ᒪᕐᕉᔪᓂ ᓱᖏᐅᓐᓇᙱᑦᑐᓂ ᑎᖕᒥᐊᖑᔪᓂ ᐅᖃᓪᓚᖕᓂᖃᖅᑎᑦᑎᓚᐅᖅᐳᖅ ᖁᕐᓗᖅᑑᓕᒫᒥ ᔫᓂ 23–ᒥ. 

ᐃᓚᒋᔭᐅᔪᓂ ᓄᓇᓕᖕᓂ ᓴᓗᒻᒪᖅᓴᐃᔨᐅᔪᓂ ᐱᖓᓱᓂ ᑭᓚᒦᑕᐸᓗᖕᒥ ᓄᓇᓕᖕᓂ ᑕᑯᓚᐅᖅᐳᑦ ᒪᕐᕉᖕᓂ ᐊᒥᐊᓕᑲᒥ ᖃᐅᓪᓗᖅᑐᓂ ᐸᓕᑲᓐᓂ. 

ᓚᓵᓇ ᑕᐃᐸᓇ ᐊᔾᔨᓕᐅᕆᔪᓐᓇᓚᐅᖅᐳᖅ ᖃᔅᓯᐊᕐᔪᖕᓂ ᐊᔾᔨᓂᑦ ᐊᖏᔪᐊᓗᖕᓂ ᑎᖕᒥᐊᖑᔪᓂ.

“ᒪᒃᑯᒃᑐᒥ ᐊᖑᒻᒥ ᑕᑯᓚᐅᖅᐸᖏᑦ 3 ᐅᓐᓄᓴᒃᑯᑦ ᖄᖏᖅᓯᒪᓕᖅᑎᓪᓗᒍ. (ᐊᐃᑉᐹᓂ). ᐅᖃᓚᐅᖅᐳᖅ, ᕼᐆ, ᑕᑯᒃᑭᑦ ᐅᑯᐊ ᐊᖏᔪᐊᓗᐃᑦ ᖁᒡᔪᐃᑦ (ᖁᒡᔪᐃᑦ). ᖃᓂᒡᓕᒋᐊᖅᖢᑕ ᑕᑯᓇᓱᖕᓂᕐᒧᑦ, ᐅᔾᔨᕆᓚᐅᖅᐸᕗᑦ ᖁᒡᔫᙱᓐᓂᖏᓐᓂ. ᖃᐅᔨᓚᐅᖅᐳᒍᑦ ᐊᓯᐊᖑᓂᖏᓐᓂ,” ᑕᐃᐸᓇ ᐅᖃᓚᐅᖅᐳᖅ. 

ᖁᒡᔪᐃᑦ ᐱᑕᖃᒐᔪᒃᑎᓪᓗᒋᑦ ᖁᕐᓗᖅᑑᒥ ᐅᐱᕐᙶᕐᔪᐊᖑᔪᒥ ᐊᒻᒪ ᐊᐅᔭᒥ, ᐸᓕᑲᓐ ᐱᑕᖃᖅᐸᙱᓚᑦ. 

ᐃᑭᐊᖅᑭᕕᐅᔪᖅ ᑕᐃᔭᐅᔪᒥ eBird–ᒥ, ᐃᓄᓕᒫᑦ ᑐᓂᓯᔪᓐᓇᕐᓂᖏᓐᓂ ᑕᑯᔭᐅᓂᐅᔪᓂ ᐊᔾᔨᒌᙱᑦᑐᓂ ᐆᒪᔪᐃᑦ ᐊᔾᔨᒌᙱᓐᓂᖏᓐᓂ, ᑕᑯᒃᓴᐅᑎᑦᑎᕗᖅ ᓯᕗᓂᐊᓂ ᐅᐊᖕᓇᐅᓛᖓᓂᐅᓯᒪᔪᒥ ᑎᑎᕋᐅᓯᐅᓯᒪᔪᒥ ᑕᑯᔭᐅᓂᐅᔪᒥ ᐊᒥᐊᓕᑲᒥ ᖃᐅᓪᓗᖅᑐᓂ ᐸᓕᑲᓐᓂ ᑲᓇᑕᒥ Norman Wells, ᓄᓇᑦᓯᐊᕐᒥᐅᓚᐅᖅᐳᖅ. 

ᐊᒫᓐᑕ ᑐᒫᓐ, ᐊᐅᓚᑦᑎᔨᐅᔪᖅ ᖁᕐᓗᖅᑑᒥ ᐊᖑᓇᓱᒃᑐᓕᕆᔨᒃᑯᓐᓂ ᒥᑭᒋᐊᕐᓂᐊᖅᑎᒃᑯᓐᓂᓪᓗ ᑲᑐᔾᔨᖃᑎᒌᖑᔪᒥ ᑲᒪᕐᔪᐊᓚᐅᖅᐳᖅ ᐱᑕᖃᕐᓂᐅᔪᒥ ᑎᖕᒥᐊᖑᔪᓂ, ᐊᒻᒪᓗᑦᑕᐅᖅ ᐊᒥᓱᓂ ᓄᓇᖃᖅᑎᐅᔪᓂ. 

“ᑭᒃᑯᓕᒫᑦ ᐅᖃᐅᓯᖃᖅᐳᑦ,” ᐅᖃᓚᐅᖅᐳᖅ, ᑎᔅᓯᑦᑕᖅᖢᓂ. “ᓱᖏᐅᓐᓇᙱᓚᖅ ᑕᒫᓃᓐᓂᖏᓐᓂ.” 

ᑭᓯᐊᓂ, ᑐᒫᓐ ᐅᖃᓚᐅᖅᐳᖅ ᐃᓚᖏᓐᓂ ᐊᓯᖏᓐᓂ ᑎᖕᒥᐊᖑᔪᓂ ᐊᒻᒪ ᖁᐱᕐᕈᓂᑦ ᓴᖅᑭᓯᒪᕗᑦ ᖁᕐᓗᖅᑑᒥᒐᓚᒃ ᖄᖏᖅᓯᒪᓕᖅᑐᓂ ᐊᕐᕌᒍᓂᑦ ᐅᖓᑖᓃᕐᔪᐊᖅᑐᒥ ᐃᓂᒋᔭᐅᒐᔪᒃᑐᒥ ᐅᖓᓯᖕᓂᖓᓂ, ᐊᑕᐅᓯᖅ ᐆᒃᑑᑎᐅᔪᖅ northern shrike–ᖑᕗᖅ, ᒥᑭᓐᓂᖅᓴᒻᒪᕆᐅᔪᒥ ᑎᖕᒥᐊᖑᓪᓗᓂ ᐸᓕᑲᓐᒥ.

ᐃᓚᒋᐊᖅᓯᓚᐅᖅᐳᖅ ᑲᒪᓇᖅᑐᒥ ᐊᑐᖅᑕᐅᓂᑯᒥ 2019–ᒥ ᐸᕐᓇᐃᑎᑦᑎᓪᓗᐊᖅᐳᖅ ᑭᓱᑐᐃᓐᓇᑦᑎᐊᐸᓗᖕᒥ ᐆᒪᔪᓅᖓᓂᐅᔪᒧᑦ. 

“ᐅᖃᐅᔾᔨᓚᐅᖅᐳᖓ ᐅᓪᓛᖑᔪᒥ ᐅᖃᓘᑎᒃᑯᑦ ᐃᖃᓗᒡᔪᐊᖑᓚᐅᖅᑐᒥ ᐊᕐᕌᓂ, ᑭᓱᑐᐃᓐᓇᐃᑦ ᑲᒪᓇᕋᔭᙱᓚᖅ,” ᐅᖃᐅᓯᖃᓚᐅᖅᐳᖅ 1.8-ᒦᑕᒥ ᐃᖃᓗᒃᐱᑦ ᐃᖃᓗᒡᔪᐊᕐᒥ ᔮᓐ ᑲᐸᑲᑐᐊᒃ ᐊᒧᓚᐅᖅᑕᖓᓂ ᓇᑦᑎᕐᓄᑦ ᒪᑦᑎᑦᑕᐅᑎᐅᔪᓄᑦ ᖁᕐᓗᖅᑑᑉ ᖃᓂᒋᔭᖓᓂ ᓯᑎᐱᕆᐅᓚᐅᖅᑐᒥ. 

ᐊᐅᔭᐅᔪᑦ ᐅᖅᑰᔪᓐᓇᖅᐳᑦ ᕿᑎᕐᒥᐅᓂ ᐊᒻᒪ ᑐᒫᓐ ᐅᖃᓚᐅᖅᐳᖅ ᐊᖑᓇᓱᒃᑎᒥ ᐊᒻᒪ ᐃᓄᑐᖃᕐᒥ ᐅᖃᖃᑎᒋᓚᐅᖅᑕᖓᓂ ᐅᖃᓚᐅᖅᐳᖅ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ ᐊᖏᔪᒥ ᐱᔾᔪᑕᐅᕗᖅ ᓱᖏᐅᓐᓇᙱᑦᑐᒥ ᐅᑎᖅᑕᖅᐸᒃᑐᓄᑦ ᐊᑐᖅᑕᐅᓂᐅᔪᓄᑦ.

“ᐅᖃᓚᐅᖅᐳᖅ ᐆᒪᔪᐃᑦ ᐊᓯᔾᔨᖅᐸᓪᓕᐊᕗᑦ ᐊᒻᒪ ᐸᕐᓇᒃᓯᒪᔭᕆᐊᖃᖅᐳᒍᑦ ᑕᒪᑐᒧᖓ,” ᐅᖃᓚᐅᖅᐳᖅ ᑐᒫᓐ. 

ᐅᖃᐅᓯᐅᓪᓗᓂ ᑎᖕᒥᐊᓄᑦ ᓄᓇᕐᔪᐊᒥ, ᐃᑲᔪᕈᑎᒃᓴᐅᔪᒥ ᐊᑐᐃᓐᓇᐅᔪᒥ ᐅᕘᓇ ᑯᐊᓂᐅᓪ ᓯᓚᑦᑐᖅᓴᕐᕕᒡᔪᐊᖓᓂ ᐃᑎᑲ, ᓂᐅ ᔪᐊᒃᒥ, ᐃᓄᑐᐊᑦ ᐊᒥᐊᓕᑲᒥ ᖃᐅᓪᓗᖅᑕᑦ ᐸᓕᑲᓐ ᑕᑯᔭᐅᓯᒪᓂᖏᓐᓂ ᐅᖓᓯᒃᑎᒋᔪᒥ ᐅᐊᖕᓇᒥ ᐊᓛᔅᑲᒥ ᔫᓇᐃᑎᑦ ᔅᑕᐃᑦᔅᓂ.

Advertisement

Derek Neary

Derek Neary has been reporting on developments in the North for 18 years. When he's not writing for Nunavut News, he's working on Northern News Services' special publications such as Opportunities North,...

Leave a comment

Your email address will not be published. Required fields are marked *