ᓇᓄᕐᓂ ᑐᖂᖅᑎᓂᐅᔪᓂ ᓴᖅᑭᑎᑦᑎᕗᖅ ᐊᑭᕋᖅᑑᑎᓂᐅᔪᒥ

by Cody Punter- August 9, 2018

ᑐᖂᑦᑎᓂᐅᔪᒥ ᑕᓪᓕᒪᓂ ᓇᓄᕐᓂ ᐊᕐᕕᐊᑦ ᖃᓂᒋᔭᖓᓂ ᒫᓐᓇᓕᓴᓂ ᐱᓇᓱᐊᕈᓯᐅᔪᓂ ᓵᖅᑭᑎᑦᑎᓯᒪᕗᖅ ᐊᑭᕋᖅᑑᑎᐅᓂᐅᔪᒥ ᖃᓄᖅ ᐅᓄᕐᓂᖏᓐᓂ ᐊᐅᓚᑕᐅᓪᓗᐊᕐᓂᖏᓐᓂ.

ᑐᖁᑕᐅᔪᑦ ᓇᓄᐃᑦ ᕿᒪᒃᑕᐅᓚᐅᖅᐳᑦ ᐊᖑᓇᓱᒐᒃᓴᓕᐊᖑᙱᖦᖢᑎᒃ ᐊᒻᒪ ᐊᖑᓇᓱᒃᑏᑦ ᐊᑐᐊᓂᒃᓯᒪᓕᖅᐳᑦ ᑕᒪᕐᒥᒃ ᓇᓐᓄᒍᓐᓇᐅᑎᓂᑦ ᑐᓂᔭᐅᓯᒪᔪᓄᑦ ᑭᕙᓪᓕᕐᒧᑦ ᐊᕕᒃᓯᒪᓂᐅᔪᒥ ᕿᓚᒻᒥᐅᓂᖅᓴᒥ ᑕᒪᑐᒪᓂ ᐊᕐᕌᒎᔪᒥ, ᑕᒪᓐᓇ ᑐᑭᖃᖅᐳᖅ ᓇᓄᐃᑦ ᖁᑭᖅᑕᐅᓚᐅᖅᐳᑦ ᐱᕋᔭᖕᓂᒃᑯᑦ.

ᑕᓪᓕᒪᑦ ᓇᓄᐃᑦ ᑐᖁᑕᐅᓯᒪᓕᖅᐳᑦ ᐊᕐᕕᐊᓂ ᒫᓐᓇᓕᓴᓂ ᐱᓇᓱᐊᕈᓯᐅᔪᓂ ᒪᓕᓚᐅᖅᑐᒥ ᑐᖁᓂᐅᔪᒥ ᐃᐊᕆᓐ ᒋᐱᓐᔅᒥ ᑐᖁᓚᐅᖅᑐᒥ ᓴᐳᔾᔨᓯᒪᓇᓱᖕᓂᕐᒧᑦ ᕿᑐᙵᒥᓂᑦ ᑕᖅᑭᐅᓚᐅᖅᑐᒥ.
Five polar bears have been killed in Arviat in recent weeks following the death of Aaron Gibbons who died protecting his children from an attack last month. The kills exceed the quota for the Kivalliq region and are currently being investigated by Nunavut’s Department of Environment. NNSL file photo

ᑐᑰᑦᑎᓂᖃᖅᐳᑦ ᖃᔅᓯᐊᕐᔪᖕᓂ ᐱᓇᓱᐊᕈᓯᐅᓚᐅᖅᑐᓂ ᐃᐊᕆᓐ ᒋᐱᓐᔅ ᑐᖁᓚᐅᖅᑎᓪᓗᒍ ᓴᐳᔾᔨᓯᒪᓇᓱᐊᖅᑎᓪᓗᒍ ᕿᑐᙵᒥᓂᑦ ᓇᓄᕐᒥ ᐹᖅᓯᓂᐅᔪᒥ ᓴᓐᑐᕆ ᕿᑭᖅᑕᖓᓂ ᓄᓇᓕᐅᑉ ᖃᓂᒋᔭᖓᓂ. ᑕᐃᓐᓇ ᓇᓄᖅ ᐊᑕᐅᓯᐅᕗᖅ ᑕᓪᓕᒪᓂ ᑐᖁᑕᐅᔪᓄᑦ.

ᐹᓪ ᐃᕐᙵᐅᑦ, ᑐᑭᒧᐊᒃᑎᑦᑎᔨ ᐆᒪᔪᓕᕆᔨᒃᑯᓐᓂ ᐊᒻᒪ ᐊᕙᑎᓕᕆᓂᕐᒧᑦ ᐱᓕᕆᕕᐅᔪᒥ ᓄᓇᕗᒻᒥ ᑐᙵᕕᒃᑯᓐᓂ, ᐅᖃᓚᐅᖅᐳᖅ ᑐᑭᓯᓇᖅᐳᖅ ᖃᓄᐃᒻᒪᑦ ᓇᓄᐃᑦ ᑐᖁᑕᐅᕋᕐᓂᖏᓐᓂ ᐊᕐᕕᐊᓂᑦ ᑕᐅᑐᒃᖢᒍ ᐱᓂᕐᓗᕐᔪᐊᕐᓂᐅᓚᐅᖅᑐᒥ ᖃᓄᐃᓐᓂᐅᓚᐅᖅᑐᒥ.

ᐱᓕᕆᓂᑐᐃᓐᓇᐅᕗᖅ ᓇᓕᐊᑐᐃᓐᓇᒥ ᓄᓇᓕᐅᔪᒥ ᖃᓄᐃᓕᐅᕐᓂᖏᓐᓄᑦ,” ᐅᖃᓚᐅᖅᐳᖅ. “ᐃᒃᐱᒍᓱᖃᑎᒋᕙᕗᑦ ᓄᓇᓕᐅᔪᑦ ᐊᒻᒪ ᖃᐅᔨᒪᕗᒍᑦ ᐋᓐᓂᐊᕐᓂᖏᓐᓂ ᐊᒻᒪᓗ ᐃᑲᔪᖅᓱᐃᕕᒡᔪᐊᖅᐳᒍᑦ.”

ᐊᕐᕕᐊᑦ ᒪᐃᔭᐅᑉ ᑐᖏᓕᖓ ᐳᕋᐃᔭᓐ ᐊᒡᓘᒃᑲᖅ ᐊᖓᔪᒃᖠᖅ ᓂᓪᓕᕋᔪᒃᑑᓪᓗᓂ ᐊᑭᕋᖅᑐᖅᑎᐅᓯᒪᕗᖅ ᒐᕙᒪᐅᔪᑦ ᑐᕌᒐᕆᓇᓱᐊᖅᑕᖓᓐᓂ ᓇᓄᕐᓄᑦ ᐊᐅᓚᑕᐅᓂᖏᓐᓄᑦ ᑕᐃᒪᙵᓂ ᒋᐱᓐᔅ ᑐᖁᓚᐅᖅᑎᓪᓗᒍ.ᕙᐃᔅᐳᒃᑯᑦ ᑎᑎᕋᖅᑕᐅᓂᐅᔪᒥ ᔪᓚᐃ 31-ᒥ, ᖃᐃᖁᔨᓚᐅᖅᐳᖅ ᐊᕐᕕᐊᑦ ᐅᐊᖕᓇᖓᓂ-ᑕᓗᕐᔪᐊᒧᑦ ᒪᓕᒐᓕᐅᖅᑎᖓᓄᑦ ᔮᓐ ᒪᐃᓐᒥ ᐅᖃᓪᓚᒃᐸᓪᓕᐊᖁᓪᓗᓂᐅᒃ ᒪᓕᒐᓕᐅᖅᑎᐅᖃᑎᒥᓂᑦ ᐊᑲᐅᙱᓕᐅᕈᑕᐅᔪᒧᑦ.

ᐊᒡᓘᒃᑲᖅ ᑕᐅᑐᓚᐅᖅᐳᖅ ᐹᖅᓯᓂᐅᔪᒥ ᒋᐱᓐᔅᒧᑦ ᐊᒻᒪᓗ ᐆᒻᒪᖅᑎᑦᑎᓇᓱᐊᖃᑕᐅᓚᐅᖅᐳᖅ ᖃᔅᓯᒐᓚᖕᓂ ᐃᓄᖕᓂ ᐃᓂᐅᔪᒥᑦ.

ᐊᒡᓘᒃᑲᖅ ᓇᓂᔭᐅᔪᓐᓇᓚᐅᙱᓚᖅ ᐅᖃᐅᓯᒃᓴᖏᓐᓄᑦ. ᑭᓯᐊᓂ ᐃᓄᓕᒫᓄᑦ ᕙᐃᔅᐳᒃᑯᑦ ᑎᑎᕋᕐᓂᐅᔪᒥ ᔪᓚᐃ 7-ᒥ, ᐱᓚᐅᖅᑐᒥ 76-ᓂ ᐱᐅᒋᔭᐅᓂᐅᔪᓂ, ᐊᒡᓘᒃᑲᖅ ᐃᑲᔪᖅᓱᐃᓂᖃᓚᐅᖅᐳᖅ ᑐᖂᑦᑎᓂᕐᓂ ᓇᓄᕐᓂ ᐊᖑᓇᓱᒐᒃᓴᓕᐊᖑᙱᓪᓗᑎᒃ.

ᐱᑕᖃᙱᓐᓂᖓᓂ ᐱᓕᕆᔾᔪᓯᐅᔪᒥ ᓴᐳᔾᔨᓯᒪᔪᓄᑦ ᐃᓄᖕᓂ, ᐃᓅᓯᕐᒥ ᐱᖅᑯᓯᑐᖃᐅᕗᖅ, ᐹᖅᓯᒍᒪ ᓇᓄᕐᒥ ᑕᖕᒫᖅᑎᓪᓗᖓ, ᓄᓇᕕᒋᐊᖅᓯᒪᑎᓪᓗᖓ, ᐃᖃᓪᓕᐊᕐᓗᖓ, ᐊᖑᓇᓱᒡᓗᖓ ᐆᒪᔪᒥᑦ ᐱᐅᔨᒥᓪᓘᓐᓃᑦ, ᐅᒡᒍᐊᕐᓇᖓ, ᐸᓯᔭᐅᓂᕐᒧᑦ ᐃᓱᒪᓇᖓ ᐃᓱᒫᓗᖕᓇᖓᓗ ᐊᐅᓚᑕᐅᓂᕐᒧᑦ ᐱᓕᕆᔾᔪᓯᐅᔪᓂᑦ ᐃᓕᓯᒪᔪᓂ-ᑐᖁᓐᓂᐊᖅᐸᕋ ᓇᓄᖅ ᐊᒻᒪ ᕿᒪᒡᓗᒍ ᑎᒥᖓ ᑲᑕᖕᓂᖓᓂ,” ᐅᖃᖅᓯᒪᕗᖅ ᑎᑎᕋᖅᓯᒪᓂᐅᔪᒥ.

ᖃᕋᓴᐅᔭᑎᒍᑦ ᑎᑎᕋᖅᑕᐅᓂᐅᔪᒥ ᑭᕙᓪᓕᕐᒥ ᓂᐱᖓᓐᓄᑦ ᐊᑐᐊᒐᕐᓄᑦ ᖃᐅᔨᓴᖅᑎᒻᒪᕆᐅᔪᒧᑦ ᔮᓇᑕᓐ ᐱᓐ, ᐅᖃᓚᐅᖅᐳᖅ ᐱᓕᕆᕕᐅᔪᖅ ᐱᓕᕆᖃᑎᖃᖅᐳᖅ ᐊᕐᕕᐊᓂ ᐊᖑᓇᓱᒃᑐᓕᕆᔨᒃᑯᑦ ᒥᑭᒋᐊᕐᓂᐊᖅᑎᓪᓗ ᑲᑐᔾᔨᖃᑎᒌᖑᔪᓄᑦ (HTO), “ᐱᑎᑦᑎᑦᑕᐃᓕᒪᓂᕐᒧᑦ ᐱᕋᔭᖕᓂᒃᑯᑦ ᑐᖂᖅᑎᓂᐅᔪᓂ ᓇᓄᕐᓂᑦ.”

ᓯᕗᓂᐊᓂ ᐊᕐᕌᒍᒥ, ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ ᐊᐅᓄᖅᓯᒋᐊᖅᓯᓚᐅᖅᐳᑦ ᓇᓐᓄᒐᒃᓴᐅᔪᓂᑦ 34-ᓄᑦ ᓇᓄᕐᓂᑦ 28-ᓂ, ᐊᒻᒪᓗ ᑕᑯᔪᒪᓇᔭᖅᐳᖓ ᐅᓄᕐᓂᐅᔪᖅ ᐅᓄᖅᓯᕚᓪᓕᒃᑲᓐᓂᕐᓂᖓᓂ, ᐅᖃᓚᐅᖅᐳᖅ ᐃᕐᙵᐅᑦ.

ᐃᑲᔪᖅᓱᐃᓂᖃᖅᓯᒪᕗᒍᑦ ᐊᖑᓇᓱᒃᑐᓕᕆᔨᒃᑯᑦ ᒥᑭᒋᐊᕐᓂᐊᖅᑎᓪᓗ ᑲᑐᔾᔨᖃᑎᒌᖑᔪᓄᑦ, ᑐᒃᓯᕋᖅᓯᒪᓪᓗᑕ ᐊᒻᒪᓗ ᐃᑲᔪᖅᓱᐃᖏᓐᓇᖅᓯᒪᕗᒍᑦ ᓄᓇᓕᐅᔪᓂ ᐅᓄᖅᓯᒋᐊᖁᔨᓂᐅᔪᒥ,” ᐅᖃᓚᐅᖅᐳᖅ.

ᑕᐃᔅᓱᒪᓂ, ᓄᓇᕗᒻᒥ ᒐᕙᒪᒃᑯᑦ ᑐᒃᓯᕋᓚᐅᖅᐳᑦ ᑰᑕᖓᓂ 28-ᒥᖏᓐᓇᖁᔭᐅᓪᓗᓂ ᓄᓇᕗᒻᒥ ᓇᓄᕐᓄᑦ ᐅᓄᕐᓂᖏᑦ ᑲᑕᓚᐅᕐᒪᑕ 842-ᓄᑦ ᓇᓄᕐᓄᑦ 2016-ᒥ, ᑲᑕᖕᓂᐅᔪᒥ 1,030-ᓂ 2011-ᒥ. ᐊᐅᓚᑦᑎᓂᕐᒧᑦ ᐸᕐᓇᐅᑎᖓ ᑭᕙᓪᓕᖅᐅᑉ ᓇᓄᕐᓄᑦ ᐅᓄᕐᓂᖏᓐᓄᑦ ᒫᓐᓇᐅᔪᒥ ᕿᒥᕐᕈᔭᐅᕗᑦ.

 

Leave a Comment: