ᐃᓕᓐᓂᐊᖅᑐᓕᕆᔨᒃᑯᑦ ᒥᓂᔅᑕᖓ ᑕᐃᕕᑦ ᔪᐊᓇᓯ ᖃᐅᔨᓴᖅᑑᔮᓚᐅᖅᐳᖅ ᐃᒪᕐᓂ ᐊᑭᕋᖅᑐᕐᓂᐅᔪᓂ ᐊᒻᒪ ᓇᓂᓯᓪᓗᓂ ᐆᓇᓗᐊᕐᓂᖏᓐᓄᑦ.

ᒥᓂᔅᑕ ᐅᖃᓚᐅᖅᐳᖅ ᐊᐃᑉᕆᓕ 17–ᒥ ᒪᑐᐃᖅᓯᔾᔮᙱᓐᓂᖓᓂ ᐃᓕᓐᓂᐊᕐᕕᓂᑦ. ᐹᖑᔪᑦ ᓄᓇᕗᒻᒥ ᐃᓕᓐᓂᐊᕐᕕᓂ ᒪᑐᓯᒪᐃᓐᓇᕐᓂᐊᖅᐳᑦ ᓯᑎᐱᕆᙳᕋᓱᐊᕐᓂᖓᓄᑦ.

ᐊᒥᓱᐃᑦ ᖃᓱᕚᓪᓕᓚᐅᖅᐳᑦ ᐃᓱᒪᒋᔭᐅᓪᓗᑎᒃ ᒪᒃᑯᒃᑐᓂ ᓄᓇᕗᒻᒥᐅᓄᑦ ᑭᓯᐊᓂ ᐅᖃᐅᓯᐅᓂᖅ ᑎᑭᓚᐅᖅᐳᖅ ᐃᓂᖅᑎᕆᓂᐅᔪᒥ, ᐃᓕᓴᐃᔩᑦ ᓱᓕ ᐅᑎᖁᔭᐅᕗᑦ.

ᓄᓇᕗᒻᒥ ᒐᕙᒪᒃᑯᑦ ᐊᑦᑕᓇᙱᓛᖑᔪᒥ ᖃᐃᖁᔨᓂᐅᔪᒥ ᐃᓕᓐᓂᐊᖅᑎᖏᓐᓄᑦ ᐊᒻᒪᓗ ᑕᐃᒪᐃᑦᑐᒥ ᐅᔾᔨᖅᓱᑦᑎᐊᕐᓂᐅᔪᒥ ᐱᔭᕆᐊᖃᖅᐳᑦ ᐱᑎᑦᑎᑦᑕᐃᓕᒪᓂᐅᔪᒥ ᐱᑕᖃᑐᐃᓐᓇᕆᐊᖃᕐᓂᖓᓂ ᓄᕙᒡᔪᐊᕐᓇᖅ–19–ᒥ ᐊᐃᑦᑐᐃᓂᐅᔪᒥ, ᑭᓯᐊᓂ ᖃᓄᐃᒻᒪᑦ ᐊᔾᔨᖓᓂ ᐅᔾᔪᖅᓯᑦᑎᐊᕐᓂᐅᔪᒥ ᑎᑭᐅᑎᑎᑦᑎᓂᕐᒧᑦ ᑎᑭᐅᒪᔪᓄᑦ 90–ᓂ ᐃᓕᓴᐃᔨᓄᑦ ᖃᓪᓗᓈᑦ ᓄᓇᖓᓐᓄᐊᓚᐅᖅᑐᓄᑦ ᓯᕗᓂᐊᓂ ᐊᒥᓱᓄᑦ ᖃᓂᒪᓐᓇᐅᔪᒥ?

ᔪᐊᓇᓯ ᐅᖃᓚᐅᖅᐳᖅ ᐃᓕᓴᐃᔩᑦ ᓂᕆᐅᒋᔭᐅᕗᑦ ᓴᖅᑭᑎᑦᑎᓂᖏᓐᓂ ᐸᐃᑉᐹᒧᑦ–ᑐᙵᕕᓕᖕᓂ ᐊᒻᒪ ᖃᕋᓴᐅᔭᑎᒍᑦ ᐃᓕᓐᓂᐊᖅᑎᑦᑎᓂᐅᔪᒥ ᑲᑎᙵᔪᓂ ᓇᓗᓇᐃᖅᓯᓂᕐᒧᑦ ᐃᓕᓐᓂᐊᖅᑏᑦ ᐃᖏᕐᕋᓂᖏᑦ ᐃᓕᑦᑎᓂᖏᓐᓂ ᐊᒻᒪᓗ ᐃᓚᖏᑦ ᐃᓕᓴᐃᔩᑦ ᐅᖓᓯᒃᑐᒥ ᐱᓕᕆᑐᐃᓐᓇᕆᐊᖃᖅᐳᑦ “ᐱᓕᕆᐊᖑᔪᒥ ᐱᓕᕆᐊᖑᔪᒧᑦ ᑐᙵᕕᖃᖅᑐᒥ.”

ᖃᓄᐃᒻᒪᑦ ᐃᓚᖏᑦ ᐃᓕᓴᐃᔨᐅᔪᑦ ᐱᓪᓚᕆᐅᓂᖅᓴᐅᕙᑦ ᐊᓯᖏᓐᓂ ᓱᓕ ᑐᑭᓯᓇᖅᓯᑎᑕᐅᓚᐅᙱᓚᖅ ᐊᒻᒪ ᐃᓕᓐᓂᐊᕐᓂᓕᕆᓂᕐᒧᑦ ᑲᑐᔾᔨᖃᑎᒌᖑᔪᑦ ᐅᖃᐅᔾᔨᓂᖄᓂᒃᐳᑦ ᐃᓕᓴᐃᔨᓂ ᐅᐸᒃᓯᒪᔭᖓᓃᖏᓐᓇᖁᔭᐅᕗᑦ.

ᑭᒡᒐᖅᑐᐃᔨᖏᑦ ᐃᓕᓐᓂᐊᖅᑐᓕᕆᔨᒃᑯᑦ ᓄᓇᕗᒻᒥ (CNDEA) ᐃᒃᓯᕙᐅᑕᖓ ᔨᑎᑕ ᒥᖅᑯᓵᖅ ᐅᖃᓚᐅᖅᐳᖅ ᑐᓴᒐᒃᓴᓕᐊᖑᔪᒥ ᐊᐃᑉᕆᓕ 21–ᒥ ᑲᑐᔾᔨᖃᑎᒌᖑᔪᖅ ᐱᐅᒃᓴᕐᓂᖅᓴᐅᓂᖓᓂ ᑕᒪᒃᑭᑦ ᐃᓕᓴᐃᔩᑦ ᓂᕈᐊᕈᓐᓇᕐᓂᖏᓐᓂ ᐱᓕᕆᓂᕐᒥ ᐊᖏᕐᕋᒥ, ᓇᓗᓇᐃᖅᓯᓪᓗᓂ ᐊᑦᑕᓇᔾᔭᐃᖅᓯᒪᓂᐅᔪᒥ ᓄᓇᓕᖕᒥᐅᑕᓕᒫᓄᑦ.

ᖁᐱᕐᕈᐃᑦ ᐊᐃᑦᑐᐃᓇᖅᑐᖅ ᓄᖅᑲᖓᑎᑕᐅᔭᕆᐊᖃᖅᐳᖅ ᓵᓚᖃᕐᓂᕐᒥ ᐱᕕᒃᓴᖃᕐᓂᐅᔪᓐᓇᖅᑐᒥ. ᐱᐅᓂᖅᐹᖑᔪᖅ ᐱᑎᑦᑎᑦᑕᐃᓕᒪᓂᐅᔪᒥ ᒥᑭᓛᖑᔪᒥᓪᓘᓐᓃᑦ ᐊᐃᑦᑐᐃᓂᐅᔪᒥ ᐅᓄᙱᓛᑦᑎᐊᖑᔪᒥ ᐃᓄᖃᕐᓂᖓᓂ ᐱᔪᓐᓇᕐᓂᓕᒫᖓᓐᓂ ᑎᑭᑦᑐᓄᑦ ᓄᓇᕗᒻᒧᑦ ᖃᓪᓗᓈᑦ ᓄᓇᖓᓐᓂ.

ᐊᒥᓱᐃᑦ ᐊᓯᖏᑦ ᐱᓪᓚᕆᐅᔪᓂ ᐱᓕᕆᔨᐅᔪᓂ ᑎᑭᑎᑕᐅᔭᕆᐊᖃᖅᐸᒃᐳᑦ ᐃᖃᓗᖕᓄᑦ ᐊᓯᐊᓄᓪᓘᓐᓃᑦ ᓄᓇᕗᒻᒧᑦ ᖃᐅᒻᒪᖅᑯᑎᓂᑦ ᐃᑯᒪᑎᑦᑏᓐᓇᕐᓂᕐᒧᑦ ᐊᒻᒪ ᓄᓇᕗᒻᒥ ᐊᐅᓚᑦᑎᐊᕐᓂᖓᓄᑦ. ᐅᓇ ᐅᓗᕆᐊᓇᕐᓂᐅᕗᖅ ᑭᓯᐊᓂ ᐱᔭᕆᐊᖃᓪᓚᕆᒃᑐᒥ.

ᐃᓕᓴᐃᔨᓂᑦ ᐊᑐᐃᓐᓇᐅᓂᖏᓐᓂ ᐃᓕᓐᓂᐊᖅᑎᓄᑦ ᐱᒻᒪᕆᐅᕗᖅ ᑕᐃᒫᒃ ᐃᓕᓴᐃᔩᑦ ᐱᔪᓐᓇᕐᓂᓕᒫᖓᓐᓂ ᐱᓕᕆᔭᕆᐊᖃᖅᐳᑦ ᐃᑲᔪᕈᑎᒃᓴᓂ ᐱᓯᒪᔭᖏᓐᓂ ᐊᒻᒪ ᑐᓂᓗᒋᑦ ᑕᐃᒃᑯᓄᖓ ᐱᕚᓪᓕᕈᑎᖃᕐᓂᐊᖅᑐᓄᑦ ᐊᒻᒪ ᓇᓗᓇᓗᐊᙱᓚᖅ ᑕᐃᒪᐃᑦᑐᓐᓇᕐᓂᖓᓂ ᐅᖓᓯᒃᑑᓗᑎᒃ.

ᐃᓕᓴᐃᔩᑦ ᐱᒻᒪᕆᕐᔪᐊᖑᔪᒥ ᐊᑐᕐᓂᖃᐅᑎᖃᖅᐳᑦ ᐱᓕᕆᓂᕐᒥ ᓯᕗᓂᒃᓴᒧᑦ ᓄᓇᕗᒻᒥ ᐊᒻᒪ ᐋᖅᑭᒃᓱᐃᓂᕐᒥ ᓯᕗᓕᐅᖅᑎᒃᓴᓂ ᖃᐅᒃᐸᒧᑦ, ᑭᓯᐊᓂ ᐅᑯᐊ ᐊᒃᓱᕈᕐᔪᐊᕐᓇᖅᑑᕗᖅ ᖃᓄᐃᓐᓂᐅᔪᓂ ᐊᒻᒪ ᐱᓪᓚᕆᐅᙱᓚᑦ ᓄᓇᕗᒻᒥᐅᓂ ᐊᑦᑕᓇᔾᔭᐃᖅᓯᓯᒪᓂᕐᒧᑦ.
ᑕᐃᒪᓕ ᒫᓐᓇ 25–ᐸᓗᖕᓂ ᐃᓕᓴᐃᔨᓂᑦ 93–ᖑᔪᓂ ᓄᓇᕘᑉ ᓯᓚᑖᓃᑦᑐᓄᑦ ᐊᒥᓱᓄᑦ ᖃᓂᒪᓐᓇᐅᔪᒥ, ᐃᓯᖅᓯᒫᓂᓕᖅᐳᑦ ᐅᐸᒃᑕᐅᑦᑕᐃᓕᒪᓂᐅᔪᒧᑦ ᖃᓪᓗᓈᑦ ᓄᓇᖓᓐᓂ ᐸᕐᓇᒃᐸᓪᓕᐊᓂᕐᒧᑦ ᐅᑎᕐᓂᕐᒧᑦ.

ᓄᓇᕗᑦ ᑰᕕᑦ–ᖃᙲᓐᓇᕋᓗᐊᕈᑎᒃ ᐊᒥᐊᒃᑯᖓᓂ ᐊᒥᓱᓄᑦ ᖃᓂᒪᓐᓇᐅᔪᒥ, ᐃᓕᓴᐃᔨᓂᑦ ᐅᑎᖅᑎᕆᑎᑦᑎᓂᐅᔪᒥ ᓅᓐᓂᐅᓇᔭᖅᐳᖅ ᑐᕌᖓᓂᓕᖕᒥ ᐊᓯᐊᒎᖅᑐᒥ ᒐᕙᒪᒃᑯᑦ ᓇᖕᒥᓂᖅ ᐅᖃᐅᔾᔨᓂᖓᓐᓂ.

ᐊᑦᑕᓇᙱᓛᖑᔪᖅ ᐃᓕᓴᐃᔨᑦ ᓄᓇᕘᑉ ᓯᓚᑖᓃᖏᓐᓇᕐᓂᖏᓐᓂ ᐊᒻᒪ ᐱᓕᕆᓗᑎᒃ ᐅᖓᓯᒃᑐᒥ ᑭᓯᐊᓂ ᐊᐅᓪᓛᕐᓂᖅ ᑲᓇᑕᐅᑉ ᐃᓗᐊᓂ ᐃᓱᒪᒋᔭᐅᓕᕈᓂ ᐊᑦᑕᕐᓇᕈᓐᓃᕐᓂᖓᓂ.

Advertisement