ᒪᒃᑯᒃᑐᖅ ᓂᐅᖁᙴᒥᐅ ᑎᑭᐅᑎᕗᖅ ᐊᖏᔪᒥᑦ ᐃᖃᓗᖕᒧᑦ ᓂᕿᓕᐊᕆᔭᒥᓄᑦ

342

ᐅᐱᒋᔭᐅᓪᓗᑎᒃ ᐋᑐᕚᒥ, ᕆᕗᕐ ᒪᒃᓚᔅᑭ ᐅᑎᓚᐅᖅᐳᖅ ᓂᐅᖁᙴᒧᑦ ᑕᒪᑐᒪᓂ ᑕᖅᑭᐅᔪᒥ ᕿᕋᑕᑦᑎᐊᖅᑐᒥ ᖃᐅᓪᓗᖅᑐᒥ ᓂᕿᓕᐅᕐᓂᕐᒧᑦ ᐊᑐᖅᑕᐅᓲᒥᒃ, ᖃᐅᓪᓗᖅᑐᒥ ᓂᕿᓕᐅᖅᑎᕐᔪᐊᑉ ᓴᐃᑲᖓᓂ, ᐊᒻᒪ ᓂᕿᓕᐅᕐᓂᕐᒧᑦ ᐱᖅᑯᓯᒋᔭᖓᓂ ᐱᐅᓛᖑᔪᓄᑦ ᓂᕆᕕᐅᔪᓂᑦ – ᖁᑦᑎᒃᑐᒥ ᖃᐅᓪᓗᖅᑐᒥ ᓂᕿᓕᐅᖅᑎᕐᔪᐊᑉ ᓇᓴᖓᓐᓂ.

ᕆᕗᕐ ᒪᒃᓚᔅᑭ, 9, ᐊᑕᐅᓯᐅᓚᐅᖅᐳᖅ 26−ᓂ ᒪᒃᑯᒃᑐᓄᑦ ᐅᑭᐅᓕᖕᓂ 7−ᓂ 12−ᓄᑦ ᓵᓚᒃᓴᓚᐅᖅᑐᒥ ᓄᑕᖅᑲᓄᑦ ᓂᕿᓕᕆᓂᐅᔪᒥ ᓵᓚᖃᕋᓱᐊᕐᓂᐅᔪᒥ. ᐱᓇᓱᐊᕈᓯᐅᑉ ᓄᙳᐊᓂ ᐅᒃᑐᐱᕆ 19−ᒥ ᐃᒻᒥᓂᒃ ᐊᒻᒪ ᖃᓄᐃᙱᑦᑎᐊᕐᓂᐅᔪᒥ-ᓂᕿᓕᐅᕐᓂᕐᒧᑦ ᐱᓕᕆᖃᑎᖓ ᖁᕕᐊᓱᒍᑕᐅᓚᐅᖅᐳᑦ Fairmont Chateau Laurier−ᒥ ᐋᑐᕚᒥ.
ᕆᕗᕐ ᒪᒃᓚᔅᑭ, 9, ᐊᑕᐅᓯᐅᓚᐅᖅᐳᖅ 26−ᓂ ᒪᒃᑯᒃᑐᓄᑦ ᐅᑭᐅᓕᖕᓂ 7−ᓂ 12−ᓄᑦ ᓵᓚᒃᓴᓚᐅᖅᑐᒥ ᓄᑕᖅᑲᓄᑦ ᓂᕿᓕᕆᓂᐅᔪᒥ ᓵᓚᖃᕋᓱᐊᕐᓂᐅᔪᒥ. ᐱᓇᓱᐊᕈᓯᐅᑉ ᓄᙳᐊᓂ ᐅᒃᑐᐱᕆ 19−ᒥ ᐃᒻᒥᓂᒃ ᐊᒻᒪ ᖃᓄᐃᙱᑦᑎᐊᕐᓂᐅᔪᒥ-ᓂᕿᓕᐅᕐᓂᕐᒧᑦ ᐱᓕᕆᖃᑎᖓ ᖁᕕᐊᓱᒍᑕᐅᓚᐅᖅᐳᑦ Fairmont Chateau Laurier−ᒥ ᐋᑐᕚᒥ.

ᐱᓇᓱᐊᕈᓯᐅᑉ ᓄᙳᐊᓂ ᐅᒃᑐᐱᕆ 19−ᒥ ᐋᑐᕚᒦᓚᐅᖅᐳᖅ ᖁᔭᓐᓇᒦᒃ ᓂᕿᓕᐅᒐᒃᓴᒥᓄᑦ ᐃᒻᒥᓂᒃ ᓴᓇᓚᐅᖅᑕᒥᓂᑦ–ᐃᒐᐅᑉ ᐃᓗᐊᓂ ᐆᑦᑎᓯᒪᔪᒥ ᐃᖃᓗᖕᒥ ᓰᕐᓇᖅᑐᒥ ᐱᕈᖅᑐᕈᓂᕐᓂ ᒥᖑᐊᖃᖅᖢᓂ. ᕆᕗᕐ, 9, ᐃᒻᒥᓂᒃ ᐃᓚᐅᖃᑕᐅᓕᓚᐅᖅᐳᖅ ᓄᑕᖅᑲᓄᑦ ᓂᕿᓕᐅᕆᓂᐅᔪᒥ ᓂᕿᓕᐊᖑᔪᒥ ᓵᓚᖃᕋᓱᐊᕐᓂᐅᔪᒥ, ᐃᑲᔪᖅᑕᐅᓪᓗᓂ ᐊᓈᓇᖓᑕ ᑭᐊᕆᒧᑦ.
ᓂᕆᓕᐅᒐᒃᓴᖓᓂ ᐃᓱᒪᓂᐅᔪᒥ ᕿᑲᖅᑎᓪᓗᒋᑦ ᑭᐅᐸᒥ, ᒪᕐᕉᔫᒃ ᐆᒃᑐᓚᐅᖅᑎᓪᓗᒋᑦ ᒥᖑᐊᖑᓂᐅᔪᒥ ᐃᓱᒪᓕᐅᕆᓂᐅᓚᐅᖅᑐᒥ.
“ᐹᐱᑭᐅᕐᕕᒃᑕᖃᓚᐅᖅᐳᖅ ᓯᒡᔭᒥᑦ. ᓇᓂᓚᐅᖅᐸᕗᑦ ᐅᓪᓗᖓᓂ ᒪᕐᕈᖓᓐᓂ ᑕᐃᑲᓃᖦᖢᑕ. ᑲᒪᓇᑦᑎᐊᓚᐅᖅᐳᖅ, ᑭᓯᐊᓂ ᑲᒪᓇᖅᑎᑦᑎᓚᐅᖅᑐᒥ ᐅᓇ ᓇᐹᖅᑐᒥᙶᖅᑐᒥ, ᒥᖑᐊᖑᔪᖅ. ᓰᕐᓇᖅᖢᓂ ᐊᒻᒪ ᑎᐱᑦᑎᐊᕆᒃᑐᒻᒪᕆᐅᓪᓗᓂ, ᓂᕿᒥᑦ ᒪᒪᖅᓯᑎᑦᑎᒃᑲᓐᓂᐅᔭᖅᖢᓂ,” ᐅᖃᓚᐅᖅᐳᖅ ᑭᐊᕆ.
“ᐅᖃᐅᓯᕆᓚᐅᖅᐸᕗᑦ ᐊᕐᕌᒍᓄᑦ ᑕᓪᓕᒪᓄᑦ.”
ᓯᕗᓂᐊᓂ ᑕᒪᑐᒪᓂ ᐊᕐᕌᒎᔪᒥ, ᐳᓚᕋᖅᑎᓪᓗᒋᑦ ᐱᖃᓐᓇᕆᔭᒥᓂᑦ ᑯᐸᐃᖕᒥ, ᕆᕗᕐ ᐅᖃᓚᐅᖅᐳᖅ, “ᓴᓇᔪᒪᕙᕋ ᒥᖑᐊᖑᔪᖅ.”
ᑭᐊᕆ ᖁᒃᓴᓪᓚᓚᐅᖅᐳᖅ, ᑕᐃᔅᓱᒪᓂ ᐅᖃᐅᓯᕆᑐᐃᓐᓇᖅᐸᓚᐅᕐᒪᔾᔪᒃ ᑕᐃᔅᓱᒪᓂᐅᓚᐅᖅᑐᒧᑦ.
“ᓲᓵᓐ ᓂᕿᓕᐅᕐᕕᖓᓄᐊᖅᖢᓂ – ᓂᕿᓕᐅᕐᕕᒋᙱᑕᕗᓪᓘᓐᓃᑦ – ᑲᑎᖅᓱᐃᓪᓗᓂ ᑕᒪᒃᑭᑦ ᐃᓚᒃᓴᖏᓐᓂ. ᐊᒻᒪ ᓴᓇᓪᓗᓂᐅᒃ. ᑭᖑᓂᐊᒍᑦ, ᐱᓕᕇᓐᓇᖅᐸᒃᖢᓂᐅᒃ. ᑕᒪᓐᓇ ᐃᓚᖓ ᐅᕙᓐᓄᑦ ᑲᒪᓇᓚᐅᖅᐳᖅ … ᖁᙱᐊᖅᖢᒍ ᐅᓇ ᐃᓄᒃ ᑖᔅᓱᒥᖓ ᐱᓕᕆᓪᓗᓂ ᑭᓯᐊᓂ ᖁᕕᐊᓱᓕᕋᒥ ᐊᔾᔨᒌᙱᕈᓘᔭᖅᑐᓂ ᑎᐱᖏᓐᓂᑦ.”
ᐱᒻᒪᕆᐅᓂᐅᔪᖅ ᕆᕘᕐ ᓂᕿᓕᐊᒃᓴᖓᓂ ᑲᑎᙵᓂᐅᔪᒥ ᓄᑖᖑᔪᓂ ᓰᕐᓇᖅᑐᓂ ᐱᕈᖅᑐᕕᓂᕐᓂ ᐃᒪᖓᓐᓂ ᐲᔭᐅᓂᐅᔪᒥ ᓲᕐᓗ ᓚᒪᓐ, ᓚᐃᒻ ᐊᒻᒪ ᐆᕋᐃᓐᓂᓯᒥ, ᐱᓇᓱᐊᕈᓯᒐᓴᓂᑦ ᐱᐅᓯᑎᑦᑎᑦᑎᐊᕐᓂᕐᒧᑦ.
“ᐊᒻᒪ ᑐᒪᐃᑐ, ᑭᐅᑲᒻᐳᕐ,” ᐅᖃᓚᐅᖅᐳᖅ ᕆᕗᕐ, ᐃᓚᒋᐊᖅᓯᓪᓗᓂ ᐊᓈᓇᖓ ᓂᕿᓕᐊᒥᓂᑦ−ᐆᒃᑐᖅᑎᐅᓚᐅᕐᓂᖓᓂ. ᑖᒃᑯᐊ ᒪᕐᕉᒃ ᓂᕿᓕᐅᖅᑎᓪᓗᒋᑦ, ᑎᑎᕋᖅᐸᓪᓕᐊᓲᖑᙱᓚᑦ ᓴᓇᐅᒐᒥᓂᑦ. ᑭᓯᐊᓂ ᐃᓚᐅᖃᑕᐅᓂᕐᒧᑦ ᓵᓚᖃᕋᓱᐊᕐᓂᐅᔪᒥ, ᐆᒃᑐᕋᕐᓂᐅᔪᓂ ᐱᔭᕆᐊᖃᓚᐅᖅᐳᑦ.
“ᐃᓚᒃᓴᓕᒫᖏᑦ ᐱᓪᓗᑎᒍᑦ ᐊᒻᒪ ᓴᓇᓚᐅᖅᐳᖅ ᓂᕿᓕᐊᒃᓴᒥᑦ, ᓴᓇᕙᓪᓕᐊᑎᓪᓗᓂᐅᒃ ᐆᒃᑐᕋᖅᐸᓪᓕᐊᓚᐅᖅᐸᒃᑲ ᐃᓚᒃᓴᖏᓐᓂ ᐃᓕᐅᖅᑲᖅᐸᓪᓕᐊᔭᖓᓐᓂᑦ,” ᐅᖃᓚᐅᖅᐳᖅ ᑭᐊᕆ.
ᖃᓄᐃᓚᐅᖅᐸ ᖃᐅᔨᒐᒥ ᓵᓚᒃᓴᕐᓂᖓᓂ ᓂᕿᓕᐅᒐᒃᓴᒥ ᓵᓚᖃᕋᓱᐊᕐᓂᐅᔪᒥ?
“ᑐᑮᕈᑎᓚᐅᖅᐳᖅ. ᐃᕆᐊᓛᓚᐅᖅᐳᒍᑦ,” ᐅᖃᓚᐅᖅᐳᖅ ᕆᕗᕐ.
“ᕿᐊᓚᐅᖅᐳᖓ,” ᐅᖃᓚᐅᖅᐳᖅ ᑭᐊᕆ.
ᐊᖏᔫᔪᒥ ᖃᓄᐃᓐᓂᐅᔪᖅ ᐱᓕᕆᐊᖑᓚᐅᖅᐳᖅ Fairmont Chateau Laurier−ᒥ, ᐊᓈᓇᒋᔭᐅᔪᖅ ᐊᒻᒪ ᐃᕐᓂᖓ ᑐᔪᕐᒥᓚᐅᖅᐳᑦ ᐊᑭᓕᖅᑕᐅᓪᓗᓂ ᓄᑲᑉᐱᐊᑦ ᐊᒻᒪ ᓂᕕᐊᖅᓵᑦ ᑲᑎᙵᓂᐅᔪᓄᑦ ᑲᓇᑕᒥ, ᐊᒻᒪ ᒐᕙᒪᑐᖃᒃᑯᓐᓄᑦ, ᑲᒪᒋᔭᖃᓲᒥ ᐱᓕᕆᐊᖑᔪᒥ.
ᑐᕌᒐᒃᓴᖓ ᑲᔪᖏᖅᓴᐃᓂᕐᒧᑦ ᓂᕿᑦᑎᐊᕙᓕᕆᓂᕐᒧᑦ ᓂᕆᐊᕐᓂᐅᔪᓂ ᓂᕿᓂᑦ ᒪᒃᑯᒃᑐᓂ ᓂᕆᕙᒃᑕᖏᓐᓂ, ᓴᙱᒃᑎᒋᐊᖅᓯᓗᓂ ᐊᖓᔪᖅᑳᖑᔪᓄᑦ ᐊᒻᒪ ᐃᓚᒌᓄᑦ ᐸᕐᓇᕐᓂᕐᒧᑦ, ᐸᕐᓇᐃᓗᑎᒃ, ᐊᒻᒪ ᓂᕿᓕᐅᕐᓗᑎᒃ ᓂᕿᑦᑎᐊᕙᐅᓂᐅᔪᓂ ᐊᒻᒪ ᑕᒧᓗᒐᒃᓴᓂᑦ, ᐊᒻᒪ ᐱᕈᐃᕙᓪᓕᐊᓲᖑᕗᑦ ᓂᕿᑦᑎᐊᕙᒃᑐᖃᑦᑕᕐᓂᕐᒧᑦ ᐊᑐᖅᑕᐅᕙᒃᑐᓂ ᐃᓅᓯᓕᒫᒧᑦ.
“ᓄᑕᖅᑲᓂ ᐃᓚᐅᖃᑕᐅᑎᓪᓗᒋᑦ ᓂᕿᑦᑎᐊᕙᖕᓄᑦ ᐸᕐᓇᐃᓂᐅᔪᒥ ᐊᖏᔪᒻᒪᕆᐊᓗᖕᒥ ᐊᒃᑐᐃᓂᖃᕈᓐᓇᖅᐳᖅ ᐋᓐᓂᐊᖃᕐᓇᙱᑦᑐᓕᕆᓂᖓᓐᓄᑦ ᐊᒻᒪ ᖃᓄᐃᙱᑦᑎᐊᕐᓂᖏᓐᓄᑦ, ᐊᒻᒪ ᐋᖅᑭᒃᓱᐃᓲᖑᕗᖅ ᐱᐅᔪᒥ, ᖃᓄᐃᙱᑦᑎᐊᕐᓂᐅᔪᒥ ᐊᑐᖅᑕᐅᕙᒃᑐᓂ ᓯᕗᓂᒃᓴᒧᑦ,” ᐅᖃᓚᐅᖅᐳᖅ ᒐᕙᒪᑐᖃᒃᑯᑦ ᒥᓂᔅᑕᒋᔭᐅᔪᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᔨᓇᑦ ᐱᑎᑦᐸᔅ ᑕᐃᓗᕐ ᑐᓴᒐᒃᓴᓕᐊᖑᔪᒥ.
ᕆᕗᕐ ᓂᐱᖃᙱᒃᑲᓗᐊᖅᑎᓪᓗᒍ ᐊᐱᖅᓱᖅᑕᐅᓂᐅᔪᒥ ᓄᓇᕗᒻᒥ ᑐᓴᒐᒃᓴᓕᕆᔨᒃᑯᓐᓄᑦ – ᓲᖃᐃᒻᒪ ᐱᓇᓱᐊᕈᓯᐅᑉ ᓄᙳᐊᓂ ᑲᑎᙵᖃᖅᖃᓚᐅᕐᒪᑦ 25−ᓂ 7- ᓂ 12-ᓄᑦ-ᐅᑭᐅᓕᖕᓂ ᓂᕿᓕᕆᔨᐅᔪᓂᑦ ᑲᓇᑕᓕᒫᒥ ᐊᔾᔨᓕᐅᖅᑕᐅᕙᓪᓕᐊᓪᓗᑎᒃ – ᐊᓈᓇᐅᔪᖅ ᐊᒻᒪ ᐃᕐᓂᖓ ᓂᕿᓂᑦ ᐅᖃᐅᓯᖃᐃᓐᓇᐅᔭᖅᐳᑦ.
ᑭᐊᕆ, ᐃᑲᔪᖅᑕᐅᓪᓗᓂ ᖃᔅᓯᐊᕐᔪᖕᓂ ᐊᓯᖏᓐᓂ ᐃᓐᓇᕐᓂ, ᐊᐅᓚᑦᑎᓲᖑᕗᑦ ᒪᒪᖅᑐᖅ ᓇᓄᖅ ᓂᕿᓕᐅᕆᓂᕐᒧᑦ ᑲᑎᙵᓂᐅᔪᒥ ᓇᓄᖅ ᐃᓕᓐᓂᐊᕐᕕᖓᓂ ᓂᐊᖁᙴᒥ. ᐃᕐᓂᖓ ᐊᒻᒪ 30−ᐸᓗᖕᓂ ᐊᓯᖏᓐᓂ ᒪᒃᑯᒃᑐᓂ ᓂᕿᓕᐅᖅᑎᓂᑦ ᐃᓕᑦᑎᓲᖑᕗᑦ ᐸᕐᓇᐃᓂᕐᒧᑦ ᓂᕿᑦᑎᐊᕙᐅᔪᓂᑦ. ᑲᔪᖏᖅᓴᖅᑕᐅᓚᐅᖅᐳᖅ ᖃᓄᖅ ᑐᕌᒐᒃᓴᐅᔪᓂ ᓄᑕᖅᑲᓄᑦ ᓂᕿᓕᐅᕆᓂᐅᔪᒥᑦ ᐊᒻᒪ ᒪᒪᖅᑐᖅ ᑲᑎᓐᓂᖏᓐᓄᑦ.
ᖄᒃᑲᓐᓂᐊᒍᑦ ᖁᕕᐊᓲᑎᖃᕐᓂᕐᒧᑦ ᓵᓚᒃᓴᕐᓂᖓᓐᓂ, 26−ᖑᔪᑦ ᒪᒃᑯᒃᑐᑦ ᓂᕿᓕᐅᖃᑎᖃᓚᐅᖅᐳᑦ ᓂᕿᓕᐅᖅᑎᕐᔪᐊᖑᔪᓂᑦ.
“26−ᓂ ᓂᕿᓕᐅᕐᕕᖃᓚᐅᖅᐳᑦ ᐊᒻᒪ ᐊᑐᓂ ᓂᕿᓕᐅᖅᑎᕐᔪᐊᖃᓚᐅᖅᐳᑦ ᐊᒻᒪ ᓄᑕᖅᑲᑦ ᓵᓚᒃᓴᓚᐅᖅᐳᑦ, 26 …” ᐅᖃᓚᐅᖅᐳᖅ ᑭᐊᕆ.
ᕆᕗᕐ ᐅᖃᑲᐅᖅᑐᖅᖢᓂ ᐆᒥᖓ, “ᑕᐅᕘᓈᓚᐅᖅᐳᑦ ᐊᒻᒪ ᓴᓇᓪᓗᑎᒍᑦ ᑭᓱᕈᓘᔮᓗᖕᓂᑦ. ᐅᖃᐅᔾᔭᐅᓚᐅᖅᐳᒍᑦ ᓴᓇᖁᔭᐅᓪᓗᑕ ᐊᔾᔨᒌᙱᕈᓘᔭᖅᑐᓂ ᓂᕿᓂᑦ, ᓲᕐᓗ ᐊᕿᒡᒋᕐᒥ ᐴᒍᓂᑦ.”
ᕆᕘᕐ ᓂᕿᓕᐅᒐᒃᓴᖓ, ᐃᓚᖃᖅᖢᓂ ᐊᓯᖏᓐᓂ ᓵᓚᒃᓴᖅᑐᓄᑦ ᓂᕿᓕᐅᒐᒃᓴᐅᔪᓄᑦ, ᑎᑎᕋᖅᑕᐅᓂᐊᖅᐳᑦ ᓄᑕᖅᑲᓄᑦ ᓂᕿᓕᐅᕆᓂᐅᔪᒥᑦ ᓂᕿᔨᐅᒐᒃᓴᖓᓄᑦ ᐅᖃᓕᒫᒐᕐᒥ. ᐊᒻᒪ ᓈᓚᒡᓗᑎᑦ YTV−ᒧᑦ ᓄᕕᐱᕆ 3−ᒥ 9 ᐅᓪᓛᒃᑯᑦ 12−ᒧᑦ ᐅᓐᓄᓴᒃᑯᑦ. ᒪᒃᑯᒃᑐᑦ ᓂᕿᓕᐅᖅᑎᕐᔪᐊᑦ ᑲᒪᒋᔭᐅᑎᓪᓗᒋᑦ ᑕᓚᕖᓴᒃᑯᑦ ᓴᖅᑭᔮᓲᒥ ᑳᓘᔅ ᐳᔅᑕᒪᓐᑎᒧᑦ.
ᐊᓯᖓᓐᓂ ᐱᓕᕆᖃᑎᒋᔭᐅᔪᒥ, Corus Entertainment, ᓴᖅᑭᑎᑦᑎᓚᐅᖅᐳᑦ ᓄᑕᖅᑲᓄᑦ ᓂᕿᓕᐅᕆᓂᐅᔪᒥᑦ ᖃᕋᓴᐅᔭᑎᒍᑦ ᑐᑭᓯᒋᐊᖅᑕᕐᕕᖓᓐᓂ, ᒪᒃᑯᒃᑐᑦ ᐱᙳᐊᒐᒃᓴᓂ ᐱᙳᐊᕈᓐᓇᖅᖢᑎᒃ, ᖁᙱᐊᕐᓗᑎᒃ ᑕᕐᕆᔭᓕᐊᓂᑦ, ᐃᓕᑦᑎᓗᑎᒃ ᖃᔅᓯᐊᕐᔪᖕᓂ ᐃᑲᔪᕈᑕᐅᔪᓂ ᐊᒻᒪ ᓱᓕᓂᐅᔪᓂ ᓂᕿᑦᑎᐊᕙᖕᓂ ᓂᕆᓂᐅᔪᒥ, ᐊᒻᒪ ᖃᐅᔨᒋᐊᕐᓗᑎᒃ ᓂᕿᓕᐅᒐᒃᓴᓂᑦ.