ᐅᑭᐊᒃᓵᒥ ᐃᒪᕐᒥᐅᑕᓕᕆᓂᕐᒧᑦ ᐅᒥᐊᕐᔪᐊᒥ ᐱᓕᒻᒪᒃᓴᕐᓂᖓ ‘ᐱᓪᓚᕆᐅᑎᑕᐅᓇᓱᐊᖅᑐᖅ ᐊᔪᕐᓇᙱᓐᓂᖓᓂ’

287

ᓄᓇᕗᒻᒥ ᐃᖃᓗᓕᕆᓂᕐᒥ ᐃᒪᕐᒥᐅᑕᓕᕆᓂᕐᒧᓪᓗ ᑲᑐᔾᔨᖃᑎᒌᑦ ᐊᑐᐃᓐᓇᖃᖅᑎᑦᑎᕗᑦ ᒪᕐᕈᐃᖅᓱᖅᑐᓂ ᓯᕗᓂᐊᓂ–ᐱᓕᒻᒪᒃᓴᕐᓂᐅᔪᓂ ᐃᓕᓐᓂᐊᕐᓂᓂᑦ ᐃᖃᓗᖕᓂ ᓯᑎᐱᕆᙳᖅᐸᑦ, ᐊᒻᒪᓗᑦᑕᐅᖅ ᐊᑕᐅᓯᒃᑲᓐᓂᕐᒥ ᑭᓴᕐᕕᖕᒥ ᐱᓕᕆᐊᖑᔪᒥ.

“ᓯᕗᓂᐊᓂ-ᐱᓕᒻᒪᒃᓴᕐᓂᕐᒧᑦ ᐱᓕᕆᐊᖑᔪᖅ ᐱᒋᐊᖅᑎᑦᑎᓂᐅᕗᖅ ᐃᒪᕐᒥᐅᑕᓕᕆᓂᕐᒧᑦ ᐱᓕᕆᓂᕐᔪᐊᖑᔪᒥ ᑭᓲᓂᖓᓂ,” ᐅᖃᓚᐅᖅᐳᖅ ᐃᓱᒻᒥᖅᑐᐃᔨᐅᔪᖅ ᐃᓕᓴᐱ ᑲᐃᔭᓐ. “ᓯᕗᓪᓕᖅᐹᒥ, ᓇᓗᓇᐃᖅᓯᔪᒪᕗᒍᑦ, ᑕᐃᒃᑯᓄᖓ, ᐱᔪᒪᓪᓚᕆᖕᒪᖔᑕ ᐃᒪᕐᒥᐅᑕᓕᕆᓂᕐᒧᑦ ᐱᓕᕆᓂᕐᔪᐊᖑᔪᒥ ᖃᔅᓰᖅᓱᒐᓚᒃᖢᑎᒃ ᑐᓴᖅᓯᒪᖕᒪᑕ. ᑐᓴᐃᓐᓇᐅᔭᕐᒪᑕ ᑮᓇᐅᔾᔭᒃᓴᕐᔪᐊᕐᓂᐅᔪᒥ. ᑭᓯᐊᓂ ᐱᓕᕆᔪᓐᓇᕋᔭᖅᐸᑦ ᑕᐃᒪᐃᑦᑐᒥ ᐃᓅᓯᖃᕐᓂᕐᒥ?”

ᐃᓕᓴᐃᔨ ᐱᐊᕆ ᕼᐊᐃᓂᒃ ᐃᓕᓐᓂᐊᖅᑎᑦᑎᕗᖅ ᐃᓕᓐᓂᐊᕐᕕᐊᕈᓯᕐᒥ ᓄᓇᕗᒻᒥ ᐃᖃᓗᓕᕆᓂᕐᒥ ᐃᒪᕐᒥᐅᑕᓕᕆᓂᕐᒧᓪᓗ ᑲᑐᔾᔨᖃᑎᒌᑦ
ᐃᓕᓐᓂᐊᕐᕕᖓᓂ ᐃᖃᓗᖕᓂ 2016 ᓄᙳᐊᓂ. ᑲᑐᔾᔨᖃᑎᒌᖑᔪᑦ ᐊᑐᐃᓐᓇᖃᖅᑎᑦᑎᕗᖅ ᒪᕐᕉᖕᓂ ᓯᕗᓂᐊᓂ–ᐱᓕᒻᒪᒃᓴᕐᓂᐅᔪᓂ
ᐱᓕᕆᐊᖑᔪᓂᑦ ᐊᒻᒪ ᑭᓴᕐᕕᒃ ᐱᓕᕆᐊᖑᔪᒥ ᐅᑭᐊᒃᓵᒥ. ᐃᓕᓐᓂᐊᖅᑏᑦ ᐅᕙᓂ ᐊᔾᔨᖃᖅᑐᑦ, ᐋᖅᑭᒃᓱᖅᓯᒪᓂᖃᙱᑦᑐᒥ: ᑖᒥ
ᓇᒡᓕᖕᓂᖅ, ᐋᓕᒃᔅ ᐊᑭᑯᓗᒃ, ᐳᕌᑦ ᓄᑕᕋᖅ, ᒪᐃᑯᓪ ᐃᓄᐊᕋᖅ, ᑲᐃᔪᓪ ᐊᒡᓘᒃᑲᖅ, ᑖᒥᔅ ᐊᒡᒐᖅ, ᑕᐃᕕᑦ ᓇᑦᓱᕐ, ᒫᓄᐃᐅᓪ ᑰᑑ–ᑎᑰᑐ,
ᓚᔅᓕ ᒪᓐᓂᐊᐱᒃ ᐊᒻᒪ ᔫᓯᐱ ᒪᒃᐸ.

ᐃᓕᓐᓂᐊᕐᓂᖅ ᐱᓇᓱᐊᕈᓯᕐᓂ ᒪᕐᕉᕗᖅ ᐊᒻᒪ ᐊᐅᓚᑕᐅᓲᖑᕗᖅ ᐃᓅᓯᖓᑎᑐᑦ ᐅᒥᐊᕐᔪᐊᒥᑦ.

“ᐃᒃᓯᕙᐅᑕᕐᓃᑦᑕᕆᐊᖃᖅᐳᑎᑦ 8:30–ᒥ ᐃᒃᓯᕚᙱᒃᑯᕕᑦ ᐅᒥᐊᕐᔪᐊᖅ ᐊᐅᓪᓛᓂᒃᐳᖅ,” ᐅᖃᓚᐅᖅᐳᖅ ᑲᐃᔭᓐ.ᓱᐴᖅᑐᒐᐃᑦ ᓱᓐᓂᐅᑎᐅᔪᑦ ᐊᒻᒪ ᐃᒥᐊᓗᐃᑦ ᐱᔭᐅᔭᕆᐊᖃᙱᑦᑎᐊᖅᐳᑦ ᐊᒻᒪ ᑐᔪᕐᒥᕕᒋᔭᐅᔪᑦ ᓴᓗᒪᑎᑕᐅᑦᑎᐊᕆᐊᖃᖅᐳᑦ

“ᐊᒻᒪ ᐊᑐᕋᓱᓲᖑᕗᒍᑦ ᐃᒪᕐᒥᐅᑕᓕᕆᓂᕐᒥ ᐅᖃᐅᓯᐅᕙᒃᑐᓂ ᐱᔪᓐᓇᕐᓂᓕᒫᑦᑎᓐᓂ. ᖃᔅᓯᒧᐊᕐᓂᖓᓂᓪᓘᓐᓃᑦ. ᐃᓕᓐᓂᐊᕐᕕᐊᕈᓰᑦ ᐱᒋᐊᕐᓂᐊᖅᐸᑦ 1:00 ᐅᓐᓄᓴᒃᑯᑦ., ᐱᒋᐊᕐᓂᐊᖅᐳᖅ 13:00–ᒥ.”

ᑲᐃᔭᓐ ᐅᖃᓚᐅᖅᐳᖅ ᑭᓇᑐᐃᓐᓇᑦᑎᐊᖅ ᓄᓇᕗᒻᒥ ᐱᓇᓱᐊᕈᓐᓇᖅᐳᖅ. ᑭᓴᕐᕕᒃ ᐱᓕᕆᐊᖑᔪᖅ ᐃᓚᖃᖅᐳᖅ ᐃᓚᖏᓐᓂ ᓯᕗᓂᐊᓂᐱᓕᒻᒪᒃᓴᕐᓂᐅᔪᓂ ᓱᓇᒃᑯᑖᓂᑦ, ᑭᓯᐊᓂ ᐃᓚᓯᕗᖅ ᐊᖁᕝᕕᖓᓂ ᓇᐅᑦᑎᖅᓱᕐᓂᕐᒥ 1–ᒥ – ᐃᓕᓐᓂᐊᕐᓂᐅᔪᖅ ᐸᕐᓇᐃᓲᖑᔪᒥ ᐃᓕᓐᓂᐊᖅᑎᓂᑦ ᐃᖅᑲᓇᐃᔭᕐᓂᖏᓐᓄᑦ ᐊᑦᑕᓇᙱᑦᑎᐊᖅᑐᒥ ᐊᒻᒪ ᐱᓕᕆᑦᑎᐊᕈᓐᓇᕐᓗᑎᒃ ᐃᖅᑲᓇᐃᔭᖅᑎᐅᓗᑎᒃ ᐅᒥᐊᕐᔪᐊᕐᒦᑎᓪᓗᒋᑦ ᐃᒪᕐᒥᐅᑕᓕᕆᓂᕐᒧᑦ. ᐱᓕᕆᑦᑎᐊᖅᑐᒥ ᐃᓕᓐᓂᐊᖅᑎᒥᒃ ᐊᓂᓂᐊᖅᐳᖅ ᐃᓕᓐᓂᐊᕐᓂᐅᔪᒥ ᖃᔅᓯᒐᓚᖕᓂ ᐸᐃᑉᐹᖅᑖᕐᓂᐅᔪᓂ.

ᑭᓴᕐᕕᒃ, ᓯᕗᓪᓕᕐᒥ ᐊᐅᓚᑕᐅᓚᐅᖅᑐᒥ ᓯᕗᓪᓕᖅᐹᒥᒃ ᐱᓕᕆᐊᕆᔭᐅᓂᐅᔪᒥ ᐅᑭᐊᒃᓵᒥ 2016–ᒥ, ᓴᓇᔭᐅᓯᒪᓚᐅᖅᐳᖅ
ᐃᓕᓴᐃᖃᓯᐅᑎᓂᕐᒧᑦ ᐱᒻᒪᕆᐅᔪᒥ ᐃᓅᓯᕐᒥ ᐊᔪᙱᓐᓂᐅᔪᓂ, ᐃᓚᖃᖅᑐᒥ ᐅᖃᓕᒫᕈᓐᓇᕐᓂᕐᒧᑦ ᑎᑎᕋᕈᓐᓇᕐᓂᕐᒧᓪᓗ,
ᓇᐃᓴᐅᓯᕆᓂᕐᒧᑦ, ᐊᑲᐅᙱᓕᐅᕈᑕᐅᔪᓂ–ᐋᖅᑭᒃᓱᐃᓂᕐᒥ, ᑕᑕᑎᕆᐊᓕᖕᓂ–ᑕᑕᑎᕆᓂᕐᒧᑦ, ᑮᓇᐅᔭᓂᒃ ᐊᑐᖅᑐᒃᓴᓕᕆᓂᕐᒧᑦ
ᐊᒻᒪ ᑮᓇᐅᔭᒃᑯᕕᓕᕆᓂᕐᒥ, ᐊᒻᒪ ᐃᖅᑲᓇᐃᔮᕆᕙᓚᐅᖅᑕᖏᓐᓂ– ᑎᑎᕋᐃᓂᕐᒧᑦ.

ᐊᐅᓚᑕᐅᓂᖓᓂ ᐃᓕᓴᐃᔨᐅᓪᓗᓂ ᑳᑉᑕᓐ ᕌᓐᑎ ᐱᑦᒥᓐ ᓯᕗᓂᐊᓂ ᐅᓂᒃᑳᕆᓯᒪᕗᖅ, ᑭᓴᕐᕕᒃ ᑐᑭᖃᖅᐳᖅ ᐊᑦᑕᓇᙱᑦᑐᒥ ᐃᓂᐅᔪᒥ ᑭᓴᖅᓯᒪᓂᕐᒧᑦ, ᐊᑦᑕᓇᙱᑦᑐᒥ ᐃᓂᐅᔪᒥ, ᐊᑎᑦᑎᐊᕙᓕᒃ ᐊᒻᒪ ᑐᙵᕕᖃᑦᑎᐊᖅᑐᒥ.

“ᑐᕌᖓᕗᖅ ᐃᓄᖕᓄᑦ ᐊᑕᐅᓯᑐᐊᖑᙱᑦᑐᒥ ᐊᒃᓱᕈᕈᑎᖃᖅᑐᓄᑦ. ᑕᑯᓚᐅᕐᓚᕗᑦ ᑭᒃᑯᓕᒫᑦ ᓄᓇᕗᒻᒥ ᐊᒃᓱᕈᕈᑎᖃᖅᐳᑦ –
ᐅᖓᓯᒃᑐᕐᒥᐅᑕᐅᓪᓗᑕ ᓄᓇᓕᐅᕗᒍᑦ ᑕᐅᕗᙵᓕᒫᖅ ᑕᐃᒪᓐᓇ ᐊᒃᓱᕈᕐᓂᐅᑲᐅᑎᒋᕗᖅ ᐃᒻᒥᒃᑯᑦ. ᑭᓴᕐᕕᖕᒥ ᑐᕌᕋᓱᐊᓲᖑᕗᒍᑦ
ᒪᒃᑯᖕᓂᖅᓴᐅᔪᓄᑦ ᐃᓄᒋᐊᓄᑦ, ᑕᐃᒫᒃ 18–ᒥ 30, 35–ᒐᓚᖕᓄᑦ,” ᐅᖃᓚᐅᖅᐳᖅ ᑲᐃᔭᓐ. “ᐊᒥᓱᐃᑦ ᖁᑦᑎᒃᑐᒥ ᐃᓕᓐᓂᐊᕐᕕᖕᒥ ᐱᔭᕇᖅᓯᒪᔾᔮᙱᓚᑦ. ᐊᒃᓱᕈᕈᑎᖃᑐᐃᓐᓇᕆᐊᖃᖅᐳᑦ ᐊᖏᕐᕋᒥᓂᒃ ᕿᒪᐃᓚᐅᖅᓯᒪᙱᓐᓂᖓᓐᓂ. ᖃᐅᔨᒪᙱᓚᑦ ᑭᓱᒨᖕᒪᖔᑦ. ᐊᒃᓱᕈᕈᑎᖃᑐᐃᓐᓇᕆᐊᖃᖅᐳᑦ ᐃᓕᓐᓂᐊᕐᓂᐅᔪᒧᑦ. ᐊᒃᓱᕈᕈᑎᖃᕐᓂᐊᖅᐳᑦ ᐊᒥᓱᓂ ᑭᓱᑐᐃᓐᓇᓂᒃ ᓲᕐᓗ ᐸᐃᕆᕝᕕᖕᒧᑦ ᐅᕝᕙᓘᓐᓃᑦ ᐃᓚᒌᖑᔪᓄᑦ ᐊᒃᓱᕈᕈᑕᐅᔪᓂ. ᐊᒥᓱᐃᑦ ᖁᑦᑎᒃᑐᒧᑦ ᐃᓕᓐᓂᐊᕆᐊᓚᐅᖅᓯᒪᙱᓚᑦ.”

ᑲᐃᔭᓐ ᐅᖃᓚᐅᖅᐳᖅ ᐃᓚᖏᑦ ᑭᓴᕐᕕᖕᒥ ᐃᓕᓐᓂᐊᖅᑎᐅᔪᑦ ᑐᒃᓯᕋᓲᖑᕗᑦ ᐱᓕᕆᐊᖑᔪᓂ ᐅᕘᓇ ᖁᑦᑎᒃᑐᒥ ᐃᓕᓐᓂᐊᕐᕕᖕᒥ
ᐃᓕᓴᐃᔨᑎᒍᑦ ᑕᑯᔪᒥᒃ ᐱᔪᓐᓇᑐᐃᓐᓇᕆᐊᖃᕆᔭᐅᓪᓗᓂ ᑭᓯᐊᓂ ᒪᒃᑯᒃᑐᖅ ᐱᕕᒃᓴᖃᓚᐅᖅᓯᒪᙱᓐᓂᖓᓂ ᐃᒻᒥᓂᒃ
ᑕᑯᒃᓴᐅᑎᑦᑎᓂᖓᓄᑦ ᐱᔪᓐᓇᕐᓂᖓᓂ.

“ᑭᒡᓕᖃᕐᔪᐊᖅᖢᑕ ᐊᐅᓚᑦᑎᓂᐅᕗᒍᑦ. ᐱᓪᓚᕆᐅᑎᑦᑎᓇᓱᐊᓲᖑᕗᒍᒃ ᐊᔪᕐᓇᙱᓐᓂᓕᒫᖓᓐᓂ. ᐊᑕᐅᓯᐅᖃᑕᐅᔪᖅ ᐃᓕᑦᑎᑎᓐᓇᓱᐊᓲᕆᔭᑦᑎᓐᓂ ᑭᓴᕐᕕᒃ ᐱᓕᕆᐊᖑᔪᒥ ᐅᓇᐅᕗᖅ: ᑭᓲᕙ ᓴᓇᓂᖅ? ᐊᒥᓱᐊᓗᐃᑦ ᐃᓄᐃᑦ ᑐᑭᓯᐅᒪᙱᓚᑦ
ᓴᓇᓂᖅ ᖃᓄᖅ ᑐᑭᖃᓪᓚᕆᖕᓂᖓᓂ. ᑐᑭᖃᖅᐳᖅ ᓴᖅᑭᖃᑦᑕᕆᐊᖃᕐᓂᖏᓐᓂ ᑭᖑᕙᙱᓪᓗᑎᒃ ᖃᐅᑕᒫᑦᑎᐊᖅ.
ᑕᐃᒫᒃ ᐅᑯᐊᖑᕗᑦ ᐃᓕᑎᑦᑎᓇᓱᐊᕐᔪᐊᓲᕆᕙᕗᑦ. ᑭᓲᕙ ᓴᓇᓂᕐᒧᑦ ᐃᓕᖅᑯᓯᖃᑦᑎᐊᕋᓱᖕᓇᕐᓂᕐᒧᑦ ᐊᒻᒪ ᑭᓱᓂᒃ ᐱᔭᐅᔪᒪᕐᔪᐊᖅᐸ
ᐃᒪᕐᒥᐅᑕᓕᕆᓂᕐᒧᑦ ᐱᓕᕆᓂᕐᔪᐊᖑᓂᐅᔪᒥ,” ᐅᖃᓚᐅᖅᐳᖅ ᑲᐃᔭᓐ. ᐱᓇᓱᐊᕈᓯᕐᓂ ᒪᕐᕉᖕᓂ ᓯᕗᓂᐊᓂ–ᐱᓕᒻᒪᒃᓴᕐᓂᐅᔪᖅ
ᐱᓕᕆᐊᖑᓂᐊᖅᐳᖅ ᑲᑐᔾᔨᖃᑎᒌᖑᔪᓄᑦ ᐃᓕᓐᓂᐊᕐᕕᖓᓂ ᐃᖃᓗᖕᓂ ᓯᑎᐱᕆ 9–ᒥ 13–ᒧᑦ ᐊᒻᒪᓗᒃᑲᓐᓂᖅ ᓯᑎᐱᕆ
16–ᒥ 20–ᒧᑦ. ᑭᓴᕐᕕᒃ ᐱᓕᕆᐊᖑᔪᖅ ᐱᓕᕆᐊᖑᓂᐊᖅᐳᖅ ᐃᓕᓐᓂᐊᕐᕕᖓᓂ ᓯᑎᐱᕆ 23–ᒥ ᑎᓯᐱᕆ 13–ᒧᑦ.