ᓱᓕᙱᑦᑐᒥ ᐱᑕᖃᕐᓂᕋᐃᔪᒥ ᖃᐅᔨᓴᖅᑕᐅᓂᐅᔪᒥ ᐊᑲᐅᙱᓕᐅᕈᑕᐅᕗᖅ ᑕᒪᒃᑭᓂ ᐱᔪᓐᓇᕐᓂᖃᕐᓂᐅᔪᒥ ᑲᒪᒋᔭᕆᐊᖃᕐᓂᖓᓂ, ᐅᖃᓚᐅᖅᐳᖅ ᓘᒃᑖᖅ ᒪᐃᑯᓪ ᐹᑐᓴᓐ, ᓄᓇᕗᒻᒥ ᒐᕙᒪᒃᑯᓐᓄᑦ ᑐᓴᒐᕐᓴᓕᐊᕆᔭᖓᓂ.

ᓘᒃᑖᖅ ᒪᐃᑯᓪ ᐹᑐᓴᓐ: ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᖓᔪᖅᑳᖓ Rajnesh Sharma/NNSL photo

ᓄᕙᒡᔪᐊᕐᓇᖅ-19–ᑐᐊᖑᔪᖅ ᖃᓄᐃᓐᓂᐅᔪᒥ ᓄᓇᕗᒻᒥ ᐅᖃᐅᓯᐅᓚᐅᖅᐳᖅ ᓱᓕᙱᑦᑐᒥ ᐱᑕᖃᕐᓂᕋᐃᔪᒥ, ᖁᑦᑎᓛᖑᔪᒥ ᓘᒃᑖᖑᔪᒥ ᐅᓪᓗᒥ. ᓱᓕᒃᑲᓐᓂᖅ, ᓄᓇᕗᑦ ᐅᑎᖅᑎᕆᓚᐅᖅᐳᖅ ᖃᓄᐃᓕᖓᓂᖓᓂ ᐱᔪᓐᓇᕐᓂᖃᕐᓂᑐᐊᖑᓂᖓᓂ ᑲᓇᑕᒥ ᓄᕙᒡᔪᐊᕐᓇᖅ-19 ᖃᓄᐃᓐᓂᖃᙱᑦᑐᒥ.

“ᐅᕙᑦᑎᓐᓄᑦ, ᕿᒥᕐᕈᕗᒍᑦ ᑭᓱ ᐱᐅᙱᓐᓂᖅᐹᖑᔪᒥ ᖃᓄᐃᓐᓂᐅᓇᔭᕐᓂᖓᓂ ᑕᒻᒪᖅᓯᒪᔪᖃᕐᓂᕈᓂ. ᐱᓕᕆᓂᐅᔪᒥ ᒥᑦᑎᒪᑕᓕᖕᒥ, ᐱᓇᓱᐊᕈᓯᐅᓚᐅᖅᑐᒥ, ᐱᐅᙱᓐᓂᖅᐹᖑᔪᖅ ᖃᓄᐃᓐᓂᐅᓇᔭᖅᑐᖅ ᖃᓄᐃᓕᐅᕐᓂᖃᙱᓪᓗᑕ ᐊᒻᒪ ᐅᑕᖅᑭᒐᓛᒡᓗᑕ ᐊᒻᒪ ᑕᑯᓗᑕ ᖃᓄᐃᓐᓂᐊᕐᓂᖓᓂ ᐊᒻᒪ ᐊᐃᑦᑐᐃᑎᓪᓗᒍ ᐱᑕᖃᓪᓚᕆᖕᓂᐅᓚᐅᖅᑐᑎᑐᑦ,” ᐅᓂᒃᑳᓚᐅᖅᐳᖅ ᐹᑐᓴᓐ.

ᐊᐃᑉᕆᓕ 30–ᒥ, ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᖓᔪᖅᑳᖓ ᐅᖃᐅᓯᖃᓚᐅᖅᐳᖅ ᒥᑦᑎᒪᑕᓕᒃ ᓯᕗᓪᓕᖅᐹᖑᔪᒥ ᓄᓇᕗᒻᒥ ᓄᕙᒡᔪᐊᕐᓇᖅ-19–ᒥ ᖃᓄᐃᓐᓂᖃᕐᓂᖓᓂ. ᓱᒃᑲᔪᒥ ᑭᐅᔨᐅᔪᓄᑦ ᑲᑎᙵᓂᐅᔪᓂ ᐊᓪᓚᕐᕕᐅᓂᖃᓚᐅᖅᐳᑦ ᐃᓄᖕᓂ ᐱᓕᕆᓚᐅᖅᑎᓪᓗᒋᑦ ᐅᖃᐅᔾᔨᒋᐊᕐᓂᕐᒧᑦ ᑲᑎᙵᓂᖃᖅᓯᒪᔭᖏᓐᓂ. ᑕᒪᒃᑭᑦ 13 ᐊᓪᓚᕐᕕᐅᓂᐅᔪᓂ ᖃᐅᔨᓴᖅᑕᐅᔪᓂ ᐃᖃᓗᖕᓂ ᐱᑕᖃᓚᐅᙱᓚᑦ, ᓴᖅᑭᑎᑦᑎᓚᐅᖅᐳᖅ ᐹᑐᓴᓐ ᐅᓪᓗᑐᐃᓐᓇᕐᒥ ᑐᓴᒐᒃᓴᓕᐊᖑᔪᒥ.

ᐅᓪᓗᑐᐃᓐᓇᐅᓚᐅᖅᑐᒥ “ᐸᓴᒍᓱᒃᐸᓪᓕᐊᕐᔪᐊᓚᐅᖅᐳᒍᑦ ᓱᓕᙱᑦᑐᒥ ᐱᑕᖃᕐᓂᕋᐃᔪᒥ,” ᐅᖃᓚᐅᖅᐳᖅ ᐹᑐᓴᓐ.
ᓇᒃᓯᐅᔾᔨᓚᐅᖅᑎᓪᓗᑕ ᒪᕐᕈᖓᓂ ᖃᐅᔨᓴᕈᑕᐅᔪᒥ ᐊᓪᓚᕐᕕᐅᓂᐅᔪᓂ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᕐᕕᖓᓄᑦ ᐋᓐᑎᐊᕆᐅᒥ, ᓇᓗᓇᐃᖅᑕᐅᓚᐅᖅᐳᖅ ᖃᐅᔨᓴᖅᑕᐅᔪᑦ ᑕᒪᕐᒥᒃ ᐱᑕᖃᙱᓐᓂᖏᓐᓂ ᓄᕙᒡᔪᐊᕐᓇᕐᒧᑦ.

ᓯᕗᓪᓕᖅᐹᖅ ᐱᑕᖃᕐᓂᕋᐃᔪᒥ ᖃᓄᐃᓕᖓᓂᖓᓂ ᐋᓐᑎᐊᕆᐅᒥ ᖃᐅᔨᓴᕐᕕᖕᒥᙶᓚᐅᖅᐳᖅ, ᐹᑐᓴᓐ ᐅᖃᓚᐅᖅᐳᖅ.

ᐊᐱᕆᔭᐅᒐᒥ ᖃᓄᐃᒻᒪᑦ ᓱᓕᙱᑦᑐᒥ ᐱᑕᖃᕐᓂᕋᐃᔪᒥ ᖃᓄᐃᓕᖓᓂᖓᓂ ᐱᓚᐅᕐᓂᖓᓂ, ᓘᒃᑖᖅ ᑭᐅᓚᐅᖅᐳᖅ ᑕᒪᕐᒥᒃ ᖃᐅᔨᓴᕐᕕᖕᒥ ᖃᐅᔨᓴᕈᑕᐅᔪᖅ ᐅᓄᕐᓂᖃᕐᓂᖓᓂ ᓱᓕᙱᑦᑐᒥ ᐱᑕᖃᕐᓂᕋᐃᔪᓂᑦ ᐊᒻᒪ ᓱᓕᙱᑦᑐᒥ ᐱᑕᖃᙱᓐᓂᕋᐃᔪᓂ. ᐃᓄᖕᒧᑦ ᑕᒻᒪᕐᓂᐅᙱᓚᖅ. ᑕᐃᒪᐃᓲᖑᕗᖅ ᑕᒪᒃᑭᓄᑦ ᖃᐅᔨᓴᕐᕕᖕᒥ ᖃᐅᔨᓴᕈᑕᐅᔪᓂ,” ᐅᓂᒃᑳᓚᐅᖅᐳᖅ.

ᐹᑐᓴᓐ ᑐᓂᓯᔪᓐᓇᙱᒃᑲᓗᐊᖅᑎᓪᓗᒍ ᓇᓗᓇᐃᖅᑕᐅᓯᒪᔪᒥ ᐳᓴᓐᑎᖓᓂ ᖃᔅᓯᓂᒃ ᖃᐅᔨᓴᖅᑕᐅᔪᕕᓂᕐᓂ ᓱᓕᙱᑦᑐᒥ ᐱᑕᖃᕐᓂᕋᐃᓂᐅᔪᒥ, ᐅᖃᓚᐅᖅᐳᖅ “ᓱᓕᙱᑦᑐᒥ ᐱᑕᖃᙱᓐᓂᕋᐃᔪᓂ ᓴᖅᑭᑦᑐᓐᓇᕆᕗᑦ 30 ᐳᓴᓐᑎᖓᓂ ᐱᓕᕆᓂᐅᔪᒥ.” ᑕᐃᒪᐃᒐᔪᒃᐳᖅ ᐋᓐᓂᐊᕈᑕᐅᖃᑦᑕᖅᑐᓂ ᓴᖅᑭᔮᕐᓂᖃᙱᑦᑐᓄᑦ ᐃᓄᐃᑦ ᐊᓪᓚᕐᕕᐅᓴᕋᐃᓗᐊᖅᑐᓂ ᓴᖅᑭᔮᕐᕕᐅᓚᐅᖅᑎᓪᓗᒋᑦ ᓄᕙᒡᔪᐊᕐᓇᖅ-19–ᒧᑦ, ᐅᖃᓚᐅᖅᐳᖅ.

ᓘᒃᑖᖅ ᐅᒃᐱᕈᓱᑦᑎᐊᖅᐳᖅ ᖃᐅᔨᓴᖅᑕᐅᓂᐅᔪᖅ ᖃᓄᐃᓕᖓᓂᖓ ᐱᑕᖃᙱᓐᓂᖓᓂ ᒥᑦᑎᒪᑕᓕᖕᒥᐅᑕᒧᑦ ᐃᓱᒪᒋᔭᐅᓚᐅᖅᑐᒥ ᐱᑕᖃᕐᓂᖓᓂ ᓄᕙᒡᔪᐊᕐᓇᖅ-19–ᒥ. “ᐅᒃᐱᕈᓱᑦᑎᐊᖅᐳᒍᑦ ᐱᔪᓐᓇᕐᓂᓕᒫᑦᑎᓐᓂ,” ᐅᖃᓚᐅᖅᐳᖅ.

ᐅᖃᐅᓯᐅᓪᓗᓂ ᒫᓐᓇᐅᔪᒥ ᐅᖃᐅᓯᒃᓴᐅᔪᓄᑦ ᐊᑐᐃᓐᓇᐅᔪᓄᑦ, ᐅᓇ ᒥᑦᑎᒪᑕᓕᖕᒥᐅᑕᖅ ᓄᓇᓖᑦ ᓯᓚᑖᓄᐊᖅᓯᒪᙱᓚᖅ ᐊᑯᓂᐸᓗᖕᒥ. ᓴᖅᑭᔮᕐᕕᐅᓂᕐᒥᓪᓗ ᓄᕙᒡᔪᐊᕐᓇᖅ-19–ᒧᑦ ᐅᕝᕙᓘᓐᓃᑦ ᖃᓄᐃᓐᓂᐅᔪᓂ ᐋᓐᓂᐊᕐᓇᒥ ᓇᓗᓇᐃᖅᑕᐅᓯᒪᔪᖃᙱᓚᖅ ᒥᑦᑎᒪᑕᓕᐅᑉ ᐃᓗᐊᓂ. ᐅᔾᔨᕐᓇᖅᑐᒥ ᐊᖏᒡᓕᒋᐊᕐᓂᖃᙱᓚᖅ ᐊᓯᔾᔨᕐᓂᐅᔪᓂᓪᓘᓐᓃᑦ ᐊᖏᐸᓗᒃᑐᒥ ᐊᓂᖅᑎᕆᓂᕐᒧᑦ ᖃᓄᐃᓐᓂᐅᔪᓂ ᓄᓇᓕᖕᓂ, ᐅᖃᓚᐅᖅᐳᖅ ᐹᑐᓴᓐ.
“ᑕᒪᒃᑭᓄᑦ ᐅᑯᓄᖓ ᐱᔾᔪᑕᐅᔪᓄᑦ, ᐅᒃᐱᕈᓱᒃᐳᒍᑦ ᐃᓄᒃ ᒥᑦᑎᒪᑕᓕᖕᒥ ᐱᖃᙱᓚᖅ ᐊᒻᒪ ᐱᖃᓚᐅᖅᓯᒪᙱᓚᖅ ᓄᕙᒡᔪᐊᕐᓇᖅ-19–ᒥ,” ᐅᓂᒃᑳᓚᐅᖅᐳᖅ.

ᓱᒃᑲᔪᒥ ᑭᐅᔨᐅᔪᓄᑦ ᑲᑎᙵᓂᐅᔪᓂ, ᒥᑦᑎᒪᑕᓕᖕᒧᐊᖅᑎᑕᐅᓚᐅᖅᑐᑦ ᐊᐃᑉᕆᓕ 30–ᒥ, ᓄᖅᑲᕐᓂᐊᖅᐳᑦ ᐊᐅᓚᑕᐅᓂᐅᔪᓂ. ᐃᓚᒋᔭᐅᔪᓂ ᑲᑎᙵᓂᐅᔪᓂ ᐊᐅᓪᓚᕐᓂᐊᖅᐳᑦ ᓄᓇᓕᖕᓂ ᐊᒻᒪ ᐸᕐᓇᒃᐸᓪᓕᐊᓗᑎᒃ ᐱᑕᖃᑐᐃᓐᓇᕆᐊᓕᖕᓄᑦ ᓯᕗᓂᒃᓴᒥ ᐊᐅᓪᓚᖅᑎᑕᐅᓂᐅᔪᓄᑦ.

ᐹᑐᓴᓐ ᐊᐱᕆᔭᐅᒐᒥ ᑭᓱᓂᒃ ᐃᓕᑦᑎᓂᖃᓚᐅᕐᓂᖓᓂ ᐅᕙᙵᑦ ᓯᕗᓪᓕᖅᐸᐅᔪᒥ ᑐᐊᕕᕐᓇᖅᑐᒥ ᑭᐅᓂᐅᔪᒥ, ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᖓᔪᖅᑳᖑᔪᖅ ᐅᖃᓚᐅᖅᐳᖅ ᕿᓚᒻᒥᐅᓗᐊᕐᓂᖓᓂ ᖃᐅᔨᓴᕐᓂᕐᒧᑦ ᐅᖃᓪᓚᖕᓂᖃᕆᐊᖃᖅᑳᕐᒪᑕ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᖅᑲᓇᐃᔭᖅᑎᐅᔪᓄᑦ.

ᑭᓯᐊᓂ ᐅᖃᓚᐅᖅᐳᖅ ᓯᕗᓪᓕᖅᐸᐅᔪᒥ ᐊᐅᓪᓚᖅᑎᕆᓂᐅᔪᖅ “ᐱᓕᕆᑦᑎᐊᖅᑐᒻᒪᕆᐅᓚᐅᕐᓂᖓᓂ.”
ᑐᕌᒐᒃᓴᕆᔭᖓ ᓱᒃᑲᔪᒥ ᑭᐅᔨᐅᔪᓄᑦ ᑲᑎᙵᓂᐅᔪᓂ ᒥᑦᑎᒪᑕᓕᖕᒥ ᐃᓗᐊᓂ ᐃᑲᕐᕋᓂ 24–ᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐅᖃᐅᔾᔭᐅᖕᒪᑕ ᐱᑕᖃᕐᓂᕋᐃᔪᒥ ᖃᓄᐃᓕᖓᓂᐅᔪᒥ. ᑲᑎᙵᓂᐅᔪᑦ ᐱᓕᕆᔪᓐᓇᑦᑎᐊᓚᐅᖅᐳᑦ ᓇᒃᓯᐅᔾᔨᓂᕐᒥ ᐊᓪᓚᕐᕕᐅᓂᐅᔪᓂ ᖃᐅᔨᓴᖅᑕᐅᔭᖅᑐᕐᓂᕐᒧᑦ ᓯᕗᓂᑐᖄᓗᐊᓂ ᐃᑲᕐᕋᓄᑦ 24–ᓂ, ᐅᖃᓚᐅᖅᐳᖅ ᐹᑐᓴᓐ.

ᐅᓪᓗᒥᐅᔪᒥ, ᑕᒪᒃᑭᑦ ᖄᒃᑲᓐᓂᐊᒍᑦ ᐱᓕᕆᓂᐅᔪᓂ ᑐᕌᖓᔪᓄᑦ ᒥᑦᑎᒪᑕᓕᖕᒥ ᐱᑎᑕᐅᓚᐅᖅᑐᓄᑦ ᐱᑕᖃᕐᓂᕋᐃᔪᒥ ᓄᕙᒡᔪᐊᕐᓇᖅ-19–ᒥ ᖃᓄᐃᓐᓂᐅᔪᒥ ᐲᖅᑕᐅᓚᐅᖅᐳᑦ.

ᐊᐃᑉᕆᓕ 30–ᒥ ᐹᑐᓴᓐ ᐅᖃᐅᓯᖃᓚᐅᖅᐳᖅ ᑕᒪᒃᑭᑦ ᐃᑭᒪᕙᒃᑐᓄᑦ ᐊᐅᓪᓛᕐᓂᐅᔪᓂ, ᐃᓚᖃᖅᑐᒥ ᓄᓇᒃᑯᑦ ᐊᐅᓪᓛᕐᓂᐅᔪᓂ, ᐃᓗᐊᓄᑦ ᓯᓚᑖᓄᓪᓗ ᒥᑦᑎᒪᑕᓕᖕᒥ ᓄᖅᑲᖅᑎᑕᐅᓚᐅᖅᐳᖅ. ᐅᓇ ᐊᐅᓪᓛᕐᓂᕐᒧᑦ ᓄᖅᑲᖅᑎᑕᐅᓂᖓ ᐃᓕᔭᐅᓚᐅᖅᐳᖅ ᒥᒃᖠᒋᐊᖅᑎᑦᑎᓂᕐᒧᑦ ᐅᓗᕆᐊᓇᕐᓂᖓᓂ ᓄᕙᒡᔪᐊᕐᓇᖅ-19–ᒥ ᐊᐃᑦᑐᖅᑕᐅᓂᖓᓂ ᖃᔅᓯᒐᓚᖕᓄᑦ ᓄᓇᓕᐅᔪᓄᑦ ᐊᑕᐅᑦᑎᒃᑯᒥ. ᑕᒪᕐᒥᒃ ᓇᖕᒥᓂᖃᖅᑎᐅᔪᑦ ᑭᓯᐊᓂ ᓂᕿᑖᕐᕕᓂᑦ ᓂᐅᕕᕐᕕᓂᑦ, ᐅᖅᓱᐊᓗᖕᒧᑦ ᐊᒻᒪ ᐃᖏᕐᕋᔾᔪᑎᖃᕐᕕᐅᔪᓄᑦ, ᑎᑎᖅᑲᒃᑯᕕᒃ ᐊᒻᒪ ᓂᕆᕕᑦ ᑎᑭᓴᐃᕝᕕᒃᓴᑐᐊᓄᑦ ᑎᓕᔭᐅᓚᐅᖅᐳᑦ ᒪᑐᖁᔭᐅᓪᓗᑎᒃ. ᐃᓅᖃᑎᒌᖕᓂᕐᒧᑦ ᑲᑎᓐᓂᐅᔪᓂ ᐃᒡᓗᒋᔭᐅᔪᓂ ᐱᔪᓐᓇᖅᑎᑕᐅᓚᐅᙱᓚᑦ, ᐃᓅᖃᑎᒌᖕᓂᕐᒧᑦ ᑲᑎᓐᓂᐅᔪᓂ ᓯᓚᒥ ᑭᒡᓕᖃᖅᑎᑕᐅᓪᓗᑎᒃ ᑕᓪᓕᒪᓄᑦ ᐃᓄᖕᓄᑦ ᐅᓄᙱᓐᓂᖅᓴᓄᓪᓘᓐᓃᑦ.

“ᒪᒥᐊᑦᑐᒪᕗᖓ ᒥᑦᑎᒪᑕᓕᖕᒧᑦ ᐊᑲᐅᙱᓕᐅᕈᑕᐅᓚᐅᖅᑐᓂ ᐱᑎᓚᐅᖅᑕᑦᑎᓐᓂ. ᐱᑎᓚᐅᖅᑕᓐᓂ, ᐊᒻᒪ ᖁᔭᓕᕗᖓ ᐊᒃᓱᕈᖅᖢᑎᒃ ᐱᓕᕆᓂᕆᓚᐅᖅᑕᖏᓐᓂ ᐊᒻᒪ ᐱᓕᕆᖃᑎᖃᑦᑎᐊᕐᓂᖏᓐᓂ (ᑕᐃᑲᓂ) ᐅᑯᓇᓂ ᐅᓪᓗᓂ ᑕᓪᓕᒪᓂ ᐊᕐᕕᓂᓕᖕᓄᑦ,” ᐅᖃᓚᐅᖅᐳᖅ ᐹᑐᓴᓐ.

Advertisement

Rajnesh Sharma

Rajnesh Sharma is a Canadian journalist, who has extensively travelled the world to experience various cultures. She has lived and worked internationally over the past decade, meeting and interviewing...