ᑕᐃᔅᓱᒪᓂᒃᑲᓐᓂᖅ ᓱᖏᐅᓐᓇᙱᑦᑑᓪᓗᑎᒃ ᐃᓐᓇᖓᖃᑎᒌᒃᑐᑦ, ᒫᓐᓇ ᐱᓕᕆᖃᑎᒌᑦᑎᐊᖅᑐᑦ

20
Advertisement
office-of-the-language-com-of-nun

ᐊᑯᓂᐅᓗᐊᓚᐅᙱᑦᑐᖅ ᓄᓇᕗᒻᒥᐅᑦ ᐊᐱᖅᑯᑎᖃᕋᔭᕐᓂᖏᓐᓂ ᐊᔭᐅᕈᑎᒋᔭᖓᓂ ᐊᕙᑎᓕᕆᓂᕐᒧᑦ ᒐᕙᒪᐅᙱᑦᑐᓄᑦ ᑲᑐᔾᔨᖃᑎᒌᖑᔪᓂᑦ (NGOs) ᖃᓪᓗᓈᑦ ᓄᓇᖓᓐᓂᙶᖅᖢᑎᒃ ᐃᓱᒪᓕᐅᕆᓂᖏᓐᓂ ᐅᑭᐅᖅᑕᖅᑑᑉ ᓯᕗᓂᒃᓴᖓᓄᑦ.

ᐱᓗᐊᖅᑐᒥ, ᓂᕐᔪᑎᓂᑦ ᓯᕐᓈᖅᑎᐅᔪᓂ Greenpeaceᐸᓯᔭᒃᓴᐅᓪᓗᑎᒃ ᓱᕋᑦᑎᕆᓂᐅᔪᒥ ᐃᓄᐃᑦ ᓇᑦᑎᕋᓱᒃᐸᖕᓂᖏᓐᓂ ᑕᒪᒃᑭᑦ ᑕᐃᒪᐃᑦᑐᑦ ᑲᑎᙵᓂᐅᔪᑦ ᐃᓱᒪᒋᔭᐅᓪᓗᑎᒃ ᐸᓯᔭᒃᓴᐅᓂᖏᓐᓂ ᐃᓚᒋᔭᐅᖃᑕᐅᓂᖏᓐᓄᑦᐊᕐᕌᒍᒐᓱᓂᒃ ᖄᖏᖅᓯᒪᓕᖅᑐᓂ ᐅᑎᕐᔭᒃᓯᒪᓂᖏᓐᓂ ᐱᓪᓚᕆᐅᑎᑕᐅᓪᓗᑎᒃ ᓇᓂᓯᔨᐅᔪᖅ ᑲᑎᒪᔨᐅᖃᑕᐅᓪᓗᓂ ᐊᒻᒪ Sea Shepherd ᐊᑐᓗᐊᖅᑕᐃᓕᓂᕐᒧᑦ ᑲᑐᔾᔨᖃᑎᒌᖑᔪᓄᑦ ᓇᓂᓯᔨᐅᔪᖅ ᐹᓪ ᐅᐊᑦᓴᓐ ᐅᖃᓚᐅᖅᐳᖅ ᑲᑐᔾᔨᖃᑎᒌᖑᔪᑦ ᐃᒃᓯᖕᓇᐃᓂᖓᓂ ᓇᓂᓯᔾᔪᑎᖏᓐᓂ ᐊᑐᕈᒥᒋᔭᖏᓐᓂᑦ. ᖃᐅᔨᒪᓚᐅᙱᒃᑯᕕᑦ ᐅᐊᑦᓴᓐ ᐃᓱᒪᒋᔭᖏᓐᓂ, ᐱᒻᒪᕆᐅᕐᔪᐊᖅᐳᑦ ᑕᐃᔭᐅᓂᕐᒧᑦ ᐆᒥᖓ ᖃᐅᔨᓴᐃᓂᐅᔪᒥ ᐅᔾᔨᕆᔭᐅᓪᓗᐊᕐᓂᖓᓂ.

ᓯᕗᓂᐊᓂ ᐅᒃᐱᕈᓱᙱᓐᓂᖃᓚᐅᖅᑎᓪᓗᒍ ᐊᒻᒪ ᐃᓗᐊᙱᓐᓂᐅᔪᒥ ᓵᓚᖃᖅᑎᓪᓗᒍ, ᐃᓄᐃᑦ ᐊᒻᒪ ᐊᕙᑎᓕᕆᓂᕐᒧᑦ ᒐᕙᒪᐅᙱᑦᑐᓄᑦ ᑲᑐᔾᔨᖃᑎᒌᖑᔪᑦ ᐱᓕᕆᖃᑎᒌᑦᑎᐊᖅᑑᔮᓕᖅᐳᑦ. ᓂᕐᔪᑎᓄᑦ ᓯᕐᓈᖅᑏᑦ Greenpeace ᐃᑲᔪᓚᐅᖅᐳᑦ ᑲᖏᖅᖢᒑᐱᖕᒥ ᓵᓚᖃᕐᓂᖏᓐᓂ ᖁᑦᑎᖕᓂᖅᐹᒥ ᐃᖅᑲᖅᑐᐃᕕᖕᒥ ᐊᒃᓱᕈᕈᑎᒋᔭᖓᓐᓂ ᓴᔭᖕᓂᕐᓄᑦ ᖃᐅᔨᓴᐃᓂᐅᔪᒥ ᓴᓐᓂᕈᑎᐅᑉ ᐃᒪᖓᓐᓂ ᐊᒻᒪ ᓄᓇᕐᔪᐊᒥ ᐆᒪᔪᓕᕆᓂᕐᒧᑦ ᑮᓇᐅᔭᖃᖅᑎᑦᑎᓂᐅᔪᒥ-ᑲᓇᑕᒥ ᐃᓚᒋᔭᐅᖃᑕᐅᕗᖅ, ᐊᓯᖏᓐᓂᓪᓗ, ᐃᑲᔪᖅᐳᑦ ᐊᖑᓇᓱᒃᑐᓕᕆᔨᒃᑯᓐᓂ ᒥᑭᒋᐊᕐᓂᐊᖅᑎᒃᑯᓐᓂᓪᓗ ᑲᑐᔾᔨᖃᑎᒌᖑᔪᓂ ᑐᓂᓯᓪᓗᑎᒃ ᐅᖃᐅᓯᒃᓴᒥᓂᑦ ᓄᓇᕗᒻᒥ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᐅᔪᓄᑦ.

ᑭᓲᕙ ᐅᓄᖓ ᐱᓕᕆᑦᑎᐊᕈᓐᓇᕐᓂᐅᔪᓄᑦ ᐱᓕᕆᖃᑎᖃᕐᓂᕐᒥ? ᑮᓇᐅᔭᑦ, ᐊᑦᑕᑕᖅᑐᖃᙱᖦᖢᓂ.

ᓂᕐᔪᑎᓄᑦ ᓯᕐᓈᖅᑎᓂᑦ Greenpeace-ᑯᑦ ᐱᓕᕆᐊᖓᓄᑦ, ᑮᓇᐅᔭᖃᖅᑎᑦᑎᓂᐅᔪᒥ ᐃᖅᑲᖅᑐᐃᕕᒃᑯᑦ ᑮᓇᐅᔭᐃᖅᑎᑦᑎᒐᓱᐊᕐᓂᕐᒧᑦ ᑐᓂᓯᓚᐅᖅᐳᖅ ᐱᔪᓐᓇᑦᑎᐊᕐᓂᐅᔪᒥ ᒪᕐᕉᒃᑎᒍᑦ ᑭᒡᓕᐅᔪᓄᑦᐊᑕᐅᓯᖅ, ᓵᓚᖃᕐᓂᐅᔪᒥ ᑐᕌᒐᐅᕗᖅ ᐃᑲᔪᕐᓂᕐᒥ ᓴᐳᔾᔨᓯᒪᓂᕐᒧᑦ ᐆᒪᔪᓂᑦ ᑕᓪᓗᕈᑎᐅᑉ ᐃᒪᖓᓐᓂ, ᐊᒻᒪ ᒪᕐᕈᖓᓂ, ᐃᑲᔪᓚᐅᖅᐳᖅ ᒪᒥᓴᕐᓂᐅᔪᒥ ᐃᓗᑐᔪᓂ ᕿᓕᕉᔪᓂᑦ ᕿᒪᒃᑕᐅᓚᐅᖅᑐᓂ ᓂᕐᔪᑎᓄᑦ ᓯᕐᓈᖅᑎᐅᔪᓂ Greenpeace-ᑯᑦ ᐱᓕᕆᑦᑎᐊᖅᓯᒪᕐᔪᐊᕐᓂᖏᓐᓂ ᓱᕋᖅᑎᕆᓂᕐᒧᑦ ᓇᑦᑎᕋᓱᖕᓂᐅᔪᒥ.

ᓄᓇᕐᔪᐊᒥ ᐆᒪᔪᓕᕆᓂᕐᒧᑦ ᑮᓇᐅᔭᖃᖅᑎᑦᑎᓂᐅᔪᒥ-ᑲᓇᑕᒥ, ᒫᓐᓇᓕᓴᓂ ᐊᕐᕌᒎᔪᓂ, ᐱᓕᕆᕙᓪᓕᐊᓯᒪᒋᕗᑦ ᐊᔾᔨᒌᙱᓐᓂᖅᓴᐅᔪᒥ ᑐᑭᓕᖕᒥ ᐊᒻᒪ ᐊᑑᑎᖃᑦᑎᐊᖅᑐᒥ ᑐᕌᒐᕆᓂᕆᔭᖓᓐᓂ ᐱᓕᕆᖃᑎᖃᕐᓂᕐᒧᑦ ᐅᑭᐅᖅᑕᖅᑐᒥ. ᑲᑐᔾᔨᖃᑎᒌᖑᔪᑦ, ᐊᕐᕌᒍᓂ ᖁᓕᑐᐃᓐᓇᕐᓂ ᑮᓇᐅᔭᓂᒃ ᐱᕈᖅᓴᐃᓚᐅᖅᑐᓄᑦ ᐃᓱᒪᓂᐅᔪᒥ ᓇᓄᐃᑦ ᕿᓚᒻᒥᐅᔪᒥ ᓄᖑᓛᕐᓂᖏᓐᓂ, ᒫᓐᓇᓕᓴᒥ ᑕᑯᒃᓴᐅᑎᑦᑎᓚᐅᖅᐳᑦ ᐊᓯᔾᔨᖅᑐᒥ ᐅᖃᐅᓯᒃᓴᓕᐅᕐᓂᖏᓐᓂ ᐆᒧᖓ ᐅᖃᐅᓯᐅᓂᐅᔪᒥ (ᓄᖑᑉᐸᓪᓕᐊᖏᓐᓂᖏᓐᓂ) ᐅᑭᐅᖅᑕᖅᑑᑉ ᑭᒡᓕᙳᐊᖓᓂ ᑲᑎᒪᓂᕐᔪᐊᖑᔪᒥ ᐅᑭᐊᒃᓵᖑᓚᐅᖅᑐᒥ.

ᓄᓇᕐᔪᐊᒥ ᐆᒪᔪᓕᕆᓂᕐᒧᑦ ᑮᓇᐅᔭᖃᖅᑎᑦᑎᓂᐅᔪᒥ ᓴᖅᑭᑎᑦᑎᓯᒪᕗᑦ ᑎᑎᕋᕐᕕᐅᔪᒥ ᐃᖃᓗᖕᓂ, ᐊᒻᒪ ᖃᓂᑦᑐᒥ ᐱᓕᕆᖃᑎᖃᖅᓯᒪᕗᑦ ᐃᓄᖕᓂ ᑕᐅᑐᒃᑕᑐᐊᖃᑲᐃᓐᓇᕐᓂᕐᒧᑦ ᐊᓯᖏᓐᓄᑦ ᐃᓂᐅᔪᓄᑦ ᐃᓱᒫᓘᑎᒋᔭᐅᔪᓄᑦ ᐅᕘᓇ ᓄᓇᓕᖕᓂ ᓂᐱᐅᔪᓂᑦ ᑮᓇᐅᔭᖃᖅᑎᑕᐅᓂᐅᔪᒥ. ᐅᓇ ᑮᓇᐅᔭᖃᖅᑎᑦᑎᓂᖅ ᑐᓂᓯᕗᖅ ᓄᓇᕗᒻᒥ ᓄᓇᓕᖕᓂ ᑲᑎᙵᓂᐅᔪᓂ ᐊᑐᐃᓐᓇᖃᕐᓂᕐᒧᑦ ᓄᓇᕐᔪᐊᒥ ᐆᒪᔪᓕᕆᓂᕐᒧᑦ ᑮᓇᐅᔭᖃᖅᑎᑦᑎᓂᐅᔪᒥ ᑮᓇᐅᔭᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ ᐃᖅᑲᖅᑐᐃᕕᖕᒥ ᒪᓕᒐᓕᕆᔨᓂᑦ ᐅᖃᐅᔾᔨᔨᐅᔪᓂᓪᓘᓐᓃᑦ, ᐅᕝᕙᓘᓐᓃᑦ ᐊᑭᓖᓂᕐᒧᑦ ᐃᖅᑲᓇᐃᔭᖅᑏᑦ ᐃᑲᕐᕋᖏᓐᓂ ᐱᔭᕆᐊᖃᖅᑐᓄᑦ ᐱᓕᕆᓂᕐᒧᑦ ᐱᓕᕆᐊᒃᓴᐅᔪᓄᑦ ᑕᑯᔪᓐᓇᖅᑐᓂ ᐊᑐᐊᒐᓂ ᐅᕝᕙᓘᓐᓃᑦ ᐱᖁᔭᕐᓄᑦ ᐊᓯᔾᔨᕐᓂᐅᔪᓄᑦ.

ᐊᓯᖏᑦ ᑲᑎᙵᓂᐅᔪᑦ ᑕᑯᕙᓪᓕᐊᒋᕗᑦ ᐱᕙᓪᓕᕈᑕᐅᔪᓂ ᑕᐃᒪᐃᑦᑐᓂ ᑐᕌᒐᕆᔭᐅᔪᓄᑦᑕᐅᖅ. Tides ᑲᓇᑕᒥ ᐆᒃᑑᑎᒃᑲᓐᓂᐊᕗᖅ ᒐᕙᒪᐅᙱᑦᑐᓄᑦ ᑲᑐᔾᔨᖃᑎᒌᖑᔪᓂᑦ ᐱᕈᖅᐸᓪᓕᐊᓂᖓᓂ ᓄᓇᒥᒃ ᑕᑯᒃᓴᐅᓂᖓᓂ ᐅᑭᐅᖅᑕᖅᑐᒥ. ᔭᓗᓇᐃᕝᒥ ᐱᓕᕆᔨᒻᒪᕆᐅᔪᖅ ᐃᓅᓚᐅᖅᓯᒪᕗᖅ ᓄᓇᕗᒻᒥ, ᐊᒻᒪ ᑲᑐᔾᔨᖃᑎᒌᖑᔪᑦ ᒫᓐᓇᐅᔪᒥ ᐱᓇᓱᐊᕐᓂᖏᓐᓂ ᐃᖃᓗᖕᓂ ᐱᓕᕆᖃᑎᒋᓂᐊᖅᑕᒥᓂᑦ ᓄᓇᕗᒻᒥ ᐱᓕᕆᖃᑕᐅᔪᓄᑦ ᐅᖓᕙᕆᐊᖅᓯᓂᕐᒧᑦ ᐊᕙᑎᓕᕆᓂᕐᒧᑦ ᐱᒋᐊᕈᑕᐅᔪᓂᑦ.

ᐅᑯᐊ ᑕᒪᒃᑭᑦ ᒐᕙᒪᐅᙱᑦᑐᓄᑦ ᑲᑐᔾᔨᖃᑎᒌᖑᔪᑦ ᐅᔾᔨᕆᓯᒪᕗᑦ ᑎᑭᐅᑎᔪᓐᓇᕐᓂᖏᓐᓂ ᓇᖕᒥᓂᖏᓐᓂ ᑐᕌᒐᒃᓴᕆᔭᖏᓐᓂ ᐱᓕᕆᖃᑎᒌᖕᓂᒃᑯᑦ ᓄᓇᓕᖕᓂ ᑲᑐᔾᔨᖃᑎᒌᖑᔪᓂᑦ ᐱᓕᕆᔪᓂ ᐊᒃᑐᐃᓂᕐᒧᑦ ᐊᓯᔾᔨᕐᓂᐅᔪᒥ ᑕᒪᒃᑭᓂ ᑲᑎᙵᓂᐅᔪᓂ ᑕᑯᔪᒪᔭᖏᓐᓂᑦ.

ᑕᐅᑐᒃᖢᒍ ᑎᒃᑯᐊᑦᑕᐅᓂᒃᑯᑦ ᑐᕌᒐᕆᔭᐅᓂᐅᔪᒥ ᒐᕙᒪᐅᙱᑦᑐᓄᑦ ᑲᑐᔾᔨᖃᑎᒌᖑᔪᑦ ᐊᒻᒪ ᑲᑐᔾᔨᖃᑎᒌᖑᔪᓂ ᑮᓇᐅᔭᓂᒃ ᐱᕈᖅᓴᐃᓲᓂ ᐊᑐᖅᐸᓚᐅᖅᑕᖓᓐᓂ ᑕᐃᒪᙵᓂ ᓯᕗᓪᓕᖅᐸᐅᔪᒥ ᐃᓵᖅᓯᓂᐅᔪᓂ ᐃᓄᐃᑦ ᓄᓇᖓᓐᓄᑦ, ᖁᕕᐊᓇᖅᐳᖅ ᑕᑯᓂᕐᒥ ᑕᐃᒪᐃᑦᑐᓂ ᑲᑐᔾᔨᖃᑎᒌᖑᔪᓂᑦ ᓇᓗᓇᐃᖅᓯᓂᖏᓐᓂ ᐃᒻᒪᖄ ᐃᓄᐃᑦ ᖃᐅᔨᒪᓂᖅᓴᐅᓂᖏᓐᓂ ᓄᓇᒥᒃ ᐊᒻᒪ ᐱᔭᕆᐊᓕᖏᓐᓂ ᓯᓚᑖᓂᐅᙱᑦᑐᖅ ᖁᙱᐊᖅᑎᐅᔪᓂᑦ. ᐱᓕᕆᑦᑎᐊᓂᐅᒋᕗᖅ ᑮᓇᐅᔭᓂᒃ ᐊᑐᕐᓗᓂ ᓄᓇᓕᖕᓂ, ᐊᑐᖅᑕᐅᙱᖔᕐᓗᓂ ᒥᐊᓂᕆᓯᒪᑦᑎᐊᙱᑦᑐᒥ ᐱᓕᕆᓂᐅᔪᓄᑦ ᐅᖃᐅᔾᔨᖅᑕᐅᓯᒪᓂᐅᔪᓄᑦ ᓄᑕᐅᙱᑦᑐᓄᑦ ᐃᓱᒪᓂᐅᔪᓄᑦ.

ᖃᐅᔨᒪᑦᑎᐊᖅᑐᑦ ᓄᓇᕗᒻᒥ ᓄᓇᓕᖕᓂ ᑲᑎᙵᓂᐅᔪᑦ ᕿᓂᕐᓂᐊᖅᐳᑦ ᐱᕕᒃᓴᖃᕐᓂᐅᔪᓂ ᐱᓇᓱᐊᖃᑕᐅᓂᖏᓐᓂ ᖃᓪᓗᓈᑦ ᓄᓇᖓᓐᓂ ᑮᓇᐅᔭᖃᖅᑎᑕᐅᓂᐅᔪᓂ ᐃᑲᔪᕈᓐᓇᖅᑐᓂ ᑎᑭᐅᑎᓂᕐᒧᑦ ᓇᖕᒥᓂᖏᓐᓂ ᑐᕌᒐᒃᓴᕆᔭᖏᓐᓂᑦ. ᐱᐅᓂᖅᐹᖑᔪᖅ ᑐᕌᒐᒃᓴᕆᔭᐅᔪᖅ ᑕᐅᑐᒃᑕᑐᐊᖃᑲᐃᓐᓇᕐᓂᕐᒧᑦ ᐃᓱᒪᓂᐅᔪᓂ ᕿᒪᐃᓂᐊᖅᑐᒥ ᐊᑯᓂᐅᔪᒥ ᑐᓐᓂᖅᑯᓯᐊᖑᓂᐊᖅᑐᒥᐃᓱᒪᓂᐅᔪᓂ ᐊᓯᔾᔩᔪᓐᓇᖅᑐᓂ ᒪᓕᒐᐅᔪᓂ ᐅᕝᕙᓘᓐᓃᑦ ᒐᕙᒪᐅᔪᓄᑦ ᐊᑐᐊᒐᓄᑦ-ᐅᓇᐅᙱᖔᖅᑐᓂ ᐊᑕᐅᓯᐊᖅᑐᒥ ᑐᓐᓂᖅᑯᓯᐊᖑᔪᒥ ᐅᒥᐊᕐᔪᐊᒃᑯᑦ ᐴᕐᔪᐊᖑᕙᒃᑐᓂ ᑕᑖᖅᑐᓂ ᐊᑐᖅᑕᐅᓂᑯᓂ ᐱᖁᑎᓂᑦ. ᓇᓂᓯᓂᖅ ᓈᒻᒪᑦᑎᐊᖅᑐᒥ ᑮᓇᐅᔭᖃᖅᑎᑦᑎᔨᐅᔪᒥ ᐊᖏᔪᐊᓗᖕᒥ ᐊᓯᔾᔩᓂᖃᕈᓐᓇᖅᐳᖅ.

ᓄᓇᕗᒻᒥᐅᒃ ᐱᔭᕆᐊᖃᙱᒻᒪᑕ ᑐᓐᓂᕆᔭᐅᑐᐃᓐᓇᕐᓂᑯᓂ. ᐃᑲᔪᖅᓱᐃᓂᖃᕆᐊᖃᖅᐳᑦ ᐱᕈᖅᓴᐃᓂᕐᒥ ᐱᔪᓐᓇᕐᓂᕐᒥ ᖃᓄᑐᐃᓐᓇᖅ ᐊᒻᒪ ᐊᑐᐊᒐᓂᑦ ᐱᑎᑦᑎᔪᒥ ᐊᖏᒡᓕᒋᐊᖅᑐᒥ ᐊᕙᑎᓕᕆᓂᕐᒧᑦ, ᐃᓅᖃᑎᒌᖕᓂᕐᒧᑦ ᐊᒻᒪ ᐃᓕᖅᑯᓯᓕᕆᓂᕐᒧᑦ ᐸᐸᑦᑎᐊᕈᓐᓇᕐᓂᐅᔪᒥ.

Advertisement
728x90-sample-leaderboard
canarctic.leaderboard