ᒥᔪᒋᔭᐅᓕᖅᑐᖅ 24-ᓂᒃ ᐊᕐᕌᒍᓕᒃ, ᐱᓇᓱᐊᓯᒋᐊᖅᑐᖅ ᐱᔭᕆᑐᔪᒥᒃ

1896

ᓄᑖᒥᒃ ᐱᒋᐊᖓᖅᑐᖃᓕᕐᒪᑦ ᓄᓇᕗᒥᐅᑦ ᓄᓇᓕᖏᓐᓂ: ᒪᒃᑯᒃᑐᓂᒃ ᐊᕐᓇᓂᒃ ᑲᑎᒪᔨᓂ ᖁᕝᕙᖅᐸᓪᓕᐊᔪᖃᓕᕐᒪᑦ ᓂᕈᐊᖅᑕᐅᓯᒪᔪᓂᒃ.

ᑖᓐᓇᓕ ᓄᑖᖅ ᑭᒻᒥᕈᒻᒥᐅᑦ ᒥᔪᖓ, 24-ᓂᒃ ᐊᕐᕌᒍᓕᒃ ᓂᖏᐅᓛᖅ ᕿᓕᖅᑎ, ᓄᓇᓕᖓᑕ ᑲᑎᒪᔨᖏᓐᓂᒃ ᑲᑎᒪᖃᑎᖃᓚᐅᕐᒪᑦ ᒥᔪᖑᖅᑎᑕᐅᓚᓂ ᔮᓐᓄᐊᕆ 4-ᒥ. ᑐᓄᐊᓂ, ᓴᐅᒥᐊᓂᑦ ᐱᒋᐊᕐᓗᒍ: ᑲᑎᒪᔨ ᔨᒥ ᐊᖅᐱᒃ, ᑲᑎᒪᔨ ᐸᓚᐃᓐᖓ ᓚᐃᑕ, ᑲᑎᒪᔨ ᔮᓐ-ᐱᐊ ᒎᓖ, ᒥᔪᖓᑕ ᑐᖓᓕᖓ ᒪᓕᒃᑐᖅ ᓚᐃᑕ ᐊᒻᒪᓗ ᑲᑎᒪᔨ ᒫᑐ ᒪᐃᑯᓪ. ᓯᕗᓪᓖᑦ, ᓴᐅᒥᐊᓂᑦ ᐱᒋᐊᕐᓗᒍ: ᑲᑎᒪᔨ ᐊᐸ ᐳᓪᓚᑦ, ᑲᑎᒪᔨ ᒥᐊᓕᕋᓛᖅ ᔫᑎᐊ ᐊᒻᒪᓗ ᑲᑎᒪᔨ ᐋᑯᓗᒃᔪᒃ ᔫᑎᐊ. ᐃᒃᓯᕚᖅᑐᖅ: ᒥᔪᖓᑦ ᓂᖏᐅᓛᖅ ᕿᓕᖅᑎ.

ᑭᒻᒥᕈᒻᒥᐅᑦ ᓄᓇᓕᖓ, ᐃᓄᒋᐊᖕᓂᖃᖅᑐᖅ ᐃᒻᒪᖄ 450-ᓂᒃ, ᓂᕈᐊᖅᓯᓚᐅᕐᒪᑕ 24-ᓂᒃ ᐊᕐᕌᒍᓕᖕᒥᒃ ᓂᖏᐅᓛᖅ ᕿᓕᖅᑎᒥᒃ ᒥᔪᒋᓂᐊᓕᖅᖢᓂᔪᒃ. ᐃᔾᔪᔪᒥᒃ ᐸᑎᒃᓯᑎᑕᐅᓚᐅᖅᑐ ᔮᓐᓄᐊᕆ 4-ᒥ ᑎᓯᐱᕆᒥ ᓂᕈᐊᓚᐅᖅᑎᓪᓗᒋᑦ.

ᓄᓇᓕᖓᓂ ᓄᓇᓕᓕᕆᔨᒃᑯᑦ ᐊᖓᔪᖅᑳᖓ ᑭᒻᐳᓕ ᔭᖕ ᐃᓱᒪᔪᖅ ᕿᓕᖅᑎ ᓯᕗᓪᓕᖅᐹᖑᔪᖅ ᓄᓇᓕᖓᓂ ᒪᒃᑯᖕᓂᖅᐹᖑᓪᓗᓂ ᒥᔪᒋᔭᐅᓯᒪᔪᓂ ᓄᓇᕗᓕᒫᒥᓗ, ᐊᐱᕆᔭᐅᖕᒪᑦ ᐊᒡᓚᒡᕕᖓᓂ ᐊᐅᓚᑦᑎᔨ ᓄᓇᕗᒥ ᓄᓇᓖᑦ ᑲᑐᔾᓕᖃᑎᒌᖓᓐᓂ ᐳᕋᐃᔭᓐ ᕕᓕᒥᖕ ᓱᓕ ᓇᓗᓂᕋᓚᐅᖅᑐᖅ.

ᒦᓚ ᐊᔾᔪᒃ ᑲᒥᖑᐊᖅ ᐊᕐᕌᒍᖃᖅᑐᖅ 31-ᓂᒃ ᒪᓕᒐᓕᐅᖅᑎᖑᓚᐅᕐᒥᖕᒪᑦ ᐃᓕᔭᐅᒐᒥ ᒪᓕᒐᓕᐅᕐᕕᖕᒧᑦ ᖁᕐᓗᖅᑐᒥᐅᓄᑦ ᒪᓕᒐᓕᐅᖅᑎᒋᔭᐅᓂᐊᖅᖢᓂ ᐅᒃᑑᐸᒥ. ᐹᒻ ᒍᕉᔅ, ᒪᓕᒐᓕᐅᖅᑎᒃᑯᓐᓂᑦ ᓂᕈᐊᖅᑕᐅᓇᓱᐊᓚᐅᕐᒥᔪᖅ ᐃᖃᓗᒃᑑᑦᑎᐊᒥᐅᓄᑦ ᐅᒃᑑᐸᒥ, ᓂᕈᐊᖅᑕᐅᖔᓕᓚᐅᖅᑐᒃ ᒥᔪᒋᔭᐅᓂᐊᓕᕆᓪᓗᓂ ᓄᓇᓕᖓᓂ. 32-ᓂᒃ ᐊᕐᕌᒍᓕᒃᑕᐅᖅ.

ᕿᓕᖅᑎ ᐅᓂᒃᑳᓚᐅᖅᑐᖅ ᐃᖅᑲᓇᐃᔭᓯᒋᐊᖅᑐᕕᓂᖅ ᒪᒃᑯᒃᑐᒻᒪᕆᐅᓪᓗᓂ.

ᐊᒃᓱᐊᓗᒃ ᖁᕕᐊᒋᒐᒃᑯ ᐱᔭᒃᓴᖃᐃᓐᓇᐅᔭᕆᐊᒃᓴᖅ.”

ᐃᓚᓐᓈᒥᓄᒎᖅ ᐊᐱᕆᔭᐅᓐᓂᕋᒥ ᒥᔪᖑᓂᕐᒧᑦ ᓂᕈᐊᖅᑕᐅᓇᓱᐊᖁᔭᐅᓪᓗᓂ. ᕿᓕᖅᑎᐅᑉ ᐃᓱᒪᒃᓴᖅᓯᐅᕈᑎᒋᓚᐅᖅᖢᓂᐅ, ᐊᓱᐃᓛᒃ ᓂᕈᐊᖅᑕᐅᓇᓱᐊᓕᖅᑐᕕᓂᖅ.

ᐱᒃᑯᒥᒋᔭᖓ ᐊᒃᓱᕉᑎᒋᓪᓗᓂᐅᒃ?

ᐋᕿᒃᓱᐃᔪᒪᓪᓗᓂ ᓄᓇᓕᖓᓂ ᓄᓇᓕᖕᒥᐅᑦ ᐱᒃᑯᒥᒋᔭᖏᓐᓂᒃ ᒪᓕᒃᓗᓂ. ᑕᒪᑐᒪᓂ ᓄᓇᓕᖕᒥᐅᓂᒃ ᓈᓚᖕᓂᐊᖅᑐᖓ ᐱᒃᑯᒥᒋᔭᖏᓐᓂᒃ ᐊᑐᖅᓯᖔᖃᑦᑕᕐᓗᖓ ᑲᔪᓯᑦᑎᐊᕈᓐᓇᕐᓂᐊᕋᑦᑕ ᓄᓇᓕᑦᑎᓐᓂ,” ᐅᖃᕆᓪᓗᓂ.

ᐅᓐᓃᑦ ᐊᖏᕐᕋᒥᓂ ᒪᕐᕉᖕᓂᒃ ᒥᑭᔪᔪᓂᒃ ᓱᓕ ᓄᑕᕋᖃᕋᓗᐊᖅᖢᓂ – ᐃᕐᓂᖓ ᓯᑕᒪᓂᒃ ᐊᕐᕌᒍᓕᒃ ᐊᒻᒪᓗ ᐸᓂᑯᓗᐊ ᒪᕐᕉᖕᓂᒃ – ᐊᒻᒪᓗ ᐃᖅᑲᓇᐃᔮᖃᖅᖢᓂ ᓄᓇᓕᖓᓂ ᓂᐅᕕᕐᕕᖕᒥ, ᑭᓯᐊᓂᓕ ᐊᒃᓱᕈᕐᓇᖅᑐᒥᒃ ᐃᖅᑲᓇᐃᔮᖃᕈᒪᓚᐅᕋᒪ ᓄᓇᓕᖕᒥᐅᓄᑦ ᐊᑐᕐᓂᖃᑐᓂᒃ ᐋᕿᒃᓱᐃᔪᓐᓇᕐᓗᖓ ᓄᓇᓕᑦᑎᓐᓂ.

ᕿᓕᖅᑎ ᐅᖃᕆᓪᓗᓂ ᐃᓱᒪᖃᑦᑕᕋᒥᒎᖅ ᐃᓛᓐᓂᒃᑯᑦ ᑭᒻᒥᕈᒻᒥᐅᑦ ᓂᑭᑕᐅᖃᑦᑕᕐᒪᑕ ᐱᕙᓪᓕᐊᑎᑕᐅᔪᓂ.

ᑕᐃᒪᐃᓐᓂᖓᓄᑦ ᓄᓇᓕᖓᓂ ᐱᕙᓪᓕᐊᑎᑕᐅᔪᑦ ᑭᖑᓪᓕᖅᐹᖑᐃᓐᓇᐅᔭᖅᖢᑎᒃ.”

ᐊᒃᓱᕉᑎᒋᓂᐊᖅᑕᖓᓕ ᓄᓇᓕᖓᓂ ᒥᔪᖑᓗᓂ, ᐊᑭᓯᔪᑎᖃᓚᐅᕐᒪᑦ ᓯᑕᒪᓂᑦ ᓂᕈᐊᖅᑕᐅᓂᖅᓴᐅᓪᓗᓂ ᑭᖑᓪᓕᕆᓚᐅᖅᑕᖓ ᑯᔨᐊᓱᒃ ᑯᓘᓚ, ᑕᒪᑐᒪᓂ ᐊᖓᔪᖅᑲᐅᓯᕐᒥ ᐃᖅᑲᓇᐃᔮᖃᕆᐅᖅᑐᖅ. ᐅᓂᒃᑳᓚᐅᖅᑐᖅ ᖃᓄᐃᑦᑐᓂᒃ ᐱᐅᔪᓂᒃ ᐱᖅᑯᓯᖃᕐᒪᖔᕐᒥᓂᒃ ᐊᐱᕆᔭᐅᒐᒥ: “ᐊᒃᓱᕈᕐᓇᖅᑐᒥ ᐃᖅᑲᓇᐃᔭᕈᒪᓪᓗᓂ. ᐋᕿᒃᓱᑦᑎᐊᖅᓯᒪᔪᒥ. ᐃᓅᖃᑎᓐᓂᒃᓗ ᓈᓚᒍᓐᓇᖅᖢᖓ.”

ᑖᓐᓇ ᒪᒃᑯᒃᑐᖅ ᒥᔪᒋᔭᐅᓪᓗᓂ ᐅᓂᒃᑳᓚᐅᖅᑐᖅ ᐊᓈᓇᖓᒎᖅ ᐃᑲᔪᖅᓯᒪᔪᖅ ᐊᔪᐃᓐᓇᐅᑎᒋᔭᖏᓐᓂᒃ ᑐᕌᖅᑕᖏᓐᓂᒃ ᒪᓕᒃᖢᓂ.

ᑕᐅᑐᖃᑦᑕᖅᓯᒪᒐᒃᑯ ᐊᒃᓱᐊᓗᒃ ᐱᓇᓱᐊᖃᑦᑕᖅᓯᒪᖕᒪᑦ ᐊᒻᒪᓗ ᐱᒃᑯᒥᒋᓪᓗᒍ ᐃᔾᔪᐊᕈᒪᒐᒃᑯ.”

ᓄᓇᓕᖕᒥᐅᓄᓪᓗ ᐃᓱᒫᓗᒋᔭᐅᔪᑦ ᑲᒪᒋᒋᐊᖃᕐᓂᐊᖅᑕᖏᑦ ᒥᔪᖑᓗᓂ ᑭᒻᒥᕈᒻᒥᐅᓄᑦ, ᕿᓕᖅᑎ ᐅᖃᕆᓪᓗᓂ, “ᐊᑕᐅᓯᖅ ᐱᔭᕆᑐᓂᐊᖅᑐᖅ ᐅᕙᓐᓄᒃ ᓄᓇᓕᑦᑎᓐᓂ ᒪᒃᑯᒃᑐᓄᑦ ᐅᒃᐱᕆᔭᐅᔪᓐᓇᕆᐊᖃᕋᒪ ᐊᔪᖏᓐᓂᓐᓂᒃ ᓄᓇᓕᓕᕆᔪᑎᓂᒃ ᐃᖅᑲᓇᐃᔭᖅᓯᑎᐅᒐᒪ. ᐊᒃᓱᕈᕈᒪᒐᒪ ᓄᓇᓕᑦᑎᓐᓄᑦ ᑕᑯᑎᑦᑎᔪᒪᓪᓗᖓ ᐃᑲᔪᕈᓐᓇᕐᓂᓐᓂᒃ ᓄᓇᓕᖕᒥᐅᓂᒃ ᓄᓇᓕᕗᑦ ᐱᐅᓯᕙᓪᓕᐊᖁᓪᓗᒍ ᑕᐃᒪᖓᓄᑦ.

ᑐᕌᒐᖃᖅᑐᖅ ᑕᑯᔪᒪᓪᓗᓂ ᓄᓇᓕᖓᓂᒥᐅᑦ ᖁᕕᐊᓱᓕᖅᐹᓪᓕᖁᓪᓗᓂᒋᑦ ᐅᐱᒍᓱᓕᖅᐹᓪᓕᖁᓪᓗᒋᑦ ᑲᒪᒋᔭᐅᑦᑎᐊᕐᓂᕐᒥᓂᒃ ᒥᔪᖓᓄᑦ ᑭᖑᓪᓕᖅᐸᒥ.

Previous articleSports Talk: A Russian love story in every sense
Next articleJanuary 22 – On-the-Land Contest
Michele LeTourneau first arrived at NNSL's headquarters in Yellowknife in1998, with a BA honours in Theatre. For four years she documented the arts across the Northwest Territories and Nunavut. Following a very short stint as a communications officer with the Government of the Northwest Territories, Michele spent a decade at a community-based environmental monitoring board in the mining industry, where she worked with Inuit, Chipewyan, Tlicho, Yellowknives Dene and Metis elders to help develop traditional knowledge and Inuit Qaujimajatuqangit contributions for monitoring and management plans. She rejoined NNSL and moved to Iqaluit in May 2014 to write for Nunavut News. Michele has received a dozen awards for her work with NNSL.