ᓇᖕᒥᓂᕆᔭᐅᔪᖅ ᓴᖅᑭᑉᐳᖅ ᑕᖅᑑᔭᕐᓂᑦ

589

ᑳᐱᑦᑎᐊᖅ ᑳᐱ, ᐱᓕᕆᐊᖑᔪᖅ ᕿᑎᕐᒥᐅᑦ ᐃᑦᑕᕐᓂᓴᓕᕆᔨᓂᑦ ᑲᑐᔾᔨᖃᑎᒌᖑᔪᓄᑦ ᓴᓇᓯᒪᔪᓂ ᑕᖅᑑᔭᕐᓂ ᓂᐅᕕᖅᑕᐅᔪᓂ ᐱᕉᒥ, ᐆᒃᑐᖅᑕᐅᓚᐅᖅᐳᑦ ᓄᓇᓕᖕᓂ ᓴᖅᑭᑎᑕᐅᓂᐅᔪᒥ ᖁᕕᐊᓱᒍᑕᐅᔪᒥ ᔭᓄᐊᕆ 27-ᒥ.

ᓴᓇᔭᐅᓯᒪᔪᑦ ᓂᐅᕕᕐᕕᖕᓂ ᖁᓕᕈᐊᖓᓐᓃᓐᓂᐊᖅᑐᒃᓴᐅᕗᑦ ᑕᖅᑭᐅᑉ ᓄᙳᐊᓂ, ᐅᖃᓚᐅᖅᐳᖅ ᐳᕋᓐᑕᓐ ᒍᕇᐳᓪ, ᖃᐅᔨᓴᐃᓂᕐᒧᑦ ᐃᓚᒋᔭᐅᔪᒥ ᑲᑐᔾᔨᖃᑎᒌᖑᔪᓄᑦ.

ᒫᓐᓇᐅᔪᒥ, ᑲᑐᔾᔨᖃᑎᒌᖑᔪᑦ ᐱᓕᕆᓂᖃᖅᐳᑦ ᖃᕋᓴᐅᔭᑎᒍᑦ ᓂᐅᕕᐊᒃᓴᓂ ᐊᑐᐃᓐᓇᙳᖅᑎᑦᑎᓂᕐᒧᑦ. ᐃᓗᐃᑦᑐᑦ ᑳᐱᒃᓴᐃᑦ ᐊᒻᒪ ᐆᑦᑎᓯᒪᕙᒌᖅᑐᑦ ᐊᑐᐃᓐᓇᐅᑎᑕᐅᓂᐊᖅᐳᑦ: ᖃᔭᖅ ᑳᐱᐊ (ᕿᑎᖅᐸᓯᐊᓂ ᐆᑦᑎᓯᒪᔪᑦ), ᐃᓄᒃᕼᐅᒃ ᑳᐱᐊ (ᓴᙱᔪᖅ ᐆᑦᑎᓯᒪᔪᖅ), ᐊᒻᒪ ᐃᒡᓗ ᑳᐱᐊ (ᓴᙱᓛᖑᔪᖅ) ᐊᑕᐅᓯᕐᒥᐸᐅᓐᓂ ᐴᖑᔪᓂᑦ ᐅᕝᕙᓘᓐᓃᑦ K-cups-ᓄᑦ.

ᖃᔅᓯᒐᓚᐃᑦ ᓂᕆᕝᕕᐅᔪᑦ ᐊᒻᒪ ᖃᓄᐃᓐᓂᐅᔪᑦ ᐅᖃᖅᓯᒪᒋᕗᑦ ᑖᒃᑯᓇᓂ ᑳᐱᑐᖅᑎᑦᑎᖃᑦᑕᕐᓂᕐᒧᑦ, ᒍᕇᐳᓪ ᐃᓚᒋᐊᖅᓯᓚᐅᖅᐳᖅ. ᐱᒋᐊᕈᑕᐅᔪᖅ ᐃᑲᔪᕐᓂᖃᕐᓂᐊᖅᐳᖅ ᑮᓇᐅᔾᔭᒐᓱᙱᑦᑐᓄᑦ ᕿᑎᕐᒥᐅᑦ ᐃᑦᑕᕐᓂᓴᓕᕆᔨᒃᑯᓐᓂ ᑲᑐᔾᔨᖃᑎᒌᖑᔪᓄᑦ ᐊᑭᓖᓂᖏᓐᓂ ᐊᑭᐅᔪᓂ ᐃᓚᒋᔭᐅᔪᓂ ᐱᓕᕆᐊᕆᕙᒃᑕᒥᓂᑦ.

ᐳᕋᓐᑕᓐ ᒍᕇᐳᓪ ᕿᑎᕐᒥᐅᑦ ᐃᑦᑕᕐᓂᓴᓕᕆᔨᒃᑯᓐᓂ ᑲᑐᔾᔨᖃᑎᒌᖑᔪᓂ ᑕᑯᑎᑦᑎᕗᖅ ᑳᐱᒥ ᓯᕗᓪᓕᖅᐹᒥ ᐃᓄᑐᖃᕐᓄᑦ ᐋᓐ ᐅᐃᖕᓂᒃᒧᑦ ᐊᒻᒪ ᐋᓂ ᐊᑎᒡᕼᐃᐅᔭᕐᒧᑦ.
ᓴᐅᒥᖕᒥ, ᐋᓐ ᐅᐃᖕᓂᒃᒧᑦ, ᐋᓂ ᐊᑎᒡᕼᐃᐅᔭᕐᒧᑦ, ᐹᒥᓚ ᒍᕉᔅ, ᐸᓯ ᐅᒥᐅᓪᒍᐃᑦᑐᖅ ᐊᒻᒪ ᒪᐃᐳᓪ ᐃᑎᒋᒃ ᐆᒃᑐᖅᐳᑦ ᑳᐱᑦᑎᐊᖅ ᑳᐱᒥ ᔭᓄᐊᕆ 25-ᒥ, ᓯᕗᓂᐊᓂ ᓄᓇᓕᖕᓄᑦ ᓴᖅᑭᑎᑕᐅᓂᖓᓄᑦ ᐱᓕᕆᐊᖑᓚᐅᖅᑐᒥ ᔭᓄᐊᕆ 27-ᒥ.
ᐃᒧᑐᖃᖅ ᑕᐃᕕᑦ ᐊᒪᒐᐃᓂᒃ ᒪᒪᑕᒃᐳᖅ ᑎᐱᖓᓂ ᑳᐱᑦᑎᐊᖅ ᑳᐱᒥᑦ, ᓂᐅᕕᐊᒃᓴᙳᓪᓚᕆᓚᐅᖅᑐᒥ ᔭᓄᐊᕆ 27-ᒥ.
ᒪᐃᐳᓪ ᐃᑎᒋᒃ ᐊᑎᙳᐊᖅᐳᖅ ᓄᑖᖑᔪᒥ ᑳᐱᑦᑎᐊᖅ ᓇᓴᓕᖓᓂ ᑳᐱᒧᑦ ᓴᖅᑭᑎᑕᐅᓂᖓᓂ ᖁᕕᐊᓱᒍᑕᐅᔪᒥ ᐃᖃᓗᒃᑑᑦᑎᐊᕐᒥ.
ᔫᓕᐊ ᐅᔩᓇ ᖁᕕᐊᖦᖢᓂ ᑕᑯᒃᓴᐅᑎᑦᑎᕗᖅ ᓄᑖᖑᔪᒥ ᑳᐱᑦᑎᐊᖅ ᐴᖓᓂ.