ᑐᖓᓕᖓᓂ ᐃᓕᓴᖅᑏᑦ ᐃᓕᓴᖅᑕᐅᓚᐅᕐᒪᑕ ᐆᒃᑐᕋᖅᑎᑕᐅᓪᓗᑎᒃ ᖃᓄᐃᒃᑲᔭᕆᐊᖓᓂᒃ ᓯᓚᕐᔪᐊᒥ ᐊᓂᕐᓂᖃᕐᓇᖏᑦᑐᒥ ᑕᒪᑐᒪᓂᓴᐃᓐᓇᖅ ᓄᑲᖅᖡᑦ ᐃᓕᓴᖅᑏᑦ ᑐᖓᓕᖓᓂ ᐃᓕᓴᖅᑕᐅᓪᓗᑎᒃ ᖃᓄᐃᒃᑲᔭᕆᐊᖓᓂᒃ ᐃᒪᕐᒧᑦ ᐃᑯᒪᖅᑯᑎᖃᓕᖅᐸᑕ ᓯᓚᑦᑐᒃᓴᐅᑎᓂᒃ ᐃᓕᓴᖅᑎᓪᓗᒋᑦ ᐅᕐᓱᖅᑑᒥ ᕖᕗᐊᕆ 20−ᒥ 21−ᒥᓗ.
ᒪᕐᕉᒃ ᐃᓕᓴᐃᔩᒃ Actua-ᑯᓐᓂᑦ ᑎᑭᓯᒪᓚᐅᕐᒪᑕ ᑖᒃᑯᐊ ᑮᓇᐅᔭᒃᓴᕋᓱᐊᕋᑎᒃ ᑎᒥᖁᑎᒋᔭᐅᔪᑦ ᑲᑐᔾᔨᖃᑎᒌᒃᑐᓄᑦ ᓯᓚᑦᑐᒃᓴᕐᕕᒃᔪᐊᒥ ᐃᓕᓴᕐᕕᓂᓗ ᐱᒃᑯᒥᓵᕆᓕᐅᓪᓗᑎᒃ ᓯᓚᑦᑐᒃᓴᐅᑎᓂᒃ ᑲᓇᑕᒥ – ᐊᖏᕐᕋᖃᖅᑐᑦ ᐊᓐᑎᐅᕆᐅᒥ ᐃᓕᓴᐃᔨᐅᖃᑦᑕᖅᑐᑦ ᑕᒪᑐᒪᓂ ᐃᓕᓴᕐᕕᐊᓂ. ᐃᓚᖓᓂᑦᑕᐅᖅ ᐃᓕᓴᐃᒋᐊᖅᑐᓚᐅᕐᒥᔪᑦ ᒥᑭᓐᓂᖅᓴᓄᑦ ᐃᓕᓴᖅᑎᓄᑦ ᖁᖅᓲᓐ ᐃᓕᕼᐊᕐᕕᐊᓂ.

ᓴᐅᒥᐊᓂᑦ ᐱᒋᐊᕐᓗᒍ ᒪᐃᑯᓪ ᒪᕆᒃ, ᔪᓯᐱ ᒌ ᐊᒻᒪᓗ ᑰᑎ ᖁᕕᒃ ᐃᖏᕐᕋᑎᑦᑎᖑᐊᖅᑐᑦ ᖃᕆᑕᐅᔭᑦ ᑎᑎᕋᐅᑎᖓᒍᑦ ᓴᓇᔭᐅᓯᒪᔪᒥᒃ ᓯᓚᕐᔪᐊᒃᑯᑦ, ᓴᓂᖅᑯᖓᒎᖅᐸᒃᖢᑎᒃ ᐅᔭᕋᓱᕐᔪᕈᓗᐃᑦ, ᑖᕗᖓ ᐊᓯᐊᓄᑦ ᓄᓇᕐᔪᐊᒧᑦ ᐃᖏᕐᕋᓪᓗᑎᒃ. ᐃᓕᓴᖅᑏᑦ ᓴᓇᓚᐅᕐᒥᔪᑦ “Canadarm”-ᖑᐊᒥᕐ – ᐅᖓᓯᒃᑐᒥᑦ ᐊᐅᓚᑕᐅᔪᓐᓇᖅᑐᒥᒃ ᓯᓚᕐᔪᐊᒧᑦ ᖁᕝᕙᖅᑎᑕᐅᓯᒪᔪᒥ – ᒪᕐᕉᖕᓂᒃ ᐊᐅᒃᑕᔫᓂᒃ ᐃᒥᕈᑎᓂᒃ ᐊᑐᖅᖢᑎᒃ, ᐱᖑᓱᓂᒃᓗ ᐃᕙᓗᑯᓗᖕᓂᒃ ᓂᐱᑦᑕᐅᑎᒥᒃᓗ.

ᓴᐅᒥᐊᓂᑦ ᐱᒋᐊᕐᓗᒍ, ᕿᑭᖅᑕᖅ ᐃᓕᕼᐊᕐᕕᐊᓂ ᐃᓕᓴᖅᑎ ᓵᑦ ᐃᑦᑐᓗᒃ, ᐄᑕᓐ ᐃᖁᐊᖅ, ᐳᐊᓯ ᐃᒃᑯᑎᖢᒃ, ᐆᓪ ᐊᖁᐊᖅ ᐊᒻᒪᓗ ᓗᐃᔅ ᑲᓘᓐ ᖃᕆᑕᐅᔭᒥᒃ ᐊᑐᖅᖢᑎᒃ ᓄᓇᒃᑰᔫᒥᒃ ᐊᐅᓚᑎᑦᑎᓚᐅᖅᑐᑦ ᐊᓯᐊᓂ ᓄᓇᕐᔪᐊᖑᐊᒥ ᒫᓯᒥ. ᓈᓴᐅᓯᕆᓂᕐᒥᒃᑕᐅᖅ ᐆᒃᑐᕋᓱᐊᓚᐅᕐᒥᔪᑦ.

ᒪᓚᐃᓇ ᕿᖕᓂᖅᑐᖅ ᐊᒻᒪᓗ ᐋᓕᐊ ᐊᒡᓗᑲᖅ ᖃᕆᑕᐅᔭᑎᒍᑦ ᓴᓇᖅᑯᑎᓕᐅᖅᑐᑦ ᐆᒃᑐᕋᑲᑕᒃᖢᑎᒃ ᐋᕿᒃᓱᐃᓚᐅᕐᒪᑕ ᑕᒪᑐᒪᓂ Actua-ᑯᑦ ᑎᑭᓯᒪᑎᓪᓗᒋᑦ ᓯᓚᑦᑐᒃᓴᐅᑎᓂᒃ ᐱᓕᕆᑎᑦᑎᓚᐅᕐᒪᑕ ᕿᑭᖅᑕᖅ ᐃᓕᕼᐊᕐᕕᐊᓂ ᐅᕐᓱᖅᑑᒥ, ᕖᕗᐊᕆ 20−21-ᒥ.

 

Advertisement

Derek Neary has been reporting on developments in the North for 18 years. When he's not writing for Nunavut News, he's working on Northern News Services' special publications such as Opportunities North,...