ᐃᓄᑐᖃᕐᓂ ᖃᓄᐃᙱᑦᑎᐊᖅᑎᑦᑎᓇᓱᐊᕐᓂᕐᒧᑦ ᐊᒃᓱᕈᕈᑕᐅᖏᓐᓇᖅᐳᖅ

62
Advertisement
office-of-the-language-com-of-nun

ᐅᓇᑕᕐᓂᐅᔪᖅ ᑐᕌᖓᔪᓂᑦ ᓄᓇᕘᑉ-ᐃᓗᐊᓂ, ᐊᑯᓂᐅᔪᒃᑯᑦ ᐸᖅᑭᕕᒃᓴᒥ ᐃᓄᑐᖃᕐᓄᑦ ᐱᓕᕆᐊᖑᓇᓱᐊᖅᓯᒪᕗᖅ ᐊᕐᕌᒍᒐᓴᓄᑦ.

Lydia Palluannuk tries her hand at bocce on the turf at the Iglulik arena. In the background, from left, are community health representative Lucy Sarpinak, standing, and Sirpaapik Ammaklak, Martha Qattalik, Theo Ikkumaq and Leonie Qrunnut. Jose Quezada photo
ᒫᑎᓚᐃ ᐃᕙᓗ ᐱᓕᕆᖃᑕᐅᕗᖅ ᐱᙳᐊᕐᓂᐅᔪᒥ bocce-ᒥ ᓇᑎᖓᓐᓂ ᐃᒡᓗᓕᖕᒥ ᐊᓐᓂᑭᑕᕐᕕᖓᓂ ᓯᑎᐱᕆᒥᐅᓚᐅᖅᑐᒥ. ᑐᓄᐊᓂ ᓴᐅᒥᖕᒥ, ᒫᑕ ᖃᑦᑕᓕᒃ, ᑎᐅ ᐃᑯᒻᒪᖅ, ᓕᐅᓂ ᖁᓐᓄᑦ ᐊᒻᒪ ᓖᑎᐊ ᐸᓪᓗᐊᐃᓐᓄᒃ. ᐃᒡᓗᓕᒃ ᒫᓐᓇᓕᓴᒥ ᑮᓇᐅᔭᖃᖅᑖᖅᑎᑕᐅᓚᐅᖅᐳᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐃᓄᑐᖃᓕᕆᔨᒥᑦ ᐊᖏᒡᓕᒋᐊᖅᑎᑦᑎᓂᕐᒧᑦ ᐱᙳᐊᕐᓂᕐᒧᑦ ᐊᒻᒪ ᐃᓅᖃᑎᒌᖕᓂᕐᒧᑦ ᐊᑐᐃᓐᓇᖃᖅᑎᑦᑎᓂᐅᔪᒥ ᓄᓇᓕᖕᓄᑦ ᐃᓄᑐᖃᖏᓐᓄᑦ.

ᓄᓇᕗᒻᒥ ᐃᓄᑐᖃᖏᓐᓄᑦ ᑲᑐᔾᔨᖃᑎᒌᖑᔪᑦ ᐃᑲᔪᖅᓱᐃᑦᑎᐊᖅᐳᑦ ᐃᓱᒪᓂᐅᔪᒥ.

“ᓱᓕ ᕿᒻᒪᑰᕕᒡᔪᐊᖅᐳᒍᑦ ᐅᖃᐅᓯᕆᓪᓗᒍ ᐊᑯᓂᐅᔪᒃᑯᑦ ᐸᖅᑭᓂᕐᒧᑦ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓇᖁᓪᓗᒋᑦ,” ᐅᖃᓚᐅᖅᐳᖅ ᓛᓴᓘᓯ ᐋᕆᐊᖅ, ᑲᑐᔾᔨᖃᑎᒌᖑᔪᑦ ᐊᖓᔪᖅᑳᖓ.

ᓄᓇᕗᑦ 44-ᓂ ᐊᑯᓂᐅᔪᒃᑯᑦ ᐸᖅᑭᔭᐅᓂᕐᒧᑦ ᐃᒡᓕᖃᖅᐳᑦ ᓇᒦᕈᓘᔭᖅᑐᓂ ᐃᖏᕐᕋᐃᓐᓇᖅᑐᓂ ᐸᖅᑭᓂᕐᒧᑦ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐊᒻᒪ ᐃᓄᑐᖃᒃᑯᕕᖕᓂ ᐊᖏᕐᕋᕆᔭᐅᔪᓂ ᐃᖃᓗᖕᓂ, ᐊᕐᕕᐊᑦ, ᐃᖃᓗᒃᑑᑦᑎᐊᖅ, ᐃᒡᓗᓕᒃ ᐊᒻᒪ ᐅᖅᓱᖅᑑᒥ. ᑕᒪᒃᑭᑦ ᐃᒡᓖᑦ ᑕᑖᖅᐳᑦ, ᐅᖃᐅᓯᐅᓪᓗᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ.

ᐃᓂᒃᑲᓴᖃᕐᓇᓂ ᐃᓕᔭᐅᓂᖏᓐᓄᑦ ᓄᓇᕗᒻᒥ, ᖃᓂᒋᔭᖓᓂ 30-ᓂ ᐊᓯᖏᓐᓂ ᓄᓇᕗᒻᒥᐅᓂ ᐃᓄᑐᖃᐃᑦ ᓅᑕᐅᓯᒪᕗᑦ ᐊᒻᐸᓯ ᐱᓇᖕᓇᕐᒧᑦ ᐃᓄᑐᖃᕐᓄᑦ ᐆᒪᓂᖓᓐᓄᑦ ᐋᑐᕚᒧᑦ.

ᓯᕗᓕᖅᑎ ᔫ ᓴᕕᑲᑖᖅ ᒫᓐᓇᓕᓴᒥ ᐅᖃᐅᔾᔨᓚᐅᖅᐳᖅ ᓄᓇᕗᒻᒥ ᑐᓴᒐᒃᓴᓕᕆᔨᒃᑯᓐᓂ ᐊᑯᓂᐅᔪᒃᑯᑦ ᐸᖅᑭᕝᕕᒃᓴᒥ ᐃᒡᓗᕐᔪᐊᕐᒥ ᐃᓚᒋᔭᐅᓂᖓᓂ ᖁᑦᑎᓛᖑᔪᒥ ᓯᕗᓪᓕᐅᔾᔭᐅᖁᔭᐅᓂᐅᔪᓂ, ᑭᓯᐊᓂ ᓇᓗᓇᐃᖅᓯᓚᐅᖅᐳᖅ ᒐᕙᒪᑐᖃᒃᑯᓐᓂ ᑮᓇᐅᔭᖃᖅᑎᑕᐅᓂᖓ ᐱᒻᒪᕆᐅᕗᖅ ᐊᒻᒪ ᐱᓕᕆᐊᒃᓴᖅ ᓱᓕ ᐊᕐᕌᒍᒐᓵᓘᔪᓐᓇᖅᐳᖅ.

ᓵᓐᑎ ᑲᐅᓐᓇᖅ, ᐃᓱᒻᒥᖅᑎᐅᓚᐅᑲᒃᑐᖅᓄᓇᕗᒻᒥ ᐃᓄᑐᖃᖏᓐᓄᑦ ᑲᑐᔾᔨᖃᑎᒌᖑᔪᑦ, ᐅᖃᓚᐅᖅᐳᖅ ᑕᑯᔪᒪᓇᔭᕐᓂᖓᓂ ᓄᓇᕗᒻᒥ ᒐᕙᒪᒃᑯᓐᓂ ᐱᓕᕆᔨᐅᔪᑦ ᐅᑎᕐᕕᒋᔭᖃᕐᓂᕐᒥ ᐃᓚᒋᔭᐅᔪᓄᑦ ᐊᑭᓕᖅᓱᖅᑕᐅᓇᑎᒃ ᐸᖅᑭᓲᖑᔪᓂ ᐃᓄᑐᖃᒥᓂᑦ.

ᐃᓄᐃᑦ ᐃᖅᑲᓇᐃᔮᒥᓂᑦ ᕿᒪᐃᓲᖑᕗᑦ ᐸᖅᑭᓂᕐᒧᑦ ᐃᓄᑐᖃᓂᑦ ᐊᖏᕐᕋᒥᑦ. ᐅᓇ ᐃᓚᒋᐊᖅᓯᓇᔭᖅᐳᖅ ᐃᓚᑰᓂᐅᔪᒥ,” ᐅᖃᓚᐅᖅᐳᖅ ᖃᐅᓐᓇᖅ. “ᐅᑯᐊ (ᓄᓇᕗᒻᒥ ᒐᕙᒪᒃᑯᑦ) ᐊᑐᓕᖅᑎᑦᑎᓐᓂᕈᑎᒃ ᐸᖅᑭᓂᐅᔪᒥ ᐱᓕᕆᐊᖑᔪᒥᓄᓇᑦᓯᐊᖅ ᑕᐃᒪᐃᑉᐳᑦ ᐅᖃᓪᓚᒃᑎᓪᓗᑕ. ᐊᑐᖅᐸᖓᑦ ᐃᓐᓄᒍᓐᓇᖅᑎᑦᑎᓂᕐᒧᑦ ᓄᓇᓕᐅᑉ ᐃᓗᐊᓂ. ᐸᖅᑭᔨᐅᔪᑦ ᑐᓂᔭᐅᓲᖑᕗᑦ ᐅᑎᖅᑎᕝᕕᐅᓲᖑᕗᑦ ᑮᓇᐅᔭᓂᒃ ᐃᑲᔪᖅᓱᐃᓂᕐᒧᑦ ᐃᓄᑐᖃᕐᓂ ᐃᓚᒌᖑᔪᓄᑦ ᓄᓇᓕᖕᓂᓪᓘᓐᓃᑦ.”

ᐃᓱᒫᓘᑎᒃᑲᓐᓂᐅᔪᖅ ᐃᓄᑐᖃᕐᓄᑦ, ᐃᓚᖏᑦ ᐃᓄᒃᑎᑐᑐᐊᖅ ᐅᖃᖅᑎᐅᓪᓗᑎᒃ, ᐱᑕᖃᙱᓚᐅᑲᖕᓂᐅᔪᒥ ᑐᓵᔨᓂᑦ ᐃᓅᓕᓴᖅᑕᐅᓂᕐᒧᑦ ᐃᒡᓗᕐᔪᐊᖑᔪᓂ ᓄᓇᕘᑉ ᐃᓗᐊᓂ ᐊᒻᒪ ᖃᓪᓗᓈᑦ ᓄᓇᖓᓐᓂ, ᐅᖃᐅᓯᐅᓪᓗᓂ ᐋᕆᐊᕐᒧᑦ ᐊᒻᒪ ᖃᐅᓐᓇᕐᒧᑦ.

ᐊᑕᐅᓯᖅ ᐱᓕᕆᐊᖑᔪᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓕᓯᓯᒪᓂᖓᓂ ᑕᒪᒃᑭᓄᑦ ᓄᓇᕗᒻᒥ ᐃᓄᑐᖃᕐᓄᑦ ᐊᖏᕐᕋᒥ ᐊᒻᒪ ᓄᓇᓕᖕᓂ ᐸᖅᑭᓂᐅᔪᒥ, ᓴᓇᓯᒪᔪᖅ ᑐᓂᓯᓂᕐᒥ ᐃᑲᔪᖅᓱᐃᓂᕐᒥ ᐃᓄᑐᖃᐃᑦ ᓇᖕᒥᓂᖅᓱᕈᓐᓇᕐᓂᐊᕐᒪᑕ ᐊᖏᕐᕋᖓᓂ.

ᐱᔨᑦᑎᕋᕐᓂᐅᔪᖅ ᐃᓚᖃᖅᐳᖅ ᐃᒡᓗᖓᓐᓂ ᓴᓗᒻᒪᖅᓴᐃᓂᕐᒥ, ᐃᑲᔪᖅᓱᐃᓂᕐᒥ ᓂᕿᓕᐅᕐᓂᕐᒥ ᐊᒻᒪ ᓂᕿᓂᑦ, ᐃᑲᔪᕐᓂᕐᒧᑦ ᐅᕕᓂᖕᓂᐊᕐᓂᕐᒧᑦ ᐊᒻᒪ ᐊᓐᓄᕌᖅᑐᕐᓂᕐᒧᑦ, ᑲᐱᔭᐅᓂᕐᓂ ᐊᒻᒪ ᒪᑦᑐᑎᓂ ᐊᓯᔾᔩᓂᕐᓄᑦ, ᕿᑲᓚᐅᑲᒃᑎᑦᑎᓂᕐᒥ ᐃᓚᒋᔭᐅᔪᓄᑦ ᑐᓂᓯᕙᒃᑐᓂ ᐸᖅᑭᓂᐅᔪᒥ ᐊᒻᒪ ᐃᓅᓯᖃᓕᖅᑎᑕᐅᑦᑎᐊᕋᓱᐊᖅᑐᓄᑦ ᐃᖃᐃᓕᓴᕐᓂᐅᔪᓂᑦ.

ᐊᕐᕌᒍᒥ ᑕᑯᒐᔪᒃᐳᑦ 1,000-ᓂ ᓄᓇᕗᒻᒥᐅᓂ ᐱᔪᓂᒃ ᐊᖏᕐᕋᒥ ᐸᖅᑭᔭᐅᓂᕐᒧᑦ ᐱᔨᑦᑎᕋᕐᓂᐅᔪᒥ, ᐅᖃᐅᓯᐅᓪᓗᓂ ᓯᑏᕙᓐ ᔮᒃᓴᓐ, ᓄᓇᕗᒻᒥ ᑐᑭᒧᐊᒃᑎᑦᑎᔨ ᐊᖏᕐᕋᒥ, ᓄᓇᓕᖕᓂ ᐊᒻᒪ ᐃᖏᕐᕋᐃᓐᓇᖅᑐᒥ ᐸᖅᑭᓂᐅᔪᒧᑦ.

ᐊᖏᕐᕋᒥ ᐸᖅᑭᓂᐅᔪᒥ ᐱᔨᑦᑎᕋᕐᓂᖅ ᐊᑐᐃᓐᓇᐅᕗᑦ ᐊᑐᓂ ᓄᓇᓕᐅᔪᓂᑦ, ᐱᔭᕆᐊᖃᕌᖓᑕ,” ᔮᒃᓴᓐ ᐅᖃᓚᐅᖅᐳᖅ. “ᓇᓗᓇᐃᖅᑕᐅᓯᒪᔪᒥ ᓄᓇᓕᐅᔪᒥ ᐋᖅᑭᒃᑕᐅᓯᒪᔪᒥ ᐱᓕᕆᐊᖃᙱᒃᑯᓂ ᐊᒻᒪ ᐱᔨᑦᑎᕋᕐᓂᕐᒧᑦ ᐱᔭᕆᐊᖃᕈᑎᒃ, ᐋᖅᑭᒃᓱᐃᓂᖃᓲᑦ ᑭᐅᓂᕐᒧᑦ ᐊᖏᕐᕋᒥ ᐸᖅᑭᔭᐅᓂᕐᓄᑦ ᐱᔭᕆᐊᖃᕐᓂᐅᔪᓂ ᐃᓄᑐᐃᓐᓇᕐᒧᑦ.”

ᐃᓚᖏᑦ ᓄᓇᓕᐅᔪᑦ ᐱᓇᓱᐊᕈᓯᑕᒫᒥ ᐱᙳᐊᕐᓂᖃᖅᑎᑕᐅᓲᖑᕗᑦ ᐃᓄᑐᖃᕐᓄᑦᑲᑎᓐᓂᐅᔪᓂ ᑏᑐᖃᑎᒌᖕᓂᕐᒧᑦ, ᐱᓗᐊᖅᑐᒥᑭᓯᐊᓂ ᐊᓯᖏᑦ ᓄᓇᓕᐅᔪᑦ ᑕᐃᒪᐃᓲᖑᙱᓚᑦ, ᐋᕆᐊᖅ ᐅᖃᓚᐅᖅᐳᖅ. ᐃᖃᓗᖕᓂ, ᐆᒃᑑᑎᒋᓗᒍ, ᐳᐃᔾᔪᕋᕐᕕᒃ ᐃᒡᓗᕈᓯᕋᓛᖃᖅᐳᖅ ᑐᕌᖓᔪᒥ ᐃᓄᑐᖃᕐᓄᑦ ᐊᑐᖅᑕᐅᔪᒃᓴᐅᑕᐅᓪᓗᓂᑭᓯᐊᓂ ᒫᓐᓇ ᐊᑐᖅᑕᐅᙱᓚᖅ,” ᐅᖃᓚᐅᖅᐳᖅ.

ᐅᖃᐅᓯᐅᓂᖓᓂ, ᑭᙵᐃᑦ ᐊᑑᑎᖃᖅᓯᒪᕗᑦ ᓄᑖᖑᔪᒥ ᕿᓐᓄᐊᔪᐊᖅ ᐃᓕᖅᑯᓯᖃᕐᕕᖓᓐᓂ ᑲᒪᒋᔭᖃᕐᓂᕐᒧᑦ ᐃᓄᑐᖃᕐᓂ ᑲᑎᓐᓂᐅᔪᓂᑦ ᑕᖅᑭᖅ ᐊᑕᐅᓯᐅᓪᓗᐊᖅᑐᒥ. ᑲᖏᖅᖠᓂᖅ ᐊᒻᒪ ᖃᒪᓂᑦᑐᐊᖅ ᐃᒡᓗᕐᔪᐊᖃᑦᑎᐊᖅᑐᐊᓘᕗᑦ ᐊᒻᒪᐅᔭᐅᕆᓪᓗᑎᒃ ᐱᓕᕆᐊᖑᔪᓂᑦᐃᓄᑐᖃᕐᓄᑦ, ᐋᕆᐊᖅ ᐃᓚᒋᐊᖅᓯᓚᐅᖅᐳᖅ.

ᐃᒡᓗᓕᖕᒥ, ᖃᓄᐃᙱᑦᑎᐊᕐᓂᐅᔪᒥ ᐱᓕᕆᐊᖑᔪᓄᑦ ᑮᓇᐅᔭᖃᖅᑎᑕᐅᓂᐅᔪᓂ ᐱᔭᐅᓵᓚᐅᖅᐳᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐃᓄᑐᖃᓕᕆᔨᒥᒃ. ᐸᕐᓇᐅᑎᑕᖃᖅᐳᖅ ᐱᒋᐊᕐᓂᐊᕐᓂᕐᒧᑦ ᐃᓄᑐᖃᕐᓄᑦ ᐱᙳᐊᕐᓂᐅᔪᓂᑦ ᐱᒋᐊᓂᐊᕐᓗᓂ ᑕᒪᑐᒪᓂ ᑕᖅᑭᐅᔪᒥ, ᐅᖃᓚᐅᖅᐳᖅ ᐱᙳᐊᖅᑐᓕᕆᔨ ᒐᑎᕼᐃᓚ ᑯᐃᓴᑕ. ᐃᓄᑐᖃᕐᓄᑦ ᖃᓄᐃᓐᓂᐅᔪᓂ ᐱᓕᕆᐊᖑᓚᐅᖅᑐᓂ ᐊᕐᕌᓂ ᐃᒡᓗᓕᖕᒥ ᐃᓚᖃᓚᐅᖅᐳᖅ bocce-ᒥ, ᐱᒋᐊᕐᓂᐅᔪᒥ ᖃᕋᓴᐅᔭᓄᑦ ᐊᒻᒪ ᑏᑐᖃᑎᒌᖕᓂᕐᒥ ᐱᙳᐊᖅᖢᑎᒡᓗ.

ᐃᓄᑐᖃᕐᓂ ᐱᕕᒃᓴᖃᖁᓚᐅᕆᕙᕗᑦᑕᐅᖅ, ᐱᙳᐊᕐᖅᑎᑦᑎᓂᒃᑯᑦ,” ᑯᐃᓴᑕ ᐅᖃᓚᐅᖅᐳᖅ.

Advertisement
728x90-sample-leaderboard
canarctic.leaderboard