ᑕᑯᒋᐊᒃᑲᓐᓂᕈᒃ ᖃᕋᓴᐅᔭᒃᑰᕈᑎᖕᓂ ᐊᑭᓕᒐᒃᓴᕐᓂᑦ

155

ᐱᐅᓗᐊᓚᐅᖅᐸ ᓱᓕᓂᕐᒧᑦ? ᓄᐊᑦᐅᐃᔅᑎᐅᓪ ᓇᓗᓇᐃᖅᓯᓚᐅᖅᐳᑦ ᓄᑖᖑᔪᒥ ᓱᒃᑲᓂᖅᓴᐅᔪᒥ ᐊᒻᒪ ᐊᑭᑭᓐᓂᖅᓴᐅᔪᒥ ᖃᕋᓴᐅᔭᒃᑰᕈᑎᖓᓐᓂ ᐸᕐᓴᐅᑎᖓᓂ ᓄᓇᕗᒻᒧᑦ ᑕᖅᑭᐅᓚᐅᖅᑐᒥ, ᐊᒻᒪ ᒫᓐᓇᓕᓴᓂ ᐅᓂᒃᑳᓕᐊᖑᔪᑦ ᓇᓗᓇᐃᖅᓯᕗᑦ ᓇᓗᓇᐃᖅᓯᕗᑦ ᓱᒃᑲᓂᖅᓴᐅᓂᖓᓂ ᑭᓯᐊᓂ ᐊᑭᑭᓐᓂᖅᓴᐅᓂᖓᓂ ᑭᐅᓗᒍᑕᐅᔪᓐᓇᖅᐳᖅ.

ᓱᒃᑲᓂᖓ ᖃᕋᓴᐅᔭᒃᑰᕈᑎᖓᓄᑦ ᐱᔨᑦᑎᕋᕐᓂᖓ ᐱᖓᓱᐃᓪᓗᐊᓚᐅᖅᐳᖅ 15Gbps−ᒧᑦ, ᐊᒻᒪ ᑲᒻᐸᓂᐅᔫᑉ ᖁᑦᑎᓛᖓᓂ ᑲᑎᙵᓂᐅᔪᓄᑦ ᐅᕙᙶᖅᖢᓂ 60GB ᑕᖅᑭᑕᒫᒧᑦ $179−ᒥᑦ 100GB ᑕᖅᑭᑕᒫᒧᑦ $129−ᒧᑦ. ᐱᔪᒥᓇᓚᐅᖅᐳᖅ.
(ᓄᐊᑦᐅᐃᔅᑎᐅᓪ ᐊᑐᐃᓐᓇᐅᑐᐃᓐᓇᖅᐳᖅ ᒫᓐᓇᒥ ᖃᔅᓯᐊᕐᔪᑐᐃᓐᓇᓂ ᓄᓇᓕᐅᔪᓂ, ᐃᓚᖃᖅᑐᒥ ᐊᖓᔪᖅᑳᖃᕐᕕᖕᒥ, ᑭᓯᐊᓂ ᐊᑐᐃᓐᓇᐅᓕᕐᓂᐊᖅᐳᖅ ᑕᒪᒃᑭᓄᑦ ᓄᓇᓕᖕᓄᑦ ᐊᕐᕌᒍᒃᑲᓐᓂᕐᒥ.)
ᐊᒻᒪ ᓱᓕ ᓄᐊᑦᐅᐃᔅᑎᐅᓪ ᐋᖅᑭᒃᓯᔪᓐᓇᙱᓚᑦ ᐊᑲᐅᙱᓕᐅᕈᑕᐅᔪᒥ ᐅᖃᐅᓯᐅᖏᓐᓇᖅᑐᒥ ᐊᑐᖅᑎᐅᔪᓄᑦ – ᖃᓄᐃᒻᒪᑦ ᐊᑐᖅᑎᐅᔪᑦ ᖄᖏᐅᑏᓐᓇᓲᖑᕙᑦ ᖃᕋᓴᐅᔭᒃᑰᕈᓐᓇᕐᓂᖓᓂ ᐱᔪᓐᓇᕐᓂᖓ ᑎᑭᐅᑎᓂᐅᔪᓄᑦ, ᑭᖑᓂᐊᒍᑦ ᐊᑭᓖᔭᕆᐊᖃᕐᓂᖏᓐᓂ ᐊᑐᓂ GB−ᖑᔪᒧᑦ?
ᐱᖓᓱᐃᖅᓱᓕᖅᐳᖅ ᐊᕐᕌᒍᓂ ᐱᖓᓱᓂ ᖁᑦᑎᓛᖓ ᖃᕋᓴᐅᔭᒃᑰᕈᓐᓇᕐᓂᖓᓂ ᐱᔪᓐᓇᕐᓂᖓᓄᑦ ᑎᑭᐅᑎᓂᐅᔪᓄᑦ ᐊᖏᒡᓕᒋᐊᖅᓯᒪᕗᖅ –50GB−ᓂ 2016−ᒥ, 60GB−ᓂ 2017−ᒥ, ᐊᒻᒪ ᒫᓐᓇ 100GB−ᓂ – ᐊᒻᒪ ᓱᓕ ᐊᑐᓂ ᐊᖏᒡᓕᒋᐊᖅᑕᐅᓂᐅᔪᒥ, ᐊᑐᖅᑏᑦ ᖃᐅᔨᓯᒪᕗᑦ ᑎᑭᐅᑎᓂᖓᓐᓂ ᑎᑭᐅᑎᓂᐅᔪᒧᑦ ᖄᖏᐅᑎᓪᓗᑎᒡᓘᓐᓃᑦ ᑕᖅᑭᑕᒫᒥ. ᖃᓄᐃᓐᓂᖓ ᐊᑭᓕᒐᒃᓴᐃᑦ ᖄᖏᐅᑏᓐᓇᖅᐳᖅ ᓂᕆᐅᒋᔭᐅᓚᐅᖅᑐᒥ ᐊᑭᖓᓂ.
ᐃᓚᒋᔭᑕᖃᐃᓐᓇᖅᐳᖅ ᐊᑐᖅᑎᒧᑦ ᑲᒪᒋᔭᖃᕐᓂᐅᔪᒥ ᐅᕙᓂ – ᐊᑐᓕᓚᐅᖅᐳᒍᑦ ᖃᕋᓴᐅᔭᒃᑰᕈᓐᓇᕐᓂᖓᓂ ᐱᔪᓐᓇᕐᓂᖓᓄᑦ ᓇᐅᑦᑎᖅᓱᕈᑎᓂᑦ ᖃᕋᓴᐅᔭᑦᑎᓐᓂ ᐊᒻᒪ ᖃᒥᖦᖢᒍ ᐊᕿᑦᑐᓂ ᖃᕋᓴᐅᔭᒃᑰᕈᑎᓂᑦ ᓄᑖᙳᕆᐊᖅᑎᑦᑎᓂᐅᔪᓂᑦ ᐱᐅᔪᓄᑦ ᐊᒃᑐᐃᓂᐅᔪᓄᑦ – ᐊᒻᒪ ᓱᓕ ᐊᑐᖅᑎᐅᔪᑦ ᐸᓴᒍᓱᖕᓂᖃᓚᐅᖅᐳᑦ ᑲᒪᒋᔭᖃᙱᓐᓂᖓᓐᓂ ᖄᖏᐅᑎᓂᐅᔪᓄᑦ.
ᒫᓐᓇᐅᔪᒥ, ᑕᑯᒃᓴᐅᓂᐅᔪᐃᓐᓇᐅᔪᓂ ᑎᒃᑯᐊᖅᐳᑦ ᐊᑐᖅᑎᐅᔪᓄᑦ ᐃᑲᔪᖅᓱᐃᓂᐅᔪᒥ.
ᖃᔅᓯᐊᕐᔪᖕᓂ ᐅᓪᓗᓂᑦ ᓄᑖᖑᔪᑦ ᑲᑎᙵᓂᐅᔪᓂ ᐊᑐᓕᖅᑎᓪᓗᒋᑦ ᐅᒃᑐᐱᕆ 1−ᒥ, ᐊᓄᕆᕐᔪᐊᖅᑐᐊᓗᖕᒥ ᑎᑭᐅᑎᓚᐅᖅᐳᖅ ᓂᒋᖅᐸᓯᖕᒧᑦ ᕿᑭᖅᑖᓗᖕᒧᑦ, ᖃᒥᙶᖅᑎᑦᑎᓪᓗᓂ ᐊᒻᒪ ᖃᕋᓴᐅᔭᒃᑰᕈᑎᖓᓐᓂ ᐊᒥᓱᓄᑦ ᐊᑐᖅᑎᐅᔪᓄᑦ. ᑕᐃᒪᐃᒃᑲᓗᐊᖅᑎᓪᓗᒍ, ᐊᑐᖅᑎᐅᔪᑦ ᖃᐅᔨᓚᐅᖅᐳᑦ ᖃᕋᓴᐅᔭᒃᑰᕈᑎᖓᑕ ᐱᔨᑦᑎᕋᕐᓂᐅᔪᓂ ᓱᒃᑲᔪᒥ ᑐᕌᖅᑐᒥ ᑎᑭᐅᑎᓂᕆᔭᖓᓐᓄᑦ. ᐊᑕᐅᓯᖅ ᐊᑐᖅᑎᐅᔪᖅ, ᐃᖃᓗᖕᓂ ᓄᓇᓕᖅᐸᐅᔭᒥ ᑲᑎᒪᔨᐅᔪᖅ, ᓄᓇᕗᒻᒦᓚᐅᙱᑦᑐᕐᓘᓐᓃᑦ ᐊᒻᒪ ᖃᓄᑭᐊᖅ ᐊᑐᓚᐅᖅᐳᖅ ᓇᑉᐸᓪᓗᐊᖓᓂ ᑎᑭᐅᑎᓂᕆᔭᖓᓄᑦ ᖃᔅᓯᐊᕐᔪᖕᓂ ᐅᓪᓗᓂᑦ.
ᐊᓂᕆᕐᔪᐊᕐᓂᐅᔪᖅ ᐲᖅᓯᓚᐅᖅᐳᖅ ᐅᐊᔭᖓᓂ ᑲᑎᙵᑎᑦᑎᔪᒥ ᐊᑕᐅᓯᐅᔪᒥ ᐃᓚᒌᖑᔪᓂᑦ ᖃᕋᓴᐅᔭᒃᑰᕈᑎᖓᓐᓄᑦ, ᐊᒻᒪ ᓱᓕ ᑎᑭᐅᑎᓂᕆᔭᖓᑦ ᓄᖑᑉᐸᓪᓕᐊᑐᐃᓐᓇᓚᐅᖅᐳᖅ. ᐅᓂᒃᑳᕆᓂᖓ ᐊᔪᕐᓇᖅᐳᖅ.
ᐊᒻᒪ ᓱᓕ ᑲᒻᐸᓂᐅᔪᖅ – ᓇᖕᒥᓂᕆᔭᐅᔪᖅ ᑲᓇᑕᐅᑉ ᐊᖏᓛᖑᔪᒥ ᑐᓴᐅᒪᑎᑦᑎᔾᔪᑎᖓᓐᓄᑦ, ᐱᐊᓪ – ᓴᖑᑎᑦᑎᓚᐅᖅᐳᑦ ᐸᓯᒃᖠᓂᐅᔪᒥ ᐊᑐᖅᑎᒧᑦ ᐊᒻᒪ ᐃᓱᒪᒋᔭᐅᓇᑎᒃ ᐅᖃᐱᓘᑕᐅᓂᐅᔪᓂ, ᐅᖃᓘᑎᒥᒃ ᐃᓕᓯᒻᒪᕆᒃᖢᑎᒃ ᐊᑐᖅᑎᐅᔪᒧᑦ ᓴᖅᑭᑎᑦᑎᓚᐅᖅᑐᒥ ᐃᓱᒫᓘᑎᒋᔭᖓᓐᓂ. ᑎᑎᕋᐃᓂᖃᓚᐅᖅᑎᓪᓗᑕ ᐅᓂᒃᑳᓕᐊᑦᑎᓐᓂ ᑕᒪᑐᒪᙵᑦ ᖃᕋᓴᐅᔭᑎᒍᑦ, ᓄᐊᑦᐅᐃᔅᑎᐅᓪ ᐅᖃᓚᐅᖅᐳᖅ ᕿᒥᕐᕈᓇᒃᐳᑦ ᐊᑐᓂ ᖃᓄᐃᓐᓂᐅᔪᒥ ᐃᒻᒥᒃᑰᖅᑐᒥ.
ᓈᒻᒪᙱᓗᐊᖅᐳᖅ. ᓄᐊᑦᐅᐃᔅᑎᐅᓪ ᐱᕚᓪᓕᕈᑎᖃᖅᐳᑦ ᒐᕙᒪᑐᖃᒃᑯᓐᓂ ᐃᑲᔪᖅᓯᖅᑕᐅᓂᖏᓐᓂ ᖁᕝᕙᖅᓴᐃᓂᕐᒧᑦ ᐅᐊᔭᓕᕆᓂᖏᓐᓄᑦ ᐅᑭᐅᖅᑕᖅᑐᒧᑦ, ᐊᒻᒪ ᐃᑲᔪᕐᓂᖃᖅᐳᖅ ᓂᐅᕕᐊᒃᓴᐅᔭᖅᑐᕐᓂᖓᓄᑦᑕᐅᖅ ᑕᐃᒪᐃᓐᓂᖓᓄᑦ. ᐅᓇ ᐃᓂᐅᔪᖅ ᑐᑭᖃᖅᐳᖅ ᐊᖏᓂᖅᓴᒥ ᑲᒪᒋᔭᒃᓴᖃᖅᐳᑦ ᓴᖅᑭᑎᑦᑎᓂᕐᒧᑦ ᐱᓕᕆᓂᐅᔪᓄᑦ ᐱᓕᕆᔾᔪᓯᖏᓐᓄᑦ, ᐊᒻᒪᓗ ᐅᓂᒃᑳᕆᓂᕐᒧᑦ ᖃᓄᖅ ᑲᑎᙵᓂᖃᙱᑦᑐᓄᑦ ᐊᑐᖅᑏᑦ ᐊᑭᓕᒃᓴᖅᑖᕈᓐᓇᕐᓂᖏᓐᓂ ᐱᔨᑦᑎᕋᕐᓂᐅᔪᓄᑦ ᐊᑐᓚᐅᙱᑕᒥᓂᑦ. ᑕᒪᓐᓇ ᐅᒃᐱᕈᓱᖕᓂᐅᔪᖅ ᐋᖅᑭᒃᑕᐅᒃᑲᓐᓂᕆᐊᖃᓕᖅᐳᖅ, ᐱᓗᐊᖅᑐᒥ ᐱᓕᕆᔨᒻᒪᕆᐅᓛᖑᓂᐊᖅᑰᔨᓂᖓᓂ ᓄᓇᕗᓕᒫᒥ ᐊᕐᕌᒎᓂᐊᖅᑐᒥ.
ᐊᖏᒐᓗᐊᖅᑎᓪᓗᒍ ᐊᒻᒪ ᐱᔪᓐᓇᕐᓂᖏᓐᓂ, ᓄᓇᕗᒻᒥᐅᑦ ᐊᓯᖏᓐᓂ ᓂᕈᐊᒐᒃᓴᖃᖅᐳᑦ, ᐃᓚᖃᖅᑐᒥ ᕿᓂᖅ, Xplornet, Ice Wireless, ᐊᒻᒪ Meshnet ᐃᖃᓗᖕᓂ. ᖃᕋᓴᐅᔭᒃᑰᕈᑎᖓ ᓱᒃᑲᓕᓂᖅᓴᐅᕙᓪᓕᐊᑎᓪᓗᒍ ᓄᓇᕗᒻᒥ, ᓄᓇᕗᒻᒥᐅᑦ ᐱᔪᒪᓂᖅᓴᐅᓕᖅᐳᑦ ᐱᔨᑦᑎᕋᕐᓂᕐᒧᑦ ᑐᓂᓯᔨᐅᔪᓂ, ᐊᒻᒪ ᐱᓂᕋᐃᓗᑎᒃ ᓄᑖᙳᖅᐸᓪᓕᐅᓂᐅᔪᒥ ᐊᑲᐅᙱᓕᐅᕈᑕᐅᔪᓂ ᐊᑐᖅᑎᓄᑦ ᓈᒻᒪᒍᓐᓃᖅᐳᖅ.
ᐊᑐᖅᑎᓄᑦ, ᖃᐅᔨᒋᐊᕈᒃ ᐊᑭᓕᒐᒃᓴᐃᑦ, ᖃᐅᔨᒋᐊᕐᓗᒍ ᖃᐅᔨᓴᖅᑕᐅᕙᓪᓕᐊᔪᓄᑦ ᑎᑎᕋᖅᑕᐅᓯᒪᔪᓂᑦ, ᐊᒻᒪ ᐊᑭᓕᒃᓴᖅᑖᑐᐃᓐᓇᕐᓂᕐᓂᑦ ᐱᔨᑦᑎᕋᕐᓂᕐᒧᑦ ᐊᑐᖅᑕᕐᓄᑦ.
ᓄᐊᑦᐅᐃᔅᑎᐅᓪᒧᑦ, ᐱᓕᕆᑦᑎᐊᒃᑲᓐᓂᓚᐅᕆᑦᑎ. ᖃᐅᔨᒋᐊᕐᓗᒋᑦ ᐊᑭᓕᒐᒃᓴᐃᑦ, ᖃᐅᔨᒋᐊᕈᒃ ᖃᐅᔨᓴᖅᑕᐅᕙᓪᓕᐊᔪᓄᑦ ᑎᑎᕋᖅᑕᐅᓯᒪᔪᓂᑦ, ᐊᒻᒪ ᐊᑭᓕᒃᓴᓕᐅᑐᐃᓐᓇᕐᓗᓯ ᐱᔨᑦᑎᕋᕐᓂᐅᔪᒥ ᑐᓂᔭᕐᓂᑦ.