ᓂᐅᕕᖅᑕᐅᒃᑲᓐᓂᕐᓂᖓᓂ ᓂᖏᖅᑕᕐᓂᖅ ᐊᑯᓂᐅᔪᒥ ᖄᖏᐅᑎᓯᒪᓕᖅᐳᖅ ᐃᓄᖕᓄᑦ ᓴᓇᐅᒐᓕᕆᔨᓄᑦ

NNSL- December 5, 2018

ᕿᓐᓄᐊᔪᐊᖅ ᐋᓯᕙᒃ ᓱᓕ ᓄᓇᕗᒻᒥ ᐅᐱᒋᔭᐅᕗᖅᐊᒻᒪ ᑲᓇᑕᒥᐱᔪᓐᓇᕐᓂᖓᓂ ᓴᓇᐅᒐᓕᕆᔪᓐᓇᕐᓂᖓᓂ. ᑕᖅᑭᐅᓚᐅᖅᑐᒥ ᐊᑭᑦᑐᕋᐅᑎᓂᐅᔪᒥ ᖃᐅᔨᒪᔭᐅᕐᔪᐊᖅᑐᒥ 1960-ᒥ ᐅᔭᖅᑲᒧᑦ ᓴᓇᙳᐊᖅᑕᐅᓂᑯᒧᑦ ᐊᒥᐊᒐᖓᓂ ᑲᒪᓇᖅᑐᐊᓗᒃ ᐅᒃᐱᒡᔪᐊᕐᒥ ᐱᓚᐅᖅᐳᖅ $180,000 ᐃᓚᓪᓗᒍ ᐊᑭᓕᐅᑎᓂᑦ ᑲᑎᓪᓗᒍ $216,000-ᖑᓪᓗᓂ. ᓂᐅᕕᖅᑕᐅᓂᖓ ᐋᖅᑭᒃᓯᓚᐅᖅᐳᖅ ᓄᑖᖑᔪᒥ ᑲᓇᑕᒥ ᐊᑭᑐᓛᖑᓂᐅᔪᒥ ᐊᒥᐊᒐᕐᒧᑦ ᓂᐅᕕᖅᑕᐅᔪᒥ ᐊᑭᑦᑐᕋᐅᑎᓂᐅᔪᒥ.

ᓂᐅᕕᖅᑕᐅᓂᖓ ᑎᓴᒪᑲᓴᓪᓗᐊᓂ ᐊᖏᓂᖅᓴᐅᕗᖅ ᕿᓐᓄᐊᔪᐊᑉ ᐱᐅᓛᖓᓂ ᓯᕗᓂᐊᒍᑦ ᐊᑭᑦᑐᕋᐅᑎᓂᐅᔪᒥ ᐊᑭᖓᓐᓂ, $59,000-ᒥ 2015-ᒥ ᐅᑲᓕᖅ ᕿᖅᑯᐊᒥ ᓂᕆᔪᒥ. ᑖᓐᓇ ᐊᒥᐊᒐᖅ ᓯᕗᓪᓕᐅᓪᓗᓂ ᐃᓚᐅᖃᑕᐅᓚᐅᖅᐳᖅ ᐊᕐᕌᒍᑕᒫᒥ ᑭᙵᕐᓂ ᑲᑎᙵᓂᐅᔪᓄᑦ 1959-ᒥ.

ᐊᓕᐊᓇᐃᖑᒐᓗᐊᖅ ᕿᓐᓄᐊᔪᐊᑉ ᐅᒃᐱᒡᔪᐊᖓ ᑎᒍᒥᐊᕐᓂᖓᓂ ᐊᑭᑐᓛᖑᓂᐅᔪᒥ ᖁᑦᑎᓛᖑᔪᓄᑦ ᑲᓇᑕᒥᐅᑕᓄᑦ ᐊᒥᐊᒐᓄᑦ ᐃᓱᒪᒋᓪᓗᒍ ᓯᕗᓂᐊᓂ ᐊᑭᑐᓛᖑᓯᒪᓂᐅᔪᖅ ᑎᒍᒥᐊᖅᑎᐅᓚᐅᖅᑐᖅ – Speedway ᓯᐳᓪ ᐋᓐᑐᕉᔅᒧᑦ, ᓂᐅᕕᖅᑕᐅᓚᐅᖅᑐᖅ $129,000-ᒧᑦ 2015-ᒥᑲᓇᑕᒥᐅᑕᐅᓪᓚᕆᒍᓐᓇᙱᑎᓪᓗᒍ (ᐃᒃᐱᒍᓱᑦᑎᐊᙱᓐᓇᓱᐊᙱᑦᑐᖅ). ᐋᓐᑐᕉᔅ ᑲᓇᑕᒧᑦ ᓅᓚᐅᖅᓯᒪᑎᓪᓗᒍ ᓄᓇᕐᔪᐊᒥ ᐅᓄᑕᕐᔪᐊᕐᓂᐅᔪᒥ ᒪᕐᕈᖓᓂ ᐊᒻᒪ Speedway ᐱᐅᔪᒻᒪᕆᐅᒐᓗᐊᖅᑎᓪᓗᒍ, ᓴᓇᓚᐅᖅᓯᒪᕙᖓ ᐊᒥᐊᒐᐅᔪᖅ 1934-ᒥ ᐃᖕᓚᓐᒥᐅᑕᐅᑎᓪᓗᒍ, ᐊᕐᕌᒍᑦ ᖁᓕᓂᑦ ᐅᖓᑖᓂ ᑲᓇᑕᐅᑉ ᓄᓇᖓᓄᐊᓚᐅᖅᑳᕋᓂ.

ᕿᓐᓄᐊᔪᐊᖅ ᓯᕗᓪᓕᖅᐸᐅᓪᓗᓂ ᐊᕐᓇᐅᓚᐅᖅᐳᖅ ᐃᓚᐅᖃᑕᐅᓂᕐᒧᑦ ᑭᙵᕐᓂ ᐅᔭᖅᑲᒧᑦ ᐊᒥᐊᕆᓂᐅᔪᒥ ᑯᐊᐸᒃᑯᓐᓂ, ᐊᒻᒪ ᑕᕐᕆᔭᓕᐊᖑᓚᐅᖅᑐᒥ ᓴᓇᐅᒐᖏᓐᓄᑦ ᓂᕈᐊᖅᑕᐅᓚᐅᖅᓯᒪᕗᖅ ᐋᔅᑯᕐᒧᑦ ᐱᐅᓛᖑᔪᒧᑦ ᓇᐃᑦᑐᒥ ᐊᑐᖅᑕᐅᓚᐅᖅᓯᒪᔪᒥᒃ ᑕᕐᕆᔭᓕᐊᒥᒃ 1963-ᒥ. ᑕᑯᒃᓴᐅᑎᑕᐅᓯᒪᕗᖅ Heritage Minute-ᒥ, ᐊᒻᒪ ᐊᓯᐊᓂ ᐊᒥᐊᒐᕐᒥ, ᐅᒃᐱᒡᔪᐊᑉ ᓄᓇᕋᖏᑦ, ᑲᓇᑕᒥ 150 ᐊᓯᐊᒍᑦ ᓴᖅᑭᑎᑕᐅᓯᒪᔪᒥ $10 ᑮᓇᐅᔭᒦᓚᐅᖅᐳᖅ.

ᓇᐃᓈᕐᓗᒍ, ᕿᓐᓄᐊᔪᐊᖅ ᑭᒡᒐᖅᑐᐃᔨᐅᕗᖅ.

ᐊᒻᒪ ᓱᓕ ᒐᕙᒪᑐᖃᒃᑯᓐᓂ ᒪᓕᖓᖏᓐᓂ ᐊᑭᕋᖅᑐᖅᐳᑦ ᑐᓐᓂᖅᑯᑎᐅᔪᒥ ᐱᖁᑎᖓᓐᓂ. ᓱᓕᒐᓗᐊᖅᑎᓪᓗᒍ ᓂᐅᕕᐊᒃᓴᐅᔪᓄᑦ ᓂᐅᕕᖅᑕᐅᓂᖏᓐᓂ ᐱᓕᕆᐊᖏᓐᓄᑦ ᑮᓇᐅᔭᓕᐅᕐᓂᖃᖅᑎᓪᓗᒍ ᓚᐃᓴᓐᓯᖃᕐᓂᕐᒧᑦ ᓴᓇᐅᒐᓄᑦᑕᑯᓯᒪᔭᒃᓴᕆᔭᑎᑦ ᐱᓕᕆᐊᕕᓂᖏᓐᓂ ᓂᐱᑎᒐᕐᓂ ᐊᒻᒪ ᐃᕐᙳᓯᓂᑦ ᒥᑦᑕᕐᕕᖕᒥᕿᓐᓄᐊᔪᐊᑉ ᑐᖁᔫᑉ ᕿᒻᒪᑯᖏᑦ ᑮᓇᐅᔭᖅᑖᓲᖑᙱᑦᑎᐊᖅᐳᑦ ᐊᒥᐊᒐᓄᑦ ᓂᐅᕕᖅᑕᐅᔪᓂ ᐊᑭᑦᑐᕋᐅᑎᓂᐅᔪᓂᑦ.

ᑕᐃᒪᐃᑦᑐᐃᓐᓇᐅᕗᑦ ᑕᒪᒃᑭᓄᑦ ᑲᓇᑕᒥᐅᑕᓄᑦ ᑭᓯᐊᓂ ᑕᐃᒪᐃᙱᓚᖅ ᓴᓇᐅᒐᓕᕆᔨᐅᔪᓄᑦ 93-ᓗᐊᓄᑦ ᓄᓇᐅᔪᓄᑦ, ᐃᓚᖃᖅᑐᒥ ᔫᕋᑉᒥ ᔫᓂᐊᖑᔪᓂ ᓄᓇᐅᔪᓄᑦ. ‘droit de suite’ ᐅᐃᕖᓄᑦ ᐃᓱᒪᒋᔭᐅᓂᐅᕗᖅ ᓇᓗᓇᐃᖅᓯᔪᒥ ᐱᔪᓐᓇᕐᓂᕆᔭᐅᔪᑦ ᒪᓕᖕᓂᖏᓐᓂ ᐱᓕᕆᐊᖑᓂᐅᔪᒥ, ᑕᐃᒫᒃ ᓴᓇᐅᒐᓕᕆᔨᐅᔪᑦ ᐊᒻᒪ ᑭᖑᕚᖏᑦ ᐱᕚᓪᓕᕈᑎᖃᓲᖑᕗᑦ ᓯᕗᓂᒃᓴᒥ ᓂᐅᕕᖅᑕᐅᓂᐅᔪᓄᑦ.

ᑲᓇᑕᒥ ᓴᓇᐅᒐᓕᕆᔨᐅᔪᓄᑦ ᑭᒡᒐᖅᑐᐃᔨᐅᔪᓄᑦ ᐃᔾᔪᐊᖅᑕᐅᔾᔭᐃᒃᑯᑦ ᑲᑎᙵᓂᐅᔪᒥ (CARRC) ᐅᓇᑕᖅᐳᑦ ᑐᓂᓯᓂᕐᒥ ᓴᓇᐅᒐᓕᕆᔨᐅᑉ ᓂᐅᕕᖅᑕᐅᒃᑲᓐᓂᕐᓂᖓᓂ ᐱᔪᓐᓇᕐᓂᕆᔭᖓᓐᓂ” (ARR) ᐊᖏᓂᐅᔪᒥ 51 ᐳᓴᓐᑎᒥ ᓂᐅᕕᖅᑕᐅᓂᐅᔪᒧᑦ.

ᐊᓯᐊᒍᑦ ᐅᖃᕐᓗᓂ, ᕿᓐᓄᐊᔪᐊᑉ ᐃᓚᖏᑦ ᐱᓚᐅᙱᓚᑦ $9,000-ᓂ ᓂᖏᖅᑕᕐᓂᐅᔪᓄᑦ.

ᐊᖏᓂᖅᓴᒻᒪᕆᐅᕗᖅ ᕿᓐᓄᐊᔪᐊᖅ ᐱᓚᐅᖅᓯᒪᔭᖓᓐᓂ ᐱᓕᕆᐊᖓᓄᑦ ᓯᕗᓪᓕᖅᐸᐅᔪᒥ. ᓂᐅᕕᐊᒃᓴᕆᓚᐅᖅᓯᒪᕙᖓ ᐊᒥᐊᒐᖅ $24-ᒧᑦ 1960-ᒥ.

ᓴᓇᐅᒐᓕᕆᔨᐅᔪᖅ ᐃᒻᒥᓂᒃ ᐅᖃᐅᓯᐅᓯᒪᕗᖅ ᐃᑲᔪᖅᓱᐃᓚᐅᕐᓂᖓᓂ ᐱᒋᐊᕈᑕᐅᔪᒥ ᑲᑎᙵᓂᐅᔪᒧᑦ ᖃᕋᓴᐅᔭᑎᒍᑦ ᑐᑭᓯᒋᐊᖅᑕᕐᕕᖓᓐᓂ. ᐱᓕᕆᓂᐅᔪᖅ ᐊᑐᓕᖅᑎᑦᑎᓂᕐᒧᑦ ᐃᓱᒪᓂᐅᔪᒥ ᓴᙱᔫᕗᖅ, ᐱᓗᐊᖅᑐᒥ ᐃᓄᖕᓄᑦ ᓴᓇᐅᒐᓕᕆᔨᐅᔪᓄᑦ.

ᑐᓂᓯᓂᕆᔭᖏᓐᓄᑦ ᑕᖅᑭᐅᓚᐅᖅᑐᒥ ᑲᑎᒪᔨᕋᓛᖑᐃᓐᓇᖅᑐᓄᑦ ᑲᓇᑕᒥ ᐱᐅᓯᑐᖃᕐᒥ ᒪᓕᒐᖅᑎᒎᖓᔪᒥ ᕿᒥᕐᕈᔭᐅᓂᖓᓄᑦ ᐃᔾᔪᐊᖅᑕᐅᔾᔭᐃᒃᑯᒻᒥ ᒪᓕᒐᖓᓐᓂ, CARCC ᐅᖃᖅᓯᒪᕗᑦ ᐋᔅᑐᕋᐃᓕᐊᒥ, ARR ᐱᕙᓪᓕᕈᑎᖃᖅᓯᒪᓛᖑᕗᑦ ᓄᓇᖃᖅᑳᖅᓯᒪᔪᓄᑦ ᓴᓇᐅᒐᓕᕆᔨᐅᔪᓄᑦ. $6.3 ᒥᓕᐊᓐᓂ ᓂᖏᖅᑕᕐᓂᐅᔪᓄᑦ ᓴᖅᑭᑦᑐᓄᑦ ᐅᓄᕐᓂᖅᓴᐅᔪᓄᑦ 1,600-ᓂ ᓴᓇᐅᒐᓕᕆᔨᐅᔪᓄᑦ ᓄᓇᖓᓐᓂ, 64 ᐳᓴᓐᑎᖓᓂ ᑮᓇᐅᔭᓂᑦ ᓄᓇᖃᖅᑳᖅᓯᒪᔪᓄᑦ ᓴᓇᐅᒐᓕᕆᔨᓄᐊᓲᖑᕗᑦ.

CARCC ᐅᖃᖅᓯᒪᕗᑦ ARR-ᑯᑦ ᐊᖏᓂᖅᓴᐅᔪᒥ ᐱᕙᓪᓕᕈᑕᐅᓲᖑᕗᖅ ᐃᓄᑐᖃᕐᓄᑦ ᓴᓇᐅᒐᓕᕆᔨᐅᔪᓄᑦ, ᐱᓕᕆᐊᖏᑦ ᐊᖏᒡᓕᒋᐊᖅᓯᓯᒪᔪᓂ ᐊᑭᖓᓐᓂ ᐊᑯᓂᐅᔪᒃᑯᑦ.

ᖃᓄᑐᐃᓐᓇᖅ ᐱᓕᕆᐊᖑᒧᓂ, ᐅᓇ] ᐱᒋᐊᕈᑕᐅᕗᖅ ᓄᓇᕗᒻᒥᐅᓂ ᐃᑲᔪᖅᓯᖅᑕᐅᓪᓗᐊᖅᐳᖅ. ᐊᖏᖃᑎᒋᒍᕕᐅᒃ ᐃᓄᐃᑦ ᓴᓇᐅᒐᓕᕆᔨᐅᔪᑦ ᐃᒃᓯᖕᓇᖅᑕᐅᑐᐃᓐᓇᓪᓗᐊᙱᓐᓂᖏᓐᓂ ᓴᓇᐅᒐᓄᑦ ᑲᑎᖅᓱᐃᔨᐅᔪᑦ ᐊᒻᒪ ᐊᑭᑦᑐᕋᐅᑎᓂᕐᒧᑦ ᐃᒡᓗᒋᔭᐅᔪᑦ ᐱᕙᓪᓕᕈᑎᖃᖅᑎᓪᓗᒋᑦ ᐃᓄᐃᑦ ᓴᓇᐅᒐᖏᓐᓂ, ᐅᕙᑦᑎᓐᓂ ᒪᓕᒋᑦ. ᐃᓱᒪᒋᔭᑎᑦ ᑎᑎᕋᐅᓯᕆᒃᑭᑦ, ᐱᐅᓛᖑᓇᔭᖅᐳᖅ ᑎᑎᕋᕐᓗᑎᑦ ᑲᓇᑕᐅᑉ ᒪᓕᒐᓕᐅᖅᑎᖏᓐᓄᑦ ᐃᓚᒋᔭᐅᔪᒧᑦ ᐊᒻᒪ ᐊᓯᖏᓐᓄᑦ ᑲᓇᑕᐅᑉ ᒪᓕᒐᓕᐅᖅᑎᖏᓐᓄᑦ ᐃᓚᒋᔭᐅᔪᓄᑦ ᓈᓚᒍᓐᓇᕋᓱᒋᔭᕐᓄᑦ.

ᐊᑭᓕᐅᑎᐅᔪᖅ ᐃᓄᖕᓄᑦ ᓴᓇᐅᒐᓕᕆᔨᐅᔪᓄᑦ ᐊᖏᓂᖅᓴᕐᔪᐊᖑᓇᔭᖅᐳᖅ ᑎᑎᖅᑲᒧᑦ ᐊᑭᓕᐅᑎᖓᓄᑦ ᑲᓇᑕᐅᑉ ᒪᓕᒐᓕᐅᖅᑎᖏᓐᓄᑦ ᐃᒡᓗᕐᔪᐊᖓᓐᓄᑦᑕᒪᓐᓇ ᐊᑭᖃᕐᓇᓂ.

Leave a Comment: