ᐊᒃᓴᒃᔪᒃ ᓂᖏᐅᖅ ᐃᓗᐊᖅᓴᑦᑎᐊᖅᐳᖅ ᕿᒥᕐᕈᓇᖕᓂᕐᒥ ᕙᐃᔅᐳᒃᒥ ᐊᒻᒪᓗ ᕿᒧᒃᓯᒥᓂᑦ ᑲᒪᒋᔭᖃᕐᓂᖓᓂ.

ᐊᐅᓱᐃᑦᑐᕐᒥ ᐃᓄᑐᖃᖅ ᐊᒃᓴᒃᔪᒃ ᓂᖏᐅᖅ ᑎᒍᒥᐊᖅᑎᓪᓗᒍ ᐃᓗᓕᒥᓂᑦ ᔪᓴᐃᔭᒥ. ᐊᒥᓱᓂ ᐃᕐᙳᑕᖃᖅᐳᖅ ᐊᒻᒪ ᐃᓗᓕᓂᑦ ᐃᓅᓯᖓᓂ ᐱᐅᓯᒋᐊᖅᑎᑦᑎᒃᑲᓐᓂᖅᑐ.

ᓱᖏᐅᑎᓴᕋᐃᑦᑐᖅ ᐊᐅᓱᐃᑦᑐᕐᒥ ᐃᓄᑐᖃᖅ ᓅᖃᑦᑕᓚᐅᖅᐳᖅ ᐊᑕᐅᓯᕐᒥ ᐃᓂᒥᑦ ᐊᓯᐊᓄᑦ ᐊᒥᓱᐊᖅᓱᖅᖢᓂ.

ᑕᓪᓗᕈᑎᑦ, ᐃᓂᖃᖅᑐᒥ ᓂᒋᕐᒥ ᑲᓇᖕᓇᒥ ᐃᓱᐊᓂ ᑕᓪᓗᕈᒻᒥ 1950–ᖏᓐᓂ, ᐃᓂᑦᑎᐊᕙᐅᒋᓯᒪᕙᖓ ᐃᖅᑲᐅᒪᓂᖓᓂ.

“ᐃᓄᖃᓗᐊᓚᐅᙱᑦᑐᖅ. ᑭᒃᑯᓕᒫᑦ ᖁᕕᐊᓱᒃᑑᔮᓚᐅᖅᐳᑦ. ᓴᐃᓕᓇᑦᑎᐊᖅᖢᓂ ᐃᓂᐅᓚᐅᖅᐳᖅ ᐊᒻᒪ ᓄᓇᖓ ᑲᔾᔮᕐᓇᕐᔪᐊᖅᖢᓂ,” ᓂᖏᐅᖅ ᐅᖃᖅᐳᖅ ᐃᓄᒃᑎᑐᑦ ᔭᕗᕆ ᖃᐅᓐᓇᖅ ᑐᓵᔨᐅᓪᓗᓂ.

ᐃᓚᒋᔭᐅᖃᑕᐅᔪᓂ ᐃᓚᖏᓐᓂ ᓄᖅᑲᕐᓂᐅᔪᓂ ᐅᑯᐊᖑᓚᐅᖅᐳᑦ ᒥᑦᑎᒪᑕᓕᒃ, Craig Harbour, Alexander Fiord. ᐊᑖᑕᖓᑕ ᑭᖑᓪᓕᖅᐹᖓᓂ ᑲᓇᑕᒥ ᐸᓖᓯᒃᑯᓐᓄᑦ ᐃᓂᖃᖅᑎᑕᐅᓚᐅᕐᓂᖓᓂ ᐊᐅᓱᐃᑦᑐᕐᒥ ᓄᓇᓕᐅᔪᒥ ᐊᖏᕐᕋᕆᓕᓚᐅᖅᐸᖓ ᓂᖏᐅᕐᒧᑦ ᐊᒻᒪᓗ 7–ᖑᔪᓂ ᓄᑲᖏᓐᓂ ᐊᒻᒪ ᓇᔭᖏᓐᓂ.

ᓂᖏᐅᖅᑉ ᐊᑖᑕᖓ ᐃᕐᓂᓂᑦ ᒪᓕᒍᓐᓇᖅᑎᓚᐅᖅᐸᖏᑦ, ᖁᙱᐊᕐᓗᑎᒃ ᐊᒻᒪ ᐃᓕᓐᓂᐊᖅᑎᑦᑎᕙᓚᐅᖅᐳᖅ ᐊᖑᓇᓱᖕᓂᕐᒥ ᐊᒻᒪ ᑭᓱᑐᐃᓐᓇᓂ ᐋᖅᑭᒃᓯᓂᕐᒧᑦ.

ᐅᑯᐊ ᑐᙵᕕᖃᕐᓂᐅᔪᓄᑦ ᐊᔪᙱᓐᓂᐅᔪᑦ ᐊᒻᒪ ᐱᔪᒪᓂᖓᓂ ᐃᓕᑦᑎᓂᕐᒧᑦ ᐱᔨᑦᑎᕋᑦᑎᐊᖅᓯᒪᕗᖅ ᓂᖏᐅᕐᒥ ᐊᔪᙱᑦᑐᒻᒪᕆᐅᓪᓗᓂ ᐱᔨᑦᑎᕋᕐᓂᕐᒧᑦ ᐊᒥᓱᓂ ᐃᓂᐅᔪᓂ ᐊᐅᓱᐃᑦᑐᕐᒥ ᐃᓕᓐᓂᐊᕐᓂᕐᒧᑦ ᐃᓕᓐᓂᐊᕐᓂᖃᙱᒃᑲᓗᐊᖅᑎᓪᓗᒍ ᐅᖁᒪᐃᑦᑐᓄᑦ ᓄᓇᓯᐅᑎᓄᑦ ᐊᖁᑎᐅᓪᓗᓂ, ᐊᖅᑯᒻᒥ ᐋᖅᑭᐅᒪᑎᑦᑎᔨᐅᓪᓗᓂ, ᐊᒡᔭᖅᑐᐃᔨᐅᓪᓗᓂ, ᐊᐅᓚᐅᓯᕆᔨᐅᓪᓗᓂ, ᑯᐊᐸᒃᑯᓐᓂ ᐱᔨᑲᑕᒃᑎᐅᓪᓗᓂ, ᐅᐊᔭᓕᕆᔨ, ᓱᓪᓗᓕᕆᔨ, ᐊᒃᑕᖅᑎ, ᐊᒻᒪ ᐊᕝᕗᖅᐸᓚᐅᖅᐳᖅ ᖁᕐᕕᓂᑦ.

“ᑕᒪᕐᒥᒐᓚᑦ ᐃᒻᒥᓂᒃ ᐃᓕᑦᑎᓂᑰᕗᑦ ᐱᓕᕆᕙᒃᖢᓂ ᐊᐅᓱᐃᑦᑐᕐᒥ,” ᖃᐅᓐᓇᖅ ᐅᖃᖅᐳᖅ.

ᐱᓕᕆᙱᑎᓪᓗᒍ ᑐᓂᓯᓂᕐᒥ ᐱᔨᑦᑎᕋᕐᓂᐅᔪᒥ ᐊᓯᖏᓐᓄᑦ ᓄᓇᓕᖕᓂ, ᐊᓕᐊᓇᐃᒋᔭᖃᓚᐅᖅᐳᖅ ᐊᖑᓇᓱᖕᓂᕐᒥ ᐃᓚᖏᓐᓄᑦ ᓂᕆᔭᒃᓴᖏᓐᓄᑦ.

“ᑭᓱᑐᐃᓐᓇᓂ ᐊᖑᓇᓱᖕᓂᕐᒧᑦ, ᐊᓕᐊᓇᐃᒋᓚᐅᖅᐸᖓ. ᐱᒋᐊᓚᐅᖅᓯᒪᕗᖅ ᕿᒧᒃᓯᒃᑯᑦ, ᐊᓱᐃᓛᒃ ᓯᑭᑑᑦ ᐃᓇᖏᖅᓯᓚᐅᖅᐳᑦ,” ᐅᖃᖅᐳᖅ ᖃᐅᓐᓇᖅ.

ᐊᐅᓱᐃᑦᑐᕐᒥ ᐱᕈᖅᐸᓪᓕᐊᖏᓐᓇᖅᑎᓪᓗᒍ, ᐃᓄᑭᑦᑐᓂ ᓄᓇᓕᐅᔪᒥ 130–ᓂ ᐃᓄᓕᖕᓂ, ᓂᖏᐅᖅ ᐅᖃᓚᐅᖅᐳᖅ ᖃᓄᐃᓕᐅᕐᓂᖃᑦᑎᐊᖅᐳᖅ ᐆᒪᔪᓂᑦ ᕿᒪᒃᓯᒪᑎᑦᑎᓂᕐᒧᑦ ᓄᓇᓕᖕᓂ. ᒪᒃᑯᒃᑎᓪᓗᒍ, ᓱᖏᐅᑎᓚᐅᖅᓯᒪᕗᖅ ᑕᑯᓂᕐᒥ ᑲᖏᕙᓯᒃᑐᒥ ᐆᒪᔪᓂᑦ ᐸᖓᓕᑲᑕᒃᑐᓂ.

ᐊᐃᑉᕆᓕᐅᓕᕌᖓᑦ, ᒪᐃ ᐊᒻᒪ ᔫᓂᒥ, ᐊᓃᕈᒪᑐᐃᓐᓇᖅᐳᖅ, ᓯᓚᑦᑎᐊᕙᐅᓂᖓᓃᖦᖢᓂ ᐅᐱᕐᙶᒃᑯᑦ ᐊᒻᒪ ᑲᔾᔭᐅᓴᒃᖢᓂ ᐃᓂᒋᔭᖓᓂ ᑲᓇᑕᐅᑉ ᐅᐊᖕᓇᖓᓃᓛᖓᓂ ᓄᓇᓕᐅᔪᒥ.

“ᑲᔾᔮᕐᓇᖅᑐᐊᓘᕗᖅ, ᐃᓄᑦᑎᐊᕚᓗᐃᑦ,” ᓂᖏᐅᖅ ᐅᖃᐅᔾᔨᕗᖅ ᖃᐅᓐᓇᕐᒥ.

ᐅᐱᕐᙶᖅ ᑭᓯᐊᓂ ᐊᓯᔾᔨᖅᓯᒪᓕᖅᐳᖅ.

“ᓯᑯᖓ ᐅᓗᕆᐊᓇᖅᑐᐊᓘᓕᖅᐳᖅ ᒫᓐᓇ. ᑕᐃᔅᓱᒪᓂ, ᐅᐱᕐᙶᖅ ᐅᓗᕆᐊᓇᓗᐊᓚᐅᙱᓚᖅ,” ᖃᐅᓐᓇᖅ ᑐᓵᔨᐅᓪᓗᓂ ᐅᖃᖅᐳᖅ. “ᑕᐃᔅᓱᒪᓂ, ᐱᐅᓂᖅᓴᒻᒪᕆᐅᓚᐅᖅᐳᖅ ᓇᓚᐅᑦᑖᕆᓂᕐᒥ ᓯᓚᒥᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖃᓚᐅᙱᒻᒪᑦ, ᐅᔾᔨᕐᓇᖅᑐᒥ. ᒪᒃᑯᒃᑲᓐᓂᖅᑎᓪᓗᒋᑦ, ᒪᓕᒐᖃᙱᓐᓂᖅᓴᐅᓚᐅᖅᐳᖅ, ᒪᓕᒐᕋᓛᖃᙱᓐᓂᖅᓴᐅᓪᓗᓂ ᐊᖑᓇᓱᖕᓂᕐᒧᑦ. ᐊᔾᔨᒌᒃᑎᑦᑎᔪᓐᓇᙱᑉᐳᒍᑦ ᒫᓐᓇᐅᓕᖅᑐᒥ ᐊᒻᒪᓗ ᒪᒃᑯᒃᑲᓐᓂᖅᑎᓪᓗᒍ, ᑭᓯᐊᓂ ᓈᒻᒪᒃᓴᖅᐳᖅ ᑕᒪᒃᑭᓂ (ᐃᓅᓯᐅᔪᓄᑦ).”

ᐊᖏᔪᐊᓗᖕᒥ ᓴᖑᓯᒪᓂᖃᕋᓗᐊᖅᑎᓪᓗᒍ ᐊᕐᕌᒍᒐᓴᓂᑦ, ᓂᖏᐅᖅ ᐅᖃᐅᓯᖃᖅᐳᖅ ᐃᓱᒫᓘᑎᖃᙱᓐᓂᖓᓂ ᓯᕗᓂᒃᓴᒧᑦ ᐃᓄᒃᑎᑐᑦ ᐅᖃᐅᓯᖓᓐᓂ ᐊᒻᒪᓗ ᐃᓄᐃᑦ ᐃᓕᖅᑯᓯᖓᓐᓄᑦ.

“ᐃᓱᒪᕗᖅ … ᐊᓯᔾᔨᓗᐊᔾᔮᙱᓚᖅ ᑕᐃᒪᓐᓇ ᐃᓅᓲᖑᒐᑦᑕ,” ᖃᐅᓐᓇᖅ ᐅᖃᖅᐳᖅ. “ᓴᙲᓐᓇᐅᔭᕐᓂᐊᖅᑐᖅ.”

ᑎᓯᐱᕆᐅᓚᐅᖅᑐᒥ, ᓄᓇᕗᒻᒥ ᑐᙵᕕᒃᑯᑦ (NTI) ᐃᓕᓴᖅᓯᓚᐅᖅᐳᑦ ᓂᖏᐅᕐᒥ ᐃᓄᑐᖃᕐᒧᑦ ᓵᓚᖃᐅᓯᐊᖑᔪᒧᑦ.

ᖁᔭᓕᒐᓗᐊᖅᖢᓂ ᓵᓚᖃᐅᓯᐊᖑᔪᒥ, ᓂᖏᐅᖅ ᐅᖃᖅᐳᖅ ᐃᒻᒥᓂᒃ ᐃᓱᒪᒋᙱᓚᖅ ᐃᓄᑐᖃᐅᓂᖓᓂ.

“ᐅᓪᓗᒥ ᐅᓪᓗᒧᑦ ᐊᐅᓚᓂᖃᑐᐃᓐᓇᖅᐳᖅ,” ᐅᖃᖅᐳᖅ ᖃᐅᓐᓇᖅ, ᑕᐃᑲᓂ ᐅᖃᖅᖢᓂ ᓇᖕᒥᓂᖅ ᐃᓱᒪᒋᔭᒥᓂᑦ: “ᑭᓯᐊᓂ ᐅᐱᒋᕐᔪᐊᖅᐸᕗᑦ.”

Advertisement

Derek Neary

Derek Neary has been reporting on developments in the North for 18 years. When he's not writing for Nunavut News, he's working on Northern News Services' special publications such as Opportunities North,...

Leave a comment

Your email address will not be published. Required fields are marked *