ᓄᓇᕗᒻᒥ ᒐᕙᒪᒃᑯᑦ (GN) ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓴᖅᑭᑎᑦᑎᓚᐅᖅᐳᑦ ᒪᕐᕉᖕᓂ ᓄᑖᖑᔪᓂ ᐃᓅᓕᓴᖅᑕᐅᓂᐅᔪᓄᑦ ᓄᓇᕗᒻᒥ ᐃᓚᖏᓐᓄᑦ ᑳᓐᓲᔪᓄᑦ ᐊᒻᒪ ᓇᓗᓇᐃᖅᑕᐅᓯᒪᔪᓄᑦ ᒪᒥᔪᐃᑦᑐᓄᑦ ᖃᓄᐃᓐᓂᐅᔪᓄᑦ.

ᐅᖃᐅᓯᐅᓂᖃᓚᐅᖅᐳᖅ ᕿᑭᖅᑕᓂ ᐋᓐᓂᐊᕕᖓᓂ ᐃᖃᓗᖕᓂ ᐅᓪᓛᖓᓂ ᓄᕕᐱᕆ 2−ᒥ, ᓄᑖᖑᔪᑦ ᐃᓅᓕᓴᖅᑕᐅᓂᐅᔪᑦ ᐱᓕᕆᐊᖑᓂᐊᕐᓂᖏᓐᓂ.

ᕌᓐᑕ ᐸᓪᓗᖅ (ᓴᐅᒥᖕᒥ) ᐊᒻᒪ ᓈᓐᓯ ᓈᑕᓇᐃᓐ ᒪᕐᕉᓪᓗᑎᒃ ᐋᓐᓂᐊᕕᓕᐊᕆᐊᖃᓲᖑᔪᓂ ᐅᑯᓇᓂ 12-ᒐᓚᖕᓂ
ᓄᓇᕗᓕᒫᒥ ᐊᐅᓪᓚᕆᐊᖃᔾᔮᕈᓐᓃᖅᑐᓂ ᓄᓇᕗᒻᒥ ᐃᓅᓕᓴᖅᑕᐅᔭᖅᑐᕐᓗᑎᒃ. ᕿᓚᒻᒥᐅᓂᖅᓴᐅᑎᑦᑎᔪᒥᒃ ᐊᑐᖅᑕᐅᒐᔪᓚᐅᖅᑐᒥ
ᐅᐸᒃᑕᐅᑦᑕᐃᓕᒪᓂᐅᔪᒥ ᑐᔪᕐᒥᕕᖕᓂ.

ᓯᕗᓂᐊᓂ ᐋᓐᓂᐊᕕᓕᐊᖅᑐᑦ ᓄᓇᕗᒻᒥ ᐊᐅᓪᓛᕆᐊᖃᓚᐅᖅᐳᑦ ᓄᓇᕘᑉ ᓯᓚᑖᓄᑦ ᐱᓂᕐᒥ ᑕᐃᒪᐃᑦᑐᓄᑦ ᐃᓅᓕᓴᖅᑕᐅᓂᐅᔪᓄᑦ ᑕᖅᑭᑕᒫᒥ, ᖃᓪᓗᓈᑦ ᓄᓇᖓᓂᐅᒐᔪᒃᑐᒥ. ᒥᒃᖠᒋᐊᖅᑎᑦᑎᔪᒥ ᐊᑯᓂᐅᓂᐅᔪᒥ ᖃᓪᓗᓈᓂ ᓄᓇᖓᓐᓂ ᐅᐸᒃᑕᐅᑦᑕᐃᓕᒪᓂᐅᔪᒥ ᑐᔪᕐᒥᕕᐅᔪᓂᑦ.

ᓯᕗᓪᓕᖅᐹᖅ ᓄᑖᖑᔪᖅ ᐃᓅᓕᓴᖅᑕᐅᓂᐅᔪᖅ ᐊᑐᓲᖑᕗᖅ ᐃᓅᓕᓴᐅᒻᒥ Remicade−ᒥ, ᐊᑐᖅᑕᐅᓲᖑᔪᒥ ᐃᓅᓕᓴᕐᓂᕐᒧᑦ ᒪᒥᔪᐃᑦᑐᓄᑦ ᖃᓄᐃᓐᓂᐅᔪᓄᑦ ᓲᕐᓗ Crohn’s ᐋᓐᓂᐊᕐᓇᐅᔪᒥ, ᑐᒪᖅᑐᕐᒧᑦ ᐊᒻᒪ ᐊᑭᐊᕈᖓᓂ ᐊᒥᕐᓗᒃᑐᒧᑦ ᐃᖅᑐᖓᓂ.

ᐃᒻᒥᖅᓱᖅᑕᐅᓂᐅᕗᖅ ᑐᓂᔭᐅᕙᓚᐅᖅᑐᒥ ᐱᓇᓱᐊᕈᓰᑦ ᑎᓴᒪᑦ ᐊᓂᒍᕌᖓᑦ ᐊᒻᒪ ᐃᓄᐃᑦ ᖃᖓᑕᔭᕆᐊᖃᓚᐅᖅᐳᑦ ᐋᑐᕚᒧᑦ, ᑕᖅᑭᒥ ᑕᖅᑭᒧᑦ ᐊᕐᕌᒍᒐᓴᓄᑦ ᐃᓅᓕᓴᖅᑕᐅᓂᕐᒧᑦ ᐃᑲᔪᕈᑕᐅᔪᒥ ᖃᓄᐃᙱᑦᑎᐊᕈᓐᓇᕐᓂᖏᓐᓄᑦ ᐊᒻᒪᓗ ᖃᓂᒪᙱᓪᓗᑎᒃ,” ᐅᓂᒃᑳᓚᐅᖅᐳᖅ ᓘᒃᑖᖅ ᐹᑎ ᑎᒪᐃᔪ ᐅᖃᐅᓯᐅᓂᐅᔪᒥ.

ᒪᕐᕈᖓᓂ ᐃᓅᓕᓴᖅᑕᐅᓂᐅᔪᖅ ᓴᖅᑭᑕᐅᓚᐅᖅᑐᖅ ᓄᖑᓴᐃᓂᐅᔪᒥ ᐃᓅᓕᓴᐅᑎ Herceptin ᐃᑲᔪᓲᖑᔪᒥ ᓇᒧᙵᐅᕈᓘᔭᖅᓯᒪᔪᒧᑦ ᐃᕕᐊᖏᕐᓄᑦ ᐊᒻᒪ ᓈᕐᒥᒃ ᐱᔪᒥ ᑳᓐᓱᓂᑦ, ᐅᖃᐅᓯᐅᓪᓗᓂ ᑎᒪᐃᔪᒧᑦ ᐊᑐᖅᑕᐅᒐᔪᒃᐳᖅ ᐃᓅᓕᓴᐃᓂᕐᒧᑦ ᐃᕕᐊᖏᕐᓂ ᑳᓐᓱᓄᑦ ᑭᖑᓪᓕᐅᔪᓂ ᐱᓕᕆᓂᐅᔪᓂ ᐃᓅᓕᓴᖅᑕᐅᓂᐅᔪᓄᑦ.

ᑭᖑᓪᓕᖅᐹᖓᓂ ᐃᓚᒋᔭᐅᕗᖅ ᐊᕐᓇᐅᑉ ᐃᕕᐊᖏᕐᓄᑦ ᑳᓐᓱᒧᑦ ᐃᓅᓕᓴᖅᑕᐅᓂᐅᕗᖅ, ᐱᓲᕆᕙᖓᑦ ᐆᒥᖓ ᐃᓅᓕᓴᖅᑕᐅᓂᐅᔪᒥ ᐱᓕᕆᐊᖑᓲᖑᔪᒥ ᐱᓇᓱᐊᕈᓰᑦ ᐱᖓᓱᑦ ᐊᓂᒍᕌᖓᑕ ᑎᑭᐅᒪᔪᒧᑦ ᐊᕐᕌᒍᒧᑦ ᐊᓯᖏᓐᓂ ᐃᓅᓕᓴᖅᑕᐅᓂᐅᔪᑦ ᐱᔭᕇᖅᐸᑕ,” ᑎᒪᐃᔪ ᐅᖃᓚᐅᖅᐳᖅ.

17−ᐸᓗᖕᓂ ᐃᓄᖕᓂ ᓄᓇᕗᒻᒥ ᐱᕚᓪᓕᕈᑎᖃᕐᓂᐊᕐᓂᖏᓐᓂ ᐅᑯᓇᙵᑦ ᓄᑖᖑᔪᓂ ᐃᓅᓕᓴᖅᑕᐅᓂᐅᔪᓂᑦ ᐅᖃᐅᓯᐅᓪᓗᓂ ᕗᕌᓐᓱᐊ ᑎ ᐅᐃᑦ, ᐊᖓᔪᖅᑳᖑᔪᖅ ᐃᖅᑲᓇᐃᔭᖅᑎᓄᑦ ᕿᑭᖅᑕᓂ ᐋᓐᓂᐊᕕᖓᓂ.

ᑕᐃᒃᑯᐊ ᕿᑎᕐᒥᐅᓂ ᓱᓕ ᐊᐅᓪᓛᕈᓐᓇᖅᐳᑦ ᔭᓗᓇᐃᕝᒧᑦ ᐃᓅᓕᓴᖅᑕᐅᓂᕐᒧᑦ ᐃᓗᐊᓂ ᓄᓇᕗᒻᒥ/ᓄᓇᑦᓯᐊᕐᒥ ᐊᐅᓪᓛᕐᕕᐅᔪᓐᓇᕐᓂᐅᔪᒥ ᐃᒻᒥᓂᒃ−ᐅᐸᒃᑕᐅᑦᑕᐃᓕᔭᕆᐊᖃᕋᔭᙱᖦᖢᑎᒃ, ᑭᕙᓪᓕᕐᒥᐅᑦ ᐃᖃᓗᖕᓄᙵᐅᔪᓐᓇᕐᓂᐊᖅᐳᑦ ᐃᓅᓕᓴᖅᑕᐅᓂᕐᒧᑦ ᖃᓪᓗᓈᑦ ᓄᓇᖓᓐᓄᐊᙱᖔᕐᓗᑎᒃ.

ᐸᕐᓇᐅᑎᑕᖃᕆᕗᖅ ᓴᖅᑭᑎᑦᑎᓂᐅᔪᒥ ᐃᓅᓕᓴᖅᑕᐅᓂᐅᔪᓂ ᐊᓯᖏᓐᓂ ᐊᕕᒃᑐᖅᓯᒪᓂᐅᔪᓂᑦᑕᐅᖅ.

ᕿᒥᕐᕈᕗᒍᑦ ᒪᓕᒃᑐᓂ ᑕᖅᑭᓂᑦ 6−ᓂ ᓴᖅᑭᑎᑕᐅᓂᖓᓂ ᑭᕙᓪᓕᕐᒥ ᐊᒻᒪᓗᑦᑕᐅᖅ ᕿᑎᕐᒥᐅᓂ,” ᐅᖃᓚᐅᖅᐳᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᒥᓂᔅᑕᖓ ᔪᐊᔾ ᕼᐃᒃᔅ.

ᐊᒃᓱᕈᕐᓇᖅᑎᑦᑎᓚᐅᖅᐳᖅ ᐃᓄᖕᓂ ᐃᓅᓯᖏᓐᓂ ᕿᒪᒃᓯᔭᕆᐊᖃᖅᖢᑎᒃ ᓄᓇᓕᖓᓐᓂ ᒪᕐᕉᖕᓂ ᐊᑐᓂ ᐱᖓᓱᓄᑦ ᑎᓴᒪᓄᓪᓘᓐᓃᑦ ᐱᓇᓱᐊᕈᓯᐅᔪᓄᑦ.

ᐃᑲᕐᕋᑐᐃᓐᓇᒥᒐᓚᒃ ᐃᓅᓕᓴᖅᑕᐅᔭᖅᑐᕋᔭᖅᐳᑦ, ᐊᓱᐃᓛᒃ ᐅᐸᒃᑕᐅᑦᑕᐃᓕᔭᕆᐊᖃᖅᐳᑎᑦ ᐱᓇᓱᐊᕈᓯᕐᓂ ᒪᕐᕉᖕᓂ, ᐊᑯᓂᐅᓗᐊᖅᑐᐊᓗᒃ ᐃᖅᑲᓇᐃᔭᖅᑎᓪᓗᑎᑦ,” ᐅᖃᓚᐅᖅᐳᖅ ᓈᓐᓯ ᓈᑕᓇᐃᓐ, ᐊᑕᐅᓯᐅᔪᖅ ᐋᓐᓂᐊᕕᓕᐊᓲᖅ ᐅᐸᒃᓯᒪᓚᐅᖅᑐᒥ ᐅᖃᐅᓯᓕᐊᖑᔪᒥ. ᓈᑕᓇᐃᓐ ᐃᓅᓕᓴᖅᑕᐅᓲᖑᕗᖅ Crohn’s ᐋᓐᓂᐊᕐᓇᖓᓄᑦ.

ᓴᖅᑭᓐᓂᐅᔪᒥ ᓄᕙᒡᔪᐊᕐᓇᕐᒥ ᐊᒻᒪᓗ ᐅᐸᒃᑕᐅᑦᑕᐃᓕᔭᕆᐊᖃᖅᖢᓂ, ᑕᐅᑐᙳᐊᕈᓐᓇᖅᐳᑎᑦ ᐊᒃᓱᕈᕐᓇᕐᔪᐊᕐᓂᖓᓂ ᐊᐅᓪᓛᕆᐊᖃᕐᓂᕐᒧᑦ ᐱᓇᓱᐊᕈᓯᑦ ᐱᖓᓱᑕᒫᒥ, ᐅᐸᒃᑕᐅᑦᑕᐃᓕᓕᕐᓗᓂ, ᐊᖏᕐᕋᕐᓗᓂ ᐊᒻᒪᓗ ᑕᐃᒪᐃᓕᐅᒃᑲᓐᓂᕐᓗᓂ ᐊᕐᕌᒍᓕᒫᒧᑦ,” ᐅᖃᓚᐅᖅᐳᖅ ᑎᒪᐃᔪ.

ᐱᓕᕆᖃᑎᖃᖅᖢᓂ ᖃᓪᓗᓈᑦ ᓄᓇᖓᓐᓂ ᑳᓐᓱᒧᑦ ᐃᓅᓕᓴᖅᑕᐅᕕᖕᓂᑦ ᐱᓪᓚᕆᐅᓯᒪᕗᖅ ᐱᓂᕐᒥ Herceptin ᐃᓅᓕᓴᖅᑕᐅᓂᐅᔪᓂᑦ ᐊᑐᐃᓐᓇᐅᑎᑕᐅᓂᖏᓐᓂ ᐅᑭᐅᖅᑕᖅᑐᒥ.

ᐊᑕᐅᓯᐅᔪᖅ ᑐᕌᒐᒃᓴᑦᑎᓐᓂ ᓴᙱᒃᑎᒋᐊᖅᓯᓂᕐᒧᑦ ᐱᓕᕆᖃᑎᒌᖕᓂᑦᑎᓐᓂ ᑳᓐᓱᓕᕆᕝᕕᐅᔪᓄᑦ ᖃᓪᓗᓈᑦ ᓄᓇᖓᓐᓂ, ᐅᕙᑦᑎᓐᓂ ᖃᐅᔨᒪᓕᖅᑎᑦᑎᓂᐅᔪᒥ ᐊᒻᒪ ᐋᓐᓂᐊᕕᓕᐊᖅᐸᒃᑐᓂ ᐱᔪᒪᓂᖏᓐᓂ ᐊᒻᒪ ᐱᓂᖏᓐᓂ ᑐᙵᕕᖃᑦᑎᐊᖅᑐᒥ ᑲᑎᙵᓂᖃᕈᓐᓇᕐᓂᕐᒧᑦ ᑖᒃᑯᓄᖓ. ᑕᐃᒫᒃ ᐱᔭᕆᑐᕗᖅ ᐊᖅᑯᑕᐅᔪᒥ ᑕᐃᒪᐃᓕᐅᕐᓂᕐᒧᑦ,” ᐅᓂᒃᑳᓚᐅᖅᐳᖅ ᑎᒪᐃᔪ.

ᑎ ᐅᐃᑦ ᐃᓚᒋᐊᖅᓯᓚᐅᕆᕗᖅ ᐋᑐᕚᒥ ᐋᓐᓂᐊᕕᒃ ᐃᑲᔪᖅᓱᐃᑦᑎᐊᖅᖢᓂ ᐱᓕᕆᖃᑎᒋᔭᐅᓯᒪᕗᖅ ᐱᓂᕐᒥ ᐅᑯᓂᖓ ᐃᓅᓕᓴᖅᑕᐅᓂᐅᔪᓂᑦ ᐋᖅᑭᒃᓱᖅᑕᐅᓂᖏᓐᓂ ᐅᑭᐅᖅᑕᖅᑐᒥ.

ᑎᑭᑐᐃᓐᓇᖅᓯᒪᙱᓚᑦ (ᐃᖃᓗᖕᓄᑦ), ᑎᑭᑎᑦᑎᓯᒪᕗᑦ ᑲᑎᙵᓂᐅᔪᒥ ᐱᓕᒻᒪᒃᓴᐃᓂᕐᒧᑦ ᓘᒃᑖᖑᔪᓂ ᐅᕙᓂ ᑳᓐᓱᒧᑦ ᐸᖅᑭᓂᐅᔪᒧᑦ, ᐊᐅᓪᓚᖅᑎᑦᑎᓯᒪᒋᕗᑦ ᐃᓚᖏᓐᓂ ᐃᖅᑲᓇᐃᔭᖅᑎᑦᑎᓐᓂ ᐋᑐᕚᒧᑦ ᐱᓕᕆᓂᕐᒧᑦ ᑳᓐᓱᓕᕆᕝᕕᐅᔪᒥ ᑕᐃᓇᓂ,” ᑎ ᐅᐃᑦ ᐅᖃᓚᐅᖅᐳᖅ.

ᑎᒪᐃᔪ ᐅᖃᓚᐅᕆᕗᓂᕆᐅᒃᐳᑦ ᐊᖏᒡᓕᒋᐊᖅᓯᓛᕐᓂᕐᒧᑦ ᐱᓕᕆᖃᑎᒋᓂᖏᓐᓂ ᐋᑐᕚᒥ ᐅᓄᕐᓂᖅᓴᓂ ᐃᓄᖕᓂ ᐱᓕᒻᒪᒃᓴᖅᑕᐅᓂᖏᓐᓂ.

ᒫᓐᓇ ᐋᑐᕚᒥᕿᑭᖅᑖᓗᖕᒥ ᑲᑎᙵᓂᖃᓕᖅᐳᒍᑦ ᑕᐃᒫᒃ ᑕᐃᒪᑐᖅ ᐱᕙᓪᓕᐊᑎᑦᑎᓂᐊᖅᐳᒍᑦ ᐅᑯᓂᖓ ᑲᑎᙵᓂᐅᔪᓂ ᐃᓚᖃᖅᑐᒥ ᐊᓯᖏᓐᓂ ᖃᓪᓗᓈᓂ ᓄᓇᖓᓐᓂ ᐱᓕᕆᖃᑎᒋᓂᐅᔪᓂ ᐊᓯᖏᓐᓂ ᐊᕕᒃᑐᖅᓯᒪᓂᐅᔪᓂ ᑐᓂᓯᕙᒃᑐᓂ ᑳᓐᓱᒧᑦ ᐸᖅᑭᓂᐅᔪᒥ.”

Advertisement