ᐱᔾᔪᑎᖃᖅᑐᒧᑦ ᐃᖅᑲᓇᐃᔭᖅᑎᖃᕐᓂᕐᒧᑦ ᐊᑲᐅᙱᓕᐅᕈᑕᐅᔪᓄᑦ ᐱᑎᑕᐅᔪᓄᑦ ᓄᕙᒡᔪᐊᕐᓇᖅ-19 ᐊᒥᓱᓄᑦ ᖃᓂᒻᒪᓐᓇᐅᔪᒥ, ᐊᐅᓚᐅᓯᕆᔨᐅᔪᑦ ᖃᖅᑲᒥᐅᑦ ᒍᓛᔾᔪᖓᓂ ᐊᙳᑎᓇᓱᐊᖅᐳᑦ.

ᑕᖅᑭᓄᑦ ᒪᕐᕉᖕᓄᑦ ᑭᖑᕙᖅᓯᒪᕗᖓ,” ᐅᖃᓚᐅᖅᐳᖅ ᒪᐃᑯᓪ ᒋᐅᓪᐳᑦ, ᒍᓛᔾᔪ ᓇᖕᒥᓂᖃᖅᑎᐅᔪᖅ. “ᑕᐃᒪᓐᓇ ᓄᓇᓯᐅᑏᑦ ᐱᓂᐊᖅᐸᐃᑦ ᐱᔪᓐᓇᖅᓯᒍᕕᐅᒃ ᓄᓇᓯᐅᑏᑦ.”

ᒪᐃᑯᓪ ᒋᐅᓪᐳᑦ, ᓇᖕᒥᓂᖃᖅᑎᐅᔪᖅ ᖃᖅᑲᒥᐅᑦ ᒍᓛᔾᔪᒥᒃ, ᐅᖃᖅᐳᖅ ᑕᐃᒪᑐᖅ ᒍᓛᔾᔪᖓ ᑕᒪᒃᑭᐅᒪᔪᒥ ᐃᖅᑲᓇᐃᔭᖅᑎᖃᕐᓂᐊᕐᓂᖓᓂ ᕿᓚᒻᒥᐅᔪᒥ. Rajnesh Sharma/NNSL photo

ᖄᖏᖅᓯᒪᓕᖅᑐᓄᑦ ᐊᕐᕌᒍᓄᑦ 12−ᓄᑦ, ᒋᐅᓪᐳᑦ ᐊᒻᒪ ᑲᑎᙵᓂᕆᔭᖏᑦ ᑐᓂᓯᓯᒪᕗᑦ ᓄᓇᓯᐅᑎᓄᑦ ᐋᖅᑭᒃᓱᐃᓂᕐᒥ ᐱᔨᑦᑎᕋᕐᓂᐅᔪᒥ ᐃᖃᓗᖕᒥᐅᓄᑦ. 2010−ᒥ, ᐊᖏᒡᓕᒋᐊᖅᓯᓚᐅᖅᐳᖅ ᓇᖕᒥᓂᕆᔭᖓᓂ ᒪᕐᕈᖓᓄᑦ ᐃᓂᐅᔪᒧᑦ ᐊᑐᐃᓐᓇᖃᖅᑎᑦᑎᓂᕐᒧᑦ ᐋᖅᑭᒃᓱᐃᓂᐅᔪᒥ ᐱᔨᑦᑎᕋᕐᓂᕐᒧᑦ ᑐᒃᑐ ᑖᒃᓯᓄᑦ−ᓄᓇᓕᖕᓂ ᑖᒃᓯᓄᑦ ᐱᔨᑦᑎᕋᕐᓂᐅᔪᒥ ᐃᖃᓗᖕᓂ.

ᑎᓴᒪᓂ ᐊᐅᓚᐅᓯᖃᒐᔪᒃᐳᑦ ᐃᓚᖃᖅᑐᒥ ᒋᐅᓪᐳᑦ ᐃᖅᑲᓇᐃᔭᖅᑐᓄᑦ ᖃᖅᑲᒥᐅᑦ ᒍᓛᔾᔪᖓᓂ. ᑭᓯᐊᓂ, ᑕᐃᒪᙵᓂ ᒫᔾᔨᒥ ᓇᖕᒥᓂᕆᔭᐅᔪᖅ ᐃᖅᑲᓇᐃᔭᖅᑎᑭᓗᐊᖅᓯᒪᕗᑦ ᐱᑎᑕᐅᔪᒥ ᐊᑲᐅᙱᓕᐅᕈᑕᐅᔪᓂ ᐱᔾᔪᑎᖃᖅᑐᒥ ᓄᕙᒡᔪᐊᕐᓇᖅ-19−ᒧᑦ.

ᑕᒪᒃᑭᑦ ᒋᐅᓪᐳᑦ ᐊᒻᒪ ᐃᖅᑲᓇᐃᔭᖅᑎᐅᖃᑕᐅᔪᒥ ᕿᑲᕆᐊᖅᓯᒪᓚᐅᖅᑐᓂ ᖃᓪᓗᓈᑦ ᓄᓇᖓᓐᓂ ᒫᔾᔨᒥ, ᓵᙵᓚᐅᖅᐳᑦ ᑭᖑᕙᕆᐊᕐᓂᐅᔪᓂ ᐅᑎᕈᓐᓇᖅᓯᑎᑕᐅᓚᐅᖅᑳᕋᑎᒃ ᓄᓇᕗᒻᒧᑦ.

ᒫᔾᔨ 25−ᒥ, ᓄᓇᕗᒻᒥ ᒐᕙᒪᒃᑯᑦ ᐱᔭᕆᐊᖃᖅᑎᑦᑎᓕᓚᐅᖅᐳᑦ ᓄᓇᖃᖅᑎᐅᔪᓕᒫᓂᑦ ᓄᓇᕗᒻᒥ ᐱᔭᕇᖅᓯᓂᖏᓐᓂ ᐱᔭᕆᐊᓕᖕᒥ ᐅᓪᓗᓂ−14- ᐅᐸᒃᑕᐅᑦᑕᐃᓕᒪᓂᐅᔪᒥ ᖃᓪᓗᓈᑦ ᓄᓇᖓᓐᓂ ᓄᓇᕗᒻᒧᑦ ᐃᓯᓚᐅᖅᑳᕋᑎᒃ.

ᒋᐅᓪᐳᑦ ᐅᖃᓚᐅᖅᐳᖅ ᖃᕋᓴᐅᔭᑎᒍᑦ ᑎᑎᕋᕆᐊᖃᓚᐅᖅᐳᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᑎᓴᒪᐃᖅᓱᐸᓗᒃᑐᒥ ᐊᖏᖅᑕᐅᑕᐃᓐᓇᕐᓂᖓᓂ ᓄᓇᕗᒻᒧᑦ ᐅᑎᕐᓂᕐᒧᑦ. ᐊᒃᓱᕈᕐᓇᕐᓂᐅᔪᖅ ᖄᖏᐅᑎᒐᒥᐅᒃ, ᐱᒋᐊᓚᐅᖅᑕᖓᓂ ᐊᐃᑉᕆᓕ ᐱᒋᐊᕐᓂᖓᓂ, ᐃᖃᓗᖕᓄᑦ ᑎᑭᓚᐅᖅᐳᖅ ᒪᐃ 18−ᒥ.
ᐊᐅᓚᐅᓯᕆᔨᖓᓂ ᐊᑯᓂᐅᓂᖅᓴᒻᒪᕆᐅᓚᐅᖅᐳᖅ, ᔫᓂᒥ ᐅᑎᓚᐅᖅᑐᒥ, ᐅᖃᓚᐅᖅᐳᖅ ᓇᖕᒥᓂᖃᖅᑎᐅᔪᖅ.

ᑕᐃᒪᐃᑎᓪᓗᒍ, ᐊᑕᐅᓯᐅᔪᒥ ᐊᐅᓚᐅᓯᕆᔨᖓᓐᓂᑲᐸᓚᐅᖅᐳᖅ”ᓄᕙᒡᔪᐊᕐᓇᖅ-19−ᒧᑦ ᐊᒻᒪ ᐊᐅᓪᓚᕈᒪᓕᓚᐅᖅᐳᖅ ᓄᓇᕗᒻᒥ ᐊᐃᑉᕆᓕᒥ, ᐅᓂᒃᑳᓚᐅᖅᐳᖅ.

ᑕᐃᑲᓂ, ᐊᑕᐅᓯᑐᐊᒥ ᐊᐅᓚᐅᓯᕆᔨᒥ ᐃᖅᑲᓇᐃᔭᖅᑐᖃᓕᖅᖢᓂ ᖃᖅᑲᒥᐅᑦ ᒍᓛᔾᔪᖓᓂ, ᒋᐅᓪᐳᑦ ᐅᖃᐅᔾᔨᓚᐅᖅᐳᖅ ᐃᖅᑲᓇᐃᔭᖅᑎᓂ ᒪᑐᓯᓂᖓᓂ ᒍᓛᔾᔪᒥ.

ᒫᓐᓇᐅᔪᒥ, ᒋᐅᓪᐳᑦ ᓱᓕ ᑕᒪᒃᑭᐅᒪᔪᒥ ᐃᖅᑲᓇᐃᔭᖅᑎᑖᕋᓱᐊᖅᐳᖅ ᒍᓛᔾᔪᖓᓂ. ᓇᓂᓯᓂᕐᒥ ᐱᔪᓐᓇᑦᑎᐊᖅᑐᒥ ᐊᐅᓚᐅᓯᕆᔨᒥᒃ ᓅᑦᑐᒪᓇᔭᖅᑐᒥ ᐃᖃᓗᖕᓄᑦ ᐊᒻᒪ ᐊᑐᕐᓗᓂ ᐅᐸᒃᑕᐅᑦᑕᐃᓕᒪᓂᐅᔪᒥ ᐊᒃᓱᕈᕐᓇᖅᐳᖅ, ᐅᖃᓚᐅᖅᐳᖅ. ᐊᓱᐃᓛᒃ, ᐃᓱᒫᓘᑎᑕᖃᖅᐳᖅ ᐃᖅᑲᓇᐃᔭᓕᓵᖅᑐᖅ ᑮᓇᐅᔭᓂᒃ ᐊᑐᑦᑎᐊᕐᓂᐅᓂᐊᕐᒪᖔᑦ.

ᓄᑖᒥᒃ ᐃᖅᑲᓇᐃᔭᖅᑎᑖᕈᕕᑦ, ᐅᐸᒃᑕᐅᑦᑕᐃᓕᒪᑎᑦᑎᔭᕆᐊᖃᖅᐳᑎᑦ,” ᐅᖃᓚᐅᖅᐳᖅ ᒋᐅᓪᐳᑦ. “ᐱᓇᓱᐊᕈᓯᕐᒥ ᐱᔭᕇᖅᓯᓗᓂ, ᐅᐃᒻᒪᒡᓗᓂ ᐅᓇ ᐃᓂᐅᔪᖅ ᐅᐸᒃᓯᒪᔪᓐᓇᙱᒻᒪᒍ ᐅᕝᕙᓘᓐᓃᑦ ᐱᐅᙱᓪᓗᓂᐊᒻᒪᓗ (ᐅᕙᒍᑦ) ᑮᓇᐅᔭᑲᓪᓚᓂ ᐊᑐᖅᓯᒪᕗᒍᑦ.”

ᐃᖅᑲᓇᐃᔭᖅᑎᑭᓗᐊᕐᓂᖓᓂ ᐊᑯᓂᐅᑎᑦᑎᒃᑲᓐᓂᐅᔭᖅᐳᖅ ᐋᖅᑭᒃᓯᓇᓱᐊᕐᓂᕐᒥ ᓄᓇᓯᐅᑎᓂᑦ ᓂᐅᕕᖅᐸᒃᑐᓄᑦ.

ᒋᐅᓪᐳᑦ ᐅᖃᓚᐅᖅᐳᖅ ᐊᒃᓱᕈᖅᐸᓪᓕᐊᓕᖅᐳᖅ ᓂᐅᕕᖅᐸᒃᑐᓂ ᐅᖃᖅᑐᓂ, “‘ᓄᓇᓯᐅᑎᒐᓕ ᓇᐅᒃ? ᖃᖓ ᐋᖅᑭᐊᓂᖕᓂᐊᖅᐱᐅᒃ?’”

ᓇᖕᒥᓂᖃᖅᑎᐅᔪᖅ ᓂᕆᐅᒃᐳᖅ ᒍᓛᔾᔪᖓᓂ ᑕᒪᒃᑭᐅᒪᔪᒥ ᐃᖅᑲᓇᐃᔭᖅᑎᖃᓕᓛᕐᓂᖓᓂ ᑎᑭᑉᐸᓪᓕᐊᔪᒥ ᑕᖅᑭᐅᔪᒥ.

Advertisement

Rajnesh Sharma

Rajnesh Sharma is a Canadian journalist, who has extensively travelled the world to experience various cultures. She has lived and worked internationally over the past decade, meeting and interviewing...