ᑲᖏᖅᖠᓂᕐᒥ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕐᕕᖓ ᐃᓱᓕᑦᑎᔪᖃᖅᐳᖅ 87-ᓂ ᐃᓕᓐᓂᐊᖅᑎᓂᑦ

249

ᐅᓄᓛᖑᔪᓂ ᐃᓱᓕᑦᑎᔪᓂ ᐃᓕᓐᓂᐊᕐᕕᐊᕈᓯᐅᔪᒥ ᓄᓇᕗᒻᒥ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᖓᓐᓂ ᐃᓕᓐᓂᐊᕐᕕᖓᓐᓂ ᑭᕙᓪᓕᕐᒥᙶᓚᐅᖅᐳᑦ ᑕᒪᑐᒪᓂ ᐊᕐᕌᒎᔪᒥ 87-ᓂ ᐃᓕᓐᓂᐊᖅᑏᑦ ᒫᓐᓇᓕᓴᒥ ᐃᓕᓴᕆᔭᐅᓚᐅᖅᐳᑦ ᑎᑭᐅᑎᔪᓐᓇᕐᓂᖏᓐᓄᑦ.

ᐊᕐᕕᐊᕐᒥᐅᑕᖅ ᑕᐃᕋ ᓱᓗᒃ ᐃᓚᒋᔭᐅᖃᑕᐅᓚᐅᖅᐳᖅ ᓯᕗᓂᐊᓂ-ᐃᓕᓐᓂᐊᖅᐸᓪᓕᐊᓪᓗᓂ ᐃᖅᑲᓇᐃᔮᖅᑖᕋᓱᐊᕈᑎᑦ ᕿᔪᓕᕆᓂᕐᒧᑦ ᐃᓕᓐᓂᐊᖅᑎᐅᖃᑕᐅᔪᓄᑦ. ᑲᔪᖏᖅᓴᖅᑕᐅᓚᐅᖅᐳᖅ ᐃᓕᑦᑎᓂᖓᓐᓂ ᐱᓕᕆᐊᖑᓂᐅᔪᒥ ᐃᑲᔪᕐᓂᕐᒧᑦ ᐃᓄᖕᒥ ᖃᓂᒋᔭᖓᓄᑦ.

ᐃᓚᒋᔭᐅᔪᓂ ᓄᓇᕗᒻᒥ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᖕᒥ ᑭᕙᓪᓕᕐᒥ ᐃᓕᓐᓂᐊᕐᕕᖓᓂ ᐃᓱᓕᑦᑎᔪᓂᑦ ᑕᒪᑐᒪᓂ ᐅᐱᕐᙶᖑᔪᒥ ᐅᑯᐊᖑᕗᑦ, ᓯᕗᓂᐊᓂ, ᓴᐅᒥᖕᒥ, ᑲᐃᓕᓐ ᑳᓕᐅᕐ, ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖅ ᐸᐃᑉᐹᖅᑖᕐᓂᕐᒧᑦ; ᓯᐊᕆ ᑲᓕᕐᕋᖅ, ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖅ ᐸᐃᑉᐹᖅᑖᕐᓂᕐᒧᑦ; ᓗᕇᓇ ᑯᐸᒃ, ᑎᑎᕋᕐᕕᖕᒥ ᐊᓪᓚᕝᕕᓕᕆᓂᕐᒧᑦ ᐸᐃᑉᐹᖅᑖᕐᓂᕐᒧᑦ; ᓈᑕᓕ ᐳᑐᓕᒃ, ᑎᑎᕋᕐᕕᖕᒥ ᐊᓪᓚᕝᕕᓕᕆᓂᕐᒧᑦ ᐸᐃᑉᐹᖅᑖᕐᓂᕐᒧᑦ; ᓯᓚᑦᑐᖅᓴᕐᕕᖕᒥ ᐃᒃᓯᕙᐅᑕᖓ ᓲ ᐱᐅᓪ; ᔭᓯᑲ ᐊᕚᓚ, ᑎᑎᕋᕐᕕᖕᒥ ᐊᓪᓚᕝᕕᓕᕆᓂᕐᒧᑦ ᐸᐃᑉᐹᖅᑖᕐᓂᕐᒧᑦ; ᒥᕆᐊ ᓄᓗᒃ, ᑎᑎᕋᕐᕕᖕᒥ ᐊᓪᓚᕝᕕᓕᕆᓂᕐᒧᑦ ᐸᐃᑉᐹᖅᑖᕐᓂᕐᒧᑦ; ᒫᑕ ᐸᓪᓗᖅ, ᑎᑎᕋᕐᕕᖕᒥ ᐊᓪᓚᕝᕕᓕᕆᓂᕐᒧᑦ ᐸᐃᑉᐹᖅᑖᕐᓂᕐᒧᑦ; ᒍᐊᑕᓐ ᓄᑲᖅᖠᖅ ᐅᑲᓕᖅ, ᓯᕗᓂᐊᓂ-ᐃᓕᓐᓂᐊᖅᐸᓪᓕᐊᓪᓗᓂ ᐃᖅᑲᓇᐃᔮᖅᑖᕋᓱᐊᕈᑎᑦ ᐅᖅᓱᐊᓗᖕᒧᑦ ᐅᖅᑰᓴᐅᑎᒧᑦ ᐱᓕᕆᓂᐅᔪᒥ ᐱᓕᕆᔨᐅᔪᒧᑦ; ᓇᓕ ᑯᐸᒃ, ᑎᑎᕋᕐᕕᖕᒥ ᐊᓪᓚᕝᕕᓕᕆᓂᕐᒧᑦ ᐸᐃᑉᐹᖅᑖᕐᓂᕐᒧᑦ. ᕿᑎᐊᓂ, ᓴᐅᒥᖕᒥ, ᓴᐃᒪᓐ ᑕᐹᕐᔪᒃ, ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖅ ᐸᐃᑉᐹᖅᑖᕐᓂᕐᒧᑦ; ᓯᓐᑎᐊ ᓵᑦᑎᐊᓇ ᕗᐊᑦ, ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖅ ᐃᓱᓕᑦᑎᓂᕐᒧᑦ; ᔫᑦ ᐸᓐᓕᑲᓐ, ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖅ ᐸᐃᑉᐹᖅᑖᕐᓂᕐᒧᑦ; ᑯᐊᑦᓂ ᐅᓗᔪᒃ, ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖅ ᐸᐃᑉᐹᖅᑖᕐᓂᕐᒧᑦ; ᑭᒻᐳᓕ ᐳᕋᐅᓐ-ᑕᓇᔪᒃ, ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖅ ᐃᓱᓕᑦᑎᓂᕐᒧᑦ; ᑮᓴ ᔫᓐᔅ, ᑎᑎᕋᕐᕕᖕᒥ ᐊᓪᓚᕝᕕᓕᕆᓂᕐᒧᑦ ᐸᐃᑉᐹᖅᑖᕐᓂᕐᒧᑦ; ᓴᐃᓖᓐ ᒨᕕ, ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖅ ᐸᐃᑉᐹᖅᑖᕐᓂᕐᒧᑦ; ᑎᐊᕆ ᐊᖓᓕᒃ, ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖅ ᐸᐃᑉᐹᖅᑖᕐᓂᕐᒧᑦ; ᓄᐊᑦᑎ ᖃᑉᓗᑦᓯᐊᖅ, ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖅ ᐸᐃᑉᐹᖅᑖᕐᓂᕐᒧᑦ; ᐅᑏᓕᐊ ᑕᖅᑕᖅ, ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖅ ᐃᓱᓕᑦᑎᓂᕐᒧᑦ; ᓴᓕ ᐃᒍᑉᑕᖅ, ᑎᑎᕋᕐᕕᖕᒥ ᐊᓪᓚᕝᕕᓕᕆᓂᕐᒧᑦ ᐸᐃᑉᐹᖅᑖᕐᓂᕐᒧᑦ. ᐱᖓᔪᖓᓐᓂ, ᓴᐅᒥᖕᒥ, ᒪᐃᑯᓪ ᐅᐊᓕᔅ, ᓯᕗᓂᐊᓂ-ᐃᓕᓐᓂᐊᖅᐸᓪᓕᐊᓪᓗᓂ ᐃᖅᑲᓇᐃᔮᖅᑖᕋᓱᐊᕈᑎᑦ ᕿᔪᓕᕆᓂᖅ; ᓂᐅᓪᓯᓐ ᐳᓪᓚᑦ, ᓯᕗᓂᐊᓂ-ᐃᓕᓐᓂᐊᖅᐸᓪᓕᐊᓪᓗᓂ ᐃᖅᑲᓇᐃᔮᖅᑖᕋᓱᐊᕈᑎᑦ ᕿᔪᓕᕆᓂᖅ; ᔮᓯ ᓴᐃᒨᓂ, ᓯᕗᓂᐊᓂ-ᐃᓕᓐᓂᐊᖅᐸᓪᓕᐊᓪᓗᓂ ᐃᖅᑲᓇᐃᔮᖅᑖᕋᓱᐊᕈᑎᑦ ᕿᔪᓕᕆᓂᖅ; ᓯᑏᕙᓐ ᓴᓐ ᓴᒻ, ᓯᕗᓂᐊᓂ-ᐃᓕᓐᓂᐊᖅᐸᓪᓕᐊᓪᓗᓂ ᐃᖅᑲᓇᐃᔮᖅᑖᕋᓱᐊᕈᑎᑦ ᐅᐊᔭᓕᕆᔨ; ᑎᐊᕆᓐᔅ ᒪᑉᓴᓚᒃ, ᓯᕗᓂᐊᓂ-ᐃᓕᓐᓂᐊᖅᐸᓪᓕᐊᓪᓗᓂ ᐃᖅᑲᓇᐃᔮᖅᑖᕋᓱᐊᕈᑎᑦ ᐅᐊᔭᓕᕆᔨ; ᓴᐃᒪᓐ ᑯᓪᓗᐊᓕᒃ, ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖅ ᐸᐃᑉᐹᖅᑖᕐᓂᕐᒧᑦ; ᑎᐊᕆᓐ ᓴᐅᒥᒃ, ᓯᕗᓂᐊᓂ-ᐃᓕᓐᓂᐊᖅᐸᓪᓕᐊᓪᓗᓂ ᐃᖅᑲᓇᐃᔮᖅᑖᕋᓱᐊᕈᑎᑦ ᐅᐊᔭᓕᕆᔨ; ᑕᐃᕋ ᓱᓗᒃ, ᓯᕗᓂᐊᓂ-ᐃᓕᓐᓂᐊᖅᐸᓪᓕᐊᓪᓗᓂ ᐃᖅᑲᓇᐃᔮᖅᑖᕋᓱᐊᕈᑎᑦ ᕿᔪᓕᕆᓂᖅ; ᓵᓐᑎᐅᓪ ᓇᐸᔪᖅ-ᖃᓗᔾᔭᖅ, ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖅ ᐃᓱᓕᑦᑎᓂᕐᒧᑦ.

ᐊᑖᑕᒐ ᐃᒡᓗᑖᓚᐅᖅᐳᖅ ᖃᔅᓯᐊᕐᔪᖕᓂ ᐊᕐᕌᒎᓕᖅᑐᓂ ᑭᓱᓕᒫᓂᒃ ᓄᑖᙳᖅᑎᕆᔭᕆᐊᖃᖅᑐᒥ ᑕᐃᒪᓐᓇ ᐃᓕᓐᓂᐊᕆᐊᓕᓚᐅᖅᐳᖓ ᓄᑖᙳᕆᐊᖅᑎᑦᑎᔪᓐᓇᕐᓂᐊᕋᒪ ᐅᕙᓐᓂᒃ ᐊᑭᓖᙱᖔᕐᓗᑕ ᑕᐅᓯᓐ-ᖏᓐᓂ ᑮᓇᐅᔭᓂᑦ ᐃᒡᓗᓕᕆᔨᒃᑯᓐᓄᑦ ᓄᑖᙳᕆᐊᖅᑎᑕᐅᓂᖓᓄᑦ,” ᓱᓗᒃ ᐅᓂᒃᑳᓚᐅᖅᐳᖅ.

ᐊᓈᓇᖓ ᐃᒻᒥᓂᒃ-ᐃᓕᑎᖦᖢᓂ ᕿᔪᓕᕆᔨᐅᕗᖅ, ᑕᐃᒪᓐᓇ ᓱᓗᒃ ᐱᔪᒪᓚᐅᖅᐳᖅ ᐊᔪᙱᓐᓂᐅᔪᓂ ᐊᓈᓇᒥᑑᕈᒪᓪᓗᓂ.

ᐃᓕᓐᓂᐊᓕᓚᐅᖅᐳᖅ ᓯᑎᐱᕆᒥ ᐊᒻᒪ ᐱᔭᕇᓚᐅᖅᐳᖅ ᐊᐃᑉᕆᓕᒥ. ᒫᓐᓇ ᕿᓂᓕᖅᐳᖅ ᐃᓕᓯᒪᓂᕐᒧᑦ ᐱᓕᕆᐊᒥᓂᒃ ᐸᐃᑉᐹᖁᑎᖃᖅᑐᒥ ᕿᔪᓕᕆᓂᕐᒧᑦ ᑲᑎᖅᓱᐃᔪᓐᓇᕐᓂᐊᕐᒪᑦ ᐃᑲᕐᕋᓂ ᐃᖅᑲᓇᐃᔭᖅᓯᓐᓈᕐᓗᓂ ᓅᑦᑐᓐᓇᕐᓂᐊᕐᒪᑦ ᒪᕐᕈᖓᓄᑦ ᐊᕐᕌᒎᔪᒧᑦ. ᑐᕌᒐᒃᓴᖓ ᐱᔭᕇᖅᓯᓂᕐᒧᑦ ᐊᕐᕌᒍᓂ ᑎᓴᒪᓂ ᐱᓕᒻᒪᒃᓴᕐᓂᐅᔪᒥ ᐊᒻᒪ ᐱᓗᓂ ᐊᐅᐸᖅᑐᒥ ᓇᓗᓇᐃᒃᑯᑕᐅᔪᒥ ᕿᔪᓕᕆᓂᕐᒧᑦ.

ᖄᖏᖅᓯᒪᓕᖅᑐᒥ ᑕᖅᑭᒐᓴᓄᑦ ᑕᑯᓂᖃᓚᐅᖅᐳᖅ ᓴᓇᓪᓗᓂ ᕿᔪᓕᕆᕝᕕᖕᒥ ᐊᑐᑐᐃᓐᓇᖅᖢᓂ ᐊᒡᒐᒧᑦ ᑎᒍᒥᐊᖅᑕᐅᓲᓄᑦ ᓴᓇᕐᕈᑎᓂᒃ, ᐃᓕᓯᓯᒪᕗᖅ ᐃᒡᓗᕋᓛᑉ ᓴᓂᕋᖏᓐᓂ ᐃᓚᖃᖅᖢᓂ ᐃᓕᓐᓂᐊᖃᑎᒥᓂᑦ, ᐊᒻᒪ ᐅᓗᓕᐅᖅᓯᒪᕗᖅ.

ᐱᔭᕇᖅᓯᒪᑦᑎᐊᖅᖢᓂ ᐱᒋᐊᕈᑕᐅᔪᒥ ᐊᕐᕌᒍᖓᓂ, ᐅᖃᓚᐅᖅᐳᖅ ᖃᔅᓯᐊᕐᔪᖕᓂ ᐊᕐᓇᓂ ᐊᖏᕐᕋᖓᓂ ᓄᓇᖓᓐᓂ ᐅᐸᒃᑐᐃᓚᐅᖅᐳᑦ ᐊᐱᕆᔭᖅᑐᖅᖢᑎᒃ ᖃᓄᖅ ᑐᒃᓯᕋᕐᓂᕐᒧᑦ ᐱᓕᕆᐊᖑᔪᒧᑦ.

ᑲᒪᓚᐅᖅᐳᖓ ᐊᕐᓇᒃᑲᓐᓂᕐᓂ ᐱᔪᒪᓂᖃᕈᒪᓂᖏᓐᓂ ᐱᓕᕆᓂᐅᔪᒥᑦ,” ᐅᖃᓚᐅᖅᐳᖅ.

ᐃᓕᓐᓂᐊᕐᕕᐅᔪᒥ ᑕᒪᑐᒪᓂ ᐊᕐᕌᒎᔪᒥ, ᐃᓚᐅᕝᕕᐅᓛᖑᓚᐅᖅᑐᖅ ᐱᓕᕆᐊᖑᔪᒥ ᐅᖁᒪᐃᑦᑐᓄᑦ ᐊᖁᑎᐅᔪᓄᑦ ᐳᓪᓚᓕᖕᒥ ᓄᖅᑲᕈᑎᖃᖅᑐᒥ ᐃᓕᓐᓂᐊᕐᓂᐅᔪᖅ, 12-ᖑᔪᓂ ᐃᓕᓐᓂᐊᖅᑎᓂᑦ ᐱᔭᕇᖅᓯᓚᐅᖅᑐᓄᑦ. 11-ᖑᔪᓂ ᐃᓚᐅᖃᑕᐅᔪᓂ ᐱᔭᕇᖅᓯᓚᐅᖅᐳᑦ ᐃᓕᓐᓂᐊᖅᐸᓪᓕᐊᓪᓗᓂ ᐃᖅᑲᓇᐃᔮᖅᑖᕋᓱᐊᕈᑎᑦ ᐃᒡᓗᕐᔪᐊᓂ ᐋᖅᑭᐅᒪᑎᑦᑎᔨᐅᔪᒧᑦ ᐱᓕᕆᐊᖑᔪᒥ. ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖅ ᐸᐃᑉᐹᖅᑖᕐᓂᕐᓄᑦ 10-ᓄᑦ ᐃᓕᑦᑎᔨᐅᔪᓅᓚᐅᖅᐳᑦ ᐱᖓᓱᒃᑲᓐᓃᑦ ᑎᑭᐅᑎᔪᓐᓇᓚᐅᖅᐳᑦ ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᖅ ᐃᓱᓕᑦᑎᓂᕐᓄᑦ. 9-ᓂ ᐃᓕᓐᓂᐊᖅᑎᓂᑦ ᐱᓕᒻᒪᒃᓴᓚᐅᖅᐳᑦ ᐃᓕᓐᓂᐊᖅᐸᓪᓕᐊᓪᓗᓂ ᐃᖅᑲᓇᐃᔮᖅᑖᕋᓱᐊᕈᑎᒧᐊᓚᐅᖅᐳᑦ ᐅᖅᓱᐊᓗᖕᒧᑦ ᐅᖅᑰᓴᐅᑎᒧᑦ ᐱᓕᕆᓂᐅᔪᒥ ᐱᓕᕆᔨᐅᔪᓄᑦ. 8 ᐱᔭᕇᖅᓯᓚᐅᖅᐳᑦ ᑎᑎᕋᕐᕕᖕᒥ ᐊᓪᓚᕝᕕᓕᕆᓂᕐᒧᑦ ᐸᐃᑉᐹᖅᑖᕐᓂᕐᒧᑦ ᐱᓕᕆᐊᖑᔪᒥ 8-ᑲᓐᓂᕐᓂ ᐃᓚᐅᖃᑕᐅᓪᓗᑎᒃ ᐱᒋᐊᕐᓂᐅᔪᒥ ᐅᔭᕋᖕᓂᐊᕐᓂᕐᒧᑦ ᐱᓕᒻᒪᒃᓴᕐᓂᐅᔪᒥ.

ᖃᔅᓯᒐᓚᖕᓂ ᐊᓯᖏᓐᓂ ᐃᓕᓐᓂᐊᖅᐸᓪᓕᐊᓪᓗᓂ ᐃᖅᑲᓇᐃᔮᖅᑖᕋᓱᐊᕈᑎᐊᒻᒪ ᓯᕗᓂᐊᓂ-ᐃᓕᓐᓂᐊᖅᐸᓪᓕᐊᓪᓗᓂ ᐃᖅᑲᓇᐃᔮᖅᑖᕋᓱᐊᕈᑎᑭᒡᓕᐅᔪᓄᑦ ᐱᓕᕆᐊᖑᔪᓂ ᐊᑐᐃᓐᓇᐅᑎᑕᐅᓚᐅᖅᐳᑦ ᐊᕐᕌᒎᓚᐅᖅᑐᒥ ᑭᕙᓪᓕᕐᒥ ᐃᓕᓐᓂᐊᕐᕕᖓᓂ.