ᑲᖏᖅᖠᓂᕐᒥ ᓯᕗᓪᓕᖅᐹᖑᔪᖅ ᓱᒃᑲᔪᒥ ᐊᓇᐅᓕᒑᕐᓂᖅ ᐱᐅᒋᔭᐅᔪᒻᒪᕆᒃ

by Cody Punter- July 25, 2018

ᓄᑖᖑᔪᒥ ᐊᐅᔭᒥ ᐱᙳᐊᕐᓂᐅᔪᒥ ᐱᓕᕆᐊᖑᕙᓪᓕᐊᕗᖅ ᐊᓇᐅᓕᒑᕐᕕᓂᑦ ᑲᖏᖅᖠᓂᕐᒥ. ᑲᖏᖅᖠᓂᖅ t-ball-ᒥ ᐊᑐᐃᓐᓇᐅᑎᑕᐅᕗᖅ ᓱᕈᓯᕐᓄᑦ ᐊᒻᒪ ᐊᕿᑦᑐᒥ ᐊᖅᓴᓕᖕᓂ ᐃᓐᓇᕐᓄᑦ ᐊᒻᒪ ᒪᒃᑯᒃᑐᓄᑦ, ᑭᓯᐊᓂ ᑕᒪᑐᒪᓂ ᐊᕐᕌᒎᔪᒥ ᓄᓇᓕᐅᔪᑦ ᓂᕈᐊᒐᒃᓴᖃᓚᐅᙱᓚᑦ ᐱᙳᐊᕐᓂᕐᒧᑦ ᓱᒃᑲᔪᒥ ᐊᓇᐅᓕᒑᕐᓂᕐᒥ.

ᑭᓯᐊᓂ ᕌᐳᑦ ᖃᑉᕕᑐᖅ ᓄᓕᐊᖓᓗ ᕼᐋᓕ ᒨᕐᓱᕐ ᓴᖅᑭᒻᒪᑕ. ᐊᐃᑉᐸᕇᒃ ᐋᖅᑭᒃᓱᐃᕙᓪᓕᐊᓕᓚᐅᖅᐳᑦ ᖃᔅᓯᐊᕐᔪᖕᓂ ᓱᒃᑲᔪᒥ ᐊᓇᐅᓕᒑᕐᓂᐅᔪᒥ ᐊᐅᔭᐅᓚᐅᖅᑐᒥ ᐃᕐᓂᖓ ᑲᐃᑕᓐ ᒨᕐᓱᕐ ᐊᓕᐊᓇᐃᒋᔭᖃᑦᑎᐊᕐᒪᑦ ᐊᓇᐅᓕᒑᕐᓂᕐᒥᑦ. ᑕᒪᑐᒪᓂ ᐊᕐᕌᒎᔪᒥ ᐆᒃᑐᕈᒪᓕᓚᐅᖅᐳᑦ ᐊᒻᒪ ᐋᖅᑭᒃᓯᓗᑎᒃ ᐱᙳᐊᖅᑎᓪᓚᕆᐅᔪᓂᑦ.

ᐱᙳᐊᖅᑎᐅᔪᒥ ᐊᓇᐅᓯᒋᐊᖅᐳᖅ ᐃᒋᑕᐅᔪᒥ ᐱᙳᐊᕐᓂᐅᔪᒥ ᐅᑯᓇᓂ ᑲᖏᖅᖠᓂᕐᒥ ᐊᐅᐸᖅᑐᑦ ᐊᓕᖅᓯᓂᑦ ᐊᒻᒪ ᐳᓘ ᔭᐃᔅᓂᑦ, ᑲᖏᖅᖠᓂᐅᑉ ᓱᒃᑲᔪᒥ ᐊᓇᐅᓕᒑᕐᓂᕐᒧᑦ ᐱᙳᐊᖅᑎᑐᐊᖑᔪᑦ.

ᐅᖃᓪᓚᐅᓯᕆᓚᐅᖅᐸᕗᑦ ᐅᓐᓅᔪᒥ ᐱᒋᐊᓪᓗᐊᕋᑦᑕ ᓱᒃᑲᔪᒥ ᐊᓇᐅᓕᒑᕐᓂᐅᔪᒥ ᑖᒃᑯᓄᖓ,” ᐅᖃᓚᐅᖅᐳᖅ ᖃᑉᕕᑐᖅ. “t-ball-ᖃᖅᐳᖅ ᑭᓯᐊᓂ ᐱᓕᕆᓇᓱᒍᒪᓚᐅᖅᐳᒍᑦ ᑲᐃᑎᓐ ᐊᑐᕈᒪᔭᖓᓐᓂ ᐊᒻᒪ ᐊᓯᖏᓐᓂ ᓄᑕᖅᑲᓂᑦ ᐊᑐᕈᒪᔭᖏᓐᓂ.”

ᕿᓂᖅᑎᓪᓗᒋᑦ ᐋᖅᑭᒃᓯᓂᕐᒧᑦ ᐱᙳᐊᖅᑎᐅᔪᓂ ᐅᐸᒃᓯᓚᐅᖅᐳᑦ ᐊᑯᓂᐊᓗᖕᒥ ᑲᖏᖅᖠᓂᕐᒥᐅᑕᐅᔪᒥ ᑕᐃ ᐅᐊᐃᔅᒪᓐᒥ ᐃᑲᔪᕈᓐᓇᕋᔭᕐᒪᖔᑦ ᖃᐅᔨᓴᖅᑎᐅᓗᓂ ᐊᒻᒪ ᐃᓕᓐᓂᐊᖅᑎᑦᑎᓗᓂ ᓱᕈᓯᕐᓂ ᒪᓕᒋᐊᓕᖏᓐᓂ ᐱᙳᐊᕐᓂᐅᔪᒧᑦ.

ᕌᐳᑦ ᐊᒻᒪ ᕼᐋᓕ ᑲᑎᖃᑎᒌᓚᐅᖅᐳᑦ ᐊᒻᒪ ᐅᕕᓂᕈᖅᑖᖅᑎᑦᑎᔪᒪᓪᓗᑎᒃ ᓱᕈᓯᕐᓄᑦ ᐊᒻᒪ ᐱᙳᐊᖅᑎᑖᕐᓗᑎᒃ ᐊᒻᒪ ᖁᓄᐃᒋᙱᑦᑎᐊᓚᐅᖅᑕᕋ ᐃᑲᔪᕐᓂᕐᒧᑦ,” ᐅᖃᓚᐅᖅᐳᖅ ᐅᐊᐃᔅᒪᓐ.

ᐱᒋᐊᕐᓂᖓᓂ ᐱᙳᐊᕐᓂᐅᔪᒧᑦ ᓈᒻᒪᒃᑐᓂ ᐊᖑᑎᑕᖃᓚᐅᖅᐳᖅ ᐊᒻᒪ ᐊᕐᓇᓂ ᐅᑭᐅᓕᖕᓂ ᕿᑎᐊᓂ 11-ᒥ 14-ᒧᑦ ᐱᒋᐊᖅᑎᑦᑎᓂᕐᒥ ᐱᙳᐊᖅᑎᓂᑦ ᑲᑎᙵᔪᓄᑦ: ᐳᓘ ᔭᐃᔅ ᐊᒻᒪ ᐊᐅᐸᖅᑐᑦ ᐊᓕᖅᓯᑦ.

ᒪᕐᕈᐃᓐᓇᓂ ᐱᙳᐊᖅᑎᓂᑦ ᑲᑎᙵᓂᐅᔪᓂ ᐱᙳᐊᖅᑎᐅᔪᓄᑦ, ᐅᐊᐃᔅᒪᓐ ᐅᖃᓚᐅᖅᐳᖅ ᑐᙵᓂᕆᔭᐅᓚᐅᖅᑐᖅ ᐃᓕᓐᓂᐊᖅᑎᑦᑎᓂᕐᒥ ᐱᙳᐊᖅᑎᑦ ᐱᙳᐊᕐᓂᕐᒧᑦ. ᐊᓕᐊᓇᐃᑎᑦᑎᓇᓱᐊᕐᓂᕐᒧᑦ ᐱᙳᐊᖅᓯᒪᕗᑦ ᒪᓕᖃᑦᑕᐅᑎᔪᓂ ᑲᑎᙵᓂᐅᔪᓄᑦ ᐱᙳᐊᖅᑏᑦ ᓇᓕᒧᖦᖢᑎᒃ ᓵᓚᖃᕐᓂᐅᔪᓂ ᕿᑎᐊᓂ.

ᐃᓱᐊᓂ ᓯᕗᓪᓕᐅᔪᓄᑦ ᐱᖓᓱᓄᑦ-ᐱᙳᐊᕐᓂᕐᓄᑦ ᑕᑯᓂᖃᓚᐅᖅᐳᖅ ᐊᓯᔾᔨᕐᓂᕐᔪᐊᖑᔪᒥ ᓇᓕᒧᓕᖅᑎᑦᑎᓇᓱᐊᕐᓂᕐᒧᑦ. ᒪᓕᒃᑕᐅᓚᐅᖅᐳᖅ ᑕᓪᓕᒪᓄᑦ-ᐱᙳᐊᕐᓂᐅᔪᒥ ᑲᑎᙵᓂᐅᔪᒥ ᓄᑖᖑᔪᑦ ᐱᙳᐊᖅᑏᑦ ᐱᓪᓗᑎ ᐊᓇᐅᓯᓂᕐᒧᑦ. ᐳᓘ ᔭᐃᔅ ᓵᓚᖃᓚᐅᖅᐳᑦ ᓯᕗᓪᓕᕐᓂ ᒪᕐᕉᖕᓂ ᐱᙳᐊᖅᑕᐅᔪᓄᑦ, ᑭᓯᐊᓂ ᐊᐅᐸᖅᑐᑦ ᐊᓕᖅᓯᑦ ᐅᑎᖅᑎᒋᐊᓚᐅᖅᐳᑦ ᒪᓕᒃᑐᓄᑦ ᒪᕐᕉᖕᓄᑦ, ᐱᑎᑦᑎᓪᓗᓂ ᑕᓪᓕᒪᖓᓐᓂ ᐱᙳᐊᕐᓂᐅᔪᒥ ᐃᓱᒪᓕᐅᕆᓂᐅᓂᐊᖅᑐᒧᑦ. ᐳᓘ ᔭᐃᔅ ᐱᒋᐊᖅᓵᓕᓚᐅᖅᐳᑦ ᑭᓯᐊᓂ ᐊᐅᐸᖅᑐᑦ ᐊᓕᖅᓯᑦ ᐃᓕᓯᓚᐅᖅᐳᑦ ᑕᓪᓕᒪᓂ ᐅᓪᓚᖕᓂᐅᔪᒥ ᐱᙳᐊᕐᓂᖓᓂ ᕿᑎᐊᓂ ᐱᙳᐊᕐᓂᐅᔪᒥ ᖃᓂᑎᑦᑎᓪᓗᓂ. ᑭᖑᓪᓕᖅᐹᖓᓂ ᐱᙳᐊᕈᑕᐅᔪᒥ ᑕᑯᓚᐅᖅᐳᑦ ᔭᐃᔅᓂ ᓇᑲᒍᓱᒍᓐᓃᓚᐅᖅᐳᑦ ᐊᐅᐸᖅᑐᓂ ᐊᓕᖅᓯᓄᑦ ᐊᒻᒪ ᓵᓚᖃᖅᖢᑎᒃ ᑲᑎᙵᓂᐅᔪᒥ.

ᑲᐃᑕᓐ, ᐊᖅᓴᒥ ᐃᒋᑦᑎᔨᐅᓚᐅᖅᑐᖅ ᓵᓚᖃᖅᑐᓄᑦ ᐱᙳᐊᖅᑎᐅᔪᓄᑦ, ᐅᖃᓚᐅᖅᐳᖅ ᐱᙳᐊᖅᑏᑦ ᐃᒻᒥᓄᑦ ᐊᒃᓱᐊᓗᒃ ᖁᕕᐊᒋᔭᖓ ᐊᒻᒪ ᐱᖃᓐᓇᕆᔭᒥᓄᑦ. ᓂᕆᐊᒃᐳᖅ ᐱᙳᐊᕈᓐᓇᓛᕐᓂᐊᕐᓂᖓᓂ MLB-ᒥ.

ᐃᓐᓇᐅᒃᑲᓐᓂᓕᕈᒪ MLB-ᑯᓐᓂ ᐱᙳᐊᖅᑎᐅᓛᕈᒪᔪᖓ ᑕᐃᒫᒃ ᐊᒃᓱᕈᕈᕆᐊᖃᑦᑎᐊᖅᐳᖓ. ᐊᓕᐊᓇᐃᒋᕐᔪᐊᕐᓂᓐᓂᑦ ᐱᙳᐊᕐᓂᕐᒥᑦ ᑕᐃᑯᙵᖅᑎᑦᑎᔪᓐᓇᓛᖅᐳᖅᑐᖅ.”

ᐅᐊᐃᔅᒪᓐ, ᐱᕈᖅᓴᓚᐅᖅᑐᖅ ᐱᙳᐊᖅᖢᓂ ᖁᑦᑎᒃᑐᒥ ᑭᒡᓕᓕᖕᒥ ᐊᓇᐅᓕᒑᕐᓂᐅᔪᒥ ᓅᕙ ᓲᑭᓴᒥ, ᐅᖃᓚᐅᖅᐳᖅ ᐅᒃᐱᕈᓱᓚᐅᙱᓐᓂᖓᓂ ᖃᓄᑎᒋ ᓱᒃᑲᓂᐅᔪᒥ ᓄᑕᖅᑲᐃᑦ ᐊᔪᕈᓐᓃᕐᓂᖏᓐᓂ ᐱᙳᐊᕐᓂᐅᔪᒥ.

ᐃᓱᒪᒋᓪᓗᒍ ᐱᒋᐊᑕᐃᓐᓇᓚᐅᕐᓂᖏᓐᓂ ᐊᕐᕌᒎᓕᖅᑐᒥ, ᐊᕐᕌᒍᒥ ᓇᑉᐸᖓᓂᓪᓗ ᑲᒪᓇᕐᔪᐊᖅᐳᖅ. ᓄᑕᖅᑲᐃᑦ ᑕᒫᓂ ᐃᓕᑦᑎᓴᕋᐃᑦᑐᒻᒪᕆᐊᓗᐃᑦ,” ᐅᖃᓚᐅᖅᐳᖅ ᐅᐊᐃᔅᒪᓐ, 12-ᓂ ᐊᒻᒪ 13-ᓂ-ᐅᑭᐅᓖᑦ ᐃᕐᓂᖏᑦ ᐊᑐᓂ ᐱᙳᐊᓲᖑᕗᑦ ᐊᑕᐅᓯᕐᒥ ᐱᙳᐊᖅᑎᐅᔪᓄᑦ.

ᐱᐅᓛᖑᓂᐅᓚᐅᖅᑐᖅ ᐊᐅᔭᖓᓂ ᑕᒪᒃᑭᓄᑦ ᐱᙳᐊᖅᑎᐅᔪᓄᑦ ᑲᑎᙵᔪᓄᑦ ᐱᓪᓚᕆᐅᔪᒥ ᐱᐅᓛᖓᓂ-ᑕᓪᓕᒪᓂ ᓵᓚᖃᕋᓱᐊᕐᓂᐅᔪᒥ ᐱᙳᐊᕐᓂᐅᔪᒧᑦ, ᓂᕆᐅᒋᔭᐅᓚᐅᖅᑐᒥ ᐱᙳᐊᖅᑕᐅᓂᐊᕐᓂᖓᓄᑦ ᐱᓇᓱᐊᕈᓯᐅᑉ ᓄᙳᐊᓂ ᔪᓚᐃ 20-ᒥ.

ᐅᐊᐃᔅᒪᓐ ᐅᖃᓚᐅᖅᐳᖅ ᐊᓕᐊᓇᐃᒋᔭᐅᓂᖓ ᓱᒃᑲᔪᒥ ᐊᓇᐅᓕᒑᕐᓂᖅ ᐱᕈᖅᐸᓪᓕᐊᖏᓐᓇᕐᓂᐊᖅᐳᖅᑐᖅ ᑲᖏᖅᖠᓂᕐᒥ ᑲᑎᙵᓂᐅᔪᒥ ᖃᓪᓗᓈᑦ ᓄᓇᖓᓐᓄᙵᐅᔾᔨᔪᓐᓇᓛᕐᒪᑕ ᓵᓚᖃᕋᓱᐊᕐᓂᕐᒧᑦ ᓵᓚᖃᕋᓱᐊᕐᓂᐅᔪᒥ.

Leave a Comment: