ᒥᔪᖓᑦ ᐅᖃᐅᓯᖃᖅᑐᖅ ᕿᒻᒥᓂᒃ ᓇᒧᑐᐃᓐᓈᖃᑦᑕᖅᑐᓂᒃ, ᐃᒥᖅᑕᐅᑎᓂᒃᓗ

917

ᐅᓪᓗᒥ ᑕᒪᑐᒪᓂ ᐃᔾᔪᔪᒥᒃ ᐸᑎᒃᓯᑎᑕᐅᓚᐅᖅᑎᓪᓗᒍ ᔮᓐᓄᐊᕆ 4-ᒥ, ᑎᒨ ᑐᓅ ᐅᖃᐅᔾᔨᓚᐅᖅᑐᖅ ᑕᒪᑐᒪᓂ ᑲᑎᒪᔩᓪᓗ ᑲᒪᓂᐊᓕᕐᒪᑕ ᓄᓇᓕᖓᓂ ᕿᒻᒥᓂᒃ ᑕᒫᓂᕐᕆᔪᓂᒃ ᐊᒻᒪᓗ ᓄᓇᓕᐊᓂ ᐃᒥᖅᑕᐅᑎᓂᒃ.

ᑎᒨᓐ ᑐᓄ, ᑭᓐᖓᒥᐅᑦ ᒦᔪᑖᖃᐅᖓ, ᑭᐅᓯᔪᖅ ᕿᒻᒦᑦ ᐃᐱᖅᓯᒪᖏᑦᑐᑦ ᐅᓂᒃᑲᐅᓯᕆᓪᓗᓂᒋᑦ ᐊᒻᒪᓗ ᐃᒪᓕᕆᔨᒃᑯᑦ ᐃᒥᖅᑕᖃᑦᑕᕈᓯᖏᓐᓂᒃ ᓄᓇᓕᖓᓂ.

ᑐᓄ ᐅᓂᒃᑳᕆᓪᓗᓂ ᑲᑎᒪᔨᕋᓛᓕᐅᕐᓂᐊᕐᓂᕋᖅᖢᓂ ᐅᔾᔨᖅᓱᖅᑎᐅᓂᐊᖅᑐᓂᒃ ᑕᒫᓂᕐᕆᔪᓂᒃ ᕿᒻᒥᓂᒃ ᐊᒻᒪᓗ ᒫᓐᓇ ᕼᐊᒪᓚᖓ ᐃᖅᑲᓇᐅᔭᖅᑎᑖᕐᓂᐊᓕᖅᖢᓂ ᑕᐃᒪᖓᓄᑦ ᒪᓕᒐᕋᓛᓂᒃ ᐊᑐᖅᑕᐅᑎᑦᑎᔨᐅᓂᐊᖅᑐᒥᒃ ᓄᓇᓕᖕᒥᐅᓄᑦ, ᑖᓱᒪ ᐃᓂᖓ ᐃᓄᖃᖏᓱᔭᕐᒪᑦ.

ᐊᒻᒪᓗᑦᑕᐅᖅ, ᕼᐊᒪᓚᖓᓂ ᒪᓕᒐᕋᓛᑦ ᕿᒻᒥᓕᕆᔪᑏᑦ ᕿᒥᕈᔭᐅᓂᐊᕆᓪᓗᑎᒃ, ᐅᖃᕆᓪᓗᓂ ᑐᓅ.

ᐊᒃᓱᐊᓗᒃ ᐱᓇᓱᐊᕐᓂᐊᓕᖅᑐᒍᑦ ᑲᑎᒪᔨᓪᓗ ᖃᓄᑦ ᕿᒻᒥᓄᑦ ᒪᓕᒐᕋᓛᖃᕈᓐᓇᕐᒪᖔᑕ. ᑖᓐᓇ ᒪᓕᒐᕋᓛᖅ ᓄᓇᓕᖕᒥᐅᓄᑦ ᒪᓕᒃᑕᐅᔪᓐᓇᖏᒻᒪᑦ ᑕᐃᒪᖓᓂᓂᑦ. ᐱᑐᖃᐅᓗᐊᓕᒧᑦ,” ᐅᖃᕆᓪᓗᓂ. “ᑖᓐᓇᓗ ᒪᓕᒐᕋᓛᓄᑦ ᐸᓖᓯ ᓯᕗᓪᓕᖅᐹᖑᓂᐊᖅᖢᓂ ᕿᒻᒥᓕᕆᔨᐅᓗᓂ.

ᐃᒥᖅᑕᕈᑏᓪᓕ ᐱᔾᔪᑎᒋᓪᓗᒋᑦ, ᕼᐊᒪᓚᑦᑎᓐᓂ ᐊᑕᐅᓯᕐᒥᒃ ᓄᓇᒃᑰᔫᖃᓕᓚᐅᕋᑦᑕ ᐃᒥᖅᑕᐅᑎᖃᖅᑐᒥᒃ, ᑕᐃᒪᓐᓇ “ᓯᕘᕋᔪᑕᐅᓕᓚᐅᕐᒪᑦ,” ᓄᑖᖅ ᑖᓐᓇ ᒥᔪ ᐅᖃᕆᓪᓗᓂ ᑕᒪᓐᓇ ᖃᐅᔨᒪᓂᕋᖅᖢᓂᐅᒃ. ᑭᓯᐊᓂᓕ, ᓄᑖᒥᒃ ᓄᓇᒃᑰᔫᓕᕆᔨᒥᒃ ᐃᖅᑲᓇᐃᔭᖅᑎᑖᑲᐃᓐᓇᖅᑐᒍᑦ ᐊᒻᒪᓗ ᒪᕐᕉᖕᓂᒃ ᓄᑖᓂᒃ ᐃᒥᖅᑕᕈᑎᓂᒃ ᓄᓇᒃᑰᔫᖅᑖᖅᖢᑕ ᑕᒪᑐᒪᓂ, ᐅᖃᕆᓪᓗᓂ, ᑕᐃᒪᓐᓇ ᐱᑕᖃᐃᓐᓇᐅᔭᕐᒪᑕ ᓄᓇᓕᖓᓂ ᐱᖓᓱᓂᒃ, ᓯᑕᒪᖓᑦ ᓇᓪᓕᐅᒃᑯᒫᕆᓗᒍ.

ᐊᓯᖏᓪᓕ ᓯᕗᓪᓕᖅᐹᖑᑎᑕᐅᓗᑎᒃ ᑲᒪᒋᔭᐅᓂᐊᓚᐅᕐᒪᑕ, ᑐᓅ ᐅᖃᕆᓪᓗᓂ ᑕᐃᒪ ᓇᓕᐊᒃ ᑲᒪᒋᔭᐅᓴᐅᑎᒋᒋᐊᖃᕐᒪᖔᑕ ᑐᑭᓯᓇᓱᐊᕐᓂᐊᖅᐳᖓ ᓄᓇᓕᖕᒥᐅᓄᑦ ᐅᖃᓪᓚᑲᑕᒍᑕᐅᓚᐅᖅᑎᓪᓗᒍ, ᐅᔾᔨᖅᓱᖅᖢᓂ ᑲᑎᒪᔨᒥᓄᑦ ᐃᑲᔪᖅᓴᖅᑕᐅᒐᓗᐊᕐᒪᖔᕐᒥᓂᒃ. ᑭᓯᐊᓂᓕᒎᖅ ᑐᓴᐅᒪᑎᑦᑎᖃᑦᑕᕐᓂᐊᖅᐳᖅ ᓄᓇᓕᖕᒥᐅᓂᒃ ᐱᕙᓪᓕᐊᑎᑕᐅᓂᐊᖅᑐᓂᒃ.

ᑕᐃᒪᖓᓂᑦ ᑐᓴᐅᒪᑎᑦᑏᓐᓇᕆᐊᒃᓴᖅ ᓄᓇᓕᖕᒥᐅᓂᒃ ᐊᑐᕐᓂᖃᒻᒪᕆᖕᒪᑦ, ᑕᐃᒪᖓᓂᑦ ᖁᕕᐊᓇᖅᑐᐃᓐᓇᐅᖏᒃᑲᓗᐊᖅᑎᓪᓗᒋᑦ. ᑕᐃᒪᖓᓂᑦ ᓄᓇᓕᖕᒥᐅᑦ ᑐᓴᐅᒪᑏᓐᓇᕈᑦᑎᒍ, ᖁᕕᐊᓱᖕᓂᖅᓴᐅᖃᑦᑕᕐᒪᑕ,” ᐅᖃᕆᓪᓗᓂ. “ᑕᐃᒪᖓᓂᒃ ᒪᑐᐃᖓᓂᖅᓴᐅᖏᓐᓇᕐᓂᐊᖅᑐᒍᑦ. ᑲᑎᒪᔨᕗᑦ ᑐᓐᖓᓇᖁᒐᑦᑎᒍ ᓄᓇᓕᖕᒥᐅᓄᑦ.”

ᑐᓅ ᐅᖃᕆᓪᓗᓂ ᐊᒥᓱᑦ ᓄᓇᓕᖕᒥᐅᑦ ᐅᕙᓐᓂᒃ ᓂᕈᐊᖅᑕᐅᓇᓱᐊᖁᔨᓪᓗᑎᒃ ᐊᔪᐃᓐᓇᖅᓯᓚᐅᕐᒪᑕ ᑎᓯᐱᕆᒥ ᕼᐊᒪᓚᑦᑕ ᑲᑎᒪᔨᖏᓐᓂᒃ ᓂᕈᐊᓕᖅᑎᓪᓗᑕ, ᐊᑭᓯᓚᐅᕋᒪ 140-ᓄᑦ ᓂᕈᐊᖅᑕᐅᓪᓗᖓ, ᒪᕐᕈᐊᖅᑎᒻᒪᕆᒃᖢᒍ ᑭᖑᓂᕆᔭᓐᓂᑦ. ᓯᑕᒪᑦ ᓂᕈᐊᖅᑕᐅᓇᓱᐊᓚᐅᕐᒪᑕ ᒥᔫᑉ ᐃᓂᖓᓄᑦ.