓂᐅᔪᒥ ᑖᔅᓱᒥᖓ ᑐᙵᕕᖃᕐᓂᐅᔪᒧᑐᐊᖅ,” ᐅᖃᓚᐅᖅᐳᖅ, ᐃᓚᒋᐊᖅᓯᓪᓗᓂ ᓇᓚᐅᑦᑖᕆᓇᓱᒋᐊᕋᔭᙱᓐᓂᖓᓂ ᑲᓇᑕᒥ ᒐᕙᒪᒃᑯᑦ ᐊᖏᙱᓐᓂᐅᔪᒥ Shandong ᒎᓗᒧᑦ ᐃᓇᖏᖅᓯᓇᓱᐊᕐᓂᖓᓂ TMAC ᐃᑲᔪᕈᑎᒃᓴᓄᑦ ᐊᒻᒪᓗ ᑲᑉᐱᕼᐃᓕᖅᑑᖅ ᓇᖕᒥᓂᕆᔭᖓᓐᓂ ᐱᔾᔪᑎᒃᓴᖃᒃᑲᓐᓂᕐᒪᑕ.

“ᒐᕙᒪᒃᑯᑦ ᓵᙵᕗᑦ ᐊᖏᐸᓗᒃᑐᒥ ᐊᔭᐅᖅᑕᐅᓂᐅᔪᒥ ᑐᓂᓯᓂᕐᒧᑦ ᑲᑎᖅᓱᖅᑕᐅᕙᓪᓕᐊᔪᑦ ᑮᓇᐅᔭᑦ ᑐᖅᑯᖅᑕᐅᓯᒪᓪᓗᑎᒃ ᐅᑭᐅᖅᑕᖅᑐᒧᑦ,” ᐅᖃᓚᐅᖅᐳᖅ ᓚᔪᓂᔅ. “ᐅᑭᐅᖅᑕᖅᑐᖅ ᐊᒥᓱᐊᓗᖕᓂ ᐊᑭᑐᔫᑎᓂᒃ ᓄᓇᒥᙶᖅᑐᓂ ᐃᑲᔪᕈᑎᒃᓴᖃᖅᐳᑦ ᑭᓯᐊᓂ ᑐᓂᓯᔪᓐᓇᙱᓐᓇᑦᑕ ᑲᑎᖅᓱᖅᑕᐅᕙᓪᓕᐊᔪᑦ ᑮᓇᐅᔭᑦ ᑐᖅᑯᖅᑕᐅᓯᒪᓪᓗᑎᒃ ᐱᕙᓪᓕᐊᑎᑦᑎᓂᕐᒧᑦ. ᐃᓚᖓᒍᑦ, ᐱᔾᔪᑎᖃᖅᑐᖅ ᑲᓇᑕ ᐊᖏᒡᓕᕙᓪᓕᐊᖏᓐᓇᖅᑐᒥ ᐃᓱᒪᒋᔭᐅᕐᓘᑎᖃᕐᓂᖓᓂ ᑎᑭᐅᑎᒑᖓᑦ ᑲᑎᖅᓱᖅᑕᐅᕙᓪᓕᐊᔪᑦ ᑮᓇᐅᔭᑦ ᑐᖅᑯᖅᑕᐅᓯᒪᓪᓗᑎᒃ ᑎᑭᐅᑎᔭᐅᓂᖓᓂ ᐃᑲᔪᕈᑎᒃᓴᓄᑦ ᐱᕙᓪᓕᐊᑎᑕᐅᓂᖓᓂ, ᑭᓯᐊᓂ ᐊᒻᒪ ᐅᑭᐅᖅᑕᖅᑐᖅ ᐊᑭᑐᔪᒻᒪᕆᐅᓪᓗᓂ ᐃᓂᐅᖕᒪᑦ ᑭᓱᑐᐃᓐᓇᒥ ᐱᕙᓪᓕᐊᑎᑦᑎᓂᕐᒧᑦ.”

ᐱᐅᓯᒋᐊᖅᑎᑦᑎᓂᐅᔪᒥ ᓄᓇᕗᒻᒥᐅᓄᑦ

ᓄᓇᕗᒻᒥ ᐃᓚᒋᔭᐅᔪᖅ ᑲᓇᑕᐅᑉ ᒪᓕᒐᓕᐅᖅᑎᖏᑕ ᒧᒥᓛᖅ ᖃᖅᑲᖅ ᐅᖃᓚᐅᖅᐳᖅ ᐃᓚᖏᓐᓂ ᓯᕗᓪᓕᖅᐸᐅᔪᓂ ᐃᓱᒫᓘᑎᒋᔭᖏᓐᓂ ᓇᓕᐊᑐᐃᓐᓇᐃᑦ ᑎᒥᖁᑕᐅᔪᑦ ᐊᐅᓚᑦᑎᔪᓂ ᓄᓇᕗᒻᒥ ᐱᓕᕆᓪᓗᐊᖅᐳᑦ ᐱᐅᓯᒋᐊᖅᑎᑦᑎᓂᐅᔪᒥ ᓄᓇᕗᒻᒥᐅᓄᑦ.

“ᐃᓄᐃᑦ ᐊᒻᒪ ᓄᓇᕗᒻᒥᐅᑦ ᐃᓚᒋᔭᐅᔭᕆᐊᖃᖅᐳᑦ ᐃᓱᒪᓕᐊᖑᔪᓂ ᐊᒃᑐᐃᓂᖃᓪᓚᕆᒃᑐᒥ ᐃᒻᒥᖕᓂᒃ ᐊᒻᒪ ᓄᓇᓕᖏᓐᓂᑦ,” ᖃᖅᑲᖅ ᐅᖃᓚᐅᖅᐳᖅ. “ᓄᓇᕗᑦ ᐊᖏᔪᒥ ᐃᓄᖕᓂ ᐃᓄᒋᐊᖕᓂᖃᖅᐳᑦ 85 ᐳᓴᓐᑎᐸᓗᖕᒥ. ᐅᖃᐅᓯᐅᓪᓗᓂ ᓄᓇᕗᒻᒥ ᐊᖏᕈᑕᐅᔪᒥ, ᑎᑎᕋᖅᓯᒪᓂᐅᔪᒥ 23–ᒥ, ᐃᖅᑲᓇᐃᔭᖅᑎᓄᑦ ᐃᓂᐅᔪᓂ ᒐᕙᒪᑐᖃᒃᑯᓐᓂ, ᓄᓇᕗᒻᒥ ᒐᕙᒪᐅᔪᓂ ᐊᒻᒪ ᓄᓇᓕᖕᓂ ᑭᒡᓕᐅᔪᓂ ᐃᓄᖕᓂ ᑕᑯᒃᓴᐅᓂᖃᓪᓗᐊᖅᐳᑦ ᑭᒡᒐᖅᑐᐃᓂᐅᔪᒥ ᑭᒡᓕᐅᔪᒥ. ᑕᑯᓪᓗᐊᖅᐳᒍᑦ ᐃᓄᖕᓂ ᐃᓂᐅᔪᓂ ᑕᑯᒃᓴᐅᑎᑦᑎᔪᒥ ᐅᓄᕐᓂᐅᔪᓂ ᐃᓄᖕᓂ ᓄᓇᕗᒻᒥ. ᐅᒃᐱᕈᓱᒃᐳᖓ ᐅᔭᕋᖕᓂᐊᕐᓂᕐᒧᑦ ᑲᒻᐸᓂᐅᔪᑦ ᑕᐃᒪᐃᑦᑕᕆᐊᖃᖅᑎᑕᐅᓪᓗᐊᕆᕗᑦᑕᐅᖅ.”

ᐅᖃᐅᓯᖃᓚᐅᕆᕗᖅ ᐱᔭᕆᐊᖃᕐᓂᐅᔪᒥ ᑲᒻᐸᓂᐅᔪᓂ ᓴᐳᔾᔨᓯᒪᓂᕐᒧᑦ ᐆᒪᔪᓂᑦ ᐊᒻᒪ ᐊᕙᑎᐅᔪᒥ, ᐊᑯᓂᐅᔪᒃᑯᑦ ᑲᑎᖅᓱᖅᑕᐅᕙᓪᓕᐊᔪᑦ ᑮᓇᐅᔭᑦ ᑐᖅᑯᖅᑕᐅᓯᒪᓪᓗᑎᒃ ᐊᒻᒪᓗ ᐃᑲᔪᖅᓱᐃᓂᕐᒥ ᓄᓇᓕᐅᔪᓂᑦ.

ᓄᓇᕘᑉ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᐅᖃᐅᔾᔨᔨᖓ ᑕᓂᔅ ᐹᑐᓴᓐ ᐅᖃᓚᐅᖅᐳᖅ TMAC–ᑯᑦ ᐊᒃᓱᕈᕈᑕᐅᔪᑦ ᐊᐅᓚᑦᑎᓂᕐᒥ ᖃᑭᓂᕐᒧᑦ ᖃᐅᔨᒪᔭᐅᑦᑎᐊᓚᐅᖅᐳᑦ ᐊᒻᒪ ᑲᓇᑕᒥ ᑲᑎᖅᓱᖅᑕᐅᕙᓪᓕᐊᔪᑦ ᑮᓇᐅᔭᓂᑦ ᑐᖅᑯᖅᑕᐅᓯᒪᓪᓗᑎᒃ ᐱᓕᕆᔨᐅᔪᓂ ᓴᖅᑭᓚᐅᙱᓚᑦ. Shandong ᒎᓗ ᖃᔅᓯᒐᓚᖕᓂ ᐱᒻᒪᕆᐅᔪᓂ ᐊᖏᖅᓯᒪᓂᖃᖅᓯᒪᕗᑦ, ᐃᓚᖃᖅᑐᒥ ᐊᑐᕐᓂᖃᖅᑐᒥ ᐊᕐᕌᒍᓄᑦ–20-ᓄᑦ ᐃᓄᖕᓄᑦ ᐃᑲᔫᑎᒃᓴᐅᕙᖕᓂᐊᖅᑐᓄᑦ ᐊᖏᕈᑕᐅᕙᖕᓂᐊᖅᑐᒧᑦ, TMAC–ᑯᑦ ᐊᑎᓕᐅᕆᓚᐅᖅᑐᓄᑦ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖑᔪᓄᑦ (KIA), ᐹᑐᓴᓐ ᐅᖃᓚᐅᖅᐳᖅ.

“ᐊᒥᓱᑎᑐᑦ, ᑐᑭᓯᐅᒪᕗᖓ ᐅᒃᐱᕈᓱᑦᑎᐊᙱᓐᓂᐅᔪᒥ ᐃᓚᐅᖃᑕᐅᓚᐅᖅᑐᒥ ᐱᓂᖓᓂ ᐃᑲᔪᕈᑎᒃᓴᒥ ᓴᐃᓃᓯᒃᑯᓐᓄᑦ ᑎᒥᖁᑕᐅᔪᒧᑦ, ᐱᓗᐊᖅᑐᒥ ᐃᓱᒪᒋᔭᖃᕐᓂᕐᒥ ᒫᓐᓇᐅᔪᒥ ᖃᓄᐃᓕᖓᓂᐅᔪᒥ ᓴᐃᓄ-ᑲᓇᑕᒥ ᐱᓕᕆᖃᑎᒌᖕᓂᐅᔪᒥ ᐊᒻᒪ ᐊᓯᖏᓐᓂ ᐃᓱᒫᓘᑕᐅᔪᓂ ᐊᓯᐊᓂ ᓄᓇᒥ ᑲᑎᖅᓱᖅᑕᐅᕙᓪᓕᐊᔪᑦ ᑮᓇᐅᔭᑦ ᑐᖅᑯᖅᑕᐅᓯᒪᓪᓗᑎᒃ ᐅᔭᕋᖕᓂᐊᕐᓂᕐᒧᑦ ᓄᓇᕗᒻᒥ,” ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᐅᖃᐅᔾᔨᔨᖓ ᐅᖃᓚᐅᖅᐳᖅ. “ᑭᓯᐊᓂ, ᐊᑐᖅᑕᐅᒐᔪᖕᓂᐅᕗᖅ ᐅᔭᕋᖕᓂᐊᕐᓂᕐᒥ ᓄᓇᕗᒻᒥ, ᐅᓗᕆᐊᓇᕐᓂᖅᓴᐅᓪᓗᓂ ᐊᒻᒪ ᐊᑭᑐᓂᖅᓴᐅᓪᓗᓂ ᑲᑎᖅᓱᖅᑕᐅᕙᓪᓕᐊᔪᑦ ᑮᓇᐅᔭᑦ ᑐᖅᑯᖅᑕᐅᓯᒪᓪᓗᑎᒃ ᐱᔾᔪᑎᖃᖅᑐᒥ ᐅᖓᓯᖕᓂᖓᓂ, ᖁᑦᑎᒃᑐᒥ ᐊᑭᐅᔪᓂᑦ ᐊᒻᒪ ᐱᑕᖃᙱᓗᐊᕐᓂᖓᓂ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ, ᐊᓯᐊᓂ ᓄᓇᓂ ᑲᑎᖅᓱᖅᑕᐅᕙᓪᓕᐊᔪᑦ ᑮᓇᐅᔭᑦ ᑐᖅᑯᖅᑕᐅᓯᒪᓪᓗᑎᒃ ᑕᑯᒃᓴᐅᓂᖃᖅᐳᑦ ᐱᔭᕆᐊᖃᕐᓂᐅᔪᒥ ᐱᒋᐊᖅᑎᑦᑎᓂᕐᒧᑦ ᐊᒥᓱᓂ ᐱᓕᕆᐊᒃᓴᐅᔪᓂ ᐅᑭᐅᖅᑕᖅᑐᒥ: Rio Tinto ᐊᒻᒪ DeBeers ᐅᔭᖅᑲᓂᒃ ᑎᓯᓂᖅᐹᓂᒃ, ArcelorMittal ᓴᕕᕋᔭᒃᓴᒥ, ᐊᒻᒪ MMG ᐊᕿᑦᑐᔮᕐᒧᑦ ᐊᒻᒪ ᓯᐊᕐᓇᕐᒧᑦ.

“ᐃᓱᒫᓘᑎᒃᓴᖃᙱᒃᑯᑎᒃ ᓴᖅᑭᑎᑕᐅᔪᓂ ᑲᓇᑕᒥ ᐊᒻᒪ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂ ᕿᒥᕈᔭᐅᓂᖓᓂ ᐱᓕᕆᓂᐅᔪᒥ, ᖃᓄᐃᓐᓇᔭᙱᓚᖓ ᐃᑲᔪᖅᓱᐃᓂᕐᒥ ᐆᒥᖓ ᐱᓇᓱᐊᕐᓂᐅᔪᒥ.”
ᓄᓇᕗᒻᒥ ᑐᙵᕕᒃᑯᑦ ᐅᖃᕈᒪᓚᐅᙱᓚᑦ ᐆᒧᖓ ᐊᑲᐅᙱᓕᐅᕈᑕᐅᔪᒧᑦ.

Advertisement

Derek Neary has been reporting on developments in the North for 18 years. When he's not writing for Nunavut News, he's working on Northern News Services' special publications such as Opportunities North,...

Leave a comment

Your email address will not be published. Required fields are marked *