ᐊᑲᐅᒋᔭᐅᙱᕐᔪᐊᖅᑐᒥ ᑎᒍᔭᐅᓂᐅᔪᒥ ᑭᙵᕐᓂ (Cape Dorset) ᐊᖑᒻᒥ ᓇᒡᒐᔾᔭᐅᒥ ᐅᓐᓄᖓᓂᐊᑭᕋᖅᑐᖅᑕᐅᕐᔪᐊᖅᐳᖅ ᓄᓇᖃᖅᑎᐅᔪᓂ ᐊᒻᒪ ᑕᑯᒃᓴᐅᑎᑕᐅᑲᑕᒃᖢᓂ ᓇᒧᑐᐃᓐᓇᖅ ᖃᕋᓴᐅᔭᑎᒍᑦ ᐱᔾᔪᑎᖃᖅᑐᒥ ᑕᕐᕆᔭᓕᐊᖑᔪᒥ ᓂᐱᓕᐅᕆᔭᐅᓂᑯᒥ ᓄᓇᓕᖕᒥᐅᑕᒥᑦ.

ᑲᓇᑕᒥ ᐸᓖᓯᒃᑯᑦ ᑭᖑᓂᐊᒍᑦ ᓴᖅᑭᑎᑦᑎᓚᐅᖅᐳᑦ ᐊᐃᑉᐹᓂ ᐃᒻᒥᒃᑰᖅᑐᒥ ᓯᓚᑖᓂ ᖃᐅᔨᓴᖅᑕᐅᓂᐅᔪᒥ ᖃᐃᖁᔨᓂᖃᕐᓂᐊᕐᓂᖏᓐᓂ, ᐊᒻᒪ ᑎᒍᓯᔨᐅᓚᐅᖅᑐᖅ ᐸᓖᓯ ᐊᐅᓪᓚᖅᑎᑕᐅᓚᐅᖅᐳᖅ ᓄᓇᓕᖕᓂ ᐊᒻᒪ ᐃᓕᔭᐅᓪᓗᓂ ᐊᓪᓚᕝᕕᓕᕆᓂᕐᒥ ᐱᓕᕆᐊᒃᓴᖃᕐᓂᖓᓂ ᖃᐅᔨᓴᖅᑕᐅᓂᖃᖅᑎᓪᓗᒍ.

ᐊᒃᓱᕈᖅᑕᐅᓪᓗᓂ ᑎᒍᔭᐅᓂᐅᔪᖅ ᑭᙵᕐᓂ (Cape Dorset) ᔫᓂ 1–ᒥ ᐱᑎᑦᑎᓯᒪᕗᖅ ᑎᒍᓯᔨᐅᔪᒥ ᐸᓖᓯᐅᔪᒥ ᐊᐅᓪᓚᖅᑎᑕᐅᓂᖓᓂ ᓄᓇᓕᖕᓂ ᐃᒻᒥᒃᑰᖅᑐᒥ ᓯᓚᑖᒍᑦ ᖃᐅᔨᓴᖅᑕᐅᓂᖃᕐᓂᖓᓂ.

“ᑲᓇᑕᒥ ᐸᓖᓯᒃᑯᑦ ᐸᓖᓯᑦᑎᓐᓂ ᐱᓕᕆᑦᑎᐊᕆᐊᖃᕐᓂᖏᓐᓂ ᐱᒻᒪᕆᐅᑎᑦᑎᕗᑦ ᐊᒻᒪᓗ ᓇᓗᓇᐃᖅᓯᔪᒪᕗᑦ ᐃᓄᓕᒫᓂ ᐅᒃᐱᕈᓱᖕᓂᖃᕐᓂᖏᓐᓂ ᐱᓕᕆᓂᐅᔪᒥ ᓯᓚᑖᒍᑦ ᖃᐅᔨᓴᖅᑕᐅᓂᐅᔪᒥ ᐃᓱᒪᒃᓴᖅᓯᐅᕆᓂᕐᒥ ᖃᓄᐃᓕᖓᓂᐅᓂᐊᖅᑐᒥ ᖃᓄᐃᓐᓂᐅᓚᐅᖅᑐᒥ ᐊᒻᒪᓗ ᐱᕋᔭᖕᓂᒃᑯᑦ ᐃᖅᑲᖅᑐᒐᒃᓴᙳᕐᓂᐊᕐᓂᖓᓂ ᐸᓖᓯᒧᑦ. ᐱᓕᕆᓂᐅᔪᖅ ᒪᓕᒃᑕᐅᓂᖃᕐᓂᐊᕐᒪᑦ ᓯᓚᑖᒍᑦ ᐱᕋᔭᖕᓂᒃᑯᑦ ᖃᐅᔨᓴᖅᑕᐅᓂᖓᓂ ᐊᒻᒪ ᐃᓗᐊᒍᑦ ᐱᓕᕆᓂᐅᔪᒥ ᖃᐅᔨᓴᖅᑕᐅᓂᐅᔪᒥ, ᐅᖃᐅᓯᒃᓴᓕᐅᒃᑲᓐᓂᕈᓐᓇᙱᑉᐳᒍᑦ ᒫᓐᓇᐅᔪᒥ,” ᑲᓇᑕᒥ ᐸᓖᓯᒃᑯᑦ Cpl. ᔭᐃᒥ ᓴᕕᑲᑖᖅ ᐅᖃᓚᐅᖅᐳᖅ ᑐᓴᒐᒃᓴᓕᐊᖑᔪᒥ ᑐᓂᔭᐅᔪᒥ ᐊᐃᑉᐹᓂ.

ᐅᓇ ᐱᖓᔪᖓᓐᓂ ᓯᓚᑖᒍᑦ ᖃᐅᔨᓴᕐᓂᐅᓯᒪᕗᖅ ᑲᓇᑕᒥ ᐸᓖᓯᒃᑯᑦ ᐅᖃᓘᓯᖃᓚᐅᕐᓂᖓᓂ ᑕᖅᑭᓄᑦ ᐱᖓᓱᐸᓗᖕᓄᑦ. ᐊᐃᑉᐸᖏᑦ ᒪᕐᕉᒃ ᐊᔾᔨᒌᙱᑦᑐᓂ ᖃᓄᐃᓐᓂᐅᓚᐅᖅᐳᑦ ᑭᙵᕐᓂ ᐊᒻᒪ ᑲᖏᖅᖢᒑᐱᖕᒥ, ᑕᒪᒃᑭᑦ ᐱᑎᑦᑎᔪᒥ ᓄᓇᖃᖅᑎᐅᔪᓂ ᐃᓄᐊᖅᑕᐅᔪᓂ ᐹᖅᓯᓂᐅᔪᒥ ᐸᓖᓯᒃᑯᓐᓂ. ᐋᑐᕚᒥ ᐸᓖᓯᒃᑯᑦ ᐱᔨᑦᑎᕋᕐᓂᐅᔪᒥ, ᕿᒥᕐᕈᔪᓂ ᑕᒪᒃᑭᓄᑦ ᖃᓄᐃᓐᓂᐅᓚᐅᖅᑐᓄᑦ, ᓱᓕ ᐃᓱᓕᑦᑎᓯᒪᙱᓚᑦ ᐅᓂᒃᑳᓕᐊᒥᓂ ᓯᕗᓪᓕᖅᐹᖑᔪᒥ ᑭᙵᕐᓂ ᖃᓄᐃᓐᓂᐅᔪᒥ ᕕᕈᐊᕆ 26–ᒥ, ᐸᓖᓯᒥ ᐅᖃᐅᔾᔨᓚᐅᖅᐳᖅ ᓄᓇᕗᒻᒥ ᑐᓴᒐᒃᓴᓕᕆᔨᒃᑯᓐᓄᑦ ᓇᒡᒐᔾᔭᐅᔪᒥ.

ᑎᒍᔭᐅᓂᐅᔪᒥ ᓇᒡᒐᔾᔭᐅᒥ, ᐸᓖᓯᒃᑯᑦ ᑭᐅᓂᖃᓚᐅᖅᐳᑦ ᐅᓂᒃᑳᓕᐊᖑᔪᒥ ᐋᖓᔮᖅᑐᒥ ᐊᖑᒻᒥ ᐅᓇᑕᕐᓂᕋᖅᑕᐅᓪᓗᓂ ᐊᓯᖏᓐᓂ ᐃᓄᖕᓂ. ᑕᕐᕆᔭᓕᐊᖑᔪᒥ, ᐊᖑᒻᒥ ᑕᑯᒃᓴᐅᓂᖃᖅᐳᖅ ᐅᕐᕈᔮᖅᑐᒥ. ᐹᖓ ᐅᐸᒃᐸᓪᓕᐊᔪᒥ ᐸᓖᓯᒃᑯᑦ ᓄᓇᒃᑰᕈᑎᖓᓐᓂ ᒪᑐᐃᖅᑐᖃᖅᐳᖅ, ᐊᖑᑦ ᑖᓐᓇ ᓴᓂᖅᑲᒧᑦ ᑐᖦᖢᓂ. ᐊᓱᐃᓛᒃ, ᑕᓪᓕᒪᓂ ᐸᓖᓯᐅᔪᓂ ᓄᖅᑲᖅᑎᑦᑎᓇᓱᐊᖅᐳᑦ ᐊᖑᒻᒥ. ᐃᓱᒪᒋᓇᒍ ᐅᓄᕐᓂᖅᓴᐅᔪᓂ ᐹᖅᑕᐅᓂᖓᓂ, ᐸᓖᓯᐅᔪᒥ ᒪᓂᖅᑲᒥ ᓴᐅᒥᖕᒧᑦ ᑕᕐᕆᔭᓕᐊᖑᔪᒥ ᑕᑯᔭᐅᔪᓐᓇᖅᐳᖅ ᓰᖅᑯᖓᓂ ᐅᑎᖅᑎᒋᐊᖅᖢᓂᐅᒃ ᐊᒻᒪ ᐊᓇᐅᓯᔫᔮᖅᖢᓂ ᐸᓯᔭᐅᔪᒥᑦ.

ᓯᕗᓂᐊᓂ ᑲᓇᑕᒥ ᐸᓖᓯᒃᑯᑦ ᑐᓴᒐᒃᓴᓕᐊᖓᓐᓂ, ᑭᙵᕐᓂ ᕼᐋᒻᓚᒃᑯᑦ ᑲᑎᒪᔨᖓ ᑯᓘᑦ ᑳᓐᔅᑕᓐᑎᓅ ᐅᖃᓚᐅᖅᐳᖅ ᑲᑎᒪᔨᒃᑯᑦ ᑐᒃᓯᕋᖅᓯᒪᓚᐅᕐᓂᖏᓐᓂ ᑐᓴᒐᒃᓴᒃᑲᓐᓂᕐᓂ ᐸᓖᓯᒃᑯᓐᓂ ᖃᓄᐃᓐᓂᐅᓚᐅᖅᑐᒧᑦ ᑭᓯᐊᓂ ᐅᖃᒃᑲᓐᓂᕈᒪᓚᐅᙱᓚᑦ.

ᖃᔅᓯᒐᓚᖕᓂ ᑲᑎᒪᔨᕐᔪᐊᖑᔪᓂ ᓄᓇᓕᖕᓂ, ᓄᓇᕗᒻᒥ ᐊᒻᒪ ᒐᕙᒪᑐᖃᒃᑯᑦ ᑭᒡᓕᐅᔪᓂ ᖃᐃᖁᔨᓯᒪᕗᑦ ᑲᓇᑕᒥ ᐸᓖᓯᒃᑯᓐᓂ ᑎᒥᒧᑦ ᐊᑕᔪᓄᑦ ᐊᔾᔨᓕᐅᕈᑎᖃᖅᑎᑕᐅᖁᔭᐅᓂᖏᓐᓂ.

Advertisement

Derek Neary

Derek Neary has been reporting on developments in the North for 18 years. When he's not writing for Nunavut News, he's working on Northern News Services' special publications such as Opportunities North,...