ᓇᐅᔮᓂᑦ ᐃᒐᕕᖓ ᑐᓂᓯᓲᖑᕗᑦ ᐆᑦᑎᔭᐅᓵᖅᑐᓂ ᐸᓚᐅᒑᓂᑦ ᐊᒻᒪ ᒪᒪᖅᑐᓂ ᐸᐃᔅᑐᕆᓂᑦ

1077

ᓇᐅᔮᑦ ᐃᓚᒋᔭᐅᔪᓄᑦ ᑯᐊᐸᒃᑯᓐᓂ ᓂᐅᕕᕐᕕᑐᐊᖑᕗᖅ ᓄᓇᕗᒻᒥ ᓇᖕᒥᓂᓕᖕᒥ ᐃᒐᕕᖕᒥ, ᐊᒻᒪᓗ ᓯᐊᕈᓪ ᓯᐅᓴᕐᓈᖅ ᐃᒐᔨᐅᕗᖅ.

“ᓯᐊᕈᓪ ᐃᒐᔨᓪᓗᐊᑕᐅᕗᖅ, ᐊᒻᒪ ᑲᐃᒃᓂ ᑕᖅᓯᖅᓱᐃᔨᐅᕗᖅ. ᐅᕙᓂ ᑲᐃᒃᓕᐅᓲᖑᒋᕗᒍᑦ, ᐊᒻᒪ ᐊᔪᙱᓐᓂᓕᖓᓗᒃ ᑕᑯᓚᐅᖅᓯᒪᙱᑕᓐᓂ ᐅᑭᐅᖅᑕᖅᑐᒥ ᑲᐃᒃᓕᐅᕐᓂᕐᒧᑦ. ᐊᔪᙱᑦᑐᕐᔪᐊᕌᓘᕗᖅ ᐊᕐᓇᐅᓪᓗᓂ,” ᐅᖃᓚᐅᖅᐳᖅ ᐊᐅᓚᑦᑎᔨᐅᔪᖅ ᑐᕈᐊᐃ ᓚᐸᓛᖕ.

ᓯᐊᕈᓪ ᓯᐅᓴᕐᓈᖅ ᓇᐅᔮᓂ ᑯᐊᐸᒃᑯᓐᓂ ᓄᓇᓕᖕᒥᐅᑕᐅᓪᓗᓂ ᐃᒐᔨᐅᓕᖅᐳᖅ, ᐱᓕᕆᒃᑳᓘᓪᓗᓂ ᓴᓇᖁᔭᐅᔪᓄᑦ-ᑕᖅᓯᖅᓱᖅᓯᒪᔪᓄᑦ ᑲᐃᒃᓂ ᓄᓇᓕᖕᓄᑦ.
Cheryl Siusangnark is the Naujaat Co-op resident baker, who also specializes in custom-decorated cakes for the community.

ᓯᐅᓴᕐᓈᖅ, ᐃᒻᒥᓂ-ᐃᓕᑦᑎᓂᑰᔪᖅ ᑲᐃᒃᓂ ᑕᖅᓯᖅᓱᐃᔨ, ᐊᖏᓚᐅᖅᐳᖅ ᑭᐅᓂᖓᓂ ᖃᔅᓯᐊᕐᔪᓂᑦ ᐊᐱᖅᑯᑎᑦᑎᓐᓂ ᖃᕋᓴᐅᔭᑎᒍᑦ ᑎᑎᕋᕐᓂᒃᑯᑦ.

ᖁᕕᐊᒋᔭᖃᕐᓂᖓᓂ ᐃᒐᓂᕐᒧᑦ ᐊᒻᒪ ᑲᐃᒃᓂ ᑕᖅᓯᖅᓱᐃᓂᕐᒥ ᐱᔪᒪᓕᖅᑎᑦᑎᓚᐅᖅᐳᖅ ᐃᖅᑲᓇᐃᔮᖑᔪᒧᑦ.

“ᐅᓪᓘᔪᒥ ᓴᓇᔪᒪᓕᓚᐅᖅᐳᖓ ᑲᐃᒃᒥ ᐊᒻᒪ ᑕᖅᓯᖅᓱᕐᓗᒍ ᑲᓇᑕᒥ ᕼᐋᑭᖅᑎᐅᔪᓄᑦ ᑕᖅᓴᖓᓂ, ᐅᔾᔨᕆᓕᖅᖢᖓ ᖁᕕᐊᒋᑦᑎᐊᕐᓂᓐᓂ ᐊᒻᒪ ᑕᐃᒪᙵᓂ ᐱᓕᕆᐊᕆᕙᕋ. ᐃᒐᒐᔪᓚᐅᖅᐳᖓ ᓯᕗᓂᐊᓂ ᐊᒻᒪ ᑕᒪᓐᓇ ᐱᔾᔪᑎᒋᒃᑲᓐᓂᖅᖢᓂᐅᒃ ᐃᖅᑲᓇᐃᔭᕈᒪᓚᐅᕐᓂᓐᓂ ᐃᒐᕕᖕᒥ,” ᓯᐅᓴᕐᓈᖅ ᐅᖃᓚᐅᖅᐳᖅ.

ᓚᐸᓛᖕᒃ ᐅᓂᒃᑳᓚᐅᖅᐳᖅ ᑕᐃᒪᐃᒐᔪᒃᑐᓂ ᐃᒐᕕᐅᙱᓚᖅ.

“ᐃᒐᒍᕕᑦ ᐃᓚᒃᓴᓕᒫᖏᓐᓂ ᐆᑦᑎᓗᓂ, ᐃᓚᒃᓴᖏᑦ ᐊᑭᑐᓂᖅᓴᒻᒪᕆᐅᓇᔭᖅᐳᑦ. ᐱᖃᖅᐳᒍᑦ ᑕᐃᔭᐅᔪᒥ Bake Off-ᒥ. ᖁᐊᖑᓪᓗᓂ ᐸᓚᐅᒑᒃᓴᓕᐊᖑᕗᖅ, ᓴᖅᑭᖦᖢᑎᒍᑦ ᐊᒻᒪ ᐱᕈᓲᖑᕗᖅ. ᐊᓱᐃᓛᒃ ᐆᑦᑎᓪᓗᑎᒍᑦ,” ᐅᖃᓚᐅᖅᐳᖅ ᓚᐸᓛᖕ.

“ᐊᑐᓲᕆᕙᕗᑦ ᖃᐅᓪᓗᖅᑐᖅ ᐸᓚᐅᒑᖅ ᐊᔾᔨᒌᙱᕈᓘᔭᖅᑐᓄᑦ. ᓴᓇᓲᖑᕗᒍᑦ ᐸᐅᕐᙵᓕᖕᓂ ᐸᓚᐅᒑᕐᓂ, ᓯᓂᒥᓐ ᐸᓚᐅᒑᕋᓛᓂᑦ, ᐊᔾᔨᒌᙱᑦᑐᓂ ᐸᐃᔅᑐᕆᓂᑦ, ᑑᓇᑦᓂ, ᖃᔅᓯᒐᓚᖕᓂ ᐊᔾᔨᒌᙱᑦᑑᑕᐅᔪᓂ ᐸᓚᐅᒑᕐᓂ, ᐅᐃᕖᑦ ᐸᓚᐅᒑᖏᓐᓂ. ᑖᔅᓱᒥᖓᑦᑕᐃᓐᓇᖅ ᐊᑐᕈᓐᓇᖅᐳᑎᑦ ᐊᔾᔨᒌᙱᑦᑑᑎᕈᓘᔭᓂᑦ ᓴᓇᓂᕐᒧᑦ.”

ᐃᒐᓲᖑᕗᑦ ᐅᓪᓗᓄᑦ ᑕᓪᓕᒪᓄᑦ, ᐃᓛᓐᓂᒃᑯᑦ 6-ᓂ.

ᓲᓴᓈ ᒪᑉᓕᒃ, ᒪᕐᕈᒋᔭᐅᓪᓗᓂ ᐃᒐᔨᐅᕗᖅ, ᐸᓚᐅᒑᓕᕆᔨᐅᓪᓗᓂ ᐊᒻᒪ ᐸᐃᔅᑐᕆᓂᑦ.

“ᑭᓱᑐᐃᓐᓇᓂ ᐱᓕᕆᓂᐊᖅᐳᖅ ᑭᓯᐊᓂ ᑲᐃᒃᓂ.”

ᐃᒐᕕᖓ ᓴᓇᓲᖑᒋᕗᑦ ᓴᓇᔭᐅᓵᕐᓂᑯᓂ ᐃᑭᐊᕐᒥᓕᖕᓂᑦ, ᐃᑭᐊᕐᒥᑯᑖᖑᔪᓂᑦ ᐊᒻᒪ ᐅᐃᕖᓄᑦ ᐸᓚᐅᒑᓕᐊᒥ ᐃᑭᐊᕐᒥᓕᖕᓂᑦ.

ᓚᐸᓛᖕ ᐅᖃᓚᐅᖅᐳᖅ ᓂᐅᕕᑐᐃᓐᓇᓲᖑᕗᖅ ᐃᒐᕕᐅᑉ ᐸᓚᐅᒑᓕᐊᖏᓐᓂ, ᓂᐅᕕᕐᕕᒃ ᐆᑦᑎᓯᒪᕙᒌᖅᑐᓂ ᐸᓚᐅᒑᖃᕋᓗᐊᖅᑎᓪᓗᒍ.

“ᒪᒪᕆᙱᑕᒃᑲ ᐸᓚᐅᒑᑦ ᑎᑭᓲᖑᔪᓂ ᐆᑦᑎᓯᒪᕙᒌᖅᑐᓂᑦ. ᓂᐅᕕᓲᖑᕗᖓ ᐃᒐᕕᖕᒥ ᖃᓂᓛᖑᖕᒪᑦ ᐊᖏᕐᕋᒥ ᓴᓇᔭᐅᓯᒪᔪᒥ ᐸᓚᐅᒑᕐᒥ ᐅᑭᐅᖅᑕᖅᑐᒥ. ᒪᒪᖅᑐᒻᒪᕆᐊᓗ.”

ᓯᐅᓴᕐᓈᖅ ᓂᕆᓲᖑᕗᖅ ᐃᒐᕕᐅᑉ ᓴᓇᔭᖏᓐᓂ “ᖃᖓᓕᒫᑦᑎᐊᖅ. ᐃᓛᓐᓂᒃᑯᑦ ᐱᓗᐊᒪᔮᖅᖢᓂ,” ᐅᖃᖅᖢᓂ ᖁᖓᙳᐊᖅᑐᒥ ᐃᓕᓯᓪᓗᓂ ᑎᑎᕋᖅᑕᒥᓂᑦ.

ᐃᓚᖃᖅᖢᓂ ᐆᑦᑎᔭᐅᓵᖅᑐᓂ ᐸᓚᐅᒑᕐᓂ, ᓇᐅᔮᓂ ᑯᐊᐸᒃᑯᖏ ᐃᒐᕕᖓ ᓴᖅᑭᑎᑦᑎᓲᖑᒋᕗᑦ ᑑᓇᑦᓂ ᐊᒻᒪ ᐸᓚᐅᒑᕋᓛᓂᑦ, ᐊᒻᒪᓗᑦᑕᐅᖅ ᐸᐃᔅᑐᕆᓂᑦ ᐊᒻᒪ ᓴᓇᔭᐅᓵᕐᓂᑯᓂ ᐃᑭᐊᕐᒥᓕᖕᓂᑦ. Along with fresh loaves of bread, the Naujaat Co-op bakery produces doughnuts and flaky buns, as well as other pastries and freshly-prepared sandwiches. photo courtesy Troy Leblanc

“ᐱᐅᒋᓛᕆᓚᐅᖅᑕᕋ ᑲᐃᒃᒥ ᓴᓇᓚᐅᖅᓯᒪᔭᓐᓂ ᑲᑎᑎᑕᐅᔪᓄᑦ ᑲᐃᒃᒥ ᓄᓇᓕᖕᒥᐅᑕᐅᔪᒧᑦ ᓇᐅᔮᓂᑦ. ᐱᐅᒋᕐᔪᐊᓚᐅᖅᐸᕋ ᐋᖅᑭᖕᓂᖓᓂ. ᐃᓄᐃᑦ ᐱᐅᒃᓴᑦᑎᐊᖅᐳᑦ ᑲᐃᒃᓂ ᖃᓄᑐᐃᓐᓇᑦᑎᐊᖅ ᐋᖅᑭᒃᓱᕈᓐᓇᕋᑦᑎᒍᑦ ᓂᕆᔭᐅᔪᓐᓇᖅᑐᓂ ᐊᔾᔨᙳᐊᓕᖕᓂ ᐱᐅᒋᓛᒥᓂᓪᓘᓐᓃᑦ ᐱᙳᐊᖅᑎᐅᔪᓄᑦ ᑲᑎᙵᓂᐅᔪᓄᑦ, ᐊᓯᖏᓐᓂᓪᓗ.”

ᐊᐱᕆᔭᐅᒐᒥ ᑐᓴᓲᖑᖕᒪᖔᑦ ᓂᐅᕕᖅᐸᒃᑐᓂ, ᓯᐅᓴᕐᓈᖅ ᑭᐅᓚᐅᖅᐳᖅ “ᐃᓄᐃᑦ ᐅᖃᐃᓐᓇᐅᔭᖅᐳᑦ ᐱᐅᒋᔭᐅᕐᔪᐊᕐᓂᖏᓐᓂ ᑲᐃᒃᓂ ᑕᖅᓯᖅᓱᖅᑕᓐᓂᑦ ᐊᒻᒪ ᐃᒐᔭᓐᓂᑦ. ᑖᔅᓱᒥᖓ ᖃᐅᔨᒪᓪᓗᓂ ᖁᕕᐊᓱᖕᓇᑦᑎᐊᖅᐳᖅ.”

ᓚᐸᓛᖕ ᐅᖃᓚᐅᖅᐳᖅ ᐃᓚᖏᑦ ᐃᓄᐃᑦ ᓂᐅᕕᑐᐃᓐᓇᓲᖑᕗᑦ ᐃᒐᕕᐅᑉ ᐸᓚᐅᒑᖏᓐᓂ, ᑭᓯᐊᓂ ᒥᑭᓐᓂᖅᓴᐅᖕᒪᑦ ᐆᑦᑎᓯᒪᕙᒌᖅᑐᒥ ᐸᓚᐅᒑᕐᒥ, ᐃᓄᒋᐊᖕᓂᖅᓴᐅᔪᑦ ᐃᓚᒌᑦ ᓂᕈᐊᓲᖑᕗᑦ ᐱᑕᖃᒐᔪᒃᑐᓂ ᐊᕕᒃᑐᖅᓯᒪᕙᒌᖅᑐᓂ ᐸᓚᐅᒑᓂᑦ ᖁᓕᕈᐊᓂᑦ.

“ᐃᓚᖏᑦ ᐃᓄᐃᑦ ᓂᐅᕕᑐᐃᓐᓇᓲᖑᕗᑦ ᐃᒐᕕᐅᑉ ᐸᓚᐅᒑᖏᓐᓂ ᒪᒪᑕᒍᑕᐅᓪᓗᑎ,” ᐅᖃᓚᐅᖅᐳᖅ.

“ᐃᓄᐃᑦ ᐱᐅᒃᓴᑦᑎᐊᖅᐳᑦ ᐃᒐᕕᖕᒥ, ᐱᓗᐊᖅᑐᒥ ᐸᓚᐅᒑᕋᓛᓂᑦ – ᑭᓇᓕᒫᒧᑦ ᒪᒪᕆᔭᐅᓛᖑᕗᑦ,” ᐅᖃᓚᐅᖅᐳᖅ ᓯᐅᓴᕐᓈᖅ.

ᓚᐸᓛᖕ ᐅᖃᓚᐅᖅᐳᖅ ᐃᒐᔨᐅᔪᒥ ᓇᐅᔮᕐᓄᐊᖅᑐᖃᓛᖅᐳᖅ ᐃᓕᓐᓂᐊᖅᑎᑦᑎᓂᕐᒧᑦ ᓯᐅᓴᕐᓈᕐᒥ ᖃᔅᓯᐊᕐᔪᖕᓄᑦ ᐱᓕᕆᓂᐅᔪᓄᑦ ᐊᒻᒪ ᐃᑲᔪᕈᑎᒃᓴᓄᑦ, ᐊᒻᒪᓗ ᐊᓯᖏᓐᓂ ᓄᑖᓂᑦ ᓴᓇᔭᕆᐊᓕᖕᓄᑦ ᐊᒻᒪ ᓰᕐᓇᖅᑐᓂᑦ.

ᐃᒐᕕᖓ, ᐃᓚᓕᐅᔾᔨᓯᒪᓪᓗᓂ ᐸᕐᓇᐅᑎᓂᑦ ᓄᑖᖑᔪᒥ ᓂᐅᕕᕐᕕᖕᒥ ᒪᑐᐃᓚᐅᖅᑐᒥ 2012-ᒥ, ᐊᑯᓂᐊᓗᖕᒥ ᐃᓱᒪᒋᔭᐅᓯᒪᔪᒥ ᐊᐅᓚᑦᑎᔨᐅᓚᐅᖅᑐᒧᑦ.

“ᔮᓪ ᑳᒪᓐ, ᐊᐅᓚᑦᑎᔨᐅᓚᐅᖅᑐᖅ ᐅᕙᓂ ᐊᕐᕌᒍᓄᑦ 17-ᓄᑦ, ᑐᕌᒐᒃᓴᕋᐃᓐᓇᓚᐅᖅᑕᖓᓂ ᐃᒐᕕᒃᑖᕐᓂᕐᒧᑦ. ᑕᐃᒪᐃᓕᖅᐳᖅ,” ᓚᐸᓛᖕ ᐅᖃᓚᐅᖅᐳᖅ. “ᖃᔅᓯᒐᓚᖕᓂ ᐃᖅᑲᓇᐃᔭᖅᑎᐅᔪᓄᑦ ᐃᓕᓐᓂᐊᖅᑎᑕᐅᓯᒪᔪᓂ ᐊᕐᕌᒍᒐᓴᓂ. ᐱᐅᓂᕐᔪᐊᖑᕗᖅ ᓄᓇᓕᖕᓄᑦ, ᐄᓪᓚᕆᒃ. ᐊᖏᕐᕋᒥ-ᐆᑦᑎᔭᐅᔪᕕᓂᕐᓂ ᐱᒐᔪᙱᑉᐳᑦ ᑭᓯᐊᓂ ᓇᖕᒥᓂᕐᓂ ᓂᕿᓕᐅᕐᕕᖕᓂᑦ. ᐊᒻᒪ ᑭᓇ ᐃᒐᐃᓐᓇᐅᔭᕈᒪᕙ?”

Previous articleRecreation training program going full-time
Next articleInhabit launches online bookstore for Nunavut authors
Michele LeTourneau first arrived at NNSL's headquarters in Yellowknife in1998, with a BA honours in Theatre. For four years she documented the arts across the Northwest Territories and Nunavut. Following a very short stint as a communications officer with the Government of the Northwest Territories, Michele spent a decade at a community-based environmental monitoring board in the mining industry, where she worked with Inuit, Chipewyan, Tlicho, Yellowknives Dene and Metis elders to help develop traditional knowledge and Inuit Qaujimajatuqangit contributions for monitoring and management plans. She rejoined NNSL and moved to Iqaluit in May 2014 to write for Nunavut News. Michele has received a dozen awards for her work with NNSL.