ᐊᒥᓱᐃᑦ ᓄᓇᕗᒻᒥ ᓇᖕᒥᓂᕆᔭᐅᔪᑦ “ᐆᒪᑎᑕᐅᑐᐃᓐᓇᖅᐳᑦ” ᐱᔾᔪᑎᖃᖅᑐᒥ ᐊᒥᓱᓄᑦ ᖃᓂᒻᒪᓐᓇᐅᔪᒥ, ᐅᖃᐅᓯᐅᓪᓗᓂ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎᐅᔪᒧᑦ ᑕᓂᔅ ᐹᑐᓴᓐ, ᐱᓯᒪᓕᖅᑐᒥ ᑭᐅᔾᔪᑕᐅᔪᓂ ᖃᐅᔨᓴᖅᑕᐅᓂᐅᔪᒥ ᒫᓐᓇᓕᓴᒥ ᐱᓕᕆᐊᕆᓚᐅᖅᑕᖓᓂ.

ᑲᑎᖅᓱᐃᓯᒪᕗᖅ ᖃᐅᔨᓴᖅᑕᐅᓂᑯᓂ ᑎᑎᕋᖅᓯᒪᔪᓂ ᐊᒻᒪ ᐸᕐᓇᒃᐳᖅ ᐊᑐᖁᓇᔭᖅᑕᖓᓂ ᒐᕙᒪᑐᖃᒃᑯᓐᓄᑦ ᖃᓄᒃᑲᓐᓂᖅ ᐃᑲᔪᖅᓱᐃᔪᓐᓇᕐᓂᖏᓐᓂ ᓄᓇᕗᒻᒥ ᑮᓇᐅᔾᔭᒃᓴᓂᐅᔪᒧᑦ.

ᓄᓇᕗᒻᒥ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎ ᑕᓂᔅ ᐹᑐᓴᓐ ᐅᖃᖅᐳᖅ ᓱᓕ ᐃᓚᑰᓂᖃᖅᐳᖅ ᒐᕙᒪᑐᖃᒃᑯᑦ ᑮᓇᐅᔭᓄᑦ ᐃᑲᔪᖅᓱᐃᓂᐅᔪᓄᑦ ᓄᓇᕗᒻᒥ ᓇᖕᒥᓂᖃᖅᑎᐅᔪᓄᑦ. ᖃᐅᔨᓴᕐᓂᖃᓚᐅᖅᐳᖅ ᓄᓇᕗᒻᒥ ᓇᖕᒥᓂᕆᔭᐅᔪᓂ ᐊᒻᒪ ᐸᕐᓇᒃᐳᖅ ᑐᓂᓯᓂᐊᕐᓂᖓᓂ ᐊᑐᖁᓇᔭᖅᑕᖏᓐᓂ ᑲᓇᑕᒥ ᒐᕙᒪᒃᑯᓐᓄᑦ ᖃᓄᖅ ᑐᕌᒐᖃᕐᓂᕐᒥ ᓯᕗᓂᒃᓴᒥ ᐃᑲᔪᖅᓱᐃᓂᐅᔪᓂ ᓄᓇᕗᒻᒥ.

“ᖁᑦᑎᒃᑐᐊᓗᖕᒥ ᐃᓱᒫᓗᖕᓂᖃᖅᐳᖅ ᐃᓚᖓᓐᓂ ᓇᖕᒥᓂᕆᔭᐅᔪᓄᑦ ᓯᕗᓂᒃᓴᕆᓂᐊᖅᑕᖓᓐᓂ,” ᐅᖃᓚᐅᖅᐳᖅ ᐹᑐᓴᓐ. “ᓴᙱᒃᑎᒋᐊᖅᓯᕗᖅ ᐃᓱᒪᒋᓯᒪᔭᓐᓂ ᑕᐃᒪᙵᓂ ᐱᒋᐊᕐᓂᐅᔪᒥ ᐊᒥᓱᓄᑦ ᖃᓂᒻᒪᓐᓇᐅᔪᒥ ᐊᒥᓱᑦ ᓄᓇᕗᒻᒥ ᓇᖕᒥᓂᕆᔭᐅᔪᑦ ᐊᒃᓱᕈᓪᓚᕆᖕᓂᖏᓐᓂ. ᐊᖏᐸᓗᒃᑐᒥ ᐃᓚᑰᓂᖃᐅᖅᐳᖅ ᒐᕙᒪᑐᖃᒃᑯᓐᓂ ᐃᑲᔪᖅᓱᐃᓂᐅᔪᒥ ᐅᑭᐅᖅᑕᖅᑐᒥ ᓇᖕᒥᓂᕆᔭᐅᔪᓄᑦ.”

162–ᓂ ᑭᐅᔨᖃᓚᐅᖅᐳᖅ ᖃᐅᔨᓴᖅᑕᐅᓂᐅᔪᒥ, 34–ᖑᔪᑦ ᐃᓄᖕᓂ–ᓇᖕᒥᓂᕆᔭᐅᔪᓂᑦ.

ᐹᑐᓴᓐ ᐅᖃᐅᓯᖃᖅᐳᖅ ᑐᔪᕐᒥᕕᐅᔪᓂ ᐊᒃᓱᕈᕐᔪᐊᕐᓂᖏᓐᓂ ᐱᓗᐊᖅᑐᒥ. ᖃᐅᔨᓴᖅᑕᐅᓂᐅᔪᒥ ᑭᐅᔨᐅᔪᑦ ᓯᑎᐱᕆᐅᑉ ᓄᙳᐊᓂ ᐊᒻᒪ ᐅᒃᑐᐱᕆ ᐱᒋᐊᕐᓂᖓᓂ, ᑕᒪᒃᑭᑦ ᑭᓯᐊᓂ ᐱᖓᓱᑦ ᑐᔪᕐᒥᕕᐅᔪᑦ ᐅᖃᐅᓯᖃᓚᐅᖅᐳᑦ ᑮᓇᐅᔭᓂᒃ ᐃᓯᖅᐸᓪᓕᐊᔪᓂ ᐊᓯᐅᔨᓂᐅᔪᓂ ᐅᓄᕐᓂᖅᓴᐅᔪᒥ 80 ᐳᓴᓐᑎᒥ ᐱᔾᔪᑎᖃᖅᑐᒧᑦ ᓄᕙᒡᔪᐊᕐᓇᕐᒧᑦ ᐅᐸᒃᑕᐅᑦᑕᐃᓕᒪᓂᐅᔪᒧᑦ ᐊᒻᒪ ᒥᒃᖠᒋᐊᖅᑐᒥ ᐊᐅᓪᓛᕐᓂᐅᔪᒧᑦ, ᐅᖃᓚᐅᖅᐳᖅ. ᐱᑕᖃᖅᐸᒌᖅᑐᓂ ᒐᕙᒪᑐᖃᒃᑯᓐᓂ ᐱᓕᕆᐊᖑᔪᑦ ᐊᑐᐃᓐᓇᖃᖅᓯᒪᕗᖅ ᑭᒡᓕᖃᖅᑐᒥ ᐃᑲᔪᖅᓱᐃᓂᐅᔪᒥ ᑐᔪᕐᒥᕕᐅᔪᓄᑦ, ᐃᓚᒋᐊᖅᓯᓚᐅᖅᐳᖅ.

ᐅᔭᕋᖕᓂᐊᕐᓂᕐᒧᑦ ᐊᒻᒪ ᐳᓚᕋᖅᑐᓕᕆᓂᕐᒧᑦ ᐱᓕᕆᓂᕐᔪᐊᖑᔪᑦ ᐊᒻᒪ ᖃᖓᑕᓲᑦ ᐊᒃᑐᖅᑕᐅᓯᒪᕐᔪᐊᖅᐳᑦ, ᐅᖃᓚᐅᖅᐳᖅ ᐹᑐᓴᓐ.

“ᐊᐱᖅᓱᖅᑐᖃᔮᙱᑦᑐᖅ ᐱᔭᕆᐊᖃᕐᓂᐅᔪᒥ ᓴᖅᑭᑎᑦᑎᓂᕐᒧᑦ ᐊᐅᓪᓛᕐᓂᕐᒧᑦ ᑭᒡᓕᖃᖅᑎᑕᐅᕐᔪᐊᕐᓂᐅᔪᒥ ᐅᑭᐅᖅᑕᖅᑐᒥ ᑲᓇᑕᒥ ᐊᒃᑐᖅᑕᐅᓴᕋᐃᓐᓂᑦᑎᓐᓄᑦ ᓄᕙᒡᔪᐊᕐᓇᕐᒧᑦ ᐊᒻᒪᓗ ᐊᑯᓂᐅᔪᒥ ᑕᐃᒪᐃᓯᒪᔪᒥ ᑐᖁᓂᐅᕙᒃᑐᓄᑦ ᐊᒃᑐᐃᓂᐅᔪᓄᑦ ᐊᐃᑦᑐᐃᖃᑦᑕᐅᑎᓯᒪᓂᕐᒥ ᐋᓐᓂᐊᒥᒃ,” ᐅᖃᓚᐅᖅᐳᖅ. “ᐃᓱᒫᓘᑕᐅᔪᖅ ᐅᐸᒃᑕᐅᑦᑕᐃᓕᒪᓂᐅᔪᒨᙱᑦᑐᖅ ᑭᓯᐊᓂ ᓴᐱᕐᓇᕐᓂᖓᓄᑦ ᐆᒪᓇᓱᐊᕐᓂᕐᒧᑦ. ᖃᓄᐃᓕᐅᕐᓂᖃᕆᐊᖃᖅᐳᑦ (ᒐᕙᒪᒃᑯᓐᓄᑦ) ᑭᐅᓂᕐᒧᑦ.”

ᐹᑐᓴᓐ ᐅᖃᓚᐅᖅᐳᖅ ᒐᕙᒪᑐᖃᒃᑯᑦ, ᐃᓚᖏᓐᓂ ᖃᓄᐃᓐᓂᐅᔪᓄᑦ, ᑐᓂᓯᖃᑦᑕᖅᐳᑦ ᐊᑐᖅᑐᐊᕐᓂᕐᒥ ᐱᓕᕆᐊᖑᔪᓂ ᑭᓯᐊᓂ ᐃᓚᖏᑦ ᓇᖕᒥᓂᕆᔭᐅᔪᑦ ᐃᓂᒦᙱᑐᐃᓐᓇᕆᐊᖃᖅᐳᑦ ᐅᑎᖅᑎᑦᑎᓂᕐᒥ ᐊᑐᖅᑐᐊᖅᑕᒥᓂᑦ.

ᐊᓯᐊᒎᖅᑐᒥ, ᑲᓇᑕᒥ ᒐᕙᒪᒃᑯᓐᓂ ᐱᐅᒋᓯᒪᕙᖏᑦ – ᐊᔭᐅᕆᓂᖃᓚᐅᖅᑎᓪᓗᒍ – ᐃᓕᓴᖅᓯᓂᕐᒥ ᖃᖓᑕᓲᖑᔪᓂ ᐱᒻᒪᕆᐅᓂᖓᓂ ᓇᖕᒥᓂᕆᔭᐅᓂᖏᓐᓂ ᐅᑭᐅᖅᑕᖅᑐᒥ ᐊᒻᒪ ᑐᓂᓯᓂᕐᒥ ᐊᖏᐸᓗᒃᑐᒥ ᑮᓇᐅᔾᔭᒃᓴᓂᕐᒧᑦ ᐃᑲᔪᖅᓱᐃᓂᐅᔪᒥ ᑕᐃᑯᖓ ᐱᓕᕆᓂᐅᔪᒧᑦ “ᖃᖓᑕᐃᓐᓇᕈᓐᓇᖅᑎᑕᐅᓂᖏᓐᓂ.”

ᕕᒃᑐᕐ ᑑᑑ, ᐊᖓᔪᖅᑳᖑᔪᖅ ᕿᑭᖅᑖᓗᖕᒥ ᐊᕕᒃᑐᖅᓯᒪᓂᐅᔪᒥ ᓇᖕᒥᓂᖅ ᐃᖅᑲᓇᐃᔭᕐᕕᓖᑦ ᑲᑐᔾᔨᖃᑎᒌᖏᓐᓄᑦ, ᐊᓕᐊᓇᐃᒋᔭᖃᓚᐅᖅᐳᖅ ᐹᑐᓴᓐ ᐊᒃᓱᕈᕐᓂᖓᓂ ᐃᑲᔪᖅᓱᐃᓂᕐᒧᑦ ᓇᖕᒥᓂᖃᖅᑎᐅᔪᓂ ᓄᓇᕗᒻᒥ.

“ᐊᒃᓱᕈᕐᓂᐅᔪᑦ ᓴᖅᑭᔮᖅᑎᑦᑎᔪᒥ ᖃᐅᒪᓂᐅᔪᒥ ᑮᓇᐅᔾᔭᒃᓴᓂᑦᑎᓐᓄᑦ ᖃᓄᐃᓕᖓᓂᐅᔪᒥ ᐅᕙᓂ ᓄᓇᕗᒻᒥ ᑐᙵᓵᕆᔭᐅᕗᑦ. ᐊᒥᓱᑦ ᐱᓕᕆᓂᐅᔪᑦ ᑮᓇᐅᔾᔭᒃᓴᓂᑦᑎᓐᓂ ᐊᒃᑐᖅᑕᐅᕐᔪᐊᖅᓯᒪᕗᑦ ᓄᕙᒡᔪᐊᕐᓇᖅ-19–ᒧᑦ ᓄᓇᕐᔪᐊᒥ ᐊᒥᓱᓄᑦ ᖃᓂᒻᒪᓐᓇᐅᔪᒥ ᐊᒻᒪ ᖃᓄᐃᓐᓂᐅᔪᒥ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒡᓕᖃᖅᑎᑕᐅᓂᐅᔪᓂ ᓄᓇᕗᒻᒥ,” ᑑᑑ ᐅᖃᓚᐅᖅᐳᖅ. “ᓄᓇᕗᒻᒥ ᓇᖕᒥᓂᖃᖅᑎᐅᔪᓄᑦ, ᐱᐅᓇᔭᖅᐳᖅ ᒐᕙᒪᑐᖃᒃᑯᑦ ᐃᓕᓴᖅᓯᒍᓂ ᐊᑭᖓ ᓇᖕᒥᓂᖃᕋᓱᐊᕐᓂᕐᒧᑦ ᓄᓇᕗᒻᒥ ᖁᑦᑎᖕᓂᖅᓴᒻᒪᕆᐅᓂᖓᓂ ᑲᓇᑕᐅᑉ ᐊᕕᒃᑐᖅᓯᒪᓂᕆᔭᖏᓐᓂ ᐅᕝᕙᓘᓐᓃᑦ ᐊᓯᖏᓐᓂ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓄᑦ, ᐊᒻᒪᓗ ᑮᓇᐅᔭᓂᒃ ᑐᓂᔭᐅᔪᓂ ᐃᓱᒪᒋᔭᖃᓪᓗᐊᖅᐳᖅ ᐊᔾᔨᒋᙱᓐᓂᕆᔭᖓᓂ ᐊᑭᐅᔪᒥ ᐆᒪᓇᓱᐊᕐᓂᕐᒧᑦ ᐅᕙᓂ ᓄᓇᕗᒻᒥ.”

ᓇᖕᒥᓂᖃᖅᑎᐅᔪᓄᑦ ᖃᐅᔨᓴᐃᓂᐅᔪᖅ ᑭᐅᔾᔪᑎᖏᑦ

ᖃᔅᓯᐅᓂᖏᓐᓂ ᐅᓂᒃᑳᕆᔭᐅᔪᓂ ᐃᖅᑲᓇᐃᔮᓂᑦ ᐊᓯᐅᔨᓂᐅᔪᓂ ᑕᐃᒪᙵᓂ ᓄᕙᒡᔪᐊᕐᓇᕐᒧᑦ ᑭᒡᓕᖃᖅᑎᑕᐅᓂᐅᔪᑦ ᐱᒋᐊᕋᒥ: 793

ᑕᐃᒪᐃᒐᔪᒃᑐᒥ ᑮᓇᐅᔭᑦ ᐃᓯᖅᐸᓪᓕᐊᔪᓂ ᑲᑕᖕᓂᐅᔪᑦ: 59 ᐳᓴᓐᑎ. ᑭᓯᐊᓂ, ᐅᓇ ᐊᔾᔨᒋᙱᓚᐅᒃ ᐱᓕᕆᕝᕕᐅᔪᓄᑦ ᐱᓕᒻᒪᒃᓴᖅᓯᒪᔪᓄᑦ ᐊᒃᑐᖅᑕᐅᓛᖑᓪᓗᓂ (87 ᐳᓴᓐᑎᒥ), ᒪᓕᒃᑕᐅᓪᓗᓂ ᐅᖃᐅᔾᔨᔨᐅᔪᓄᑦ/ᖃᐅᔨᒪᔨᒻᒪᕆᐅᔪᓄᑦ ᐱᔨᑦᑎᕋᕐᓂᐅᔪᒥ (75.6 ᐳᓴᓐᑎᒥ), ᓴᓇᐅᒐᓕᕆᓂᕐᒧᑦ ᐊᒻᒪ ᐃᓕᖅᑯᓯᒧᑦ (73 ᐳᓴᓐᑎᒥ), ᐳᓚᕋᖅᑐᓕᕆᓂᖅ (62 ᐳᓴᓐᑎᒥ) ᐊᒻᒪ ᓂᐅᕕᕐᕕᐅᔪᓂ (61 ᐳᓴᓐᑎᒥ)

-88 ᐳᓴᓐᑎ ᐅᖃᓚᐅᖅᐳᖅ ᐃᓱᒫᓗᖕᓂᖏᓐᓂ ᐆᒪᐃᓐᓇᕈᓐᓇᕐᓂᐊᕐᒪᖔᑦ ᓇᖕᒥᓂᕆᔭᖏᓐᓂ

-55 ᐳᓴᓐᑎ ᐅᖃᓚᐅᖅᐳᖅ ᓈᒻᒪᒃᓴᙱᑉᐳᑦ ᒐᕙᒪᐅᑉ ᑭᐅᓂᕆᔭᖓᓐᓂ/ᐃᑲᔪᖅᓱᐃᓂᖓᓐᓂ

-153 ᖃᐅᔨᓴᖅᑕᐅᓂᕐᒧᑦ ᑭᐅᔨᐅᔪᑦ ᐅᖃᓚᐅᖅᐳ ᓇᓗᕗᑦ ᓇᖕᒥᓂᕆᔭᖓᑦ ᐅᑎᕐᓂᐊᕐᓂᖓᓄᑦ ᓯᕗᓂᐊᓂ-ᐊᒥᓱᓄᑦ ᖃᓂᒻᒪᓐᓇᐅᔪᒥ ᑭᒡᓕᐅᔪᓄᑦ ᒐᕙᒪᒃᑯᓐᓂ ᐃᑲᔪᖅᓯᖅᑕᐅᓂᖃᙱᓪᓗᑎᒃ 9−ᖑᔪᑦ ᐅᖃᓚᐅᖅᐳᖅ “ᐊᒻᒪ 9 ᐅᖃᓚᐅᖅᐳᖅ “ᐋᒃᑲ.”

ᓇᑭᙶᕐᓂᖓ: ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎ ᑕᓂᔅ ᐹᑐᓴᓐ ᖃᐅᔨᓴᖅᑕᐅᓂᖓᓂ ᓄᓇᕗᒻᒥ ᓇᖕᒥᓂᕆᔭᐅᔪᓄᑦ

Advertisement

Derek Neary

Derek Neary has been reporting on developments in the North for 18 years. When he's not writing for Nunavut News, he's working on Northern News Services' special publications such as Opportunities North,...