ᐃᖅᑲᖅᑐᐃᔨᐅᔪᑦ ᐃᓱᒪᖅᓱᕐᓂᖃᒃᑲᓐᓂᓪᓗᐊᖅᐳᑦ ᐃᓕᓯᓂᖏᓐᓂ ᐱᓂᖅᓴᐅᔪᓂ ᐃᖅᑲᖅᑐᖅᑕᔾᔪᒻᒥ ᐱᓕᕆᓂᐅᔪᓂ ᐊᕐᓇᓄᑦ ᐊᖑᑎᓄᑦ−ᑐᙵᕕᓕᖕᓂ ᐋᓐᓂᖅᓯᕆᓂᐅᔪᓄᑦ ᐊᒻᒪ ᑲᓇᑕᐅᑉ ᒪᓕᒐᓕᐅᖅᑎᖏᑦ ᖃᐅᔨᓴᒃᑲᓐᓂᓪᓗᐊᖅᐳᑦ ᐊᑲᐅᙱᓕᐅᕈᑕᐅᔪᒥ, ᐅᖃᖅᐳᖅ ᓄᓇᕗᒻᒥ ᐃᖅᑲᖅᑐᐃᔨᐅᑯᑖᒃᑐᒥ ᐊᒻᒪ ᓂ ᐸᓯᒃᓯᔨᐅᓚᐅᖅᓯᒪᔪᒥ.

ᐃᖅᑲᖅᑐᐃᔨ ᐹᓪ ᐳᐊᓴᒃ ᐅᖃᐅᓯᖃᓚᐅᖅᐳᖅ ᐊᑲᐅᒃᓴᙱᓐᓂᖓᓂ ᐃᓱᒪᓕᐊᖑᔪᒥ ᓴᖅᑭᑕᐅᔪᒥ ᑕᖅᑭᐅᑉ ᐱᒋᐊᕐᓂᐸᓗᐊᓂ ᐃᓕᓯᔭᕆᐊᖃᓚᐅᕐᓂᖓᓂ “ᓴᙲᓐᓂᖅᓴᐅᔪᒥ” ᐃᖅᑲᖅᑐᖅᑕᐅᓂᖓᓂ ᖁᕐᓗᖅᑐᕐᒥᐅᑕᒧᑦ ᐊᖑᒻᒧᑦ ᐸᓯᔭᐅᔪᒥ ᒪᕐᕈᐃᖅᓱᖅᖢᓂ ᐋᓐᓂᖅᓯᕆᓂᖓᓂ ᐱᖃᓐᓈᖓᓂ. ᑐᙵᕕᖃᖅᑐᒥ ᐊᔪᕈᑕᐅᓕᕈᓐᓇᖅᑐᒥ, ᐸᐃᓴᒃ ᒪᓕᒋᐊᖃᓚᐅᖅᐳᖅ ᐊᑐᖁᔭᐅᓂᐅᔪᒥ ᐃᖅᑲᖅᑐᖅᑕᔾᔪᒻᒥ ᐊᖏᖃᑎᒌᒍᑕᐅᔪᒥ ᑯᐃᓐ ᑭᒡᒐᖅᑐᖅᑎᖓ ᐸᓯᒃᓯᔨᐅᔪᒧᑦ ᐊᒻᒪᓗ ᓴᐳᓐᓂᐊᖅᑎᖓᓄᑦ, ᐃᓚᖃᖅᑐᒥ ᐅᓪᓗᓂᒃ 45−ᓂ ᐊᓄᓪᓚᒃᓯᕐᓂᐅᔪᒥ ᐊᒻᒪ ᑕᖅᑭᓄᑦ 9−ᓂ ᐱᕋᔭᒃᑕᐃᓕᒪᓂᐅᔪᒥ.

“ᐱᔭᕆᐊᖃᕐᓂᖃᖅᐳᖅ ᐊᒻᒪᓗ ᐊᑐᕐᓂᖃᐅᑎᒥᒃ ᑲᓇᑕᐅᑉ ᒪᓕᒐᓕᐅᖅᑎᖏᓐᓂ
ᒪᑐᐃᖅᓯᒃᑲᓐᓂᕐᓂᖏᓐᓂ ᑭᐅᓘᑎᓂᐅᔪᒥ ᐱᒻᒪᕆᕐᔪᐊᖑᔪᒥ ᐃᓚᖓᓐᓂ ᐱᕋᔭᖕᓂᕐᒧᑦ
ᒪᓕᒐᓕᕆᓂᕐᒥ ᐱᓕᕆᔾᔪᓯᐅᔪᒥ, ᐃᖅᑲᖅᑐᐃᔨ ᐹᓪ ᐳᐊᓴᒃ ᑎᑎᕋᓚᐅᖅᐳᖅ ᐱᔾᔪᑎᖃᖅᑐᒥ
ᐃᖅᑲᖅᑐᐃᔨᐅᔫᑉ ᐊᑐᕐᓂᖏᓐᓂ ᐃᓱᒪᓕᐅᕆᓂᕐᒥ ᓈᒻᒪᒃᑐᓂ ᐃᖅᑲᖅᑐᖅᑕᐅᓂᐅᔪᓄᑦ.
Saffron Blaze/Wikimedia Commons photo of Parliament in Ottawa

“ᐃᓱᒪᒋᔭᓐᓂ, ᑲᑐᔾᔭᐅᓪᓗᓂ ᑐᓂᓯᓂᐅᔪᖅ ᓴᖅᑭᓚᐅᖅᑕᓐᓂ ᐱᔪᒪᙱᓐᓂᐅᔪᒥ ᓴᙲᓗᐊᓚᐅᖅᐳᖅ, ᐊᒻᒪ ᐅᖃᐅᔾᔪᐃᒋᐊᖅᑎᑦ ᓇᓗᓇᐃᖅᓯᓂᖃᑦᑎᐊᓚᐅᙱᓚᑦ ᓴᙲᒃᑎᒋᐊᖅᓯᓂᐅᔪᒥ,” ᐸᐃᓴᒃ ᑎᑎᕋᓚᐅᖅᐳᖅ ᐅᒃᑐᐱᕆ 2−ᒥ ᐃᓱᒪᓕᐊᕆᔭᖓᓂ. “ᑲᑐᔾᔭᐅᓪᓗᓂ ᑐᓂᔭᐅᓂᐅᔪᖅ ᐃᑲᔪᕐᓂᖃᓚᐅᙱᑦᑎᐊᖅᐳᖅ ᐲᖅᓯᓂᐅᔪᒥ ᐃᓱᒪᒋᔭᐅᓂᐅᔪᒥ ᒪᓕᒐᓕᕆᓂᕐᒧᑦ ᐱᓕᕆᔾᔪᓯᕗᑦ ᐱᓐᓇᕆᔭᖃᙱᓐᓂᖓᓐᓂ ᐃᓅᓯᐅᔪᓂ ᐃᓄᖕᓂ ᐱᕋᔭᒃᑕᐅᕙᒃᑐᓂ ᐱᕋᔭᖕᓂᐅᔪᓄᑦ. ᖃᐅᔨᒪᐸᓗᒃᐳᖓ ᐅᓴ ᕿᒻᒪᑰᓂᐅᔪᖅ ᑲᐸᑎᑦᑎᓇᔭᕐᓂᖓᓂ ᐊᒻᒪ ᐊᐃᑦᑖᕈᓱᒃᑎᑦᑎᓗᓂ ᑕᒪᒃᑭᓂ ᐅᖃᐅᔾᔪᖅᑕᐅᔪᓂ ᐊᒻᒪ ᐃᓱᒪᖃᑦᑎᐊᕐᓂᐅᔪᓄᑦ ᓄᓇᕗᒻᒥᐅᓂ.”

ᐃᖅᑲᖅᑐᐃᔨᐅᔪᖅ ᐊᐃᕙᕐᔪᐊᕐᓂᐅᔪᒥ ᓈᒻᒪᒋᔭᐅᓚᐅᙱᓚᖅ ᖁᑦᑎᖕᓂᖅᓴᒧᑦ ᐃᖅᑲᖅᑐᐃᕕᖕᒥ ᒪᕐᕉᖕᓄᑦ ᓯᕗᓂᐊᓂ ᐱᓕᕆᓂᐅᔪᓄᑦ – ᐊᑕᐅᓯᐊᖅᑐᒥ ᓯᕗᓂᐊᓂ ᑕᒪᑐᒪᓂ ᐊᕐᕌᒎᔪᒥ ᐊᒻᒪ ᐊᐃᑉᐸᖓ 2018−ᒥ – ᒪᓕᙱᑎᓪᓗᒍ ᑲᑐᔾᔭᐅᔪᒥ ᐃᖅᑲᖅᑐᖅᑕᐅᔾᔪᑎᖓᓄᑦ ᐊᑐᖁᔭᐅᓂᐅᔪᒥ ᑯᐃᓐ ᑭᒡᒐᖅᑐᖅᑎᖓᓂ ᐊᒻᒪ ᓴᐳᓐᓂᐊᖅᑎᐅᔪᓄᑦ. ᑲᓇᑕᐅᑉ ᒐᕙᒪᑐᖃᒃᑯᓐᓂ ᑲᑎᒪᔨᕐᔪᐊᖑᔪᓂ ᐅᐸᒃᑲᓐᓂᖁᕙᖏᑦ ᐃᖅᑲᖅᑐᐃᓂᕐᒧᑦ ᒪᓕᒋᐊᓕᖏᓐᓂ.

“ᐃᖅᑲᖅᑐᐃᔨᐅᑉ ᐱᔪᓐᓇᙱᓐᓂᖓᓂ ᑐᓂᓯᓂᕐᒥ ᓈᒻᒪᒃᑐᒥ ᐊᒻᒪ ᑐᙵᕕᖃᑦᑎᐊᖅᑐᒥ ᐃᖅᑲᖅᑐᐃᓂᐅᔪᒥ ᓴᖅᑭᑎᑦᑎᕗᖅ ᓱᕋᒃᑎᕆᓂᐅᔪᒥ ᒪᓕᒐᓕᕆᓂᕐᒧᑦ ᐱᓕᕆᔾᔪᓯᐅᔪᒥ,” ᐸᐃᓴᒃ ᐅᖃᓚᐅᖅᐳᖅ. “ᓈᒻᒪᑦᑎᐊᖅᑐᒥ ᐊᒻᒪ ᐅᖃᐅᔾᔨᓯᒪᑦᑎᐊᖅᑐᒥ ᓄᓇᕗᒻᒥᐅᓄᑦ ᐃᓱᓕᓐᓂᖃᕋᔭᖅᐳᖅ, ᑕᐃᒪᐃᓯᒪᒐᒪ, ᒪᓕᒐᓕᕆᓂᕐᒧᑦ ᐱᓕᕆᔾᔪᓯᐅᔪᖅ ᓱᕋᑦᑎᓚᐅᖅᐳᖅ (ᐆᒧᖓ) ᐱᓕᕆᓂᐅᔪᒥ. ᑖᓐᓇ ᓱᕋᑦᑎᕆᓂᐅᔪᖅ ᐅᕙᓐᓂ ᐱᔪᓐᓇᖅᑎᑦᑎᓪᓗᐊᓚᐅᖅᐳᖅ ᐊᖏᙱᓐᓂᕐᒧᑦ ᐊᑐᕐᓂᕐᒥ ᑲᑐᔾᔭᐅᔪᒥ ᑐᓂᔭᐅᓂᐅᔪᒥ.”

ᐃᖅᑲᖅᑐᖅᑕᐅᓂᕐᒧᑦ ᐱᓕᕆᐊᖑᔪᖅ ᐃᓚᖃᖅᑐᒥ 39−ᓂ ᐅᑭᐅᓕᖕᒥ ᖁᕐᓗᖅᑐᕐᒥᐅᑕᒥ ᐊᖑᒻᒥ ᓴᖅᑭᑎᑦᑎᓚᐅᖅᐳᖅ ᓯᕗᓪᓕᖅᐹᒥ ᐱᒋᐊᓚᐅᕐᓂᖓᓂ ᐱᖃᓐᓈᒥᓂᒃ ᐋᒍᔅᑎ 2−ᒥ ᐊᕐᓇᖅ ᐅᖃᓚᐅᖅᑎᓪᓗᒍ ᐊᓂᓂᐊᕐᓂᖓᓂ ᐊᓈᓇᒥᓂᒃ ᑮᓇᐅᔭᒥᒃ ᑐᓂᓯᓂᐊᕐᓂᖓᓂ. ᑑᓚᐅᖅᐸᖓ, ᓂᐊᖅᑯᐊᓚᐅᖅᐸᖓ, ᓂᐊᖁᖓ ᓇᑎᕐᒧᑦ ᐊᕚᑲᑕᒃᖢᓂᐅᒃ, ᓄᔮᖅᑐᖅᖢᓂᐅᒃ, ᐸᑎᒃᖢᓂᐅᒃ ᐊᒻᒪ ᒪᕐᕈᐃᖅᓱᖅᖢᓂᐅᒃ ᐊᕿᔭᓚᐅᖅᐸᖓ, ᐱᕋᔭᒃᑕᐅᔪᖅ ᐅᖃᐅᔾᔨᓚᐅᖅᐳᖅ ᑲᓇᑕᒥ ᐸᓖᓯᒃᑯᓐᓄᑦ.

ᐱᕋᔭᒃᑐᖅ ᐊᓂᑎᑕᐅᓚᐅᖅᐳᖅ ᐊᑭᓖᔾᔪᑎᒃᓴᖃᖅᖢᓂ ᑎᓕᐅᕈᑎᖃᖅᖢᓂ ᐅᐸᒋᐊᖃᙱᓐᓂᖓᓂ ᐱᕋᔭᒃᑕᒥᓂ, ᑎᒍᔭᐅᒃᑲᓐᓂᓚᐅᖅᐳᖅ ᐅᓪᓗᓂ 19−ᓂ ᐊᓂᒍᖅᑎᓪᓗᒍ ᐊᕐᓇᖅ ᐅᖃᐅᔾᔨᓪᓗᓂ ᐸᓖᓯᒃᑯᓐᓂ ᕿᒥᓴᓚᐅᕐᓂᖓᓂ. ᐸᓖᓯᒃᑯᑦ ᐅᔾᔨᕆᓚᐅᖅᐳᑦ ᐳᕕᓐᓂᐅᔪᒥ ᖃᓂᖓᒍᑦ, ᐊᐅᐸᖅᑐᒥ ᓇᓗᓇᐃᒃᑯᑕᐅᔪᒥ ᓴᐅᒥᖕᒥ ᐃᔨᖓᒍᑦ ᐊᒻᒪᓗ “ᕿᐊᓚᐅᖅᐳᖅ, ᐅᔾᔨᕐᓇᖅᑐᒥ ᖁᒃᓴᓪᓚᒃᓯᒪᓂᖓᓂ ᐊᒻᒪ ᑲᑉᐱᐊᓱᒃᖢᓂ.”

ᐱᕋᔭᒃᑐᖅ ᓵᙵᓚᐅᖅᐳᖅ ᐃᖅᑲᖅᑐᒐᒃᓴᐅᓂᖓᓂ ᐱᒋᐊᖅᓯᓂᐅᔪᒥ ᐊᒻᒪ ᕿᒥᓴᐃᓂᖓᓂ ᐊᐃᑉᐸᕆᔭᖓᓂ ᐊᒻᒪ ᐊᓯᒃᑲᓐᓂᐊᓂ ᐃᖅᑲᖅᑐᒐᒃᓴᐅᔪᒥ ᓱᕋᐃᓂᖓᓂ ᐅᐸᒋᐊᖃᙱᓐᓂᐅᔪᒥ ᐊᑭᓖᔾᔪᑎᒃᓴᖃᖅᖢᓂ ᖃᓄᐃᓕᖓᓂᕆᔭᖓᓂ.
ᒪᓕᒃᑐᒥ ᑭᐅᔾᔪᑎᒥ ᐃᖅᑲᖅᑐᒐᒃᓴᐅᔾᔪᑎᓄᑦ ᐋᔩᖃᑎᒌᖕᓂᐅᔪᓂ, ᑯᐃᓐ ᑭᒡᒐᖅᑐᖅᑎᖓ ᒋᐊᕆ ᕘᓪ ᐃᖅᑲᖅᑐᐃᕕᖕᒥ ᐲᖅᓯᑎᑦᑎᓚᐅᖅᐳᖅ ᕿᒥᓴᐃᓂᐅᔪᒥ ᐃᖅᑲᖅᑐᒐᒃᓴᖓᓂ ᐊᒻᒪ ᐱᕋᔭᒃᑐᖅ ᐸᓯᔭᒃᓴᐅᓂᕋᓚᐅᖅᐳᖅ ᐱᒋᐊᖅᓯᓂᐅᔪᒧᑦ ᐊᒻᒪᓗ ᐊᑭᓖᔾᔪᑎᒃᓴᖃᖅᖢᓂ ᓱᕋᐃᓂᖓᓂ.

ᐸᐃᓴᒃ ᐃᓱᒪᓕᐊᖓ ᐅᖃᖅᓯᒪᓚᐅᖅᐳᖅ ᐱᒻᒪᕆᐅᓂᖅᓴᒥ ᕿᒥᓴᐃᓂᐅᔪᒥ ᐃᖅᑲᖅᑐᒐᒃᓴᐅᔪᒥ “ᑐᑭᓯᓇᑦᑎᐊᖅᑐᒥ ᐃᑲᔪᖅᓯᖅᑕᐅᓂᖃᓚᐅᖅᐳᖅ” ᓱᓕᓂᐅᔪᓄᑦ.

“ᓂᕆᐅᒃᑲᔭᓚᐅᖅᐳᖓ ᐊᒃᓱᓪᓘᓐᓃᑦ ᑯᐃᓐ ᑭᒡᒐᖅᑐᖅᑎᖓᓂ ᐸᓯᒃᓯᔾᔪᑕᐅᔪᓂ ᕿᒥᓴᐃᓂᖅ ᐱᒋᐊᕈᑕᐅᓪᓗᓂ ᐱᔾᔪᑕᐅᓂᖓᓂ ᐱᒋᐊᕐᓂᐅᔪᒧᑦ,” ᐃᖅᑲᖅᑐᐃᔨ ᑎᑎᕋᓚᐅᖅᐳᖅ. “ᐅᓇ ᐱᙱᓐᓂᐅᔪᒥ ᑯᐃᓐ ᑭᒡᒐᖅᑐᖅᑎᖓᓄᑦ ᐸᓯᒃᓯᔾᔪᑕᐅᔪᒥ ᐅᖃᐅᓯᐅᓂᐅᒧᒥ ᕿᒥᓴᐃᓂᕐᒧᑦ ᐱᒋᐊᖅᓯᓂᕐᒧᑦ ᐱᔾᔪᑕᐅᔪᒥ ᒥᒃᖠᒋᐊᖅᑎᑦᑎᓚᐅᖅᐳᖅ ᐊᖏᓂᖓᓂ ᐋᓐᓂᖅᓯᕆᓂᐅᔪᒥ, ᐊᒃᑐᐃᓂᖓᓂ ᐱᕋᔭᒃᑕᐅᔪᒧᑦ, ᐊᒻᒪᓗ (ᐱᕋᔭᒃᑑᑉ) ᑲᒪᒋᔭᕆᐊᖃᕐᓂᖓᓂ ᐱᕋᔭᖕᓂᖓᓄᑦ ᖃᓄᐃᓕᐅᕐᓂᕆᔭᖓᓄᑦ.”

ᐸᐃᓴᒃ ᐅᖃᐅᓯᖃᓚᐅᖅᐳᖅ ᑭᓪᓕᓯᓂᐊᕐᓂᐅᔪᓂ ᐊᒻᒪ ᐅᖃᐅᓯᓕᐊᖑᔪᓂ ᐸᐅᒃᑑᑎᑦ ᐃᓄᐃᑦ ᐊᕐᓇᓄᑦ ᑲᓇᑕᒥ ᐊᒻᒪᓗ ᐃᓄᐊᖅᑕᐅᔪᓄᑦ ᐊᒻᒪ ᐊᓯᐅᖅᑲᔪᓄᑦ ᓄᓇᖃᖅᑳᖅᓯᒪᔪᓄᑦ ᐊᕐᓇᓄᑦ ᓂᕕᐊᖅᓵᓄᓪᓗ ᑭᖑᓪᓕᖅᐹᖓᓂ ᐅᓂᒃᑳᓕᐊᖓᓂ ᓇᓗᓇᐃᖅᓯᔪᒥ ᑐᐊᕕᕐᓇᕐᓂᐅᔪᒥ ᐊᕐᓇᓄᑦ ᐊᖑᑎᓄᓪᓗ−ᑐᙵᕕᓕᖕᓂ ᐋᓐᓂᖅᓯᕆᓂᐅᔪᒥ ᓄᓇᕗᒻᒥ. ᐅᖃᓚᐅᕆᕗᖅ ᐅᓗᕆᐊᓇᕐᓂᖃᕐᓂᖓᓂ ᓴᙲᓐᓂᖅᓴᐅᔪᓂ ᐃᖅᑲᖅᑐᐃᓂᐅᔪᓂ ᓴᙱᒃᑎᒋᐊᖅᓯᔪᓐᓇᕐᓂᖓᓂ “ᒪᓕᒐᓕᕆᓂᖃᑦᑎᐊᙱᓐᓂᖓᓂ ᓇᓂᔭᐅᔪᓐᓇᖅᑐᒥ ᐃᓄᖕᓄᑦ ᐊᕐᓇᓄᑦ ᐱᕋᔭᖕᓂᕐᓄᑦ ᒪᓕᒐᓕᕆᓂᕐᒧᑦ ᐱᓕᕆᔾᔪᓯᐅᔪᒥ.”

“ᐃᓱᒪᒋᔭᓐᓂ ᑕᒪᐃᑎᒍᑦ ᑲᑐᔾᔭᐅᔪᒥ ᑐᓂᔭᐅᓂᐅᔪᒥ ᐱᕋᔭᒃᑎᐅᑉ) ᐱᓕᕆᐊᖑᔪᒥ ᒥᒃᖠᒋᐊᖅᑎᑦᑎᓚᐅᖅᐳᖅ ᖃᓄᐃᓐᓂᖓᓂ ᐊᒻᒪ ᐱᕐᔪᐊᖑᓂᖓᓂ ᐋᓐᓂᖅᓯᕆᕐᔪᐊᕐᓂᐅᔪᒥ ᐱᕋᔭᖕᓂᖏᓐᓂ ᐊᒻᒪ ᐱᔨᑦᑎᕋᕐᓂᖃᓚᐅᖅᐳᖅ ᒥᒃᖠᒋᐊᖅᑎᑦᑎᓂᖓᓂ ᑲᒪᒋᔭᕆᐊᖃᕐᓂᖓᓂ ᐊᒻᒪᓗᑦᑕᐅᖅ ᐊᒃᑐᐃᓂᐅᔪᒥ ᐱᕋᔭᖕᓂᐅᔪᓂ ᐱᕋᔭᒃᑕᖓᓄᑦ,” ᐅᖃᓚᐅᖅᐳᖅ ᐸᐃᓴᒃ, ᐃᓚᒋᐊᖅᓯᓪᓗᓂ ᐃᒃᐱᒍᓱᖕᓂᖓᓂ ᐃᖅᑲᖅᑐᐃᓂᖅ ᓇᒃᓴᕐᓂᖓᓂ “ᐊᓪᓚᕝᕕᓕᕆᓂᖓᓂ ᒪᓕᒐᓕᕆᓂᕐᒧᑦ ᐅᒃᐱᕆᔭᐅᑦᑎᐊᕈᓐᓃᕐᓂᐊᕐᓂᖓᓂ.”
ᖁᕐᓗᖅᑐᕐᒥᐅᑕᐅᑉ ᐱᕋᔭᒃᑎ 13−ᓂ ᐱᓂᕐᓗᖕᓂᖃᖅᐳᖅ ᐱᕋᔭᒃᓯᒪᓂᖓᓄᑦ ᑎᑎᕋᖅᓯᒪᓂᐅᔪᓂ 2000-2012−ᒧᑦ, ᐃᓚᖃᖅᑐᒥ ᐱᖓᓱᓂ ᐸᓯᔭᐅᔾᔪᑎᐅᔪᓂ ᐱᒋᐊᕐᓂᕐᒧᑦ ᐊᒻᒪᓗ ᐊᑕᐅᓯᕐᒥ ᖁᓄᔪᓐᓂᐊᕐᓂᐅᔪᒧᑦ, ᐊᑯᓂᐅᓛᖑᔪᒥ ᐃᖅᑲᖅᑐᖅᑕᐅᓂᐅᔪᒥ ᓇᓕᐊᑐᐃᓐᓇᓂ ᑕᖅᑭᓄᑦ ᐱᖓᓱᓄᑦ ᑎᒍᔭᐅᓯᒪᓂᐅᔪᒥ.

“ᐃᓄᐃᑦ ᐊᕐᓇᐃᑦ, ᐊᒻᒪᓗ ᓄᓇᕗᒻᒥᐅᓕᒫᑦ, ᐱᓪᓗᐊᖅᐳᑦ ᒪᓕᒐᓕᕆᓂᕐᒧᑦ ᐱᓕᕆᔾᔪᓯᐅᔪᒥ ᑐᑭᖃᑦᑎᐊᖅᑐᒥ ᑭᐅᓂᖃᖅᑐᒥ ᐊᕐᓇᓄᑦ ᐊᖑᑎᓄᓪᓗ ᐋᓐᓂᖅᓯᕆᓂᐅᔪᓂ. ᐊᐃᑦᑖᕈᓱᖕᓇᖅᐳᖅ ᐃᖅᑲᖅᑐᐃᕕᕗᑦ ᑐᓂᔭᐅᔪᓐᓇᙱᓐᓂᖏᓐᓂ ᐅᑯᓂᖓ ᐱᓕᕆᔾᔪᑕᐅᔪᓂ, ᐃᓚᖃᖅᑐᒥ ᑕᑖᕐᓂᖅᓴᐅᔪᓂ ᐃᖅᑲᖅᑐᐃᓂᓕᕆᔨᒃᑯᑦ ᐃᖅᑲᖅᑐᐃᓂᐅᔪᒥ ᐃᓱᒪᖅᓲᑕᐅᓂᖓᓂ, ᑕᐃᒪᐃᑦᑐᓐᓇᕐᓂᕐᒧᑦ,” ᐃᖅᑲᖅᑐᐃᔨ ᑎᑎᕋᓚᐅᖅᐳᖅ. “ᐱᔭᕆᐊᖃᕐᓂᖃᖅᐳᖅ ᐊᒻᒪᓗ ᐊᑐᕐᓂᖃᐅᑎᒥᒃ ᑲᓇᑕᐅᑉ ᒪᓕᒐᓕᐅᖅᑎᖏᓐᓂ ᒪᑐᐃᖅᓯᒃᑲᓐᓂᕐᓂᖏᓐᓂ ᐃᑲᔪᕐᓂᕐᒧᑦ ᒪᓕᒐᓕᕆᔨᐅᔪᓂ ᐃᓱᒪᓕᐅᕆᓂᕐᒥ ᐊᑐᖁᔭᐅᔪᓂ ᐃᖅᑲᖅᑐᖅᑕᐅᓂᐅᔪᓂ.

“ᐃᒻᒥᒃᑰᖅᑐᒥ ᐃᖅᑲᖅᑐᐃᓂᐅᔪᒥ ᑭᖑᓪᓕᖅᐹᖑᓪᓗᓂ ᐱᓕᕆᓂᐅᕗᖅ ᓴᐳᔾᔨᓂᐅᔪᒧᑦ ᑭᒃᑯᓕᒫᓄᑦ ᐃᓱᒪᖅᓱᕐᓂᐅᔪᒥ ᐊᒻᒪ ᐃᓄᖕᓂ ᓂᕈᐊᖅᓯᓲᖑᔪᓂ ᓯᕗᓕᐅᖅᑎᐅᔪᓄᑦ ᑲᑐᔾᔨᖃᑎᒌᖑᓂᐅᔪᒥ. ᑲᓇᑕᐅᑉ ᒪᓕᒐᓕᐅᖅᑎᖏᓐᓂ ᐅᒃᐱᕈᓱᖕᓂᖃᕐᒪᑕ ᐃᖅᑲᖅᑐᐃᔨᐅᔪᓂ ᐃᓱᐊᓂ ᑲᒪᒋᔭᖃᕐᓂᐅᔪᒥ ᐃᖅᑲᖅᑐᖅᑕᐅᓂᐅᔪᓄᑦ ᓴᖅᑭᑕᐅᔪᓄᑦ, ᐃᖅᑲᖅᑐᐃᔨᐅᔪᑦ ᓴᙱᔭᕆᐊᖃᖅᐳᑦ ᓇᓗᓇᐃᖅᓯᓂᕐᒥ ᒪᓕᒐᓕᐅᕆᓂᖅ ᐱᓕᕆᐊᖑᓂᖓᓂ. ᓄᓇᕗᒻᒥ, ᐊᒃᓱᓪᓘᓐᓃᑦ, ᑕᐃᓐᓇ ᓇᐅᑦᑎᖅᓱᑦᑎᐊᕐᓂᐅᔪᒥ ᐱᔭᕆᐊᖃᖅᑎᑦᑎᓇᔭᖅᐳᖅ ᐃᖅᑲᖅᑐᐃᔨᐅᔪᓂ ᐃᓚᐅᖃᑕᐅᓂᐅᔪᒥ ᐅᖃᐅᔾᔪᐃᒋᐊᖅᑎᓂᑦ ᓇᓗᓇᐃᖅᓯᓂᕐᒧᑦ ᑕᒪᒃᑭᑦ ᐊᑑᑎᓕᖕᓂ ᖃᓄᐃᓐᓂᐅᔪᓄᑦ ᐊᒻᒪ ᑐᙵᕕᐅᔪᑦ ᐃᓱᒪᒃᓴᖅᓯᐅᕆᔭᐅᓂᖏᓐᓂ ᐊᒻᒪᓗ ᓈᒻᒪᒃᑐᒥ ᐊᑐᖅᑕᐅᓂᖃᕐᓗᑎᒃ ᑲᑐᔾᔭᐅᔪᓂ ᑐᓂᔭᐅᓂᐅᔪᓄᑦ.”

 

Advertisement

Derek Neary

Derek Neary has been reporting on developments in the North for 18 years. When he's not writing for Nunavut News, he's working on Northern News Services' special publications such as Opportunities North,...