ᐊᕐᕕᐊᕐᒥᐅᑕᑦ ᓯᕗᓪᓕᖅᐹᖑᓂᐊᖅᑐᑦ ᑭᕙᓪᓕᕐᒥ ᑲᐱᔭᐅᖃᑦᑕᕐᓂᐊᖅᑐᓂᒃ ᓄᕙᒡᔪᐊᕐᓇᖅᑐᒥᒃ ᐱᑦᑕᐃᓕᒪᔾᔪᑎᒥᒃ ᑲᐴᕆᕙᓪᓕᐊᓂᐊᖅᑎᓪᓗᒋᑦ ᓄᓇᖓᓂ ᖃᐅᒃᐸᑦ, ᔭᓄᐊᕆ 14-ᒥ, ᐊᒻᒪᓗ ᔭᓄᐊᕆ 15, 16 ᐊᒻᒪᓗ 18-ᒥ.

ᑲᐴᑎ ᓄᕙᒡᔪᐊᕐᓇᖅᑖᖅᑕᐃᓕᒪᔾᔪᑎ ᒪᕐᕈᐃᖅᑕᖅᖢᓂ ᑲᐱᔭᐅᓐᓇᖅᑐᖅ ᓯᕗᓪᓕᖅᐹᒥ ᑲᐱᔭᐅᔪᖃᕐᓗᓂ ᐊᒻᒪᓗ 28 ᐅᑉᓗᑦ ᓈᑉᐸᑕ ᑲᐱᔭᐅᒃᑲᓐᓂᕐᓗᓂ, ᐊᑭᖃᔾᔮᙱᑦᑐᖅ ᑕᒪᐃᓐᓄᑦ ᓄᓇᕗᒥᐅᓄᑦ 18-ᓂᒃ ᐅᑭᐅᓕᖕᓄᑦ ᐅᖓᑖᓄᓪᓗ.

ᓄᓇᕗᒥ ᓯᕗᓕᖅᑎ ᔫ ᓴᕕᑲᑖᖅ ᐅᖃᖅᖢᓂ ᓄᕙᒡᔪᐊᖅᑖᖅᑕᐃᓕᔾᔪᑎ ᑲᐴᑎ ᐅᓗᕆᐊᓇᙱᑦᑐᕉᖅ ᐊᒻᒪᓗ ᑕᒪᕐᒥᒃ ᐃᓄᐃᑦ ᑐᑭᓯᓇᓱᖁᔭᖏᑦ ᑲᐴᑎᐅᑉ ᒥᒃᓵᓄᑦ ᑐᕌᖓᔪᓂᒃ ᑕᖅᑳᓂ ᐅᖃᐅᓯᐅᔪᓂᒃ ᒪᓕᑐᐃᓐᓇᙱᓪᓗᑎᒃ ᐅᓗᕆᐊᖅᓵᕆᔪᓂᒡᓗ.

ᑐᓴᒐᒃᓴᖅ ᓴᖅᑭᑎᑕᐅᑎᓪᓗᒍ, ᓇᓗᓇᐃᖅᓯᓚᐅᙱᑦᑐᑦ ᖃᖓᓪᓚᑦᑖᖅ ᐊᓯᖏᑦ ᐊᕐᕕᓂᓖᑦ ᓄᓇᓖᑦ ᑭᕙᓪᓕᕐᒥ ᑲᐳᖅᑕᐅᕙᓪᓕᐊᓂᐊᕐᒪᖔᑕ ᖃᒪᓂ’ᑐᐊᕐᒥᐅᑦ, ᐃᒡᓗᓕᒑᕐᔪᖕᒥᐅᑦ, ᓴᓪᓕᕐᒥᐅᑦ, ᓇᐅᔮᕐᒥᐅᑦ, ᑲᖏᖅᖠᓂᕐᒥᐅᑦ ᐊᒻᒪᓗ ᑎᑭᕋᕐᔪᐊᕐᒥᐅᑦ.

ᑲᐱᔭᐅᔭᕆᐊᖃᓪᓚᑦᑖᖅᑐᑎᑦᓚᔭᐅᔪᖃᔾᔮᙱᑦᑐᖅ (ᑲᐱᔭᐅᔪᒪᙱᑦᑐᑦ ᐃᓱᒪᖅᓱᖅᑐᑦ), ᑕᒪᓐᓇ ᐆᒃᑐᕋᐅᑕᐅᓚᐅᖅᑐᖅ 30,000-ᓄᑦ ᐃᓄᖕᓄᑦ ᐊᒻᒪᓗ ᐊᑑᑎᖃᑦᑎᐊᕐᓂᕋᖅᑕᐅᔪᖅ 94%-ᖏᓐᓄᑦ ᓄᕙᒡᔪᐊᕐᓇᖅᑐᒥ ᐱᔪᓐᓇᐃᓪᓕᑎᑕᐅᔾᔪᑕᐅᔪᖅ ᐊᒻᒪᓗ ᐋᓐᓂᐊᓕᕈᑕᐅᓗᐊᕌᓗᖕᓇᓂ.

ᑲᐴᑎ ᒫᓐᓇᐅᔪᖅ ᐊᖏᖅᑕᐅᓯᒪᙱᑦᑐᖅ ᑲᐴᑕᐅᓇᔭᕐᓂᖓᓄᑦ ᐅᑭᐅᓕᖕᓄᑦ 18 ᑐᖔᓂ.

ᓄᓇᕗᒥ ᒐᕙᒪᒃᑯᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᖏᑦ ᐃᖅᑲᐃᑎᑦᑎᓇᓱᒃᑐᑦ ᑕᒪᐃᓐᓂᒃ ᓄᓇᕗᒥᐅᓂᒃ, ᑲᐱᔭᐅᖅᑳᕐᓇᑎᒃ, ᐱᒻᒪᕆᐅᔪᖅ ᐅᖃᖃᑎᖃᕆᐊᒃᓴᖅ ᐋᓐᓂᐊᖃᕐᓇᙱᑦᑐᓕᕆᔨᓂᒃ ᓯᖓᐃᒍᕕᑦ, ᐊᒫᒪᒃᑎᑦᑎᖃᑦᑕᕈᕕᓪᓗ ᓄᑕᕋᓛᕐᓂᒃ, ᐋᓐᓂᐊᖃᕈᕕᓪᓘᓐᓃᑦ, ᐱᕙᓪᓕᐊᓂᒃᑯᓪᓗ ᐋᓐᓂᐊᕐᓂᖃᕈᕕᑦ, ᐅᕝᕙᓘᓐᓃᑦ ᑲᐴᑎ ᓈᒻᒪᙱᓐᓇᔭᖅᐸᑦ ᐃᓕᖕᓄᑦ.

ᓯᕗᓕᖅᑎ ᔫ ᓴᕕᑲᑖᖅ ᐅᖃᖅᖢᓂ ᓄᓇᕗᑦ ᒐᕙᒪᒃᑯᖏᑦ ᑲᐱᓯᖃᑦᑕᕆᐊᓚᐅᕐᒪᑕ ᐃᖃᓗᖕᓂ ᐃᓐᓇᐃᑦ ᐃᒡᓗᖁᑎᒋᔭᖏᓐᓂᕐᒥᐅᑕᓂᒃ ᔭᓄᐊᕆ 6-ᒥ.

ᓯᕗᓕᖅᑎ ᐃᓕᑕᖅᓯᓯᒪᔪᖅ ᐱᓕᕆᕐᔪᐊᖅᓯᒪᔪᓂᒃ ᐊᒻᒪᓗ ᐱᓕᕆᑦᑎᐊᖅᓯᒪᔪᓂᒃ ᑲᒪᒋᐊᖅᑳᕐᓇᓂ ᐃᓱᒫᓘᑕᐅᓯᒪᔪᓂᒃ ᐅᖃᐅᓯᐅᖃᑦᑕᖅᑐᓂᒃ ᖃᕆᑕᐅᔭᒃᑯᑦ ᐅᖃᖃᑎᒌᒡᕕᒃᑯᑦ.

ᐊᒥᓲᖕᒪᑕ ᐅᖃᐅᓯᐅᖃᑦᑕᖅᓯᒪᔪᑦ ᐃᓱᒫᓘᑕᐅᖃᑦᑕᖅᓯᒪᔪᓪᓗ (ᓴᖅᑭᑎᑕᐅᓯᒪᔪᑦ) ᖃᕆᑕᐅᔭᒃᑯᑦ ᒫᓐᓇᓵᖑᓯᒪᔪᖅ ᑲᐱᔭᐅᖃᑦᑕᕐᓂᐅᑉ ᒥᒃᓵᓄᑦ, ᐊᒻᒪᓗ ᓱᖕᒪᑦ ᑲᐱᔭᐅᖃᑕᐅᓯᒪᙱᒻᒪᖔᕐᒪ ᒫᓐᓇᐅᔪᖅ.” ᑕᐃᒪᓐᓇ ᐅᖃᖅᖢᓂ ᓴᕕᑲᑖᖅ.

“ᑭᐅᔾᔪᑎᒃᓴᕋ ᓇᓗᓇᙱᑦᑎᐊᖅᑐᖅ. ᐅᕙᖓ ᓱᓕ ᐱᔭᕆᐊᖃᖅᓯᒪᙱᓐᓇᒪ.

“ᐋᓐᓂᐊᓕᖅᓴᕋᐃᑦᑐᑦ − ᐃᓐᓇᑐᖃᖁᑎᑯᓗᒃᐳᓪᓗ − ᓯᕗᓪᓕᖅᐸᐅᑎᓐᓇᓱᒃᑕᖅᐳᑦ ᓄᕙᒡᔪᐊᖅᑖᖅᑕᐃᓕᒪᔾᔪᑎᒃᑯᑦ ᑲᐱᔭᐅᔪᓐᓇᖁᑉᓗᒋᑦ.

“ᐅᓗᕆᐊᓇᖅᑐᒦᖏᓐᓇᒪ. ᐋᓐᓂᐊᖃᕐᓇᖓᓗ. ᐊᒻᒪᓗ, ᖀᖃᕋᓗᐊᖅᖢᖓ, ᐃᓐᓇᑐᖃᐅᙱᓐᓇᒪ.”

ᓴᕕᑲᑖᖅ ᐅᖃᖅᖢᓂ ᑲᐴᑎᒎᖅ ᖃᐅᔨᓴᖅᑕᐅᓯᒪᓪᓚᕆᒃᓯᒪᔪᖅ ᓄᓇᕐᔪᐊᕐᒥ ᐅᓗᕆᐊᓇᖅᑑᖁᓇᒍ ᐊᑑᑎᖃᑦᑎᐊᖁᑉᓗᒍᓗ.

ᑕᒪᕐᒥᒃ ᐃᓄᐃᑦ ᑐᑭᓯᓇᓱᖁᔭᒃᑲ ᑲᐴᑎᐅᑉ ᒥᒃᓵᓄᑦ ᑐᕌᖓᔪᓂᒃ ᑕᖅᑳᓂ ᐅᖃᐅᓯᐅᔪᓂᒃ ᒪᓕᑐᐃᓐᓇᙱᓪᓗᑎᒃ ᐅᓗᕆᐊᖅᓵᕆᔪᓂᒡᓗ.

“ᐊᒻᒪᓗ, ᑕᐃᒪᓐᓇ ᓱᓕ, ᐳᐃᒍᖅᑕᐃᓕᒋᑦᑎ ᐋᓐᓂᐊᖃᕐᓇᙱᑦᑐᓕᕆᓂᒃᑯᑦ ᐊᑐᖅᑕᐅᔭᕆᐊᓖᑦ ᐃᓱᓕᔾᔮᙱᒻᒪᑕ ᕿᓚᒥᐅᔪᒃᑯᑦ.

“ᐊᒡᒐᑉᑎᓐᓂᒃ ᐃᕐᒦᓐᓇᕆᐊᖃᖅᑐᒍᑦ, ᐅᖓᓯᒌᒡᔫᒥᖃᑦᑕᕐᓗᑕᓗ, ᒪᑐᐊᕐᓂᒡᓗ ᐊᑐᖃᑦᑕᐃᓐᓇᕐᓗᑕ ᐊᒻᒪᓗ ᐅᔾᔨᖅᑐᐃᓐᓇᕐᓗᑕ.

“ᑲᐴᑎ ᐃᓱᓕᑦᑎᔾᔮᙱᒻᒪᑦ ᓄᕙᒡᔪᐊᕐᓂᖅ−19-ᒥᒃ. ᑕᒪᓐᓇ ᐱᕙᓪᓕᐊᔾᔪᑕᐅᖕᒪᑦ ᓵᓚᖃᕈᓐᓇᖁᑉᓗᑕ ᓄᕙᒡᔪᐊᕐᓂᕐᒥᒃ. ᖃᓄᐃᙱᑦᑎᐊᕋᓱᒋᑦᑎ, ᐋᓐᓂᐊᓕᖅᑕᐃᓕᓇᓱᖃᑦᑕᕐᓗᓯ ᐊᒻᒪᓗ ᐅᔾᔨᖅᑐᑦᑎᐊᕐᓗᓯ ᓄᓇᖅᑲᑎᕗᑦ ᐱᔾᔪᑎᒋᓗᒋᑦ.”

Advertisement

Darrell Greer

Darrell Greer is Editor of Kivalliq News

Leave a comment

Your email address will not be published. Required fields are marked *