ᐱᕈᖅᓴᓗᒍ ᐱᔪᓐᓇᑦᑎᐊᕐᓂᖅ ᐅᓇᑕᕐᓂᕐᒧᑦ ᐅᐃᕆᓯᒪᓂᐅᔪᓂ

868

ᒪᓕᒐᒧᑦ ᓱᕋᐃᓂᐅᔪᓐᓃᖅᖢᓂ ᓱᐴᖅᑐᒐᕐᒥ ᓱᓐᓂᕈᑕᐅᓲᒥ ᐊᒻᒪ ᐊᖅᑯᑎᒋᔭᖓᓂ ᓯᕗᓪᓕᖅᐸᐅᔪᒥ ᐊᕐᕌᒍᓕᒫᒥ ᐃᖃᓗᖕᓂ ᐱᐊᒥ ᐊᒻᒪ ᕙᐃᓂᒥ ᓂᐅᕕᕐᕕᖓᓐᓂ, 2018 ᑕᑯᓯᒪᕗᖅ ᐊᖏᔪᐊᓗᖕᓂ ᐱᕙᓪᓕᐊᑎᑦᑎᓂᐅᔪᒥ ᐊᒃᓱᕈᕈᑕᐅᔪᓂ ᐅᓇᑕᕐᓂᕐᒧᑦ ᐅᐃᕆᓯᒪᓂᐅᔪᒥ ᓄᓇᕗᒻᒥ.

ᐃᖏᕐᕋᓂᐅᔪᒥ ᑐᓂᓯᓂᕐᒥ ᐊᑐᐃᓐᓇᖃᕐᓂᖅᓴᐅᔪᒥ ᓂᐅᕕᖅᐸᒃᑐᓄᑦ ᓱᐴᖅᑐᒐᕐᒥ ᓱᓐᓂᕈᑕᐅᓲᒥ ᐊᒻᒪ ᐃᒥᐊᓗᖕᒥ ᐅᑭᐅᖅᑕᖅᑐᒧᐊᖅᐸᓪᓕᐊᕗᖅ. ᐃᓚᖏᓐᓄᑦ, ᐅᑯᐊ ᐋᖓᔮᕐᓇᖅᑐᑦ ᐃᓂᒃᓴᖃᙱᓚᑦ ᓄᓇᕗᒻᒥ, ᐅᑭᐅᖅᑕᖅᑑᔪᒥ ᐋᖓᔮᕐᓇᖅᑐᓂ ᐊᑐᓕᐅᕐᓂᐅᔪᒥ ᓱᕋᐃᓂᐅᔪᒥ ᐊᒃᑐᐃᓂᖃᖅᑐᒥ ᐊᒥᓱᓗᐊᕌᓗᖕᓄᑦ ᐃᓚᒌᖑᔪᓄᑦ. ᐊᓯᖏᓐᓄᑦ, ᒐᕙᒪᒃᑯᑦ ᐃᓚᐅᖃᑕᐅᓂᖓ ᑐᕌᖓᓂᑦᑎᐊᕙᐅᕗᖅ.

ᒐᕙᒪᒃᑯᑦ ᑎᒃᑯᐊᕋᔭᖅᐳᖅ ᖃᐅᔨᓴᖅᑕᐅᓂᖓᓄᑦ ᑕᑯᒃᓴᐅᑎᑦᑎᔪᒥ ᐱᔪᓐᓇᖅᑎᑦᑎᔪᓐᓇᙱᑦᑎᐊᖅᑐᒥ ᓱᐴᖅᑐᒐᕐᒥ ᓱᓐᓂᕈᑕᐅᓲᒥ ᐊᒻᒪ ᐃᒥᐊᓗᖕᒥ ᑐᕌᖅᑎᑦᑎᓇᔭᖅᐳᖅ – ᑕᐃᒪᐃᓯᒪᓂᖓᓂ ᐊᑯᓂᒻᒪᕆᐊᓗᖕᒥᐱᕋᔭᖕᓂᒃᑯᑦ ᓂᐅᕕᐊᒃᓴᖃᕐᓂᕐᒧᑦ ᐱᕋᔭᒃᑐᓂ ᓂᐅᕕᐊᒃᓴᖃᖅᐸᒃᑐᓂ ᓄᓇᓕᑦᑎᓐᓂ. ᐊᓯᐊᒍᑦ ᐅᖃᖅᖢᓂ, ᐋᖓᔮᕐᓇᖅᑐᑦ ᐅᕙᓃᓐᓂᐊᖅᐳᑦ ᐊᐅᓚᑕᐅᒐᓗᐊᕈᑎᒃ ᕙᒪᒃᑯᓐᓂ ᐋᒃᑲᓘᓐᓃᑦ. ᐊᒃᓱᓪᓕ ᒫᓐᓇ ᐃᓄᐃᑦ ᓂᕈᐊᓲᓂ ᐱᓂᕐᒧᑦ ᐊᑐᐃᓐᓇᖃᖅᐳᑦ ᐊᑭᑭᓐᓂᖅᓴᐅᔪᒥ.

ᑮᓇᐅᔭᒥ ᐅᑎᖅᑎᕆᒃᑲᓐᓂᖅᖢᓂ ᐊᑐᖅᑎᐅᔪᓄᑦ ᐃᒃᐱᐊᕐᔪᖏᓐᓄᑦ ᐃᑲᔪᕐᓂᖃᖅᐳᖅ, ᐱᓗᐊᖅᑐᒥ ᐅᑭᐅᖅᑕᖅᑐᒥ ᐊᑭᖓ ᐆᒪᓇᓱᐊᕐᓂᕐᒧᑦ ᖁᑦᑎᒃᑐᒻᒪᕆᐊᑎᓪᓗᒍ. ᑭᓯᐊᓂ ᓱᔪᐃᓂᕐᒧᑦ ᒥᒃᖠᒋᐊᖅᑎᑦᑎᓂᖅ ᓇᓗᓇᐃᖅᓯᔾᔪᑎᓪᓗᐊᑕᐅᕗᖅ ᓱᐴᖅᑐᒐᕐᒥ ᓱᓐᓂᕈᑕᐅᓲᒥ ᐊᒻᒪ ᒪᑐᐃᖅᓯᓂᕐᒥ ᐱᐊᒥ ᐊᒻᒪ ᕙᐃᓂᒥ ᓂᐅᕕᕐᕕᐅᔪᒥ ᐃᖃᓗᖕᓂ.

ᐅᒃᐱᕈᓱᒃᐳᒍᑦ ᑖᔅᓱᒪ ᑐᕌᒐᒃᓴᖓ ᐅᓇᐅᓂᐊᖅᐳᖅ – ᐊᒻᒪᑎᑭᐅᑎᔭᐅᕙᓪᓕᐊᕗᖅ ᐊᒻᒪ ᐱᐊᒥ ᐊᒻᒪ ᕙᐃᓂᒥ ᓂᐅᕕᕐᕖᑦ ᒪᑐᐃᖅᓵᓕᓛᖅᐳᑦ ᐃᖃᓗᒃᑑᑦᑎᐊᒥ ᐊᒻᒪ ᑲᖏᖅᖠᓂᕐᒥ.

ᐅᒃᐱᕆᔭᕆᐊᖃᖅᐸᕗᑦ ᑕᑯᓯᒪᒐᑦᑕ ᐊᓯᐊᒎᕐᓂᐅᔪᒥ.

ᓄᓇᕗᒻᒥ ᒐᕙᒪᒃᑯᑦ ᑕᐃᓯᕗᑦ ᐃᒥᐊᓗᒃᑐᓗᐊᖃᑦᑕᕐᓂᐅᔪᒥ ‘ᐱᒻᒪᕆᐅᓪᓗᓂ

ᐊᓐᓂᐊᖃᕐᓇᕐᓂᕐᒧᑦ ᐊᑲᐅᙱᓕᐅᕈᑕᐅᓂᖓᓂ’, ᐊᒻᒪᓗ ᐅᖃᐅᓯᖃᒃᑲᓐᓂᕐᓂᐊᖅᐳᒍᑦ ᐸᓃᓯᒃᑯᑦ ᓇᐃᓴᖅᑕᐅᓯᒪᓂᐅᔪᒥ ᐅᓂᒃᑳᕆᔭᐅᓚᐅᖅᑐᒧᑦ ᐃᖃᓗᖕᓂ ᓄᓇᓕᖅᐸᐅᔭᒥ ᑲᑎᒪᔨᖏᓐᓄᑦ ᖃᔅᓯᐊᕐᔪᖕᓂ ᐊᕐᕌᒍᓂ ᐊᓂᒍᖅᓯᒪᓕᖅᑐᓂ ᓱᕙᓕᑭᐊᖑᓂᖓᓂ ᖃᐅᔨᓴᖅᐸᓪᓕᐊᓂᕐᒧᑦ ᐊᑐᕐᓂᖃᐅᑎᖓᓂ ᓄᓇᓕᖅᐸᐅᔭᐅᑉ ᐱᕋᔭᖕᓂᕐᒧᑦ ᓇᐃᓴᖅᑕᐅᓂᖓᓂ ᐱᔾᔪᑕᐅᖏᓐᓇᐅᔭᕐᒪᑦ ᑕᒪᒃᑭᓕᒫᓂᐸᓗᒃ ᐱᕋᔭᖕᓂᐅᔪᒥ ᐅᓂᒃᑳᓕᐊᖑᔪᒧᑦ. ᑕᐃᔅᓱᒪᓂᐸᓗᒃ, ᐃᖅᑲᖅᑐᐃᔨ ᒪᓕᒐᓕᕆᓂᕐᒧᑦ ᕌᐳᑦ ᑭᐅᓪᐹᑐᕆᒃ ᐅᖃᓚᐅᖅᐳᖅ ᐃᒥᐊᓗᒃ ᐱᔾᔪᑕᐅᕗᖅ 90 ᐳᓴᓐᑎᖓᓂ ᐱᕋᔭᖕᓂᐅᔪᒥ ᓄᓇᕗᓕᒫᒥ.

ᑕᕝᕚᑭ ᐅᔾᔨᕐᓇᖅᑐᒥ ᐊᐅᓚᑦᑎᔨᐅᙱᓚᖅ ᐱᕋᔭᖕᓂᕐᒧᑦ ᑭᓯᐊᓂ ᐱᒻᒪᕆᐅᓪᓗᓂ ᐋᓐᓂᐊᖃᕐᓇᕐᓂᕐᒧᑦ ᐸᖅᑭᔭᐅᓂᕐᒧᑦ ᐊᑭᓄᑦ, ᐊᒻᒪ ᓄᓇᕗᒻᒥᐅᑦ ᐊᑐᖅᑎᐅᓛᖑᕗᑦ ᑲᓇᑕᒥᐅᑕᐅᖃᑎᒥᓂᑦᐅᓄᕐᓂᖅᓴᒻᒪᕆᐊᓗᖕᒥ. 18 ᐳᓴᓐᑎᒥ ᑲᓇᑕᒥᐅᑕᓂ ᓱᐴᖅᑐᖃᑦᑕᓇᐅᖅᐳᑦ 2014−ᒥ, 62 ᐳᓴᓐᑎᒥ ᓄᓇᕗᒻᒥᐅᓂ ᐅᑭᐅᓕᖕᓂ 12−ᓂ ᐊᒻᒪ ᐅᖓᑖᓂ ᓱᐴᖅᑐᓚᐅᖅᐳᑦ. ᐊᒻᒪ ᓈᓴᐅᑎᖓ ᖁᑦᑎᖕᓂᖅᓴᐅᓚᐅᖅᐳᖅ ᓯᕗᓂᖏᓐᓂ ᐊᕐᕌᒍᓄᑦ ᑕᓪᓕᒪᓄᑦ.

ᐅᓂᒃᑳᓕᐊᒥ ᑐᓂᔭᐅᔪᒥ ᑕᒪᑐᒪᓂ ᑕᖅᑭᐅᔪᒥ ᑲᓇᑕᒥ ᐱᓕᕆᕝᕕᐅᔪᒥ ᐋᖓᔮᕐᓇᖅᑐᓄᑦ ᐊᑐᓗᐊᖃᑦᑕᕐᓂᐅᔪᒥ ᐊᒻᒪ ᐅᐃᕆᓯᒪᓂᐅᔪᒥ ᑕᑯᒃᓴᐅᑎᑦᑎᓚᐅᖅᐳᖅ ᓄᓇᕗᑦ ᐊᑐᓛᖑᓚᐅᖅᐳᑦ ᐊᑐᓂ ᐃᓅᔪᒧᑦ – $2,652 – ᑲᒪᒋᔭᖃᕐᓂᕐᒧᑦ ᐊᑭᖏᓐᓂ ᐊᒻᒪ ᓱᔪᐃᓂᐅᔪᓂ ᐃᓚᒋᔭᐅᔪᒥ ᐋᖓᔮᕐᓇᖅᑐᓂ ᐊᑐᓗᐊᕐᓂᐅᔪᒥ, ᐅᓄᕐᓂᖅᓴᐅᔪᒥ ᒪᕐᕈᐃᓪᓗᐊᖅᑐᒥ ᑲᓇᑕᒥ ᑕᐃᒪᐃᒐᔪᖕᓂᐅᔪᒥ. ᐅᑯᐊ ᐊᑭᐅᔪᑦ ᐃᓚᖃᖅᐳᑦ ᐊᓯᐅᔨᓂᐅᔪᒥ ᐱᓕᕆᔪᓐᓇᕐᓂᐅᔪᒥ, ᐋᓐᓂᐊᖃᕐᓇᕐᓂᕐᒧᑦ ᐸᖅᑭᓂᐅᔪᒥ, ᐊᒻᒪ ᐱᕋᔭᖕᓂᕐᒧᑦ ᒪᓕᒐᓕᕆᓂᕐᒧᑦ. ᐃᒥᐊᓗᒃ ᑮᓇᐅᔭᓕᕆᓂᖃᓚᐅᖅᐳᖅ $43 ᒥᓕᐊᓐᓂ $96 ᒥᓕᐊᓐᓄᑦ ᐊᓯᐅᔪᓄᑦ ᐋᖓᔮᕐᓇᖅᑐᒥ ᐊᑐᕐᓂᕐᒧᑦ.

ᐅᕙᒍᑦ ᐊᒻᒪ ᐊᓯᖏᓐᓂ ᑲᑐᔾᔨᖃᑎᒌᖑᔪᓂ ᖃᐃᖁᔩᓐᓇᖅᓯᒪᕗᒍᑦ ᐅᐃᕆᓯᒪᔪᓄᑦ ᐃᑲᔪᖅᑕᐅᕕᐅᔪᒥ, ᐊᒻᒪ ᓇᓗᓇᐃᒃᑯᑕᖅᑕᖃᓚᐅᖅᐳᖅ ᓄᓇᕗᒻᒥ ᒐᕙᒪᒃᑯᓐᓂ ᐱᐅᓂᖓᓂ ᐃᓅᓯᕐᒥ ᐊᕕᒃᑐᖅᓯᒪᓂᐅᔪᒥ ᑭᐊᕆ ᖃᑉᓗᓈᕐᒥ ᕕᕈᐊᕆᒥ ᐅᐃᕆᓯᒪᓂᕐᓄᑦ ᐃᑲᔪᖅᑕᐅᕕᖕᒥ ᐱᓕᕆᐊᕆᔭᐅᕙᓪᓕᐊᓂᖓᓂ, ᐊᒻᒪ ᓄᓇᕗᒻᒥ ᑐᙵᕕᒃᑯᓐᓂ ᐊᖓᔪᖅᑳᖓ ᐊᓗᑭ ᑰᑦᑎᖅ ᐅᖃᓚᐅᖅᐳᖅ ᑕᖅᑭᐅᓚᐅᖅᑐᒥ ᐊᔪᕐᓇᕋᔭᙱᓐᓂᖓᓂ ᖃᐅᔨᓴᖅᑕᐅᓂᕐᒥ ᐱᓕᕆᐊᖑᓚᐅᕐᓂᖓᓂ.

ᓱᓕ ᓈᒻᒪᙱᓚᖅ. ᐃᒡᓗᒃᓴᐅᔪᖅ ᐊᑯᓂᐅᓗᐊᖅᑐᒥ ᐅᑕᖅᑭᔭᐅᔭᕆᐊᖃᖅᐳᖅ.

ᐊᒻᒪ ᑕᐃᒫᒃ ᓄᓇᖃᖅᑎᑐᐃᓐᓇᐅᔪᓄᑦ ᐊᔭᐅᕆᑎᑦᑎᓂᖃᕆᐊᖃᖅᐳᑦ ᒐᕙᒪᐅᔪᓄᑦ, ᖃᐃᖁᔨᓂᕐᒥ ᐃᑲᔪᖅᓯᑦᑎᐊᒃᑲᓐᓂᕐᓂᐅᔪᒥ ᐊᒻᒪ ᑕᑯᒃᓴᐅᑎᑦᑎᓂᕐᒥ ᐱᒻᒪᕆᐅᓂᖓᓂ ᐃᖏᕐᕋᕙᓪᓕᐊᓂᐅᔪᒥ. ᐃᑲᔪᖅᓱᐃᔭᕆᐊᖃᖅᐳᒍᑦ ᐊᒃᓱᕈᕈᑕᐅᔪᓂ ᒥᒃᖠᒋᐊᖅᑎᑦᑎᓂᕐᒧᑦ ᐊᒃᑐᐃᓂᐅᔪᒥ ᐋᖓᔮᕐᓇᖅᑐᒥ ᐊᑐᓗᐊᕐᓂᐅᔪᒥ ᓄᓇᕗᑦᑎᓐᓂ. ᐱᔭᒃᓴᖃᕐᔪᐊᖅᐳᖅ.

ᒫᓐᓇᐅᔪᒥ, ᓴᙱᔭᕆᐊᖃᖅᐳᒍᑦ ᐊᒻᒪ ᑕᑯᒃᓴᐅᑎᑦᑎᓗᑕ ᐃᑲᔪᖅᓱᐃᓂᑦᑎᓐᓂ ᑕᐃᒃᑯᓄᖓ ᐊᒃᑐᖅᑕᐅᓯᒪᔪᓄᑦ ᐅᐃᕆᓯᒪᓂᐅᔪᒥ, ᑐᓂᓯᓂᕐᒥ ᓂᕆᐅᖕᓂᐅᔪᒥ ᐊᒻᒪ ᐃᑲᔪᕐᓗᒋᑦ ᓇᓂᓯᓂᕐᒥ ᑲᒪᒋᔪᓐᓇᕈᓐᓇᕐᓂᕐᒧᑦ ᐆᒥᖓ ᐋᓐᓂᐊᖃᕐᓇᕐᓂᕐᒧᑦ ᐊᑲᐅᙱᓕᐅᕈᑕᐅᔪᒥ ᐅᕙᑦᑎᓐᓂᓕᒫᖅ ᐊᒃᑐᐃᓲᖑᔪᒥ.